منافسه الثوب الرجالي لأسعار العبايات النسائيه !!

[حمد 2002]

السلام عليكم ورحمه الله وبركاته

منافسه الثوب الرجالي لأسعار العبايات النسائيه !!

اثناء حديثي مع احد ملاك محلات الخياطه الرجاليه اخبرني بأن اسعار الخياطه للثوب الرجالي اصبح منافس للعبايه النسائيه حيث انه سعر الثوب الواحد مع القماش قريب ال 500 ريال !! .. وانا هنا اندهشت قلت له شدعوه حرام .. قالي انت وين عايش !! :this: // ،، المهم ورديت قلت له كم اسعار العبايات النسائيه قالي تبدي من 500 وطالع !! ..

المهم الحين ابي رايكم بالموضوع اخواني واخواتي رواد منتدى شبكه الاسهم القطريه ؟

[Riku3]

المشكلة في الناس الي بس تدفع .. العبايات او الثياب للحين في اماكن تخيطلك بـ 20% من السعر الي انت عرضته بنفس المستوى ..

عن نفسي اشتري الطاقة من مكان وتكلفني بين 300 او 400 .. وافصل الثوب الواحد بـ 80 .. واقدر احصل ارخص من نص السعر .. بس يعجبني شغلهم .

مثل الغترة .. اقدر اشتري غالية واقدر اشتري نوع الرويس بـ 20 ريال واخذ عدد يمشيني سنين وكل ما توصخت اقطها .

[ولد العرب]

تعال معي قماش فاخر وخياط محترم ب120 ريال وانتهت

انت رايح حق صااحب الايجارات خياليه نفس قباء لكزس نبراس

[khalid Qtr]

مبالغة ما لها داعي، شالفرق بين الثوب اللي أفصله بـ 120 إلى 150 بالكثير، وبين الثوب اللي يفصله غيري بـ 350 وأكثر؟!
نفس الخلق، ونفس جودة الخياطة.

[الأستثمار]

الله يصبحكم بالخير
للاسف يوجد مبالغه جدا بالاسعار وهذا بسبب اجار المحل بالنسبه لي سوق العلي محلات الي فيه تفصيلهم ما عليه كلام وما يكلف الثوب بالكثير 150 اما ادفع بثوب 250 ولا 500 عسى ماشى ليه يعني

[الحياة الخالدة]

محد طقك عل يدك وقالك اشتر بالسلعه الفلانيه ..

ومب ميت اذا ماشريت ..

انا اجوف انه كل تاجر حر بسلعته وهالشيء بالشرع حلال ومب حرام ..
مدامه ماحتكر سلعه معينه وخزنها وباعها في وقت عدم وجودها ..
انا اجوف انت غلطان ياراعي الموضوع :anger2:


هذا ردك على أخونا نكلان في موضوعه

http://www.qatarshares.com/vb/showthread.php?632695-%E3%C8%C7%E1%DB%C9-%CE%ED%C7%E1%ED%C9-%DD%ED-%C3%D3%DA%C7%D1-%C8%DA%D6-%C7%E1%D3%E1%DA-%DD%ED-%C7%E1%E3%E6%E1%C7%CA-%C7%E6%DE%DD%E6-%C7%E1%C7%D3%CA%DB%E1%C7%E1

واحنا نعطيك نفس ردك

[حمد 2002]

المشكلة في الناس الي بس تدفع .. العبايات او الثياب للحين في اماكن تخيطلك بـ 20% من السعر الي انت عرضته بنفس المستوى ..

عن نفسي اشتري الطاقة من مكان وتكلفني بين 300 او 400 .. وافصل الثوب الواحد بـ 80 .. واقدر احصل ارخص من نص السعر .. بس يعجبني شغلهم .

مثل الغترة .. اقدر اشتري غالية واقدر اشتري نوع الرويس بـ 20 ريال واخذ عدد يمشيني سنين وكل ما توصخت اقطها .


رايك عجبني..
شكرا لك

[حمد 2002]

تعال معي قماش فاخر وخياط محترم ب120 ريال وانتهت

انت رايح حق صااحب الايجارات خياليه نفس قباء لكزس نبراس

يمكن فخامه المكان واجاره له دور برفع السعر..

شكرا لك..

[حمد 2002]

مبالغة ما لها داعي، شالفرق بين الثوب اللي أفصله بـ 120 إلى 150 بالكثير، وبين الثوب اللي يفصله غيري بـ 350 وأكثر؟!
نفس الخلق، ونفس جودة الخياطة.

القماش مايفرق؟ بين التيبو والشكيبو والانواع الاخرا..
الجوده بالخياطه.. والسرعه وسمعه المحل ؟

[حمد 2002]

الله يصبحكم بالخير
للاسف يوجد مبالغه جدا بالاسعار وهذا بسبب اجار المحل بالنسبه لي سوق العلي محلات الي فيه تفصيلهم ما عليه كلام وما يكلف الثوب بالكثير 150 اما ادفع بثوب 250 ولا 500 عسى ماشى ليه يعني

فيه ناس تقولك المحلات الغاليه تقدم مميزات اكثر واكبر..

[ولد العرب]

هذا ردك على أخونا نكلان في موضوعه

http://www.qatarshares.com/vb/showthread.php?632695-%E3%C8%C7%E1%DB%C9-%CE%ED%C7%E1%ED%C9-%DD%ED-%C3%D3%DA%C7%D1-%C8%DA%D6-%C7%E1%D3%E1%DA-%DD%ED-%C7%E1%E3%E6%E1%C7%CA-%C7%E6%DE%DD%E6-%C7%E1%C7%D3%CA%DB%E1%C7%E1

واحنا نعطيك نفس ردك

تبارك الله عليك يامشرفتنا
رد وافي ومختصر ومنه وفيه

[حمد 2002]

هذا ردك على أخونا نكلان في موضوعه

http://www.qatarshares.com/vb/showthread.php?632695-%E3%C8%C7%E1%DB%C9-%CE%ED%C7%E1%ED%C9-%DD%ED-%C3%D3%DA%C7%D1-%C8%DA%D6-%C7%E1%D3%E1%DA-%DD%ED-%C7%E1%E3%E6%E1%C7%CA-%C7%E6%DE%DD%E6-%C7%E1%C7%D3%CA%DB%E1%C7%E1

واحنا نعطيك نفس ردك

بالفعل احسنتي اختي الحياه..

كل تاجر حر بسلعته رفعها زادها هو حر..

تحياتي..

[يمامـة]

المشكلة في الناس الي بس تدفع .. العبايات او الثياب للحين في اماكن تخيطلك بـ 20% من السعر الي انت عرضته بنفس المستوى ..

عن نفسي اشتري الطاقة من مكان وتكلفني بين 300 او 400 .. وافصل الثوب الواحد بـ 80 .. واقدر احصل ارخص من نص السعر .. بس يعجبني شغلهم .

مثل الغترة .. اقدر اشتري غالية واقدر اشتري نوع الرويس بـ 20 ريال واخذ عدد يمشيني سنين وكل ما توصخت اقطها .

الرويس شرد من المنتدى.. تحمل تشتري غترة الرويس
بتشرد من على راسك :happy:

اتفق معاك في مشاركتك..
الحين مب عارفة شنهو اللي يفرق
تفصيل و نوع القماش اللي يحن خوسيه
الا يفصله عند قباء مقارنة مع اللي
يفصلهم في الفريج!!
اللهم التاغ على الكلر من الداخل و نوع الزرار!!

ما شفت القماش فيه ميزة
او الخياطة ما في احسن منها
او الكرتون استحمل كواي الخدامات :this:

الناس بس يدورون وين الغالي
و يطبون عليه..

الركض ورا الاسعار الغالية صايرة ثقافة للمجتمع..
كل واحد مننا رافض الاسعار العالية
يبتدي بنفسه باتباع ثقافة محاربة
الاسعار الغالية بيلقى بدايل كثيرة
توفر له فلوسه و بيدخرها لامور افضل
من تفصيل ثوب ب ٦٠٠ ريال
و نعال ب ١٥٠٠ ريال..

[ام علاوي]

استغفر الله ولا حول ولا قوة الا بالله

[MAZEN37]

بالمناسبه من وين يشترون طاقة شكيبو الاصلي

[الشمالي111]

بالمناسبه من وين يشترون طاقة شكيبو الاصلي


مع اني ما احب نوعيه الشكيبو بس الي اعرفه في محل في السد بعد كنتاكي

[Azizuk]

تجار الخام عندنا في قطر مايزيدون عن 4 الى 5 تجار في السوق

وهم اللي يجيبون الخام وكل تاجر يحط الاسم اللي يرغب في ويغير الاسم كل سنه

بس الخيايط الثانية تجيب القماش الغالي أو النوع السعر العادي وتبيعه بسعر خيالي لان الثوب تفصيل خصوصي

في اقماشة أسعارهم على 3000 آلاف ريال وأكثر ممكن

عند متجر الخان والعماد انواع اقمشة جوده عالية بس عاااد هالمحلات معروفه من يبيعون له

عني أخذ قماش بسعر الجملة وأخذ كمية شي استخدمة لي وللعيال وشئ يتوزع هدية للأقارب والاصدقاء

الطاقة تطلع على ب 550 ريال سوى شيكيبو وإذا تيوبو أغلى شوي والي اغلاهم تتراكس مازال ينزل في السوق وفِي أقمشة أغلى انا ماخذ الغالي جدا


عندي شباب يستحون يفصلون عند خياط رخيص ،،،، لازم برستيج معين على قولته يحس اذا شرى شي بورخيص يفشل وانه شييييب

الله يرحم تفصيل الثوب قبل كان على 25 ريال بدون قماش في خيايط سوق واقف

والحين الثوب الواحد يوصل 600 ريال

في خياطين سوق العلي يكلف الثوب مع القماش 90 الى 120 الى 180 ريال والثوب على حسب جودة القماش

خياط علي بن علي الباكستاني كان ممتاز في سوق واقف وحاليا مكانه صار فندق وهو انتقل قدام شوي

رحت من كم شهر عرس ولد راعي محلات لكزس في باكستان بمنطقة ملتان بس سوى وليمه وعرس ماصار

الرجال بطر بطره خطر يعبدونه من كثر الاحترام والتقدير والمكانة اللي يحظى بها

[راجي الْعفو]

بالمناسبه من وين يشترون طاقة شكيبو الاصلي

قباء أنواعه زينه

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

وش يوديك للغالي !!

رح لخياط جودة وسعره زين ..

الثوب مثله مثل الساعات و غيره من الامور اللي تنلبس

ساعه تلقاها ب ألفين و تكفي و توفي للبس و الكشخه

وساعه تلقاها ب بخمسمائة الف ريال وتكون عادية بس انها ماركة !!


بدل البطره الزايده اللي ما لها داعي سو لك وقف بهالفلوس ينفعك في اخرتك

او تصدق عالمحتاحين

[العقل المدمر]

تستاهلون كثر ما عيبتوا عالحريم الله بلاكم :funny:

[بوخميس]

روح رامين في العسيري او سوق واقف

الطاقة من 200 وتوصل اسعار الانواع الزينة على 500-600 وعنده شيكيبو وتويوبو وعنده انواع خام خاصة لمحله من اليابان

[nooora]

راحت ايام العبايات ف سوق خميس وجمعه ...
العبايه ساده ما تكلف وايد على حسب الهبل والستايل

[يمامـة]

تستاهلون كثر ما عيبتوا عالحريم الله بلاكم :funny:
:nop::nop::nop:

[بومحمد المطاوعه]

قباء أنواعه زينه

اول مافتح
فصلت حق عرسي ف سنه 2010 من عنده حول 10 ثياب

خلال شهرين اقولك تشوف الكلر مبقع ومنتفخ تقول جسم انسان صايده دول :oops:

من ذاك اليوم وانا ساحب عليه

[ya3coub]

المشكلة في الناس الي بس تدفع .. العبايات او الثياب للحين في اماكن تخيطلك بـ 20% من السعر الي انت عرضته بنفس المستوى ..

عن نفسي اشتري الطاقة من مكان وتكلفني بين 300 او 400 .. وافصل الثوب الواحد بـ 80 .. واقدر احصل ارخص من نص السعر .. بس يعجبني شغلهم .

مثل الغترة .. اقدر اشتري غالية واقدر اشتري نوع الرويس بـ 20 ريال واخذ عدد يمشيني سنين وكل ما توصخت اقطها .

وين خياطك ؟؟؟؟؟ و اشلون خياطته ؟؟؟


تعال معي قماش فاخر وخياط محترم ب120 ريال وانتهت

انت رايح حق صااحب الايجارات خياليه نفس قباء لكزس نبراس

ولد العرب دلني عليه هالخياط بو 120 .....

انا صارلي فتره و كرهت موضوع الثياب و الزيادة المبالغ فيها و يجيونك كم واحد فالسناب على 2000 الثوب شنو هاي المهم صرت اروح ارز الويه مع الوالد و تجينني ثياب ببلاش صج فشلة بس عن لا اسمه كلمة قصو عليك ولا الثوب الي بــ350 على ولا شي ولا اللي اجيبله الطاقه و يقولي الثوب الواحد تفصيله بــ150.


عن نفسي حتى الطاقات قبل نارمين مدري رامين شي جذي فالسوق "الجبر" مجابل مسجد ام القبيب, من يوم انا صغير و اهو عنده خصومات و بيسكر و مادري اذا شالوه اخيرا او لا بس عنده طاقات محترمه غير عن سوق العلي و غيرهم احس الخلق مو نفس الشي و اغلا عالفاضي.

[راجي الْعفو]

اول مافتح
فصلت حق عرسي ف سنه 2010 من عنده حول 10 ثياب

خلال شهرين اقولك تشوف الكلر مبقع ومنتفخ تقول جسم انسان صايده دول :oops:

من ذاك اليوم وانا ساحب عليه

بومحمد انت قلت التغيرات صارت عقب العرس فراجع الاسباب ^_^

انا عن نفسي من سنين معاه واشوف الامور تمام التمام

يمكن نوع الخلقه لها دور في موضوع البقع و الانتفاخ

[وحيد-الشوق]

الاخوان الي يقولون خياطين سوق العلي والله يا اخوان اني اشوف ثيابه ماتنلبس صراحه انا اخذ القماش تيوبو من العميد او رامين ولو انه الثاني سحبت عليه ما احسه صادق وافصل عند قباء الثوب تفصيل ب100 ومرتاح معاه جربت الشال الكلر مايعرف يضبطه

[ya3coub]

انا عن نفسي من فتره شفت سيارة خياط و لحقته و سولفت معاه و انه يجيني البيت او المكتب و ياخذ القياسات و قال الثوب من عنده الأقمشه و ممكن ايضا من عندي

سئلته بكم قالي اقل شي 900 ريال الثوب الواحد :|:|:| و بس قلت له الله يحفظك عندي سيارة بروح مع الوالد للخياط ببلاش و ارد

[بومحمد المطاوعه]

بومحمد انت قلت التغيرات صارت عقب العرس فراجع الاسباب ^_^

انا عن نفسي من سنين معاه واشوف الامور تمام التمام

يمكن نوع الخلقه لها دور في موضوع البقع و الانتفاخ

هههههههههه

يمكن نوع الكرتون الي يستخدمه حق الكلر فيه مشكله
والحين تصلح مادري

بس هذي المحلات غاليه على الفاضي

انا اخذ الطاقه بنفسي واوديه خياط من صغير اتعامل معاه بس خبرك حق العرس قلت بدلع نفسي

بس امحق دلع طلع هههههههههه :sneaky:

[khalid Qtr]

القماش مايفرق؟ بين التيبو والشكيبو والانواع الاخرا..
الجوده بالخياطه.. والسرعه وسمعه المحل ؟

القماش اللي تقول عنه موجود عند لكزس وقباء والشال، وموجود عند غيرهم من الخياطين العاديين بعد، يعني مب حصري عندهم، ومن ناحية السرعة، تعتمد على الموسم، أحيانًا تستلم ثيابك ثاني يوم، وأحيانا اسبوع، وما اعتقد المحلات اللي قلت عنها تختلف عن المحلات الكبيرة من ناحية المدة، وعن نفسي السمعة ما تهمني إذا حصلت محل مغمور وشغله ممتاز.

[بومحمد المطاوعه]

الاخوان الي يقولون خياطين سوق العلي والله يا اخوان اني اشوف ثيابه ماتنلبس صراحه انا اخذ القماش تيوبو من العميد او رامين ولو انه الثاني سحبت عليه ما احسه صادق وافصل عند قباء الثوب تفصيل ب100 ومرتاح معاه جربت الشال الكلر مايعرف يضبطه

تيوبو احسن شي

عندك نوعين
60 ألف و 6000 اعتقد شي جذي

بس التفصل مادري عن قباء الحين اعتدل عن قبل تهقى .؟

وتفصيله ب 100 ..؟

شي طيب

[جبر ال جبر]

يارجل انا جاي من الكويت من كم يوم انصدمت وصعقت من أسعار الخلق هناك في سوق المباركيه شي مب طبيعي
ماعرف ليش في قطر ماخذينا مقصه انا مب ذاكر أسماء خيايط لانه مابي اقطع رزقهم بس سبحان الله التفصيل مهاره مب شرط اسم المحل قد يكون محل مدعوس في احد الأسواق الشعبيه يفصل افضل بالف مره من خياط مشهور
انا عن نفسي عندي خياط دايمن افصل عنده دكتور خياطه ماشاءالله عليه فمساله الخياط انحلت عندي واموري اوكي
بقى بس الخلق واختيار الخامه ذات الجوده العاليه تفاوت الأسعار هذا الي يخلينا مانستقر على محل معين
فبالتالي بعضهم يريح راسه ويروح خياط معين متعود عليه يفصل عنده مره وحده عنده الخلق والتفصيل

[بوخميس]

شنو 150 -200 ريال بس تفصيل؟؟

انا اخذ الخلق من برا

واروح خياط الدقة في شارع المطار يفصل على 50 وفي خياييط على 40-60 هذا حدهم

[toyota]

اللي عنده خير والله منعم عليه يروح يفصل ويشتري اللي في خاطره واللي على قده يدور شي مناسب على قده وانتهى الموضوع ...

[يمامـة]

اللي عنده خير والله منعم عليه يروح يفصل ويشتري اللي في خاطره واللي على قده يدور شي مناسب على قده وانتهى الموضوع ...


الموضوع مب متعلق باللي عنده خير و اللي على قد حاله..

الموضوع متعلق بثقافة الشراء عند المواطن القطري
و اللي من خلاله التجار او مشغلي المحلات يصيرون
مليونيرية على حسابهم..

لذلك لابد من تصحيح هذه الثقافة و معرفة
الفرق ما بين الجودة و الفنشينج في الخياطة
و ما بين دفع مبالغ كبيرة لاسم المحل فقط..

عني بما ان الثياب تنغسل و تنكوي في البيت
ما شفت شي ميز الثياب الغالية عن اللي اسعارهم
ارخص غير اللوغو و الزراير بس..

ما شفت الثوب يقاوم الوصاخة و لا سهل الكواي
او خياطته فيها حركات سحرية..

لذلك من خلال هالموضوع نقول لشبابنا
اذا الله منعم عليك لا تخلي جشع التجار
يلتهم جيبك..

هذه هي النصيحة المقدمة من خلال الموضوع
و كل عقله في راسه و يعرف خلاصه..

الوداع..

[toyota]

ثقافة الشراء مب بين يوم وليله تتغير وبعدين مب القطري بس هو اللي عليه الكلام كل الناس وكل الدنيا تسوي هالشي جات علينا احنا يعني ؟؟
اللي عنده يشتري واللي ماعنده يتفرج هههههه

[يمامـة]

صح كلامك ثقافة الشراء مب متغيرة في يوم
و ليلة و لا بتتغير لمجرد انك تقرى النصايح
في المنتدى..
الثقافة بتتغير مع الوقت فمن جذيه
تشوفنا نستشرف المستقبل و نحث على
تغيير الثقافة من الحين..
و اللي عنده فلوس محدن بيمنعه يشتري
و اللي ما عنده بعد محدن بيمنعه يشتري..

الاهم اللي حاب يستفيد أكيد بيستفيد من
النصايح في الموضوع.. و هذا هو المهم بشكل عام..

[toyota]

كلام عدل صح

[بومحمد المطاوعه]

والله اعرف ناس عندهم خير وفالشهر يدخل عليهم مبلغ وقدرة
ماشاءالله الله يزيدهم الزود

لكن محاسبين ويعرفون اشلون يديرون الفلوس
والمشتريات

مب بس تعال وقط فلوسك
مب مقصرين على نفسهم ولا عيالهم وحتى مجالسهم مفتوحه وكل يوم عشى

لكن ماشاءالله امور النصب والمحايل من بعض اصحاب المحلات
محد يقدر ينصب عليهم ههههه

[طلعة الروح]

والله اعرف ناس عندهم خير وفالشهر يدخل عليهم مبلغ وقدرة
ماشاءالله الله يزيدهم الزود

لكن محاسبين ويعرفون اشلون يديرون الفلوس
والمشتريات

مب بس تعال وقط فلوسك
مب مقصرين على نفسهم ولا عيالهم وحتى مجالسهم مفتوحه وكل يوم عشى

لكن ماشاءالله امور النصب والمحايل من بعض اصحاب المحلات
محد يقدر ينصب عليهم ههههه

هذيل يمكن من خبرتهم العمليه في السوق صار عندهم ذكاء تجاري في التعامل مع الباعه والتجار ...
شي طيب انك تقدر تميز الزين من الردي كمستهلك وماتمشي عليك الاعيب وحيل البعض التجاريه البحته خاصة مع المقارنه والخبره المتراكمه لكن اقدر اقول ان البعض منا يستهتر بحجة الكسل وعدم رغبته في التعني والذهاب من مكان لاخر ورغبته الشديده في السلعه وكانه لا يوجد لها بديل في السوق المحلي للاسف هي ثقافه يجب ان نبدا في تغييرها سواء من ناحية عادات التسوق غير المحموده او من ناحية تكديس السلع التي لاحاجة لها في البيت والتي تشترى ويكون مصيرها التكدس او الالقاء في سلة المهملات.

[مضارب دوسري]

شريت طاقتين تويوبو ب 1100 من سوق واقف

وتفصيل 10 ثياب ب 400 ف سوق العلي

المجموع 1500 ههههههه قال ايش قال 500 الثوب عنبوووه فستان ما يفصلونه بهالسعر

[مضارب دوسري]

بالمناسبه من وين يشترون طاقة شكيبو الاصلي

ف سوق واقف على 500 و550 ريال
ماحب هالنوع لان القماش يااابس ومايمديك تجلس على كرسي الا ويعتفس كانك راقد بالثوب


جرب تشوف تويوبو بس يكون قماش خفيف بيعجبك

[مضارب دوسري]

وين خياطك ؟؟؟؟؟ و اشلون خياطته ؟؟؟



ولد العرب دلني عليه هالخياط بو 120 .....

انا صارلي فتره و كرهت موضوع الثياب و الزيادة المبالغ فيها و يجيونك كم واحد فالسناب على 2000 الثوب شنو هاي المهم صرت اروح ارز الويه مع الوالد و تجينني ثياب ببلاش صج فشلة بس عن لا اسمه كلمة قصو عليك ولا الثوب الي بــ350 على ولا شي ولا اللي اجيبله الطاقه و يقولي الثوب الواحد تفصيله بــ150.


عن نفسي حتى الطاقات قبل نارمين مدري رامين شي جذي فالسوق "الجبر" مجابل مسجد ام القبيب, من يوم انا صغير و اهو عنده خصومات و بيسكر و مادري اذا شالوه اخيرا او لا بس عنده طاقات محترمه غير عن سوق العلي و غيرهم احس الخلق مو نفس الشي و اغلا عالفاضي.

سوق العلي
عندك خياطين اتعامل معاهم من اكثر من 9 سنين

الغرافه لاني غرفاوي
ولودر اللي جنبه
مكانهم جنب المسجد اللي فالنص
هذولي اللي جربتهم ومعظمهم بصراحه يمدحونهم الناس بس كل واحد اذا صار عميل لمكان يمدحه

بس روح من الحين وخلص شغلك لان فالزحمه خياطتهم تنكب

فالرخا يقول حق قباء ولكزس صفوا على جنب وتعلموا

[مضارب دوسري]

ملاحظه فترة الاعياد ووقت الزحمه
بعض الخياييط الغاليه
يفصلون ف سوق العلي يوفرون لهم الزرار وهالحركات والقماش
ويخلونهم يفصلون لزباينهم وفرق السعر مربح :)

انا اتكلم عن وقت الزحمه اللي قبل العيد ب 10 ايام



لذلك تجدهم لين قبل العيد ب 3 ايام ما يقول لا لاي زبون

[7llo]

يمكن يعتمد على الايجار لكن بالنسبه لي اشوف نبراس تفصيله ممتاز بس غالي وايد، ثياب نبراس افصلها للمناسبات يعني حق عرس او عيد بس افصل لي ثوبين او 3 بالكثير من عنده لانه يفصل الثوب ب 380 و 400 اما الباقي افصل من الكلر الابيض ب 170 الثوب افصل لي حول 10 ثياب يتمون معاي 5 شهور ، يعني الاول والاخر يرجع للمشتري ميزانيته وحق شنو الثياب

[بومحمد المطاوعه]

هذيل يمكن من خبرتهم العمليه في السوق صار عندهم ذكاء تجاري في التعامل مع الباعه والتجار ...
شي طيب انك تقدر تميز الزين من الردي كمستهلك وماتمشي عليك الاعيب وحيل البعض التجاريه البحته خاصة مع المقارنه والخبره المتراكمه لكن اقدر اقول ان البعض منا يستهتر بحجة الكسل وعدم رغبته في التعني والذهاب من مكان لاخر ورغبته الشديده في السلعه وكانه لا يوجد لها بديل في السوق المحلي للاسف هي ثقافه يجب ان نبدا في تغييرها سواء من ناحية عادات التسوق غير المحموده او من ناحية تكديس السلع التي لاحاجة لها في البيت والتي تشترى ويكون مصيرها التكدس او الالقاء في سلة المهملات.

اي ماشاءالله شي طيب والله

ياخي امس مصار لي موقف ف البقاله
شريت كم شي
طلع الحساب 12 ونص
قلت له خلها 12 بعد نص ليش
وعطيته 100 ريال

رجع لي الباقي 87 ريال

ماحسب 12 ولا 12 ونص
حسب ب 13

قلت له تعال تعال
انا قلت لك 12 وقلت اوكي ليش تاخذ 13 !!

يا ترجع لي النص يا تاخذ 12 اما تبوقني مب على كيفك


المبدأ مب في نص ريال ولا ريال ولا عشرين

المبدأ استغلال المواطن القطري
اليوم بياخذ نص مني وبياخذ من غيري وفالأخير مبلغ وقدره طلع من هالنص

[بو خليفه 123]

لو اقولك لك بفصل لك ثوب ب 1000 ريال بس يخفي كرشتك .. هل بتدفع ؟
اتوقع اغلبنا بندفع .

هذا هو حال القماش . الثوب الي ب 100 ريال يختلف بشكل كبير عن الثوب الي ب 350 ريال .

و وجه المقارنه بين الثوب والعبايه غير عادل . لأنه للاسف بعض النساء قاموا يسوون فناتك بالعبايه و يكون فرق بسيط بينها و بين فستان العرس او قماش الستاره .

لكن الثوب يتم ثوب . نفس قصته و نفس موديله و تفصيله . الاختلاف بالقماش و جودته فقط . و لك انت الخيار تفصل ب 50 ريال او 500 .

[sara jsm]

ماشاءالله عجبني الموضوع وايد ..
خاصه اسامي انواع القماش والخياييط والاسعار ..
حق اللي عندهم صبيان مثلي :p
:
جربت حق عيالي في لكزس وقباء ..
قباء احسن والخياطة مرتبه واغلى من لكزس ..

[ameeer3]

شكله الثوب بو ‏500‏ ريال الي تتكلم عنه مطرز نفس ثوب نصور المعجزة ‏

[Diesel]

اشتر من رامين في سوق العسيري ولا سوق واقف وريح راسك. شيكيبو وتيوبو ب 400 ريال

[Charisma]

ماشاءالله عجبني الموضوع وايد ..
خاصه اسامي انواع القماش والخياييط والاسعار ..
حق اللي عندهم صبيان مثلي :p
:
جربت حق عيالي في لكزس وقباء ..
قباء احسن والخياطة مرتبه واغلى من لكزس ..

قباء الأفضل.