مارايكم في ان يبدا العمل في رمضان من 12 ظهرا الى 5 مساءا ؟

[قطري2022]

فكرت في هذا الاقتراح كي يكفي الوقت لاراحة الجسم والعقل بعد النوم عقب صلاة الفجر ، حيث باستطاعة الصائم ان يستيقظ في الساعة 10 والنصف صباحا فيكون قد نام ست ساعات ونصف مما يجعله نشيطا ويستطيع العطاء والانتاج بسهولة ، بينما حين يبدا العمل في الساعة التاسعة فالنوم سيكون حتى الساعة 7والنصف اي الراحة لمدة ثلاث ساعات ونصف فقط ، وهكذا نعاني من التعب والارهاق بسبب قلة النوم ، بانتظار ارائكم الكريمة .

[سليمان احمد]

رمضان خلص الاقتراح تاخر كثير

[qatarman8008]

لو بيسوونها في رمضان الجاي باكون مؤيد وبقوة ..
عالاقل الواحد يرقد من بعد الفجر لين صلاة ابظهر..
اما النظام الحالي صار الواحد مايعرف متى يرقد .
بعد الفجر ساعتين وعقب يروح الدوام ..!!
او بعد مايرجع من الدوام وتفوت عليه صلاة العصر..!!

[aziz4z]

ضد الاقتراح
الصبح للدوام مب للنوم

[khaldoon]

النوم العصر شي لا يعوض....خيالي ههههههه

[دينالي]

وماذا عن النساء العاملات اللواتي يطبخون الفطور
متى يمديهم يطبخون ومتى يمدينا نقرا قرأن

[غايه الطواش]

ارفض بشده وبعنف

[قطري2022]

لو بيسوونها في رمضان الجاي باكون مؤيد وبقوة ..
عالاقل الواحد يرقد من بعد الفجر لين صلاة ابظهر..
اما النظام الحالي صار الواحد مايعرف متى يرقد .
بعد الفجر ساعتين وعقب يروح الدوام ..!!
او بعد مايرجع من الدوام وتفوت عليه صلاة العصر..!!
اشكرك على التاييد
فعلا ، وقت الدوام هو الي مخرب نومنا ومخرب جداولنا اليومية

[قطري2022]

وماذا عن النساء العاملات اللواتي يطبخون الفطور
متى يمديهم يطبخون ومتى يمدينا نقرا قرأن

يعطيك العافية الشيخ ،مب لازم يطبخون ، يعيشون تفس حياة ايام الفطر يوم يرجعون البيت ساعة ثلاث والغدى جاهز ، ونبتعد عن فكرة ان رمضان شهر الحلويات وشهر الاكل المبالغ فيه ، يكفي صنفين ع الفطور وتسويهم الخدامة نفس ايام الغدا وفرصة علشان الواحد مايمتن في رمضان نقس الي صاير مع الكل ، رمضان شهر العبادة مب حق الاكل ، وعلشان نتعبد يفضل تكون اجسامنا وعقولنا مرتاحة علشان نقدر نتعبد بشكل اكبر ومريح

[قطري2022]

النوم العصر شي لا يعوض....خيالي ههههههه
هلا فيك
هو من ناحية خيالي فهو خيالي واحلى مقيال مقيال رمضان هههههه ، بس تاكد لو صار الي اقترحته مابتحتاج تقيل ��

[قطري2022]

ضد الاقتراح
الصبح للدوام مب للنوم

هلا فيك عزيز ، مككن نغير النظام الي متعودين عليه مثل ماتغيرت قوانين وعادات ، ومب شرط كل شي تعودنا عليه يكون صحيح �� يعطيك العافية يالغالي

[Rider]

اتمنى ماحد يسمعك من المسؤلين ههههههه ياخوي لي يرتب وقته عادي ينام ويقوم لكن لي حضرته بيسهر لين الفجر هذي مشكلته

[قطري2022]

اتمنى ماحد يسمعك من المسؤلين ههههههه ياخوي لي يرتب وقته عادي ينام ويقوم لكن لي حضرته بيسهر لين الفجر هذي مشكلته
صعب يا رايدر ، قولي شنهي الاوفات المناسبة للنوم في رمضان ؟ كلنا نروح الدوام تعابة ومكسلين

[حمــد]

يعني اغلب الموظفين يخلص دوامهم قبل المغرب بساعه ونصف تقريبا بتستوي زحمه اكبر وهي اساسا بالوقت هاي السائقين الصيام مأثر فيهم وبتكثر الحوادث نتيجه الاستعجال بصوره اكبر .. يعني بنحل موضوع قيام الليل بتظهر موضوع المغرب والله اعلم

[بنت شرق]

الاقتراح الأفضل والأجمل خلونا نعطل برمضان وبخاصة إذا كان بالصيف

[nooora]

اقتراح جميل
لكن صعب الي عندهم عيال ويوصلهم مدارس وبعدين يجيبهم

[قطري2022]

اقتراح جميل
لكن صعب الي عندهم عيال ويوصلهم مدارس وبعدين يجيبهم
اشكرج ع التاييد
ممكن كل الدولة يكون دوامها جذي

[قطري2022]

يعني اغلب الموظفين يخلص دوامهم قبل المغرب بساعه ونصف تقريبا بتستوي زحمه اكبر وهي اساسا بالوقت هاي السائقين الصيام مأثر فيهم وبتكثر الحوادث نتيجه الاستعجال بصوره اكبر .. يعني بنحل موضوع قيام الليل بتظهر موضوع المغرب والله اعلم
يعطيك العافية طال عمرك
ممكن الواحد يفطر في السيارة على تمر وماي او لبن او اي شي سريع ، بالعكس شي صحي انك تبتدي خفيف وتثقل بالتدريج للحد للمعقول ، وبعدين يمكن الناس ياثر فيهم الصيام حاليا في هالوقت لانهم تعابة وماشبعو نوم بسبب الدوام الحالي ، لكن لو نامو من 4 وصحو عشر ونص بدل سبع ونص بتفرق معاهم وبيكونن مرتاحين ، وممكن ان الناس يتقبلون انهم يتاخرون في فطورهم شوي مقابل انهم يشبعون نوم واجسامهم تكون مرتاحة

[ذكي جدااا]

الاقتراح متاخر بس احنا نداوم أصلا من عشر ونص الى ثلاث ونص

[راجي الْعفو]

هو دوام قصير

افضل يكون ع ما هو عليه و لو يقدمونه بعد احسن

من 8. - 12

خاصة وان وقت الفجر يتقدم

ما يتخلل يومك اي شي

ويكون أوسع لإنجاز امور اخرى

لان وقت الصبح محد بيستغله الا في النوم غالبا وهو ممكن يتعوض في بقية اليوم

غير الحريم اللي وراهم طبخ و غيره

[ولد العرب]

ارفض بشده
والحبيب المصطفى قال بارك الله في امتي في بكورها
ولاتنسى الدوله مرتبطه مع العالم الخارجي
يعني بتكون خارج التغطيه
وايش الكسل ياخوي
كلها شهر وانتهى بسلام

[Rider]

صعب يا رايدر ، قولي شنهي الاوفات المناسبة للنوم في رمضان ؟ كلنا نروح الدوام تعابة ومكسلين

قطري شكلك كسول لا تجمع الحمد لله عادي انا انام 12 ونص بعدين اقوم حق صلاة الفجر بعدين انام 3 ساعات اقوم 7عادي الدوام مرن عندنا يعني اداوم 8 اطلع 1 ولي يداوم 9يطلع 2 ارجع البيت انام ساعة والامور ماشيه ترى الموضوع شهر ويرجع الوضع طبيعي

[بوخميس]

يفترض حتى في الايام العادية او رمضان

يكون من بعد صلاة الفجر بنص ساعة ونخلص بدري ويمديك تقيّل بعد الظهر، وعقب تعيش اليوم كله

يعني من 5 لين 11

تنام من 1-3

وعند اليوم كله لين الساعة 10 تنام لين الفجر

[R 7 A L]

من السنه الجايه وبعدها راح يكون دوام الطلاب في رمضان
لذا لن تنجح الفكرة لو طبقوها

[قطري2022]

يفترض حتى في الايام العادية او رمضان

يكون من بعد صلاة الفجر بنص ساعة ونخلص بدري ويمديك تقيّل بعد الظهر، وعقب تعيش اليوم كله

يعني من 5 لين 11

تنام من 1-3

وعند اليوم كله لين الساعة 10 تنام لين الفجر
تسلم ع المشاركة