خلاطات المغاسل والشورات غروهي

[$الملياردير$]

السلام عليكم ورحمة الله وبركاته ... الله يعطيكم العافية جميعا ... بغيت اعرف من هو اللي يبيع غروهي الأصلي من خلاطات و شورات وهل فيه مغشوش لا حظت كذا محل يبيعة ... كافود ... العامودي ...المتحدة ... نابينا ... شبيب العطية ... شلون اعرف الأصلي ... دلوني الله يجزاكم خير ... واذا تعرفون وين احصل مغاسل حلوه أكون شاكر تحياتي للجميع

[ابوعلي]

وعليكم السلام ورحمة الله وبركاته

عندك اخوي محمد واخوانه (( في نجمه عند الشاهين ))

[معماري قطري]

السلام عليكم ورحمة الله وبركاته ... الله يعطيكم العافية جميعا ... بغيت اعرف من هو اللي يبيع غروهي الأصلي من خلاطات و شورات وهل فيه مغشوش لا حظت كذا محل يبيعة ... كافود ... العامودي ...المتحدة ... نابينا ... شبيب العطية ... شلون اعرف الأصلي ... دلوني الله يجزاكم خير ... واذا تعرفون وين احصل مغاسل حلوه أكون شاكر تحياتي للجميع

عليكم السلام ورحمة الله وبركاته

غروهي وهانز غروهي عند كل المحلات اللي ذكرتها .. يختلف حسب النوع سعره وحسب بلاد الصناعة وكله يعتبر أصلي .. عند تدمر شفت شبيب وعلي العطية شفت .. هذي المواد ما لها وكيل محدد

انا جربت قروهي وداميكسا داميكسا بلجيكي راقي وغالي بس داميكسا واحد عندي ينقط قروهي ما فيه بعده ولو حصلت ألماني خذ وانت مغمض

[saeed2005]

وكيل قروهي العمودي

[Bo3essa]

تدمر العمودي العاصمه المتحدة كلهم شركات كبيرة وتبيع جروهي
جروهي يجي
الماني و تايلندي وبرتغالي
والي اعرفه ان كلهم ممتازين بس الفرق الشكل يعني الألماني شكله غير التايلندي غير عن البرتغالي
انا توني ماخذ من تدمر عندهم عروض تخلص اخر الشهر
العروض عندهم طقم حمام كامل ( خلاط + خلاط شاور + اكسسوارات + شطاف + المحابس + عامود الشاور ) العروض عبارة عن ثلاثة أنواع
الأول سعره 1390 خذته حق غرف الخدم + البنتهاوس.
الثاني سعره 2190 خذته حق غرف العيال.
الثالث سعره 4000 وشي ماخذت منه.
بالنسبة لحمامي الرئيسي خذت من المتحدة هانز جروهي.
والمغاسل خذت من توتو من نابينا الي تتعلق يسمونها نص عامود حق غرف العيال.
المجلس وحمامي الرئيسي خذته رخام من الرخام الذهبي ( جلال ).

[معماري قطري]

مشكور بو عيسى ما قصرت التجارب الحديثة كاملة بالأسعار توضح لنا وين نروح .. انا ابغي مغسلة مع خلاطها بس وبشوف تدمر والمتحدة كلهم قرب بعض

[$الملياردير$]

جزاكم الله خير جميعا على ردودكم الطيبة و الإيجابية لاخلا ولاعدم ...والله يبارك لكم

[SouthK]

هانز غروهي هي الاصلية ..

[@north_star@]

هانز غروهي هي الاصلية ..

هانزا غروهي غير عن غروهي كل وحدة شركة

[$الملياردير$]

هانزا غروهي غير عن غروهي كل وحدة شركة
صحيح كلامك اخوي هانز قروهي وكيله المتحدة وأسعاره مبالغ فيها شوي ... واصلا اذا تم تأسيس الشور المخفي مثلا على مكينة قروهي ماتقدر تركب مكسر او خلاط قروهي عادي والعكس صحيح ... وهذا صار معاي عشان كنت مركب في الجدار المخفي مكينة قروهي ... فما اقدر اركب اي شور هانز قروهي ..... وفي شي مهم بعد لازم الواحد يأخذ باله منه اللي هو المكينة المخفية في الحائط للشور عند التاسيس لازم تكون مخرجين او مخرج او ثلاث مخارج يعني بعض الأحيان يجي منها سنغل وي ودبل وي للرين شور و الهاند شور ... فهذي تحسب من البداية مع الشكر

[$الملياردير$]

الزبدة اللي وصلت لها ان اعزكم الله الحمام يكلف اكثر من الغرفة نفسها هههههههههه

[$الملياردير$]

ولا فيه وكيل لقروهي جميعهم موزعين وأرقام القطع او السريل نمبر واحد عندهم كلهم بالضبط .... كلهم عندهم نفس الكاالتوج و المانول .... عليك بس مقارنة الأسعار وتختار اللي يعطيك نسبة الخصم او السعر المناسب ... تحياتي

[معماري قطري]

هانزا غروهي غير عن غروهي كل وحدة شركة

مب غير كلهم تابعين للشركة الأساسية بس استوى انفصال بسيط وتوسع كل وريث سوى شركة بإسمه .. هذا اللي سمعته لكن أساس الصناعة واحد

[معماري قطري]

ولا فيه وكيل لقروهي جميعهم موزعين وأرقام القطع او السريل نمبر واحد عندهم كلهم بالضبط .... كلهم عندهم نفس الكاالتوج و المانول .... عليك بس مقارنة الأسعار وتختار اللي يعطيك نسبة الخصم او السعر المناسب ... تحياتي

صحيح واللي سمعته من مختص ببيع القطع الصحية إن كل ما يشاع بأن فلان وكيل كذب وسمعة بس .. يقول جاه واحد محله يهدد ليش يبيع بلاط معين وهو وكيله يقول طردته وقلت له اشتك لتدخل محلي مرة ثانية وراح ولا قدر يشتكي ولا شفت ويهه

[$الملياردير$]

مشكور بو عيسى ما قصرت التجارب الحديثة كاملة بالأسعار توضح لنا وين نروح .. انا ابغي مغسلة مع خلاطها بس وبشوف تدمر والمتحدة كلهم قرب بعض
وترى محل العمودي الجديد اول محل بعد إشارة قطر للديكور قبل التيسير يعني نفس البلوك اللي فيه المتحدة بس اول محل بحكم انهم سكرو محلهم القديم .... للعلم بوعبدالله مع الشكر

[معماري قطري]

وترى محل العمودي الجديد اول محل بعد إشارة قطر للديكور قبل التيسير يعني نفس البلوك اللي فيه المتحدة بس اول محل بحكم انهم سكرو محلهم القديم .... للعلم بوعبدالله مع الشكر

مشكور الله يسلمك .. اليوم رحت ابي تدمر وصلت 8 ونص وكانوا مسكرين

عن إن الحمام مكلف قبل قريت مقال يقول أكثر البيوت مبيعاً هي اللي شغل الحمامات والمطابخ راقي وغالي .. وصحيح في كل العالم هذي الغرف الصغيرة هي أغلى شيء في البيت .. قرب الحمام من غرفة الملابس والمكياج بعد ميزة