افيدوني السفر للسياحه مع الاهل البوسنه

[الكواري 1972]

السلام عليكم ورحمة الله مبركاته

بختصار على طول بالموضوع

النيه ان شاءالله السفر الى البوسنه مع الاعيال والاهل

اتمنى من راح لها من فتره بسيطه يعلمنا عن انطباعه

وكيف التجول فيها

السايق
السكن
العمله
الصرف وين احسن
الامان
المناطق
مكان العاب الاطفال من سن
7 الى 11 سنه

للامانه قريت مواضيع قديمه وشيقه

بس لللاسف بتواريخ قديمه

انتظر الجديد من اهل الجديد


وتحياتي لكم

[الكواري 1972]

طيب كلمه شي

[ضوى]

نصيحة لك من اخت لك في الله

البوسنة جدا رائعة وممتعة رحتها من سنة ووايد استمتعت فيها ، سراييفو خيال كانت بشهر 7 الجو باااارد ، من سراييفو رحنا كذا منطقة رحنا بيهاتش وترافيينك ، مناطق طبيعة وفيها شلالات جميلة جدا ، بس اللي تعبنا انه المسافات بين المنطاق وايد طويلة والطريق وعر ، وعندنا العيال لاعت جبدهم من السيارة وبطونهم تخضضت وخيسونا crazy ، بس اللي صامل بصراحة المناطق تستاهل روووعه روووعه بشكل خيالي وبراااااد ،
سراييفو المنطقة القديمة بروحها حكاية مجرد تقعد عالكافييه مجابل السوق القديم وساحة الحمام شي حلو ووممتع ، مممم من المنطقة القديمة لين مجمعات التسوق تقريبا ربع ساعة خمس اماكن تسوق قريبة من المنطقة القديمة وكلها حلوة وومتعه وفيها العاب ليهالو مثل فن تايم وخلافه ،
البلد بشكل عام وايد وايد وايد حلوة وتشرح القلب واهلها طيبين وودودين ، نصيحة لا تسكن بفلل خاصة ولو كانت ببلاش بالليل تخرع وماحواليك احد ، اسكن بفنادق فيها سكيورتي امن واسلم لكم ، كان معانا سايق اسمه بو يحي لازلنا متواصلين معاه بالواتس رجل دين ماشاء الله عليه متدين جدا وخلوق وكان مايتركنا الا بالليل وعرفنا على عايلته وعزمنا عالغدا ببيته في وسط الريف وعرفنا على اهله
اقدر اقولك كانت تجربة جدا جدا حلوة وراح اكررها

[ضوى]

ايه حبيت اضيف شي ، موستار حلوة لكن ماتسوى طريق ساعتين وحر موووووووت احترقنا

[الكواري 1972]

نصيحة لك من اخت لك في الله

البوسنة جدا رائعة وممتعة رحتها من سنة ووايد استمتعت فيها ، سراييفو خيال كانت بشهر 7 الجو باااارد ، من سراييفو رحنا كذا منطقة رحنا بيهاتش وترافيينك ، مناطق طبيعة وفيها شلالات جميلة جدا ، بس اللي تعبنا انه المسافات بين المنطاق وايد طويلة والطريق وعر ، وعندنا العيال لاعت جبدهم من السيارة وبطونهم تخضضت وخيسونا crazy ، بس اللي صامل بصراحة المناطق تستاهل روووعه روووعه بشكل خيالي وبراااااد ،
سراييفو المنطقة القديمة بروحها حكاية مجرد تقعد عالكافييه مجابل السوق القديم وساحة الحمام شي حلو ووممتع ، مممم من المنطقة القديمة لين مجمعات التسوق تقريبا ربع ساعة خمس اماكن تسوق قريبة من المنطقة القديمة وكلها حلوة وومتعه وفيها العاب ليهالو مثل فن تايم وخلافه ،
البلد بشكل عام وايد وايد وايد حلوة وتشرح القلب واهلها طيبين وودودين ، نصيحة لا تسكن بفلل خاصة ولو كانت ببلاش بالليل تخرع وماحواليك احد ، اسكن بفنادق فيها سكيورتي امن واسلم لكم ، كان معانا سايق اسمه بو يحي لازلنا متواصلين معاه بالواتس رجل دين ماشاء الله عليه متدين جدا وخلوق وكان مايتركنا الا بالليل وعرفنا على عايلته وعزمنا عالغدا ببيته في وسط الريف وعرفنا على اهله
اقدر اقولك كانت تجربة جدا جدا حلوة وراح اكررها


ما شاءالله شي طيب

تشوقنا اكثر

اذا امكن ع الخاص رقم الرجال

اشكرج على الرد