تركيب حمايه سيراميك من اوزون ؟؟

[RVD]

السلام عليكم

شباب بغيت استشيركم انا شريتلي موتر يديد وحبيت اركبله حمايه سيراميك من اوزون حق الموتر كامل عشان يحافظ على صبغ الشركه ومن الشموخ في الغسيل وغيره وفي نوعيه نازله عند اوزون اللي اهيا ضد الاصفرار وضد الشموخ، السؤال هل تنصحوني اركب حمايه كامله ولا ماله داعي بس اسوي بوليش مره كل سنه وخلاص ؟؟ وهل اذا ركبت الحمايه على البدي وعقب كم سنه شليته ياثر على صبغ السياره ولا لا ؟؟؟

الله لايهينكم

[SouthK]

هلا بك يا الغالي ..
اول شي مبروك عليك الموتر ..

ثاني شي .. لا تخسر على الفاضي .. اذا انت حاسب حساب الشموخ و الغسيل ترى عندنا انواع مخلوقات محسوبة من بني آدم و هم ربك أعلم بهم لا و عندهم لياسن و الواحد منهم ممكن يكفخ موترك و تنجبر تروح بعد ما تتفق مع التأمين لشركة الحماية علشان تركب حماية جديدة و غالبا التأمين ما يغطي كل تكلفة الحماية لعلمهم ان الشركة بتضرب عليك .. صادني موقف قبل و من عقبها حرمت احط حماية على الموتر كامل بعد ما تضح لي نصب محل العازل علي و الله يجزي التأمين الخير اللي وضح لي الموضوع!

الحماية الاساسية على الليتات والكشافات و المناظر و العمدان و جليت الصدام و جزء من البانة (نص أو ربع) و جزء من السقف مع اطراف البيبان و المنطقة تحت فتحة خزان البترول .. اذا انت مصمم تزيد مساحة الحماية فغطي الوجهية كاملة لكن ما تسوى عليك التكلفة ... و ترى يعتمد على الموتر اذا كان بيكم او صالون او فورويل!

اذا تبي في محل في شارع سلوى اسمه كاربونو اسمع ان شغله زين لكني ما تعاملت معاهم.. حسابه على الانستجرام:
https://www.instagram.com/carbonoqa/

المحل عنده مادة يحطها على البدى كامل تحميه من الحكات و الشموخ و على كذا طبقة .. شوفهم!

للعلم ترى المحل مب لي!!

و في النهاية الحلال حلالك و علينا النصح .. الله يوفقك

[حليتان*]

عندك كار ديب زين فالسوق الجديد فعين خالد(مجابل الصناعيه)
سويت عندهم سيراميك حق بدي الفيكسار كامل ب 4300 اظن وعليه ضمان 5 سنين
لو اصف الموتر ويصيده غبار، اطلع فيه يطير الغبار عن الموتر وما يتوصخ بسرعه
بس انا توني مسويه من فترك بسيطة واشوف شغله زين
وعندك بعد محل برتش فالمطار واحد من الربع مسوي موتره اسود سيرمايك كامل عنده واشوف شغله زين
ماشاء الله عليه
هو مسوي السيرمايك من 3 شهور وموتره عاده يلمع ماشاء الله ومايتوصخ
بس ما اعرف السعر ولا كم الظمان