القطريه والخصم 40% بمناسبه رمضان

[جبر ال جبر]

حبيت اقولكم انهم كذابين وغير صادقين ومصور الصفحه عندي حاجز من اسبوع اكثر من تذكره لاكثر من وجهه الحين شيكت عن نفس الرحلات ونفس الاوقات بضبط الاسعار كما هي ماتغيرت كلمت حمايه المتسهلك قالو الموضوع مايخصنا الموضوع يخص الطيران المدني!!!

[جرس الإغلاق]

حبيت اقولكم انهم كذابين وغير صادقين ومصور الصفحه عندي حاجز من اسبوع اكثر من تذكره لاكثر من وجهه الحين شيكت عن نفس الرحلات ونفس الاوقات بضبط الاسعار كما هي ماتغيرت كلمت حمايه المتسهلك قالو الموضوع مايخصنا الموضوع يخص الطيران المدني!!!



Same here :playball:

but it seems due to blackout dates there is no changes

[style]

صراحة قمه المسخره والضحك علينا
أقول له احنا الان 13 مايو ،،وانا ابي أحجز تاريخ 29 يونيو
يقول لي مافي كراسي على الخصم،،أقول له الْيَوْمَ انتو مطرشين رسايل للناس،،وين مافي حجز
بالاخير قلت له المكالمه مسجله ،،قال نعم
قلت طز فالقطريه وسكرت التلفون

[جبر ال جبر]

هههههه كفو عليك

[alshammari]

صراحة قمه المسخره والضحك علينا
أقول له احنا الان 13 مايو ،،وانا ابي أحجز تاريخ 29 يونيو
يقول لي مافي كراسي على الخصم،،أقول له الْيَوْمَ انتو مطرشين رسايل للناس،،وين مافي حجز
بالاخير قلت له المكالمه مسجله ،،قال نعم
قلت طز فالقطريه وسكرت التلفون
مافي اي مفخرة بجملتك الاخيرة وليتك ماذكرتها

[qatarman8008]

هم كل مرة يسوون عروض على الوجهات الاقل اقبالا..
اشلون..
تلاقي الطيارة او الرحلة هذي فيها شواغر كثيرة ..

[وسمي2016]

السفر عموما يخف كثيرا في رمضان وهم يحاولون يشغلون طياراتهم
والاعلان يخدم الاجانب وغير المسلمين اكثر من غيرهم,,,,,,,,,,

كذلك تفعل الفنادق,,,,
اما موسم سفر العائلات القطريه ,,,,فالخصومات تكاد تنعدم ,,,

وكل عام وانتم بخير وسلامه بمناسبة الشهر الكريم,

[ameeer3]

:funny::funny::funny::funny::happy:
صراحة قمه المسخره والضحك علينا
أقول له احنا الان 13 مايو ،،وانا ابي أحجز تاريخ 29 يونيو
يقول لي مافي كراسي على الخصم،،أقول له الْيَوْمَ انتو مطرشين رسايل للناس،،وين مافي حجز
بالاخير قلت له المكالمه مسجله ،،قال نعم
قلت طز فالقطريه وسكرت التلفون

شكلك سمعته قطار الريل:thumbup1::funny:

[aloosh]

ما فيه حد يسافر في رمضان من اهل قطر غير قله قليله

[bohilal191]

وحتى الأميال مالها مكان في الصيف كله دبل الكيومايلز،واللي ينرفز ان تاريخ الذهاب مافي عرض وتاريخ العودة فيه.

https://i.imgur.com/oKTYP92.jpg

https://i.imgur.com/OTjwGRc.jpg

[style]

مافي اي مفخرة بجملتك الاخيرة وليتك ماذكرتها
اخوي أنا ادري ان الكلمه غلط،،بس أنا ابي الخصم،،واحنا 7 أشخاص مش واحد
بكل صراحه يضحكون عالناس ،،كنت أكلمه بكل احترام بس لما قالي مافي هالتاريخ عليه خصم وبعد شهر ونص قدام الصراحه أنا كنت قاصد أوصلها اذا مسجله

[monatee]

قبل فتره شيكت على تذكره استراليا وكانت 28,000 ريال عالبزنس

وبعدها بكم يوم كان في عرض الخصم 40% نفس هذا العرض وكانت سيدني من ضمن الوجهات اللي شاملها العرض

شيكت على سعر التذكره وصارت ب 30,000 ريال

===========================

كانت عندي اميال ال Qcredits الي كنت اقدر منها اسوي ابقريد
تذكره عاديه لين بزنس روحه ورده او تذكرتين بزنس اتجاه واحد

سابقا كنت اقدر اسوي ابقريد على معظم التذاكر

هالمفتره الاخيره كانت عندي ولا قدرت ارقي ولا تذكره

جربت على تذاكر الكويت و تركيا وعلى بعض الدول الاوروبيه وعلى بعض دول اسيا

وكل مره يقولي مايشمل الابقريد هالطياره

لين ماراحت علي ولا قدرت اصرفها

وبعدها على طول نزلوا درجة عضويتي من البلاتينيوم لين قولد

[khalid Qtr]

القطرية وصلت إلى مرحلة الاستخفاف بالمستهلك القطري!

[الزعفراني]

حبيت اقولكم انهم كذابين وغير صادقين ومصور الصفحه عندي حاجز من اسبوع اكثر من تذكره لاكثر من وجهه الحين شيكت عن نفس الرحلات ونفس الاوقات بضبط الاسعار كما هي ماتغيرت كلمت حمايه المتسهلك قالو الموضوع مايخصنا الموضوع يخص الطيران المدني!!!


الكلام اللي بكتبه الحين منقول من حد موظفي مكاتب السفريات .. لان من عروض سابقة كنت بحجز ولا لقيت الخصم .. يقول صاحبنا :


اللي أغلب الناس ما تعرفه ان الخصومات تكون على مقاعد محدودة ومن سبق لبق .. والعرض يبدأ من الساعه 12 فجر تاريخ بداية العرض :)

يعني بشكل مبسط الخصم مثلا على رحلة الدوحة - لندن - الدوحة على الدرجة السياحية يكون مثلا لعدد 30 مقعد فقط من أصل 150 مقعد ..

لذلك اول 30 شخص يحجزون راح يحجزون بسعر الخصم .. والباقيين 150 مقعد بالسعر العادي

وقس على ذلك باقي الرحلات والوجهات ..


طبعا يقولي تخيل كم شخص يحجز في نفس اللحظة ومن الساعه 12 اول يوم لبداية العرض ؟

[$الملياردير$]

السلام عليكم ورحمة الله وبركاته ... سبحان الله عمرك طويل اخوي ..صاحب الموضوع ...انا كنت أفكر الْيَوْمَ اكتب في هذا الموضوع وسبقتني ... الله يطولي عمركم يوم السبت رحت حق سفريات اتعامل معاهم من زمان وحدد رحله مع العائلة دوحة كويت دوحة ... وأعطاني كل المعلومات ورقم الحجز والسعر النهائي وقالي حسب السستم لازم تدفع السعر الأحد قبل 12 ليلا ... قلت توكل على الله بجيك الأحد العصر ادفع الفلوس يعني بكرة .... رديت له أمس العصر حسب الاتفاق العصر .... عشان ادفع السعر واطبع التذاكر ..... قالي للأسف السعر تغير قلت له ليه عسى ماشر ... التايم لمت ما خلص عشان يتغير السعر او يلغي الحجز قال لي بلسانه ... لا القطرية الْيَوْمَ سوت عرض خصومات الأحد 40 في المئة والعملية باختصار رفعوا الأسعار زيادة اكثر من 40 في المئة ... فزاد سعري من السبت الى الأحد 300 ريال في كل تذكرة 😲 يعني العرض طلع علي بزيادة وكنسلو حجزي وجبروني بالسعر المعدل او العرض السروقي .... والمعلومات موجودة واتحدى حد ينكر او يناقش ... للأسف القطرية تعمل للخارج ولَم يكن لها اي دور إيجابي في الحصار ... واللي مب مصدق يسال بس سؤال بسيط سعر التذكرة دوحة كويت دوحة ... او كويت دوحة كويت ... وبيعرف الفرق ... اعرف واحد راكبها تقريبا 540 ريال قلت يامعود قول غيرها ...🤔

[بريق الحق]

وين المطبلين الي كأنو يطبلون
الناس فيها تناقض كبير الله يصلح الحال

[ameeer3]

للاسف من زمان ندري انهم حرااامية ‏,,

بس على قولت القايل مالك بد من خشمك لو هو عوي ‏...

هرمنا واحنا نشتكي عليهم ‏..‏ بلااااا جدوى

[بوخالد911]

عروض غير حقيقية - مبهمة - مضللة.

[غيم الجنوب]

تذكرة الدوحة لندن الدوحة 4800 ريال
بس لو انت ف الكويت
الكويت الدوحة لندن الدوحة الكويت 2000 ريال

بتقولون الترانزيت أرخص لا مب أرخص جرب تحجز لليابان ترانزيت بتطلع عليك دبل السعر
القطريه اذا تحجز من برع قطر يعطونك التذكرة بنص السعر أو اقل من نص السعر لان في منافس برع
بس داخل الدوحة مافي منافس

[السيف5]

بصراحة القطرية مب لنا
ف دائما عروضها للخارج وبس

[ورد الدوحه]

كذابين وماحبهم
بس مضطرة أسافر عن طريقهم لأنه مافي غيرهم:weeping::weeping::weeping::weeping::weeping:

[الامير]

والحل معك يالقطريه

[الروقي]

اصلا عمر القطريه ماكانت ولم تكن مع القطريين بل بالعكس ضد كل ماهو قطري حتى مافيه اي احترام للقطري ابدا كانه عندهم تعليمات بهذا الخصوص وخاصة في الترقيه للتذاكر يعرضون للاجانب قدام عيونا للاهل جنسيتهم امامنا اكثر من مره واعترضنا عليهم على ان حنا عندنا عضويه اعلا ولكن مثل ماقلت اكيد عندهم تعليمات عشان القطري مستعد يدفع ويرضى بالسكوت للاسف ايضا القطريه استغلت القطريين في الحصار وغلت عليهم الاسعار اضعاف مضاعفه وخاصة خط الكويت واستغلال الاسر القطريه التي تذهب للكويت لتقابل اقاربها للاسف هذه من اكبر الاستغلال وعد اظهار ادنى درجه من الوطنيه والمساعده لاهل قطر انا اقول للاسف القطريه لاتمثلني كقطري ولاتمثل بلدي قطر بل هي بعيده كل البعد ان تكون خطوط قطربه واسعارها اضعاف مضاعفه وقوانينها جائره لم يوجد مثلها قوانين في اي طيران
للاسف

[مخطط قطري]

القطريه واريدو من يتحكم في هالشركتين ومن له السلطه والقرار اخر همه القطري لانه القطريين 300 الف والسكان 3 مليون ف القطري مايشكل الا 10% من مجموع السكان فهدفهم ال 3 مليون هم شركات تبي الربح في الأخير وماعندهم أي حس وطني او حتى تفكير في القطري والي يقول غير هالكلام ضايع وقليل معرفه لانه مهما تكلم الواقع يثبت عكس مايقول اغلب القطرين متذمرين من أسعار القطريه الغير منطقيه واليوم مالنا الا هي ناقل ومحتكره السوق واوريدو كذلك شوفو العروض للأجانب من هالشركتين وقارنوها مع العروض الي تقدم للقطري أتمنى من مجلس الوزراء الموقر ادراج موضوع هالشركتين في اقرب جلسه انعقاد للمجلس يا ينفتح السوق ونسمح بشركات طيران منافسه وشركات اتصال ماتكون تابعه لاوريدو والقطري له الحق في اختيار الأنسب ولا تضبط وضعها الشركه في الخدمات والاسعار المقدمه للمواطن القطري