وبعدين مع القطريه!!!!

[ورد الدوحه]

السلام عليكم ورحمة الله وبركاته

موضوع نرفزني وطبعاً مب جديد ولا اول مره يصير وااايد اسمع الناس يتشكون مساكين
(((((الطيران على القطريه)))))

حاجزه حق بانكوك ل14 شخص على القطريه وكلمتهم انه اغلب اللي معانا اطفال ونبي جنب بعض واذا مافي مجال كل اثنين او ثلاث مع بعض
على فكرة احنا اول ناس في الكونتر والطياره كانت شبه فاضيه
نركب الطياره ونتفاجأ انه كل وحده منا جنبها رجال!!!
بنتي اللي عمرها سنتين ونص كرسيها في الوسط وجنبها فلبيني والصوب الثاني هندي!!
كلمتهم طبعاً المضيفين عاجبهم الوضع ولايبون ايغيرون
اضطرينا انه انترجى الناس انه مايكون رجال جنبنا وللأسف محد راضي ايغير مكانه

ماعدا قطريين اثنين الله يجزيهم خير عقب ماشافوا بنتي الصغيره اتصييح خايفه قالوا لي تعالي قعدي مكانا واحنا بنشوف لنا اي مكان بنقعد

صج مذله اللي بسافر ايكنومي على القطريه ولاحد بيفتكر فيه
حسبي الله ونعم الوكيل عليهم

[@north_star@]

نصيحة اختي بالمرات الجاية سوي تشيك إن قبل 48 ساعة من السفر واختاري الكراسي اللي تبغينها

[monatee]

اذا العدد كبير لايحد ينطر منهم توزيع الكراسي
اول ماتحجز من السفريات وترجع البيت شوفلك اي حد من قرايبك ولا ربعك
يدخل على الحجز اون لاين ويغير مكان الكراسي
وكل ماكان بدري يكون افضل ، ساعات الرحله تشوفها فاضيه وقت الشيك ان لكن يكون عليها ركاب جايين ترانزيت
وحتى لو حجزت بنفسك اون لاين ، بعد لازم تدخل الموقع مره ثانيه تضبط الكراسي

[naklan]

انا أحجز التذكرة ورقم الكرسي اعرفه قبل
لا اروح للمطار وما انتضر الكونتر يشوف لي كرسي
السفرة الجاية اختي من السفريات اختاري الكراسي ولا
توهقين نفسج وتتفرقون في الطيارة انا من بعد سفرة
أمريكا الداخلية بين الولايات شفت العجب الولد في
جهة والام في جهة والأب مكان ثاني صرت من
السفريات احدد الكراسي والاكل بعد ممكن
في بعض الخطوط الجوية لذالك حددي
الكراسي بدري وريحي راسج

[وليف الشوق]

للامانه اشكر الخطوط القطرية للتعامل معي واطفالي على رحلة الدوحه / أمريكا وكان معاي 5 أطفال وانصدمت من ىالتعامل الراقي للخطوط القطرية في مطار حمد وانا والله والله اشكرهم للتعامل الراقي ووضعهم جنبي على الدرجه الأولى وتغيير الدرجه من السياحيه الى الأولى ليكونوا بالقرب مني

[يمامـة]

هو للامانة..

مع الحجز يكون التأكيد على اماكن الكراسي..
و اذا صار ان ننصدم في الطيارة

و لا مرة المضيفيين ما بذلوا قصارى جهدهم
انهم يحلون المشكلة..

لكن مرات المسافر هو اللي يعاند و يتشبص
في الكرسي كأنه ملك خاص له و شاريه..

و مرات كثيريين على درجة عالية من الذوق
يتنازلون عن كراسيهم مراعاة للحالات الاسرية..

و مثل الامور هذي تصير في كل خطوط الطيران..

لذلك لابد من الحرص على اختيار مواقع الجلوس
في الطيارة من بداية الحجز..
فاذا انتي ما اخترتي من البداية

لا تحاسبين شركة الطيران لان غيرج مختار
قبلج و من حقه انه يقعد على الكرسي اللي هو مختاره
بغض النظر اذا عندج اطفال او لا.

و اتمنى لكم رحلة سعيدة..

[معماري قطري]

للامانه اشكر الخطوط القطرية للتعامل معي واطفالي على رحلة الدوحه / أمريكا وكان معاي 5 أطفال وانصدمت من ىالتعامل الراقي للخطوط القطرية في مطار حمد وانا والله والله اشكرهم للتعامل الراقي ووضعهم جنبي على الدرجه الأولى وتغيير الدرجه من السياحيه الى الأولى ليكونوا بالقرب مني

ما اخبر فيه اولى لأمريكا سووا ألحين؟

[Rider]

فعلا الواحد يحجز عن مكتب معتمد ويكون عارف كرسيه ومب اعتمد على كونتر القطرية لي في المطار

[bohilal191]

انا لما أحجز التذاكر اوون لاين وأدفع اختار الكراسي على طول والحين عادي ان شاء الله نحجز قبل السفرة بعشر شهور بعد نقدر نختار الكراسي واللي صار معاج انج ماختاريتي الكراسي عقب الحجر مباشرة

[معماري قطري]

انا لما أحجز التذاكر اوون لاين وأدفع اختار الكراسي على طول والحين عادي ان شاء الله نحجز قبل السفرة بعشر شهور بعد نقدر نختار الكراسي واللي صار معاج انج ماختاريتي الكراسي عقب الحجر مباشرة

عيب بعض الموظفين والسفريات ما يوضحون .. وعيب الكاونتر أوقات يتورطون مع العدد الكبير ويخلصونهم بطريقة املأ الفراغ

وعتب كاتبة الموضوع في محله وتنبيه للي ما يعرف

انا اخترت الكراسي كرسيين كرسيين جنب بعض .. وكانت عندي رحلة متأخرة انفتحت رحلة ثانية رحت أغير ودفعت قيمة التغيير 1500 ريال وحتى حجزت الكراسي

[معماري قطري]

فعلا الواحد يحجز عن مكتب معتمد ويكون عارف كرسيه ومب اعتمد على كونتر القطرية لي في المطار

تعودت احجز من فروع القطرية ولا اروح لموظف عادي والا موظفة مبتدئة .. خصوصاً الهنود والفلبينيين شغلهم سريع لكن ناقص ويعطونك السعر الرسمي لكن مدير الفرع والموظف المتمكن وخصوصاً العرب يسهلون أُمورك ويوضحون كل شيء

[ورد الدوحه]

اشكر جميع من تفاعل معاي في الموضوع
اولا انا غلطت اني ماختار مكان من السفريات
وجيت من وقت واخترت من المطار وراواني الاماكن
وقال لي انتو سيدين كاملين لانه معاكم اطفال
وطلع كذااب للأسف حط ربعه جداام
وكل وحده منا معاها هندي او فلبيني احذاها
انا ماهمني ذيه كله
ابي اعرف شلون طفله في عمر السنتين اللي المفروض تكون جنب امها
ايحطونها بعيد وايد وانا أمأكده عليهم
وبكل وقاحة يرد الموظف الاثيوبي خليها عادي!!
ماكلفوا نفسهم انه يدورون لنا مكان
انا يوم جيت تايلند اكتشفت انه نص القطريين
جايين على الطيران العماني ويمدحونه
وأرد اقول حسبي الله ونعم الوكيل على اللي سووه فينا

[ورد الدوحه]

للامانه اشكر الخطوط القطرية للتعامل معي واطفالي على رحلة الدوحه / أمريكا وكان معاي 5 أطفال وانصدمت من ىالتعامل الراقي للخطوط القطرية في مطار حمد وانا والله والله اشكرهم للتعامل الراقي ووضعهم جنبي على الدرجه الأولى وتغيير الدرجه من السياحيه الى الأولى ليكونوا بالقرب مني

ايه لازم تشكرهم لانك درجة اولى
اللي يبي يذوق الويل يقعد سياحية
حتى اكلهم استغفر الله تغير
حاااار ولاحد كلاه
حاطين فلفل شطوله في الصالونه
وطبعاً خلاص مافي دعاء السفر🙂ولاتعليمات السلامه

[bohilal191]

ايه لازم تشكرهم لانك درجة اولى
اللي يبي يذوق الويل يقعد سياحية
حتى اكلهم استغفر الله تغير
حاااار ولاحد كلاه
حاطين فلفل شطوله في الصالونه
وطبعاً خلاص مافي دعاء السفر🙂ولاتعليمات السلامه

اختلف معاج من ناحية الدعاء والأكل بصراحة توني جاي من أنطاليا عند الاقلاع من الدوحة ومن انطاليا كانوا حاطين الدعاء وتعليمات السلامة الحين صارت شرح بالفيديو وبعد كانت موجوده والأكل بعد كان حلو ومافيه فلفل،،،والظاهر رحلات تايلاند الاكل كله فلفل ههههههههههه وعلى فكرة رايح على السياحية

[مضارب دوسري]

اشكر جميع من تفاعل معاي في الموضوع
اولا انا غلطت اني ماختار مكان من السفريات
وجيت من وقت واخترت من المطار وراواني الاماكن
وقال لي انتو سيدين كاملين لانه معاكم اطفال
وطلع كذااب للأسف حط ربعه جداام
وكل وحده منا معاها هندي او فلبيني احذاها
انا ماهمني ذيه كله
ابي اعرف شلون طفله في عمر السنتين اللي المفروض تكون جنب امها
ايحطونها بعيد وايد وانا أمأكده عليهم
وبكل وقاحة يرد الموظف الاثيوبي خليها عادي!!
ماكلفوا نفسهم انه يدورون لنا مكان
انا يوم جيت تايلند اكتشفت انه نص القطريين
جايين على الطيران العماني ويمدحونه
وأرد اقول حسبي الله ونعم الوكيل على اللي سووه فينا

اكبر خطا اختيار السيد الامامي
لانه هالسيد بالذات يتم توزيعه على اللي عندهم اطفال رضع بالمقام الاول اللي اعمارهم تحت سنتين ف اختياره يعتبر مجازفه لان لو تم حجز لطفل عمره اقل من سنتين ف دايركت يتم تغيير مقاعد اللي قدام واعطاءها لاهل الرضع وهني تصير الوهقه للي كان حاجز السيد الامامي !
الموظف ولا المدير ولا حتى اكبر الباكر يقدر يغير المقاعد على السستم والمقعد محجوز لشخص اخر فقط في حالة انه تم الغاء حجز بعض الركاب هنا يقدرون يساعدونكم او ان الطياره مب مليانه
المره الجايه اختاروا من السيد الثاني وفوق
ولازم رقم المقعد يكون في التذكره اللي تستلمينها


اما بخصوص الدعاء ف موجود للامانه

اما الاكل الله يعز النعمه
و الافضل اصلا الابتعاد عنه لانه مايكون فالطيران فرش بس يسخنونه ويوزعونه !!
اشتروا من المطار شبس على بسكويت وما الى ذلك واكلوه فالطياره ابرك او اكتفوا بالمشروبات اثناء الرحله

بالتوفيق

[ورد الدوحه]

اكبر خطا اختيار السيد الامامي
لانه هالسيد بالذات يتم توزيعه على اللي عندهم اطفال رضع بالمقام الاول اللي اعمارهم تحت سنتين ف اختياره يعتبر مجازفه لان لو تم حجز لطفل عمره اقل من سنتين ف دايركت يتم تغيير مقاعد اللي قدام واعطاءها لاهل الرضع وهني تصير الوهقه للي كان حاجز السيد الامامي !
الموظف ولا المدير ولا حتى اكبر الباكر يقدر يغير المقاعد على السستم والمقعد محجوز لشخص اخر فقط في حالة انه تم الغاء حجز بعض الركاب هنا يقدرون يساعدونكم او ان الطياره مب مليانه
المره الجايه اختاروا من السيد الثاني وفوق
ولازم رقم المقعد يكون في التذكره اللي تستلمينها


اما بخصوص الدعاء ف موجود للامانه

اما الاكل الله يعز النعمه
و الافضل اصلا الابتعاد عنه لانه مايكون فالطيران فرش بس يسخنونه ويوزعونه !!
اشتروا من المطار شبس على بسكويت وما الى ذلك واكلوه فالطياره ابرك او اكتفوا بالمشروبات اثناء الرحله

بالتوفيق

هلا اخوي
انا ماخترت اماكن اماميه
انا قلت مانبي جنب الرجال ونكون على الاقل جنب بعض
واصلا اللي محتلين الكراسي الامامية من الجنسية الهنديه وبدون اطفال

ولي عودة:anger2:

[ya3coub]

هلا اخوي
انا ماخترت اماكن اماميه
انا قلت مانبي جنب الرجال ونكون على الاقل جنب بعض
واصلا اللي محتلين الكراسي الامامية من الجنسية الهنديه وبدون اطفال

ولي عودة:anger2:

اذا قب 48 ساعه اهم يكون لهم الأولوية لأنهم جاين من رحلة ثانية فالـــ48 ساعه مالتهم قبل الرحلة الأولى اللي لهم و يختارن الكراسي لين اخطر الخط.

عن السفريات حتى السفريات لهم القدرة انهم يحجزون الكراسي و تتأكدين بنفسج اختي لأن لما اسافر مع اهلي دايما اطلب كراسي و يقولونلي تم و يطبعون الوردنج اقرى كل مسافر وين بيقعد و اذا عجبني عقب اتحرك اذا ما عجبني اقولها سمحيلي انتي قلتي كذا و طبعتي شي ثاني تلقين ويهم يتلون بس الي صار صار و درس خصوصا مع اليهال

و عن موضوع تغيير الكراسي انا واحد من الناس صرت ما اغيَر مكاني شنو ذنبي احجز و ادخل قبل و اختار المكان اللي ابيه و فالطيارة تجيني وحدة فقط لأنها امرآة و بالأغلب اسلوبهم غير حضاري و تتحلطم علشان اعطيها مكاني.

و في اللي صحيح عوائل و هاي يستاهلون اذا بروحي اتحرك صج مرات يحز بخاطري بس اقول انا اذا مع هلي و صار هالظرف بحاول اني اسوي شي مشابه.


نصيحه اي رحلة طيران تاخذين الحجز اذا من سفريات و مع تاريخ الرحلة و رقمها و الخ بتلقين الكراسي اهم شي تنطبع كل مسافر و ركم كرسيه

[JN000N]

اكبر خطا اختيار السيد الامامي
لانه هالسيد بالذات يتم توزيعه على اللي عندهم اطفال رضع بالمقام الاول اللي اعمارهم تحت سنتين ف اختياره يعتبر مجازفه لان لو تم حجز لطفل عمره اقل من سنتين ف دايركت يتم تغيير مقاعد اللي قدام واعطاءها لاهل الرضع وهني تصير الوهقه للي كان حاجز السيد الامامي !
الموظف ولا المدير ولا حتى اكبر الباكر يقدر يغير المقاعد على السستم والمقعد محجوز لشخص اخر فقط في حالة انه تم الغاء حجز بعض الركاب هنا يقدرون يساعدونكم او ان الطياره مب مليانه
المره الجايه اختاروا من السيد الثاني وفوق
ولازم رقم المقعد يكون في التذكره اللي تستلمينها


اما بخصوص الدعاء ف موجود للامانه

اما الاكل الله يعز النعمه
و الافضل اصلا الابتعاد عنه لانه مايكون فالطيران فرش بس يسخنونه ويوزعونه !!
اشتروا من المطار شبس على بسكويت وما الى ذلك واكلوه فالطياره ابرك او اكتفوا بالمشروبات اثناء الرحله

بالتوفيق

لا في هذي سلامتك

مجربتهم في كذا سفره وولدي عمره سنه لين صار عمره سنه ونص
السيد الاول شيبان اجانب وهنود
ومره انا وولدي وخالتي
ولدي ف حضني واكيد ابي سيد قدام وحجزي كان عدل لكن طلع جنبنا ريال عربي والكراسي ضيقه يعني اقعد جتفي يطق بجتفه ولا رضى يقوم ولا تحرك من مكانه والمضيفه بدل ما تبدل كرسيه هو بدلت كرسيي انا وانا الي محتاجه هالكرسي
يا اني دعيت عليه دعاوي وسبيته سب اصلا ف ويهه قلت شبيرده؟ لو فيه خير جان قحص وراح مكان ثاني بس السنع مب حوله

[ورد الدوحه]

لا في هذي سلامتك

مجربتهم في كذا سفره وولدي عمره سنه لين صار عمره سنه ونص
السيد الاول شيبان اجانب وهنود
ومره انا وولدي وخالتي
ولدي ف حضني واكيد ابي سيد قدام وحجزي كان عدل لكن طلع جنبنا ريال عربي والكراسي ضيقه يعني اقعد جتفي يطق بجتفه ولا رضى يقوم ولا تحرك من مكانه والمضيفه بدل ما تبدل كرسيه هو بدلت كرسيي انا وانا الي محتاجه هالكرسي
يا اني دعيت عليه دعاوي وسبيته سب اصلا ف ويهه قلت شبيرده؟ لو فيه خير جان قحص وراح مكان ثاني بس السنع مب حوله
مثل حالتي بالضبط.....
والله انا طول الطريج وانا أدّعي عليهم
زين ماطاحت الطياره خخخخخ
حسيت انه مضيفين الطياره يشجعون على الاختلاط
القطريات مع الاجانب
حسبي الله عليهم وعلى النحيسين اللي مايبون يغيرون اماكنهم
انا والله حامله بنتي وادور من مكان لين مكان:cry2::cry2::cry2::cry2::cry2:
ولاحد مفتكر
الله كريم بس.....

[nooora]

من سنة وما نسافر بالقطرية اسعارهم مبالغين فيه

[غيم الجنوب]

اختاروا كراسيكم من البدايه ولا توهقون العالم معاكم،،
بخصوص فلبيني وهندي مع طفله عمرها سنتين!!!
يستهبلون المفروض الكراسي لكم ويحق للقطريه تجبرهم يغيرون هذا حسب شروط التذكرة
الكراسي الاماميه لكم
شلون مقعدينهم جنب طفله عمرها سنتين وامها بعيد!! واكيد لازم يلكونها لانه فريييي

[بوخالد911]

أول ما احجز التذاكر

أدخل على الحجز
إدارة الحجز
اختار الكراسي بالمكان اللي يناسبني

[ورد الدوحه]

اختاروا كراسيكم من البدايه ولا توهقون العالم معاكم،،
بخصوص فلبيني وهندي مع طفله عمرها سنتين!!!
يستهبلون المفروض الكراسي لكم ويحق للقطريه تجبرهم يغيرون هذا حسب شروط التذكرة
الكراسي الاماميه لكم
شلون مقعدينهم جنب طفله عمرها سنتين وامها بعيد!! واكيد لازم يلكونها لانه فريييي

والله انهم مب صاحيين في توزيع الكراسي وأغبياء ....
حسبي الله عليهم

بس في العودة انا اتصلت في السفريات قبل الرجعه بيوم وكلمتهم وقلت لهم نبي كراسي جنب بعض
والحمدلله الله سخر لنا وقعدنا مع بعض
صج اللي مايختار كراسي ويتأكد من الارقام بيندم طول عمره :thumbdown::thumbdown::thumbdown:

[ورد الدوحه]

أول ما احجز التذاكر

أدخل على الحجز
إدارة الحجز
اختار الكراسي بالمكان اللي يناسبني
وين ذي أون لاين ؟؟؟؟؟
والله انا ماعرف هالسوالف :no:
اكتبوا لي بالتفصيل

[غايه الطواش]

للامانه اشكر الخطوط القطرية للتعامل معي واطفالي على رحلة الدوحه / أمريكا وكان معاي 5 أطفال وانصدمت من ىالتعامل الراقي للخطوط القطرية في مطار حمد وانا والله والله اشكرهم للتعامل الراقي ووضعهم جنبي على الدرجه الأولى وتغيير الدرجه من السياحيه الى الأولى ليكونوا بالقرب مني

اخوي اي ولايه فيها درجه اولى؟؟

لاني كنت فالسابق اتجنب اسافر ع القطريه امريكا لان مافيها اولى
لكن حاليا مجبره

رحت نيويورك وميامي ولوس انجلوس على بزنس
وهلي راحو واشنطن بزنس ؟؟
فيه وجهات جديده؟؟

[غايه الطواش]

والله انهم مب صاحيين في توزيع الكراسي وأغبياء ....
حسبي الله عليهم

بس في العودة انا اتصلت في السفريات قبل الرجعه بيوم وكلمتهم وقلت لهم نبي كراسي جنب بعض
والحمدلله الله سخر لنا وقعدنا مع بعض
صج اللي مايختار كراسي ويتأكد من الارقام بيندم طول عمره :thumbdown::thumbdown::thumbdown:

الافضل قبلها ب48 او عند الحجز لان الناس تقدر تغير اماكن جلوسها اونلاين

[ورد الدوحه]

الافضل قبلها ب48 او عند الحجز لان الناس تقدر تغير اماكن جلوسها اونلاين


والله توني ادري انه يحجزون كراسي
مشكورين كلكم على المعلومات

الله يحفظكم:d