هذا اللي صار لي في بانكوك!!!

[ورد الدوحه]

السلام عليكم ورحمة الله
انا في بانكوك حالياً
اول ماوصلت مطارهم رحت للصراف عندي فلوس اقطريه ابي احولها عملتهم (بات)
قلت لهم لو سمحتوا فيه تغيير عمله
قالت ايه
اول ماطلعت الفلوس من الشنطه
وشافتهم الموظفه ،،،، قالت نو نو نو نو قطر نو
وكلمت اللي جنبها قالت نوووو Qatar No
استغربت قلت لها السعوديه قالت No problems
also بحرين امارات
only Qatar No
ماخبر تهاوشنا مع تايلند هههههه
رجعت قلت لها كل البنوك في تايلند ماتقبل
قالت yes
حد راح تايلند هالايام وتعرض لهالموقف؟!!!!

[عاشق العديد]

من بداية الحصار وهالموضوع صاير

وسبب انه في بعض الصرافين مملوكين لاشخاص اماراتين وغيره
ولكن بشكل رسمي لو رحتي بنك او صرافه معروفه راح يكون الصرف عادي ومافيه اي مشكله

ولكن ناقص يمكن خمسمية بات او الف بات يعني بالقطري اميه مييتين فرق بس

[مستـريــح البـــال]

اكيــــد،، تصرفات فرديه من اشخاص خايفين من على الفلوس لا يخســـرونها ..

جرب من البنـــوك المعـــروفـــه،، دائمـــا خــــذ ويـــاك دولارات ..

[naklan]

موضوع غريب
المعروف ان الي يسافر يأخذ معه دولارات
وحتى صرف الريال لو وجد يصرف بخسارة باهضة
وبغير ثمنه فلذالك الصرف ان لم يكن تبديل دولار
يفضل الصرف من الصراف الآلي يبدل بسعر
محترم بلا عمولة غير خصم 6 ريالات للبنك
وانا مجرب الصراف الآلي شغال في اي جهاز
دولي يحمل علامات البطاقة
وبالنسبة لعدم صرف الريال من بعض الصرافين
فهو قرار شخصي وليس إنه ممنوع صرفه
اذهبي الى صرافين نانا
اغلبهم مسلمين ويبدلون الريال
بكل سهولة ويسر

[الحياة الخالدة]

وعليكم السلام ورحمة الله وبركاته

هالشي كان صاير بالفعل في بداية الأزمة وطبعاً الحمارات من ورا هالمشكلة
لكن أستغرب أنها لحد الآن موجودة
مع أن القطريين ما زالوا يرتادون بانكوك وبأعداد كبيرة

[naklan]

للعلم العملة القطرية مربوطة بالدولار ولا تفقد ثمنها
نزول الدولار ينزلها وطلوعه يصعدها

اما حكاية صرف الريال السعودي او الدرهم
اولا اغلب المحلات الصرافة ملك لمواطنين إماراتيين
وسعوديين ويتحكمون لأسباب سياسية

ثانيا قله وجود القطريين في تايلند
بالنسبة للتواجد الاماراتي في ال15 سنه
الماضية اكثر شعب متواجد تارسين تايلند

اما اذا ما خذني معاج دولار فهو قلة خبرة منج
في اي مكان في العالم خذي معك دولار او غيري
لعملتهم من قطر

وخيارك الان ان يبعث لك اهلك تحويل عن طريق
واسترون انيون من العملة القطري وتستلمينها بات
اذا تعثر التبديل واوفر من تبديل الريال

[ورد الدوحه]

مشكورين على ردودكم اخواني وخواتي
انا ولله الحمد عندي بطاقتين واقدر اسحب من اي مكان
بس كان عندي شوية خردة قلت باصرفهم وماتوقعت ردة فعلهم شوي ويطقوني
الله يعز قطر والحكومه ولايحوجنا لهم :shy::shy:

[naklan]

للعلم فيه دول عملتها الرسمية غير مقبولة مثلا عملة
كمبوديا لا تقبل الا فيها وكنت اصرف دولار وادفع بالدولار
وحتى في دول ملاصقة مثل تايلند ما يبدلون عملة
كمبوديا ولا اجد مشكلة في ذالك الا اتخاذ
قرار الصرف في الداخل وعدم ترك
شي من عملتهم وقت الخروج
من البلد

[qatarman8008]

صار معاي في مطار كوالالمبور نفس الشي..
العملة القطرية غير مقبولة..
يرجى تدخل اصحاب الاختصاص ..

[السيف5]

كنت بتايلند شهر 4 اللي راح وصرفت عادي
بشارع العرب

[ya3coub]

احنا الحين عندنا بطاقات فيز و صراف آلي و لا تخلونهم بنفس البوك.

انا عن نفسي نسيت موضوع التصريف من زمان اول ما انزل المطار اذا المواصلات مو أكيد اصرف رقم فالنص بحسب الي يطلعلي لما ابي كاش

اما غيره كللللللللللللللللللللللللللشي ببطاقة الصراف او الفيزا و إذا كلش لازم كاش رحت اقرب مكينة و سحبته بعملتهم تراهاريح اهم شي تكلم البنك يفعل بطاقاتك علشان ما ينكبك و بس امورك سليمة

[عطر فرنسي]

الواحد دائما يروح اي دوله ياخذ معه دولارات افضل

[ابو عبدالله.]

المفروض ان الخارجيه تخاطب سفارات الدول للاستعلام عن اي وقف لتداول الريال فيها

واذا محل ما يحول يتم اتخاذ الاجرائات ضدها في بلاده عشان الي ما تربى يتربى

الدول فيها قوانين مش كل تاجر ع كيفه

دق خشوم اذا حد ياخذ موقف ضد قطر

[الحياة الخالدة]

المفروض ان الخارجيه تخاطب سفارات الدول للاستعلام عن اي وقف لتداول الريال فيها

واذا محل ما يحول يتم اتخاذ الاجرائات ضدها في بلاده عشان الي ما تربى يتربى

الدول فيها قوانين مش كل تاجر ع كيفه

دق خشوم اذا حد ياخذ موقف ضد قطر
هذا الكلام المضبوط

[غيم الجنوب]

مال اول اروح الصراف و بعالعاده ينصبون عليك لانك سايح وصراف في مكان سياحي،،،
الافضل يوم توصل تسحب لك المبلغ الي تبيه عن طريق الصراف الآلي ،،، اوفر لك حسب التجربه

واستخدم بطاقتك فالمشتريات خل الكاش للي مايوفر خدمة البطاقه

[بوخالد911]

يفضل قبل السفر اصرف لك بات

ولما توصل
اسحب من atm

[ورد الدوحه]

مشكورين على المعلومات
وحياكم الله جميعاً
:thumbup:

[غايه الطواش]

اختي المفروض تاخذين دولار
اذا انا في قطر قبل لا اروح روسيا مالقيت عند الصرافين عمله روسيا , فاخذت دولار وصرفته علمتهم لما رحت هناك