استفسار عن الشنغن

[سعود العمادي]

السلام عليكم

استفسار عن فيزا الشنغن

انا قدمت عليها من السفاره الفرنسيه تمام

الحين لو مثلا بسافر اسبانيا لازم انزل فرنسا مكان الجوازات كاني طالع منها وراجع مره ثانيه المطار

ولا فالترانزيت فيه مكان يختمون على الفيزا اني دخلت فرنسا ؟؟

ويعطيكم العافيه

[monatee]

من خلال تجربتي

ماعمره حد من جوازات الدول الاوربيه سألني ليش فيزتج من هالدوله وانتي مادخلتيها ( وكانت الفيزا جديده )

الدوله الوحيده اللي ممكن تشدد في الاجراءات وتكثر اسأله هي ألمانيا

اما الباقي سهالات وبذات سويسرا واسبانيا


===============

بالنسبة لسؤالك مافهت عليك ، يعني انت بتروح اسبانيا وبتنزل ترانزيت فرنسا ؟

[bo_hamad]

تنزل فرنسا ومن بعدها تروح الدول الاوربية اللي تبيها

[سعود العمادي]

من خلال تجربتي

ماعمره حد من جوازات الدول الاوربيه سألني ليش فيزتج من هالدوله وانتي مادخلتيها ( وكانت الفيزا جديده )

الدوله الوحيده اللي ممكن تشدد في الاجراءات وتكثر اسأله هي ألمانيا

اما الباقي سهالات وبذات سويسرا واسبانيا


===============

بالنسبة لسؤالك مافهت عليك ، يعني انت بتروح اسبانيا وبتنزل ترانزيت فرنسا ؟

فيزتي جديده من الفرنسيه ... والبعض قالوا لازم تنزل فرنسا تنرانزيت عشان الختم لانك مطلع الفيزا من الفرنسيه
وعقبها تقدر تروح اي دوله اسبانيه

ومثل ماقلتي وفي بعض قالوا عادي تقدر تروح انت وحظك هههههههه

[سعود العمادي]

تنزل فرنسا ومن بعدها تروح الدول الاوربية اللي تبيها

تمام التمام

[ذكي جدااا]

تقدر تنزل اسبانيا مباشرة بس يكون عندك حجز فنادق بفرنسا اكثر من اسبانيا. يعني ترويهم مثلا حجز أول ليلتين باسبانيا وخمس ليالي اللي بعدها بفرنسا في هالحالة مسموح وإذا سألوك اشلون بتروح قول لهم بسيارة بستاجر وخاصة اذا نزلت مطار برشلونة فهي أصلا قريبه من فرنسا وعلى الحدود تقريبا. الزبدة اذا تبي تنزل اسبانيا اولا ممكن بشرط يكون مدة بقائك بفرنسا أطول من اسبانيا ويكون عندك حجوزات فنادق من بوكنج.

[غيم الجنوب]

ما أزيد على كلام اخوي ذكي جدا
اذا الفيزا جديده و اول مره تستخدمها لازم تنزل فرنسا وإذا جدولك غير أحجز حجوزات وهميه تتكنسل فري اون لاين اول ماتدخل اسبانيا كنسلها
اذا سفرتك ظ،ظ* ايّام تبين فالتذكره طبعا حط حجز وهمي ظ§ ايّام فرنسا
الطريقة أحسن و أمن لك بدل المشاكل وعوار الرأس والمثاليه الاوروبيه

[kmk]

انا رحت على طول برشلونة ومطلع الفيزا من الفرنسية وحتى ربعى اثنين توهم رايحين نفس الشى محد كلمهم

[Bo3essa]

يا اخوان بعد استفسر بس بالعكس من ست شهور كنت بروح اسبانيا وطلعت شنغن من اسبانيا بس كنسلت سفرتي وماسافرت اسبانيا. الحين ناوي اروح باريس. وفي مكتب قالي روح كنسل الفيزا من اسبانيا رحت السفاره الاسبانيه وقالي مانكسل الفيز.
الحين انا ابي اروح فرنسا ومابي اروح اسبانيا والسفره بتكون مع العيال.
شرايكم اروح واتوكل على الله. ولا عندكم شور ثاني.
للعلم لقيت مناديب اثنين قالوا لي عادي تقدر تسافر فرنسا بس المانيا الي مادخلك.

[monatee]

فعلا المانيا هي الوحيده اللي قاعده تسوي حركات وتعقد الامور

توكل على الله وسافر

[معماري قطري]

فيزتي جديده من الفرنسيه ... والبعض قالوا لازم تنزل فرنسا تنرانزيت عشان الختم لانك مطلع الفيزا من الفرنسيه
وعقبها تقدر تروح اي دوله اسبانيه

ومثل ماقلتي وفي بعض قالوا عادي تقدر تروح انت وحظك هههههههه

مرة طلعت فيزا من سفارة فرنسا وجاتني ظروف رحت ألمانيا ولا سئلوني عن شيء بس كانت معاي الوالدة الله يحفظها وفيزتها المانية .. من شهر 4 خفت اغامر سويتها من سفارة فرنسا ونزلت باريس 4 أيام ومنها رحت المانيا بالقطار

لو تبي تسال مر سفارة البلاد اللي بتروحها واسأل أو بالتلفون

السفر حلو في اوروبا بالسيارة أو بالقطار أو حتى بالطيارة كله سريع وسهل ما يعقدونك تفتيش وقصة طويلة

[معماري قطري]

حتى لو حاب مناطق ساحلية وقريبة على المتوسط تقدر تنزل مدينة قريبة وتاخذ الطريق الساحلي لإيطاليا أو اسبانيا

[معماري قطري]

فيزتي جديده من الفرنسيه ... والبعض قالوا لازم تنزل فرنسا تنرانزيت عشان الختم لانك مطلع الفيزا من الفرنسيه
وعقبها تقدر تروح اي دوله اسبانيه

ومثل ماقلتي وفي بعض قالوا عادي تقدر تروح انت وحظك هههههههه

أحد الاخوان يروح ألمانيا كله بفيزة غير ولين سئلوه ليش ما رحت الدولة اللي ماخذ الفيزة منها يقول انا احب المانيا بس يختمون له ويدخل .. ألمانيا اللي معقدة بس والا الباقيين ما يسئلون ولا يطولون السالفة يختمون وبس لكن لو سئلوك قول انك تحب بلادهم

[بوعمير]

انا شخصياً صارت لي سالفه بسبه السالفة ذي، كنت مطلع شينيغن المانيا و كنسلت السفرة وعقبها بشهر رحت هولندا وفي المطار دخلوني غرفة التحقيق وطاحو فيني اساله ( ليش حجزت للمانيا و ما سافرت، كنت حاجز في الفندق الفلاني ، كان معك فلان وفلان ....الخ ) قلت لهم أنا اسف ما اعرف انه لازم اول سفرة لي تكون في نفس بلد اصدار فيزا الشنغن، وما احب اكون في موقف متهم وابي ارجع لقطر الان " طبعاً استغرب المحقق وقالي عادي ترجع قطر ؟ قلته اي نعم عادي وانا جاي في رحلة عمل على حساب الشغل وما دفعت ريال واحد في السفرة هذا شيئ والشيء الثاني انا من دولة قطر من اغنى دول العالم وانا جاي رحلة عمل 6 ايام وليس سياحة او بحث عن عمل ، وذي تذكرتي ذهاب وعودة على درجة اولى وحاجز فندق 5 نجوم ومع سيارة vip " يعني الحمدالله ماني جايكم من فقر ولا جوع. قالي تفضل بس مرة ثانية انتبه. ودخلت هولندا.

وصارت معي مرة ثانية من كم شهر طلعت شنغن هولندا وسافرت بلجيكا " بس هالمرة " محد كلامني ولا حتى سألني ليش جاي ختم الجواز وقالي تفضل !!

الزبدة : يعتمد على ظابط الجوازات كانه شقردي بيمشيك وكانة اسود وجه بيلعوزك.