المشاهير والارتزاق في الازمات

[alshammari]

سلام عليكم

من اول يوم للازمة الخليجية وظهرت الابواق في كل مكان بين مدافع عن حق وبين مطبل وبين من يذر الرماد بالعيون

بروبجاندا اعلامية هائلة صاحب هالازمة بشكل غير مسبوق

وللاسف معظم المشاهير اتخذها كمصدر رزق ومش هنا المشكلة

باختصار اللي بوصل له اكثر من مشهور احدهم ادعى الحياد مثل ماقال الشيخ صباح وبعد كم شهر قلب على قطر

والاخر اول الازمة تكلم كلام طيب وقال شلون تامرونا نقطع صلة رحمنا والبارح طلع يلقي اللوم على الجزيرة ونظام الحمدين

واخر شاعر يوم حفل يام والحشد القبلي كان يمدح في هالحشد واليوم له فترة في قطر استضافوه في برنامج تلفزيوني وماخلوا شيخ ماودوه عنده يقصد ويمدح!!

متى نستوعب ان هالمرتزقة ماهمهم الدفاع عن الحق كثر ماهم يدورون الريال لو على حساب ازمات الدول!!

عندي قناعة من اول يوم للازمة ان ماينفع دارنا غير عيالنا واتمنى من الجميع عدم الانجراف خلف مرتزقة السوشيال ميديا ولاتشغلون انفسكم فيهم

انشغلوا في تنمية البلد وبس

[alshammari]

طبعاّ اغلب السوشيال ميديا ومشاهيره على هالمنوال الا من رحم ربي

[Charisma]

خذ وخل ..

[راجي الْعفو]

وفي ناس للحين يتحسرون على مواقفهم !

صدقت .. لا تعتمد على غير ولد البلد في تنميتها و رفعتها

[khalid Qtr]

اطرح سبب شهرته وشوف قيمته بدونها، أكثرهم أشهرته مواقع التواصل، أما في الواقع ما له قيمة معتبرة.

[Charisma]

والاخر اول الازمة تكلم كلام طيب وقال شلون تامرونا نقطع صلة رحمنا والبارح طلع يلقي اللوم على الجزيرة ونظام الحمدين


المقصود قابلته في ليفربول قبل شهرين ، وتكلم كلام عن قطر ومدح وترفيع وتعابير ونظرات تقول بس .. البني ادم صاحب موقف صاحب مبدىء وكلمه.

هذا طبع المتلونين .. خسر متابعين في السعودية وحاول يصحح وضعه .. لا السعوديين قبلوا أعتذارة ولا القطريين قبلوا كلامه .. وخل يطق براسة.

[يمامـة]

عطيتوهم أكبر من احجامهم..

لا قطر استفادت من اللي وقف معاها .. و لا ضرها من اللي وقف ضدها..

ربنا وحده هو من حفظ بلادنا ..

بكل بساطة كل متلون و كل سباب و شتام و متنمر و طاعن في الاعراض
صكوه بلوك و تجنبوا تتعبون نفوسكم معاهم..

ترى راحة البال أمر سهل بس احنا نبحث عن الاذية بمتابعة اخبار المتلونيين..

[sweet qatar]

تجاهلهم بشكل تام أفضل حل

والي يقول كلمة طيبة او يجهر بالحق يستاهل الشكر من باب الذوق والأدب لا غير

[alshammari]

وفي ناس للحين يتحسرون على مواقفهم !

صدقت .. لا تعتمد على غير ولد البلد في تنميتها و رفعتها

بالعكس لما يتغيرون المفروض نفرح لان الله عز وجل كشف عن نواياهم

اليوم ياراجي الدفاع عن الوطن مش بالكلام والسباب واللغط في تويتر

الدفاع عن الوطن بالعلم والعمل والانجاز

[بومحمد المطاوعه]

طززز فيهم جميعآ

اصحاب الاقنعه الخبيثه

[aloosh]

هولاء كلهم منتفعين يشتهر وعقب يتحول للاعلانات ويمدح السلعه وهو ما جربها
اما اهل السياسه لا سياسه ولا خبره يحلل على كيفه واذا جادلته يزعل ما يبي يطلع هو غلطان

[ام امااني]

المهم الواحد يحمد الله على كل شي حتى على الابتلاء والازمات لانها تكشف معدن اللي حواليك وتبين لك منو اللي ضدك ومن معاك . وتعتبر فترة غربله اما هالمشاهير مثل بياعين السلاح مكسبهم من الفتن والتشهير هدفهم المال والربح السريع ولا يهمهم شي ثاني وين ما مالت الريح مالو الله يهدي الجميع

[Dana’1]

نفس الشي بوسائل الإعلام الأخرى عموما

[طلعة الروح]

نفس اللي غنوا لقطر سابقا حبا في الشعب والامير وبعدين اتهمونا بالارهاب في اغانيهم بعد الحصار... يمكن اضطروا كتوجه لدولهم من الناحيه السياسيه نقدر نطلع لهم كل الاعذار ولكن ليش مانستفيد ونفهم ان هناك

وجوه تتلون على حسب الموقف والمصلحه والمطلوب اخذ العبرة من هذي المواقف سواء ك دولة او ك شعب.

[alshammari]

المهم الواحد يحمد الله على كل شي حتى على الابتلاء والازمات لانها تكشف معدن اللي حواليك وتبين لك منو اللي ضدك ومن معاك . وتعتبر فترة غربله اما هالمشاهير مثل بياعين السلاح مكسبهم من الفتن والتشهير هدفهم المال والربح السريع ولا يهمهم شي ثاني وين ما مالت الريح مالو الله يهدي الجميع

الحمدلله على كل حال

[دينالي]

انا عن نفسي ماني فاهم يعني ايش مشاهير في السوشل ميديا
ناس فاضيين وعندهم متابعين فقط واغلبهم تافه الا من رحم ربي