تقرير وصور عن سفرة باريس - دوسلدورف - فرانكفورت - ميونخ

[معماري قطري]

السلام عليكم ورحمة الله وبركاته

غالبية الصور معمارية وهذا اللي أكثر شيء اشوف الجمال فيه مع بعض المعلومات المفيدة بإذن الله

سافرنا يوم 22/4 على ما اعتقد أو قبل او بعد بيوم على القطرية الى باريس .. بسبب سهولة حصول الفيزة لفرنسا وما حبيت اخالف واحرج نفسي أو اطيح في مشكلة .. هالمرة هذي الأُولى اللي نترك العيال وتكون السفرة أنانية بس انا وأُمهم واسترجعت ذكريات الشباب أول زواجي وسفري لأمريكا حيث تزوجت في آخر فترة الدراسة

سكنا كان في باريس في فندق انتركونتننتال لو غراند واللي يعرف المنطقة قريب من غاليري لافيية ومنطقة أسواق حوله .. الفندق راقي وجميل والفطور جيد يرفع السكر سرعة ما عدا الغرفة عذرهم هذي الوحيدة الموجودة وكانت صغيرة لكن تمشي الحال مقارنة بباقي الفنادق اللي سكناها

أول الصور حسب التسلسل لغالري لافييه ولفتت نظري القبة الزجاجية الملونة الكبيرة

https://i.imgur.com/sNDhAyC.jpg

https://i.imgur.com/oNsGCHV.jpg

القبة فيها شغل يدوي فني رائع وأكيد تفاصيل تحتاج كتاب كامل ويبي لها بحث واتوقع استوت معلم لهذا السوق التراثي الرائع

وهذا فيديو للغاليري ما ادري يطلع أو لا

https://i.imgur.com/lhdIiW1.mp4

[معماري قطري]

ما طلع الفيديو ونزلته في اليوتيوب


https://youtu.be/Teczr9LPtLs

[معماري قطري]

المنطقة كلها حلوة ومريحة للمشي وكل شيء قرب الفندق .. فيه مطعم هندي قريب كذلك بس المشكلة أوقاتهم محدودة ويسكرون سرعة إحنا ريوقنا متأخر وغدانا لازم يكون بعد 3 وانا احب الغداء خفيف أي سندويش يمشي الحال معاي .. العشاء غالب المطاعم بالحجز والمسافة للشانزليزيه قصيرة التاكسي يوصلكم بسرعة ولا احتجت لسيارة لباريس ومسوي حجز مسبق من ايفس لسيارة في مطار دوسلدورف

دوم اللي يبي يحصل سيارة جيدة بسعر زين يحجز لفترة طويلة فوق العشر أيام ويحجز سيارة من فئة شوي فوق الاقتصادية .. لين وصلهم يطالب بسيارة أفضل وأوسع لأن عنده شناط وما يبي يغير تأجير السيارة يعطونه ترقية في العادة بدون زيادة سعر ومهم البعد عن العرب والحجز من شركات عالمية ومهم ياخذ تأمين شامل بس مع جزء معين يدفعه لو هو أخطأ حتى التأمين يكون معقول ويحدد التأمين في الحجز المسبق ولا يوافق على تأمين آخر يغير العقد بالكامل ويدفع أكثر بدون داعي

كان في واجهات الفندق وكثير من الغرف شغل صيانة قوي بس الازعاج قليل وفي أوقات النهار كان وهذا فيديو للشغل خارج الفندق .. شغلهم منظم ودقيق


https://youtu.be/yGbabbU2j7A

[sara jsm]

وعليكم السلام ..

الحمدلله عالسلامة اخوي معماري ..
جميله الصورة والفيديو .. نبي صور اكثر الله لايهينك :)

[معماري قطري]

وعليكم السلام ..

الحمدلله عالسلامة اخوي معماري ..
جميله الصورة والفيديو .. نبي صور اكثر الله لايهينك :)

إن شاء الله إختي الكريمة

والله يسلمج ويحفظج

منور زجاجي مسطح ومقسم قطع صغيرة موصولة بفريم خاص وأسلاك تثبيت في داخل الفندق

https://i.imgur.com/GTYsTR6.jpg

https://i.imgur.com/wOF5hSW.jpg

أبواب تفصل بهو الفندق عن منطقة الرسبشن

https://i.imgur.com/orZ5Xjz.jpg

المنور الهرمي الكبير في وسط بهو الفندق

https://i.imgur.com/K5Naxpi.jpg

لحسن الحظ المنور غرفتنا تطل عليه وتم تصويره فيديو من فوق


https://youtu.be/tXaJCVMXM3g

[معماري قطري]

https://i.imgur.com/pEULmEa.jpg

اللي يلاحظ التفاصيل الغنية والمعقدة في البناء ويعيش معاملة موظفي وعمال الفندق يعرف إن التكلفة عادلة للسكن فيه .. كان هذا الفندق هو الأغلى بين الفنادق اللي سكناها لكن غرفته عادية .. فندق دوسلدورف جاينه إن شاء الله انا اعتبره الأرقى في كل شيء وكان أرخص فندق .. كنت متخوف منه على إنه جديد علينا كإسم غير معروف وماركة ألمانية لكن طلعوا الألمان عندهم فن وذوق وكرماء للغاية وجايين إن شاء الله للتفاصيل

[معماري قطري]

المنور الهرمي كبير وماخذ مساحة في وسط تجويف خاص تطل عليه الغرف .. مصنعيته يدوية واضحة وبمواد قديمة مثل النحاس ونوعيات حديد ما يصدي

https://i.imgur.com/Qa4tpAa.jpg

https://i.imgur.com/Hrxzlza.jpg

طاولة دائرية فخمة يسارها الرسبشن وعليه تشكيلة زهور مستحيل حد يدخل ما يلاحظها وكثير يصورونها

https://i.imgur.com/gxAuDBT.jpg

فوقها هذي القبة والثريا تكمل المنظر

https://i.imgur.com/ZUASR4C.jpg

صالة المصاعد

https://i.imgur.com/Xkv0HXi.jpg

وما صورت وايد صراحة وكان المفروض اصور الغرفة لكن مستواها مب لين هناك والى هنا تنتهي سفرتنا لباريس وبشوف أُم عبدالله يمكن صورت أكثر وبنكمل للجزء الثاني اللي صوب دوسلدورف

[معماري قطري]

أحلى ما في اسم فندقنا في دوسلدورف هو هوف وأسهل كلمة الأولى طويلة وهذا الإسم مكتوب على المدخل

https://i.imgur.com/5b99ubB.jpg

وهذي الغرفة الواسعة اللي تفتح النفس والتلفزيون فيه قنوات عربية كثيرة بينها قطر والجزيرة

https://i.imgur.com/yHqaXL2.jpg

الستارة تتسكر بالكهرباء والزر باللمس في شاشة صغيرة في درج قرب السرير مع كافة أزرة التحكم من الانارة للتكييف لعدم الازعاج

https://i.imgur.com/1asSIg8.jpg

جهة الثلاجة والثلاجة قبل لتسكنون أثناء الحجز يسئلونكم شنوعية المشروبات اللي تحبونها ويخلونها مليانة دوم ومجاناً لإستخدامكم

https://i.imgur.com/g2Cc9Eq.jpg

السرير اعطيه 10 من 10 في النظافة والرائحة العطرة و 9 من 10 في الراحة

بس هنا شوي معتفس

https://i.imgur.com/50NITV9.jpg

https://i.imgur.com/KywGk3i.jpg

مدخل الغرفة على اليسار الحمام وعلى اليمين الكبت

https://i.imgur.com/U1o8TRV.jpg

الحمام مقسم من داخل وكبير

https://i.imgur.com/JjOa8TZ.jpg

الباب القزاز ينفتح في الاتجاهين داخل وبرا ومنطقة الكرسي فيها بديه بعد

https://i.imgur.com/8ED1e7h.jpg

الإضاءة قوية كفاية

https://i.imgur.com/qKkrR7q.jpg

https://i.imgur.com/oRRJihF.jpg

https://i.imgur.com/822jnXG.jpg

https://i.imgur.com/EqVrEXc.jpg

اللفتات والرخام تحفة فنية وفيه لوبي داخلي للضيوف بس فيه جرائد بينهم عربية وفيه كتب وفيه بوفيه خفايف وفواكه وكله مجان ومتوفر للنازلين وكذلك مساعد يخلص أي معاملة تبونها ويجاوب عن أي سؤال .. على مكتب فخم والكراسي اللي حوله وايد فخمين

https://i.imgur.com/zYCQ7vk.jpg

https://i.imgur.com/exHeN9n.jpg

https://i.imgur.com/CMNRqn3.jpg

من اللوبي الخاص بالنزلاء والدخول له يكون بالمفتاح

https://i.imgur.com/zguUoQY.jpg

صورة من مطعم الفطور الراقي وتطل على الشارع بواجهة زجاجية كبيرة .. تعشينا فيه مرة والمطعم راقي وسعره معقول لبعض الأكلات فيه لحم وز شوي غالي وغزال كذلك غالي

https://i.imgur.com/zTgcPIK.jpg

ما قدرت اصور أكثر وبشوف باقي الصور بعدين ان شاء الله

https://i.imgur.com/N5yPXcy.jpg

[معماري قطري]

الفندق هذا من تطلعون منه مقابلكم سوق على بعد 15 متر تقريباً .. الكفوف متعدد أدوار فيه كل شيء ومتصل مع محطة قطارات تحت الأرض .. اللي يروح يسار يوصل لشارع مشاة ومحلات ومقاهي ومطاعم من ضمنها تركي ولبناني راقي وكذلك مطعم أسماك

يمين بعد أسواق ومحلات كثيرة منها بري مارك .. يعني لا تحتاجون سيارة ولا تكسي مشي كفاية وورا الكفوف فيه حديقة حلوة صورت فيها كم صورة باحطها ان شاء الله

[معماري قطري]

فيه ميزة نسيت اقولها .. يتصلون بكم بعد الحجز بكم يوم ويرحبون بكم وانتوا في قطر ويقولون متى بتوصلون .. يوم وصلنا بالتكسي من محطة القطار استقبلوني وشالوا الشناط ورحبوا بي باسم العائلة .. متوقعين وصولي لأني قلت لهم عن الوقت التقريبي .. يحسسونك إنك في بيتك

[sara jsm]

ماشاءالله عليك اخوي معماري ... اول مرة اشوف صور بعيون مهندس .. :pic:
في تفاصيل صورتها وذكرتها مستحيل اني التفت عليها .. وشفت جمالها من خلال صورك ..
:
الله يهنيكم ان شاءالله ومتابعه للموضوع للنهايه :victory:

[معماري قطري]

ماشاءالله عليك اخوي معماري ... اول مرة اشوف صور بعيون مهندس .. :pic:
في تفاصيل صورتها وذكرتها مستحيل اني التفت عليها .. وشفت جمالها من خلال صورك ..
:
الله يهنيكم ان شاءالله ومتابعه للموضوع للنهايه :victory:

ما ادري احس إني منغمس وايد في هذي المهنة

بعدين الحضارة والمدنية كلها معتمدة على الفن المعماري من بداية التمدن وبناء المدن ولازم السياحة والمدن والعمارة تكون أُمور متصلة ببعض .. كانت جامعتنا تسوي زيارات صيفية لروما وبعض المدن في اروروبا وفي البرازيل لكن كنا ننطر الصيف للشردة والعودة لقطر وفوتنا هذي الزيارات العلمية والجماعية واللي أكيد بتفيدنا تحت اشراف معلمين مختصين

اطلالة غرفتنا كانت على حديقة وسطية وفيها خدمات التكييف وميزة الموقع هذا بعده عن الشارع وأي صوت

https://i.imgur.com/WkP7Qlk.jpg

https://i.imgur.com/MlJrUvy.jpg

هنا نلاحظ إن تصميم التكييف مبتعد عن السقف وسهل الصيانة وتمديداته أكيد جانبية

في الشارع التجاري عجبتني واجهة حجرية تركيب ميكانيكل ونشوف الحجر كيف بفجوات حوله مفتوحة بدون مونة وبطريقة معلقة

https://i.imgur.com/ihSdUHy.jpg

حتى النوافذ صغيرة حتى تعطي انطباع أكثر للحجر

https://i.imgur.com/gOl8L0u.jpg

https://i.imgur.com/jPT3mQR.jpg

المدينة فيها روح وحياة وكل شيء في متناول اليد وقريب .. الفنادق متركزة في المنطقة السياحية مع حدائق ومواقف ونظافة صعب نحصلها في دول كثيرة

بانزل دفعة جديدة من الصور وبحافظ على تنسيق التسلسل لهذي المدن ويمكن ارجع لباريس شوي لو حصلت صور ما انتبهت لها .. صراحة حبيت دوسلدورف أكثر من ميونخ لأنها أنظف وأقل عرب وأفارقة .. ميونخ الأفارقة مسوين فيها تكتل غريب ومزعجين وتمت مطاردة الكثير منهم من قبل قوات أمنية جاوا شلوهم في سيارات مجهزة وأكثرهم مهاجرين غير شرعيين

[معماري قطري]

فيه شبكة آوتلت اسمها designers outlet منها واحد يبعد حول ساعة من دوسلدورف بالسيارة .. فيه مطاعم وشوية ترفيه وكبير فيه ماركات عديدة واحتمال المطر بأي لحظة لذلك الواحد ياخذ مظلة معاه

أول باحط صورة من قوقل ايرث لموقع الفندق ومحيطة وبعدين باصور مسار الرحلة للآوتلت

هذا الفندق أسفل الصورة ومقابله متجر الكفوف ويمين باقي السوق ويسار محلات ومطاعم ومقاهي وفيه سوق مفتوح للأتراك فيه أكلهم وفواكه

https://i.imgur.com/2yQzdCC.png

وهذا مسار الرحلة للآوتلت وهو داخل أطراف هولندا وزحمة عليه أكثرهم سياح وفيه ماركات كثيرة لمحبي الماركات .. اللي ينزل يستحسن ياخذ تذكرة الموقف حتى يدفع في الجهاز قبل الخروج والموقف حول 4 يورو اعتقد أو بالوقت ما اذكر بالضبط بس ولا شيء وحتى اللي ما يحتاج سيارة يستأجر ليوم لو له نية يروح تكسي أو سيارة بسواق ما تسوى سيارته تحت يده أسهل

https://i.imgur.com/hwpLR6D.png

صورة الطريق اللي يفتح النفس

https://i.imgur.com/rPRaZuw.jpg

وهذي صورة للآوتلت جوية من قوقل ايرث .. واللي بيروح انصحه يودي معاه شنطة يدوية تنسحب للمشتريات لأن المسافة طويلة وكذلك يودي مظلة للمطر

فيه مثله قرب برلين وكذلك للي يروحون ميونخ يوجد مثله قرب سالزبورغ في النمسا يبعد بعد حول ساعة من ميونخ ويتم فاتح لين 8 ويستحسن تشوفون مواعيد الاغلاق على الموقع الالكتروني

https://i.imgur.com/g0FsLyy.png

وهذا فيديو للطريق


https://youtu.be/P1ctr1fJU5I

وللأسف ما صورنا هناك أو ما حصلت صور مع إني آذكر اني صورت

[معماري قطري]

اللي عنده شوية نشاط ويقدر يغير سكنه بالكامل وينتقل لمنطقة قرب الآوتلت أفضل له حتى يحصل فرصة أكبر للتسوق لو يحب يسوي زيارات متعددة .. بالنسبة لي زيارة وحدة تكفي ولو اضطر الشخص لزيارتين بعد مب مشكلة الطريق ولا شيء حتى أقل من ساعة طلع

باتابع بشوية صور من المنطقة حول الفندق في دوسلدورف

https://i.imgur.com/4Kh6wKc.jpg

فيه شوية شغل تبليط وعجبني تنظيمهم وشغلهم والمواد

مستخدمين قطع مختلفة في تشكيل هندسي منظم وحاطين بين البلاطات بودرة خشنة أو نقدر نقول كسر حجارة بركانية سوداء صغيرة بحدود 2 ملم أو يمكن 1 بحيث تعبي الفجوات حتى يمكن ازالتها وقت الحاجة وازالة البلاطات برفعها ببساطة وعمل أي صيانة للتمديدات تحت .. بنفس الوقت هذي الكسر أثقل من الرمل ولا يطيرها الهواء بسهولة وشكلها حلو

https://i.imgur.com/GVFK8by.jpg

https://i.imgur.com/LWVvh8o.jpg

متجر كافوف وفندقنا يساره المائل للأبيض وهذي حديقة طويلة وفيها نهر ذيك الجهة

https://i.imgur.com/2yIOXaK.jpg

https://i.imgur.com/fQuqEjg.jpg

أفضل الأوقات والأجواء هي الأجواء الربيعية شهر 4 و 5 و 6 وتنشط عندهم السياحة البينية لكن تكون هادئة قبل الصيف وزحمة العرب .. نشوف عرب من وقت لوقت وفي الغالب كبار أو رجل وزوجته

https://i.imgur.com/IgsadsO.jpg

https://i.imgur.com/U8KCRcX.jpg

حاولت اصور صورة واضحة للأرضية لتوضيح البودرة أو كسر الحصى الصغيرة وفي رأيي ما تمت معالجة قرب العمود صح .. كان يفترض تركيب طوق من قطع البلاط البيج دائري حوله وملء الفجوات بهذي الكسر الصغيرة بيطلع أحلى .. نشوف كذلك أعقاب سجائر العمال اللي اشتغلوا هذي الأرضيات ما دخلت بين الفجوات بس يبي لهم قانون صارم مثل قانون سنغافورة حتى بلادهم تطلع أنظف

https://i.imgur.com/JiEJfve.jpg

باقي التركيب دقيق وحتى الفواصل وحدة شغل فرق كبير عن شغل ربعنا الله يستر عليهم

https://i.imgur.com/iJHtjQ0.jpg

هنا الشجرة ومحيطها مرسوم رسم وكان المفروض العمود الصغير يكون حوله طوق من تحت حتى لو معدني واتوقع بيعدلونه مع نهاية الشغل لأنهم للحين شغالين

https://i.imgur.com/zmHH2um.jpg

هذي اعتقد صوب الجهة الثانية

https://i.imgur.com/3dOw77c.jpg

فش هاوس مطعم مليان دوم ومختصين فشوش لين النخاع

https://i.imgur.com/Wdm89Nc.jpg

جنبه مطعم لبناني ما يبوق فرق عن لبناني في باريس نهبنا الله ينهبه .. وجنبه حلويات لبنانية وكلها على مسافة مشي في الأجواء الجميلة

ومقابله ستيك هاوس مختص بالستيك وعنده نوعيات أمريكية وغيرها بعد لحد يفوته

https://i.imgur.com/cmkATCb.jpg

الليل له جماله والنهار له جماله

https://i.imgur.com/LRZHkW7.jpg

https://i.imgur.com/cI2qa7Y.jpg

https://i.imgur.com/0iDpRi2.jpg

https://i.imgur.com/PPZkrqb.jpg

https://i.imgur.com/iWvjML4.jpg

فندقنا من داخل حتى الرسبشن شخص واحد وكله هدوء

https://i.imgur.com/8p3h9UR.jpg

وراء الطاولة مدخل لوبي واستراحة الساكنين وفيه القهوة والشاي والخفايف والمكان راقي جداً حتى كراسيه فخمة وفيه كتب وجرايد عالمية معاها اعتقد جريدة سعودية ما تنزلنا نقرا سوالفهم

جهة المصور ووراه مدخل الفندق .. وفيه واحد مصري قمة الاحترام الله يحفظه

https://i.imgur.com/vbbxZYp.jpg

واحد شافني اصور قال صورني

https://i.imgur.com/VX8Ayiu.jpg

اسم الشارع اللي فيه الفندق

https://i.imgur.com/hPl8tvU.jpg

وبانتقل للقسم الثالث من الرحلة وهو رحلتنا حق فرانكفورت ومبيتنا ليلة فقط في فيها في الطريق لميونخ

[sara jsm]

ابدعت اخوي بوعبدالله :nice:

[معماري قطري]

ابدعت اخوي بوعبدالله :nice:

شاكر لج مرورج اختي وتعليقج الطيب وإن شاء الله أواصل بأقرب وقت

[السيف5]

متابع معك بشغف
تسلمت يد خطت مثل هالتقرير الجميل

[معماري قطري]

متابع معك بشغف
تسلمت يد خطت مثل هالتقرير الجميل

الله يسلمك ويخليك

تسرني متابعتك وأكيد مقصر هاليومين وان شاء الله أكمل بكرة

[sweet qatar]

الله يعطيك العافية بو عبدالله .. رحلة هادية و جميلة ماشالله


ياااا جمال باريس .. عاد تستاهل صور أكثر ما بينت جمال تصميم هوسمان للمدينة .. على الأقل المحطة ومدرسة الموسيقى الي جنبكم

الغرف الزجاجية الحمدلله أخيراااا صاروا يسوونها في قطر من زمان أقول احنا نحتاجها أكثر منهم

لأنا نحب الشمس بس نحتاج تكييف في الصيف الطويل

حبيت صور ألمانيا .. غريبة سالفة العمود شلون جذي مسوينه .. هالسوالف لنا مب لهم

[قطريه ماركه]

ما شاء الله تقرير جميل و ننتظر الباقي ...

[معماري قطري]

الله يعطيك العافية بو عبدالله .. رحلة هادية و جميلة ماشالله


ياااا جمال باريس .. عاد تستاهل صور أكثر ما بينت جمال تصميم هوسمان للمدينة .. على الأقل المحطة ومدرسة الموسيقى الي جنبكم

الغرف الزجاجية الحمدلله أخيراااا صاروا يسوونها في قطر من زمان أقول احنا نحتاجها أكثر منهم

لأنا نحب الشمس بس نحتاج تكييف في الصيف الطويل

حبيت صور ألمانيا .. غريبة سالفة العمود شلون جذي مسوينه .. هالسوالف لنا مب لهم

الله يعافيج يا اختي

ما اعتقد شغلهم خلص مع التبليط والعمود لازم بيرتبون حوله ولو ما رتبوا باستوي صدت عليهم شيء

[معماري قطري]

ما شاء الله تقرير جميل و ننتظر الباقي ...

الأجمل مروركم الطيب وإن شاء الله اللي حاب يزور المنطقة خصوصاً دوسلدورف يستفيد ويسكن في هذا الفندق الزين

هذي صورة لكرت الفندق في دوسلدورف للي يبي يحجز فيه

https://i.imgur.com/0Vn384N.jpg

وخلاص ودعنا دوسلدورف متجهين الى فرانكفورت وهي تقريباً في نص الطريق .. حجزنا في كمبنيسكي ليلة بس وفي منطقة غابة هادئة تبعد عنها قرية صغيرة فيها مطعم هندي حول 5 دقائق بالسيارة

عطونا غرفة تحت والفندق أغلبه طابقين وبعض المناطق 3 طابق وبنظام اطلالات زجاج على الغابة وللاسترخاء وفيه سبا ومساج

هذا فيديو للفندق


https://youtu.be/p4859tfqafw

صور من الفندق اللي كله أشجار ضخمة وطبيعة خلابة وفيه ناس تتمشى في الخارج

https://i.imgur.com/hguOkni.jpg

https://i.imgur.com/gt8q7p8.jpg

الجو كان بارد ومغيم

https://i.imgur.com/VgEVpoW.jpg

مطار فرانكفورت تنزل فيه القطرية قريب ونسمع صوت الطائرات

https://i.imgur.com/WPxAtZs.jpg

https://i.imgur.com/iIZ8A7g.jpg

الفندق من الداخل وانا من محبين الكمبنيسكي لأن دوم يستعملون ديكور حديث ويستنبطون أفكار غريبة وهنا نشوف الكورنيش بينه وبين السقف فراغ فاصل بسيط

https://i.imgur.com/F68zcQU.jpg

https://i.imgur.com/9mP9sTP.jpg

مستغرب من هذي القطع الكبيرة هل هي زجاج أو حجارة

هذي كنت اصورها من داخل وبيني وبينها زجاج وانعكست صورتي .. لحد يقول لي شهالصندل القميل هذا من مستشفى حمد وزين خذته معاي انجرح ابهام القدم تكرمون وحطيت لزقة ودواء وصعب البس دلاغ

https://i.imgur.com/9lb5QfJ.jpg

الزجاج الملون في هذا المنور ألوانه قليلة وأكثره فاتح للنور

https://i.imgur.com/mg4wVHe.jpg

الأعمدة مجملينها ومخففين جمودها بالمرايا والخشب

https://i.imgur.com/3pNTNlC.jpg

https://i.imgur.com/vwYtLjS.jpg

ثاني يوم كملنا طريقنا حق حبيبة القلب ميونخ اللي لي فيها ذكريات ست شهور متواصلة وفي الطريق وقفنا عند استراحه فيها نورد سي وانا من محبي هالمطعم .. نورد = نورث بالانجليزي = شمال بالعربي وسي بحر

https://i.imgur.com/knOvMq7.jpg

https://i.imgur.com/E7IpGHe.jpg

وخلاص باقي فيديو للفندق باحطه في مشاركة وبواصل وقت ثاني مع الجزء الأخير من سفرتنا اللي هي مدينة ميونخ

[معماري قطري]

https://youtu.be/uc7d380epno

الفيديو كان لازم احطه في مشاركة ثانية كل مشاركة فيها فيديو واحد بس اثنين ما يصير

[معماري قطري]

اللي يلاحظ فوق النافورة خرسانة مكشوفة وناعمة بدون صبغ وتبين قديمة لكن ما سربت والسبب اتوقع خلطة الخرسانة كثيفة برمل ناعم واسمنت بدون كنكري واحتمال باضافات تقويها وتكثفها حتى تنسد كل المسامات ولا تسرب .. فن هندسي وعلم متطور

[naklan]

هههههههه بوعبدالله ما شاء الله عليك انا أمر عليه احسبه
تقرير قديم طلع بقراطيسة فرنسا وايطاليا في هالوقت باردين
وحلوين بس ما اتعودها اروح في شهر 8 حر ودخان وحالة
وايطاليا فينيسيا تحط اوف حق الباعوض يدش في
شعرك مايصلحون في الصيف

ما شاء الله على الصور جميلة وانت مركز على الجانب
المعماري بوطبيع ما يخلي طبعة بس حقيقة ذوق فنان وفاهم
شيصور وما شاء الله القبة الي في اول التقرير بروحها معلم سياحي
مثل برج ايفل احلى ما في أوربا الطبيعة والجو الحلو

تحياتي اخوي بوعبدالله ومبارك عليك الشهر
وكل عام وأنتم بخير

[naklan]

لي عودة ما كملت التقرير

[معماري قطري]

حياك الله إخوي نكلان

صادق يتراوى لي لو يعدلون اجازاتنا ومدارسنا لتكون الإجازة في الربيع والصيف دوام كل شيء سهل ومتوفر للعمل والدراسة وقت الصيف .. ما شاء الله مدارسنا ثلاجات

والا يخلون السنة الدراسية نص سنة لاحقين على الخير ست شهور كفاية من أول دزعة بالسوداني لين آخر تلاته باللبناني

الفندق الأخير بنيته وتخطيطه حق الاستجمام والمعيشة في غابة أكيد بتكون باردة وقت الشتاء واتوقع عندهم مواسم صيد وعندي احساس يصير فيه صيد قصدي حول الفندق لأن المكان ما اكتشفناه بالكامل .. واتوقعه منتجع صيفي شتوي ولكل الأوقات .. كنت كسول وضد تقطيع الزيارة لفترات قصيرة ومدن عديدة لكن حبيت هذا الشيء وكل وقت تتغير عليك امور كثيرة

ألحين احاول اقنع المجموعة بجدول غير وهم مصرين على باريس وميلان للصيف وانا خاطري في انترلاكن كسكن فترة 4 أو 5 أيام

بالنسبة للشناط الواحد يقدر يخزنها في فندق الوجهة ويخليه هو نفسه فندق العودة أفضل له .. كذلك سمعت ممكن تطلب من شركة القطارات شحنها لأي فندق تبيه وتروح خفيف .. أو المرسدس الميني فان يشيل اللي تبي .. شوف المسافة بين ميلان وانترلاكن ولا شيء ومتعة

انا خاطري اطوف المناطق الساحلية في الجنوب الفرنسي لين بعض مدن اسبانيا وهذي المناطق أكيد حلوة وايد في نهايات الشتاء والربيع

https://i.imgur.com/kYAg0d0.png

[معماري قطري]

حصلت فيديو ثاني لخارج الفندق طولوا على الصوت لسماع الهدوء وصوت العصافير فقط


https://youtu.be/IzOtPfGiN_Y

[معماري قطري]

وهذا فيديو حق التجويف الوسطي بين الممرات والزراعة اللي فيه


https://youtu.be/6TqM3bbjD_0

[معماري قطري]

من ضمن النكت اللي صارت وهذي بطولتي .. بعد ماخذنا كروت دخول الغرفة كان مكتوب على الكرت 120 كبيرة وتحتها سنوات من الخدمة وانا ما اقدر اقرأ الكتابة الصغيرة .. سئلتني أُم عبدالله كم رقم الغرفة شفت الرقم اللي على الكرت قلت 120 ورحنا حاولنا أو بالأحرى هي حاولت تفتح باب غرفة رقم 120 ولا انفتح .. قلت عطونا مفتاح ما يفتح وقررت امشي مشوار طويل نوعاً ما للرسبشن بس فكرت ليش ما افتح المغلف اللي فيه الكروت وفتحته حصلت رقم الغرفة 156 وكانت صج بعيدة وفيه غرفة أبعد منها بعد .. أعتقد البعد ميزة حتى يمشي الواحد بين ممرات زجاجية ويشوف الغابة حوله

صورنا الكرت للذكرى

https://i.imgur.com/xQuEoC9.jpg

[معماري قطري]

أمس بالصدفة مار على خالي وعجبتني حديقته وفيها أشجار متنوعة وسولفنا عن ألمانيا وهو من محبي السفر ورسام معروف له لوحات فنية كبيرة ومشهورة منها أُم الحنايا .. فاجأني بأنه جاب بذور من ألمانيا وزرعها ونبتت وعطاني شوي منها ان شاء الله احصل لها مكان فاضي ممكن ازرعها فيه بنزل صورتها إن شاء الله .. قال ماخذها من دوسلدورف .. إحنا ما نفكر نفس تفكيره وانا توقعت جايبها شتلات

[بوخالد911]

ممتاز يا بش مهندس

واصل ومتابعك للنهاية

يواليك الصحة والعافية.

[معماري قطري]

ممتاز يا بش مهندس

واصل ومتابعك للنهاية

يواليك الصحة والعافية.

انت ممتاز أكثر الله يعافيك

هذي صورة لغرفتنا في فندق سوفتيل باير بوست ميونخ .. وهذا المبنى قديم جداً من 1900 يعني فيه أجزاء خصوصاً الواجهات عانت من حربين عالميتين وشفت قبل ضربات رصاص في الحجر متروكة كذكرى للحرب .. حاولت اشوفها واصورها ما تذكرت وين بالضبط .. قبل كانت زيارتنا مع شركة في 2006 واللي معانا شرح لنا طريقة الفندق وراوانا مكان الرصاص

https://i.imgur.com/TIUtBZa.jpg

غرفتنا في الدور السادس ومطلة على محطة القطار

https://i.imgur.com/nbfaJFS.jpg

أول ما سكنا كان السرير منحني ومزعج النوم عليه .. كلمتهم وجاني عراقي يبرر بدون ما يسوي شيء ويقول ما فيه حل بعده جات وحدة ألمانية قلت لها انتي أكيد بتحلين المشكلة وبدلوا الفراش لنوعية شوي أيبس وسيدة مب منحني

https://i.imgur.com/29kYi8x.jpg

حبيت التنوع الكبير في المواد في بناء الفندق

https://i.imgur.com/jDwphPZ.jpg

عيب الفندق حمامه بواجهات وباب قزاز وما ينقفل لكن الحمام راقي جداً والكرسي فيه تدفئة ومريح جداً مع نظام شطف كهربائي متطور .. الشاور واسع واللي يكون على شكل مطر براس كبير للرشاش

https://i.imgur.com/HHvoSMH.jpg

ارتفاع المحطة حول 5 أدوار وبنيانها قديم جداً أتوقعها قبل 100 سنة .. هذي المناور عجيبة تستفيد من شمس الشروق والغروب وفي أعلاها تحت التظليل وأعلى الهرم الزجاجي تاركين فتحة مغطاة بشبك عن الطيور لخروج الهواء الحار لأعلى .. صج تكنولوجيا المانية

https://i.imgur.com/ZUUD4YL.jpg

صورت صور ثانية أتمنى تكون أوضح

https://i.imgur.com/Vj5NgHk.jpg

حلوة الجلسة قرب الدريشة بس لو مسوينها شوي أعرض مب خسرانين شيء .. هذي تقريباً نفس اللي استخدمتها في بعض التصاميم المعمارية

https://i.imgur.com/KnL3foE.jpg

هذي الصورة من جلسة الريوق وعلى اليسار الفندق اللي تم بناؤه جديد في العام 2000 تقريباً وعلى اليمين الحائط الخارجي والتراثي القديم لمبنى البريد واللي تم بناؤه عام 1900 .. طبعاً نشوف تدعيم الحديد للقديم

https://i.imgur.com/q1a6nDm.jpg

الممر الموصل لمكان الريوق كذلك مغطى بالزجاج والحديد بارتفاع عالي ويربط بين الواجهة القديمة والبنيان الحديث

https://i.imgur.com/NzxUFX3.jpg

الريوق مسكت كنوعية وتنوع ومكان والسكر كله دايس له

https://i.imgur.com/6hshYfk.jpg

كنت افكر شيصير لو استخدمنا بعض الحوائط القديمة وحتى ممكن تدعيمها ونقلها لمكان آخر

https://i.imgur.com/wMeeOii.jpg

https://i.imgur.com/NhChzAc.jpg

https://i.imgur.com/T7phHRd.jpg

الموزاييك باللون البني المذهب وايد حلو ومعطي جمال خاص بهذا الفندق

https://i.imgur.com/wQqwIq2.jpg

المناور السقفية في كل مكان

https://i.imgur.com/epOO4HO.jpg

هذي صالة وسطية وراها المصاعد وهذي تم فيها كم مؤتمر خلال وجودنا .. جدام يمين مكان الريوق

ارتفاع القزاز العلوي حول 5 أدوار كنا نشوفه من السادس

https://i.imgur.com/XZZl3rQ.jpg

منور ملون بني خفيف يعطي لون مختلف عن الباقي ومكانه مقابل الرسبشن

https://i.imgur.com/mik3WNc.jpg

اللي يبي يسوي توسعة حق مطبخ أو مجلس يقدر يهدم جزء من الجدار بين الأعمدة ويسوي جدار على بعد مترين أو متر حسب الوضع عنده ويسوي السقف زجاجي مثل ذيه

https://i.imgur.com/BLNLxgn.jpg

من ضمن رحلاتنا البعيدة كانت صوب منطقة قارمش .. وانا صراحة من محبي هذي المنطقة خصوصاً مطعم الأكرم هناك وهو مطعم لبناني يسوي لحم غزال

https://i.imgur.com/kXRuEgS.jpg

نشوف فخامة الديكور ونلاحظ القوس العريض وانا من محبي هذي الأقواس .. انحناء مزدوج

تفاصيل الهشب حلوة

https://i.imgur.com/Xmr3Jzk.jpg

https://i.imgur.com/c4Q4mRD.jpg

طلبي كان كاري غزال حيدر أبادي

https://i.imgur.com/ifgRt2Z.jpg

وهذا برياني لحم وبالعافية للي كلوا واللي تابعوا

https://i.imgur.com/WVo3mtq.jpg

والمواصلة بإذن الله قريبة

[sara jsm]

امممممم ريحة الكاري اوصلت هههههههههه
عليكم بالف عافيه .. ومتابعين لك :nice:

[معماري قطري]

امممممم ريحة الكاري اوصلت هههههههههه
عليكم بالف عافيه .. ومتابعين لك :nice:

الله يعافيج ويبارك فيج

دعاية للي يروح لازم يجرب هذا المطعم وصدقوني من أهداف الزيارة الأساسية هذا المطعم وشيء ثاني باذكره في التقرير الباقي

كبرت صورة المناور السقفية وطريقة التهوئة من خلال مثلث بسيط في الأعلى يطلع منه الهواء الساخن بعد ما يرتفع فوق ويسحب أي دخان ويجدد هواء المحيط الداخلي .. أتمنى محطاتنا محسوبة فيها حسابات التهوئة والمواقف وغيرها

https://i.imgur.com/8mQAHYw.jpg

الصورة أول الصبح والشمس تشرق من اليمين وتغيب جهة يسار نافذة الغرفة

في المارين بلاتز وهو شارع حيوي للمشاة وللتسوق فيه محلات كثيرة وعلى مسافة بسيطة من الفندق نروح له مشي .. مع إن المواقف كذلك متوفرة للسيارة سواء متعددة الأدوار أو اللي جنب الطريق بالدقائق

التقطت هذي الصورة وبالصدفة الآسيوية مبتسمة شكلها تبيني اصورها

https://i.imgur.com/1Q5n1hF.jpg

الجو حلو وقت الربيع بس البرد ما له وقت وممكن يجي أي لحظة لذلك غالبية الناس لابسين عدل


https://youtu.be/HGFNnN6zbZI

المباني ما شاء الله بنيت لتعيش وغالبيتها تاريخية .. حتى البيوت الحديثة مبنية بتكنولوجيا بناء عالية وتستاهل الشراء للي يبي يستثمر

https://i.imgur.com/dxuDzCj.jpg

الهدف الثاني من زيارتي كان تجربة هذا الحليب مرة ثانية .. يشربونه بارد وفيه زبدة ناعمة .. فيه أنواع منه بعضها فيها زبدة أكثر وهالمرة رايح معاي جهاز قياس السكر وعلى طول اقيس وطلعت ظالم هذا الحليب انه يرفع السكر طلع يرفعه شوي وأوقات حتى ينزل

هو المهم الإسم shlagsahn ويكون الدهن أو الفات 30% .. فيه نوع ثاني قريب روب طعمه عادي ونوع مثل القشطة يصلح مع العسل .. وذيه والدتي الله يحفظها وايد تحبه قلت لازم اهرب لها منه في الشنطة .. حاولت احصل كمية معلبة بطريقة تنحط في الشحن ما حصلت الا القواطي هذي الخفيفة .. شغلت المخ افكر وعرضت الفكرة على أُم عبدالله قالت لا ثم لا ثم لا .. قلت في شنطتي .. وهي مفكرة تستغل ما تبقى من شنطتي والحمد لله اقتنعت حصلت قراش محكم غطاؤهم وعبيتهم وبين الثياب ويوم وصلنا أهم شيء كان عندي هذا الحليب

https://i.imgur.com/GPVbJD3.jpg

كل مركز تموين عندهم يبيع نوع معين انصح بتجربة جميع الأنواع لين تطيحون على الثقيل اللي كله زبدة

[معماري قطري]

من ضمن الوجهات اللي رحنا لها منطقة تاجرنسي .. وهي بحيرة كبيرة عليها ثلاث قرى من ضمنها بادفيزا المصحة العلاجية .. فيها فندق راهي ومرتفع على الجبل نسيت اسمه سمعت إن يسكنونه كثير من الشخصيات

البحيرة تبعد عن ميونخ حول نص ساعة وجوها زين أبرد من ميونخ وهادئة للي يحبون الهدوء وفي المجمل أرخص من المدينة

كان نزول السكر عندي متكرر كثير من المشي والجو الحلو وهوست لي على شيزكيك في قهوة على البحيرة غالبية اللي فيها شياب وعيايز

https://i.imgur.com/8gNbf6v.jpg


https://youtu.be/L-EizqTaSUE

https://i.imgur.com/o9RGBwj.jpg

هذي الصورة من سنة 1900 وفي بدايات استعمال السيارات ويمكن ما وصلت وقتها ميونخ وفي وسطها مبنى البريد اللي بقت واجهاته تغطي فندقنا

https://i.imgur.com/Mlmz0G2.jpg

[معماري قطري]

الشارع الخاص بالخيول يسار تغير واستوى اسفلت مع سكة حديد في الوسط لكن المباني غالبيتها بقت والتغييرات عليها طفيفة

[شموخ دائم]

,

,

مرحبا


https://i.imgur.com/VX8Ayiu.jpg



من هالمزيون هذا
:)

سلم لي عليه هالغريب الله يحفظه مبين مرهق من السواقه بالطريق
:)

ما شاء الله تقرير مميز ومن ناحيه هندسيه

عجبني خط السير احب التنقل بين المدن خاصه المدن الصغيره والنصف ريفيه تكون غنيه بالجمال والطبيعه
وفيها جميع الخدمات والترفيه

متابع معاك

ياريت كثرت صور باريس الشوارع و المباني فيها مالها حل كانها قصور من جمالها

مستمتعين معك بالرحله

,

,

[معماري قطري]

والله يا اخوي شكله مشى وايد ما اظن كان يسوق كان يتسوق حتى شايل أغراض

باريس يا اخوي ما صورت فيها وايد ما ادري أوقات في زحمة الناس صعبة تصور

بواصل إن شاء الله بما تبقى قريب

[معماري قطري]

أحد التفاصيل اللي لفتت نظري اتصال زاوية بلاط حائط بارتفاع منخفض .. حيث تم ملؤ الزاوية بالسيليكون

https://i.imgur.com/ZINg299.jpg

في يوم قررنا نتمشى في حديقة قريبة من سكني السابق خلال سفرة 2015 والحديقة قريبة نقدر نوصلها مشي لكن رحنا بالسيارة .. وهي قريبة من منطقة سكنية ومنطقة أعمال فيها برج شركة المرسدس متعدد الأدوار وأكبر معرض للمرسدس في ميونخ

مرينا بقرب هذا المبنى وأعجبني تغطية الواجهة بالخشب

https://i.imgur.com/m15Y2Wa.jpg

https://i.imgur.com/vmhU96Z.jpg

مبنى قوقل اكتمل .. اللي يذكر تقرير 2015 كنت مصور المبنى أثناء بنيانه ومصور صور وايد للحديقة .. كانت شقتي في زاوية الحديقة الجنوبية الشرقية وكنت يومياً استمتع برؤية الشجر وسماع الطيور والأطفال يلعبون برا

https://i.imgur.com/HIa4iL2.jpg

سيارتي اللي استأجرتها

https://i.imgur.com/jyeR403.jpg

بعد اعتذر ما صورت وايد خصوصاً صوب معرض المرسدس لأن مرينا عليهم كانوا يطلعون ويقفلون الأبواب وكان المفروض نصور من الخارج

نرجع للفندق مع صورة من مدخل المصاعد فوق في الدور السادس والصورة للمنور المرتفع ست أدوار

https://i.imgur.com/5WXLQ8o.jpg

https://i.imgur.com/J4rZtBy.jpg

نلاحظ قناة تصريف الماء والشبك فوقها لعدم دخول مواد كبيرة وسد القناة

في يوم كذلك رحنا زيارة لمدينة نورنبرغ وهي مدينة قديمة بمباني من أيام الخيول والعربات .. نورنبرغ حول ساعتين بعيدة وهي غير عن حلبة نورنبرغ للسباقات واللي يدخلها أي شخص بسيارته العادية بمقابل وشروط

https://i.imgur.com/IT0YjhY.jpg

غالبية المباني حجر وببناء مميز

https://i.imgur.com/MBhmneF.jpg

https://i.imgur.com/q0Pig2T.jpg

البنيان هذا دارج في اوروبا في قديم الزمان

https://i.imgur.com/FOWtbQa.jpg

هنا نشوف الحماية للزاوية من احتكاك الخيول والعربات في قديم الزمان

https://i.imgur.com/demWXHn.jpg

وهنا كذلك

https://i.imgur.com/xHeN45X.jpg

فيه مطعم ايطالي مقابل النافورة قرب مدخل المارين على اليسار بعد انصح اللي يروح يجربه حبيت الباب الخشب النحيف المغطى بالسيراميك

https://i.imgur.com/mERHiO9.jpg

سُمك الباب والجدار كذلك حول 2 سم

https://i.imgur.com/WdOqeZQ.jpg

وما بقي الا القليل وبكمل عن قريب ان شاء الله

[معماري قطري]

ذكريات ذكرني بها واحد سأل عن سفرة لأوروبا