استفسار بخصوص اودي كيو ٧

[omhamodi]

السلام عليكم وكل عام وانتم بخير. عندي استفسار بخصوص اودي كيو ٧ مثل ماهو مبين بالعنوان . انا اتعرضت علي السيارة موديل ٢٠١٢ بس الصراحة ما ادري شي عن السيارة ياريت الإخوان يفيدني عن الموتر بخصوص الاعطال والصيانة وقطع الغيار والوكيل بقطر و مشكورين مقدما

[ya3coub]

اشلون سعرها و الحوادث اللي فيها؟؟؟

اول شي اختي من وين انعرضت عليج من شخص مقرب او من الوكالة او شركة؟؟؟

ثانيا تأخذين رقم الشاصي فالباب او فالجامة الأمامية و تحطينه فمطراش و يطلعلج عدد الحوادث المسجلة فالمرور على هالسيارة.

من ناحية القطع مو رخيصه بس موديل ٢٠١٢ سيارة صارلها فترة طويلة موجودة و السوق القطري فالسيارات و القطع مافيه تنافسية نفس بعض الدول المجاورة.

نصيحتي اذا السيارة اعجبتج شوفي الجديدة بحيث انها شاصي و شكل مختلف تماما و كان في عروض و ليلحين بمكن.

تقسيط على خمس سنين بدون فايدة مع صيامه مجانية مع ضمان اتوقع هاي شي جديد الاودي مسوينه غير انهم يجون البيت ياخذون السيارة للسيرفس.

صارلهم ثلاث سنين يقولون بيفتحون مركز خدمة و مادري اذا فعلا افتحو واحد غير عن اللي فالصناعية او لا.

مري الوكالة اول شي و بعدها استخيري على ال2012 لانها كسيارة حلوة و عائلية بس صيانتها و الكترونياتها و قطعها مرات غير متوفره و فوق هاي غالية


Sent from my iPhone using Tapatalk

[omhamodi]

السيارة معروضة في موقع وتواصلت معهم والحين الاتفاق ناخذها للفحص . السعر 50 الف ماشي فوق الميةبشوي . كفيت ووفيت اخوي يعقوب وانشالله اشوف عروضهم بس اتوقع الجديد غالي وانا علي اقساط وديون حيل ï؟½ï؟½

[omhamodi]

وبخصوص الحوادث هم يقولون نظيفة وخالية من الحوادث واستعمال أسرة بس انا راح اسوي مثل ماقلتلي بأخذ منهم الرقم واجيك على المرور . انا فكرت فيها لأنها سيارة عائلية تناسب ميزانيتي بس ما ابي اتوهق اذا قطع غيارها غالية وصيانتها بيها مشاكل

[Rider]

نصيحة اختي مادام السياراة ماعليها ضمان الشركة لا تأخذنها قطع الغيار غالية وصيانة بعد غالية شوفي لج تويوتا ولا لكزس صالون ونيسان عندهم المكسيما والتيما وسعرهم حلو حسب المواصفات روحي فرع بن العمران النيسان لي داخل المحطه عند واحد اسمه عزت وان شاء الله يضبط امورج

[omhamodi]

مشكور اخوي وحقيقي ما خاب من استشار ويعطيكم الله كل عافية

[ابو عبدالله.]

انا مع اخونا ان بدون ضمان ما تستاهل
السيارات الالمانيه و الامريكيه لها سياسه ان قطع الغيار لها عمر افتراضي واي عطل ممكن ياخذ فتره طويله لحين توفر قطع الغيار و التكلفه عاليه جدا

ولا بدائل كثيره غير التصليح بالوكاله

كانت عندي سياره صغيره حتى علامه السياره بالشبك الامامي ما لقيتها بالوكاله ولا حتى اسلاك البلكات
وصديق عنده فورويل الماني. ثلاث شهور لين جابوا له رنق التاير

و واحد اختربت عنده شاشه العداد وحظه ان الضمان باقي شهرين عليه. و غيروها له. وكانت تكلفتها 18 الف

الي عنده خير ياخذ الماني. هو حر. لكن اذا الواحد. ماديا وضعه عادي. ما انصح فيه

[جاسم الدوحة]

أودي .. وموديل 2012 !!!
مش ح تقدر تغمض عينيـك

لا شركة ، ولا ورشة ، ولا صيانة ، ولا أسعار ، ولا قطع غيار

[فرفوش]

انا اقول اذا تقدرين زيديها واخدي الكامري سعرها بحدود ال 80

احسن لج من سياره ماعليها ضمان

[معماري قطري]

انا مع اخونا ان بدون ضمان ما تستاهل
السيارات الالمانيه و الامريكيه لها سياسه ان قطع الغيار لها عمر افتراضي واي عطل ممكن ياخذ فتره طويله لحين توفر قطع الغيار و التكلفه عاليه جدا

ولا بدائل كثيره غير التصليح بالوكاله

كانت عندي سياره صغيره حتى علامه السياره بالشبك الامامي ما لقيتها بالوكاله ولا حتى اسلاك البلكات
وصديق عنده فورويل الماني. ثلاث شهور لين جابوا له رنق التاير

و واحد اختربت عنده شاشه العداد وحظه ان الضمان باقي شهرين عليه. و غيروها له. وكانت تكلفتها 18 الف

الي عنده خير ياخذ الماني. هو حر. لكن اذا الواحد. ماديا وضعه عادي. ما انصح فيه

الأمريكية الله يسلمك بقول لك تجربتي مع كدلك اسكاليد استخدام دريول واستهلاك دائم .. عمره ألحين 11 سنة والحمد لله صيانته بسيطة وكل قطعه متوفرة

صحيح في قطر الصيانة مشكلة .. انا استعمل ميني 2012 ودخلتها الوكالة قالوا لي ضمانها للحين ما انتهى وصانوها بحدود 700 ريال كان ليت المكينة يولع والقوة ضعيفة وايد .. خلصوها في 3 أيام اعتقد وقوتها طلعت غير وتحس بها جديدة من نظافة شغلهم

وكالة الاودي اعتقد حسب ما سمعت تغيرت وايد عن قبل وولد عمي عنده قديمة يمدح فيها وفي صيانة الوكالة

عيبنا لو ناخذ مرسدس أو بي ام أو غيرهم ناخذ أقوى مكينة وسيارة سباقات وهذي أكيد صيانتها غالية وبعض قطعها ما تتوفر بسهولة أما المكاين الاقتصادية تعمر وتبقى فترات طويلة وصيانتها رخيصة

في الاردن ولبنان وسوريا المرسدس والبي ام من أيام الحرب العالمية الأُولى وللحين يمشي

[ابو عبدالله.]

الأمريكية الله يسلمك بقول لك تجربتي مع كدلك اسكاليد استخدام دريول واستهلاك دائم .. عمره ألحين 11 سنة والحمد لله صيانته بسيطة وكل قطعه متوفرة

صحيح في قطر الصيانة مشكلة .. انا استعمل ميني 2012 ودخلتها الوكالة قالوا لي ضمانها للحين ما انتهى وصانوها بحدود 700 ريال كان ليت المكينة يولع والقوة ضعيفة وايد .. خلصوها في 3 أيام اعتقد وقوتها طلعت غير وتحس بها جديدة من نظافة شغلهم

وكالة الاودي اعتقد حسب ما سمعت تغيرت وايد عن قبل وولد عمي عنده قديمة يمدح فيها وفي صيانة الوكالة

عيبنا لو ناخذ مرسدس أو بي ام أو غيرهم ناخذ أقوى مكينة وسيارة سباقات وهذي أكيد صيانتها غالية وبعض قطعها ما تتوفر بسهولة أما المكاين الاقتصادية تعمر وتبقى فترات طويلة وصيانتها رخيصة

في الاردن ولبنان وسوريا المرسدس والبي ام من أيام الحرب العالمية الأُولى وللحين يمشي

مرحبا اخوي

الامريكي جرب غير زيت برع الوكاله ع طول عداد الزيت بيخترب عندك وصارت معاي
عندي جمس بيك اب الشكل القديم. لكن شاريه من عم رفيجي و تشييكات وكاله ونظيف

والصيانه بالوكاله. استخدمته سنه وشوي والحين دخلته تغيير زيت قالوا تعال يبي لها صيانه ب 27 الف
شلوووون. قالوا اسلاك البطاريه و المقصات و الجنبينات و تنظيف سستم الهوا كامل للمكينه و امور بالجهه الخلفيه للموتر
ربلات كراسي المكينه قطعتين ب 3 الاف بروحها

طلعته ورحت اقرب كراج بدلت الربلات وطلع كل شي ثاني ما فيه اي مشكله بعد المعاينه
الوكاله دوم يقولون بدل حتى لو سمخ في ربله او تجمع وسخ اعزكم الله ع اصبع البطاريه.

هذا ما يمشي معاي

شي يحتاج بغيره لكن تصيد و ادفع. ما يمشي

بعد في امور وايد انا اشوفها مهمه
مثل التكايه فيها قطعه بلاستك للقفل هذه بالنت تنباع بكم دولار و الوكالتين الي يبيعون بيكبات ما يوفرونها. فقط يوفرون غطاء التكايه كامل بالف ريال طيب ليش. شايفينا نقط فلوسنا في البحر. وفو القطعه الصغيره مش تلزمني بغطاء التكايه كامل

بتعب وانا اذكر السلبيات
البيك اب دراوم ويل خلفي لو يحتاج تورنا يقولون لك ما نسوي الا للدسك الامامي اما الخلفي لازم يتبدل

طيب بالصناعيه يسوون تورنا للخلفي ب 60 ريال. ليش ما تسوونها انتم. وتعال ادفع فوق الفين للدرام ويل الخلفي قطعتين

تبي اكثر

عمرك سمعت عن خراب ثلاجه المكيف الداخليه
ما سمعناها باي موتر الا الامريكي
يا تسريب من الدفايه وماي التسخين وتعال افتح الطبلون ب 2000 ريال شغل يد غير قيمه الثلاجه. يعني توصل فوق 4 الاف

يمكن تقول مب وايد كثير لكن بالسنه انا اغير سفايف مرتين و تورنا 1800 ريال كل مره غير الامور الثانيه الي ذكرتها

اخذ لي بي ام احسن لي

شوف الكروزر و التويوتا عموما
استعملت كروزر 3 سنين وشوي مشيته لين 207 الاف. ما كلف اكثر من 2000 ريال بالسنه تقريبا
لا ربلات ولا ثلاجه ولا ولا تورنا الا مره وحده بس للتورنا

مافي مقارنه لا بالصيانه ولا بسعر البيع اذا بتبدل موترك ولا بتوفر القطع للصيانه سواء بالوكاله او بالكراجات المعروفه مثل التيسير وغيرهم

عن المواتر الالمانيه بضطر اختلف معاك اخوي
سالفه الرنق ثلاث شهور ينتظره كان لاودي q7 و علامه الوكاله بالشبك الامامي كانت فولسواجن جولف

طبعا هالسوالف من كم سنه مش من فتره بسيطه

تبي تشوف كم واحد شارد من الوكالات الالمانيه بسبب الاسعار
روح حق كراج نيوتن في سوق بروه. شوف كم موتر الماني حاشرين المواقف من كثر الخرابات
يا ريال فتح سبع ابواب محلات من كثر الشغل. و وصلت ان يوفر هيدروليك وشغلات المفترض صعبه وما تتصلح الا بالوكاله
لكن شوف فروق الاسعار وبتعرف ليش وايد ما يفكرون حتى يسألون بكم قيمه القطع بالوكاله من كثر ثقتهم بانها غالبه و نيوتن يوفرها ارخص

كرأي شخصي. بعض الوكالات لم توفق في الانتشار بالمبيعات بسبب سياسه الصيانه والاسعار و توفير القطع وعمليه بدل ما تتصلح هذه اكبر سبب للهروب للكراجات الخارجيه

اخر نقطه. سياره انفينتي فورويل 6 سلندر. تصليح سمكره جنب كامل 23 الف. لانهم ما يسمكرونها بس تبديل قطع
جراج بالجهه المقابله تصليح كامل فقط ب 4 الاف شامله صدام امامي جديد وصبغ وسمكره جنب كامل من صدام للصدام