شركة لمكافحة الحشرات

[Fahad Alqahtani]

السلام عليكم ورحمة الله وبركاته
عندي مشكلة الصراصير منتشرة في البيت
مع ان التنظيف مرتين في اليوم ومع ذلك لازالت المشكلة موجودة
فياليت اللي عنده خبرة او قد تعامل مع شركة لمكافحة الحشرات ويكون معها ضمان او مضمون شغلهم يفزع لنا بها
والسلام عليكم ورحمة الله وبركاته

[معماري قطري]

عليكم السلام ورحمة الله وبركاته

ركب الرداد عند كل منهول والشغلة بسيطة ما بتاخذ منك وقت خصوصاً لو البايبات ممتدة لداخل المنهول .. يبقى تسوي المنهولات مسكرة زين وتركب رداد أخير في آخر نقطة قرب منهول الحكومة أو خزان الصرف الصحي .. بعدين جيب شركة تركز على رش المنهولات وباقي البيت بالمبيد .. هشكل تكون سديت طريق الدخول نهائياً وسويت مكافحة للموجودين

انا حظي الرداد عندي مركب في كل بي تراب أو نقطة صرف ولا يدخل أي زهيوي منها والمنهولات من وقت لوقت اجيب شركة من الوسيط بس من يجون مصريين يستوي صعب الشغل ولازم تتابعهم منهول منهول

[معماري قطري]

يتركب مثل ذيه وتقدر توصل البايبات مع بعض وتخليها بدون فتحة على المنهول ويبقى المنهول جاف .. فيه عدة طرق


https://www.youtube.com/watch?v=Kong1SFWrTw

النوع الموجود في الدوحة يمشي الحال عند شركة محمد واخوانه في نجمة وفيه نوعيات أكيد أفضل بس ما عندي فكرة وين

[معماري قطري]

وهذي طريقة تركيب المعدني سهلة وسريعة والمفروض يكون موجود في قطر


https://www.youtube.com/watch?v=EiusbayexIo

[معماري قطري]

هذا حافر قبل المنهول ومركب سيستم يختلف شوي ومزدوج وبغطاء للاصلاح لو انسد


https://www.youtube.com/watch?v=kPxUQl-sg0k

[النهار]

ياخوي الصراصير عندنا نوعين صراصير المجاري هذي علاجها مافي اسهل منه
اما الصرصور الالماني يجيك حجمه صغير يتكاثر بشكل غير طبيعي خلال شهر تحصله صار بالملايين
هذي بعد له علاج بس ياخذ وقت من اسبوعين الي شهر
بورك اسيد تحصله في الصيدليات
حليب بودره
وسكر

مقادير متساويه لو قلنا 3 معالق من كل صنف وتعجنهم بالماي يصير مثل العجين
شوف اكثر مناطق تواجدهم حط من هالعجين
تحت الاحواض وامكان الخشب
تحت الثلاجات

ان شاءالله يختفون

[Fahad Alqahtani]

جعلكم تسلمون،،
بجرب الخلطة ان شاء الله و بشوف لي رداد وان شاء الله ألاقي لي احد يعرف يعرف يركبه،، مع ان الرداد خاف يسكر المجرى او يعلق

[مضارب دوسري]

السلام عليكم ورحمة الله وبركاته
عندي مشكلة الصراصير منتشرة في البيت
مع ان التنظيف مرتين في اليوم ومع ذلك لازالت المشكلة موجودة
فياليت اللي عنده خبرة او قد تعامل مع شركة لمكافحة الحشرات ويكون معها ضمان او مضمون شغلهم يفزع لنا بها
والسلام عليكم ورحمة الله وبركاته


نصيحة لا تجيب شركه


روح سوق الخميس والجمعه في محل في اخر السوق اللي يبيع مكاين الزرع

اشتر من عنده دواء + سلندر
يكلف عليك 350 كامل

وخل الدريول يرش على كيفك لو كل شهر مرتين وببلاش افضل من شركه تجيبها ب 400 ريال كل رشه وشغل خربووووطي ونصب وارخص مواد يرشونها


هالاغراض تكفيك حق 10_15 مره ترش بيتك


خلصنا من الخطوه الاولى




الخطوه الثانيه عامل عطه 200 ريال + فرشاة صبغ
واشتر صبغ اسود بيتومين خله يصبغ البواليع من داخل بيتومين
السطل ب 70 ريال اخبر
ووقتها خذ ضمان من عندي سنه ما تشوف صرصور يوطوط بيتك


بالتوفيق

[khalid-63]

السلام عليكم ورحمة الله وبركاته
عندي مشكلة الصراصير منتشرة في البيت
مع ان التنظيف مرتين في اليوم ومع ذلك لازالت المشكلة موجودة
فياليت اللي عنده خبرة او قد تعامل مع شركة لمكافحة الحشرات ويكون معها ضمان او مضمون شغلهم يفزع لنا بها
والسلام عليكم ورحمة الله وبركاته


عقب تجربه هذه الشركة من افضل الشركات انا باستمرار اتعامل معاهم ( مطر للكيماويات ومكافحة الحشرات ) يرشون لك داخل البيت في الحمامات بدون ريحه وبرا يرشون كامل المنهولات .

[eXpert*]

بو مطر مجربين وغنيين عن التعريف وفي شركة ثانية اسمها بويكر كذلك .

اذا رشيت وماتوا الصراصير وبعد فترة بيضهم راح يفقس. لان الرش يقتل الصرصور لكن ما يقتل البيض .
فتجد بعد فترة الصراصير صغيرة ظهرت لك .

فالواجب تستمر بالرش على مدار السنة وتركز على فترة الصيف .

ودائماً أعمل اشتراك سنوي اوفر لك من تجيبهم كل مرة ..

[معماري قطري]

ما شاء الله الإخوان ما قصروا بتجاربهم

وجهة نظري هي قطع طرق الدخول للبيت ونسيت اضيف لها تركيب عتبات صغيرة رخام للمداخل أو ألمنيوم تغلق أي فتحة يدخلون منها الصراصير

اللي بيفتح وبيصبغ بيتومين يركب رداد أفضل له وآلية الرداد واضحة ينفتح في اتجاه واحد ويغلق في الاتجاه الآخر ويفكك من الروائح الراجعة والحشرات

وهذي طريقة رخيصة تخلصنا من الصراصير ونقدر نفتح المنهولات ونحطها فيها كذلك


https://www.youtube.com/watch?v=m8feh3V7814

[معماري قطري]

ما ننسى الصرصور متسلق بارع ممكن يدخل حتى من فتحات التهوئة ومن الأبواب والنوافذ غير محكمة الإغلاق لذلك اليو بي في سي الجيد حل وللزراعة أما الطرق البديلة والرخيصة أو الأدوية الخاصة

[بوخالد911]

الاخوان ما قصروا.

واحد من ربعي نصحني
لو بغيت تبدا ترش المنهولات
ابدا من منهولات الملحق الخارجي
و بعدين اللي بوسط الحوش
وأخيرا اللي ببداية الحوش ومنها المنهول الرئيسي.

عشان الزهيوية يطلعون برع البيت.

لا تسوي العكس.

[معماري قطري]

بعد بو خالد كلامك صح

مدخل الزهيوية والفيران في الغالب الحوش ويعيشون قرب الزراعة وأكثر شيء يتركزون في المنهولات .. وكثير يدخلون البيت عن طريق الصرف الصحي لو فيه شبكة .. حتى تقضي على طريق دخولهم ركب رداد قرب المنهول الأخير وافتك

[Fahad Alqahtani]

السلام عليكم ورحمة الله وبركاته
بخصوص الموضوع،، تم التعاقد مع شركة مكافحة حشرات و الحين صار لي معهم فوق السنة،، ياخذون كل زيارة شهرية ظ،ظ¥ظ* ريال
و لله الحمد اختفت المشكلة

[sara jsm]

اخوي اكتب اسم الشركة ورقم التلفون .. يمكن احتاجة ..

وكم ياخذون بالسنه ؟ ( اكتب الارقام بالانجليزي ولاعليك امر )

[معماري قطري]

اخوي اكتب اسم الشركة ورقم التلفون .. يمكن احتاجة ..

وكم ياخذون بالسنه ؟ ( اكتب الارقام بالانجليزي ولاعليك امر )

المبيدات قوية كلمي أي شركة من الوسيط واشترطي ما تدفعين الا يفتحون كل منهول مثل ما قال بو خالد وجهزي لهم wd40 مسلك الصدأ وخلي حد قبلها بيوم يرش منه على حواف كل منهول .. قبل ليتجهون للمنهولات يبدون برش البيت والحمامات

السايق جايب مبيد قوي للنمل صوب الزراعة حطيت منه شوي في أطراف الغرف الزوايا يوم شفت بوادر وهذا ما ينمسح يخلونه أطول فترة وتأثيره قوي بقى حول سنتين

أظن تخففينه بالماي والتعليمات مكتوبة عليه

تبين باقي العبوة بابيعج ب 100 ريال ألحين سعرها أكيد زاد

https://i.imgur.com/syB9Aou.jpg

[sara jsm]

100 وايد .. نزل شوي .. بعد يمكن تاريخة منتهي ..
باخذه منك بـ 93 ريال لاغير .. اذا موافق تواصل معاي عالخاص لوسمحت ..

:

الوسيط مليان شركات عالفاضي ..
مرة جبت شركة وقالي الدوا مالهم قوي وايد ..
يضرب بالحبل الشوكي للزهيوي وبيشل حركته ويموت على طول ..
وقام يرش ويرش والزهيويه طالعين كل مكان واللي وصل السطح واللي يطير وهو يقول ( حضرتك حيموت دلوئتي )
زين ماوقف قلبي من فلم الرعب اللي شفته :swoon:

:

فالاخ مجرب وابي اعرف اسم الشركة ..
واسال مجرب ولا تسال طبيب :tooth:

[معماري قطري]

اذا زهيوي لا ما ارضى عليه الزهيوي من الحيوانات الأليفة

[sara jsm]

:waiting::waiting::waiting:

[مضارب دوسري]

موجود انواع ممتازه تباع عند البيطريين والمحلات الزراعيه غالبا يكونون جنب بعض
واسعار العلبه الوحده بين 70_110
في نوع قوي ب 110 ممتاز

20ml مقابل كل لتر ماي للحوش
10 ml مقابل كل لتر لداخل البيت (تحربه اولى اذا فلحت كان بها ما فلحت ممكن تخلونها 15ml لكل لتر)

تشترين الجهاز بعد من عندهم نفس التانكي اللي يستخدمونه الشركات

كلهم مفعولهم قوي وكلهم يؤدون الغرض واكثر واكثر

الشركات يحط 5 ml مقابل كل لتر
ويشتغل فالبيت ب 350
ويطلع وهو فرحان جدا :shy:

[مضارب دوسري]

شغله ثانيه
العلبه اللي يرشون فيها الزجاج للتنظيف

العلبه هذه تكون عزيزه عندي عقب ما تخلص
اعبيها ماي واحط فيها حول 10 ml من الدوا
ويصير بف باف صناعه وطنيه بيتوتيه :)

طبعا مسؤولية الزوج والزوجه ابعاد مثل هذا الدواء وحتى العلب اللي تستخدم للرش عن الاطفال وعن الخدم ايضا
ويكون استخدامها داخل البيت محصور بين الزوج والزوجه
والحوش للدريول

رأي شخصي

[qatar 86]

اذا زهيوي لا ما ارضى عليه الزهيوي من الحيوانات الأليفة


:waiting::waiting::waiting:

https://youtu.be/ID0-lvRhgRM

[sara jsm]

الشركات يحط 5 ml مقابل كل لتر
ويشتغل فالبيت ب 350
ويطلع وهو فرحان جدا :shy:

يطلع فرحان ولا انا تجيني صدمة نفسيه من اشكالهم :(

:


https://youtu.be/ID0-lvRhgRM


الله يغربل عدوك :happy:

[qatar 86]

شغله ثانيه
العلبه اللي يرشون فيها الزجاج للتنظيف

العلبه هذه تكون عزيزه عندي عقب ما تخلص
اعبيها ماي واحط فيها حول 10 ml من الدوا
ويصير بف باف صناعه وطنيه بيتوتيه :)

طبعا مسؤولية الزوج والزوجه ابعاد مثل هذا الدواء وحتى العلب اللي تستخدم للرش عن الاطفال وعن الخدم ايضا
ويكون استخدامها داخل البيت محصور بين الزوج والزوجه
والحوش للدريول

رأي شخصي

هالفكرة ممتازة بس هالمواد لها ريحة

يعني مثلاً لو رشيت فالصاله عادي أتم قاعد ؟

[مضارب دوسري]

المبيدات قوية كلمي أي شركة من الوسيط واشترطي ما تدفعين الا يفتحون كل منهول مثل ما قال بو خالد وجهزي لهم wd40 مسلك الصدأ وخلي حد قبلها بيوم يرش منه على حواف كل منهول .. قبل ليتجهون للمنهولات يبدون برش البيت والحمامات

السايق جايب مبيد قوي للنمل صوب الزراعة حطيت منه شوي في أطراف الغرف الزوايا يوم شفت بوادر وهذا ما ينمسح يخلونه أطول فترة وتأثيره قوي بقى حول سنتين

أظن تخففينه بالماي والتعليمات مكتوبة عليه

تبين باقي العبوة بابيعج ب 100 ريال ألحين سعرها أكيد زاد

https://i.imgur.com/syB9Aou.jpg


هذا نوع 2.5 جيد استخداماته للزراعه وممكن بعد لرش جلود الانعام


في نوع 25
عشر اضعاف قوته

[مضارب دوسري]

هالفكرة ممتازة بس هالمواد لها ريحة

يعني مثلاً لو رشيت فالصاله عادي أتم قاعد ؟

الافضل الرش فالمكان وتشغيل المكيف ساعه ساعتين وعقب عادي
طبعا الاثاث يفضل ما يتم رشه عشان ممكن بعض انواع القماش يتغير لونها
وايضا من باب السيفتي اذا بترش غرفه الملاحف وكذا تطلعونها

(هذا اذا كانت النيه الرش عشوائي فالهواء)

الرش العشوائي فالهواء ما انصح فيه
رش الزوايا الارضيه للغرف والصالات وعادي جدا الوضع يكون



انا عن نفسي ارش واتم قاعد فالمكان عادي

[مضارب دوسري]

يطلع فرحان ولا انا تجيني صدمة نفسيه من اشكالهم :(

:




الله يغربل عدوك :happy:

المقصد كثير من الشركات للاسف يحط دوا شووووي والماي زااايد
عشان المربح يكون عالي عنده
وبعد كم يوم تجدين الوضع ما تغير

[Fahad Alqahtani]

اخوي اكتب اسم الشركة ورقم التلفون .. يمكن احتاجة ..

وكم ياخذون بالسنه ؟ ( اكتب الارقام بالانجليزي ولاعليك امر )
شركة بو مطر و اللي مدحها لي اخونا expert في هذا الموضوع
بس تكتبين في قوقل شركة بو مطر لمكافحة الحشرات و ياخذون عن كل زيارة في الشهر 150 ريال

[qatar 86]

أخوي مضارب

ممكن صورة للمبيد اللي تقصده وهل يقضي بعد على القراريص والنمل

[معماري قطري]

هذا نوع 2.5 جيد استخداماته للزراعه وممكن بعد لرش جلود الانعام


في نوع 25
عشر اضعاف قوته

انا جربته وايد قوي والمشكلة آثاره السلبية على البشر لازم يستخدم بعناية وفي زوايا ميتة .. فتح المنهولات شغلة ويتطلب اثنين أو ثلاثة .. السايق شاطر ويقدر يسويها وهو كان يساعد الشركة الا يسوي شغلها والمصاروة ما عندهم الا بس التعقيدات ويحاولون قد ما يقدرون يخلون منهول أو اثنين ما يفتحونهم

الرداد ضروري للي يبنون حديث حتى ما يدخل شيء من الخارج

[معماري قطري]

أخوي مضارب

ممكن صورة للمبيد اللي تقصده وهل يقضي بعد على القراريص والنمل

المحلات الزراعية عندها أنواع وثرى كلها قوية حتى للنمل الابيض اللي ياكل الخشب قبل كان ينباع نوع عند الدرويش يحمي الخشب لمدة 25 سنة بس تغطس الجزء السفلي للفريمات والبراويز أو النعلات فيه فترة معينة قبل التركيب والصبغ

[معماري قطري]

https://youtu.be/ID0-lvRhgRM

هالممثلة لو قابلها زهيوي صدفة بتتصرف تصرف غير

[sara jsm]

شركة بو مطر و اللي مدحها لي اخونا expert في هذا الموضوع
بس تكتبين في قوقل شركة بو مطر لمكافحة الحشرات و ياخذون عن كل زيارة في الشهر 150 ريال


الله يجزيك الخير ماقصرت اخوي ..