مدة إجازات الاعياد

[R 7 A L]

السلام عليكم ورحمة الله وبركاته

كل عام وانتم بخير

شرايكم في مدة اجازة عيد الفطر وعيد الاضحى في الوزارات والمؤسسات والهيئات الحكومية وبعض الشركات هل المدة الحالية كافية ولا طويلة ؟
وهل وقتها الحالي يخدم مصالح الدولة والمواطنين والمقيمين بشكل إيجابي ولا مدتها الحالية سلبية لمصالح الدولة وسوق العمل والمال ؟

[بوخالد911]

الاجازة بوقتها الحالي ممتازة
وخاصة لما تكون ما بين 9 - 10 أيام

وبعض الدول المجاورة بس يعطلون 4 أيام

اللهم لك الحمد.

[Rider]

لا والله ياخوي زينة بعد عنا العمل وبعدين شيل جمعه وسبت من اول الاسبوع واخره تطلع ب5 ايام فقط

[معماري قطري]

عليكم السلام ورحمة الله وبركاته

أثناء دوامي في أمريكا جاتنا اجازة الكرسمس وراس السنة .. شيء يبط الجبد يومين اجازة ويوم دوام ويوم اجازة ويوم دوام وبعدها ويكند .. كنا 4 ثلاثة ارتبطوا بسفرات طويلة نوعاً ما وبقيت انا الضحية ولازم واحد أقل شيء في المكتب

[nooora]

تكون اجازة 4 ايام كفاية ،،، بندخل عالم جينيس للاجازات
وشوف اجازة عيد الاضحى يمكن نعطل من بدري لان بيصادف يا الثلاثاء او الاربعاء وقبله يوم عرفه يعني اسبوع
معطلين قبل وبعد العيد ،،
رأي الشخصي يداومون بالعيد افضل لكن عدد الساعات تكون ست ساعات

[R 7 A L]

الاجازة بوقتها الحالي ممتازة
وخاصة لما تكون ما بين 9 - 10 أيام

وبعض الدول المجاورة بس يعطلون 4 أيام

اللهم لك الحمد.

ممتازة لنا
بس هل هي ممتازة للدولة ؟

[ya3coub]

الاجازة بوقتها الحالي ممتازة
وخاصة لما تكون ما بين 9 - 10 أيام

وبعض الدول المجاورة بس يعطلون 4 أيام

اللهم لك الحمد.

لا تروح للدول المجاورة اهني دوامي بدا يوم الثلثاء معنه المفروض الأربعاء يعني 3 ايام لأنه السبت يعتبر عندنا يوم عمل :):):)

[ضوى]

تكون اجازة 4 ايام كفاية ،،، بندخل عالم جينيس للاجازات
وشوف اجازة عيد الاضحى يمكن نعطل من بدري لان بيصادف يا الثلاثاء او الاربعاء وقبله يوم عرفه يعني اسبوع
معطلين قبل وبعد العيد ،،
رأي الشخصي يداومون بالعيد افضل لكن عدد الساعات تكون ست ساعات

داومي انتي بالعيد شيلي عنا الحمل دام ماعندج مسؤوليات لازوج ولا عيال

[JN000N]

تكون اجازة 4 ايام كفاية ،،، بندخل عالم جينيس للاجازات
وشوف اجازة عيد الاضحى يمكن نعطل من بدري لان بيصادف يا الثلاثاء او الاربعاء وقبله يوم عرفه يعني اسبوع
معطلين قبل وبعد العيد ،،
رأي الشخصي يداومون بالعيد افضل لكن عدد الساعات تكون ست ساعات

لا حبيبتي حسبيها عدل
اذا العيد يوم الثلاثا بيكون اسبوع العيد الاجازه والدوام الاحد الي بعده
واذا فيج طاقه وتبين تداومين ف العيد روحي طقي بطاقتج وداومي محد بيمنعج واشتغلي دام فيج شده وتقدرين

وشنهي الاجازات الي ناخذها؟ عيدين واليوم الوطني واليوم الرياضي
الايستر وشالوها السنه وتعبنا وتعبو الطلاب وان شاء الله ترد عالسنه اليايه
وين بالله الاجازات؟