>>>...الفندق!!! <<<

[عابر سبيل]

هل تعتبر الفندق
مكان "أشرح" من البيت؟
هل تجد في قضاء الوقت في "فندق"
سواء في السفر ام و انت في بلدك(بلد اقامتك)
متنفسا لا يوفره البيت

101572

ببساطه...سواء كان جوابك
نعم
أم
لا..

ليش؟

[وحيد-الشوق]

أحياناً اشرح من البيت لأن التغيير مطلوب وأفضله في السفر أكثر واذا 5 نجوم وراقي استمتع في الأقامة أكثر من الخروج منه

[sara jsm]

اي والله اشرح واحلى .. احبه اكثر شي في قطر ..
يكون نوع من انواع الاستجمام وتغير للجو والمكان ونشوف ناس غير :p
واكل غير وخدمة ودلع وراحة جميلة ^_^
:
عاش من شافك اخوي عابر ..
ويعطيك العافيه على هالطرح .. :)

[ya3coub]

نعم

محد يطلب منك أي شي و تغير جو و تقدر تشتغل و تنجز أكثر لأن ما اقدر اشتغل من البيت بس اذا احجز فندق النفسية و الأكل و تحس نفسك مسافر بس فالدوحة


العيب الوحيد انه وايد يسوون هالحركة فما يمديك تدخل لوبي الفندق إلا شخص يسلم عليك او شخص يشوفك داخل او طالع و كلن و نيته و تفكيره للأسف السلبي يطغى

[عابر سبيل]

التحية العطرة لكم
الاخوين /وحيد و يعقوب
و الاخت/ساره

وشاكر لكم المبادرة بالتفاعل..

بعد ما كتبت الموضوع
طرى علي سؤال او محور اضافي
اتمنى انه يفيد في النقاش:

هل تعتبر الفندق مخبأ لك و مكان استراحه من
العناء و الالتزامات ..فربما
تنفرد به مع نفسك
او زوجتك/زوجك
او ربما بعض او كل افراد اسرتك!

ام انك من النوع الذي يعتبره متنفس و مخرج
و شيء من النزهة و المزيد من الاحتكاك بالناس
و الانشطة؟

[ابو عبدالله.]

ههههه كلن ونيته. عجبتني

بكره رايح فندق في اللؤلؤه لثلاث ايام

تغيير جو و اليهال يسبحون بالمسبح و البحر و الزحليقه. الخ

اليهال ملو البيت لطول الاجازه و الفنادق تسوي عروض مقبوله

التغيير حلو. والابتعاد عن ضغط العمل ومكافئه النفس بكم يوم مش غلط
السفر باقي له شهرين او ثلاث تقريبا

خلال الاقامه بالفندق ما ترتبط بجدولك اليومي تبي سينما تبي مطاعم. تبي العاب لليهال

احيانا تجيك افكار حلوه لما تفرغ نفسك بالاستجمام و الراحه منها تنظم افكارك و ترتيباتك القادمه و تتذكر ايش الي اهملته خلال انشغالك بالعمل اليومي و صغوط الحياه

شكرا ع الموضوع ذكرتوني ان افرغ نفسي تماما بكره

[7aayaahh1]

ما عمري سكنت بفندق بقطر أما لي سافرت أحب قعدة الفندق لأنها مهيئ للإسترخاء والراحة

[معماري قطري]

راحتي في البيت أكثر بوايد من الفندق .. كل شيء على مزاجي ومريح

الفندق مهما يكون مكان مؤقت وما جربت في قطر الا الشاليهات

[معماري قطري]

التحية العطرة لكم
الاخوين /وحيد و يعقوب
و الاخت/ساره

وشاكر لكم المبادرة بالتفاعل..

بعد ما كتبت الموضوع
طرى علي سؤال او محور اضافي
اتمنى انه يفيد في النقاش:

هل تعتبر الفندق مخبأ لك و مكان استراحه من
العناء و الالتزامات ..فربما
تنفرد به مع نفسك
او زوجتك/زوجك
او ربما بعض او كل افراد اسرتك!

ام انك من النوع الذي يعتبره متنفس و مخرج
و شيء من النزهة و المزيد من الاحتكاك بالناس
و الانشطة؟

بالنسبة لي المكان المريح هو مكتبي ومركب فيه بعد تلفزيون حق كاس العالم ومستوي فل اوبشن مثل ما يقولون العرب القدامى

[ضوى]

لا ، الفندق عندي مكان للنوم فقط في السفر ، وفي البلد مضطرة اقعد بفندق تفاديا للزحمة في اي مناسبة او فعالية او ايا كان ووايد احن لبيتي ومكاني

[fzaa_qatar]

الفندق مكان للاستجمام ومطلوب بصراحه بين فتره وفتره للعايله سواء كفندق او منتجع تغيير من روتين البيت وتغيير لنفسية العيال وخاصة فالاجازات وفنادق الدوحه جميله ونظيفه وترتاح فيها ومنها العيال يغيرون جو ويستانسون وصاروا اهم اللي يطلبون يبه متى تروح الفندق نبي شي جديد الله يحفظهم ويحفظ لكم عيالكم ويحفظ قطر واميرنا ويديم نعمة الامن والامان

[sara jsm]

هل تعتبر الفندق مخبأ لك و مكان استراحه من
العناء و الالتزامات ..فربما
تنفرد به مع نفسك
او زوجتك/زوجك
او ربما بعض او كل افراد اسرتك!

ام انك من النوع الذي يعتبره متنفس و مخرج
و شيء من النزهة و المزيد من الاحتكاك بالناس
و الانشطة؟

كل ماذكرت اخوي .. عن نفسي استخدم المبيت في الفنادق لوايد امور
مثلا عندي موعد في المستشفى من وهل واخاف اتاخر .. او عندي عرس في فندق معين ومااقدر ارجع متاخر ... او اذا حابه اغير جو مع اليهال احجز الفنادق اللي مربوطة ببعض المجمعات التجارية ..
شعور جميل لما تقضيه في الفنادق في قطر كانك مسافر في بلادك :yes:

[غايه الطواش]

ماستحمل اسكن في فندق وانا في قطر تضربني ضيقه وغلقه

[الحياة الخالدة]

السلام عليكم ورحمة الله
بالنسبة لي أستمتع كثيراً بالسكن في الفندق لأهداف مختلفة ذكرت أغلبها أختي سارة في مشاركتها
وحتى لما أكون خارج قطر أستمتع بالبقاء في الفندق كنوع من الاسترخاء والراحة واحتساء القهوة والقراءة

[عابر سبيل]

أحياناً اشرح من البيت لأن التغيير مطلوب وأفضله في السفر أكثر واذا 5 نجوم وراقي استمتع في الأقامة أكثر من الخروج منه

التغيير...
كلمة جوهرية في اعماقنا
و ان اختلفت اساليبنا في "التغيير"..

لا اختلف معك ان الفندق 5 نحوم غالبا يأسرك و يجعلك
قليل الخروج منه..خاصة ان لم يكن به زحام و تستطيع
التمتع بماهو خارج الغرفة/الجناح من خدمات و ترفيه
دون ضوضاء و دون خدج للحياء و لا تجاوز لمحظور شرعي..

عليه..فاختيار الوقت مهم جدا كاختيارك للفندق
لكي تحقق هدفك من "التغيير"..
*
*
،،
ختاما..
هل تعتقد اخي/وحيد (و البقية الكرام)
انه بامكاننا احيانا ان نعيش "التغيير" في بيوتنا/اماكن العمل..او ما شابه
دون تغيير مكان تواجدنا؟

[عابر سبيل]

اي والله اشرح واحلى .. احبه اكثر شي في قطر ..
يكون نوع من انواع الاستجمام وتغير للجو والمكان ونشوف ناس غير :p
واكل غير وخدمة ودلع وراحة جميلة ^_^
:
عاش من شافك اخوي عابر ..
ويعطيك العافيه على هالطرح .. :)

مرحبا مجددا اخت/ساره
و الموضوع لو انتبهتي هو نوع من
"التغيير" التنويع":oops:

حتى طوله طول "متطور" بالنسبة لواحد مثلي
عادة يكتب موسوعات..و هذا تأثير التغيير
الكبير مع زمن الجوالات الذكية و تويتر و واتس اب
و سوالف "البسكويتات" الالكترونية


مثل ما ذكرت مشرفتنا/الحياة الخالدة
انك غطيتي جوانب عديدة في ردك

بس انا حاب اركز على "الخدمة"
يعني لا الزوج و لا الزوجة يحاتون نظافة و ترتيب الغرفة
لهم او لباقي فراد الاسرة و لا ترتيب الصالات
و نظافة الحمامات ..ولا تجهيزالوجبات
و متابعة الخدامات الخ الخ الخ

وهو امر بالتأمل يخلق ضغوط في حياتنا الروتينية
ومع ذلك هي "انشغالات"
لاااااا مفر منها و اهمالها يزيد من كابة الجو في البيت..

عليه فالتغييراو الخروج من هكذا ضغوط و لو بدون سفر
امر ايجابي






كل ماذكرت اخوي .. عن نفسي استخدم المبيت في الفنادق لوايد امور
مثلا عندي موعد في المستشفى من وهل واخاف اتاخر .. او عندي عرس في فندق معين ومااقدر ارجع متاخر ... او اذا حابه اغير جو مع اليهال احجز الفنادق اللي مربوطة ببعض المجمعات التجارية ..
شعور جميل لما تقضيه في الفنادق في قطر كانك مسافر في بلادك :yes:

فكرة شكلها مشجعة و تستحق التجربة..
فنادق قطر ممكن اروحها فقط للبهو/اللوبي او المطاعم
اما المبيت فنادرا و من زماااام ما سويتها..
شكرا للاثراءات و الافكار المتنوعة..
خاصة لتجنب الزحمة اثناء المواعيد
او المناسبات المهمة
فعلا فكرة طيبة

[khalid Qtr]

البعض يعتبره كسر روتين وتغيير جو في حالة عدم سفره.
وتبقى الرغبات مختلفة.

[حمد 2002]

انا اول مادخل الفندق افتش الدروج والكبتات والحمام ونتوا بكرامه ، واطب على السرير وافتح البلكونه = الشرفه ، واحب لو كانت اتطل على بحر ، وتالي افتش مينيو الاكل وامدح ولا اتحلطم على الاسعار وتالي اتصل بالرسبشن ويحولوني على المطعم واقولهم اي ونت اربي كوفي يعني ابي قهوه عربيه واذا قالولي يس استانس واذا لا اذمهم واعصب ،، انا احترم الفندق الي يقدم قهوه عربيه ،، وتالي افتش عن اماكن القبله للصلاه فاحياننا يضعون الاتجاه بالطوفه واحياننا بالدرج واحيننا اتصل لهم واسالهم وين الاتجاه ، واذا طلبت اكل للغرفه اطلب مكينه دفع تجنبا للبخشيش هه هه هه ، وتالي افرفر بالتلفزيون واذا مايشتغل اتصل بالصيانه بالفندق ايجون يصلحونه لاني دافع بيزااا مب بلاش ، وتالي اذا خلصت اكل ماتصل لهم يطلعونه بل انا ادز العربه ماله الاكل بسرعه لبرع الغرفه واسكر الباب بسررعه علشان محد يجوفني لاني اكون لابس صروال وفانيله ، وتالي احاول انام شوي واذا ماياني نوم اخذ الدفتر الي فوق الطاوله بالفندق واقعد اشخبط فيه واكتب ذكرياتي وكمن بيت شعر وكمن فكره ، وتالي اقوم فجأه من الطاوله بالغرفه واصور اسمي وهو موجود بالتلفزيون اذا كان الحجز باسمي للذكرى وتالي اذا يت بطلع من الفندق علشان مانتظر وايد لين ايبون لي سيارتي عند الباب اتصل بالرسبشن واقولهم لو سمحتوا تقدرون اتجهزون موتري عند الباب ، وكل ماروح الفندق او احجز اكذب عليهم اقولهم ابي ورد ابلاش ولا كيكه ابلاش الى متوفر عندهم بدون رسوم اضافيه لاني حاجز الغرفه ليوم ميلاد او يوم عسل قلت يومالزواج تجنبا لكلمه عيد الزواج لانه عندنا عيدين بس . واذا بطلع اطلب عربه لحمل الاغراض وكل مره على حضي ايتاخرون واجلس ادعي عليهم وايدعون علي الرسبشن .

حمد 2002

[ضوى]

ماستحمل اسكن في فندق وانا في قطر تضربني ضيقه وغلقه

تماما مثلج يا غاية

[ya3coub]

التحية العطرة لكم
الاخوين /وحيد و يعقوب
و الاخت/ساره

وشاكر لكم المبادرة بالتفاعل..

بعد ما كتبت الموضوع
طرى علي سؤال او محور اضافي
اتمنى انه يفيد في النقاش:

هل تعتبر الفندق مخبأ لك و مكان استراحه من
العناء و الالتزامات ..فربما
تنفرد به مع نفسك
او زوجتك/زوجك
او ربما بعض او كل افراد اسرتك!

ام انك من النوع الذي يعتبره متنفس و مخرج
و شيء من النزهة و المزيد من الاحتكاك بالناس
و الانشطة؟

هل تعتبر الفندق مخبأ لك و مكان استراحه من
العناء و الالتزامات .؟؟
بين و بين انا ما ابات فالفنادق بتقوم القيامة إلا اذا الوالد و الوالدة مسافرين اهني اخذ الي فالبيت و انروح و نغير جو و نبات و الأمور طيبة

ام انك من النوع الذي يعتبره متنفس و مخرج
و شيء من النزهة و المزيد من الاحتكاك بالناس
و الانشطة؟

لا اذا اروح فندق للأسف اغلب حجوزاتي ما ابيت فالفندق اكون للراحه الإستجمام تغير مكان و ايضا جو للشغل اذا عندي ايميلات وايد اخذ يوم اجازة من الدوام و احجز بفندق يطل عالمكتب و اشتغل من الفندق و انا مريح مع اكل الروم سيرفس اللهم تهدئة اعصاب.

لا و ثاني يوم اجي الصبح علشان اتريق فالغرفه مو فالفندق هههههههه و عقب اكمل على دوامي او على حسب اتريق بدري و اروح المكتب و بريك الغدا ارجع الفندق اسبح و اتغدى فالغرفه و اسوي جيك اوت ارجع للدوام

[Riku3]

ماستحمل اسكن في فندق وانا في قطر تضربني ضيقه وغلقه
سيم سيم .. :ok2:

شغلي السابق كان مرتبط بالفنادق واستقبال الوفود الرسمية وكنت اقعد بالساعات هناك وبفنادق مختلفة ..
وبعد سنوات من الارتياد لمعظم الفنادق شفت مالا عين رأت ولا اذن سمعت فأرتبطت في قلبي بشكل سلبي .. لذلك كرهتها .

[عابر سبيل]

انا اول مادخل الفندق افتش الدروج والكبتات والحمام ونتوا بكرامه ، واطب على السرير وافتح البلكونه = الشرفه ، واحب لو كانت اتطل على بحر ، وتالي افتش مينيو الاكل وامدح ولا اتحلطم على الاسعار وتالي اتصل بالرسبشن ويحولوني على المطعم واقولهم اي ونت اربي كوفي يعني ابي قهوه عربيه واذا قالولي يس استانس واذا لا اذمهم واعصب ،، انا احترم الفندق الي يقدم قهوه عربيه ،، وتالي افتش عن اماكن القبله للصلاه فاحياننا يضعون الاتجاه بالطوفه واحياننا بالدرج واحيننا اتصل لهم واسالهم وين الاتجاه ، واذا طلبت اكل للغرفه اطلب مكينه دفع تجنبا للبخشيش هه هه هه ، وتالي افرفر بالتلفزيون واذا مايشتغل اتصل بالصيانه بالفندق ايجون يصلحونه لاني دافع بيزااا مب بلاش ، وتالي اذا خلصت اكل ماتصل لهم يطلعونه بل انا ادز العربه ماله الاكل بسرعه لبرع الغرفه واسكر الباب بسررعه علشان محد يجوفني لاني اكون لابس صروال وفانيله ، وتالي احاول انام شوي واذا ماياني نوم اخذ الدفتر الي فوق الطاوله بالفندق واقعد اشخبط فيه واكتب ذكرياتي وكمن بيت شعر وكمن فكره ، وتالي اقوم فجأه من الطاوله بالغرفه واصور اسمي وهو موجود بالتلفزيون اذا كان الحجز باسمي للذكرى وتالي اذا يت بطلع من الفندق علشان مانتظر وايد لين ايبون لي سيارتي عند الباب اتصل بالرسبشن واقولهم لو سمحتوا تقدرون اتجهزون موتري عند الباب ، وكل ماروح الفندق او احجز اكذب عليهم اقولهم ابي ورد ابلاش ولا كيكه ابلاش الى متوفر عندهم بدون رسوم اضافيه لاني حاجز الغرفه ليوم ميلاد او يوم عسل قلت يومالزواج تجنبا لكلمه عيد الزواج لانه عندنا عيدين بس . واذا بطلع اطلب عربه لحمل الاغراض وكل مره على حضي ايتاخرون واجلس ادعي عليهم وايدعون علي الرسبشن .

حمد 2002

:happy::happy:

ما قدر أأخر ضحكي
حمد ما فيك حيله
لا بفندقك و لا طرحك للمواضيع

و حركة الاستفادة من الورود اللي ببلاش و الكيكه
عبقريه تفوق الخيال:..لا تعرف عن هالحيله ام العيال!!

*
*
،،
مع الاعتذار لمن سبقوك
ما قدرت أأخر ضحكتي/اعجابي/او بصراحه استغرابي
على هالمداخلة العجيبه

[راجي الْعفو]

مرحبا بغائبٍ عاد برومانسية

بعضهم ماخذ الفندق ( مقهى ! )

اما عن نفسي:


الفندق في الخارج:

للنوم و الـ ( ريوق )

.

[بو خليفه 123]

اسمح لي أخي الكبير عابر أن اذكر الجانب المالي و مردود السياحه الداخليه من نافذة الفنادق . سؤالك ذكرني في الفنادق في بداية الحصار الجائر على قطر و اتوقع اغلب اهل قطر كانوا ملازمين البلاد و كانت آنذاك نسبة الاشغال في فنادق قطر 100% . و الجميل في ذلك أن 99% من الماكثين بالفنادق كانوا اهل قطر , فحينها عيالي تواجهوا مع ربعهم بالمدرسه بالصدفه في بركة الفندق , و أنا شخصياً تقابلت بالصدفه مع كثير من الاصدقاء . فـ اصبحت الفنادق كأنها بيت يلم العائله القطريه . و كانت هناك توجيهات من الدوله بعدم مضاعفة الاسعار في بداية الحصار حيث ان اغلب الفنادق استمرت على نفس الاسعار كالموسم العادي . و كما قال لي احد المسؤولين بالفندق "رب ضارةٍ نافعة" , حيث أن العوائد والفوائد عادت على الملاك القطريين من هذه الفنادق و كان لنا كعوائل قطر والمقيمين نصيب الاستمتاع و التخفيف من التفكير بالحصار .


لذلك , الفندق سواءً كان في قطر او خارج قطر , هو بالنسبه لي مكان للراحه النفسيه والخروج عن الروتين , و خصوصا اذا "البلكونه" اطلالتها مميزه , تحتسي قهوتك التركيه المرّه بدون سكر و تطلق عنان افكارك من بلكونة الفندق .



ملاحظه : اشتقنا لك

[طلعة الروح]

عن نفس ما أحبذ السكن في الفنادق...احب اقعد في البيت وبالغرفه تحديدا عشان انا غرفوفيه اصلا :)
ولا احب السفر ولا السياحه وماعندي فضول التغيير ولا الترحال.. ماعرف اذا الوضع يعتبر طبيعي بالنسبة لغيري...!! اذا اضطريت اسافر احسه التزام وغثه وماكون مشتطه نهائيا.

[العقل المدمر]

انا لو يحصل لي اعيش حياتي كلها بروحي فالفندق بسويها
اكثر مكان يجدد نفسيتي ويخليني استرخي وارتاح وانعزل عن الدنيا شوي
للاسف اني كبنت لازم الدنيا كلها تراقبني وممنوع علي المبيت برى
اما الولد عايش حياته بكل حرية وختم العنن والشاليهات والفنادق ويسافر كل مكان وفوقها يشتكي من الملل بعد

[عابر سبيل]

نعم

محد يطلب منك أي شي و تغير جو و تقدر تشتغل و تنجز أكثر لأن ما اقدر اشتغل من البيت بس اذا احجز فندق النفسية و الأكل و تحس نفسك مسافر بس فالدوحة


العيب الوحيد انه وايد يسوون هالحركة فما يمديك تدخل لوبي الفندق إلا شخص يسلم عليك او شخص يشوفك داخل او طالع و كلن و نيته و تفكيره للأسف السلبي يطغى

من المداخلتين اخوي/يعقوب
نفهم ان زحمة الشغل و انجاز المتراكم من المهام عليك
هواحد اهم اسباب ذهابك في قطر للفندق..
و بالمرة تغير مع العائلة و الاطفال جو و تكسر الروتين!

و العيب اللي ذكرته مفهوم عندي و أأيدك فيه..
بس ما فهمت اخر جمله اللي تحتها خط
(واللي علق عليها اخونا بوعبدالله في مداخلته)..
ان كان بالامكان توضيح لها عشان ما تفوتنا الفايده



هل تعتبر الفندق مخبأ لك و مكان استراحه من
العناء و الالتزامات .؟؟
بين و بين انا ما ابات فالفنادق بتقوم القيامة إلا اذا الوالد و الوالدة مسافرين اهني اخذ الي فالبيت و انروح و نغير جو و نبات و الأمور طيبة

ام انك من النوع الذي يعتبره متنفس و مخرج
و شيء من النزهة و المزيد من الاحتكاك بالناس
و الانشطة؟

لا اذا اروح فندق للأسف اغلب حجوزاتي ما ابيت فالفندق اكون للراحه الإستجمام تغير مكان و ايضا جو للشغل اذا عندي ايميلات وايد اخذ يوم اجازة من الدوام و احجز بفندق يطل عالمكتب و اشتغل من الفندق و انا مريح مع اكل الروم سيرفس اللهم تهدئة اعصاب.

لا و ثاني يوم اجي الصبح علشان اتريق فالغرفه مو فالفندق هههههههه و عقب اكمل على دوامي او على حسب اتريق بدري و اروح المكتب و بريك الغدا ارجع الفندق اسبح و اتغدى فالغرفه و اسوي جيك اوت ارجع للدوام

الله يرزقك بر والديك و رضاهم عنك..
زين انهم مراقبين تحركاتك و لا كنا حتى احنا بنشك
انك "تسير" على احد في الفندق:pilot:

عموما.. ترتيباتك عجيبه و باين انك "فندقي" درجة اولى..
عليه نطلب منك في الختام (لو ماعندك مانع/احراج)
تذكر لنا الفنادق اللي جربتها في الدوحة و ميزاتها/عيوبها/اسعارها
حتى المنيو حق الاكل ف الغرفه..

عشان لو حد مثلا بيفكر يقلدك..
بعد بينقز لك في حد هالفنادق
و بيتأكد انك مش "لوحدك"..
ذيك الساعه بتكون النيه سليمه 200٪ تجاهك

[عابر سبيل]

ههههه كلن ونيته. عجبتني

بكره رايح فندق في اللؤلؤه لثلاث ايام

تغيير جو و اليهال يسبحون بالمسبح و البحر و الزحليقه. الخ

اليهال ملو البيت لطول الاجازه و الفنادق تسوي عروض مقبوله

التغيير حلو. والابتعاد عن ضغط العمل ومكافئه النفس بكم يوم مش غلط
السفر باقي له شهرين او ثلاث تقريبا

خلال الاقامه بالفندق ما ترتبط بجدولك اليومي تبي سينما تبي مطاعم. تبي العاب لليهال

احيانا تجيك افكار حلوه لما تفرغ نفسك بالاستجمام و الراحه منها تنظم افكارك و ترتيباتك القادمه و تتذكر ايش الي اهملته خلال انشغالك بالعمل اليومي و صغوط الحياه

شكرا ع الموضوع ذكرتوني ان افرغ نفسي تماما بكره

العفو اخوي بو عبدالله..
واتمنى انكم قضيتو لحظات سعيده في اللؤلؤه ..

فعلا مثل ما تفضلت..
من يحب يكسر الروتين و يجيب لنفسه
جو من التغيير ..فبامكانه حتى لو لم تسمح ظروفه
السفر للخارج ان يعيش جزءا من اجواء و انشطة السفر
بمثل ما تفضلت.
*
*
،،

و الفكره الاساسية اللي كانت في بالي
و يمكن كنت ابحث عنها لما طرحت
الموضوع هي
معرفة ليش السكن في الفندق (محليا او في السفر)
غااالبا تجيب للواحد جو التغيير و التجديد..

و هل هي اقوى وسيله في هالمجال
ام انه بالامكان الحصول على ذات
المردود بوسائل اخرى او حتى في البيت؟

حقيقة..نشوف باختلافنا و اختلاف تجاربنا
الا ان هنالك شبه اجماع ان قضاء وقت في الفندق
(سواء في السفر او في بلدنا)
لها مردود قوي من ناحية التجديد و كسر الملل و الروتين..

و ليس فقط الذهاب للاسواق/المولات او الانشطة الاخرى

في ظني اجواء المعيشه في الفنادق لها سحرها و تاثيرها الاكبر!!

[عابر سبيل]

ما عمري سكنت بفندق بقطر أما لي سافرت أحب قعدة الفندق لأنها مهيئ للإسترخاء والراحة

اذا ممكن بعد هالموضوع و مشاركات الاخوة و الاخوات
تجربون قضاء ليله/ليلتين في فنادق قطر..
*
*
،،
التهيئة للاسترخاء و الراحه
هي المكمن الذي دعاني للكتابة

هل يمكن توفير اجواء فندقيه
في البيت..

اقصد عندما يشعر احدنا بالضغوط
وزيادة الشوشره..لماذا نفكر فورا بالسفر
او الذهاب لفندق لنستعيد هدوئنا و نسترجع
تركيزنا؟

هل لانه كما ذكرت مكان نعتقد انه يجلب لنا الراحه!
اذا لماذا لا نقتبس اجواء السفر/الفندق
عندما نحتاجها..فنوفرها في بيوتنا!!؟؟

هل هي امور صعبه ام ماذا؟

[الحياة الخالدة]

السلام عليكم

موضوعك أخوي عابر كالعادة مميز
لكن مب قادرة أعطيه حقه
لازم احجز لي في فندق داخل قطر وابتعد عن كل شي عشان اقدر آخذ راحتي في التعبير

وأهم شي أثناء احتساء كوب من القهوة اللذيذة
مادري ليش البعض ناقد علينا اعتبار الفندق ك( كوفي شوب )

[بو خليفه 123]

السلام عليكم

موضوعك أخوي عابر كالعادة مميز
لكن مب قادرة أعطيه حقه
لازم احجز لي في فندق داخل قطر وابتعد عن كل شي عشان اقدر آخذ راحتي في التعبير

وأهم شي أثناء احتساء كوب من القهوة اللذيذة
مادري ليش البعض ناقد علينا اعتبار الفندق ك( كوفي شوب )

ولا تنسين اطلالة البلكونه

تحياتي منها

[ضوى]

ولا تنسين اطلالة البلكونه

تحياتي منها

ماينقعد في البلكونه بهذا الحر بتذوب الحياة الخالدة

[الحياة الخالدة]

ولا تنسين اطلالة البلكونه

تحياتي منها


ماينقعد في البلكونه بهذا الحر بتذوب الحياة الخالدة

إي والله بتحول للحياة المنصهرة
البلكونة خليناها لأهلها

[عابر سبيل]

السلام عليكم

موضوعك أخوي عابر كالعادة مميز
لكن مب قادرة أعطيه حقه
لازم احجز لي في فندق داخل قطر وابتعد عن كل شي عشان اقدر آخذ راحتي في التعبير

وأهم شي أثناء احتساء كوب من القهوة اللذيذة
مادري ليش البعض ناقد علينا اعتبار الفندق ك( كوفي شوب )

101591

تم تاكيد الحجز للويك اند الجاي

و تم دفع الفاتورة
من قبل شيوخ البلكونات
و اساطير البنوك..


و ننتظر ال
feedbak


مع تحيات فريق
صيفك في قطر مب على كيفك:omg:

[sara jsm]

إي والله بتحول للحياة المنصهرة
البلكونة خليناها لأهلها

اتحملي يثبت عليج الاسم هههههههه

:


101591

تم تاكيد الحجز للويك اند الجاي

و تم دفع الفاتورة
من قبل شيوخ البلكونات
و اساطير البنوك..


و ننتظر ال
feedbak


مع تحيات فريق
صيفك في قطر مب على كيفك:omg:

اخوي عابر ابيك عقب تكتب لنا التفاصيل وشعورك وكل شي .. :victory:
وانا هالاسبوع بعد حاجزة في فندق اول مرة اسكنه ... :victory:

[عابر سبيل]

راحتي في البيت أكثر بوايد من الفندق .. كل شيء على مزاجي ومريح

الفندق مهما يكون مكان مؤقت وما جربت في قطر الا الشاليهات

التحية العطرة اخونا الكبير بوعبدالله..
كلمتك الذهبية تكمن فيها (القمنده) على قولت بعض العرب
من جيل الطيبين اللي خبري خبرك!

"كل شي على مزاجي"

هذا هو المكان الذي يحلب للشخص الراحه..
و من ضمن المزاج ان تتوفر لك نوع من "العزلة" دون
دخول زوار فجأة..او صراخ "يهال" في مسيرة اعتراضية
او احتجاحية على انكسار لعبة او هدف تسلل لم يرفع
عليه الحكم الرايه:protest:


لكن..المشكلة ان كثير منا ما يعرف عن "مزاجه" ايش يبي!!!
يبي يركب طياره..و لا يبي يسوق "بطبطه" و لا يبي زياده في
الضوضاء و الشوشرة..و لا كل اللي يحتاجه تغيير في "محله"..
سواء كان الفندق
في العزيزية
و لا الفندق في موسكو..
او في سانفرانسيسكو!

هذا الذي -لو دققت- ندندن حوله....

المبحث-اعيد صياغته-
عن العصى السحريةالتي تجلبها (لاغلبنا)
التجربة الفندقية!


على ذلك..والحين بعد هالكم الطيب من التفاعل
(رغم حرارة و رطوبة الصيف ف المنتدى)

بامكانك ان تتباحث مع وزارة الداخلية عندك في البيت
عن تجديد ايام الشباب و يسمحون لك اولا تصبغ الشعر الاشيب
و الحجز ليلتين (سواسية-مش بروحك)
في اقرب فندق :confused:





بالنسبة لي المكان المريح هو مكتبي ومركب فيه بعد تلفزيون حق كاس العالم ومستوي فل اوبشن مثل ما يقولون العرب القدامى

هذا هو..مجددا..ان يعرف الانسان
مكان راحته و ان تتوفر له هذه الخصوصية
فهي نعمة لا تتوفر لكل احد..
*
*
،،
بس سؤال اخير ان لم يكن فيه كسر للخصوصية:
مكتبك هذا
في البيت
و لا مكتب خارج البيت/شركة/حفيز/بزنس؟

[عابر سبيل]

اتحملي يثبت عليج الاسم هههههههه

:



اخوي عابر ابيك عقب تكتب لنا التفاصيل وشعورك وكل شي .. :victory:
وانا هالاسبوع بعد حاجزة في فندق اول مرة اسكنه ... :victory:


نتمنى لكم تجربه موفقة و سعيدة
وننتظر اعطائنا الخلاصة..

اما الحجز للغرفة ام البلكونه
فهو حق المشرفه
و الفاتوره على الشيخ/معالي السيد المبجل/ بوخليفه..
و انا مراقب /او مندوب ...بس..
حتى مالي-مثل دونالد ترامب-
عمولة دلاله..

زمن الواسطات و المصالح هذا
مش زمن توزيع اللقيمات :rolleyes2:

[الحياة الخالدة]

صباحكم خير ..
بوساطة طيبة ومشكورة من أخونا بوراشد وصلني الحجز للويك إند من راعي البلكونة الملياردير بوخليفة
في نفس فندق معتقل الأمراء ومليارديرات إحدى دول حلف الفجار
الله يستر بس .. شكلها النية مبيتة للقضاء على مشرفة الحوار العام وسحب صلاحياتها
لكن بإذن الله يتوفر لي الوقت والبارظ لإبداء رأيي في الموضوع
وعد الحر دينٌ عليه

[معماري قطري]

التحية العطرة اخونا الكبير بوعبدالله..
كلمتك الذهبية تكمن فيها (القمنده) على قولت بعض العرب
من جيل الطيبين اللي خبري خبرك!

"كل شي على مزاجي"

هذا هو المكان الذي يحلب للشخص الراحه..
و من ضمن المزاج ان تتوفر لك نوع من "العزلة" دون
دخول زوار فجأة..او صراخ "يهال" في مسيرة اعتراضية
او احتجاحية على انكسار لعبة او هدف تسلل لم يرفع
عليه الحكم الرايه:protest:


لكن..المشكلة ان كثير منا ما يعرف عن "مزاجه" ايش يبي!!!
يبي يركب طياره..و لا يبي يسوق "بطبطه" و لا يبي زياده في
الضوضاء و الشوشرة..و لا كل اللي يحتاجه تغيير في "محله"..
سواء كان الفندق
في العزيزية
و لا الفندق في موسكو..
او في سانفرانسيسكو!

هذا الذي -لو دققت- ندندن حوله....

المبحث-اعيد صياغته-
عن العصى السحريةالتي تجلبها (لاغلبنا)
التجربة الفندقية!


على ذلك..والحين بعد هالكم الطيب من التفاعل
(رغم حرارة و رطوبة الصيف ف المنتدى)

بامكانك ان تتباحث مع وزارة الداخلية عندك في البيت
عن تجديد ايام الشباب و يسمحون لك اولا تصبغ الشعر الاشيب
و الحجز ليلتين (سواسية-مش بروحك)
في اقرب فندق :confused:




هذا هو..مجددا..ان يعرف الانسان
مكان راحته و ان تتوفر له هذه الخصوصية
فهي نعمة لا تتوفر لكل احد..
*
*
،،
بس سؤال اخير ان لم يكن فيه كسر للخصوصية:
مكتبك هذا
في البيت
و لا مكتب خارج البيت/شركة/حفيز/بزنس؟

في البيت الله يسلمك .. مسويه رومنسي مطل على الحوش من ثلاث جهات وله بلكونة وستايره خشبية افتحهم بسهولة واشوف الطيور

شوي مكركب أم عبدالله تعبت وهي ترتبه وارجعه مثل ما كان

عن التغيير معاكم خصوصاً قطر وفنادقها الواحد يبي له فترة تغيير وأكيد يتغير المزاج 100% .. لي صديق هو وعائلته أجروا تاون هاوس في اللؤلؤة من أيام الشتاء وللحين ما رجعوا بيتهم .. المشكلة 3 أدوار ولا فيه مصعد وعياله الله يحفظهم وزنهم مرتفع ويشتكون قلت له زين خلهم يخفون شوي .. بس وين يخفون المعادلة صعبة

انا اقتنعت بهذي التجربة وناوي اسويها قريب بإذن الله .. ألحين التركيز على سفرة سيريلانكا وبانكوك القادمة ومصاريفها

[معماري قطري]

صباحكم خير ..
بوساطة طيبة ومشكورة من أخونا بوراشد وصلني الحجز للويك إند من راعي البلكونة الملياردير بوخليفة
في نفس فندق معتقل الأمراء ومليارديرات إحدى دول حلف الفجار
الله يستر بس .. شكلها النية مبيتة للقضاء على مشرفة الحوار العام وسحب صلاحياتها
لكن بإذن الله يتوفر لي الوقت والبارظ لإبداء رأيي في الموضوع
وعد الحر دينٌ عليه

نبي نعرف اسم الفندق شهالألغاز

[معماري قطري]

نبي تجاربكم في فنادق قطر حتى نشوف فرصة نغير جو .. وربعنا ما شاء الله ملاك فنادق ما بيقصرون معانا بالخصم

[بو خليفه 123]

صباحكم خير ..
بوساطة طيبة ومشكورة من أخونا بوراشد وصلني الحجز للويك إند من راعي البلكونة الملياردير بوخليفة
في نفس فندق معتقل الأمراء ومليارديرات إحدى دول حلف الفجار
الله يستر بس .. شكلها النية مبيتة للقضاء على مشرفة الحوار العام وسحب صلاحياتها
لكن بإذن الله يتوفر لي الوقت والبارظ لإبداء رأيي في الموضوع
وعد الحر دينٌ عليه



أختي الحياة الخالدة المنصهرة (على حد قولك)

اللسان مابه عظامه , و أنا قول و فعل .
سمّي و آمري و اشري على الفندق الي تبينه و ابشري بسعدك .


و هذي العزيمه من دون أي مقابل و اخوي عابر كروة دلالته هي عيوني له .

[الحياة الخالدة]

أختي الحياة الخالدة المنصهرة (على حد قولك)

اللسان مابه عظامه , و أنا قول و فعل .
سمّي و آمري و اشري على الفندق الي تبينه و ابشري بسعدك .


و هذي العزيمه من دون أي مقابل و اخوي عابر كروة دلالته هي عيوني له .

تحري بها يا بوخليفة
بس الحجز وصل خلاص
وبتوصلكم الصور ان شاء الله من قلب الحدث

[عابر سبيل]

لا ، الفندق عندي مكان للنوم فقط في السفر ، وفي البلد مضطرة اقعد بفندق تفاديا للزحمة في اي مناسبة او فعالية او ايا كان ووايد احن لبيتي ومكاني


ماستحمل اسكن في فندق وانا في قطر تضربني ضيقه وغلقه



تماما مثلج يا غاية

التحية لكما سيدتي الفاضلتين..

واحب اوضح اولا ان الموضوع للنقاش
حول تجاربنا مع الفنادق سواء في قطر
(او وطن العضو ايا كان وطنه..او مكان اقامته)..
او اثناء السفر..

فحتما لتجربة العيش في الفنادق تاثيرها على الناس..
سواء ايجابيه (او في احيان سلبيه)..

و التأثير يتعدى لحظات النوم و الراحه..
فحتى على مستوى الاقتباس او التأثر بديكورات
الفنادق و محاكاتها في بيوتنا..
نجد هذا الثأثير حاضر و بقوة!

اعرف شخصا حاول تقليد "تصميم" بهو فندق الشيراتون في بيته..
فكانت للاسف كارثه و ندامه لان مساحة بيته لم تتناسب
مع ما يتطلبه ذلك التصميم (تجويف مفتوح من الدور الأرضي
لغاية سقف الدور الثاني)...و هكذا..

انا شخصيا اقتبست شيء من ديكورات مرايا الحمامات
لاحد الفنادق في دوله من "دول الحصار"..
و الحين متورط..
كلما اوقف جدام مرايا حمامات بيتي اتذكر
الفندق و دولته و ولد الملك و الدلال ترامب!
واتذكر انهم كلهم حرمونا مكه و المدينه..
وانسى نفسي لين ما اتاخر على موعد الدوام:nea:

كل هالمأساه بسبب ليلة قضيتها في سنه من
السنين في فندق جنب "الراشد"!!


عليه..نبي مثل هالتجارب..الانطباعات ..
نبحر في مدى و افق و سماء
تأثير تجارب الفنادق علينا..
ما كان عن وعي و ادراك و وضوح منا..
او ما كان تأثيرا ولو بخفاء/لا وعي ..
و الاهم ليش؟؟
ليش نتأثر بالتجارب الفندقية(المحليةاو الخارحية)..
سلبا او ايجابا..

[معماري قطري]

نقلت لكم تجربتي العام في فندق من فنادق كتارا في ميلان

اسمه لآكجري اكسيلسور غاليا .. قمة الفخامة والاعتدال في السعر .. أعتبره 7 نجوم حتى المواصلات القريبة في ميزاراتي مع سائق وببلاش .. تدليع للقطريين وخصم 40% .. الريوق يسوون عصير حسب طلبك ويجيك عند الطاولة وتطلبه من الطاولة .. خليط فواكه وخضروات مع زنجبيل وكرفس .. كنت ناوي اروح هالصيف بس أجلنا لشهر 12 بإذن الله والصيف صوب بانكوك

عاد بانكوك يقولون مشكلتها الأوزرة تطير في الشارع من كثرهم بعد ما سكروا عليهم العلاج في ألمانيا استووا يدورون الرخص ( مثلي )

[sara jsm]

عاد بانكوك يقولون مشكلتها الأوزرة تطير في الشارع من كثرهم بعد ما سكروا عليهم العلاج في ألمانيا استووا يدورون الرخص ( مثلي )

هههههههههههههه الشماته مب زينه اخوي ..
ابعد عن اماكن تواجدهم وبتحس روحك في ماليزيا :happy:

[naklan]

الفندق بالنسبة لي راحة بما تعنية الكلمة
خاصة خارج قطر وخاصة اذا كان فخم و5 نجوم
ونجومه أخذت عن جدارة واستحقاق وخاصة الأدوار
إلمرتفعة ومن الأسباب الي تجعل الفندق مريح بالنسبة
لي هي الانعزال عن هموم الحياة في جو هادي*يساعد
على الاسترخاء والشي الثاني هو الطعام الفاخر
المتنوع ففي الفندق يوجد عدد من خبراء الطهي
( الشيف ) يعدون في بوفيه الافطار اكثر من
30 او 40 صنف من الطعام وانت تجي
مدلل وب 20 دولار لكل هذه الخدمات
بلا ثمن يا بلاش

وفِي بعض الأحيان اذا كانت رحلتي لاسترخاء فقط وليس
لزيارة الأماكن السياحية بجداول يومية يعني أكون في الفندق
اغلب الوقت أخذ سويت وبخدمات خاصة مكلف بس تنسى
التكلفة من حلاوة السكن ومتعة الخدمة والنضافة للغرفة
اكثر من مرة وبالتلفون وتارسين لك صالة السويت
حلويات وفواكة وكل ما سوى الشيف سويت
طرشولك صحين صغير ترتفع المعنويات

تحياتي اخوي عابر سبيل
موضوعك 5 نجوم

[معماري قطري]

هههههههههههههه الشماته مب زينه اخوي ..
ابعد عن اماكن تواجدهم وبتحس روحك في ماليزيا :happy:

لا انا بعيد ما اظن يروحون فندق كمبنسكي حدهم قريس وما جاورها

بس المستشفى صراحة مليان منهم مستشفى وج ثاني شوي بعيد بس علاجهم الطبيعي زين

[naklan]

نقلت لكم تجربتي العام في فندق من فنادق كتارا في ميلان

اسمه لآكجري اكسيلسور غاليا .. قمة الفخامة والاعتدال في السعر .. أعتبره 7 نجوم حتى المواصلات القريبة في ميزاراتي مع سائق وببلاش .. تدليع للقطريين وخصم 40% .. الريوق يسوون عصير حسب طلبك ويجيك عند الطاولة وتطلبه من الطاولة .. خليط فواكه وخضروات مع زنجبيل وكرفس .. كنت ناوي اروح هالصيف بس أجلنا لشهر 12 بإذن الله والصيف صوب بانكوك

عاد بانكوك يقولون مشكلتها الأوزرة تطير في الشارع من كثرهم بعد ما سكروا عليهم العلاج في ألمانيا استووا يدورون الرخص ( مثلي )

معماري هذا اسم فندق ولا عنوان بريد ههههههههه
هالطول اسم فندق يغيرونه احسن كتارا بلازا ولا بلازما
ولا كتارا ريجنسي ولا كتارا دسكفري ولا حليب بلادنا اهم
شي يفكونا من هالاسم الي أطول من خط الدوحة الرويس
وبعدين انت وين طلعته اذكر سكنت في ميلانو في
فندق اثري قريب من الساحة وكانت تجربة حلوه
فنادقهم كلها اثرية من ايّام الفناعرة

[معماري قطري]

معماري هذا اسم فندق ولا عنوان بريد ههههههههه
هالطول اسم فندق يغيرونه احسن كتارا بلازا ولا بلازما
ولا كتارا ريجنسي ولا كتارا دسكفري ولا حليب بلادنا اهم
شي يفكونا من هالاسم الي أطول من خط الدوحة الرويس
وبعدين انت وين طلعته اذكر سكنت في ميلانو في
فندق اثري قريب من الساحة وكانت تجربة حلوه
فنادقهم كلها اثرية من ايّام الفناعرة

أول ما سكناه الله يسلمك ما ادري انه تابع لكتارا بس يوم دريت عرفت ربعنا يحبون الإسم الطويل .. إستغربت وجود قسم للأكلات القطرية في المنيو وجربت بعضها صراحة طبخ بيت وقمة الجودة .. الحين مسوين خصومات للقطريين 40% حرة حق دول الفجار

حطيت له صور في منتدى السياحة والسفر

[حليتان*]

بما اني ماخذ كورس صيفي السنة وماقدرت اسافر هالفترة
تحصلني كل ويكند حاجز ففندق
مب عن اشرح لكن تغير جو وروتين

يمكن هالويكند اروح الفندق الجديد الي فاتحينه على طريق سلوى
واحد من الربع يمدحه يقول عادي ومافيه زحمة

[حليتان*]

نبي تجاربكم في فنادق قطر حتى نشوف فرصة نغير جو .. وربعنا ما شاء الله ملاك فنادق ما بيقصرون معانا بالخصم
تبي مكان عائلي
عندك الفور سيزن نمبر ون
والشرتون نمبر توو
والريان بعدهم

شباب
قراند حياة
فريج شرق


واحد وزوجته بس
مريديان
دبليو
كمبنسكي

عندك فندق العزيزية بوتيك فسباير زون بعد هادي

وشخصيا اروحهم كلهم
لكني احب الهلتون مادري ليش
واحياناً الماريوت الي صوب الستي
خاصة اذا ابي انزل الستي واتسوق وادش السينما


واكتشفت فيني شي احب اجمع قلامة حبر من الفنادق هههههه (اقلام حبر)

[ya3coub]

من المداخلتين اخوي/يعقوب
نفهم ان زحمة الشغل و انجاز المتراكم من المهام عليك
هواحد اهم اسباب ذهابك في قطر للفندق..
و بالمرة تغير مع العائلة و الاطفال جو و تكسر الروتين!

و العيب اللي ذكرته مفهوم عندي و أأيدك فيه..
بس ما فهمت اخر جمله اللي تحتها خط
(واللي علق عليها اخونا بوعبدالله في مداخلته)..
ان كان بالامكان توضيح لها عشان ما تفوتنا الفايده

]

اخر جملة اهي نفسها اللي انت فهمتها بس
في اللي يعرفك من خلال الشاشات او يعرف شي بسيط عنك يبتدي يتكلم و يقول شفت فلان داخل فندق و الخ كلن و نيته لأنها صارت من قبل.




الله يرزقك بر والديك و رضاهم عنك..
زين انهم مراقبين تحركاتك و لا كنا حتى احنا بنشك
انك "تسير" على احد في الفندق:pilot:

عموما.. ترتيباتك عجيبه و باين انك "فندقي" درجة اولى..
عليه نطلب منك في الختام (لو ماعندك مانع/احراج)
تذكر لنا الفنادق اللي جربتها في الدوحة و ميزاتها/عيوبها/اسعارها
حتى المنيو حق الاكل ف الغرفه..

عشان لو حد مثلا بيفكر يقلدك..
بعد بينقز لك في حد هالفنادق
و بيتأكد انك مش "لوحدك"..
ذيك الساعه بتكون النيه سليمه 200٪ تجاهك

اللهم امين الله يجزاك خير يا أخوي عابر سبيل و اسمحلي عالرد المتأخر

الفنادق الي جربتهم أإلب الفنادق المعروفة و بعض من الفناقدق او الشقق الفندقية الرخيصة و كلن له ميزة معينه بصراحة.

اخرهم الموندريان: جربت فيه كل الغرف إلا السويت الي فوق, اسعاره معقوله و ممتازة كنت فيه إلى ليلة رمضان و الحين عقب العيد سوو عروض بس مو نفس قبل كانو الغرف ارخص بالنص تقريبا, البرجة يسونلها صيانة المفروض الحين حلو ليلحين يعتبر جديد ففيه زحمة شوفني و اشوفك, جربت الغرف الي مع تيراس اعجبتني و العادية سوائا طابق تحتي او علوي الجيم فيه حلو و الإطلالة منالجم تخليك ما تنزل من التريدميل. برجته عادية بس فنون التصوير تخليها تبين اكبر بوايد "السبب اللي خلاني احجز فيه صورة البرجه فموقعهم", خدمة الغرف سيئة اذا طلبت تنظيف لازم تشتكي, ثلاجة ما عندهم بس غرفه و بوكس ما يعتبر ثلاجة يعني كل مرة تبي تشرب اي شي لازم تتصل تطلب ثلج و تنطر.

الأكل اللي تحت مبااااااااالغ فيه ولا اهو بذاك اللذه بس مطعم البرجر ممتاز عجبني عالأقل غالي و لذيذ. ما جربت خدمة الغرف فالأكل لأنه كانت نفسي مسدودة ولا من طبعي انزل اكل تحت احب الأكل يجيني الغرفة.

و السانت: فندق جميل له طابعه الخاص طبعا حاله من حال قراند يعيبه انه فيه مرقص ففي بعض الأوقات تلقى زحمة و اشكال ما ودك تشوفها

قراند: اشوفه لا يزال جميل و غرفه حلوة و الأحلا البلكونه اللى عالبرجة او الفلل العائلية بس فيه عيب دايما بوابته مزحومة و عن نفسي احب اوقف سيارتي عند الباب سوائا جاي فالكورفت/ موتر خشن او جاي فالكروزر المعاملة للشخص و ليس للسيارة.

لاسيجال, كان قبل اللوبي ماله يغث بس الحين اللوبي و الغرف تحس بكتمة مادري ليش ما يعجبني.

و الأنتر اللي فالدوحة: حلو هادي سنة كاملة خاش الدراجة فيه أول ما شريتها و خذيت ليسن الدراجة سنة 2013 و الأموير طيبه كان ممتاز جدا الأكل حلو و كان رفيجي فيه ابوه مأجر سويت نظام شقق لمدة سنتين بس كونهم يسافرون وايد و انا دوامي كان فالشيراتون فكنا محللينهو كأنك فالبيت ما تحتاج اي شي و ولا مرة صادفتنا مشاكل معاهم.

و انتر الي عالبحر: صارلي فتره منه, اشوفه كلاسيك بس الفطور و البوفيه تنزل لهم لأنه جو ثاني لا اكثر او اقل بس ما حبيت سويتاته لأن مرة كنت موجود و كان صج ازعاج و صراخ و اغاني من الجيران و للأسف اشتكيت اكثر من مرة لين ما سحبت نفسي و طلعت.

الريتز عادي نفس الفور سيوزون و الهلتون بس برجته تهدي دايما باردة و فااااضية.

الماريوت العادي و ماركيز, افظل ماركيز ولو اني ممبر عندهم و كانت لي نقاط صارلي سنة و شوي ما رحت حطو نظام الكرت و اللي عجبني بس بعض الخوات اللي عندهم اعرس و يسكنون كله مضيعين الكروت و ازعاج يهالهم ينرفز, الخدمة عندهم انزلت عالأخر اخر حجز لي كان ليلة رمضان ايضا السنة اللي طافت خ\ماتهم صارت بطيئة و مو نفس قبل.
الماريوت العادي جميل و يميزه كالعادة البوفيه اللي فالمطعم الي تحت صج قديم بس له طعم خاص بالنسبة لي عيبه الوحيد شياب وايد ولازم تسلم

اوريكس الستي و اوريكس روتانا. الستي ما عليه كلام, روتانا عقب ما عدلو الشيشة اللي تحت و صارت احلا صار عليه زحمة و دروب فالخدمة.

شانغريلتا الأهل جربوه و كان موسم التخييم فما جربته بقدر ما اني نزلتهم و رجعت خذيتهم يمدحونه و يمدحون اكله
جوفيرنر قطعته سنة 2015 تقريبا بس فرمضان تأخرت فالدوام و اتصلت فيهم و حجزت الإدارة تبدلت بالكامل الفنقد محتاج صيانة بس الحجز كان سلس و الخدمة معنه وقت فطور و ريحت عقب الفطور عندهم كانت اوكي عادية احسن من قبل بس الفندق يحتاج صيانة و تغيير اثاث و كثير من الشغل.

ميليا, الغرف حلوة اتذكر مرة حجزت كان مو ويك اند بس اللي كان هناك كأنك برع قطر و عقب عرفت انه فيه مرقص كان سعوديين بالهبل اتوقع انه كانت اجازتهم و ازعاج فاللفت, الغرف حلوة و نظام الاصنصير نفس التورنيدو الشاشات حلوة بس في ناس وايد ما يعرفون يستخدمونه, الثلج يتأخر و المكيف كان حار اهي مرة وحدة ولا افكر ارجعله.

و الـــW ابي اجرب السويت ماله لحد الحين ما جربته الباقي عادي ما بقول واو ولا بقول موب حلو

كمبنسكي اللؤلؤة و اللي فالدفنة, الدفنة اروح علشان الـــK menu specialty الللي اهو الـــCamel Burger احسن برجر جمل فالدوحة او فالعالم بالنسبة لي و غرفهم اوكي فالدوام عندنا موظفين بعد ماخذين منهم شقق شهرية و سنوية بعد حلوة لما زرتهم.
اللؤلؤة حطو كرت فالاصنصير و شافو نفسهم خدمتهم كانت ممتازة بس اخر اكشن صارلي معاهم متصل و حاجز و سويته و كلشي و عقبها بـــ3 ساعات اول معني بدخل الساعه 10 فالليل و قايلينلي من المغرب انها جاهزة الغرفة و عقب ما دفعت و نقعت عند استقبالهم نص ساعه يقولي ارجع الساعه 1 فالليل بتكون الغرفه تنظفت و فوقها الجيك اوت 12 ولا راضي يكون Late check out سحبت عليه ولا اهو الغرف الي عنده كلهم بالبلكونه و كل اطلالة احلا من الثانية الخدمة ممتازة تتأخر شوية بس عادي التلفزيون كبير و حلو الحمام اعزك الله بين و بين بس اوفر ال حلو, الأعراس و الزحمة تضيق عالمدخل مرات.
4 سيزون جمييييييييييييييييييييييييييييييييل خصوصا فاللليل مع البلكونه من احسن ما يكون و احلا اطلالة صباحية بالنسبة لي اهو و الهلتون اللي فالدوحة
و الهلتون الفندق: احلال اطلالة صباحية و من وقت المغرب لين شروق الشمس استمتع فيه بصراحة والشقق اللي ثري تري الهلتون من الأخر البرجة فوق بس عيبها انه فاللليل تستوي بار ولا حلاته الواحد يسبح فالليل, الشقه رومنسية بالنسبة لي مال شريكة حياتك تشاركك الجكوزي :shy: معنه الموندريان بعد فيه و فنادق ثانية بس بالنسبة لي مو نفس الموندريان اذا ماخذ غرفه بتيراس و تفتح البلكونه بس تمنى محد يشوفك من برع قلل الإضائة و الثري تري هلتون.
السلطان فالخور

هاي اللي اتذكرهم فالدوحة وطبعا يعتمد في واحد مابي اذكره لأنه ارخصهم جميعا و الأقرب للبيت و فيه اخذ راحتي عالأخر.


ما شاء الله توني احس نفسي رحالة فالدوحة هههههههه كله فبالهم انهم 4 فنادق بس :):(

[معماري قطري]

تبي مكان عائلي
عندك الفور سيزن نمبر ون
والشرتون نمبر توو
والريان بعدهم

شباب
قراند حياة
فريج شرق


واحد وزوجته بس
مريديان
دبليو
كمبنسكي

عندك فندق العزيزية بوتيك فسباير زون بعد هادي

وشخصيا اروحهم كلهم
لكني احب الهلتون مادري ليش
واحياناً الماريوت الي صوب الستي
خاصة اذا ابي انزل الستي واتسوق وادش السينما


واكتشفت فيني شي احب اجمع قلامة حبر من الفنادق هههههه (اقلام حبر)

طلعت مب انا الوحيد انا حتى كروت الباب اجمعهم تذكار

مشكور ما قصرت يبي لي تغيير

[sara jsm]

ما شاء الله توني احس نفسي رحالة فالدوحة هههههههه كله فبالهم انهم 4 فنادق بس :):(

ههههههههههه والله نفسي عبالي بس خمس فنادق مجربه
طلعوا اكثر من اللي ذكرتهم .... بس خاطري اجرب المندريان احسه راااايق :tooth:

:
:

بخصوص الحياة الخالدة وعابر سبيل :waiting: وين تجاربكم !!

[عابر سبيل]

ههههههههههه والله نفسي عبالي بس خمس فنادق مجربه
طلعوا اكثر من اللي ذكرتهم .... بس خاطري اجرب المندريان احسه راااايق :tooth:

:
:

بخصوص الحياة الخالدة وعابر سبيل :waiting: وين تجاربكم !!

مفيش..ننطر اول الشهر يمكن يكون في لها ميزانيه:looking:

بالعموم تجاربي محدده في عدد من دول الحصار..
فما فيه فايده ان اذكرها الحين..عقب اللي صار.

محليا..تجارب قديييمه ايام كان الماريوت
اسمه فندق "الخليج":pilot:
و الريتز ما كان حذاه لا متعرج و لا متموج ولا حتى اللؤلؤه ..

يعني ذكرياتي راحت مع قناة 9 و11