آستفسار بخصوص شراء شقه

[آخر حبه]

السلام عليكم ورحمة الله

انا عندي مبلغ وابغي استفسره وفي ناس نصحوني اشتري شقه في بريطانيا او اوربا واسلمها شركه اتأجرها لي وبعد كم سنه ابيعها

فاللي عنده خبره في هالمووضع يفيدني كيف ومن وين واذا يعرف شركات

جزاكم الله خير

[شموخ دائم]

,

,


مرحبا


الاستثمار في مدينه لندن مكلف جدا شقه صغيره تكلف من 4 مليون الى 12 مليون ريال قطري
حسب موقعها في السنتر زون 2 او زون 3 او او اطراف لندن في الأبراج الجديده على نهر التايمز وحسب عدد الغرف

الاستثمار على المدى القصير غير مجدي بصراحه

ايجارها أيضا ( غير مجدي ) من وجهه نظري المتواضعه
هناك ضرايب ومصاريف المكتب ومصاريف الصيانه
العائد ما يتجاوز 3%

اما استثمار ( طويل الأمد ) فهو ممتاز لان أسعار العقار ترتفع ارتفاع كبير في لندن خلال 10 سنوات تجب سعر كبير

فهي مجديه في حاله البيع



اكثر الناس الان تشتري في ( تركيا ) بسبب

1- رخص السعر الشقق من 300 الف الى مليون ونص ريال قطري يعتمد على موقعها ومساحتها والمواصفات في العقار

2- الدوله تربطنا معاها علاقه طيبه سياسيه واقتصاديه

3- البعض ياخذها امان له وعنده عقار خارج الخليج العربي خاصه ان احنا نعيش أوضاع متوتره في المنطقه

الايجار في تركيا غير مجدي وما يجيب همه
من وجه نظري البسيطه

نصيحه للاستثمار خارج قطر

لا تشتري في ( الريف ) والمدن الصغيره البعيده عن الخدمات
لان ( تصريفها ) مستقبلا وقت البيع ( ما تلاقي ) مشتري واذا لقيت مشتري ( بتخسر ) في البيعه اقل شي من 15 الى 30 % من السعر الأصلي

دائما احرص على الشراء في المدن الكبيره الي فيها خدمات مواصلات وأسواق وترفيه وحركه عمرانيه واقتصاديه كبيره وجامعات وشركات كبيره

اما اذا كان الهدف من الشراء ( سياحه ) وترفيه فهذا موضوع مختلف والله يهنيك وين ما شريت
واوقات سعيده لك في ربوع وارياف اوربا الجميله والممتعه الهاديه بعيد عن ضوضاء المدينه

,

,

[آخر حبه]

شكرا لك للتوضيح, التفكير حاليا في استثمار طويل الأمد 5 - 10 سنوات

وهل في امكان ثانيه تنصح فيها ؟؟؟ في ناس نصحوني في ليدز وبيرمنجهام في بريطانيا

[كاشف الغطاء]

للاستثمار في بريطانيا أنصح بالترتيب كارديف بيرمنغهام مانشستر ليدز نوتنغهام
واذا تحب لندن عندك ميلتون كينز بالقطار نص ساعة توصل سنتر لندن