المساعد الشخصي الرقمي

مشاهدة النسخة كاملة : عندكم حل للحصوه


المزن الرياني
04-06-2018, 01:35 AM
السلام عليكم

عندي حصوه بالحالب من شهرين ومب لاقي لها حل
قطرها بين 3-4 mm بس معنده رأسها وثابته مكانها
والمستشفى رافضين التفتييت بسبه صغر حجمها

المشكله صار لي اسبوع متألم منها
وجربت كل شي تقريباً
sara jsm
04-06-2018, 02:17 AM
وعليكم السلام اخوي ماعليك شر ان شاءالله ..

اشرب منقووع الحلبه .. الحلبه تفتت الحصى
خذ كميه وحطها في غرشه ماي كبيرة وخلها ليله وثاني يوم ابتدي اشرب منها
وكل مايقل الماي زيده واشرب منه طول اليوم ..
بس الله يعينك عالريحة :rolleyes2:
R 7 A L
04-06-2018, 02:27 AM
عندك بعد الشعير يقولون زين

ماعليك شر
المزن الرياني
04-06-2018, 02:35 AM
وعليكم السلام اخوي ماعليك شر ان شاءالله ..

اشرب منقووع الحلبه .. الحلبه تفتت الحصى
خذ كميه وحطها في غرشه ماي كبيرة وخلها ليله وثاني يوم ابتدي اشرب منها
وكل مايقل الماي زيده واشرب منه طول اليوم ..
بس الله يعينك عالريحة :rolleyes2:


الشر مايجيبج أختي
بنستحمل الريحه بس نخلص من هالحصوه
لانها عذاب والله
بجرب الحلبه وان شاءالله تفيد
جزاج الله خير على المعلومة
المزن الرياني
04-06-2018, 02:37 AM
عندك بعد الشعير يقولون زين

ماعليك شر


ولا تواجهه
جربته مافي فايده :(
بريق الحق
04-06-2018, 09:33 AM
دبل اشرب الفوار وعليك ببعض التمارين
الله يعينك واحتسب الاجر الله يشافيك
Rider
04-06-2018, 11:37 AM
عليك بعصير قصب السكر يقولون ينزل الحصاه ومجرب
راجي الْعفو
04-06-2018, 05:45 PM
وَعَلَيْكُم السّلام وَرَحْمَة اللهِ وَبَرَكَاتُه

صمغ عربي

يمدحونه واكثر من واحد جربه واستفاد منه
للي عندهم حصوة في الكلى ، بس في الحالب ما ادري هل بينفع او لا

تحصله في سوق واقف


وكثررر من شرب الماي
مهم جدا

الله يشافيك و يعافيك
بـن عدوان
04-06-2018, 06:19 PM
الشيخ اذا في الحالب في ادوية توسع الحالب وتكثر ماي وتنزل وامورك طيبة




او لازم تعرف شنو نوعها ممكن في ادوية تذوبها


ماعليك شر
المزن الرياني
04-06-2018, 09:46 PM
دبل اشرب الفوار وعليك ببعض التمارين
الله يعينك واحتسب الاجر الله يشافيك

جربته وخلصت كورس والحبيبة قاعده
جزاك الله خير
المزن الرياني
04-06-2018, 09:47 PM
عليك بعصير قصب السكر يقولون ينزل الحصاه ومجرب


أول مره أسمع بهالشي
بجربه وان شاءالله يفيد
جزاك الله خير على المشوره
النهار
05-06-2018, 02:29 AM
جرب ياخوي عصير الليمون وزيت زيتون بكراصلي
ليمونه واحده تعصرها تضيف لها 3 معالق زيت زيتون اصلي تخلطهم حتى يتجانسوا
تشرب منه 3 مرات قبل الاكل بنصف ساعه
ان شاءالله خلال اسبوع تفتت اصعب الحصوات
partyQtr
12-06-2018, 10:34 AM
بذرة الخله وراح تدعي لي بااذن الله ومنقوع البقدونس بس اكثر شيء بذرة الخله
حليتان*
16-06-2018, 11:11 PM
عليك بالبيرة
وطمنى عنك
BeYoNd
16-06-2018, 11:50 PM
الصورة الرمزية BeYoNd رقم العضوية
14860
تاريخ التسجيل
Jun 2007
المشاركات
2,531
مساء الخير اختي البقدونس فوحية و جلسي اشربي منه زين باْذن الله راح تنزل بعد ما يبرد حطية في غرشة ويومين اشربي منه لانه كانت عندنا أخت مربيتنا الله يرحمها كانت تشرب منه واستفادت عليه
سالم الزهران
17-06-2018, 10:30 PM
الوالد جته حصوة حالب كبر حبة العيش ولعوزته

وصفوا لنا الفجل الاحمر ،، رحت خذيت ثلاث حزم فجل حمر وغسلت الفجل الاحمر مب الورق

عصرته وصفيته طلع كاسة كبيرة

شرب منها الوالد قبل لا ينام و اشغله بالليل يقوم ويتوضا والصبح دخلت اقومه لقيته قاعد ويضحك يقول الحمدلله طلعت ورتحت وفكنا من المستشفى ومواعيده ..

وكل الوصفات والمناقيع اللي قالوا عنها الاخوان مفيدة بزر الخل والقدونس

لكن اتوقع الفجل الاحمر نفس المفعول ويمكن اقوى

الله يكتب اجرك وصبرك خوي المزن
المزن الرياني
18-06-2018, 08:06 PM
السلام عليكم
جزاكم الله كل خير على نصايحكم
وكل عام والجميع بخير و صحه وسلامه
النهار
18-06-2018, 10:49 PM
شوف اخوي هذالمنتج لتفتيت الحصى
الفيديو باللغه الهنديه فيه تقاصيل كثيره
https://www.youtube.com/watch?v=HORYTpJ5h1U
وهذا فيديو اخر بالعربي
https://www.youtube.com/watch?v=0NDFtROZt9k