هل من حق الشخص يتبرع بجزء من التموين الحكومي يجوز ام لا

[نفسي عزيزه]

يجوز قانونيا وشرعا ام لا

ياليت حد فاهم يفيدنا مانبي شي يضر الدوله ومايجوز شرعا


وجزاكم الله خير

[ضوى]

لا تدورون عن كل شي وتسالون عن كل شي ، في امور خلوها بقناعتكم وارتياحكم لهالشي من عدمه مدري هاي وجهة نظري

[نفسي عزيزه]

لان في السناب شات شفتهم كاتبين مايجوز فالواحد يخاف

فنسأل انتأكد من اهل الخبره

[حمد 2002]

حاسب فيها غرامه وحبس


اشترط قانون التعامل بالسلع المدعومة أن يكون المتعامل قطري الجنسية وحسن السمعة والسلوك، كما منع التعامل في السلع المدعومة دون الحصول على ترخيص أو إخراج السلع المدعومة خارج الدولة بأي طريقة، كما أقر القانون جملة من العقوبات التي يتم تسليطها على الأشخاص عند مخالفتهم لأحكامه، فأجاز وقف العمل بالترخيص مؤقتاً أو إلغاءه نهائياً في حال المخالفة، وإغلاق المحل أو جزء منه لمدة 3 أشهر، كما أقر عقوبة الحبس أو الغرامة أو كلتيهما لمن يخالف مقتضيات القانون

[بن مفتاح]

http://fatwa.islamweb.net/fatwa/index.php?page=showfatwa&Option=FatwaId&Id=150155

[طبيب قطري]

قناعتي الشخصيه ان هالشي مايجوز، يعني نفس ارض الدوله او العزبه اللي تنتفع بها هل يجوز بعد ماالدوله تعطيك هالارض بمبلغ يعتبر بسيط وبدون فوائد انك تروح تتبرع فيها!!

[المزن الرياني]

جزء من سعر الماده التموينية مدعوم من الدوله
خذ موافقه الدوله على التبرع ودربك خضر

غير هذا اعتبره سرقه من الدوله

[بالمرصاد]

يجوز , مادام الشخص دفع قيمتها للدولة فهنا انتقل الحق للشخص في ان يتصرف في هذه السلع كيفما يشاء

[يمامـة]

نفس هالموضوع تناقشنا فيه من كم سنة و كنا مؤمنيين
بالتصدق بالمواد التموينية خاصة ان القانون كان عايم
بمعنى ما في بند فيه يأمر بعدم توزيع المواد التموينية..

لكن بعد القرارات الجديدة و العقوبات
الصادرة ضد كل من يبيع او يصدر المواد التموينية..
حاولت اتواصل شخصيا مع الجهة المعنية لتوزيع مواد التموين..
قال لي بالحرف الواحد ما يحق لج اساسا تعطين خدمج
اللي هم على كفالتي لو محتاجين فكيف مسموح لي اوزع
هالمواد..
فمن جذيه الدولة لا تبيحنا في التصدق هذا..
و فوقه يتم مصادرة كرت التموين من المستفيد..
لذلك حتى لو الدولة ما درت عننا و احنا نوزع
رب العباد مطلع ..
فمن يحب انه يتصدق خله يتصدق
من شي الدولة مالها شي فيه و مب مانعة
التصدق فيه..
و شكرن لكم..

[نيساني]

يجوز , مادام الشخص دفع قيمتها للدولة فهنا انتقل الحق للشخص في ان يتصرف في هذه السلع كيفما يشاء



مراحب ...
ياخوي الدوله تقول لك ممنوع وانت تقول يجوز

الواحد اذا وده يتبرع بالعكس جزاه الله خير والله يكثر من امثاله بس يتبرع من مواد مب مدعومه من الدوله خذ خيشة عيش ماعتقد انها بتثقل عليك الميزانيه ووزع منها وماضاع مال من صدقه.

تحياتي لك وللجميع

[سعود.]

يجوز قانونيا وشرعا ام لا

ياليت حد فاهم يفيدنا مانبي شي يضر الدوله ومايجوز شرعا


وجزاكم الله خير


رد الشيخ / عثمان الخميس

https://youtu.be/SCRShJsyA5k

[نفسي عزيزه]

رد الشيخ / عثمان الخميس

https://youtu.be/SCRShJsyA5k

اشكر الجميع على المشاركه


واشكرك سعود انك جبت شيخ دين يفتي بجوازه

كل الي اقصده من التبرع فقط خيشة عيش وحده ومب كل مره فقط اذا حتاج ورجل كبير بالعمر عسى الله يتقبل

[بوخميس]

في رسالة ماجستير في الفقه في الاردن في هذا الموضوع

اللي يبغي يتصدق السوق موجود

روح اشتر وتصدق بفلوسك

اما انك تاخذ سلعة تصرفها لك الدولة بدعم لأنك (مواطن) وانت تتبرع فيها؟

[بوخالد911]

موضوع محير !!!

[بومحمد المطاوعه]

يجوز قانونيا وشرعا ام لا

ياليت حد فاهم يفيدنا مانبي شي يضر الدوله ومايجوز شرعا


وجزاكم الله خير

ويجزاك خير

تبي ترتاح

اشتر الخيشه من السوق ووزع على الي تحب

علشان لاتقع في الشك ان حلال ولا حرام توزع عيش الحكومه مثلا

زيد فوق المبلغ الي بتاخذه من عيش التموين واشتر الخيشه

وتأكد كلها خير وصدقه لك
ولا تضع نفسك في حيره

[Riku3]

رد الشيخ / عثمان الخميس

https://youtu.be/SCRShJsyA5k

احسنت .. شكراً ..

شخصياً مقتنع بهذا الرأي .

[الحياة الخالدة]

ويجزاك خير

تبي ترتاح

اشتر الخيشه من السوق ووزع على الي تحب

علشان لاتقع في الشك ان حلال ولا حرام توزع عيش الحكومه مثلا

زيد فوق المبلغ الي بتاخذه من عيش التموين واشتر الخيشه

وتأكد كلها خير وصدقه لك
ولا تضع نفسك في حيره
أتفق مع هذا الرأي

دع ما يريبك إلى مالا يريبك

[khalid Qtr]

هذه من حقوق الاختصاص، خصصت لك باعتبارك مواطن، ولا يجوز التنازل عنها أو بيعها بحال من الأحوال، غير هذا، القانون يمنع ذلك، إذا تبي تتبرع سبل الخير كثيرة، وأعط المسكين سعر خيش عيش أو عطه خيشة من غير التموين.

[Abdulraman]

اللي يبي يتبرع او يتصدق ياخي يتبرع من ماله الخاص والتموين مدعوم من الدوله
دام القانون يقولك مايجوز خلاص مايجوز

[الحياة الخالدة]

الله يجزاك خير أخوي
إنت تبيها صدقة خالصة لوجه الله ، وما ودك تكون فيها أي شبهة
ودام الموضوع فيه خلاف ، طلع اللي تقدر عليه من حر مالك
ولا يكلف الله نفساً إلا وسعها
ما يسوى عليك تخرج صدقة وانت مب متأكد من حرمتها ويروح عليك أجرها

[JN000N]

الي اعرفه ممنوع تتبرع به تصدره برا
لكن احنا ف الدوحة مثلا وحذانا عايله فقيره وانا خذت من التموين وادري ان يكفيني وزياده ليش ماعطيهم من التموين؟
عندي عامل مثلا يشتغل ع حسابي وعندي العيش والسكر مال التموين وعطيته منه فهموني ليش ما يجوز؟

[ولد العرب]

الي اعرفه ممنوع تتبرع به تصدره برا
لكن احنا ف الدوحة مثلا وحذانا عايله فقيره وانا خذت من التموين وادري ان يكفيني وزياده ليش ماعطيهم من التموين؟
عندي عامل مثلا يشتغل ع حسابي وعندي العيش والسكر مال التموين وعطيته منه فهموني ليش ما يجوز؟

:nice:

[يمامـة]

:nice:

ان ما علمت عليك انك توزع التموين على الفقارى في قطر
اصبر علي.. عاد عقبها لا تزعل لو اسحبوا
بطاقتك :sneaky:..

اصلا سألت المسؤول عن التموين في وزارة الاقتصاد و التجارة.. هل يحق للمواطن استخدام المواد التموينية
لتجارة المطابخ المنزلية؟
قال لي لا.. فكيف بيسمحون لك توزعها
على غير القطري؟؟

قول لي انت الحين!!

[بومحمد المطاوعه]

أتفق مع هذا الرأي

دع ما يريبك إلى مالا يريبك

بالضبط هذي السالفه

يعني اسوي خير وانا متشكك
الافضل اسوي وانا مطمأن واسأل الله قبول هذا العمل لوجهه الكريم

احسن من اسوي وانا متشكك واكل ف نفسي واحاتي وافكر

[نفسي عزيزه]

بيض الله وجيهكم ماقصرتوا والله ومنكم نستفيد

حد يعرف اسم شركه للعيش سعرها زين ونوعية العيش زينه

تفيدونا وماتقصرون

انا رحت اشوف لقيت خياش وايد بس ماعرف اي نوع الزين لان بعضه يصير مادري شلون وودنا نقدم شي طيب بسعر يعني مب غالي كلش مقدور عليه

والف شكر لكم

[نفسي عزيزه]

الي اعرفه ممنوع تتبرع به تصدره برا
لكن احنا ف الدوحة مثلا وحذانا عايله فقيره وانا خذت من التموين وادري ان يكفيني وزياده ليش ماعطيهم من التموين؟
عندي عامل مثلا يشتغل ع حسابي وعندي العيش والسكر مال التموين وعطيته منه فهموني ليش ما يجوز؟

بالظبط هذا الي اقصده

انحرج يطلب مني عيش التموين يقول نوعيته زينه
قلت باخذ من برع قال التموين حبته احسن وانا ماعرف ذاك الزود بالعيش وخساره انا خيشه تكفيني والباقي يتم وانا اشتريه على حسابي يعني

شكلي من الشهر الجاي باشوف عيش رخيص من برع لان كل العيوش الي برع غاليه

[نفسي عزيزه]

احسنت .. شكراً ..

شخصياً مقتنع بهذا الرأي .

انا معاك

بس خرعونا هني مابي شي حرام :sorry:

[نفسي عزيزه]

ويجزاك خير

تبي ترتاح

اشتر الخيشه من السوق ووزع على الي تحب

علشان لاتقع في الشك ان حلال ولا حرام توزع عيش الحكومه مثلا

زيد فوق المبلغ الي بتاخذه من عيش التموين واشتر الخيشه

وتأكد كلها خير وصدقه لك
ولا تضع نفسك في حيره

كلامك طيب

تعرف اسم شركه زينه للعيش لان بعضه اذا طبخته ينتفخ ويصير هميج عن تجربه بصراحه ودنا نقدم شي زين بس الاسعار تكون معقوله لان بعضهم على 350 وفوق وانا ماقدر على جذي

[بومحمد المطاوعه]

كلامك طيب

تعرف اسم شركه زينه للعيش لان بعضه اذا طبخته ينتفخ ويصير هميج عن تجربه بصراحه ودنا نقدم شي زين بس الاسعار تكون معقوله لان بعضهم على 350 وفوق وانا ماقدر على جذي

الله يطيب حالك يالغالي

والله يفداك الجذب ياخوي
ماعرف اي شركه غير التموين

ماشاءالله العيش جدآ ممتاز ولا ادري عن عيش السوق

والله يكتب اجرك ياخوي

[مضارب دوسري]

مادام اللي يدعمك ويبيعك هالتموين بسعر مدعوووم(الحكومه) لانك مواطن

رافض انك تعطيه شخص اخر

فلا يجووووز

حتى وان اجتمع اهل الفقه على جوازه


لانك الطرف اللي يدعمك بهذا السعر رافض هذا الامر ونزل عليه عقوبات


تبغي تتصدق يفضل تشتري من السوق وتتصدق وكله خير وبركه والله يجزاك خير

[يمامـة]

بيض الله وجيهكم ماقصرتوا والله ومنكم نستفيد

حد يعرف اسم شركه للعيش سعرها زين ونوعية العيش زينه

تفيدونا وماتقصرون

انا رحت اشوف لقيت خياش وايد بس ماعرف اي نوع الزين لان بعضه يصير مادري شلون وودنا نقدم شي طيب بسعر يعني مب غالي كلش مقدور عليه

والف شكر لكم

هذا هو السؤال العدل..

ممكن حد يفيدنا بانواع من العيوش الزينة
و اللي اسعارها ما تكون غالية؟.

و في سياق اخر .. أأكد نائب مدير التموين
ان من حقي اني ارجع خيشة العيش للمحل
لو لقيت حباته مب حسب المواصفات..
و قلت له اني وزعت الخيشة الاولى
لاني ما عرفت شاسوي فيها..
فطلب مني ارجاعها للمحل
لان من حقي استلم عيش حسب
المواصفات.. فهم يوردون من اكثي من مورد
فمن جذيه قد يكون احدهم ما يلتزم بالمواصفات..

[نفسي عزيزه]

مشكورين جميعا لاثراء الموضوع ومشكوره اليمامه ومتفقين انا وانتي في نوعية العيش الي نبي نقدمه للناس

نبي شي طيب وبسعر مقدور عليه مانقول رخيص رخيص لا شي يبيض الوجه كسعر وتقديم

[الشمالي111]

شوف عيش الارض الطيبه زين واذا تبي شي عدل عندك عيش محمد

[ولد العرب]

ان ما علمت عليك انك توزع التموين على الفقارى في قطر
اصبر علي.. عاد عقبها لا تزعل لو اسحبوا
بطاقتك :sneaky:..

اصلا سألت المسؤول عن التموين في وزارة الاقتصاد و التجارة.. هل يحق للمواطن استخدام المواد التموينية
لتجارة المطابخ المنزلية؟
قال لي لا.. فكيف بيسمحون لك توزعها
على غير القطري؟؟

قول لي انت الحين!!

يايمامه العرب
بعطيك عود ودهن العود بس اسكتي :nop::nop::nop:

[نفسي عزيزه]

كلمت مطوعنا المحترم وصاحب الاخلاق الطيبه يوسف عشاير وقالي بأسلوب راقي اذا زاد شي عندك ماتبيه مب مشكله لكن مب تشتري العيش بقصد الصدقه فمايصير لانه مدعوم من الدوله لخدمة اهل قطر لكن لو زاد شي من عندك من الخيشه فممكن اتبرع فيه بما انك ملكته

فالزبده في قطر قانون غير عن موضوع الكويت هني الحكومه شارطه عليك ان يكون لك والدعم لك يالقطري مب عشان اتصدق فيه

الحين موضوعنا هو العيش البديل وبكم وافضل نوع بسعر معقول

شكرا لكل من ساهم وشارك وانا جدا معجب بأسلوب شيخنا الخلوق يوسف عشاير من المطاوعه البشوشين الي يوصل لك المعلومه بأبتسامه وادب واخلاق

[المهاجر]

طيب لو طبخت من مواد التموين هل تطعم منه غيرك ولا بعد حرام؟!!

الدوله منعت البيع او التصدير بغرض وهدف الربح من وراه

وكذلك اذا انت ما تستخدمها ولكن تاخذها بقصد توزيعها

هنا تكون وقعت بالمحظور

لكن اذا انت تستخدمها في طعامك وجاك محتاج وعطيته منها فأعتقد انه مافيها شي مثل ماتطعم من طعامك اللي طبخته منها

والله أعلم



اعقلها وتوكل

[البيروني]

يا خوفي الدولة تهون من دعم التموين بسبب هذه العقليات
اذا انت مب محتاج التموين الله يرحم والديك لا تأخذ ولا تتبرع
فية اسر قطرية معتمدة علية لان دخلهم بسيط

[nooora]

شرعا يجوز لان البضاعة بعد الاستلام تصبح ملكك ولك حرية في التصرف ، لكن قانونا ربما لا ،
واذا من الاول شخص ينوي يتبرع بالتموين لا تاخذه اساسا وفر على الدولة ،،،
والله اعلم هذا رأي الشخصي

[Flowers]

اتفق معاك

[بومحمد المطاوعه]

كلمت مطوعنا المحترم وصاحب الاخلاق الطيبه يوسف عشاير وقالي بأسلوب راقي اذا زاد شي عندك ماتبيه مب مشكله لكن مب تشتري العيش بقصد الصدقه فمايصير لانه مدعوم من الدوله لخدمة اهل قطر لكن لو زاد شي من عندك من الخيشه فممكن اتبرع فيه بما انك ملكته

فالزبده في قطر قانون غير عن موضوع الكويت هني الحكومه شارطه عليك ان يكون لك والدعم لك يالقطري مب عشان اتصدق فيه

الحين موضوعنا هو العيش البديل وبكم وافضل نوع بسعر معقول

شكرا لكل من ساهم وشارك وانا جدا معجب بأسلوب شيخنا الخلوق يوسف عشاير من المطاوعه البشوشين الي يوصل لك المعلومه بأبتسامه وادب واخلاق


اسمه يوسف عاشير

الله يجزاه خير ويجزاك خير
من خيرة الشباب

وهذا المفروض على كل مسلم ان يصل المعلومه التي يعلمها بأسلوب طيب

سواء كان مطوع ولا غير مطوع
دام الأنسان مسلم ف هو محاسب على لسانه وافعاله

[يمامـة]

طيب لو طبخت من مواد التموين هل تطعم منه غيرك ولا بعد حرام؟!!

الدوله منعت البيع او التصدير بغرض وهدف الربح من وراه

وكذلك اذا انت ما تستخدمها ولكن تاخذها بقصد توزيعها

هنا تكون وقعت بالمحظور

لكن اذا انت تستخدمها في طعامك وجاك محتاج وعطيته منها فأعتقد انه مافيها شي مثل ماتطعم من طعامك اللي طبخته منها

والله أعلم



اعقلها وتوكل

اتصدق سألتهم نفس السؤال..
و ضحك الموظف الأول وقال لي من منا ما يودي بيت جيرانه؟

المقصد يا اخوي المهاجر..

و اشوف بعيوني.. توصل بيت ابوي خياش عيش و سكر و كراتين حليب
و زيت في رمضان بهدف توزيعها على الاسر المتعففة او الفقيرة..

و فوقه كثيرين يشاركون بمواد التموين هذه في حملة توفير مونة رمضان للأسر الفقيرة..

و في مرات يخصصون من حصتهم كرتون حليب و خيشة عيش حق بيت فلان لانهم محتاجين..

الدولة تتكلم عن هالحالات اللي ما تسمح فيها بالتصرف بالتموين .. دامك مب محتاجه لا تشتريه بنية الصدقة..

لأني ذكرت للمسؤول ان خيشة العيش اللي عندي ما كانت ذات جودة و عطيتها حق عامل ..
ما قال لي ما يحق لج تعطينها حق العامل.. لكنه قال لي يحق لج تردينها حق المحل اللي شريتي منه
و تقولين له العيش مب زين.. لأن هذا حقج دامج دافعة في فلوس..

[يمامـة]

المهم..

خيشة طحين رقم 1 جميع الاستخدامات صارت على 32 ريال لحامل بطاقة التموين القطرية
و يقدر يشتريها من فروع الميرة.. و سعرها قبل كانت على 123 ريال..
الخيشة فيها 50 كيلو.. اعتقد العرض ساري لين اخر الشهر..

صحيح 50 كيلو وايد..
الا اني خذت لي خيشة بيني و بين امي ..

فاللي حاب يشتري و يشوف ان 50 وايد يأخذ له بينه و بين هله..

و شكرا لكم..

[يمامـة]

يايمامه العرب
بعطيك عود ودهن العود بس اسكتي :nop::nop::nop:

اعجبتني المقايضة هذه..
متى تستلم سكوتي و استلم بضاعتي؟:whistling: