استفسار عن غرفة الدريول [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : استفسار عن غرفة الدريول

Bo Turky

25-07-2018, 08:47 AM

غايه الطواش

25-07-2018, 08:52 AM

النصيحه تاخذ اذن من البلديه

qatari911

25-07-2018, 09:16 AM

السلام عليكم

شباب سويت لي كبينه ثابته غرفه للدريول
عادي احطها برع البيت عند الباب وللعلم في مساحه يعني بين البيت والشارع تكفي وزياده

انا سمعت انه ممنوع هالشي مع العلم ان في نفس الشارع في ثلاث بيوت مسوين كباين السواقين برع وصار لهم تقريبا 6 سنوات

نصيحتكم يا اخوان بخصوص هالموضوع عشان اقرر هل احطها في الحوش او برا
انا ساكن في منطقة الوكير
المشاف الجديده

ويعطيكم العافيه

اذا تقدر تحطه بالبيت احسن لك وبابه يكون لشارع يعني لو بيدخل عليكم يدخل من الباب الكبير
واذا لا مثل ماقالت غايه اخذ اذن من البلدية علشان لو قالت لكم شلوها مستقبلا ماتدفع مخالفه مبلغ وقدره
الي حواليك صدقني بيجي يوم تجي البلديه تغرمهم الدور جاي عليهم لان البلديه قامت تشيل الغرف الي برى البيت ويخالفون عليها

mohd essa

25-07-2018, 02:15 PM

حسب علمي ممنوع لانه يعتبر تعدي على املاك الدولة لذلك مثل ماقالوا الشباب كلم البلدية اولا او خلها داخل البيت وتكون مقابل باب صغير على السور وسكر المنطقه اللي بين السور الكبينة من جهة الحوش

معماري قطري

26-07-2018, 12:16 AM

عند شارعنا مدرسة وحاطينها بطريقة تبين قرب الشارع وتسبب سد للرؤية خصوصاً للأطفال الطالعين من المدرسة

لازم موافقة البلدية وأوقات البلدية تشترط تكون متحركة وبتواير

Bo Turky

26-07-2018, 02:13 AM

يعطيكم العافيه على الردود وما قصرتوا

ان شاء الله بكره بروح البلديه احاول اطلع موافقه منهم
واذا ما صار بحطها ان شاء الله داخل الحوش

وليف الشوق

26-07-2018, 07:00 AM

اعتقد ياخوي هذا يسمونه تعدي على املاك الدوله ، انك تستغل الشارع او المساحه في وضع كابينه او غرفة وانا سمعت من فترة ان هالشي ممنوع لكن عشان تتجاوز هالشك اتصل في البلدية التابعه لمنطقتك واهم راح يوجهونك للطريق الصحيح

مـراحـب

26-07-2018, 08:23 AM

انا شفت في فريج الاغلب حاطين غرفة خارج البيت ، ، واستغربت

aloosh

26-07-2018, 08:38 PM

شوف بو تركي
اهم شي تكون مرفوعه من الارض يعني تحط لها نص متر فوق قواعد حديد
لو على الارض بيسون لك قصه

بوخالد911

27-07-2018, 07:08 AM

عندك واو
حطها برع البيت

ما عندك ؛ حطها بالحوش.

Bo Turky

27-07-2018, 06:31 PM

كلمت البلديه وقالوا لي مافي شي اسمه تصريح للكبينه تحطها برا البيت
سوا ثابته او متنقله
سوا بابها على الشارع او على الجنب
قالوا لي ممنوع
قلت لهم في ناس حاطين صار لهم ست وسبع سنوات
قالوا لي ايوا بس هذا ممنوع
قلت لهم خلاص بحط نفسهم ولين تقولون نشيلهم بانذار بشيل معاهم
قالي كيفك بس متى ما شفت حاطين لك اورقه انك تشيلها حاول تشيلها قبل نهاية المهله اللي يعطونك اياها
سالته هل عليها مخالفه او غرامه
قالي لا
قال بس من يجيك اخطار تشيلها لا تتاخر عن المهله
فبتوكل على الله وبحطها برع نفس الناس ومتى ما الكل بيشيل كبينته حزتها بنقلها داخل الحوش

sara jsm

27-07-2018, 07:29 PM

اصلا في المشاف اشكثرهم اللي حاطين كباين برع ..
هو صح ممنوع بس هالمنطقه للحين ماعليها دوس ورقابه ..
توكل على الله وحط الكبينه بس خل تكون عندك خطه بديله في حال جاك انذار
والله يسهل عليك اخوي

شمس المغيب

28-07-2018, 12:22 AM

أصلاً منظرها غير حضاري وتشوه واجهة البيت
فتكون داخل البيت أفضل

Bo Turky

29-07-2018, 10:21 PM

يعطيكم العافيه ساره وشمس المغيب

بحطها داخل البيت وخلاص
لاني ادرس في بريطانيا ومابغي يقولون شيلها او شي خلال مدة دراستي وارجع عشان هالشي
بتوكل على الله وبحطها داخل في الحوش وبخليها مواجهه الباب الصغير بحيث يكون بابها على برع