أسياف قطر

[فراغ]

بِسْم اللة الرحمن الرحيم
* اخواني وابناءي
انا متقاعد وعمري الْيَوْمَ الستين من أهل قطر في السبعينات كنت اروح البحر وانزل قلصي أو طرادي من اَي سيف بحر وكنت مع الأصدقاء ننصب خيمتنى على الرملة البيضاء على السيف
لكن الْيَوْمَ مبقت أسياف
عندي نيسان بترول ومن الملل طلعت من سميسمة اباري السيف صدقوني ماكو سيف لين رويس كلها شاليهات وبعضها بالكيلوات ومافيها احد بس حاجزين البحر من القطريين فية فاكات صغيرة بين الشاليهات كل عشرة كيلو ومسكرة بصناطوين إسمنتية اذا وقفت سيارتك ودخلت في السكة علشان تشوف البحر جوك هنود بهوزات ولا اذا تحب تشوف البحر لازم تركب فوق تندت سيارتك علشان تشوف البحر من ورى طوفت الشالية وبعضها ما تقدر تشوف البحر لان الطوفة رفيعة بعض الشاليهات دخلت من البحر لسيفها
واللة تقول هذا سيف مهجور غنم ميتة هياكل عظمية صار لها سنين محد جاها السيف مليان حبال درامات فيبر خشب مطاطير هرم يعني حاجز السيف ومش مخلي الناس تستفيد منه
انا اعتبر أسياف قطر ملك عام وليس ملك خاص
وأناشد سمو الامير بان يدز فلوس في حلوج هذه النوعية من البشر وتحرير أسياف قطر
هم ليسوا وحدهم قطريين وحنا عيال كلب؟
الْيَوْمَ اذا تحب تنزل طرادك تروح أدور منزل تنزل طرادك يا من الوكرة أو الدوحة أو سميسمة أو الخور أو ذخيرة أو رويس
ماكو مكان ثاني على السيف الشرقي والدور جاي على السيف الغربي
الي مش مصدقني يضرب السيف الشرقي ويشوف بعينة تحصل شاليهات تنبني تحصل اسم الشركة لكن المالك محطوط ز. ت. ع ن

[R 7 A L]

للاسف كلمك صحيح
ماني براعي بحر ولكن كان الله بعون من يهوى البحر

سؤال هل هذي الشاليهات او الحوط او غيرها عليها صك ملكية ؟
وهل قانون نزع الملكية للمنفعة العامة له شغل في مثل هذي الامور؟

[sara jsm]

الله يكون في عونك يبه صح كلامك مافي اسياف احين ..
حتى المناطق الشماليه اغلبها مسوره ولها مواعيد للدخول ..
ان شاءالله تلقون لكم حل :(

[7aayaahh1]

صادق والأسياف المتاحة ما فيها إهتمام ولا فيها خدمات ومهددة إنه يبنون حواليها شاليهات وياما بيوت اجبروا اصحابها يتركونها بسبة إنها قريبة من البحر

[شموخ دائم]

,

,



مرحبا

مجلس الشورى عليه مسئوليه ( اصدار ) قرار شجاع جدا وإصلاح الخلل
استملاك جزء من هذه الأملاك الخاصه ( وتعويض أصحابها ) وجعلها
شواطئ عامه أعطيت من قديم الزمن وأصبحت مشكله تحرم الناس ارتياد البحر
حقيقه نحتاج قرار شجاع وتوصيه ترفع الى رئيس مجلس الوزراء
أعطيت هذه الشاليات أيام ( البلد صغيره ) وللأسف استفحل الامر حتى راحت كل الشواطئ أصبحت مغلقه وخاصه
لاتوجد دوله بالعالم مثل ما يحدث في شواطئ قطر للأسف
ان تتحول الشواطى الى ( خاصه ) او محميات

لابد من اصدار قرار شجاع

وانا اطلب من رئيس مجلس الوزراء شخصيا تولي ( هذا الملف ) لعلمي انه صاحب القرارات الشجاعه
وصاحب المهمات الصعبه
يعتبر اهم ملف يمس المواطنين بالدوله

,

,

[MAZEN37]

البديل جزر اللؤلوة والوسيل

[معماري قطري]

انا عدي من الاسياف سنين طويلة بس ما اتخيل كل أسياف قطر استوت ملكية خاصة

فلوريدا اللي فيها كثافة سكانية في كل مكان وكل شبر صالح للسكن عدا البحيرات والمستنقعات والغابات فيها شواطيء عامة ونسبة بسيطة خاصة .. العامة تغلب .. وغير مسموح البناء على السيف في كثير من المناطق سيف ممتد وبعده يجي شارع وبعدين عمارات متدرجة حتى الكل تكون له اطلالة على البحر البعيد والقريب

أذكر من حول 15 سنة درسنا مشروع لنادي على البحر وكان على شكل هلال مطل على البحر وقسم مطل على المدينة وكنت مفكر إننا بسهولة كجهة حكومية بنحصل أرض على البحر وقريبة وكانت الفكرة تكون في جهة اللؤلؤة وراء بحيرة الخليج الغربي .. لكن طلعت كل الأراضي مع انها ما كانت مبنية مملوكة واندفن المشروع قبل ليبدأ

[كشمه]

الله يجزاك خير هذا الموضوع حارني من زمان وتمنيت حد يتكلم فيه
وياريت حد يشوف له صرفة ترى الموضوع زاد عن حده واااايد
والله مب قادرين نروح البحر والسبة هالشي
الله يرحم ايام المحرقة
الحين لازم انطق دعسه ولا الهملة عشان نشم ريحة البحر

[Rider]

كلام اخوي سليم ولا بزيد على كلام الاخوان

[JN000N]

صاج والله
وحلاته بعد ما يزخون السيف
من زخوه قلبوه شاليهات ومنتجعات

مانبي منتجعات نبي بحر نظيف فاضي لنا نفس قبل نروح على راحتنا ونستانس
سوو شاطئ للعوايل يبلفيت وحطو مظلات واضاءه وزبايل وانت بكرامه لكن ماتقدر تاخذ راحتك لان يصير زحمه ومافي خصوصيه ولو خذت خصوصيتك بييك السيكوريتي على اي سبه لا تشغل ذي لا تشوي ممنوع طبعا الشواي لا تسوي شي بس تعال واقعد
وماينلامون لو منعو الشواء لان في جنسيات ايون ويشوون ويقطون وصاختهم ويدمرون المكان ويروحون مع ان الزبايل حذاهم لكن مادري شيصيدهم يمكن تثقل يدهم ولا يقطون الوصخ
عشان جي صار المنع عالكل
ولو في اسياف ثانيه بعييده وايد وبعد محدوده
الله يرحم ايام قبل اي وقت واي مكان نروح البحر وناخذ راحتنا ولين بنقوم مانخلي ورانا شي طايح

[فراغ]

صاج والله
وحلاته بعد ما يزخون السيف
من زخوه قلبوه شاليهات ومنتجعات

مانبي منتجعات نبي بحر نظيف فاضي لنا نفس قبل نروح على راحتنا ونستانس
سوو شاطئ للعوايل يبلفيت وحطو مظلات واضاءه وزبايل وانت بكرامه لكن ماتقدر تاخذ راحتك لان يصير زحمه ومافي خصوصيه ولو خذت خصوصيتك بييك السيكوريتي على اي سبه لا تشغل ذي لا تشوي ممنوع طبعا الشواي لا تسوي شي بس تعال واقعد
وماينلامون لو منعو الشواء لان في جنسيات ايون ويشوون ويقطون وصاختهم ويدمرون المكان ويروحون مع ان الزبايل حذاهم لكن مادري شيصيدهم يمكن تثقل يدهم ولا يقطون الوصخ
عشان جي صار المنع عالكل
ولو في اسياف ثانيه بعييده وايد وبعد محدوده
الله يرحم ايام قبل اي وقت واي مكان نروح البحر وناخذ راحتنا ولين بنقوم مانخلي ورانا شي طايح

تخيلوا معاي لو أبعدت هذة الشاليهات عن الشاطئ مسافة كيلو واحد مثل الدول المتقدمة
ورصف شارع على طول الشواطئ وكل خمسة كيلو متر يوجد كفتيرية ومنزل لطراريد والسكوترات وتوجد بطريقة نظامية سكوتوا وطراريد الاجار تابعة لمركز السياحة القطرية اَي ملك الدولة مع الكافتيريا أليس ذلك ينعش السياحة في دولة قطر بدل تسكير الإسياف بحوط شكلها قبيح
حتى التمشية بسيارة على طول الشاطئ الشرقي لدولة قطر وجمالة يرد الروح بدل الحوط الي انشوفها
انا ما أقول للحكومة شيلوا كل شي أقول أبعدوهم من الاسياف مسافة كيلو وعليهم بالعافية وخلوا جمال الطبيعة للخلق ترى قطر حلوة باسيافها لكن اذا اختفت الاسياف ضاع الجمال
العوائل قطرية أو اجنبية متنفسهم الوحيد الشواطئ ولي مش مصدقني يروح يوم الجمعة فرضة سميسمة يحصل العوائل فوق بعض سيارة عويل بجنب سيارات عوائل ثانية
وسعوا على الناس اللة يوسع عليكم

[معماري قطري]

ما عندهم نظرة تخطيطية للمدينة اخوي فراغ ولا اهتمام للتنظيم الخارجي

الشواطيء فيه لها عدة أنظمة تخطيطية وعندنا مصرين على النظام الوحيد وهو اغلاق الشاطيء لأشخاص محدودين

[معماري قطري]

هذي صورة جوية حق شاطيء ميامي بيش .. نشوف كيف الشاطيء أبيض ويجي منحدر ناحية البحر .. مع خدمات كثيرة في الرمل وبعده يسار يجي حاجز زراعي وبعدين يجي الشارع وبعدين خدمات الفنادق وبعدين الفنادق

ميامي بيش عمرها حول 100 سنة وبعض المباني مخططة من قديم الزمان ولا حد خرب التخطيط

https://i.imgur.com/yppi9YR.png

[معماري قطري]

هنا شوي اختلف التخطيط لأنه قرب بداية الشارع وفيه فنادق يمين الشارع وأقرب للشاطيء

https://i.imgur.com/TxmbGhf.png

[معماري قطري]

وهنا بداية طرف الجزيرة ونشوف كيف الابراج متباعدة وبينها شوارع كفاية ومسوين حديقة قرب الشاطيء

https://i.imgur.com/D3mMNyI.png

[بوخالد911]

معظمها راحت
وما بقى الا سييف أم الحول.

[حمد 2002]

قبل كنا انحدق بسيف بحر ديانا صوب علاء الدين وكتارا وهالاماكن ، وسيف فرضه الخور

الحين الخور استوت فرضه ولنجات وصعبه الحداق فيها وهنا استوت مشاريع وصعبه الحداق فيها بل مممنوعععع ،،

نطالب بالحداق بالاسياف

[حليتان*]

انا ضد المشاريع الي سووها الي هي يسورون الاسياف ومخلينها عائلية يا بلفيت
مع انها شي حلو خاصة ان حاطين فيها حماية وحمامات مكرمين

لكن هل قطر يدورون الخصوصية ما يحبون الزحمة
مع ذلك
عندك من لحويلة لين رويس البحر مفتوح غير لسان فويرط مسكرينه عشان تكاثر السلاحف
ووصحيح في بعض الشاليهات لكن بينهم مسافات كبيرة تقدر تقعد ع السيف وامورك طيبه
انا عن نفسي انزل طرادي من الغارية والامور طيبه

[h9466]

بِسْم اللة الرحمن الرحيم
* اخواني وابناءي
انا متقاعد وعمري الْيَوْمَ الستين من أهل قطر في السبعينات كنت اروح البحر وانزل قلصي أو طرادي من اَي سيف بحر وكنت مع الأصدقاء ننصب خيمتنى على الرملة البيضاء على السيف
لكن الْيَوْمَ مبقت أسياف
عندي نيسان بترول ومن الملل طلعت من سميسمة اباري السيف صدقوني ماكو سيف لين رويس كلها شاليهات وبعضها بالكيلوات ومافيها احد بس حاجزين البحر من القطريين فية فاكات صغيرة بين الشاليهات كل عشرة كيلو ومسكرة بصناطوين إسمنتية اذا وقفت سيارتك ودخلت في السكة علشان تشوف البحر جوك هنود بهوزات ولا اذا تحب تشوف البحر لازم تركب فوق تندت سيارتك علشان تشوف البحر من ورى طوفت الشالية وبعضها ما تقدر تشوف البحر لان الطوفة رفيعة بعض الشاليهات دخلت من البحر لسيفها
واللة تقول هذا سيف مهجور غنم ميتة هياكل عظمية صار لها سنين محد جاها السيف مليان حبال درامات فيبر خشب مطاطير هرم يعني حاجز السيف ومش مخلي الناس تستفيد منه
انا اعتبر أسياف قطر ملك عام وليس ملك خاص
وأناشد سمو الامير بان يدز فلوس في حلوج هذه النوعية من البشر وتحرير أسياف قطر
هم ليسوا وحدهم قطريين وحنا عيال كلب؟
الْيَوْمَ اذا تحب تنزل طرادك تروح أدور منزل تنزل طرادك يا من الوكرة أو الدوحة أو سميسمة أو الخور أو ذخيرة أو رويس
ماكو مكان ثاني على السيف الشرقي والدور جاي على السيف الغربي
الي مش مصدقني يضرب السيف الشرقي ويشوف بعينة تحصل شاليهات تنبني تحصل اسم الشركة لكن المالك محطوط ز. ت. ع ن

السيف الشرقي فعلا مزدحم ..
أنصحك بالسيف العربي مثل أم الما. .دوحة الحصين..بحر غني وهدوء..وعندك أيضا بحر سلوى...جرب ..

[MAZEN37]

قبل كنا انحدق بسيف بحر ديانا صوب علاء الدين وكتارا وهالاماكن ، وسيف فرضه الخور

الحين الخور استوت فرضه ولنجات وصعبه الحداق فيها وهنا استوت مشاريع وصعبه الحداق فيها بل مممنوعععع ،،

نطالب بالحداق بالاسياف

اووه ذكرتني بالصخره على الزاويه نقط خيوط منها ومره غرقت وبغيت اموت كانوا حافرين جدام القصر في البحر والله اياام

[فراغ]

انا ضد المشاريع الي سووها الي هي يسورون الاسياف ومخلينها عائلية يا بلفيت
مع انها شي حلو خاصة ان حاطين فيها حماية وحمامات مكرمين

لكن هل قطر يدورون الخصوصية ما يحبون الزحمة
مع ذلك
عندك من لحويلة لين رويس البحر مفتوح غير لسان فويرط مسكرينه عشان تكاثر السلاحف
ووصحيح في بعض الشاليهات لكن بينهم مسافات كبيرة تقدر تقعد ع السيف وامورك طيبه
انا عن نفسي انزل طرادي من الغارية والامور طيبهالشيخ كلامك عن السيف الغربي صحيح ماجاتة الشاليهات لين الحين مع أنة فية شاليهات لكن مش وايد وجاي الدور عليها وهي بالنسبة لهل الدوحة بعيدة وانا من الناس الي يحب السيف الشرقي
لكن يالغالي أتمنى انك تسوق سيارتك من سميسمة الى رويس اضرب السيف وشوف بنفسك أمكن المشوار على السيف سواقة ساعة ونص واللة ماتحصل سيف الا سيف المرونة وشوية قطع صغيرة بين الشاليهات وبعد يطردونك وتسمع كلام خلها على اللة مش لازم