عيادات رميلة

[ورد الدوحه]

السلام وعليكم ورحمة الله

انا ماخذه حق ولدي موعد حق اسنانه في رميله والحين 3 شهور بدون رد
رحت وكلمتهم ونقلت الطلب لمستشفى الوكرة قسم الاسنان قلت يمكن أسرع ونفس الشي
الموعد عقب سنة كامله
وحاولت في كذا عيادة في الدوحه وبعد الاشعه والتصوير يقولون لي لازم مستشفى رميله لانه يحتاج جراحه
ولدي حالة مستعجله وبصراحة منحرج مسكين انه يروح المدرسة بدون علاج
مادري والله شالحــــل؟؟!

[qatari911]

الله يسهل امورك
كان سويتيها بتايلند ارخص وشغلهم ممتاز

[سعود.]

مالك غير ايران او الاردن

اذا موضوع ولدك معقد

معافى بأذن الله

[ورد الدوحه]

والله ماوديت معاي ولدي تايلند هالمره أحس انه مب شاطرين في الاسنان

و موضوعه مب معقد ولاشي
بس جراحة بسيطة وجهاز ينحط على الاسنان ثلاث سنوات ومب موجود هالجهاز الا في رميله للأسف

اللي عنده واسطه ايجدم موعدي:no::no:
والله يجزيكم خير جميعاً

[يمامـة]

مواعيد الاسنان الظاهر انها مشكلة مالها حل ..
تخترب الاسنان و اتطيح و الموعد للحين ما وصل..

[ورد الدوحه]

مواعيد الاسنان الظاهر انها مشكلة مالها حل ..
تخترب الاسنان و اتطيح و الموعد للحين ما وصل..

ايه والله صاجه اختي الله المستعان

[ya3coub]

للأسف هاي مواعيدنا من سويت الحادث كل موعد عقب 4 شهور.

اذا في هالجهاز برع او بمكان خاص حاولي بالتأمين و للي ما عندهم تأمين قبل تكلمو عن انه افتحو بفلوس تسوين التأمين بس تأكدي انه يغطي

و ما عليه شر ولدج اختي ورد


اليوم ما قدرت احضر الموعد عطوني اقرب موعد شهر 11 !!!!!

[ورد الدوحه]

للأسف هاي مواعيدنا من سويت الحادث كل موعد عقب 4 شهور.

اذا في هالجهاز برع او بمكان خاص حاولي بالتأمين و للي ما عندهم تأمين قبل تكلمو عن انه افتحو بفلوس تسوين التأمين بس تأكدي انه يغطي

و ما عليه شر ولدج اختي ورد


اليوم ما قدرت احضر الموعد عطوني اقرب موعد شهر 11 !!!!!

والله انا بروح ألمانيا عقب كم يوم
بس ماعرف مستشفيات الاسنان اللي هناك
وغير جذيه يبي له متابعه الولد ماقدر كل شهر اروح المانيا :this:

[جبر ال جبر]

الاسنان شي مهم جدا واعتقد الدوله قادره على حل جذري لهذا الامر بزياده عيادات الرميله او تحديث الاجهزه والأطباء في المراكز الصحيه

[ورد الدوحه]

الاسنان شي مهم جدا واعتقد الدوله قادره على حل جذري لهذا الامر بزياده عيادات الرميله او تحديث الاجهزه والأطباء في المراكز الصحيه

ايه والله لازم حل لكن شنقول غير الله المستعان

[معماري قطري]

والله انا بروح ألمانيا عقب كم يوم
بس ماعرف مستشفيات الاسنان اللي هناك
وغير جذيه يبي له متابعه الولد ماقدر كل شهر اروح المانيا :this:

في المانيا العلاج غالي خصوصاً الأسنان

بس ما تخسرين لو تتصلين بالمكتب الطبي في السفارة أو في بون هم يحولونج على مكتب طبي يتعاملون معاه في المدينة اللي انتي فيها .. المكتب الطبي يرسل مترجم ويحجز موعد حسب الحاجة وفي العادة بلاش للقطري كمساعدة من السفارة ولو طلب أتعاب أتعاب الموعد والترجمة 75 يورو .. التقرير العلاجي اللي يقرره الطبيب يعطي فيه تقدير للتكلفة وحتى لو يبدأ في اجراء ممكن تكميله في أي مكان

رقم المكتب الطبي في بون 4916093892051 وحاولي تتصلين بهم قبل لتروحين ومواعيد ألمانيا سريعة

إطلبي مركز صحي جامعي في الغالب يطلع أرخص والخاص غالي .. والجامعي فيه خبراء أبحاث وحقانيين ويسوون خدمة للمجتمع

[معماري قطري]

أما عيادات رميلة ما قصروا معاي في علاج اللثة لكن التركيبات لي سنتين احاول فيهم وللحين محد تنزل يشوفني .. شيسوون وحق من يركبون ما ادري

[ورد الدوحه]

في المانيا العلاج غالي خصوصاً الأسنان

بس ما تخسرين لو تتصلين بالمكتب الطبي في السفارة أو في بون هم يحولونج على مكتب طبي يتعاملون معاه في المدينة اللي انتي فيها .. المكتب الطبي يرسل مترجم ويحجز موعد حسب الحاجة وفي العادة بلاش للقطري كمساعدة من السفارة ولو طلب أتعاب أتعاب الموعد والترجمة 75 يورو .. التقرير العلاجي اللي يقرره الطبيب يعطي فيه تقدير للتكلفة وحتى لو يبدأ في اجراء ممكن تكميله في أي مكان

رقم المكتب الطبي في بون 4916093892051 وحاولي تتصلين بهم قبل لتروحين ومواعيد ألمانيا سريعة

إطلبي مركز صحي جامعي في الغالب يطلع أرخص والخاص غالي .. والجامعي فيه خبراء أبحاث وحقانيين ويسوون خدمة للمجتمع


أما عيادات رميلة ما قصروا معاي في علاج اللثة لكن التركيبات لي سنتين احاول فيهم وللحين محد تنزل يشوفني .. شيسوون وحق من يركبون ما ادري

تسلم اخوي العزيز
بس انا باكون في ميونخ مب بون
ماعرف المسافه بينهم
وحالته يعني ماتستدعي العلاج في الخارج
دام علاجه متوفر في الدوحه
باراجعهم كل يوم لين يتمللون وينادوني

من سنتين تنطر موعد التركيبات:cry2: الله يعيينك والله
الله يسهل الامور ان شاء الله

[معماري قطري]

تسلم اخوي العزيز
بس انا باكون في ميونخ مب بون
ماعرف المسافه بينهم
وحالته يعني ماتستدعي العلاج في الخارج
دام علاجه متوفر في الدوحه
باراجعهم كل يوم لين يتمللون وينادوني

من سنتين تنطر موعد التركيبات:cry2: الله يعيينك والله
الله يسهل الامور ان شاء الله

ذكرت إن هذا مكتبهم الرئيسي وهم يامرون أي مكتب تابع لهم أو يتعاون معاهم وعندهم في ميونخ .. في ميونخ كلمي رقم المكتب مباشر بس احتمال ياخذون اتعابهم أو كلمي مكتب السفارة في بون وبأمر السفارة يسوون الترجمة على الحكومة القطرية

رقم المكتب الطبي الخاص اللي تتعاون معاه السفارة في ميونخ هو 4989943862518 وتبين رقم مترجم سوداني لكن ما فادني في الفترة الأخيرة اعتمدت على نفسي في الموعد وفي الترجمة كذلك والا خلينا منه بعطيج رقم عراقية اسمها عذراء تواصلي معاها وتس أب قبل بتساعدج وان شاء الله موجودة عدي بها من 2015 ورقمها 4917632694748

إحتمال ما يكلف وايد لو في مستشفى جامعي والمكتب الطبي مختص وفاهمين لكل الحالات

[معماري قطري]

الترجمة مع التوصيل بسيارة المترجم على السفارة في العادة ولو كلمتي المكتب مباشر بتكون بحدود 75 يورو ومقابلة الدكتور تعتمد أوقات تطلع 200 أو 400 أو غيرها حسب الدكتور .. انا سويت ام ار اي كان برخيص وطمنوني وقتها كنت حاس بألم قوي في الظهر وكان ألم عضلات أو ضربة هواء

[ورد الدوحه]

الله يجزيك خير اخوي ان شاء الله باكلمهم
ماقصرت يعطيك العافيه

[sara jsm]

تسلم اخوي العزيز
بس انا باكون في ميونخ مب بون
ماعرف المسافه بينهم
وحالته يعني ماتستدعي العلاج في الخارج
دام علاجه متوفر في الدوحه
باراجعهم كل يوم لين يتمللون وينادوني

من سنتين تنطر موعد التركيبات:cry2: الله يعيينك والله
الله يسهل الامور ان شاء الله

صباح الخير اختي
اذا تقدرين وديه مركز نسيم الربيع للاسنان اللي صوب السوق المركزي ..
خذي استشارة عالاقل وشوفي الاسعار .. يمكن يناسبكم

[معماري قطري]

الله يجزيك خير اخوي ان شاء الله باكلمهم
ماقصرت يعطيك العافيه

الله يجزيج الجنة

ألمانيا طبها متطور خصوصاً الجامعي والتفاوض والاستشارة مبلغها بسيط واجراءاتها سريعة .. فيه عيادات قريبة بعد في ميونخ مسافة مشي .. وأي عيادة أسنان تدخلونها يتكلمون انجليزي وبشوشين ويساعدون .. حتى المستشفيات الجامعية فيها أقسام ودسك للمساعدة .. لو تبون ما تتعاملون مع عرب روحوا مباشر حتى بدون موعد الانتظار ما ياخذ دقايق أوقات

لاحظت رقي تعاملهم يوم وديت والدتي لكم مشكلة وبعضها حلوها بسرعة وألغوا عنها أدوية يعطونها في قطر بدون فايدة .. حتى واننا رايحين على حساب الحكومة ما لاحظت عندهم استغلال خصوصاً المستشفيات الجامعية .. بس بعضها لها حول 100 سنة مبنية وكأنها مستشفى عين شمس والا رميلة القديم لكن الجودة في اللي يشتغلون .. الخاص بهرجة والمبنى جديد وبعضهم قصابين جيوب

[R 7 A L]

الله يكون بعونج
انا اعرف شباب موظفين في مؤسسة حمد
وصعب عليهم يحصلون لانفسهم مواعيد قريبة في الرميلة للاسنان
ويضطرون يعالجون برا

[Qatar191]

انا عانيت من اسناني وبعد التوكل على الله سافرت للهند واللهم لك الحمد رحت وشفت اهتمام فوق المتوقع وعالجت جميع الاسنان وسويت زرعات والحمد لله راضي على النتيجه 100‎%‎ طبعاً رحت للهند بعد مادمرو اسناني بعض العيادات الخاصه الشهيره جداً في قطر حسبي الله عليهم ونعم الوكيل

[7aayaahh1]

ثمة هناك مثلث برمودا !! أروح لهم أبي موعد يقولون إتصلي وإذا إتصلت يقولون تعالي أعتقد المواعيد حق ربعهم !!

[معماري قطري]

ثمة هناك مثلث برمودا !! أروح لهم أبي موعد يقولون إتصلي وإذا إتصلت يقولون تعالي أعتقد المواعيد حق ربعهم !!

مرة كنت انتظر موعدي حق جراحة جذر السن وهي جراحة غالية في عيادة رميلة .. وكان معاي واحد ينتظر مستعجل يبين ومن كلامه يبين سوري .. الدكتورة سورية اللي كنت انتظرها وهذا جاي حسب المعرفة بدون موعد ويتكلم مع النرسة لاحظت انه يبي يدخل قبلي قالت له بيخلصون مني سرعة والظاهر علمت الدكتورة وكانت نفسها معاي ما تبي تعالجني عطتني مضاد وقالت تعال موعد ثاني وانا طالع هذا داخل .. يبي لهم متابعة ومراقبين اداريين صارمين

[وليف الشوق]

والله انا بروح ألمانيا عقب كم يوم
بس ماعرف مستشفيات الاسنان اللي هناك
وغير جذيه يبي له متابعه الولد ماقدر كل شهر اروح المانيا :this:


المانيا عاد ؟ عز الله راحت فلوسك ياصابر
انا في امريكا سويت بس مجرد مقابله لدكتور اسنان بـ 3000 دولار يعني فوق الـ 10000 ريال

[الحياة الخالدة]

هاذي مشكلة عيادات رميلة الأزلية
مواعيدها عادي توصل للسنة وزود
الا للواسطات اللي تطلع لك الموعد في نفس اليوم
ومن غير ما أتهم بالعنصرية أغلب اللي يحصلون المواعيد السريعة هم غير القطريين

[معماري قطري]

المانيا عاد ؟ عز الله راحت فلوسك ياصابر
انا في امريكا سويت بس مجرد مقابله لدكتور اسنان بـ 3000 دولار يعني فوق الـ 10000 ريال

تعرضت لسرقة الله يسلمك

انا سويت فحوص وتصوير وعلاج مبدئي بمبلغ ما اذكره بس كان معقول وهذا في عيادة خاصة والطبيب شيبة هندي .. في عيادة مقر العمل اللي كنت فيه قالوا بيشيلون لي 4 ضروس الأخيرة وشلت اثنين ومشى الوضع لأن كانوا ملتهبين وايد وكان شغلهم مجاني حسب اتفاق مع السفارة بس أشياء كثيرة ما يسوونها لذلك رحت للخاص

[7aayaahh1]

مرة كنت انتظر موعدي حق جراحة جذر السن وهي جراحة غالية في عيادة رميلة .. وكان معاي واحد ينتظر مستعجل يبين ومن كلامه يبين سوري .. الدكتورة سورية اللي كنت انتظرها وهذا جاي حسب المعرفة بدون موعد ويتكلم مع النرسة لاحظت انه يبي يدخل قبلي قالت له بيخلصون مني سرعة والظاهر علمت الدكتورة وكانت نفسها معاي ما تبي تعالجني عطتني مضاد وقالت تعال موعد ثاني وانا طالع هذا داخل .. يبي لهم متابعة ومراقبين اداريين صارمين

صاج .. وأعرف لبنانية توها كانت مسويه اقامة بقطر ومسرع ما خذت موعد وتعالجت وخلصت ومشكلة الأسنان لو ما تعالجت تزيد مشاكلها

[حمد 2002]

المانيا عاد ؟ عز الله راحت فلوسك ياصابر
انا في امريكا سويت بس مجرد مقابله لدكتور اسنان بـ 3000 دولار يعني فوق الـ 10000 ريال

قصوا عليك