** افيدوني .. من يتحمل التصليح لبيت مستأجره الاسكان**

[كرواتيا]

السلام عليكم

انا عندي بيت اجرته للاسكان الحكومي وساكنين فيه عايله من سنتين والحمدلله الامور طيبه عقب خبرني المستأجر ان البيت يحتاج تصليح لقوا تسريبات في السقف في هالحاله انا كمالك شنو اسوي؟ من المسؤل عن التصليح

[ابو عبدالله.]

اذا التسريب داخل الجدران فهو مسؤوليتك لعدم وجود تدخل من المستأجر بالاتلاف

اما اذا انابيب خارجيه فهي من الاهلاك و الاستخدام

هذا الي اعرفه اخوي

[معماري قطري]

الحق على بيتك وصلح التسريب تصليح زين وزين انهم خبروك

أعرف واحد خلوا بيته لين انترست الأرضيات ماي واستوى البلاط تدوس عليه يتحرك .. المستأجر خاف يطلعونه للصيانة وسكت لين خلاص استوى الوضع صعب والبيت كأنه مستنقع .. إضطر يشيل الأرضيات وحصل تسريب واصل الكهرباء قطع الكهرباء وسوى فحص طلع لازم يسوي الكهرباء مرة ثانية .. رجع يشطب من جديد بعد ما خاف من أي مغامرة حتى عازل السقف شاله واستبدله بجديد

[أبورودي]

انا كنت ساكن على الاسكان الحكومي الصيانه مسئولية المالك ماعدا الاشياء السيطه كنت بقوم بها وكنت ببلغ الاسكان بالمشاكل وهم بيرسلون للمالك خطاب لعمل الصيانه اللازمه