المساعد الشخصي الرقمي

مشاهدة النسخة كاملة : خدمة التعليم المستمر بجامعة قطر تجربة غير جيدة


بنت شرق
09-05-2018, 08:09 AM
السلام عليكم
قررت ذات يوم بنهاية شهر ابريل أن اجرب مايسمى بخدمة التعليم المستمر بجامعة قطر
فكانت النتيجة كالتالي : 1- الغاء الكورس لعدم استيفاء العدد
2- تغير موعد الدورة دون ابلاغ ودون تذكير بها
بس شاطرين متعبين نفسهم وحاطين موقع وانستجرام وآخرتها الدورة لاتعقد ..أو يتبدل تاريخها وموعدها
من المسؤول عن الأداء الضعيف والتسويق الضعيف لهذه الخدمة بجامعة قطر
ومن عنده تجربة أفضل مما قرأت ..
direction
09-05-2018, 08:41 AM
عليكم السلام ورحمة الله وبركاته .. مب تجربة شخصية بس المسؤول فالدوام خذ عندهم كورس كمبيوتر واستفاد وكان يشجعنا ناخذ عندهم .. بالتوفيق
بوخميس
09-05-2018, 08:59 PM
السلام عليكم
قررت ذات يوم بنهاية شهر ابريل أن اجرب مايسمى بخدمة التعليم المستمر بجامعة قطر
فكانت النتيجة كالتالي : 1- الغاء الكورس لعدم استيفاء العدد
2- تغير موعد الدورة دون ابلاغ ودون تذكير بها
بس شاطرين متعبين نفسهم وحاطين موقع وانستجرام وآخرتها الدورة لاتعقد ..أو يتبدل تاريخها وموعدها
من المسؤول عن الأداء الضعيف والتسويق الضعيف لهذه الخدمة بجامعة قطر
ومن عنده تجربة أفضل مما قرأت ..

لي تجارب معاهم مع الادارة القديمة والادارة الجديدة

ايام الادارة القديمة، محد يدري عنهم، سجلت يمكن حول 6 كورسات بين 2012-2013 وما انعقد اي كورس فيهم لان العدد غير مكتمل

طرشت لهم ايميل طويل بينت لهم فيه سلبيات شغلهم وضعف الترويج

كنت محتاج دورة SPSS وسجلتها واكتمل العدد لان مؤسسة حمد مسجله موظفينها في الكورس، قاموا غيروا الموعد لموعد ما يناسبني، ورجعوا لي الفلوس

الادارة الجديدة افضل بكثير، غيروا الموقع وحطوا التسجيل اونلاين ومع تخفيض في الرسوم عند الدفع اونلاين

كثير من الكورسات الحين تتصكر بسرعة لان وايد يسجلونها خاصة كورسات اللغة

سجلت مرة ثانية SPSS وخذت الكورس 10 ايام بـ 1400 تقريباً بعد الخصم في 2013

يدرسك دكتور من الجامعة، فالمستوى العلمي مضمون والتكلفة معقولة جداً

هذا رابط للدورات للي ما عنده فكرة عن مركز التعليم المستمر
https://secure.touchnet.com/C24950_ustores/web/classic/store_cat.jsp?STOREID=3&CATID=4&SINGLESTORE=true
تغلبية
13-05-2018, 02:20 AM
خدمة التعليم المستمر .. خدمة جيدة .. وممكن تسبب علاقة جيدة بين الجامعة والمجتمع.

في قطر أغلب الجامعات تقدم هالخدمة بس اشوف أسعارها غالية في جامعة قطر.

أتوقع المفروض يكون فيه دعم لها .. علشان يستفيد المواطن . اسمها تنمية مجتمع !

فيه برنامج جميل في جامعة فرجينيا كومنولث للفنون .. برامجهم فنون وتصميم .. رائعة .. والكلية بكبرها جميلة ......

وين قسم التربية الفنية لأول بجامعة قطر .. ووين هالكلية... كأنها تقول أطلق مارد الابداع الذي بداخلك.


عندهم برامج تصميم عبايات وفاشون وخياطة للبنات ... وأشياء أخرى ... والأسعار جداً مقبولة

.
تغلبية
13-05-2018, 02:32 AM
عندهم البرامج حسب المواسم

برامج رمضان 2018

http://www.qatar.vcu.edu/community
ya3coub
13-05-2018, 10:40 AM
من شهرين خذيت عندهم دورة PMP Project Managment Professional

و بصراحه العدد موجود و في عليها اقبال و صحيح الدكتور و الموارد ما راح يكلفون على نفسهم و يعقدون الدورة اذا فيها فقط 3 او 5 اشخاص, جيبي معاج اختي العدد المطلوب من صديقاتج او الناس المهتمة بهالكورة و بإذن الله بتحصلين عليه فالموعد المعلن عنه.

نفس الشي بخصوص اللغة التركية كان في دورات و الإقبال اكثر فالسابق و بعدي كانو بيكنسلوها او يوقفوها لفترة معينة و صار الحصار و عقب فترة مرة وحدة الناس تبي تتعلم تركي و رجع الركود من جديد
Ahmedalhussi
16-05-2018, 05:28 AM
لي نفس التجربة بالتعليم المستمر بالجامعة الامريكية في مصر تم الغاء الكورس قبل تاريخ البدء بيوم واحد واضطريت اني اقبل بالموعد المتوفر مع عدم مناسبتة لظروفي . التعليم المستمر دايما معتمد علي العدد المتاح ودايما بتكون فيها تغير برغم ان الجامعة الامريكية ملتزمة تماما بالمواعيد لكنهم مجرد ارسلولي رسالة علي الجوال الله المستعان