سمعنا اخبار رفع الحصار قبل رمضان

[بومحمد المطاوعه]

السلام عليكم ورحمة الله وبركاته

سمعنا خبر بأن مركز بوسمره سيفتح قبل رمضان

والله يعلم ..

https://f.top4top.net/p_852o5t270.jpeg (https://up.top4top.net/)

[alshammari]

بالنسبة لي فاقد الثقة في اي خبر غير الرسمي

حتى الرسمي في الصيف الماضي ومكالمة سمو الامير وولي العهد السعودي كانت حقيقة وتدخلت ابوظبي وافسدتها

لا أثق فيهم ابدا

[monatee]

عنهم مارفعوووه

الدنيا زانت برفقاهم

[طلعة الروح]

خلاص ماعندنا ثقه بهالدول... ما اتخيل ازورهم ولا اثق فيهم اخاف على نفسي ك مواطنه قطريه من اي مضايقه... كلنا شفنا ان في مواقف صارت للقطريين اول مابدت الازمه... انا من قبل ماكنت اسافر وبعد الحصار اقتنعت اكثر اني ماسافر الا لضروره او حاجه واكيد مش دول الحصار حتى لو انفك الحصار

[م. عبدالعزيز]

كذا مره سمعنا نفس الخبر. في شهر مارس وابريل. وخلصوا الشهور ولا فيه جديد. تأقلمنا مع الوضع مع ان الأمر مزعج اجتماعيا وانقطعنا عن أهلنا واصدقائنا

[$الملياردير$]

الله يختار لنا حكومة وأميرا وشعبا لمافية الصالح ... ويكفينا شر الفتن ماظهر منها ومابطن ... ويرد كيدهم في نحورهم

[بوخميس]

اليوم السعودية معتقلة قطري عمره 63 سنة رايح يزور قرايبه في اليوم

هالحبربش مالهم امان خلاص

[naklan]

فتحو ولا سكرو الحدود ما حد سائل فيهم
احنا الحين نبي ننظم للاتحاد الأوربي وتصير
عملتنا يورو ونصير عالميين ومع دول لها وزن
وفرقاهم بالنسبة لنا يجيب المطر
ويمنع لغبار

[بنت شرق]

يمكن يبون ايرجعون لبن المراعي لرمضان

[sara jsm]

مانبي غير مكة والمدينه .. ولا فرقاهم عيد كل ابوهم ..
اللهم من اراد في اميري ووطني وشعبي سوء اللهم رد كيده في نحره ..

[رجل تعليم]

مانبي غير مكة والمدينه .. ولا فرقاهم عيد كل ابوهم ..
اللهم من اراد في اميري ووطني وشعبي سوء اللهم رد كيده في نحره ..

اللهم آمين يا رب

[بنت شرق]

سالفة المنع عن الحج والعمرة في ذمتهم

[هيباتيا]

مانبي غير مكة والمدينه .. ولا فرقاهم عيد كل ابوهم ..
اللهم من اراد في اميري ووطني وشعبي سوء اللهم رد كيده في نحره ..

الي عندهم أهل او أملاك يبونهم

[style]

مادري شاقول وايش اعبر،،بس الثقه صعبه ترجع ،،ودايما بيكون فيه حاجز اللي هو الحذر

[كاشف الغطاء]

إذا بيفتحونه يمكن عشان يتصيدون لأهل قطر يعني فخ

[رحال]

مانبي
الحمد لله في خير ونعمه

[ابوالعبد]

الحمدالله رب العالمين ومثل ماقالوا شياب امورنا طيبه واحسن من طيبه مشكله هي الاقارب وخصوصا من درجه الاولى الام قطريه وعيالها مثلا من دول الحصار لا عارفه تشوهم ولا عارفين يشفونها خسرو ناس اجل واحد عشان يشوف ولده يروح طيران؟؟؟ او يشوف امه. يالله يالله احفظ قطر

[قــــطـــــر]

اعوذ بالله يحكم هالدول ناس سفهاء مبذرين قلة الوعي الديني ذهبوو في احضان ترامب الذي يشرك بالله وهو الذ اعداء الله وجعلوه صديقا واستقبلوه بكل رحابه صدر وتراقصوو معه
اين نحن من قول الله تعالى ان تنصر الله ينصركم ويثبت اقدامكم . صدق الله العظيم اعتمدوو على الكفار بانهم اقوياء وكثرة جيشهم ونسو بان الله خالقهم وناصرهم وهو القوي العزيز

[sweet qatar]

الله يصلح الحال و يخمد الفتنة

بعد الحصار سوقنا بدا يتعافى من الغش والتقليد اتمنى لو فتحوا الحدود ما ترجع العلاقات الاقتصادية

خصوصا حليب الهرمونات (المراعي) :stop:

[بومحمد المطاوعه]

الاخبار المتداوله عن فتح الحصار فقط للسياحيه
الافراد فقط
اما الشاحنات مافي اي خبر بالعبور

[بومحمد المطاوعه]

الناس تضررو والعوائل
الله يصلح الشان

اما السياسه الخبيثه الي تابعه لدول الحصار
الله يرد كيدهم في نحرهم

[Dana’1]

فعلا أهم شي الدخول للحج والعمره و العوايل خصوصا من الدرجه الأولى.. أو الي عنده املاك وتجاره فرصه يصفي اموره وياخذ حقوقه و يستثمرها فبلاده.
غير هالامور وبالهوقت تحديدا ما اظن فيه أهميه واهتمامات ترتبط بين دول المنطقه .

[يمامـة]

فعلا أهم شي الدخول للحج والعمره و العوايل خصوصا من الدرجه الأولى.. أو الي عنده املاك وتجاره فرصه يصفي اموره وياخذ حقوقه و يستثمرها فبلاده.
غير هالامور وبالهوقت تحديدا ما اظن فيه أهميه واهتمامات ترتبط بين دول المنطقه .
الله يزين الحال من عنده..
لأن العوايل هم اللي انضروا .. و قطر من اول يوم ما اشتكت من المراعي او العلالي او الطحين الاماراتي
و طالبت بفتح اسواقهم و دخول منتجاتهم لنا..

قطر كانت و ما زالت تتكلم عن قطع صلة الارحام و ضياع حقوق المواطن القطري في هذه البلدان..

[بومحمد المطاوعه]

الله يزين الحال من عنده..
لأن العوايل هم اللي انضروا .. و قطر من اول يوم ما اشتكت من المراعي او العلالي او الطحين الاماراتي
و طالبت بفتح اسواقهم و دخول منتجاتهم لنا..

قطر كانت و ما زالت تتكلم عن قطع صلة الارحام و ضياع حقوق المواطن القطري في هذه البلدان..

مانقول غير حسبي الله عليهم
وحسبي الله ونعم الوكيل

عمتي قطريه توفت الله يرحمها
واختها فالامارات خالي متزوجها

والي توفت اتصير اختها ظهر وبطن ماقدرت اتيي حق اختها ولا قدرت اتيي عزاها

ماطلو هناك لين قلنا لها خلاص يايمه لا اتيين احنا موجودين ولا تحاتين



الله يبهدلهم مثل مابهدلو الشعوب

[ام امااني]

فيه مثل جزائري يقول
اللي راح و ولى ايش من بنه خلا
بمعنى اللي زعل وراح رجوعه صار بلا طعم
لكن ندعي ونقول الله يصلح الحال مهما صار هاذي لعبة السياسه والثمن تدفعه الشعوب

[naklan]

اعتقد اخوي شاهين السليطي ربط امر فتح الحدود
باحتمال اتخاذ ترامب قرار بإلغاء الاتفاق النووي الإيراني
في تاريخ 12/5 من هذا الشهر وإعطائه أوامر للسعودية
والإمارات بفتح الحدود وحل المشكلة المفتعلة وانا
استبعد موافقتهم وخاصة الامارات

وارى ان المشكلة هي السيطرة السياسية والاقتصادية
على القرار والموارد وقد بدأت المشكلة في التطور الصاروخي
لقطر مما يخلق منافسة للسياحة في دبي والضربة الثانية
هي بناء ميناء دولي سيشكل قصمة ضهر لميناء جبل علي
لذالك حاصرو قطر وكأنو ينوون غزوها محمد بن
راشد المكتوم يقول في نضريته اعمل نصف
النجاح وحاول افشال عدوك لتضفر
بالنجاح كاملا وهذه قناعته

عبر التاريخ حاصرت السعودية الكويت 14 سنة واجتزات
نصف مساحة أراضيها طمعا بثرواتها وأرضيها وقد تعيد الكرة
ورشت الامارات مقاول بناء ميناء في عمان لتخريبه واحتلت سقطرى
لعمل مينا لذالك هي حرب سيطرة واطماع لا تخضع لشرف او قربى
فهي اخر هم الحكام

[ابوالعبد]

محد متضرر الا العوايل خصوصا من درجه الاولى ام ابن اب اخت لو شلنا الخالات والعمان لكن. فعلا المتضرر الاب والام والابن والاخت ولي امكاناياته الماديه ضعيفه شلون يروح طيران وتذكره اقل شي الفين وخمسميه بس اروح روحه وجيه فىق الخمس الاف

[Dana’1]

^^
على طاري اسعار التذاكر فعلا مرتفعه مدري كيف كانوا مصدقين و يغنون خليجنا واحد!!
بس ههي فرصه للربح بعد بالاخير شركات وطبيعي تشوف مصلحتها

[بومحمد المطاوعه]

الله يكتب الي فيه خير للناس والأسلام والمسلمين

ويجمع الشمل

الي قاعد يصير اضحوووكه للكفره ولأعداء الأسلام

يقولون شوفو المسلمين اشلون يتحاربون على

الحمدلله والشكر بس

[ya3coub]

باقي 6 أيام اخرى على تاريخ 12/5 و بنشوف اذا الكلام صحيح او لا

معني ما اشوف اي بوادر بس اتمنى انه صحيح يفتحون الحدود

[بومحمد المطاوعه]

باقي 6 أيام اخرى على تاريخ 12/5 و بنشوف اذا الكلام صحيح او لا

معني ما اشوف اي بوادر بس اتمنى انه صحيح يفتحون الحدود

الله المستعان

وان شاءالله يكون في شي خير للشعب المتضرر

اعرف ناس امهاتهم فالسعوديه ولا قادرين يجون قطر

تخيل يسافرون الكويت علشان يشوف امه

حسبي الله على من كان السبب

الله يجعل تدبيره تدمير عليه

[جبر ال جبر]

احنا بالف خير بدونهم..... بدايه الحصار العام في رمضان انتشرت عبر الواتس اب رساله من امراه مجهوله الاكسنت مالها بحريني وتصيح وتقول ماقدر اقولكم خبر حلو عندي والله يطول بعمر الشيخ تميم وبنفس اليوم وحده تصارخ في قطر مول تقول الجيش السعودي دش الحدود كل هالرسايل هدفها الإحباط والقلق النفسي والمفروض اليوم نهمل مثل هالامور ان افتحو الحدود اهلا وسهلا وان مافتحوها ابركها من ساعه هذا احنا عشنا سنه كامله بدون حدود شصار!! بالعكس الأمور كلها صارت افضل امنيا وسياسيا واقتصاديا بنسبه لموضوع قطع الرحم والعلاقات الاجتماعيه تقدر تشوف اهلك في أي دوله محايده كويت عمان
يليت موضوع الحدود هذا ننساه وكانه مب موجود هم حاولو مع الشعب يضغطونه ويحسبون شعب قطر مثل شعبهم ينقاد وتقدر تاثر عليه وسبحان الله أي شي يبونه يصير في قطر صار عليهم من لارضا بسمو الأمير تميم لايدور رضانا والله يحفظ قطر وشعبها واميرها من كل شر

[بومحمد المطاوعه]

احنا بالف خير بدونهم..... بدايه الحصار العام في رمضان انتشرت عبر الواتس اب رساله من امراه مجهوله الاكسنت مالها بحريني وتصيح وتقول ماقدر اقولكم خبر حلو عندي والله يطول بعمر الشيخ تميم وبنفس اليوم وحده تصارخ في قطر مول تقول الجيش السعودي دش الحدود كل هالرسايل هدفها الإحباط والقلق النفسي والمفروض اليوم نهمل مثل هالامور ان افتحو الحدود اهلا وسهلا وان مافتحوها ابركها من ساعه هذا احنا عشنا سنه كامله بدون حدود شصار!! بالعكس الأمور كلها صارت افضل امنيا وسياسيا واقتصاديا بنسبه لموضوع قطع الرحم والعلاقات الاجتماعيه تقدر تشوف اهلك في أي دوله محايده كويت عمان
يليت موضوع الحدود هذا ننساه وكانه مب موجود هم حاولو مع الشعب يضغطونه ويحسبون شعب قطر مثل شعبهم ينقاد وتقدر تاثر عليه وسبحان الله أي شي يبونه يصير في قطر صار عليهم من لارضا بسمو الأمير تميم لايدور رضانا والله يحفظ قطر وشعبها واميرها من كل شر



اكيد الحمدلله بدونهم ولله الحمد عشنا واحسن وبأحسن حال بعد وهذا فضل من الله تعالى اولآ ومن ثم القياده الرشيده
واميرنا الغالي
الشيخ تميم بن حمد الله يجعله ذخر لنا


لكن المقصد من كلامنا العوائل المتضرره فقط

اما تجارتهم واغراضهم وسياحتهم
الله الغني عنهم

[بومحمد المطاوعه]

11 شهرا من الحصار مرّت ، فماذا كانت النتيجة ؟

دولة قطر زادت قوة على قوة وصلابة على صلابة ، بفضل الله ،
ثم بفضل قيادة لا تُقاد ولا تنقاد ، وبفضل شعب كتب ملحمة تاريخية وصنع الفرق بتلاحمه وولائه ..

[ya3coub]

11 شهرا من الحصار مرّت ، فماذا كانت النتيجة ؟

دولة قطر زادت قوة على قوة وصلابة على صلابة ، بفضل الله ،
ثم بفضل قيادة لا تُقاد ولا تنقاد ، وبفضل شعب كتب ملحمة تاريخية وصنع الفرق بتلاحمه وولائه ..



أكيد و لله الحمد و احنا ما نبي منهم شي غير اهالينا الي هناك ولا ما نبي منهم اي شي ثاني

[بومحمد المطاوعه]

أكيد و لله الحمد و احنا ما نبي منهم شي غير اهالينا الي هناك ولا ما نبي منهم اي شي ثاني

اي والله صادق

الله يصلح الاحوال

انا بس ابي اشوف خوالي ف الامارات
بعضهم مايقدرون يسافرون بسبب اشغالهم

ويتواصلون معانا بالخش مساكين

[style]

ما كل ما يسمع يصدق!!!!!!!!!

[بومحمد المطاوعه]

ما كل ما يسمع يصدق!!!!!!!!!

صدقت ..

[حمد 2002]

اطالب باغلاق الموضوع لانه شكله اشاعه ..

[بومحمد المطاوعه]

اطالب باغلاق الموضوع لانه شكله اشاعه ..

خلنا نتبادل الحديث والكلام

لو صحيح ولو غير صحيح

انت مب متضرر

الحمدلله عشنا بخير وعافيه

[Abdulraman]

اتوقع مايرفعون الحصار دام محمد بن سلمان الله يكرها ولي العهد

[وليف الشوق]

يكفي عرفو من قطر

[غايه الطواش]

مانبيهم الله لايبيهم لا دنيا ولا اخره
الخونه
ومثل ماقال اميرنا
احنا بالف خير من دونهم

اللله ياخذهم اخذ عزيز مقتدر الله يخزيهم دنيا واخره انجاس

[alhamza1999]

خبر ممتاز اذا تم رفعه ياجماعه احنا عرب ومسلمين وخليجين واخوان
خلي الخليج ترجع دول متحده كالدول الواحده
خلي الخليج ترجع افضل الدول العربيه اتحادا والقطري يرجع يدخلها بالبطاقه وتكون مثال يقتدى به
ليش ماتريدون الحصار ينتهي

[A.Y.A]

الله لا يبيهم
حسبي الله عليهم ونعم الوكيل

ان كانهم بيفتحون الحدود ولا بيسمحون للطيران
مانبغي غير بيت الله نزوره الي قد لنا سنه مبطين منه

جعلها في ذمتهم ليوم الدين ان شاء الله / امنعوا هل قطر عن العمره والحج وزيارة بيت الله والمدينه
ويقولون ويكذبون ان هذا الشي من حكومتنا
حسبي الله عليهم وجعل الله ينتقم منهم

[style]

خبر ممتاز اذا تم رفعه ياجماعه احنا عرب ومسلمين وخليجين واخوان
خلي الخليج ترجع دول متحده كالدول الواحده
خلي الخليج ترجع افضل الدول العربيه اتحادا والقطري يرجع يدخلها بالبطاقه وتكون مثال يقتدى به
ليش ماتريدون الحصار ينتهي
مدير,,, انت راقد ولا شسالفه.

[style]

خبر ممتاز اذا تم رفعه ياجماعه احنا عرب ومسلمين وخليجين واخوان
خلي الخليج ترجع دول متحده كالدول الواحده
خلي الخليج ترجع افضل الدول العربيه اتحادا والقطري يرجع يدخلها بالبطاقه وتكون مثال يقتدى به
ليش ماتريدون الحصار ينتهي
لا خلني اعيدها ,,اعتقد راقد

[نفسي عزيزه]

لا خلني اعيدها ,,اعتقد راقد

شكله ههههههه

[بنت شرق]

خبر ممتاز اذا تم رفعه ياجماعه احنا عرب ومسلمين وخليجين واخوان
خلي الخليج ترجع دول متحده كالدول الواحده
خلي الخليج ترجع افضل الدول العربيه اتحادا والقطري يرجع يدخلها بالبطاقه وتكون مثال يقتدى به
ليش ماتريدون الحصار ينتهي

نوافق على اقتراحك إذا الشروط الي وضعها الامير الشيخ تميم تنفذ الاعتذار والتعويض للمتضررين واحترام السياسية الخارجية للدولة

[ya3coub]

^^^^^^^^^^^^^^^^

طلع خرطي الكلام

اللي عندهم اهل هناك يتمنون تنفتح الحدود و الي يبي بيت الله طبعا يبي هالشي بغض النظر عن سياستهم و حكومتهم و شعبهم.

فالنهاية احنا بألف خير بس الريال الي فوق ما غلط بالكلام, طبعا كله بشروط و بتعويضات او ضمانات لعدم تكرار معنه ما عاد في ثقه للأسف

[style]

^^^^^^^^^^^^^^^^

طلع خرطي الكلام

اللي عندهم اهل هناك يتمنون تنفتح الحدود و الي يبي بيت الله طبعا يبي هالشي بغض النظر عن سياستهم و حكومتهم و شعبهم.

فالنهاية احنا بألف خير بس الريال الي فوق ما غلط بالكلام, طبعا كله بشروط و بتعويضات او ضمانات لعدم تكرار معنه ما عاد في ثقه للأسف
اخوي اَي ثقه وأي بطيخ،،انت لو تقراء الكلام اللي بتويترز للأسف الشعب صار العن من الحكومة نفسها
المشكلة انهم قاعدين يغلطون على رموز البلد
والشي هذا احنا مانرضاه
الشعب صارت فيه كراهيه غير طبيعية

[ya3coub]

اخوي اَي ثقه وأي بطيخ،،انت لو تقراء الكلام اللي بتويترز للأسف الشعب صار العن من الحكومة نفسها
المشكلة انهم قاعدين يغلطون على رموز البلد
والشي هذا احنا مانرضاه
الشعب صارت فيه كراهيه غير طبيعية

هل هز منك كلام تويتر شي ؟؟؟
هل ضرك بشي في من ربعنا اللي نزل لنفس المستوى انا اقرى و مرات اذا متملل اشوف الهاشتاقات العجيبه الغريبة بس كوني مواطن قطري و ادرى بالواقع اقرى و اضحك ولا يستاهلون احد يرد عليهم و لا يصحح لهم الكذب.

ايف و عارف و فاهم بس احنا فوق هالشي و اذا انقول بان عندهم ذباب الكتروني الكثير منهم اخر همه تويتر من الشعب و من جهة اخرى يفرغون اللي فيهم بتويتر و غيره بالوطنية الزايده اللي تفقد الشخص قيمته و ايضا يصل لمرحله يسيئ للدولة اللي اهو منها

[معماري قطري]

كلامك يعقوب عين العقل

تربية الشعب والمجتمع شيء مهم وان ربيت كلبك على النباح على كل حد بيجي يوم ينبح عليك .. نصيحة لبني نيو عرب صهيون

[وليف الشوق]

بدون شروطنا لا نقبل ولن نرضى برفع الحصار وموضوع الخليج ووحدة الخليج واستقرار الخليج مااااااااااااااااااااااااااااااااااااانبيه

[بومحمد المطاوعه]

اخوي اَي ثقه وأي بطيخ،،انت لو تقراء الكلام اللي بتويترز للأسف الشعب صار العن من الحكومة نفسها
المشكلة انهم قاعدين يغلطون على رموز البلد
والشي هذا احنا مانرضاه
الشعب صارت فيه كراهيه غير طبيعية

مب الكل ياخوي

لازم بتحصل الي يغلط
وبتحصل ناس ماترضى بلي صار

كل دوله فيها جذي

هذي فتنه وابتلاء من الله تعالى

قول الحمدلله على نعمه الامن والأمان

[naklan]

في السعودية بداء عمل ارقام للعوائل المشتركة
وقد يفتح للتنقل قريبا بداء انفراج بسيط بنسبة 20 % من
بداية الأزمة وإذا انحلت مشكلة العوائل المشتركة وفتح
اداء الشعائر الدينية الحج والعمرة الباقي غير مهم

[بوخالد911]

نسمع جعجعة ولا نرى طحينا !!!!

[Dana’1]

بإذن الله تنتهي هالمقاطعه قريب
و طبعا كل شخص حر و يقرر بنفسه إذا يحب يكمل المقاطعه بنفسه ويمتنع عن أي شي يخص هالدول وغيرها حتى

إلي عنده أهل أو للحج والعمره هم أكثر الناس المستفيدين من هذا القرار في حال صار

[وحيد-الشوق]

بإذن الله تنتهي هالمقاطعه قريب
و طبعا كل شخص حر و يقرر بنفسه إذا يحب يكمل المقاطعه بنفسه ويمتنع عن أي شي يخص هالدول وغيرها حتى

إلي عنده أهل أو للحج والعمره هم أكثر الناس المستفيدين من هذا القرار في حال صار

عفواً اسمه حصار مثل ما صحفهم وإعلامهم ذكر ذلك منذ بداية الأزمة

[Dana’1]

عفواً اسمه حصار مثل ما صحفهم وإعلامهم ذكر ذلك منذ بداية الأزمة

ماتابعت إعلامهم ولا إعلام غيرهم حتى .
حصار مقاطعه مقاطعه حصار ... إرهاب جهاد جهاد وإرهاب كيف ما اختلفت المسميات المهم ينزاح و مايصير ضرر أكبر بين المسلمين أهل المنطقه يتقاطعون و ممكن يتذابحون ياكافي الشر .. والأفضل يخلصون الناس من هالسالفه

لأن أبدا أبدا محد مبسوط منها إلا العدو بس واقف يتفرج هذا إذا مايحرك الامور من تحت لتحت عشان يزيدون هالتحامل من أبناء الدين وحتى العرقيه الواحده