حد يعرف وكلات سيارات تبيع عن طريق شركه

[aloosh]

السلام عليكم
عندي صديق يسال عن وكالات تبيع سياراتها عن طريق الشركه يقول غير الفولكس ويجن
وتقبقلوا تحياتي

[واقع]

مافهمتك اخوي ، هل تقصد ان الاقساط تكون عن طريق الشركة ؟ او تقصد الايجار حتى التملك ؟ او تقصد شي ثاني ؟

[aloosh]

مافهمتك اخوي ، هل تقصد ان الاقساط تكون عن طريق الشركة ؟ او تقصد الايجار حتى التملك ؟ او تقصد شي ثاني ؟

الاقساط عن طريق الشركة

[eXpert*]

الاودي واعتقد المرسيدس

[aloosh]

تسلفمون هو راح الاودي وان شاء الفله يحصل الفلي يبيه

[FalcoOoN]

اسهل وكالة وسياراتها ممتازة هي الكيا.... واتوقع النيسان عندها بعد

[الصدق منجاة]

النسيان والكيا والشفرولية هيونداي
التقسيط عن طريق الشركة مباشرة

[aloosh]

بس يقول لي مبالغين في الاسعار:)

[مضارب دوسري]

جمس فوايدهم معقوله 4.5%
شفروليه فوايدهم عاليه 8%

نيسان
ميتسوبيشي
التضامن والطارق اذا تبي تويوتا منهم
ماعرف كم نسبة الفايده عندهم

كيا فوايدهم عاليه 9%


كل هالشركات تقبل ان تبيع السيارات بمقابل شيكات

[مضارب دوسري]

بس يقول لي مبالغين في الاسعار:)

فقط
احسب كم القسط × عدد الاشهر
وشوف عقب كم قيمة الفايده وقرر على حسب اقلهم فايده طبعا

واهم شي تكون قطع غيار السياره اسعارها معقوله
لان نيسان وميتسوبيشي قطع غيارهم غاليه جدا مقارنه ببلد تصنيعهم اليابان

حتى شركة الهوندا يعطون بس بعد قطع الغيار غاليه وفوايدهم عاليه

[مضارب دوسري]

ملاحظه اخيره

الجمس ايضا عندهم ميزة تشتري سياره مسترجعه للوكاله موديلات 2015 وفوق
وايضا بنظام اقساط

وهذي مناسبه للي ما يبي يشتري موتر اصفار وطبعا بيكون فرق سعر ارخص بوايد

[عازف]

اخوي شركة تويوتا مسوين عروض على جميع السيارات امكانية الايجار حتى ال101441تملك
عرض رمضان 2018 من تويوتا :

كل من يشتري أي من سيارات تويوتا موديل 2018 يدخل السحب على الفوز بسيارة واحدة من أصل 4 سيارات من الجوائز المذكورة أدناه :


الجوائز :
- سيارة تويوتا كامري هايبرد موديل 2018 ( جائزتين )
- سيارة تويوتا بريوس موديل 2018 ( جائزتين )


، كما يحصل أيضا على:
- امكانية الايجار حتى التملك بالمزايا التالية:

1. بدون كفيل.
2. بدون دفعة أولى.
3. بدون موافقة بنكية.
4. تأمين شامل مجاني.
5. خدمة صيانة مجانية.
6. تسجيل مجاني.

[ya3coub]

المانع للسيارات،

دودج جيب و كرايسلر و في خصومات حلوة للي يبي بس مثل ما اذكرو الاخوان في شروط معينه و نسبتهم اعلى من البنك.

لان البنك اذا ما رضى يعطيك في جهات التمويل لأنهم يتسامحون اكثر و نسبتهم اقل من نسبة وكالات السيارات

[الصدق منجاة]

بس يقول لي مبالغين في الاسعار:)

الكيا 4.5 %
الهيونداي 5%

[aloosh]

جعلكم تسلمون على الردود

[ya3coub]

بعد ان قريت بان التيوتا منهم اتصلت للأسف ما عندهم موديلات جديدة بدون دفعه اولا فالمستعمل


و الجديد عندهم ايجار حتى التملك على الكروزر يطلع اغلى من جديد بحدود الـــت40~45 ألف ريال اغلى

الأحسن التعامل مع شركات التمويل او البنك