طريقه السفر لدوله من الدول الحصار للقطرين ونصيحه

[alhamza1999]

السلام عليكم
طبعا كلنا نعرف الحصار الظالم الي مرت عليه قطر من 2017/6/5 لحظ اللحظه
طبعا اغلب القطرين الي يردون دوله من هالدوله عندهم اهل او راعين حلال لهاذا المفروض نساعدهم حتى يخلصون من امورهم ومانشوش عليهم
بالنسبه للدول الي منعت القطري من الدخول فهي البحرين والسعوديه والامارات ومصر فقط هذول الدول
بالنسبه للبحرين ازالت المنع شهر 11 الدخول صار بتاشيره الكترونيه سعرها 290 رياليتم التقديم عليها الكتروني وتستغرق ثلاث ايام وعند الموافقه يتم طباعتها والسفر عادي ومدتها تكون 14 يوم للبقاء بالبحرين غير قابله للتجديد
بالنسبه لمصر لازم تاشيره وفوق التاشيره لازم خطاب موافقه من الداخليه المصريه هذا ينطبق على القطري والعراقي والافغاني المضحك بالموضوع المقيمين بقطر مصر تعطيهم التاشيره بالمطار عمركم شفتوا بلد يدخل مقيمين دوله معينه ويمنع مواطنيها الموافقه صعبه
بالنسبه للامارات ممنوع القطري ترانزيت او دخول ابدا لكن قبل رفض شركه الطيران صعود القطري على الطائره راح يتم الاتصال بالرقم الاتي:971800274823+ للتاكيد ان القطري عنده اقارب بالامارات ومسموح يركب الطياره ويروح
بالنسبه للسعوديه حسب iata تم الغاء بند الاقارب والاهل الموجود عندهم ان القطري فقط يدخل اذا كان رايح للحج والعمره وتم كفالته من شركه حج وعمره معتمده
الله يعينكم على الاجرائات المجحفه

[طلعة الروح]

الواحد حتى لو دخل عندهم مايضمن يرجع بلاده سالم مره ثانيه... اللعبه السياسيه واضح انها مأثرة على شعوب الدول ومسؤولينهم هناك...المفروض يتم التفريق بين المشاكل السياسيه وبين مصالح الشعوب.

[alhamza1999]

احسن حل لتجاوز المشاكل ان الواحد مايفصح انه قطري ومايكلم احد من مواطنيهم بهاي الطريقه يتجاوز المشاكل

[naklan]

حتى لو فتحو ما حد يبي ديرة عليها منه الا الي لهم
قرايب والعالم كله مفتوح دول أحسن من دولهم
نصفي حلالنا وبعدها*يسكرون
للابد مافيه مشكلة

[qatarman8008]

هو المنع ليس من الدخول ترانزيت او دايركت..
المنع وصل لدرجة حتى ان لايسمح له بالتواجد في بلادهم..
اللي كانوا معتمرين في بيت الله الحرام اعطوهم انذار بالمغادرة فورا..

[Charisma]

الواحد حتى لو دخل عندهم مايضمن يرجع بلاده سالم مره ثانيه... اللعبه السياسيه واضح انها مأثرة على شعوب الدول ومسؤولينهم هناك...المفروض يتم التفريق بين المشاكل السياسيه وبين مصالح الشعوب.

صحيح، حتى لو وجدت ضوابط للدخول والخروج ، "لا أمان لهم"، لذلك يفضل عدم السفر لأي من دول الحصار بالأضافة إلى اليمن، مهما كانت الأسباب.

[R 7 A L]

نصيحة لاحد يروح
ماتسوى عليه الروحه
اذا اخد يقرب له هناك يحجز لهم في الكويت ويتقابلون هناك

[عايش فرحان]

لولا حرم ( الله ) و بيت ( الله ) ماحد درى عنهم ..
لم يمنع حاكم الحجاج و المعتمرين من دخول بيت الله الا القرامطة و دول الحصار ..
و ين يروحون من رب البيت سبحانه

[وليف الشوق]

نصيحه لا احد يسافر للدول المذكورة لان القطري هو الهدف الوحيد لابعاد الشبهات عنهم واتهامهم للمواطن القطري بأنه جاسوس او يتم اتهامه بأي تهمه له لكي يفهم الرأي العام بأن عملية القبض على المواطن القطري كانت لتهمه معينه فا فضل عدم السفر في الوقت الحالي

[وليف الشوق]

اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك

[khalid Qtr]

نذالة وحقارة أظهرها قادة دول الحصار، سبحان الله ربك يبي يفضح كذبهم.

[بومحمد المطاوعه]

الله الغني عنهم وعن بلادهم ,,

لو نبي نشوف اقاربنا

الكويت درب السلامه

[بومحمد المطاوعه]

نذالة وحقارة أظهرها قادة دول الحصار، سبحان الله ربك يبي يفضح كذبهم.

استغفرالله

ركز ف وجهم بتشوف ان الله خافسهم فالأرض قبل يوم البعث

[بوخميس]

شوفوا تعاملهم في اليمن

يدلك على طريقتهم في التعامل مع الشعب القطري اذا كان اللي يبغونه صار

[ya3coub]

على كثرة ما اتردد علهيم

بس مافي امل لين تنفتح الححدود و الناس تروح و تجي و أكيد يكون امان عقب بفكر اروح

[بنت شرق]

أنا اقول سود الله ويهم

[المزن الرياني]

مب صاحي الي يفكر يروح

[ya3coub]

مب صاحي الي يفكر يروح

عندي اغراض فالكويت صارلهم 5 شهور ادور شركة شحن بس تشحنلي صدامين و رفارف إلا الأن ارخص سعر اغلى من سعر شحن سيارة بالعبارة !!!!!!!

فأول ما يفتحون الحدود اكيد ما عندي سالفه بس ما بسمح لأحد يستغلني بسبب الأزمة

[بوخالد911]

لا بارك الله فيهم.

[غايه الطواش]

الله يخزيهم دنيا واخره

[قطريه ماركه]

ان القطري فقط يدخل اذا كان رايح للحج والعمره وتم كفالته من شركه حج وعمره معتمده

حتى اللي رايح عمرة امنعووه

و سمعت بعد وحدة من قريب راحت البحرين بتشوف امها امنعوها لانه جوازها قطري و تم اللقاء في الكويت

الله يعيين الاسر المشتركة هم اللي تضرروا

[alhamza1999]

قصدي بابعاد الشبهات حتى محد يضايقهم ويعتدي عليهم لان في مخابرات هناك متصيده للقطرين الله يعينهم

[alhamza1999]

لا رسميا غير ممنوع بس لازم القطري الي يروح يكون منسق مع شركه عمره مايصير قبل تنسيق وكفاله شركه بالنسبه للسعوديه مايقدرون يمنعون احد غصبا عنهم يوافقون والا المحكمه الدوليه هي تصير تتحكم بمكه والمدينه بدل الحكومه السعوديه
بالنسبه للبحرين غير ممنوع ابدا القطري صار يقدر يسوي ترانزيت حاله حال اي احد وتم ازاله المنع شهر 11 يوم 11 بس القطري قبل مايروحون لازم يقدم على تاشيره الكترونيه قبل الوصول
تبقى حقاره من الدول الحصار يعني القطري ليش رفض دخوله ماافهم شنو الي راح يسويه لو راح دولهم باقي الدول تتسابق حتى تجيب القطري على ارضها وهذول مانعين القطري !!!

[alhamza1999]

الموضوع موجه للي مضطرين يسافرون للي عندهم حلال هناك او اهل هذا القصد اما الي ماعنده شي لايروح لانه خطر عليه لانها ماتسوى المخاطره الروحه لعدم وجود شي مهم

[alhamza1999]

الغريب ان اليمن ماتدخل غير 12 جنسيه بدون تاشيره مسبقه والقطري من ضمنهم
مع ذلك يعاملون القطرين معامله سيئه ناس عجيبه