موضوع يخص العماله المنزليه.. [الأرشيف] - منتديات شبكة الأسهم القطرية

مشاهدة النسخة كاملة : موضوع يخص العماله المنزليه..

qatarman8008

23-07-2018, 11:19 PM

السلام عليكم ورحمه الله..
..
لاحظنا في الفترة الاخيرة كثرة هوب العمالة المنزلية..
مثل الخادمة والسائق والراعي..
كل الشروط في العقد تلزم الكفيل باعطاء المكفول كامل حقوقه وهالشي لاخلاف عليه..
لكن بما يخص حقوق الكفيل نفسه حيث انه دفع مبالغ باهظة من اجل الحصول على شخص يعمل لديه بموجب العقد..
عند رفض المكفول العمل لدى الكفيل فانه يتم اللجوء الى مركز الشرطة ويتم الغاء العقد وصرف قيمة تذكرة للمكفول حتى يغادل بلاده ..
طيب اين حقوق الكفيل هنا..
من يحفظ حقوق الكفيل..
مكاتب الخدم حاليا تطلب مبالغ خيالية من ١٢ الف وفوق ويعطونك ضمان مدة بسيطة فقط لاتغطي مدة العقد اللي هي سنتين..
طيب والحل..
عندي اقتراح هنا واتمنى ان يلاقي قبول..
الحل هو ان يتم استقطاع مبلغ رمزي من راتب المكفول شهريا..
وان يعطى له هذا المبلغ حال مغادرته البلد عند انتهاء فترة عمله..
مثلا اذا كان راتب المكفول الف وخمسمية ريال شهريا ..
نعطيه الف وثلاثمية فقط ويتم استقطاع مبلغ ميتين ريال شهريا..
وعند مغادرته البلد بعد انتهاء العقد ولنفرض انه سنتين يحصل على مبلغ اربع الاف وثمانمية ريال بالاضافة الى تذكرة ..
اما اذا قرر المكفول عدم الاستمرارية في العمل لاسباب شخصية فانه يحصل على تذكرة ويخسر المبلغ المستقطع..
هذا اقل ما يمكن عمله من اجل حفظ حق الكفيل..
اترك لكم التعليق عالموضوع..

المزن الرياني

23-07-2018, 11:32 PM

أقتراح ممتاز
بس وين الي بينفذه من جهه الاختصاص

معماري قطري

23-07-2018, 11:44 PM

qatarman8008

24-07-2018, 10:04 AM

أقتراح ممتاز
بس وين الي بينفذه من جهه الاختصاص

كثير من القوانين تم اعتمادها بعد دراستها واثبات جدوى المنفعه منها..
واذا طالبنا نحن باعتماد هذا للقانون فسيلقى ترحيبا بلا شك..

qatarman8008

24-07-2018, 10:05 AM

انا تعودت اعطيهم مبالغ اضافية من وقت لوقت ونهاية الخدمة لو انها مب مذكورة اعطيهم كل حسب عمله واجتهاده ولو بيروح ويرجع اعطيه سلفة لو يبي وكلهم مرتاحين عندي .. نهاية الخدمة للي بيسافر اجازة في السنتين والسايق يتأخر ثلاث سنين اعطيه 3000 وراتبه يستلمه كامل وصراحة يستاهل

ما اختلفنا عالشغال..
يستاهل كل اللي عطيته ..
احنا نقول اللي تدفع عليه اربعتاعش وخمستاعش الف ويجيك بعد ظ£ شهور مايبي يشتغل ويتهاوش ويبي يسافر ..

sara jsm

24-07-2018, 10:31 AM

وعليكم السلام اخوي قطومان ..

هالفكرة حلوة بس ماتحفظ حققك في النهايه ....
مثلا الخادمة اشتغلت عندك بس خمس شهور .. بتكون خذت منها يدوب الف ريال
وقالت ماابي اشتغل .. هالمبلغ حق التذكرة بس .. ومبلغ المكتب راح عليك :) ..
يبي له قانون ثاني يحفظ حققك او ينزلون سعر الاستقدام لانه وايد غالي..

qatarman8008

24-07-2018, 11:52 AM

في كل الحالات لنيقبل ولا يستطيع المكفول دفع اي مبالغ لتعويض الكفيل ..
ولكن هذي الميتين او الثلاثمية ريال شهريا تستخدم كورقة ضغط على المكفول لاتمام مدة العمل كما هو موضح بالعقد..
اذا لم يتم لاسباب تعود له هو فانه يخسر بقية المبلغ وايضا يخسر التذكرة..
اما نجيبهم ونتكلف ونعطيهم كامل حقوقهم وبمجرد ان يختلف المزاج يقول انا مايبي شغل..!!

qatarman8008

24-07-2018, 11:54 AM

اللي دفعني لكتابه هذا الموضوع هو ازدياد ظاهره رفض المكفول العمل لدى الكفيل والتحجج باعذار واهية ..
وهم يعرفون ان العملية سهله جدا بمجرد ان ينهي فترة ضمان المكتب يطلب نقل الكفالة او العودة للبلد..
وين حقوق الكفيل ياجماعه..!!

معماري قطري

24-07-2018, 02:31 PM

ما اختلفنا عالشغال..
يستاهل كل اللي عطيته ..
احنا نقول اللي تدفع عليه اربعتاعش وخمستاعش الف ويجيك بعد ظ£ شهور مايبي يشتغل ويتهاوش ويبي يسافر ..

هذا اقتراحك ينفع معه ومع الكل والمفروض يضمن حق الكفيل وينكتب في العقد

حمــد

24-07-2018, 02:41 PM

معماري قطري

24-07-2018, 04:57 PM

والله احساسي يقول انه المكاتب نفسها او موظفين فيها وراء هروب الخدم كتنسيق بينهم حاسبينها بالليوم ثلاث اشهر بالظبط تلاقيها هاربه عارفه وين رايحه .. وايضا عارفين وقت رمضان لانه لو اشتغلوا عند المكاتب بالساعه بياخذون اكثر

أي قانون لازم تطلع فيه ثغرات بس واجب المشرع يدقق عدل من البداية ويحط بنود تخدم الطرفين .. بعدين تجي التعديلات على القانون ولازم تكون سريعة وتنشر

ممكن الحكومة أو مكتب خاص في الحكومة يتلقى شكاوي الكفلاء وينصفهم ويحذر هذي المكاتب ويخالفها ويفترض كل مكتب ترخيصه يجي بتأمين مالي عند هذا المكتب اللي يحق له يخصم من التأمين لصالح المتضرر ولنكون عادلين أول سنتين كاملين لو فسخ العقد الكفيل ياخذ فلوسه كاملة .. بهذا كل المكاتب بتلتزم

qatarman8008

25-07-2018, 06:29 AM

ان اشوف ان مده ضمان المكتب وهي ثلاث شهور تقريبا مدة عادلة..
المشكلة مو هما المشكله في المكفول نفسه يكون عنده خطه انه يدخل البلد وياخذ الاقامه وعقب ينقل الكفالة لجهه عمل خدمية وليست منزلية..
لان قطاع الخدمات يشغلونهم ثمان او اثناعش ساعه فقط وباقي الوقت له ويعطونهم يوم اجازة في الاسبوع يطلع يروح المكان اللي يبي ورواتبهم فوق ثلاث الاف وفيه اوفرتايم..

يمامـة

26-07-2018, 01:58 PM

مرة اقترحت زراعة شريحة في جسد المكفول
حتى نمنع هروبه و نوصل له اذا هرب..

انصعقت بنتي و قالت لي هالشي مخالف لحقوق
الانسان..
فبأي حق تعطين عمرج الحق انج
تتبعين العامل في تحركاته :( هذيه في العرف الحقوقي للانسان تعدي على الخصوصيات..
انحرت فكرتي نحر .. و منعتني من تسجيل
براءة اختراع لفكرتي .. و اللي من خلالها بيمتنع
العامل من الهروب لان صايدنه صايدنه..

الا اني اليوم سعدت لفكرة الخصم من راتبه
و لابد من العمل على حفظ حقوق الكافل
و المكفول.. لان صحيح العمال فقارى

لكن ربنا ما يرضى بالظلم.. الكفيل يدفع
و العامل يشرد من هوى راسه و عقب تعال
ادفع له كامل مستحقاته و سفره معزز و مكرم!!

qatarman8008

26-07-2018, 02:07 PM

يمكن الشريحة تكون حل صعب..
الحل السهل انه اذا شرد يخسر هو كامل مستحقاته..
لو كانت حالات الهروب فردية وقليله فالموضوع هين..
لكن صرت اسمع تقريبا في كل اسبوع ياعامل شارد او عامل رافض يشتغل..
فلابد من وجود حل يحفظ حقوق الكفيل ..

sara jsm

26-07-2018, 02:39 PM

الحل اللي يحفظ حقك هو انك تجيبهم من برع المكتب ..
تدفع ربع المبلغ حق الشخص الوسيط وانت تتحكم بباقي الامور ..
ماتقدر تشرد لان الاوراق الرسميه عندك و اذا عيت تشتغل تخليها عندك لين ترجع المبلغ اللي دفعته ..
يمكن هي حلول غير انسانيه بس تحفظ فيه حققك .. انت بتخسر فيزا وتذكرة وقمسيون واقامة.. والناس مب لاقيه فلوسها بالشارع ..

qatarman8008

26-07-2018, 04:14 PM

هنا في مشكله ثانية..
وهي ان المكتب يضمن احتراف الشخص للمهنه وعدم خلوه من الامراض او العيوب ويعطيك ضمان ثلاث شهور..
اذا اتضح خلال هالفترة ان المكفول لايجيد المهنة او فيه مرض لاسمح الله فان المكتب يتحمل كل التكاليف بما فيها قيمه التذكرة..
اما الكفالة الشخصية بالممفول يتحمل كل شي واذا طلع فيه احد العيوب المذكورة اعلاه فلا تعويض..
اضيفي الى هذا ان المكتب يقدر يستقدم جنسياا لا يمكن جلبها الا عن طريق مكتب خدم..
وفي كل الحالات المكتب يسلم كل الاوراق للمكفول ..
الاوراق ما تضمن اي حق ..!!

aloosh

26-07-2018, 08:31 PM

الحمد لله عندي اللي صار له 15 واللي 11 سنه
رواتبهم تجيهم في وقتها اشتري لهم ملاب وحاجاتهم
موفر واي فاي لهم يتواصلون معا اهلهم
ومبسوطين وزي الفل

اغلب الخدم يهرب من سوء المعامله

qatarman8008

27-07-2018, 12:03 AM

اذن انت بخير ونعمه..
وانشاءالله ما تشوف اللي شفناه من هالمكفولين..
اغلبيتهم يشردون ليس من سوء المعاملة..
ولكن بسبب خطه تكون مرسومه قبل ان يصل الى قطر..
انزل وخذ اقامه وعقب العب..

رُفق المجنّا

27-07-2018, 01:24 AM

المشكلة لها اكثر من بعد

الحكومة في حرج من ضغط المنظمات الدولية والإعلام خاصة وأنها تبي تستضيف اكثر من حدث عالمي
مكاتب الاستقدام تشتكي كثرة المصاريف التشغيلية
المواطن يشتكي من هروب العامل
الوسيط غير مامون الجانب ولا يوجد ما يضمن التعامل معه
العامل يشتكي سوء المعاملة
البلد صارت متخمة بالعمالة السائبة والهاربة

لابد من تدخل جذري وتوفير البدائل وإيجاد اكثر من حل يرضي جميع الأطراف

معماري قطري

27-07-2018, 01:57 AM

الحمد لله عندي اللي صار له 15 واللي 11 سنه
رواتبهم تجيهم في وقتها اشتري لهم ملاب وحاجاتهم
موفر واي فاي لهم يتواصلون معا اهلهم
ومبسوطين وزي الفل

اغلب الخدم يهرب من سوء المعامله

Me Too

قلت هذا الحل الانساني ( المعاملة الطيبة )

بوخالد911

27-07-2018, 06:56 AM

للأسف معظم القوانين تصب لمصلحة الوافد
وهي ضد المواطن

عيزنا نتكلم ولا في فايدة
:(