كيف طريقة عمل تمديد الماء الراجع للسخان المركزي

[Ali-j]

السلام عليكم

طلبت من المقاول عمل تمديدات الماء على ان تكون حار وبارد وراجع
ولاكن لما شفته يشتغل في التمديدات ماشفت الا تمديدين اثنين حار وبارد ويقول الراجع بيكون في الدكت في الخارج !!!! هل هذا العمل صحيح ؟؟؟
لاني شفت مقاطع فيديو يكون هناك ثلاث تمديدات وثلاث محابس للحمامات وانتم بكرامه لاكن عندي بس محبسين !!

[سعود.]

صحيح سستم الراجع ثلاث خطوط
حار وبار وراجع ( تدوير ) circle

[معماري قطري]

عليكم السلام ورحمة الله وبركاته

المحابس اثنين مب مشكلة لو مركب على الراجع اللي يسمونه نون رتيرن فالف .. وهذا قطعة صغيرة تخلي الماء يمشي في اتجاه واحد

مواصفات البايبات وطريقتها تحتاج يراجعها ويشرف عليها كذلك مهندس مختص وفي الغالب يكون ميكانيكي .. عزيز يو كي عنده خبرة كبيرة في هذي الأُمور ممكن يفيدنا

بعض المقاولين يغشونك عينك عينك ويوفرون على نفسهم شغل وأسهل شيء لو طلبته يقول لك ما اتفقنا عليه .. شفت مقاول مركب بايبات بدون محابس فوق كلش .. المشكلة ما فيه عقاب عليهم والكل يلعب والواحد لو بيطالب بحقه ما يحصله والطريق صعب

فيه طريقة حبيتها اللي هي عمل محابس داخل مخفية ومغطية بالبلاط

[Ali-j]

مشكورين على الردود
و انا حاس ان المقاول حاب يختصر الموضوع
يقول مايحتاج ثلاث بايبات داخل الحمامات وانت بكرامه*
بس من داخل الدكت لين السخان ثلاث بيبات

وانا طلبت منه يوقف الشغل لين اشوف الموضوع

[$الملياردير$]

الله يوفقك اخوي ... اهم خطوة عملتها انك وقفته لغاية ماتتاكد مب عيب ولا حرام انت دافع فلوس من ابسط حقوقك انك تعرف طريقة العمل .... للأسف كل اللي يعملون هالأيام يحاولون يختصرون العمل ويوفرون مواد على حساب المالك خاصة اذا كان الاعمال المصاحبة كونتراكنتر من المقاول يعني الكهرباء و الماء جايبهم المقاول في تلاقيهم ماخذينها شله وحده .... مثال بسيط انا ساكن موقت في فيلا أجار ... لما اعمل صيانه المكيفات ويضرب برشر هواء في بيب الماي اللي رايح الحمام الله يعزكم يرد يفيض المكيف في الغرفة المقابله ... عشانه موصلهم مع بعض وهم رايحين للحمام عشان يوفر بيبات ... حسبي الله عليهم ... والأمثل كثيرة ..... تحياتي لك

[معماري قطري]

فهمت السالفة ألحين .. المقاول يقول التدوير للحار يوصل قريب لدورة المياه لكن ما يوصل لداخلها .. هذي طريقة تعتبر صحيحة لكن الأصح يوصل للداخل ويكون قريب من كل النقاط للحصول على الماء الحار بسرعة

[Azizuk]

هلا بالربع وأعضاء المنتدى لكم وحشه من زمان ماشاركنا

واسلم على اخوي العملاق معماري قطري اكبر مشارك ومساهم في موضوع قسم اعمال البناء والديكور ومايقصر مع اَي شخص يحتاج استفسار او تقديم النحص للمحتاجين ،،،،هذا غير مشاركاته الخاصة في مواضيع عديدة نشكره على طولت باله ومشركاته في المنتدى وتقديم كل مافي جديد في عالم البناء !!!!

بخصوص خط الراجع المفروض يبتدأ بايب الراجع من اخر نقطة بالحمام الى مضخة التدوير بالسخان العلوي

يعني لو نفرض خط الماي داخل الحمام على الشور وبعدها على المرحاض والمغسلة

يكون إبتداء نقطة خط الراجع من المغسلة الى محبس الراجع الى مضخة التدوير عند السخان العلوي

هذا الشغل والإجراء الصحيح

وفِي شركات تكتفي بخط الراجع من نقطة الالتقاء المحبس داخل الحمام ويشبك بايب الراجع مع بايب الداخل في الحمام من نقطة المحبس الى بايب الراجع لمضخة التدوير في السخان العلوي بعد يمشي الموضوع اذا الحمام صغير الحجم

اما اذا الحمام كبير وفِي مسافات يستحسن استخدام خط الراجع الين اخر نقطة بالحمام

اهم مافي موضوع خط الراجع ان يكون يبتدأ من اخر نقطة بالحمام ويتأكد ان المحبس مركب عدل الى مضخة التدوير

في اخونا الكويتي في الانستغرام أمس منزل تصوير عن هذا الموضوع شرح وافي ومفيد للمقبلين على البناء

Info.bank هذا اسم حساب الرجال جدا ممتاز بالشرح وانا متاكد ان راح تستفيدون منه

[معماري قطري]

حي الله بو سعود وجزاك الله خير على هذا التوضيح المنطقي

حتى تضمن تحرك الماء ومروره على كل نقطة هذا الصحيح .. وكذلك لا بد عزل الخط الراجع والرئيسي حتى ما يفقد الحرارة بسرعة .. وكذلك لا بد من محابس الاتجاه الواحد لضمان عدم رجوع الماء في الاتجاه الآخر وهذي بسيطة ورخيصة بس شغلها متعب ومزعج للفيترية تعرفون قص وتلحيم وتركيب

[Ali-j]

نفس ماتفضل اخوي عزيز جزاه الله خير
انا امس المغرب اجتمعت مع شركة البايفيتر ووضح لي بصراحة انه كان بيشتغل على الاسلوب الصح لاكن المقاول طلب منه الاختصار ووضح لي انه لايوجد تاثير على الحمامات الصغيره مثل ماتفضلت*
وخليته يكمل شغله بعد التاكيد ان يطبق الطريقة الصحيحه بحمامات الماستر لان بعض الحمامات قفل الشغل فيها وماحب اعيد اكسر واغلبها حمامات صغيره

ومشكورين جميعا على المعلومات لانه من دونها الواحد مايقدر يواجه اصحاب المهنه

[معماري قطري]

وفقك الله وإحنا حاضرين لأي استفسار وأكيد نستفيد

[الســـهم]

نفس ماتفضل اخوي عزيز جزاه الله خير
انا امس المغرب اجتمعت مع شركة البايفيتر ووضح لي بصراحة انه كان بيشتغل على الاسلوب الصح لاكن المقاول طلب منه الاختصار ووضح لي انه لايوجد تاثير على الحمامات الصغيره مثل ماتفضلت*
وخليته يكمل شغله بعد التاكيد ان يطبق الطريقة الصحيحه بحمامات الماستر لان بعض الحمامات قفل الشغل فيها وماحب اعيد اكسر واغلبها حمامات صغيره

ومشكورين جميعا على المعلومات لانه من دونها الواحد مايقدر يواجه اصحاب المهنه


السلام عليكم ورحمة الله وبركاته ..

نصيحة ياخوي ولا تغلط غلطتنا، خل البيبات اربع خطوط، السركليشن (التدوير) خله للماي الحار والبارد، لأن فالصيف البيبات للماي البارد اللي رايح للحمامات البعيدة (الله يكرمكم) وما استخدمته لعدة ساعات ينزل حار جدا، لأنه يكون محتبس فالبيبات وضاربته الشمس، وتضطر تهدر كمية كبيرة من الماي علشان يوصلك البارد.

[معماري قطري]

السلام عليكم ورحمة الله وبركاته ..

نصيحة ياخوي ولا تغلط غلطتنا، خل البيبات اربع خطوط، السركليشن (التدوير) خله للماي الحار والبارد، لأن فالصيف البيبات للماي البارد اللي رايح للحمامات البعيدة (الله يكرمكم) وما استخدمته لعدة ساعات ينزل حار جدا، لأنه يكون محتبس فالبيبات وضاربته الشمس، وتضطر تهدر كمية كبيرة من الماي علشان يوصلك البارد.

كلامك صحيح وانا فكرت في حل هذي المشكلة وحلها شرحته في مراجعة المخططات الهندسية

فكرتي إن يكون تمديد البايبات من تحت البيت ومن خلال دكتات خاصة ممكن استبدالها بسهولة بالسحب وتركيب غيرها وممكن فحصها .. كذلك بتكون معزولة وبعيدة عن الجدار الخارجي والحرارة الكبيرة

أما للحلول التقليدية السيركيوليشن مطلوب للخطين

غالبية أبنية أمريكا فيها بيسمنت خدمي وبعضها العالية منها فيها عدة أدوار خدمية أو ما يسمى بالميكانيكل سبيس .. بعضها تجي في كل دور والتمديدات تكون سهلة وافقية .. حتى للتكييف غرف خاصة وتطلع منها دكتات مثل نظام تكييف الفنادق

[معماري قطري]

مشكلة كثير تحصل لبمب تدوير المياه وهي إنه يخترب لذلك نركب اثنين كل واحد يشتغل فترة بالتناوب

[qatar 86]

ممكن رقم فني شاطر ف هالموضوع

من سنه 2013 مركب سخان مركزي مع بامب التدوير ( عدد 2 ) وفي 3 بيبات

لكن المشكلة الماي الحار يتاخر يعني كأني مامركب بامب التدوير

[بوخالد911]

ومنكم نستفيد.

[معماري قطري]

ممكن رقم فني شاطر ف هالموضوع

من سنه 2013 مركب سخان مركزي مع بامب التدوير ( عدد 2 ) وفي 3 بيبات

لكن المشكلة الماي الحار يتاخر يعني كأني مامركب بامب التدوير

شوف الشركة اللي مركبة لك في الغالب يخترب بسرعة .. أكيد بسبب خلل في تركيب البايبات .. مهم بعد تركيب مفتاح الاتجاه الواحد اللي يخلي التدوير في اتجاه واحد وهذا قطعة صغيرة يقص البايب ويركبها فيه تخلي الماي يدور في اتجاه واحد

[معماري قطري]

بعضهم يسوون التدوير يرجع لبداية بايب الماي وهو المفروض يسوي التدوير يرجع لخزان الماء الصاخن ولازم تنعزل كل بيبات الماي الصاخن حتى اللي للتدوير

[معماري قطري]

حطيت فيديوهات كثيرة تشرح السيركيوليشن وقصته وأجهزته وخراباته في يوتيوبيات البناء