شنهي الاصوات اللي تضايقك؟؟ والعكس اللي تحب تسمعها [الأرشيف]

المساعد الشخصي الرقمي

مشاهدة النسخة كاملة : شنهي الاصوات اللي تضايقك؟؟ والعكس اللي تحب تسمعها

الحياة الخالدة

31-07-2018, 11:12 AM

السلام عليكم ورحمة الله

صبحكم الله بالخير
موضوع خفيف لطيف

مثل ماهو واضح بالعنوان

أنتظر مشاركاتكم الحلوة

معماري قطري

31-07-2018, 11:19 AM

بل طحتي على عوقي

انا استخف من خرخشة الأكياس الورقية

معماري قطري

31-07-2018, 11:20 AM

عاد اللي احبها بيزعلون علي المطاوعة

من الطبيعة خرير الماء والطيور

الحياة الخالدة

31-07-2018, 11:24 AM

أشكرك أخوي بوعبدالله على المشاركة
بس ما فهمت ليش يزعلون المطاوعة من صوت الماي والطيور : مافيها موسيقى !!

sara jsm

31-07-2018, 11:25 AM

وعليكم السلام .. صباح الورد ياورد

والله وايد اصوات ..
اللي احب اسمعها وماامل منها .. صوت الاذان في كل بقاع العالم
وصوت الصلاة في الحرمين .. وصوت ضحكة عيالي وريلي ...
صوت الطيارة :p ... صوت البحر وهو يضرب السيف.. صوت المطر ..

:

الاصوات اللي مااحبها ... هرانه السيارة .. صياح اليهال والحنّه
صوت بعض اللي يغنون اذا سمعته في مكان عام يسولي توتر ..
صوت طقه الباب بقوه يسولي ضيييييق .. امممم بعد مب متذكرة

حليتان*

31-07-2018, 02:21 PM

ما احب صوت الحكة نفس الصوت مال السبوره احس اسناني تحكني

احب صوت الحب :secret:

النهار

31-07-2018, 02:35 PM

بل طحتي على عوقي

انا استخف من خرخشة الأكياس الورقية

ههههههههههههههههه
نفس الشي وخاصه لوكانت في غرفة النوم
من كم يوم جبت الثوب من عند الدوبي وعلقته بالكيس جيت انام كل شويه اسمع صوت خرخشه
تميت ادور لين صلاة الفجر على الصوت هههههههه لين اكتشفت الصوت جاي من عند العلاقه :anger2:

النهار

31-07-2018, 02:37 PM

أشكرك أخوي بوعبدالله على المشاركة
بس ما فهمت ليش يزعلون المطاوعة من صوت الماي والطيور : مافيها موسيقى !!

:eek5::eek5::eek5::eek5:

معقوله ماعرفتي هو ذكر اثنين من ثلاثه
هههههههههههههههههههههههه
سمفيونات هادئه :nice:

النهار

31-07-2018, 02:42 PM

احب صوت الكنديشن حتى في الاشتاء
الي ينرفزني صوت البطابط في الليل والسيارات المزوده
اماف تحمل تمر صوب بيتنا في الليل :anger2::sneaky:

النهار

31-07-2018, 02:47 PM

عاد هاذي دم ضروسي
لو في حد جنبي يأكل ويطلع اصوات من حلجه وهو يأكل
اقوم على طول لو في مطعم اغير المكان

qatarman8008

31-07-2018, 03:14 PM

احب صوت مكينه الاي تي ام..
واكره صوت صياح الاطفال..

qatarman8008

31-07-2018, 03:15 PM

احب صوت هطول المطر..
واكره صوت الرياح القوية..

النهار

31-07-2018, 10:12 PM

احب صوت الطابي لمايكون الزيت حار
وتقط الاسمجه وتسمع هالصوت تششششششششششششششششش الله طرب

sara jsm

31-07-2018, 10:41 PM

احب صوت الطابي لمايكون الزيت حار
وتقط الاسمجه وتسمع هالصوت تششششششششششششششششش الله طرب

ههههههههههههههههههههههههههه
عاد شنو نوع السمجه عشان نميز الصوت :p

النهار

31-07-2018, 11:28 PM

ههههههههههههههههههههههههههه
عاد شنو نوع السمجه عشان نميز الصوت :p

مش مهم النوع حتى لو عوال وزماريرالمهم تششششششششششششش ازفره

بوخالد911

01-08-2018, 01:26 AM

موضوع أعجبني فعلاً.
الصوت اللي أحبه :
صوت المطر وخاصة لما يطق بالقوووو
وبعد

صوت البِلد لما أقط خيطي في البحر.
و
صوت الموظف : على المسافرين المتجهين إلى بانكوك ، التوجه الى بوابة رقم 7

الأصوات اللي ما دانيها :
صياح اليهال بالطيارة.
اللي يحك بالقلم تاتكي الماي

naklan

01-08-2018, 01:34 PM

باقول لكم الي اكرهه اولا علشان يكون
اخر الموضوع أشياء حلوه وأحبها

الي اكرهه اذا في عزيمة والي جذايرش لبن وتم يغفص
تحول عيوني وتصيبني حالة من الهياج وودي العب له كراتيه
وأدفن راسه في العيش

وغيره أكون نايم
وقطاوه يتهاوشون على احقية ارض فلتي لمن فيهم
ياه ودي انزل لهم بالكلاشنكوف بس حليت المسالة درايش
عازلة للصوت وافتكيت

غيره

في المجلس بعد حضور المعازيم وكل واحد يتخفى الثاني
كيف الحال وشلون الجماعة وصياحهم مع بعض يسبب ضجيج
كانك في مزاد بسوق الجح ياه متى يفكونا من الصريخ

الأصوات الي تعيشيني في رومنسية
صوت المطر الخفيف على الطبيلة والجو غايم
الحين لبيوت كلها خراسانه وفقدنا الشعور
بالخارج

وغيره صوت الشلالات
تلقاني اتسبح او منقع ريولي
والسمك لصغار يعملون صنفره
لريولي

غيره صوت عد لفلوس في مكينة البنك
احس انها سنفونية خاصة اذا باستلم احم

غيره صوت موج البحر صوت العصافير
صوت الخيل صوت الحياة الخالدة اذا ما تهددني
بتوقيف عضويتي

وسلامتكم وسامحوني على لقصور والفلل

ya3coub

01-08-2018, 01:54 PM

ما احب صوت الأكل فالحلج اللي ياكل و يطلع اصوات و الطباشير و تكسر العظام او الثلج
و ما احب واحد يتحلطم علي سماعه التحلطم ينرفزني.

الأصوات الي احبها الدراجات, السيارات المزعجة, الطيور, البحر و الريح و الرمال, الأطفال لما ما يصيحون و يبون يسولفون و انا معطهم طاف صوتهم لذه

qatarman8008

01-08-2018, 08:02 PM

اما اللي باكل ويطلع صوت ههههه..
ماله حل..

naklan

03-08-2018, 12:09 PM

اضافة أصوات ما احبها
صوت المقبور علي عبدالله صالح
صوت القذافي صوت صدام حسين صوت بلحة
وصوت محمد بن زايد القائد رجل سواء ذكر ام
أنثى وبعد صوت الانفجارات

وأصوات احبها صوت الجراد والطيور في الربيع
بيؤخذ العئل

وبعد صوت الحلال في العزبة خاصة قبل الغروب
يصير سمفونية باء وماء ورا تقول حصة عربي

وبعد صوت وكلام التايلنديين وخاصة اذا يسلمون
سوايدي كاب يقولونها بحنية وكانهم مخدرين ههههه

وبعد صوت الامير الوالد والأمير تميم نحبهم
صوت وصورة ووجود حاضرنا ومستقبلنا
الله يطول بعمرهم

وبس

sara jsm

03-08-2018, 10:18 PM

وبعد صوت وكلام التايلنديين وخاصة اذا يسلمون
سوايدي كاب يقولونها بحنية وكانهم مخدرين ههههه

ههههههههههههه صحيح كانهم عصافير ..
اذا نادوك ودك تقولهم لبييييه بدال يييس :eek2:

sara jsm

03-08-2018, 10:19 PM

مااحب صوت قرقعه المواعين crazy

:

الحياة شاركينا مشاعرج :p

ولد العرب

13-08-2018, 09:33 AM

حلو موضووعكم

وتعليقات تحفه:ok:

الماريّة

13-08-2018, 09:37 AM

صوت الحريم اذا اجتمعوا وحشوا :rolleyes2: وتعالوا في السوالف

والصوت الي احبه القران والماي والعصافير والاطفال وصوت بندر بليله ^_^

ya3coub

13-08-2018, 04:36 PM

حلو موضووعكم

وتعليقات تحفه:ok:

اي مبين ما شاء الله عليك

Dana’1

13-08-2018, 05:28 PM

إلي ماحبه والحمدلله مااسمعه كثيير نادر ببعض الدول والأماكن ،، نهيق الحمير و بعض البشر.

والأصوات المحببه صهيل الخيول ،،، و المطر ،، و بعض البشر.

طبعا فيه غيرهن بس هي الأبرز

مهرة

14-08-2018, 10:20 AM

..

موضوعج غريب يالحياه بس جديد وفكرته حلوه،،

الأصواته المكروهه كثير أولهم اصوات اشخاص ماحبهم اسمع صوتهم من بعيد
يخترب يومي كله:rolleyes2:

صوت الباب اذا تصكر اي باب
صوت الي يتعلج والعلج اكبر من حلجه (المنظر مؤذي):cry2:
صوت المسجات الرنانه ورا بعض من تلفونات بنات الدوام <<< كم مره اقولهم يحطونه سايلنت!!
صوت الي تسجل (فويس) في القروب وتاكل وتضحك وتسولف وتسوق وحاطه اغنيه حامضه غير الصراخ<<< هذي ديليت من حياتي مش بس من القروب
صوت الونين الي تطلعه الارمله السوداء تالي الليل بزاوية الغرفه ورا الستاره والبيت كله هدووووووء:nop:
صوت (الرقيقه) الي تصارخ لي شافت زهيوي ولا حشره صوتها يهد البرج<<< الزهيوي طلع جنتل قدامها
صوت الدريول لمن يطلب فلووووس،، يع
صوت القفاش او الملاعق وطرقعتهم على الصحون والطاوله خاصه لي طاحت القفشه من يد ياهل او بالاحرى حذفها<<< اكره الي يودي عياله مطاعم بعمر معين طبعا

ولد العرب

15-08-2018, 10:21 AM

حليتان*

16-08-2018, 08:12 AM

احب صوت الكنديشن حتى في الاشتاء
الي ينرفزني صوت البطابط في الليل والسيارات المزوده
اماف تحمل تمر صوب بيتنا في الليل :anger2::sneaky:

تدري اني اخاف امر فالفرجان اذا كنت طالع فموتر صوته عالي
فتحصلني دوم مهدي الريس اذا بين البيوت
اخاف تجيني دعوة عجوز فجوف الليل، عاد تعال فجج بعدها

سالم الزهران

23-08-2018, 05:56 PM

احسن صوت ...صوت البرنو شرخ سبعطعش يوم تثور
وبعده صوت الوايت الاربع وعشرين موديل تسع وسبعين وقبله
وبعده المصقاع حق مرجمة الطيور
وبعده الحمام في المقيال
(هذي ارتبطت بالطفولة والفتوة والزراعة)...
.
.
اصوات شينة ... لغط الناس يزعجني ف الاجتماعات
اصوات الالعاب الالكترونية
دقة الجوال تزعجني ودايماً مرخي الجرس
بل بغيت انسى مكنسة الكهرب هاذي ما اواطنها مهما كان نوعها

وشكراً

لاجل QT

25-08-2018, 05:53 PM

عيد الله عليكم مبارك ��

صوت العلوج لين جه في حلج غلط
احس خاطري اقتل في هاللحظه حاله الغضب ترتفع 180 درجه

اللى احبه صوت زئزئة العصافير ع قولتهم هههه وصوت الماء البحر رذاذ المطر

R 7 A L

09-09-2018, 06:47 PM

احب صوت السمك

سالم الزهران

09-09-2018, 09:14 PM

احب صوت طيور الحجل

مستـريــح البـــال

27-09-2018, 07:16 AM

الأصـــوات علـــى حســــب النفسيــــه ،، بس غالبـــاً الاصــــوات العـــاليـــه أو اللـــي مـــالهـــا داعـــــي تضـــــايقني . .

بس مــــن طبعــــي لا استطيــــع التركيـــــز " خصوصـــــاً في القـــراءه" اذا كـــان في احــــد يتحــــدث او اطفـــال يلعبون . .

SouthK

27-09-2018, 07:40 AM

الصمت المطبق .. يعني لا صوت هو الصوت اللي احب اسمعه .. حزات من كثر الهدوء نسمع صوت مثل الهمس المستمر!
الصوت اللي يضايقني صوت المنبه الصبح للدوام!

Miss

27-09-2018, 10:46 AM

الصوت اللي ما أحبه الباب لما يطلع صوت كنه فلم مرعب تلقيني على طول أروح أحط زيت في الجوانب :)
فرقعة الأصابع تنرررررفزني واذا كانت بسرعه وورا بعض ودي أهفه بأقرب شي عندي
صوت الكلاب ( وانتوا بكرامه)
الصوت وقت الأكل يا الهي ماقدر

اللي أحبه صوت العود والبيانو وصوت الكمان

بو خليفه 123

11-10-2018, 07:39 AM

ماحب صوتي و أنا اغني ههههههه

احب صوت مكينة عد الفلوس :app: