لماذا لا يكون وضع كرسي لطفل اجباري

[aloosh]

السلام عليكم

اقلب الدول تضع قانون وضع كرسي اجباري لطفل في سياره في الخلف حرصا على سلامه الاطفال
لماذا تغفل اداره المرور اذا يهمها سلامه الاطفال او بس تارسين البلد ردارات بدون ما تطبق العقوبه غير الفلوس
سلامه الطفل مهمه جدا واتمنى يستحدث قانون لكرسي في الخلف لطفل ويكون اجباري ومن يخالف يعاقب بعقوبه صارمه

[Rider]

يارجال الاولى من هذا الشي تأخذ عقوبة مشددة تصل الى السجن وغرامة مالية كبيره على استخدام الجوال أثناء القيادة بتقول هناك غرامة بقولك كم 500 ريال الطفل مقدور عليه امام الدول لي تتكلم عنها ماعندهم الى طفل واحد اما حنا اكثر من واحد بتحط السيارة كلها كراسي اطفال

[لبيبة]

وعليكم السلام ورحمة الله وبركاته،

اتفق معاك،

وضروري سجن كل من يجلس الطفل جدام جنب السواق او يجلسه في حضنه اذا قاعد في اي كرسي جدام.

[sara jsm]

وعليكم السلام ..

اذكر مرة كنت في ميونخ وطلبنا تاكسي وكنا زوجين وطفل رضيع ... لما وصل التاكسي رفض يركبنا لاني لازم احط ولدي في الكرسي وهو ماعنده كرسي .. وكان معصب من هالشي وانا مستغربه لانه بامسكه في حضني والمشوار وايد قريب بس الثلوج جمدتنا ... وعقب طلبنا تاكسي ثاني ومعاه كرسي الاطفال وسالنا عن عمر الطفل لان في كراسي واعمار معينه .. وايد. صارمين في هالموضوع ..



الطفل مقدور عليه امام الدول لي تتكلم عنها ماعندهم الى طفل واحد اما حنا اكثر من واحد بتحط السيارة كلها كراسي اطفال

وجهة نظرك صحيحة يااخوي ... ماتقدر تركب اكثر من كرسيين ..
عن نفسي الحمدلله عيالي يتمون في الكرسي لين عمر السنتين او الثلاثه وعقب اربط لهم حزام ورى في حال السيارة فاضيه ...
:
لازم يكون في قانون رادع للي يحطون عيالهم في المقاعد الاماميه ..
اما اللي يقعدون ورى اغلهم مع الخدم والله الحافظ

[SouthK]

المرور مشغولين بفك الاختناقات المرورية و الشباب اللي مركبين هيدرز و دبات على مواترهم .. انطر 20 سنة و عقب يصير خير!

[معماري قطري]

حسب قانون المرور الكراسي هذي اجبارية وفيه مخالفات ضد من يجلس طفل تحت سن معينة جدام حتى لو متحزم

حزام الأمان كذلك للراكب الخلفي ضروري وفي بانكوك مخالفته 5000 بات وتعادل 550 ريال تقريباً

أذكر لعيالي وهم صغار كنت اركب وهذا قبل 24 سنة قبل ليكتشفون حزام الأمان عندنا

[معماري قطري]

الطفل اللي يجلس جدام في كثير دول جلوسه مموح بشروط تتعلق بالطول والوزن وبغض النظر عن السن .. بعضهم يجيك عمره كبير ووزنه صغير حتى نظام الوسائد الهوائية ما يعترف بوزنه ولا يشتغل في الحادث

كل هذي تتطلب وعي وفرض للقانون وتوقيف المخالفين ومخالفتهم في الحال إن ثبتت مخالفتهم .. يعني أهم شيء يكون شرطي المرور أو أي جهة أمنية مساعدة عنده المام بالقوانين وعنده أدوات قياس ويقدر يقدر الوزن تقديرياً لو حصل طفل جالس جدام ولو اعتمدوا الوزن والطول بدال العمر .. التصوير قد ينفع في الحالات الواضحة فقط .. مثل طفل واضح إنه صغير ومهدود يسرح ويمرح في السيارة

حتى كراسي الأطفال وضعيتها أما مواجهة للخلف في حال الأطفال أقل من سنتين أو للأمام للأكبر حتى ما يتضرر الرأس والرقبة والظهر من مجرد بريك عادي والكراسي بروحها لها مواصفات ومقاييس ولازم نختار المناسب