== إستراحة عيد الفطـــر ==

[R 7 A L]

السلام عليكم ورحمة الله وبركاته

ارفع اسمى ايات التهاني والتبريكات الى مقام حضرة صاحب السمو الشيخ تميم بن حمد آل ثاني
والى سمو الأمير الوالد الشيخ حمد بن خليفة آل ثاني
والى حكومتنا الرشيدة
وجميع هل قطر مواطنين ومقيمين
وجميع المسلمين

بهذة المناسبة السعيدة ابارك لكم عيد الفطر المبارك

وفتحت هذة الاستراحة بعد اذن اخواني واخواتي المشرفين والمشرفات
لنعيش اجواء هذة المناسبة
وكل عام وانتم بخير




اخوكم
رحال
usa

[naklan]

كل عام وانتم بخير وعيدكم مبارك جميعا
والله يعيده عليكم وانتم في أتم الصحة والعافية
والوطن في خير وأمن واستقرار لنا ولكافة
بلاد المسلمين

[naklan]

مافيه عيدية انا اول واحد قعد من الصبح
ودخل الموضوع لو في موزنبيق يحطوني
مختار للضيعة شو بنا

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

تقبل الله منا و منكم صالح الأعمال

وعيد الله عليكم مبارك

[سعود.]

السلام عليكم ورحمة الله وبركاتة

مبارك عليكم العيد ، وعساكم من عواده

وتقبل الله منا ومنكم صالح الاعمال

[الحياة الخالدة]

وعليكم السلام ورحمة الله وبركاته
تقبل الله طاعتكم جميعاً وكل عام وقطرنا وأميرنا ومن على هالأرض الطيبة وجميع المسلمين بألف خير

وجزاك الله خير أخوي رحال على فتح الاستراحة

[qatarman8008]

اسال الله العلي القدير ان يتقبل منا ومنكم صالح الاعمال ..
وعيد الله عليكم مبارك..
اخوكم الصغير قطر مان الغرفاوي ..

[سالم الزهران]

السلام عليكم ورحمة الله وبركاته

حبايبنا نعيدكم
وندعي الله يؤيدكم
ويجعل حظكم عالي

قطر لك عندنا وحشه
عسى من قاطعك يعشى
ويتغير به الحالي

[Charisma]

عيد الله عليكم مبارك

تقبل الله صيامكم وقيامكم وصالح أعمالكم، وجعلنا ووالدينا وإياكم من عتقائه من النار يارب.

عيد فطر سعيد للجميع، وأعاده الله علينا وعليكم وعلى الامه الاسلاميه بالخير واليمن والبركات.

Charisma

[Charisma]

السلام عليكم ورحمة الله وبركاته

حبايبنا نعيدكم
وندعي الله يؤيدكم
ويجعل حظكم عالي

قطر لك عندنا وحشه
عسى من قاطعك يعشى
ويتغير به الحالي



الحبيب سالم، عيد الله عليك مبارك وعساك من عوادة.

مكانك مبين يالغالي.

[سعود.]

السلام عليكم ورحمة الله وبركاته

حبايبنا نعيدكم
وندعي الله يؤيدكم
ويجعل حظكم عالي

قطر لك عندنا وحشه
عسى من قاطعك يعشى
ويتغير به الحالي



عيدك مبارك اخوي سالم
بيض الله وجهك ولاهي غريبه عليك

باذن الله تزين الامور كلنا اخوان واهل .

[عازف]

بأرق العبارات وأندى الكلمات وعلى أثير المحبة وخالص التحيات أهنئكم بقدوم عيد الفطر السعيد.
"اسأل الله ان يتقبل صيامنا وقيامنا وأن يعيد علينا شهر رمضان المبارك أعواماً عديدة وأزمنة مديدة"

أخوكم عازف

[سالم الزهران]

عساكم من عواده جميعاً وجزاك الله خير خونا رحال

والغالي نكلان وسعود والغرفاوي وراجي وكذلك اختنا الحياة وكارزما وعازف وكل اعضاء هالمنتدى الطيب وكذلك أخونا العود قطري وكل اللي غايبين نسأل الله لهم القبول والتوفيق ونشوف مشاركاتكم جميعاً في هذا المنتدى الطيب ولا ننسى نرفع تهانينا لمقام سمو أمير البلاد المفدى وكافة الشعب القطري ونسأل الله أن يعيده عليكم وعلى الأمة الاسلامية بالخير والعز والتمكين.

[R 7 A L]

مافيه عيدية انا اول واحد قعد من الصبح
ودخل الموضوع لو في موزنبيق يحطوني
مختار للضيعة شو بنا
افا عليك اطلب شي من امريكا وعطني عنوان بالكثير ثلاث ايام جايتك عيديتك

[R 7 A L]

وعليكم السلام ورحمة الله وبركاته
تقبل الله طاعتكم جميعاً وكل عام وقطرنا وأميرنا ومن على هالأرض الطيبة وجميع المسلمين بألف خير

وجزاك الله خير أخوي رحال على فتح الاستراحة

العفو اختي

على فكرة هذي اول استراحة افتحها :weeping:

[Dana’1]

وعليكم السلام ورحمة الله وبركاته
تقبل الله طاعاتكم
كل عام أنتم و جميع أمة حبيبنا نبينا محمد صلى الله عليه وسلم بخير

[معماري قطري]

عيدكم مبارك يا اهل البيت

كل عام والجميع بخير خصوصاً إخواننا اللي مهاجرين مثل صاحب الموضوع رحال

[R 7 A L]

عليناوعليكم يتبارك


عيدك مبارك يابوعبدالله
مالك نيه تجي صوبنا

[معماري قطري]

عليناوعليكم يتبارك


عيدك مبارك يابوعبدالله
مالك نيه تجي صوبنا

والله ودي بس محد يشجع

هالمرة بنروح رحلة شبابية لو عندك استعداد ست شهور عادي عندي

[R 7 A L]

والله ودي بس محد يشجع

هالمرة بنروح رحلة شبابية لو عندك استعداد ست شهور عادي عندي

خوتك تنشرى يابوعبدالله
بس ماقدر اتعدى المكان الي انا فيه حياك مر وغير جو

[R 7 A L]

هاه بشرونا شلون الجدول معاكم ههههههه
يقولون حالات اغماء جماعيه

[qatarman8008]

تجمعنا المباراة والمفطح.. !!

[sara jsm]

السلام عليكم اخواني واخواتي الاعضاء

عيد الله عليكم مبارك .. وتقبل الله طاعتكم
وكل عام وانتم بخير وعساكم من العايدين ..

:
:

اللي ماحصل عيديه يتفضل لا يستحي :p

https://a.top4top.net/p_896nzyuy0.jpeg (https://up.top4top.net/)

[بومحمد المطاوعه]

عيد الله عليكم مبارك وكل عام وانتم بخير

وأسأل الله أن يتقبل منا ومنكم صالح الأعمال

أخوكم/ بومحمد المطاوعه

[qatarman8008]

سارا هل ممكن اسوي ممبرشب للصورة ؟؟
سبسكربشن هالاقل..:stop:

[sara jsm]

مع اني مافهمت اشكاتب ههههههههه بس حلالك اخوي
الصورة حلالك :p

[7aayaahh1]

عيدكم مبارك وتقبل الله طاعتكم
من البارحة ما نمت والحين خذت منوم وأنتظر مفعولة

[qatarman8008]

شعور عند الكل..
الكل كان حارم نفسه من الرقاد في رمضان وزاد كملها بليله العيد..

[الحياة الخالدة]

مساكم الله بالخير وأسعد الله أوقاتكم جميعاً حاضرين وغائبين

[الحياة الخالدة]

السلام عليكم اخواني واخواتي الاعضاء

عيد الله عليكم مبارك .. وتقبل الله طاعتكم
وكل عام وانتم بخير وعساكم من العايدين ..

:
:

اللي ماحصل عيديه يتفضل لا يستحي :p

https://a.top4top.net/p_896nzyuy0.jpeg (https://up.top4top.net/)

العيد عليج مبارك أختي سارة
أنا باخذ الزرق بس .. وبخلي الباقي لبقية الأعضاء .. يستاهلون

[بريق الحق]

شعور عند الكل..
الكل كان حارم نفسه من الرقاد في رمضان وزاد كملها بليله العيد..

رمضان غير الميالس لين الفجر

[بريق الحق]

رحال نبي سبلمنت من أمريكا

[R 7 A L]

مرحبا اخوي بريق وش تطلع هذي سبلمنت ؟

[راجي الْعفو]

عساكم من عواده جميعاً وجزاك الله خير خونا رحال

والغالي نكلان وسعود والغرفاوي وراجي وكذلك اختنا الحياة وكارزما وعازف وكل اعضاء هالمنتدى الطيب وكذلك أخونا العود قطري وكل اللي غايبين نسأل الله لهم القبول والتوفيق ونشوف مشاركاتكم جميعاً في هذا المنتدى الطيب ولا ننسى نرفع تهانينا لمقام سمو أمير البلاد المفدى وكافة الشعب القطري ونسأل الله أن يعيده عليكم وعلى الأمة الاسلامية بالخير والعز والتمكين.

تقبل الله منا ومنك
وعيدك مبارك ياخوي سالم
وعساك من عواده

[qatarman8008]

عساكم من عواده جميعاً وجزاك الله خير خونا رحال

والغالي نكلان وسعود والغرفاوي وراجي وكذلك اختنا الحياة وكارزما وعازف وكل اعضاء هالمنتدى الطيب وكذلك أخونا العود قطري وكل اللي غايبين نسأل الله لهم القبول والتوفيق ونشوف مشاركاتكم جميعاً في هذا المنتدى الطيب ولا ننسى نرفع تهانينا لمقام سمو أمير البلاد المفدى وكافة الشعب القطري ونسأل الله أن يعيده عليكم وعلى الأمة الاسلامية بالخير والعز والتمكين.

تقبل الله طاعتك وعيدك مبارك اخوي سالم..
سررنا بعودتك ومشاركتك..

[qatarman8008]

العيد عليج مبارك أختي سارة
أنا باخذ الزرق بس .. وبخلي الباقي لبقية الأعضاء .. يستاهلون

اذا مشت المعاملة لاتنسين ففتي ففتي .. :court:

[qatarman8008]

رمضان غير الميالس لين الفجر

رمضان لان كان الليل قصير..
ماتلحق تخلص التراويح الا القيام بادي وعقبها صلاة الفجر..

[R 7 A L]

الله يعود رمضان علينا جميعاً وحنا طيبين وبخير

[naklan]

عساكم من عواده جميعاً وجزاك الله خير خونا رحال

والغالي نكلان وسعود والغرفاوي وراجي وكذلك اختنا الحياة وكارزما وعازف وكل اعضاء هالمنتدى الطيب وكذلك أخونا العود قطري وكل اللي غايبين نسأل الله لهم القبول والتوفيق ونشوف مشاركاتكم جميعاً في هذا المنتدى الطيب ولا ننسى نرفع تهانينا لمقام سمو أمير البلاد المفدى وكافة الشعب القطري ونسأل الله أن يعيده عليكم وعلى الأمة الاسلامية بالخير والعز والتمكين.

كل عام وانت بخير اخي الأصيل سالم الزهران
كل عام وايامك اسعد وعيدك مبارك ولكل الشرفاء في المملكة
ولاقاربنا واهلنا في المملكة

[naklan]

افا عليك اطلب شي من امريكا وعطني عنوان بالكثير ثلاث ايام جايتك عيديتك

تسلم يا ابن العم انا ودي أجي بس اسلم عليك
انا حاس انك من نسل أبوي وضاري للشجاعة ويصيب
رمحك يوم الارماح يخطن هههههه

[سالم الزهران]

الحبيب سالم، عيد الله عليك مبارك وعساك من عوادة.

مكانك مبين يالغالي.

كل عام ونت بخير الحبيب كارزما ، الله يعيده عليك وعلى اهلك بالخير والسعادة




عيدك مبارك اخوي سالم
بيض الله وجهك ولاهي غريبه عليك

باذن الله تزين الامور كلنا اخوان واهل .

عيدك سعيد و مبارك باذن الله يا اخ سعود والله يتقبل دعاك الشيخ


تقبل الله طاعتك وعيدك مبارك اخوي سالم..
سررنا بعودتك ومشاركتك..

ارحب يالغرفاوي ،، كل عام ونت بخير و الله مشتاقين .. الله يوفقكم


كل عام وانت بخير اخي الأصيل سالم الزهران
كل عام وايامك اسعد وعيدك مبارك ولكل الشرفاء في المملكة
ولاقاربنا واهلنا في المملكة

انت بالذات بشاور لك ونا قصادك في المدرج وعامل نفسك مش شايف.. يا ارجواياني
هههه كل عام ونت بخير نكلان واهلك ومن يعز عليك

[سالم الزهران]

كل عام ونتي بخير مشرفتنا واختنا القلب الكبير الحياة الخالدة .. وكل عام ونتم بخير اخواتنا وخواننا و الله يجعلنا واياكم ممن غفرت ذنوبهم وقبلت اعمالهم .

[سالم الزهران]

لكن وين الفطور يا الامريكي ؟

وين الشاهي ؟ اقل شيء برز الشاهي عشان يطل علينا اخونا توشيبا اظنه راعي القلاص بو نعناع

[الحياة الخالدة]

كل عام ونتي بخير مشرفتنا واختنا القلب الكبير الحياة الخالدة .. وكل عام ونتم بخير اخواتنا وخواننا و الله يجعلنا واياكم ممن غفرت ذنوبهم وقبلت اعمالهم .
وانت بالصحة والسلامة أخونا الوفي سالم .. وعسى تكون والأهل جميعاً بخير
اللهم آمين

[R 7 A L]

لكن وين الفطور يا الامريكي ؟

وين الشاهي ؟ اقل شيء برز الشاهي عشان يطل علينا اخونا توشيبا اظنه راعي القلاص بو نعناع


ارحب يابوغنيم
ياخي جدولي معتفس فوق تحت
اقوم ساعة وارقد ساعتين
ابشر بالشاهي الامريكي

[sara jsm]

مساء الخير عالمعيدين ..

شخبار ثاني العيد معاكم ... :waiting:

رحال اشحالك اخوي ... من عرفتك وانت كله بامريكا مهاجر صج !! :unsure:

[حليتان*]

مسا مسا ع الناس الكويسة

[R 7 A L]

مساء الخير عالمعيدين ..

شخبار ثاني العيد معاكم ... :waiting:

رحال اشحالك اخوي ... من عرفتك وانت كله بامريكا مهاجر صج !! :unsure:

يامرحبا
لا والله سفرات متنوعه مابين سياحة ودراسة وعلاج ومرافقه علاج

[R 7 A L]

مسا مسا ع الناس الكويسة

مساء النور
اماف كم عمرك الحين هههههه

[الحياة الخالدة]

صبحكم الله بالخير

[sara jsm]

يامرحبا
لا والله سفرات متنوعه مابين سياحة ودراسة وعلاج ومرافقه علاج

الله يوفقك ويسهل عليك اخوي ويشفي مريضكم وترجعون بالسلامة ..


مساء النور
اماف كم عمرك الحين هههههه

هههههههههههه تحسه قديم هاا :eek2:
منور اماف الشيخ ولد الشيوخ :thumbup1: عيدك مبارك


صبحكم الله بالخير

صباح ومساء الورد عليج وعلى الاعضاء

تفضلوا

‏https://a.top4top.net/p_898i9rjx0.jpeg (https://up.top4top.net/)


‏https://b.top4top.net/p_898f9y5e1.jpeg (https://up.top4top.net/)

[سالم الزهران]

مسا الخير

ومكثورة خير يا ختنا سارة، خلصت تمر بحوز الهند شفت ما في احد

...

طيب على طاري الاكل حل اللغز يا اللي تقرأ!
شنهي اللي تسير وتطرّح قرصانها ؟

اللي يجاوب يمر ياخذ جايزته شنطة بخور من شركة ولد العرب انا فاتح حساب عند ولدنا :thumbup1:

[sara jsm]

مساء النور .. عليك بالعافيه اخوي وعيدك مبارك ..

جواب اللغز : الحصاله :p

[سالم الزهران]

جوابك مبتكر بس مب صح ،، مع ذلك حصلتي على كيس حب شمسي تشجيعي

[R 7 A L]

الجواب
عقارب الساعة


اليوم يوم الاب
حد جاه شي من الهدايا

[sara jsm]

ابي حب مصري اذا في :p

الجواب : النخلة

:
:

كل عام وكل الاباء بخير وبصحة وعافيه ..

[سالم الزهران]

مالك لواء يا اخت ساره.. للتقريب جواب اللغز من الحيوانات

[sara jsm]

الحمسه اكيد :app:

السلحفاء يعني :nop:

[سالم الزهران]

لاتروحين صوب البحر خليك بالبر يا بنت الحلال :)

[sara jsm]

ههههههههه يااخي احنا هل البحر مانعرف وايد في البر

اممممم نقول : سلحفاء بحريه :p

والله ماعرفت احس الجواب كليجا :funny:

[7aayaahh1]

حتى قوقل ما عرف ههههههههه

[سالم الزهران]

حاولوا الموضوع فيه قرصان هههه هاي كلها من سوالف التراث

[7aayaahh1]

يمكن الشخص إللي يفشي الأسرار

[سالم الزهران]

https://f.top4top.net/p_89827yxo0.jpeg (https://up.top4top.net/)

هذي راعية القرصان — والمقصود بالقرصان أثرها في الأرض يوم تمشي

فشبهوها باللي تطرح القرصان ع الصاج

سارة والحياة جزاكم الله خير ماقصرتم

[7aayaahh1]

يترك بصمه أو آثر

[sara jsm]

سهله وايد ... الناقه :tooth:

[7aayaahh1]

قول الجوب خل أعرف انام هههههههه

[سالم الزهران]

سهله وايد ... الناقه :tooth:

ايه ايه نعم وينك من أول

انا احسب نفسي جاوبت يوم حطيت الصورة

[سالم الزهران]

قول الجوب خل أعرف انام هههههههه

شدعوى حاط الصورة هذي و بعد سارة قالت الناقة .. وفقكم الله

[sara jsm]

ايه ايه نعم وينك من أول

انا احسب نفسي جاوبت يوم حطيت الصورة

ههههههههههه والله انك جاوبت لما حطيت الصورة ...

يالله شنهي الجائزة اخوي .. :app:

[سالم الزهران]

الجايزة جنطة بخور من شركة ولد العرب و اذا لف دار قال منتهي البخور بلغوا عليه مراقب البلدية هههه وعقب يحق لج التعويض

[sara jsm]

هههههههههههه ابي ابدل الجائزة
ابي سلة اجبان :p

[سالم الزهران]

هههههههههههه ابي ابدل الجائزة
ابي سلة اجبان :p

مسحي الرد احسن لج هههههه

يمكن تطلعين بمعمول اقل شيء

[sara jsm]

ههههههههههههههههههه
لا لاتخاف هو معيد وماله ظهور هالفترة ههههههه

[النهار]

بتصل عليه الحين ههههههههههههه

[sara jsm]

ههههههههههههه حرام عليك يمكن راقد

خلاص خل جوائزكم لكم .. اكتفي بكيس حب شمسي :p

[qatarman8008]

وصل قطر مان وصل..

[qatarman8008]

قالوا لي ان يوزعون جوائز..

[sara jsm]

الله والجوايز ...
خلها عالله بس هههههههههه

[R 7 A L]

سهله وايد ... الناقه :tooth:

زين ماقلتي جمل ولا بعير ههههه

[sara jsm]

زين ماقلتي جمل ولا بعير ههههه

مب لهالدرجة عاد ههههههههههه

[sara jsm]

(( لا اله الا انت سبحانك اني كنت من الظالمين ))


قووود نايت

[حليتان*]

مساء النور
اماف كم عمرك الحين هههههه
هلا مستر رحال

انا يا طويل العمر عمري الحين 25
واقدر الحياة الزوجية ههههههههه

[R 7 A L]

مب لهالدرجة عاد ههههههههههه


والله مادري اكثر الناس يقولون بعير ههههههه

[R 7 A L]

هلا مستر رحال

انا يا طويل العمر عمري الحين 25
واقدر الحياة الزوجية ههههههههه

العمر كله

تذكرت ايام تويتر
كن حنا نبقاليه
سلام عليكم
عليكم سلام
صباح الخير
مساء الخير
ههههههههههه

[راجي الْعفو]

هلا مستر رحال

انا يا طويل العمر عمري الحين 25
واقدر الحياة الزوجية ههههههههه

عيل نقدر نقول:

زوجوه يعقل

استلم عانيتك ^_^

101498

[بوخالد911]

عيدكم مبارك
تقبل الله طاعاتكم
عساكم من عواده.

[R 7 A L]

هلا ب فتى الليل بوخالد
علينا وعليك يتبارك

[حليتان*]

العمر كله

تذكرت ايام تويتر
كن حنا نبقاليه
سلام عليكم
عليكم سلام
صباح الخير
مساء الخير
ههههههههههه

بل هههههههههه
الظاهر كنا فاهمينه غلط
وللامانه، ما كان لتويتر اهتمام فالشخصيات السياسية او العامة
وهذا الي داعمه حالياً ومخلية مستمر

[حليتان*]

عيل نقدر نقول:

زوجوه يعقل

استلم عانيتك ^_^

101498

الحمدلله اني عاقل
لكن يمكن اكون من الي (زوجوه يخبل)
زادو هالعينات فالوقت الاخير

[sara jsm]

السلام عليكم ورحمة الله وبركاته


مساء الخير عليكم جميعا ً

:

(اللهم بك أمسينا، وبك أصبحنا، وبك نحيا، وبك نموت وإليك المصير)

[sara jsm]

حياكم لكل من يدخل الاستراحة

؛

‏https://f.top4top.net/p_900rj8mh0.jpeg (https://up.top4top.net/)

‏https://b.top4top.net/p_900965ap2.jpeg (https://up.top4top.net/)

‏https://a.top4top.net/p_900zwe4u1.jpeg (https://up.top4top.net/)

[سالم الزهران]

السلاام عليكم ..مساء الخير .. دشو نتهرج معكم
والشاي والخفايف .. مكثورة الخير الاخت سارة
.
.

[sara jsm]

هلا اخوي سالم ...
كلامك وايد يذكرني بالمسلسلات البدويه :p

:

انتو اجازة للحين !!

[راجي الْعفو]

الحمدلله اني عاقل
لكن يمكن اكون من الي (زوجوه يخبل)
زادو هالعينات فالوقت الاخير

فيك الخير يالدبدوب
بس كنت امزح معك ^_^

زوجوه تحترق فيوزاته ^_^

[qatarman8008]

مساكم الله بالخير جميعا..
شحالكم وشحال من عز عليكم..
عساكم بهالعيد كلكم طيبين ..
عيدت العيد اللي طاف في تركيا..
عشان اقابل ناس من هلي من دول خليجيه مانقدر نسافر لهم اليوم..
العيد هذا عيدت في الدوحة والحمدلله..

[سالم الزهران]

ابقاك الله يا اخت سارة
الدوامات الاحد الجاي
ونحن اهلنا زراريع ماهم بدو لكن احيانًا استخدم كلمات منا ومناك لان فيه قواسم كثيرة مشتركة

[سالم الزهران]

مساكم الله بالخير جميعا..
شحالكم وشحال من عز عليكم..
عساكم بهالعيد كلكم طيبين ..
عيدت العيد اللي طاف في تركيا..
عشان اقابل ناس من هلي من دول خليجيه مانقدر نسافر لهم اليوم..
العيد هذا عيدت في الدوحة والحمدلله..

مساء النور والسرور قطرمان
انا كنت بجي برمضان وبيوم عشرة بسوي عمري عاكس سيد
لكن اجلتها للعيد وحصل لي ظروف قلت لنفسي يا ليتني رحت برمضان
وربك سبحانه هو المدبر وحنا عليه متوكلين

[sara jsm]

مساء النور اخوي قطرمان اشحالك عساك طيب ،.!

اشلون الاحساس والشعور وانت معيد برع قطر ؟
في فرق ولا لانها دولة اسلامية ماحسيت بالفرق واجد ؟

[sara jsm]

ابقاك الله يا اخت سارة
الدوامات الاحد الجاي
ونحن اهلنا زراريع ماهم بدو لكن احيانًا استخدم كلمات منا ومناك لان فيه قواسم كثيرة مشتركة

كل الناس فيهم الخير والبركة بدو وحضر .. :victory:
بس لان لهجتك اول مرة تمر علي في المنتدى :shy:

[سالم الزهران]

كل الناس فيهم الخير والبركة بدو وحضر .. :victory:
بس لان لهجتك اول مرة تمر علي في المنتدى :shy:

أتفق معك
واغلب معرفتي باللهجة الخليجية سببها عيشتي بمدينة الجبيل ايام الدراسة وبعد الاعمال الخليجية القديمة ع التلفزيون.

[sara jsm]

أتفق معك
واغلب معرفتي باللهجة الخليجية سببها عيشتي بمدينة الجبيل ايام الدراسة وبعد الاعمال الخليجية القديمة ع التلفزيون.

ليش اخوي انت مب سعودي !!!!؟ :eek5:

[سالم الزهران]

ليش اخوي انت مب سعودي !!!!؟ :eek5:

امبلا
هههه

[sara jsm]

هههههههههههه ضيعتني الله يهديك ..


:

حان الان موعد صلاة المغرب
حسب التوقيت المحلي لمدينه الدوحة وضواحيها ..

:

نشوفكم بعد الصلاة

[سالم الزهران]

هههههههههههه ضيعتني الله يهديك ..


:

حان الان موعد صلاة المغرب
حسب التوقيت المحلي لمدينه الدوحة وضواحيها ..

:

نشوفكم بعد الصلاة

تقبل الله صالح العمل ..

لكن لان الجزيرة العربية فيها لهجات مختلفة
اهل الشرقية دمام جبيل حسا يشتركون معكم في كثير من اللهجة وانواع الأكل
بقية البلاد لهجاتهم مختلفة عن بعض بشكل كبير.

[qatarman8008]

كلام سليم..
اللي كان يزور السعودية ويختلط مع اهل كل مدينة يكتشف ان هناك فروق كثيرة باللهجة وباللباس والعادات والتقاليد والعرف..
والسبب هو تباعد اطرافها وقربها من عده اقاليم مثل الشام واليمن والعراق والسودان..
اترك بقية الشرح للدكتور سالم بن زهران وفقه الله لما يحب ويرضى..

[qatarman8008]

مساء النور والسرور قطرمان
انا كنت بجي برمضان وبيوم عشرة بسوي عمري عاكس سيد
لكن اجلتها للعيد وحصل لي ظروف قلت لنفسي يا ليتني رحت برمضان
وربك سبحانه هو المدبر وحنا عليه متوكلين

الديرة ديرتك ياخوي سالم..

[ولد العرب]

الجايزة جنطة بخور من شركة ولد العرب و اذا لف دار قال منتهي البخور بلغوا عليه مراقب البلدية هههه وعقب يحق لج التعويض

توك تعرفني وتنطق اسمي
يالنصاااب

[ولد العرب]

هههههههههههه ابي ابدل الجائزة
ابي سلة اجبان :p

مافيه شنطه عطور ولابخور ولافقع ولاصافي انزززززين:anger1:

[ولد العرب]

مسحي الرد احسن لج هههههه

يمكن تطلعين بمعمول اقل شيء

ولاقوطي تونه منتهتي صلاحيته
حررام بالله ماتشوفه
اجل جبن جبن جبن

[ولد العرب]

بتصل عليه الحين ههههههههههههه

شكرا علي اتصالك ياعكرمه

[R 7 A L]

يقولون بوصلاح بيلعب اليوم

[qatarman8008]

مساء النور اخوي قطرمان اشحالك عساك طيب ،.!

اشلون الاحساس والشعور وانت معيد برع قطر ؟
في فرق ولا لانها دولة اسلامية ماحسيت بالفرق واجد ؟

العيد لاشك افضل في الدوحة لان فيه صله ارحام وجيران واهل من قريب ومن بعيد وتواصل مع اناس من العائله اللي مانشوفهم الا نادر..
هذا هو اساس فرحة العيد..
اما العيد بتركيا فكان ممتاز جدا وتجربه جديدة لانه بلد مسلم شفنا عادتهم وتقاليدهم وشفنا العرف عندهم بالعيد لكن كان فيه صعوبه في التواصل معهم بسبب اللغه..
انا رحت اعيد هناك عشان اشوف هلي اللي من دول الخليج السعودية والامارات..

[سالم الزهران]

ولاقوطي تونه منتهتي صلاحيته
حررام بالله ماتشوفه
اجل جبن جبن جبن

ههههههه يا حبي لك يالعصبي
انا اعتمدت الحوش قصدي محلك ناخذ منه هدايا لانك ما تغش
وبعدين تعال بهرب لك دهن ورد تبيعه و ففتي ففتي

[سالم الزهران]

الديرة ديرتك ياخوي سالم..

فديتك وفديت ديرتك يا مهندسنا الغرفاوي ..

[الحياة الخالدة]

مساكم الله بالخير
الله يسعد اوقاتكم جميعاً

[R 7 A L]

مساء النور يالحياة الخالدة
يقولون توزعين عيادي صحيح ولا اشاعة؟

[qatarman8008]

مساء الخير عالجميع..
من برامج الاستعدادات لمباراة مصر وروسيا..
..
..
https://d.top4top.net/p_9005nps30.jpg (https://up.top4top.net/)
..

سريع سريع قبل المباراة..

[الحياة الخالدة]

مساء النور يالحياة الخالدة
يقولون توزعين عيادي صحيح ولا اشاعة؟

كنت أوزع .. بس خلصت العيادي الحين
راحت عليكم

[الحياة الخالدة]

هذا احنا نتابع المباراة بشغف

[qatarman8008]

اشك ان وزعتي عيادي..
لو صج كان اعضاء المنتدى كل واحد يصور الرنج.. :discuss:

[R 7 A L]

كنت أوزع .. بس خلصت العيادي الحين
راحت عليكم

راعي فارق التوقيت والزمن:weeping:

[الحياة الخالدة]

اشك ان وزعتي عيادي..
لو صج كان اعضاء المنتدى كل واحد يصور الرنج.. :discuss:

انا اشترطت عليهم محد يصور

[الحياة الخالدة]

راعي فارق التوقيت والزمن:weeping:

خلاص لما ترد قطر بالسلامة في عيد الاضحى ان شاء الله

[sara jsm]

ولاقوطي تونه منتهتي صلاحيته
حررام بالله ماتشوفه
اجل جبن جبن جبن

:oops: :oops:


مساء الخير عالجميع..
من برامج الاستعدادات لمباراة مصر وروسيا..
..
..
https://d.top4top.net/p_9005nps30.jpg (https://up.top4top.net/)
..

سريع سريع قبل المباراة..

في ذمتي احلى استعداد .. :nice: حتى لو المباراة مب حلوة على الاقل الاكل لذييييذ :happy:

:
:

مساء الخير عليكم جميعا

[R 7 A L]

خلاص لما ترد قطر بالسلامة في عيد الاضحى ان شاء الله

ابي خروف
:eek2:

[R 7 A L]

مصر مهزومين
جابو على انفسهم هدف

[qatarman8008]

بعد اللي شفته اليوم من مصر خذت على نفسي عهد ما اشجع اي منتخب عربي..

[qatarman8008]

انا اشترطت عليهم محد يصور

عيل باقي رنج واحد حق نفر واحد..
وعد اني ما اصور..:rolleyes2:

[sara jsm]

سؤال ... خلال دورات كاس العالم السابقه ..
هل في منتخب عربي وصل للنهائي !!؟
:
الجواب هو اللي يحدد تشجع اي فريق بدون ماتحرق اعصابك :)

[الحياة الخالدة]

ابي خروف
:eek2:

أفا عليك
انت تعال بس وكل خرفان الأضاحي تحت أمرك

[R 7 A L]

سؤال ... خلال دورات كاس العالم السابقه ..
هل في منتخب عربي وصل للنهائي !!؟
:
الجواب هو اللي يحدد تشجع اي فريق بدون ماتحرق اعصابك :)

النهائي :rolleyes2:
زين منهم يشاركون في كاس العالم

[7aayaahh1]

يوصلون بس النفس قصير .. دايما افكر ليش هم متفوقين يمكن لأنه الأهتمام كان من الصغر من حيث التغذية والتدريب

[R 7 A L]

أفا عليك
انت تعال بس وكل خرفان الأضاحي تحت أمرك


تسلمين والله ماتقصرين


يقولون بكره المنتخب السعودي مجهز لكم مفاجأة

[لامار]

.



كل عام وأنتم بخير . .
وعيدكم مبارك . .
وتقبل الله منا ومنكم صالح الأعمال والله يعيده علينا وعليكم بالخير أعواماً عديدة . .
وندعو الله أن يحفظ بلادنا الحبيبة قطر وبلاد المسلمين من كل سوء . .


.

[R 7 A L]

اهلين لامار
كل عام وانتي بخير

[R 7 A L]

لامار رقم مشاركاتج مميز
لاتخربينه هههههه

[لامار]

لامار رقم مشاركاتج مميز
لاتخربينه هههههه

.

فعلاً مميز وأنا مانتبهت . .
هههههه
بس بصراحه أنا داخله اليوم و ودي أفضفض واعبر واهذر شوي . .:shy:
.

[R 7 A L]

فضفضي عبري اسدحي مالديك هنا قبل لا يقفلون الموضوع ههههه

[sara jsm]

عيدج مبارك لامار ...


:

ليش يقفلون الموضوع .. هذي استراحة العيد يعني تتصكر يوم السبت ..
لان الدوامات يوم الاحد :p

[R 7 A L]

بس على شان اشجعها تشارك لاتروح تنام هههههههه

[سالم الزهران]

مشتهي سمبوسة جبن

مشتهي دلة قهوة مع معمول

وينك بومحمد المطاوعة .. انت راعيها

[لامار]

عيدج مبارك لامار ...


:

ليش يقفلون الموضوع .. هذي استراحة العيد يعني تتصكر يوم السبت ..
لان الدوامات يوم الاحد :p


.

من العايدين حبيبتي . .

.

[qatarman8008]

هي الاستراحة تصكر عقب ماينتهي توزيع العيديات..

[الحياة الخالدة]

تسلمين والله ماتقصرين


يقولون بكره المنتخب السعودي مجهز لكم مفاجأة

هههههههههههه المفاجأة والله اللي بتشلخ روسهم
كلنا في الانتظار

[MirusS]

ايصير نقول اليوم خامس العيد ولا :cry2: ؟

[الحياة الخالدة]

بس اليوم سادس
يصير لين آخر يوم في الاجازة ههههههه

[qatarman8008]

مباشر على الهواء..
..
..
https://a.top4top.net/p_901uiacf0.jpg (https://up.top4top.net/)
..

[راجي الْعفو]

والله توني قبل ما اشوف مشاركتك قلت بسال شلون الكنتاكي امس

بس شكلك بديت في الشوط الثاني من اليوم الثاني هههه

عوافي

[qatarman8008]

الله يعافيك..
الكنتاكي مانصحكم فيه..
حتى طعمه ماعاد نفس كنتاكي الاول..
انا اضطريت له لاني كنت جوعان و باروح مجلس اجوف المباراة وفي المجلس يتعشون بعد ماتخلص المباراة الساعه احداعش..!!

[ولد العرب]

مشتهي سمبوسة جبن

مشتهي دلة قهوة مع معمول

وينك بومحمد المطاوعة .. انت راعيها

وش قصدك :waiting:

[ya3coub]

صبااااااااااااااااااااااااااااااااااااااااحو لا إله إلا الله 16 صفحة

المهم انا مداوم صارلي يومين و توني اشوف الإستراحة

كل عام و انتو بخيييييير

و اشلون الرقاد معاكم ؟؟

[ولد العرب]

صبااااااااااااااااااااااااااااااااااااااااحو لا إله إلا الله 16 صفحة

المهم انا مداوم صارلي يومين و توني اشوف الإستراحة

كل عام و انتو بخيييييير

و اشلون الرقاد معاكم ؟؟
وش معنى الرقم :rolleyes2:

[الحياة الخالدة]

ما يبيله تفسير بعد يا ولد العرب

[ولد العرب]

ما يبيله تفسير بعد يا ولد العرب

صباح الخير مشرفتنا
صباح النور اختي
صباح السعاده
صباح العيد مبارك
:(:( يعني لازم تحرجيني جدامهم

[ya3coub]

هههههههههههههههههههههههههه

اشلونكم شخباركم جميعا

اللي قريب لوسيل ابي اتريق و راسي مثقل من الدواااام

[sara jsm]

مساء الخير عليكم جميعا ً

القريب يقرب :p


https://f.top4top.net/p_901wwgm90.jpeg (https://up.top4top.net/)

[sara jsm]

صبااااااااااااااااااااااااااااااااااااااااحو لا إله إلا الله 16 صفحة
المهم انا مداوم صارلي يومين و توني اشوف الإستراحة
كل عام و انتو بخيييييير
و اشلون الرقاد معاكم ؟؟

انت شكلك مالحقت على ايام قبل كانت توصل 200 صفحة في الويكند فقط :shy::shy:

كل عام وانت بخير وعساك من عواده :ok:

[7aayaahh1]

سارة شنهي هالأكلة:(

[sara jsm]

سارة شنهي هالأكلة:(

شيلاني ابيض مع مشكل بحري ربيان / خثاق/ ام الربيان/ صقوع
كل شي لذيذ :app:

[سالم الزهران]

السلاام عليكم
غداكم ممتاز ولا اعرف غير السمج والربيان والقباقب (الصقوع ذا والخثاق) مدري اشلون

بس اذكر في المطاعم الاسيوية يجي ف الشوربة شيء مقطع ابيض واظنه خثاق ..

[sara jsm]

وعليكم السلام اخوي سالم ..
اهم شي انه كله مفيد ولذيذ واحسن من اللحم ..

[R 7 A L]

مساء الخير
شخبار المنتخبات العربية اليوم

[الحياة الخالدة]

كالعادة .. ما توفقوا

[عازف]

حالياً انتهى الشوط الاول لصالح اورغواي 1-0

[الحياة الخالدة]

حالياً انتهى الشوط الاول لصالح اورغواي 1-0

وعقبال النص درزن

[R 7 A L]

للامانه المغرب افضل منتخب عربي

[ya3coub]

انت شكلك مالحقت على ايام قبل كانت توصل 200 صفحة في الويكند فقط :shy::shy:

كل عام وانت بخير وعساك من عواده :ok:

و انتي بخير و صحه و سلامة

للأسف مشاركاتي بدت مع دوامي من خمس سنين و كان في تفاعل قوي وقتها و ركود و عقب مرة وحدة تفاعل من احسن ما يكون كان المنتدى مزحوم و شي مهم الواحد يتابعه لو غاب ربع ساعه بس تطوفه سوالف الحين للأسف بالأيام و المشاركات معدوده عالأصابع :(:(:(:(:(





اين انتم يالمسافرين عبرونا لو بصور او كتابة خل اتخيل او انيشن على مكان للمستقبل

[qatarman8008]

بلشت العروس..
كل يوم عرس ماشالله..
..
https://f.top4top.net/p_9018dixy0.jpg (https://up.top4top.net/)
..
https://a.top4top.net/p_901215gw1.jpg (https://up.top4top.net/)
..
https://b.top4top.net/p_90150r992.jpg (https://up.top4top.net/)
..
https://b.top4top.net/p_901c8xu50.jpg (https://up.top4top.net/)
..

[عازف]

وعقبال النص درزن

الحمدالله دول الحصار السعوديه ومصر تخرج رسميا من الكاس العالم

[راجي الْعفو]

في اي قاعة العرس هذا يا بش مهندس

لاني اول مره اشوفها

[qatarman8008]

هذي طال عمرك قاعه كتارا..

[راجي الْعفو]

هذي طال عمرك قاعه كتارا..

اها ..متشكر

ما قد حضرت عرس فيه

[qatarman8008]

نبي واحد "شجاع"..
يتزوج الثانية ويعزمنا..

[sara jsm]

يعني سبب الزواج الشجاعه :waiting::waiting:

[سالم الزهران]

نبي واحد "شجاع"..
يتزوج الثانية ويعزمنا..

والله يا غرفاوي كنت بكتب نفس كلامك للحبيب رج رج لكن هونت... لانه يدق على هذا الوتر من أول ههه

[راجي الْعفو]

والله يا غرفاوي كنت بكتب نفس كلامك للحبيب رج رج لكن هونت... لانه يدق على هذا الوتر من أول ههه

الشجاعة متعددة

شجاعة في وجه الاولى
وشجاعة في وجه الأهل و الاقارب
وشجاعة في الإقدام على الخطوة
وشجاعة في إرضاء الطرفين

و و و

الموضوع باختصار يبيله شجاعه ^_^

[راجي الْعفو]

والله من يقدر لا يتردد

وان كان يزعل الاولى

ولكن في التعدد فوائد ومصلحة اكبر
للرجال
و النساء
و البلد
و الامة الاسلامية في مواجهة الكفار

نظرة شمولية يمكن تغير راي الكثيرين

[qatarman8008]

عشان كذا انا اكتفيت بوضع كلمه شجاعه بين علامتي اقتباس مزدوج ..

[qatarman8008]

يعني سبب الزواج الشجاعه :waiting::waiting:

بالضبط..
لان الحمدلله اغلب الناس يكون عنده قدرة مادية وقدرات اخرى..
وكل ماطرى عليه موضوع الزواج من الثانية تلاقيه يحاول يغير الموضوع ههههههه..

[qatarman8008]

والله يا غرفاوي كنت بكتب نفس كلامك للحبيب رج رج لكن هونت... لانه يدق على هذا الوتر من أول ههه

المرة الجايه اطلق العنان لاناملك ولا تتردد ههه.. :eek2:

[راجي الْعفو]

بالضبط..
لان الحمدلله اغلب الناس يكون عنده قدرة مادية وقدرات اخرى..
وكل ماطرى عليه موضوع الزواج من الثانية تلاقيه يحاول يغير الموضوع ههههههه..

لا تلومه

يا شين التكفخ من الزوجه ههههه

[R 7 A L]

الزواج يبي فلوس
ويبي بيت

[الحياة الخالدة]

صبحكم الله بالخير
طبعاً هالوقت محد صاحي غير رحال الأمريكي نظراً لفارق التوقيت

[ya3coub]

نبي واحد "شجاع"..
يتزوج الثانية ويعزمنا..

الأشجع اهو المتزوج الي يزّوج اعزب اتوقع هاذي الشجاجعه الفعلية

انه يتغلب على كل انماط الشجاعه و و على نفسه حق غيره :)

[ya3coub]

صبحكم الله بالخير
طبعاً هالوقت محد صاحي غير رحال الأمريكي نظراً لفارق التوقيت

انا كنت اتجهز للدوام وقتها.



مساء الخير عالجميع اشلونكم شخباركم

[سالم الزهران]

لا تلومه

يا شين التكفخ من الزوجه ههههه

تعجبني لهجة الواثق يا شيخ راجي ههههه
انت يبي لك تتصور بالبشت وحذاك مغربية وتترك الصورة مع اوراقك
وخل ام العيال تشوفها .. وبعدين علمني بأي قسم ف حمد نلقاك

عشان تبطل الاستظراف حقك .. على قولة هل الحجاز.
omen

مالقيت غير ذالفيس يمشي مع الحال ههههه

[سالم الزهران]

بعيد عن مواضيع العرس .. اللي يجاوب جايزته فلوس

من هو اللي مات ولم يولد ؟

[ya3coub]

سيدنا آدم عليه السلام

[سالم الزهران]

سيدنا آدم عليه السلام

صح يا بشمهندس... وراحت الجايزة حق بو يوسف

[R 7 A L]

صبحكم الله بالخير
طبعاً هالوقت محد صاحي غير رحال الأمريكي نظراً لفارق التوقيت

لا والله تلعوزت مع النوم
للحين جدول رمضان ماعتدل

[qatarman8008]

شلون جي ياشيخ راجي..
تسالون وتجاوبون وتوزعون جوائز وانا برى المنتدى..:eek5:
طيب سؤال ثاني عشان ما اتزعل حد..

[راجي الْعفو]

تعجبني لهجة الواثق يا شيخ راجي ههههه
انت يبي لك تتصور بالبشت وحذاك مغربية وتترك الصورة مع اوراقك
وخل ام العيال تشوفها .. وبعدين علمني بأي قسم ف حمد نلقاك

عشان تبطل الاستظراف حقك .. على قولة هل الحجاز.
omen

مالقيت غير ذالفيس يمشي مع الحال ههههه

ابعد عن الشر و غني لو ^_^

[راجي الْعفو]

شلون جي ياشيخ راجي..
تسالون وتجاوبون وتوزعون جوائز وانا برى المنتدى..:eek5:
طيب سؤال ثاني عشان ما اتزعل حد..

يقول المثل:

لحق ما تلحق ^_^

[سالم الزهران]

ابعد عن الشر و غني لو ^_^

هههه جذي تعجبني .. مع اني غلطت في ذكر الجنسية ف المشاركة السابقة ولاهي اول مرة اجيب العيد ..سوري مستر رجرج ... قرب وقت الرحيل و بعض ربعنا ما شفنا مشاركاتهم ف المنتدى ..( بوصالح وبو فيصل) وغيرهم بعد ..كل عام ونتم بخير

[qatarman8008]

صبحكم الله بالخير جميعا..
اش برنامجكم اليوم..
اول ويط اند من عقب رمضان..

[sara jsm]

مساء الخير عليكم جميعا ..

جمعة طيبه بالذكر والصلاة على النبي ..
اللهم صل وسلم عليه ..

[qatarman8008]

اين الجحافل..!!
..
..
https://a.top4top.net/p_90316dw60.jpg (https://up.top4top.net/)
..

[سالم الزهران]

مسا النور
عيل كرة طايرة
والله يبي لها.. اهم شيء التحكيم يا غرفاوي تعرف عقدتي

[qatarman8008]

ابشرك..
فزنا وبيضنا الوجه..
بالرغم من ان الخصم كان هو الحكم..!!

[sara jsm]

مبروك الفوز قطرمان ..

خلنا نغثكم شوي :p

اشلون استعدادكم للدوام يوم الاحد*:taunt:

https://f.top4top.net/p_903b9bkp0.jpeg (https://up.top4top.net/)

[qatarman8008]

لاااااااا اله الا الله ..:waiting:

[sara jsm]

محمد رسول الله :taunt:

[qatarman8008]

وانا طالب فطاير سبانخ وعصير برتقال فرش مكتوب عليه البيت بيتك..
اخترب الطعم..
اكل واشوف وجه مديري قدامي هههههه..

[qatarman8008]

https://b.top4top.net/p_903siycu0.jpg (https://up.top4top.net/)

[sara jsm]

هههههههههههههههههه
هني وعافيه اخوي .. شتسوي بعد شر ولابد منه :p

[qatarman8008]

الدوام خير ونعمه من الله..
الله يخلي الحكومة ماقصرت..
بس ما ادري ليش في شعور عند اغلب الناس ان المدير هو شخص يعكر المزاج..!!

[sara jsm]

الغلط من المدير نفسه المفروض يحبب الموظف في المكان ..
عشان ينتج اكثر .. بس هني كل مدير عباله هو اسد الغابه .. الله يهديهم

[qatarman8008]

هههه بالضبط..
بعض المدراء يكون الجو السائد في ادارته شغل وضغط وعوار راس وبدون حتى كلمه شكرا..
يمكن الموظف ينتج اكثر لما يكون هالمدير في اجازة..

[sara jsm]

صح كلامك .. الله يسخرهم لكم ..

المهم انت في اي مطعم ؟ واشلون الاكل حلو ؟ :ok:

[qatarman8008]

لكن خلنا من المدير الحين ..
باغير جو النقاش..
شفت + كنترول + دبل انتر اش يعطي ..؟؟

[qatarman8008]

صح كلامك .. الله يسخرهم لكم ..

المهم انت في اي مطعم ؟ واشلون الاكل حلو ؟ :ok:

انا مع الشبابون المشيشون..
وين يروحون وراهم..
اهم شي عندي التركش والمباراة شغاله..
اليوم في الهلتون..
مطعم ريم البوادي..
والله خاطري امدحه بس اخاف تقولون يعطيني نسبة ههههه..

[sara jsm]

امممم ماادري من زمان مااستخدمت اللابتوب ..
اشيعطي !!!!؟

:

فندق الهلتون انا اعطيه صفر/10
وكل المحلات اللي فيه والمطاعم نفس الشي في رايي :protest: محتره منهم وايد

[qatarman8008]

والله اجوف الفندق متغير للافضل..
ما اذكر ان كان فيه ريم البوادي..
المطاعم والجلسات اللي فيه صارت روعه..
لفت انتباهي انهم ينظمون دورات غطس scuba dive للاطفال..
وعندهم محل توهم فاتحينه يبيع كل اغراض ومستلزمات الغوص..

[sara jsm]

الله يهنيكً اخوي ..

البرازيل متى بيلعبون ؟

[qatarman8008]

لعبوا اليوم..
فازوا اثنين صفر على كوستاريكا وكانت مباراة صعبة عالبرازيل..
انا اصراحه في كاس العالم هذا ما اشجع اي فريق كبير..
اشجع كرواتيا..

[sara jsm]

البرازيل منتخب فخم عالمي .. ان شاءالله ياخذون كاس العالم في قطر
احب اشجعه من ايام بيليه ...
:

قطرمان ماقلت لنا شيعطي دبل انتر ؟؟

[qatarman8008]

هههه والله ما ادري اش يعطي..
جبتها من راسي عشان اغير موضوع المدير الغثيث..:cry2:

[qatarman8008]

بخصوص موضوع مصطلحات الكي بورد..
/ باك سلاش..
_ اندر سكوور..
طيب هذي شسمها " ؟؟

[sara jsm]

والله يااخوي حتى بالعربي مااعرف اسمها :looking:
ولا ادري متى تستخدم :no:

[سالم الزهران]

السلاام عليكم
مساكم الله بالخير قطرمان والاخت سارة..

[سالم الزهران]

عندنا أحجية يا قوم

( شنهي اللي تمشي وتدفن جرتها / أثرها)؟

[sara jsm]

وعليكم السلام اخونا بو جود ..

الجواب : انا :eek2:

[سالم الزهران]

جزاك الله خير يا بنت العم مير انج اخطيت الجواب :pilot:

[sara jsm]

الحيه

[لامار]

عندنا أحجية يا قوم

( شنهي اللي تمشي وتدفن جرتها / أثرها)؟



،

الإبــرة . .

[qatarman8008]

وعليكم السلام اخوي سالم..
قال تدفن اثرها قال تدفن اثرها..
اقول كانه شي له ذيل كبير يمش الثر من وراه..

[سالم الزهران]

الحيه

ما قصرتي يا سارة لكن هم غلط .


،



الإبــرة . .

صح يا لمار ... مع انه مب موجود بقوقل
يعطيك العافية

[سالم الزهران]

وعليكم السلام اخوي سالم..
قال تدفن اثرها قال تدفن اثرها..
اقول كانه شي له ذيل كبير يمش الثر من وراه..

ما عاد يمديك يالغرفاوي هههههه الجواب مشت عليه لمار ورفع اللغز وانتهى امره

[sara jsm]

انزين شنهي الجائزة خلنا نفرح لها ههههههههههه
تستاهل لامار

[لامار]

ما قصرتي يا سارة لكن هم غلط .



صح يا لمار ... مع انه مب موجود بقوقل
يعطيك العافية

،

لا والله للآمانه من قوقل . .:p

[لامار]

انزين شنهي الجائزة خلنا نفرح لها ههههههههههه
تستاهل لامار

،

حياتي . . تستاهلين خير . .

خلاص بقسمها بيني وبينج . .

[sara jsm]

ههههههههههههه طلعتي غشاشه

مااقبل مال حرام هههههههههههههه

[سالم الزهران]

انزين شنهي الجائزة خلنا نفرح لها ههههههههههه
تستاهل لامار

الجايزة بلايستيشن فور و عشرين سي دي كورة :pic:

[سالم الزهران]

،

لا والله للآمانه من قوقل . .:p

اكيد اللي حاطة من الجماعة ...حسبي الله عليه :)

[لامار]

ههههههههههههه طلعتي غشاشه

مااقبل مال حرام هههههههههههههه

،

هههههه يعني لو ماقلت باكون أمينه . .

[لامار]

الجايزة بلايستيشن فور و عشرين سي دي كورة :pic:

،

ماحب البلايستيشن . .:no2:

خلاص ساره الجائزه من صوبج . .

[sara jsm]

ههههههههههه ولا انا احبه
تبرعي فيه كفاره ههههههههههههه

[سالم الزهران]

تصبحون على خير .. قطرمان اذا ما تبي البلاستيشن وده لولد العرب خابره يدور له واحد :thumbup1:

[qatarman8008]

انا مشكلتي لما اجي احل اي لغز تفكيري يروح صوب البر.. :no:

[الحياة الخالدة]

صبحكم الله بالخير
خلاص قوموا باچر دوامات

[qatarman8008]

لاااااااااا اله الا الله..:cry:

[عطر فرنسي]

صباحكم خير

يوم سعيد على الجميع

[ya3coub]

صبحكم الله بالخير جميعا



اشلوووووونكم شخبباركم عساكم بخير يا رب

[عازف]

مساء الخير:yes::yes:

[سالم الزهران]

مساكم خير و فالكم طيب جميع

[سالم الزهران]

صبحكم الله بالخير جميعا



اشلوووووونكم شخبباركم عساكم بخير يا رب

هلا بك يعقوب .. عطنا لغز اليوم عليك السرى

هات لنا من سوالف حاجيتك ما جيتك اللي انت خابر ... ظني انك نشبت ف التنل ولا عاد رحت ههههه

يسعدك ربي

[sara jsm]

يالله باجر دوااااام ... مانبي نشوف سهرانيين هني :p

[ya3coub]

هلا بك يعقوب .. عطنا لغز اليوم عليك السرى

هات لنا من سوالف حاجيتك ما جيتك اللي انت خابر ... ظني انك نشبت ف التنل ولا عاد رحت ههههه

يسعدك ربي

الله وكيلك اتصالات من الصبح ههههههه


لا أموري طيبه و جاهز حق بكرة بإذن الله تعالى, انتو اشلونكم بأخر سويعات الإستراحة

[qatarman8008]

عادكم تتذكرون الباسوورد مال كمبيوتر الشغل ؟؟