للي يعطون الدريوليه والخدم بطاقاتهم(الائتمانيه)عشان يسحبون!!

[مضارب دوسري]

السلام عليكم ورحمة الله وبركاته

الموضوع باختصار للنساء وبعض الرجال اللي يعطون الدريوليه والخدم بطاقات عشان يسحبون لهم او يسددون لهم فواتير او ما الى ذلك


انت/ي واثق/ه فيهم لان يوصلك/ج المسج ؟
صح؟

هذا الامر يكون صحيح لبطاقات السحب العاديه

اللي غالبا تكون visa electron

هذي تكون امنه ومب مشكله (مع اني لا اؤيد شخصيا ذلك)

وين المشكله ؟

المشكله اللي يعطون بطاقاتهم الائتمانيه اللي غالبا تكون
visa
master card
american express

هذي البطاقات تعتبر ائتمانيه حتى وان لم تكن كذلك
مثلا بعض البنوك تعطي عملائها بطاقات visa او mastercard مع انه عميل فقط ينزل راتبه على هذا النوع من البطاقات

حتى وان كان كذلك تعتبر ائتمانيه ويقدر اي شخص يحفظ الارقام اللي بالامام+تاريخ انتهاء الصلاحيه+الاسم على البطاقه+الارقام الثلاثه اللي خلف البطاقه

ويقدرون يسحبون من الحساب سواء بالتعاون مع عصابات في بلدهم او عن طريق النت او ممكن يتم تسفيرهم وينتقمون من الكفلاء بفعل مثل ذلك



لذلك ركزوا يا اخوااات خصوصا في نوع البطاقه اللي تعطونها الدريول او الخادمه اذا كانت سحب عاديه لا تتعامل بالنت او بطاقة تعتبر ائتمانيه


بطاقة السحب العاديه مادام البطاقه فالبوك محد يقدر يسحب ولا ريال من الحساب

اما الاخرى لا عادي يسحبون وانت نايم حتى وان كانت البطاقه تحت المخده



الهنود غالبا مفهيين(الا اذا حصلوا شخص يعلمهم)
بس الفلبينيين يفهمووووون



سبب كتابة الموضوع !

واحد حصله هالموقف بس محظوظ لانه بنكه مسوي حمايه اكبر بحيث اذا تم طلب شراء من النت يتم ارسال له رساله مكتوب فيها ست ارقام عشان يتم الخصم
لما وصلت له طلبات ورسايل عرف انه هناك من يحاول سرقته ف كنسل البطاقه
وفشلت محاولة من اراد السرقه


ولكن بعض البنوك ماعندها هذا السستم مجرد ادخال بيانات البطاقه وclick يتم الخصم

[مضارب دوسري]

هو كان مسفر فلبينيه قبل ثلاث ايام من حصول الامر

طبعا محد يعرف من وين تم طلب الشراء لانه ما تنفذ بسبب حظه ببنكه

بس هو متشكك بانها تكون الخادمه لان دايما يعطيها هالبطاقه تسحب وتشتري اغراض البيت

[مضارب دوسري]

مع ان كل البنوك للامانه

دايما يرسلون لا تشاركون معلوماتكم الائتمانيه مع الاخرين

ف ركزوا بارك الله فيكم

[ابو عبدالله.]

البطاقات مقفله خارج قطر ولا تفتح الا بطلب العميل اثناء السفر ولدول معينه بطلب العميل

لكن يصير بالخطأ ان تسحب. وحصلت معاي ان بطاقتي سحبت مره قبل لا افتحها عبر البنك وبعدها قفلت و اتصلت وفتحوها لي

انا اعطي السائق بطاقه فيزا لكن بلمت بسيط. للبترول و امور بسيطه جدا وللضروره فقط

الاحتياط واجب والمضطر يعطي بلمت بسيط

[ضوى]

اي عملية سحب اذا ماقمت فيها انت شخصياً حتى اذا البطاقة بجيبك يردون لك فلوسك اذا سويت بلاغ ، لانه بمجرد السحب تنتبه وتتصل البنك فيوقف العملية بالكامل ويسون لك استرداد لفلوسك ، واغلب البنوك الحين تطلب otp عن طريق الشراء من النت .
بصراحة احياناً اعطي الدريول والا الشغالة بطاقتي الفيزا ولمتها عالي لشراء احتياجات من الجمعية او حتى علاج في المراكز الصحية الخاصة
صحيح مب اي احد نثق فيه لكن نقول الله الله كريم والمضطر ماعنده حل

[معماري قطري]

نصيحة في محلها

انا معطي السايق بطاقة مسبقة الدفع واحط فيها مبلغ بسيط وهو أمين وتوصلني رسائل ششترى وفي الغالب بترول

[qr95]

بالنسبه للي يقول بترول للعلم وقود يركبون في السياره شريحه وتشحنها من وقود بأسي مبلغ مجرد السايق يروح لوقود يعبي السياره بدون دفع رسوم عن طريق الشريحه الموجوده جنب فتحة الخزان من الداخل ويوصل لك مسج بعد

[sara jsm]

جزاك الله خير عالتنبيه اخوي ..
انا الصراحة اعطيهم بس مايكون فيه مبلغ كبير ..
بعد الاحتياط واجب ..

[ابو عبدالله.]

بطاقه وقود مفيده جدا
لكن انا اعطيه الفيزا و اجمع نقاط بعد :)

[ضوى]

بطاقه وقود مفيده جدا
لكن انا اعطيه الفيزا و اجمع نقاط بعد :)

أنا بعد :strong

[khalid Qtr]

بطاقه وقود مفيده جدا
لكن انا اعطيه الفيزا و اجمع نقاط بعد :)

اشحن رصيد وقود من البطاقة واكسب نفس عدد النقاط!:whistling:

[Rider]

للاسف لهدرجة وصلنا قمنا نعطي السائقين والخادمات البطاقات الخاصة فينا بكل انواعها الان كل واحد بيدافع ويقول لا انا بس حق البترول وثاني لمت معين ياخوان ياخوات مايصير الاعتماد على هؤلاء في كل شي سائق جايبه سائق فقط خادمة جابيها خادمة صاروا هم لي يشترون اغراض البيت ويسحبون فلوس لكم معقولة وش دوري انا كرجل اتمنى ياخوان واخوات ماحد يزعل مني بس الله قهر وشكرا اخوي مضارب على الموضوع المميز

[مضارب دوسري]

اي عملية سحب اذا ماقمت فيها انت شخصياً حتى اذا البطاقة بجيبك يردون لك فلوسك اذا سويت بلاغ ، لانه بمجرد السحب تنتبه وتتصل البنك فيوقف العملية بالكامل ويسون لك استرداد لفلوسك ، واغلب البنوك الحين تطلب otp عن طريق الشراء من النت .
بصراحة احياناً اعطي الدريول والا الشغالة بطاقتي الفيزا ولمتها عالي لشراء احتياجات من الجمعية او حتى علاج في المراكز الصحية الخاصة
صحيح مب اي احد نثق فيه لكن نقول الله الله كريم والمضطر ماعنده حل

اعتقد يختلف الوضع اذا كان عملية الدفع تمت بادخال البيانات الصحيحه لصاحب البطاقه




بعض البنوك نعم فيها Otp
والبعض الاخر لاااا ما عندهم OTP من باب التسهيل
ولكن طبعا ال otp امان

[مضارب دوسري]

البطاقات مقفله خارج قطر ولا تفتح الا بطلب العميل اثناء السفر ولدول معينه بطلب العميل

لكن يصير بالخطأ ان تسحب. وحصلت معاي ان بطاقتي سحبت مره قبل لا افتحها عبر البنك وبعدها قفلت و اتصلت وفتحوها لي

انا اعطي السائق بطاقه فيزا لكن بلمت بسيط. للبترول و امور بسيطه جدا وللضروره فقط

الاحتياط واجب والمضطر يعطي بلمت بسيط

اتعامل مع 4 بنوك للامانه

3 منهم لما سافرت اتصلت لهم عشان اقولهم بسافر البلد الفلانيه قالوا لا عادي مب لازم تقول لنا بطاقاتنا شغاله في كل مكان


والرابع نعم قدمت طلب على الابليكشن محدد فيه وجهة السفر وتاريخ الذهاب والعوده


ال visa electron هذي تعتبر امنه

ولكن انا شخصيا ضد فكرة اني اعطي بطاقتي احد

[مضارب دوسري]

جزاك الله خير عالتنبيه اخوي ..
انا الصراحة اعطيهم بس مايكون فيه مبلغ كبير ..
بعد الاحتياط واجب ..

اي اختي الاحتياط واجب دائما خصوصا فالبطاقات الائتمانيه لانها خطره ومثل ما ذكرت هناك بنوك عندها otp هذولي امان اكثر


ولكن البعض الاخر للاسف ما عندهم otp

[مضارب دوسري]

للاسف لهدرجة وصلنا قمنا نعطي السائقين والخادمات البطاقات الخاصة فينا بكل انواعها الان كل واحد بيدافع ويقول لا انا بس حق البترول وثاني لمت معين ياخوان ياخوات مايصير الاعتماد على هؤلاء في كل شي سائق جايبه سائق فقط خادمة جابيها خادمة صاروا هم لي يشترون اغراض البيت ويسحبون فلوس لكم معقولة وش دوري انا كرجل اتمنى ياخوان واخوات ماحد يزعل مني بس الله قهر وشكرا اخوي مضارب على الموضوع المميز

للاسف صرنا نروح الجمعيات نلقى الخدم يدفعون ويشترون ببطاقة اهل البيت :)

وطبعا محد او ربما نادر جداااااا
لما ترجع البيت يطلب الفاتوره ويشيك المبلغ على الاغراض


مع انه كذا موقف حصل قدامي يشترون فالجمعيات ويدفعون بالبطاقه وبعد الدفع يرجعون بعض الاغراض ويستلمون حقها كاش 50 على 50
والحسابه تحسسسب

[مضارب دوسري]

نصيحة في محلها

انا معطي السايق بطاقة مسبقة الدفع واحط فيها مبلغ بسيط وهو أمين وتوصلني رسائل ششترى وفي الغالب بترول

انت بش مهندس فاهم الترتيب

اقل شي مب قاعد تعطيه بطاقه ائتمانيه وهذا الاهم في هذا الموضوع

[معماري قطري]

انت بش مهندس فاهم الترتيب

اقل شي مب قاعد تعطيه بطاقه ائتمانيه وهذا الاهم في هذا الموضوع

نتمنى الرسالة توصل للكل

التعامل المالي مع العمال والغرب لازم الواحد يكون حذر فيه

كثير من القطريين خسروا تجارتهم بسبب مدير أجنبي موكلين له التعامل المالي وهذا حتى وإنه بسيط لكن أساليب السرقة كثرت والأهم يفتح عيونهم إن كفيلهم عنده كنز

[ناسداك]

نتمنى الرسالة توصل للكل

التعامل المالي مع العمال والغرب لازم الواحد يكون حذر فيه

كثير من القطريين خسروا تجارتهم بسبب مدير أجنبي موكلين له التعامل المالي وهذا حتى وإنه بسيط لكن أساليب السرقة كثرت والأهم يفتح عيونهم إن كفيلهم عنده كنز

هذه المشاكل ودت مواطنين كثر السجون الحرامية اكلوا شقاء المواطن صاحب السجل التجاري. و الزبائن و اخر شي عنده ثلاث جوازات سفر ما تدري وين مقيم


أرسلت بواسطة iPhone بإستخدام Tapatalk

[ناسداك]

اي عملية سحب اذا ماقمت فيها انت شخصياً حتى اذا البطاقة بجيبك يردون لك فلوسك اذا سويت بلاغ ، لانه بمجرد السحب تنتبه وتتصل البنك فيوقف العملية بالكامل ويسون لك استرداد لفلوسك ، واغلب البنوك الحين تطلب otp عن طريق الشراء من النت .
بصراحة احياناً اعطي الدريول والا الشغالة بطاقتي الفيزا ولمتها عالي لشراء احتياجات من الجمعية او حتى علاج في المراكز الصحية الخاصة
صحيح مب اي احد نثق فيه لكن نقول الله الله كريم والمضطر ماعنده حل

صحيح كلامك تستلمها مقفلة و لو الباسوورد عندك و لازم تفتحها حتى لو كنت خارج البلاد هذا افضل بس الاهم بالنسبة لي استخدام بطاقة سحب فيها مبلغ من المال بسيط هذي تختلف عن الفيزا الدولية لان الفيز بالاصل شركة عالمية و البنك يعطيك حسب راتبك
وحتى تتجنب الخساير الكبيرة لا اعرف عن البنوك التي تمنح هذا من البطاقات لكن بما اني عميل لدى مصرف الريان عندي بطاقة الفيزا و وبطاقة اخرى اضع فيها مبالغ بسيطة تجنبا للاحتيال و العصابات الالكترونية و استخدمها للشراء من مواقع الانترنت فقط و الفيزا فقط استخدمها فقط للسفر و في الحالات الاضطرارية و فقط لشراء الاغراض حتى اتجنب الفوائد البنكية في سحب الكاش


أرسلت بواسطة iPhone بإستخدام Tapatalk

[ناسداك]

نتمنى الرسالة توصل للكل

التعامل المالي مع العمال والغرب لازم الواحد يكون حذر فيه

كثير من القطريين خسروا تجارتهم بسبب مدير أجنبي موكلين له التعامل المالي وهذا حتى وإنه بسيط لكن أساليب السرقة كثرت والأهم يفتح عيونهم إن كفيلهم عنده كنز
و فجأة يقولك لازم اسافر عندي مشكله في بلادي وما تشوف وجهه بعدين
اصلا هو جاي من بلاده عشان يجمع له قرشين و يرجع


أرسلت بواسطة iPhone بإستخدام Tapatalk

[بوخميس]

في بطاقات فيزا انت تعبيها بالمبلغ اللي تبيه

مثلاً مصرف الريان عندهم بطاقة pay and go

تقدر تعبي فيه لين 10 الاف من اي جهاز ايداع تابع لمصرف الريان

وتستعمله مثل بطاقة الفيزا، انا استخدمة في دفع الفواتير والمخالفات والتأمين واشتري بالانترنت

[ضوى]

الحياة سهله ليش نصعبها ،لااحنا مليارديريه ولا مليونيريه حتى ، مافيها شي اتفرغ لاشياء اهم عادي شنو يعني اكتب لهم احتياجات الجمعيه ونوعها وكميتها ويجيبونها لي !؟ وين المعضله الكبيرة بهالشي ، اللي مايحب براحته واللي عادي عنده هو يتحمل نتايج فعله

[الامير]

خذوها مني احل حل ف هذا الموضوع وتضرب عصفورين بحجر واحد .... هو
qnb روح لهم وخل السايق او الخادمه تفتح حساب فيه وولازم تعطيهم 5 الاف عشان فتح الحساب مافي مشكله بعدين اسحبها ونزل البلكيشن مالهم وطبعن يكون لك حساب فيه منها تزل راتبه وتراح ومنها يبي شي تحوله لي ارسلته له فقط انا صراح بعد هذا الحركه ارتحت من وجع راس وضامن حقوقهم وحقي ...

[معماري قطري]

خذوها مني احل حل ف هذا الموضوع وتضرب عصفورين بحجر واحد .... هو
qnb روح لهم وخل السايق او الخادمه تفتح حساب فيه وولازم تعطيهم 5 الاف عشان فتح الحساب مافي مشكله بعدين اسحبها ونزل البلكيشن مالهم وطبعن يكون لك حساب فيه منها تزل راتبه وتراح ومنها يبي شي تحوله لي ارسلته له فقط انا صراح بعد هذا الحركه ارتحت من وجع راس وضامن حقوقهم وحقي ...

وليش كل هالقصة

البطاقة مسبقة الدفع سهلة ولا تكلف شيء وتطابق اللي يشتريه والرسالة اللي وصلت لك مع الفاتورة

بالنسبة للراتب غير لو بتنزله في حسابه ما اتوقع يطلبون مبلغ معين والبنوك الاسلامية مثل الريان قالوا لي لو حسابك صفر ما عندك مشكلة ولا عليك خصومات .. نفس الشيء الوطني وانا اتعامل معاه ومرتاح للغاية .. فتحت حساب شركة في الريان وتورطت يذلوني مذلة لأي إجراء .. في بنك قطر انا عميل خاص رقمي يطلع أول رقم بدون انتظار والسبب إني من عمري تحت العشر فاتح حساب فيه والحين عمري 55 يعني 45 سنة أقل شيء

[بوخالد911]

شكرا للتنبيه