ابي نصيحتكم ف تاجير سياره

[غيم الجنوب]

السلام عليكم
مسافر أوروبا وابي نصيحتكم
وقت الحجز تطلع لي خيارات كثيره تامين والخ،،،

والحين ماعرف الشي الضروري الي لآزم اختاره
شركة التاجير سكست كنت ابي أحط الصورة بس المنتدى مايسمح لي،،،

[غير البشر]

عليكم السلام

ياهلا ومرحبا

الافضل لاتحجز التأمين اون لاين
احجز تأمين شامل وقت استلام السياره
لان مرات يصير تلاعب بعد حجز التأمين
يدفعونك تأمين مره ثانيه وقت الاستلام


بالنسبه لشركه سكست وبعض الشركات
وقت استلام السياره ياخذون عليك مبلغ وديعه عالي جدا (مبلغ مرتجع)

افضل لك ادخل موقع رنتل كارز
واختار السياره الي تبغيها
وتشوف مبلغ الوديعه لكل السياره قبل الحجز

في موقع رنتل كارز فقط احجز السياره ولاتاخذ اي اضافات او تأمين

https://www.rentalcars.com/ar/

من الصوره بعد ماتختار احجز الان تطلع لك هالصفحه
تروح للمعلومات هامه

https://b.top4top.net/p_885q10fa1.png (https://up.top4top.net/)


وتشوف قيمه الوديعه للسياره

https://c.top4top.net/p_885n3gkj2.png (https://up.top4top.net/)

[غيم الجنوب]

يعطيك العافيه غير البشر
بس رنتل كار يطلع لي لآزم اسلم السياره بنفس مكان استلامها
عندي سكست وعندي ايروبكار شكلي بروح لهم مكتبهم وبستفسر منهم عن كل شي

[معماري قطري]

صحيح تقدر تحجز من مكتبهم من هنا

طريقة ثانية تعتبر مغامرة ولازم يكون عندك مبلغ مناسب في بطاقة الفيزا .. هي إنك تحجز اونلاين سيارة رخيصة وبالتأمين المطلوب منهم وهناك على الكاونتر تفاوض للحصول على سيارة أفضل وعلى تأمين مناسب .. التأمين أنواع حتى الشامل بعضه يجي حتى لو غلطان ما تدفع شيء 0% deductible وفيه نوع لو انت غلطان تدفع مبلغ معين كلما قل زاد سعر التأمين عليك .. انا تعودت آخذ التأمين المطلوب حسب القانون ولو غلطان ينخصم علي مبلغ معين بحدود 2000 يورو وهذا أقصى شيء ممكن الحادث بسيط ويكون الخصم أقل

في الفترة الأخيرة من حول شهر جربت ايفس وكانوا وايد زينين تعامل وسعر وعطوني سيارة جديدة وأفضل من اللي طلبتها وفئة أعلى بنفس السعر

بعدين شوف الشركات اللي تسوي حجز بدون ما تحط رقم الفيزا وسو حجزين ثلاثة ما تخسر شيء ولين وصلت شوف الأنسب بينهم لو فيه شروط غريبة أو ممكن ما تحصل السيارة اللي تبيها

[غير البشر]

يعطيك العافيه غير البشر
بس رنتل كار يطلع لي لآزم اسلم السياره بنفس مكان استلامها
عندي سكست وعندي ايروبكار شكلي بروح لهم مكتبهم وبستفسر منهم عن كل شي


الله يعافيك يارب

ممكن تختار تسليم السياره من موقع ثاني

https://a.top4top.net/p_886vsr521.png (https://up.top4top.net/)

[غيم الجنوب]

يعافيك اخوي،،
اي سويت بس يطّلع لا توجد سيارات

[الزجاجي]

عليكم السلام

ياهلا ومرحبا

الافضل لاتحجز التأمين اون لاين
احجز تأمين شامل وقت استلام السياره
لان مرات يصير تلاعب بعد حجز التأمين
يدفعونك تأمين مره ثانيه وقت الاستلام


بالنسبه لشركه سكست وبعض الشركات
وقت استلام السياره ياخذون عليك مبلغ وديعه عالي جدا (مبلغ مرتجع)

افضل لك ادخل موقع رنتل كارز
واختار السياره الي تبغيها
وتشوف مبلغ الوديعه لكل السياره قبل الحجز

في موقع رنتل كارز فقط احجز السياره ولاتاخذ اي اضافات او تأمين

https://www.rentalcars.com/ar/

من الصوره بعد ماتختار احجز الان تطلع لك هالصفحه
تروح للمعلومات هامه

https://b.top4top.net/p_885q10fa1.png (https://up.top4top.net/)


وتشوف قيمه الوديعه للسياره

https://c.top4top.net/p_885n3gkj2.png (https://up.top4top.net/)

+1
هذا الموقع يتبع موقع Booking.com واغلب الوقت افضل سعر احصل عندهم
انصحك بشركة يوربكار اقل شركة في الشروط وتعاملهم حلو

[monatee]

يعافيك اخوي،،
اي سويت بس يطّلع لا توجد سيارات

تأكد من الساعه ، بعض الفروع تكون مغلقه في الوقت الي انت اخترته فيعطيك لاتوجد سيارات

[غيم الجنوب]

يعطيكم العافيه ماقصرتوا بكره بروح وبحجز من مكتبهم بستفسر عالتامين واذا اون لاين افضل بحجز اون لاين
وبخصوص التاريخ والله يجوز هالكلام صح بس سكست وايروبكار موجودين في رنتل كار على موقعهم يطّلع لي سيارات وعلى رنتل كار مايعطيني الا اذا اخترت نفس المدينة وقت التسليم