** عاجل** مستشفى إم دي اندرسون أو سانت لوك؟

[كرواتيا]

بغيت استفسر عن علاج الاورام في امريكا الله يبعد الشر عن الجميع من له خبره مع ام دي اندرسون او سانت لوك .. حسب مافهمت ام دي اندرسون ياخذون وقت اطول وشوي اجراءاتهم معقده بعكس سانت لوك الملاصق له ... وبخصوص استخراج الفيزا شلون اذا عندي كتاب من المكتب الطبي بالموعد هل اقدر اخذ فيزا عاجله ،؟ وشنو افضل سكن قريب ... واذا بروح على حسابي الشخصي كم تقريبا تكلفه العلاج في مستشفيات هيوستن ... وهل الدوله ممكن تغطي النفقات في حاله تأكدت الاصابه ؟ لان اخاف ماقدر اكمل تغطيه النفقات ومابي اقطع العلاج في نص المشوار

[ameeer3]

ما عليك شر أن شاء الله ،،

ومن واقع تجربتي (كمرافق مريض) لعمي (الله يرحمه) في سنة (2009)
وكذلك مع اعز ربعي (الله يرحمه) في سنة (2013) ، بلخص لك التجربة ، كالاتي:

أولا/ بالنسبة للمستشفى المعالج لهم:
كانوا يعالجون (الله يغفر لهم) في مستشفى ( ام دي اندرسون) في هيوستن وكان علاجهم جداً بطئ وماديين بشكل ما تتصور ، وحسيت انهم يتعمدون في اطالة المريض بالمستشفى واذا شافوا ان المرض انتشر في الجسم وانه مافي فايدة قالوا للمريض اطلع من المستشفى من غير احترام.


ثانياً/ بالنسبة لاستخراج التأشيرة:
انصحك تمر على مكتب لتخليص التأشيرات (معتمد) لان طلب التأشيرة إلكتروني ، وفيه بعض الخطوات يتطلب الاجابة عليها بدقة وارفق لهم في الطلب ورقة الموعد الطبي . (برسل لك على الخاص مكتب للتخليص).

ثالثا/ السكن في هيوستن:
انه كنت ساكن في فيلا صغيرة (3 غرف) بمجمع سكني (عقد شهري) ، وبما انك بتروح على حسابك الخاص في بداية العلاج فأنصحك تأخذ لك فندق قريب من المستشفى الي بتعالج عنده (برسل لك على الخاص اسم الفندق المناسب) ، لحين التأكد من المرض (الله يجيرك منه) ، واذا قدر الله وقالوا لك مصاب بالمرض ففي هذي الحالة اخذ لك فيلا صغيرة في احدى المجمعات السكنية بعقد شهري . (برسل لك على الخاص عدة ارقام ثقه تواصل معاهم بشأن السكن للفيلا ).

رابعاً/ تكلفة العلاج ، وإمكانية تكفله من قبل الدولة :
في بداية الأمر أنت رايح لعمل تشخيص للتأكد من الإصابة أم لا ، ففي هذه الحالة تكاليف التشخيص بتكون على المريض نفسة ، اما اذا ثبت التشخيص بالإصابة بالمرض ، فقم بالتنسيق مباشرة مع المكتب الطبي القطري الموجود بالمدينة نفسها (وغالباً في المستشفى نفسة موجود مقر المكتب الطبي القطري) وذلك لتحويل العلاج على نفقة الدولة.



تم ارسال العناوين والأرقام الي ذكرتها لك، على الخاص.

[sara jsm]

ماعندي فكرة ... بس الله يشافي مرضاكم ومرضى المسلمين ..
ماعليكم شر ان شاءالله ... الف لاباس

[ya3coub]

John hopkins hospital in marry land

أولا السفارة فدي سي اذا صار شي او شي و ممكن تحول العلاج عليهم كحالة مستعجلة.
مطار داليس الي فدي سي, على المستشفى تقريبا ساعه بالظبط.

الوالد اهني قالوله استئصال كليتين, راح و الأمور طيبه طلع ورم حوالين الكلى عنده و اكتشفو ورم ثالث و شالوهم و لله الحمد.

اكثر المتبرعين لهالمستشفى احد دول الحصار بس المعاملة بالتساوي و ممتازة, من ناحية السكن اهي ايضا جامعه معروفه للطب و في سكن دار ما دار المستشفى.

هاي نصيحتي للأورام الباقي ما اعرفهم للأسف.


الفيزا لأمريكا ثاني يوم تطلع للسياحة و مدتها 10 سنين الأمور طيبه بس في كم واحد اعرفه تأخرو عليهم عقب الحصار بس الحين ارجعو تمام. و الأبلكيشن اسهل منه مافي و نصيحتي ابتعدي عن المكاتب.


وبخصوص استخراج الفيزا شلون اذا عندي كتاب من المكتب الطبي بالموعد هل اقدر اخذ فيزا عاجله ،؟

شنو يعني المكتب الطبي ؟؟ وزارة الصحة على حساب الدولة يعطونج كتاب للسفارة بالإستعجال و ايضا توني مخلص فيزة اخوي الدراسية الحين بصور سكرين شوت و بحطه تحت للحالات المستعجلة و من ضمنهم الطبية و لازم ارفاق الأوراق الثبوتية و موعد العلاج.


Emergency Request Instructions
Before requesting an Emergency Appointment, please ensure that you meet one of the following criteria.
Medical Emergency
Purpose of travel is to obtain emergency medical care, to accompany a relative or employer for emergency medical care, or to travel to be with a an immediate family member (mother, father, brother, sister, child, grandparent, or grandchild) undergoing emergency medical care in the United States. Required proof: A letter from the doctor who is treating or will treat you or your loved one. The letter must describe the medical condition and the urgency of the situation. You must also present evidence of your relationship to the sick or injured person.
Funeral/Death
Purpose of travel is to attend the funeral of or make arrangements for repatriating the body of an immediate family member (mother, father, brother, sister, child) in the United States. Required proof: A letter from the funeral director stating the contact information, the details of the deceased and the date of the funeral. You must also present evidence that the deceased is an immediate relative.
Business
Purpose of travel is to attend to a business matter where the travel requirement could not be predicted sufficiently in advance. Required proof: A letter from the corresponding company in the United States and from the company attesting to the urgency of the planned visit. The letter must describe the nature of the business and the loss if an emergency appointment is not available.
ESTA Denied
If you are citizen of a Visa Waiver Program partner, but have received a notice that you are no longer eligible to travel to the United States under that program and you are also a citizen of, or had recent travel to, Iraq, Iran, Sudan, and Syria, you may request an expedited appointment if your travel is imminent.
The first available date would be 8/21/2018.

[كرواتيا]

جزاك الله خير يعقوب
المكتب الطبي اقصد في هيوستن الي تبع القنصليه
عطوني كتاب بالموعد قالو عشان تتسهل الفيزا بس ماعرف شنو اسوي بالكتاب ؟ طرشته على ايميل السفاره قلت ابي فيزا عاجله قاموا ردوا علي (اتوقع اوتوماتيك ريبلاي) انه لازم اعبي الابليكيشن واخذ المريض للمقابله الخ يعني نفس الي مقدم على سياحيه !! انا ماعندي كتاب من وزاره الصحه ولا اتوقع اذا قدمت بيعطوني موافقه الحين وبسرعه من كلام الناس انه كله يرفضون الطلبات فقدت الامل منهم

[R 7 A L]

بخصوص الفيز
في مكتب في فريج ابن عمران اعتقد اسمه ( المعجم ) قريب من مكتبة الجامعة شغلهم ممتاز وسريع
والله يشافي مريضكم وجميع مرضى المسلمين

[ya3coub]

جزاك الله خير يعقوب
المكتب الطبي اقصد في هيوستن الي تبع القنصليه
عطوني كتاب بالموعد قالو عشان تتسهل الفيزا بس ماعرف شنو اسوي بالكتاب ؟ طرشته على ايميل السفاره قلت ابي فيزا عاجله قاموا ردوا علي (اتوقع اوتوماتيك ريبلاي) انه لازم اعبي الابليكيشن واخذ المريض للمقابله الخ يعني نفس الي مقدم على سياحيه !! انا ماعندي كتاب من وزاره الصحه ولا اتوقع اذا قدمت بيعطوني موافقه الحين وبسرعه من كلام الناس انه كله يرفضون الطلبات فقدت الامل منهم

صحيح لازن تعبين الـــdc-160 و بعدها تدفعين و تاخذين موعد عادي

و بعد ما تحجزين موعد عادي تقدمين على المستعجل.

ترا وااااايد سهل اهم شي جوازات المسافرين و والدينهم لأنهم يسئلون وايد اسئله و بس ربع ساعه بالكثير لكل ابلكيش و مع ثالث ابلكيشن ما ياخذ عشر دقايق بسرعه بسرعه بيكون.

و طالما في كتاب من هيوستن او المكتب الطبي لما تقدمين على الطلب المستعجل مسموحلج ترفقين صورة او pdf ترفقينها .

و ما عليكم شر ان شائ الله.