ابي شركة مثل تدمر تبيع مكيفات للماي طن ونص

[نفسي عزيزه]

معليش الموضوع بالعام ياليت لو يتم شوي وعقب ينقل الى قسم الاستفسارات لاني مستعجل واشكر الاداره الكريمه

وين احصل مكيف طن ونص الي يبرد الماي الي يحطون داخله وايرات تبرد وتحكم بدرجة الحراره غير تدمر لان ماعندهم الا طنيين وسعره غالي 4000 تقريبا

ساعدوني :o

الله يبرد عليكم

[الحياة الخالدة]

ما عندي فكرة
ان شاء الله الاعضاء يفيدونك

[aloosh]

قد افضل شركة تدمر صح غالي بس اخذي شي ممتاز
اما الشركات الثانيه نصب في نصب

[فنجان قهوة]

تدمر ما انصحك بهم.. انا عانيت من خدماتهم ... برسل لك رقمين لوحدات تبريد الماء على الخاص جرب اتصل بهم سعرهم 2000 ريال لل 2 طن او 1.5مش متاكده

[eXpert*]

انا ركبت من شركة
http://www.britannicwater.com

سعر غالي لكن أداء أفضل من أي شئ شفته بالسوق .

بالتوفيق

[الســـهم]

السلام عليكم ورحمة الله وبركاته ..

شركة عربي قطر - شركة مدينة الكهرباء - شركة محمد وإخوانه ..

هذا اللي يحضرني حاليا، واتوقع محمد وإخوانه أرخصهم ومحمد نفسه طيب ونصوح جدا ..

بالتوفيق إن شاء الله ..

[Rider]

عربي قطر انا مركب عندهم مكانهم جنب مخابر الهدى طريق سلوى

[naklan]

من غير مبرد الماي نار وخاصة هاليومين الحر رز خيامة
اخوي نفسي عزيزة طنين او طن ونص على حسب الخزان
اذا الخزان صغير الى 300 جالون طن ونص وإذا اكبر
طنين وفيه جهاز تحكم ركبه داخل الفلا تتحكم
وانت في البراد ومب لازم تطلع فوق السطح
موفق اللهم برد على اخونا نفسي
عزيزة دنيا واخره

[نفسي عزيزه]

الله يبرد عليكم دنيا واخره ماقصرتوا بيض الله وجيهكم

كفيتوا ووفيتو

وشكرا لترك الموضوع بالحوار والحين كيفكم يالاداره تنقلونه الاستعلامات

شكرا للاداره والاعضاء

[بوخالد911]

مووووفق.

[سعود.]

عن تجربه
تركب المروحة الي تركب في الخزان العلوي قيمتها حول 1500 السعر يفرق من محل لاخر
تركبها مع ضرورة عزل البيبات الي في السطح واستمتع بالماي

[style]

عن تجربه
تركب المروحة الي تركب في الخزان العلوي قيمتها حول 1500 السعر يفرق من محل لاخر
تركبها مع ضرورة عزل البيبات الي في السطح واستمتع بالماي
صحيح أنا مسوي نفس الشي،،يجيك شوي حار لمده دقيقه أو دقيقتين بعدين خلاص ولا احلى

[aloosh]

عطوني افضل شركه وجوده وسعرها زين
ارسلوا لي الارقام لا هنتوا
تكون شركه مجربه