تسجيل الدخول

مشاهدة النسخة كاملة : وين ألقى أحلى قهوة تركية


الحياة الخالدة
04-09-2018, 12:20 PM
السلام عليكم ورحمة الله وبركاته

لو سمحتوا سؤالي نفس العنوان ،، ولحد يقول لي في تركيا هههههههه

وجزاكم الله خير مقدماً
@north_star@
04-09-2018, 12:50 PM
بن العميد اشوفه زين والقهوة كيف وأذواق
الحياة الخالدة
04-09-2018, 02:48 PM
بن العميد اشوفه زين والقهوة كيف وأذواق

بشوفه إن شاء الله
وكلامك صحيح .. بس ما يمنع نشوف آراء المجربين
جزاك الله خير
sara jsm
04-09-2018, 07:46 PM
يبيلج قطرمان يجاوبج .. انا حدي شاي سليماني :tooth:
بوخالد911
04-09-2018, 11:49 PM
هلا
بحكم اني مدمن قهوة تركية
أفضلها ع الإطلاق هي :
قهوة تركية بنكهة المستكة
المحل : تركيانا
44786349

https://g.co/kgs/PuqBuz

شارع الوعب
انتي مثلا جايه من فيلاجيو بشارع الوعب ورايحه باتجاه السد
بعد محطة البترول
بتشوفين لوحة نادي السد
عقبها بنص دقيقة
ع الشارع العام
الحياة الخالدة
05-09-2018, 05:40 AM
يبيلج قطرمان يجاوبج .. انا حدي شاي سليماني :tooth:
هههههههه خلاص ننتظر الغرفاوي
الحياة الخالدة
05-09-2018, 05:41 AM
هلا
بحكم اني مدمن قهوة تركية
أفضلها ع الإطلاق هي :
قهوة تركية بنكهة المستكة
المحل : تركيانا
44786349

https://g.co/kgs/PuqBuz

شارع الوعب
انتي مثلا جايه من فيلاجيو بشارع الوعب ورايحه باتجاه السد
بعد محطة البترول
بتشوفين لوحة نادي السد
عقبها بنص دقيقة
ع الشارع العام

الله يجزاك خير
الوعب يعني حوالينا .. والوصف واضح جداً
بمرهم إن شاء الله في أقرب فرصة
R 7 A L
05-09-2018, 08:13 PM
في قطر مافيه افضل من بن العميد
MAZEN37
06-09-2018, 09:01 PM
انا اخذها من بن العميد ويخلطها بالمستكه قدامي
الحياة الخالدة
07-09-2018, 03:02 PM
جزاكم الله خير

مريت تركيانا اليوم عقب الصلاة لقيته مسكر
فمريت بن العميد ، ما لقيت عنده بالمستكة
أخذت القهوة العادية وجاري التجربة
qatarman8008
07-09-2018, 03:32 PM
هي القهوة التركية تختلف اختلاف كبير عن القهوة العربية..
القهوة العربية يكون الن يمني او هرري يعني اثيوبي..
اما القهوة التركية ف نوع البن يكون برازيلي او كولومبي..
طبعا افضلهم البرازيلي اذا كان نوعيته ممتازة وتوه فريش جديد..
الكولومبي طعمه لاذع يطحنونه خشن ويستخدمونه اكثر شي في الاسبريو والاميركان كوفي عموما..
لانه لما يكون خشن حباته تكون كبيرة تترك فراغات او مسامات يمر منها بخار الماء..
بعكس التركش.. التركش يطحنونه ناعم لانه ينطبخ والطبقة الخفيفة من القهوة تطلع فوق يسمونها وش او وجه..
الحين عرفنا بن برازيلي درجة اولى مطحون ناعم..
لكن باقي نعرف ذوق صاحب القهوة هل يحبها سودة او متوسطه او فاتحة ..
هل يحبها مع هيل او بدون..
مع سكر او بدون..
طبعا الخبراء في القهوة مجرد مايدخلون محل قهوة يشوفون درجات تحميصها والاوانها يعرفون اش يختارون..
مثلا لو كان يحبها غامقة ياخذ نص كيلو من السودة ونص من المتوسطه ..
واذا كان يحبها اخف شوي ياخذ ثلاثمية غرام سودة والباقي متوسطه..
في ناس تحب تخلط وتاخذ نص كيلو سودة وربع متوسطه وربع فاتحة.. وهكذا..
طبعا انا احب الغامقة بدون هيل ولا سكر..
اخذ نص كيلو سودة ونص متوسطه..
مرات ادخل المحل الاقي السودة كانها احترقت ههههه ف اقوم اخذ اربعمية جرام من السودة وستمية من المتوسطة بس لازم افهمه ان القهوة عنده مو نفس كل مرة..
بالنسبة للي مايحبون الغامقة الافضل ان ياخذون ثلاثمية غرام سودة وستمية من الوسط ومية من الفاتحة ..
هذي كبداية وبعدين ممكن تغيرون على حسب الرغبة..
انا اخذ من بن العميد ماودنا نسوي له دعاية لكن بالنسبة لي هو الافضل..
وفي محل ثاني اسمه مركز القهوة بالسد بعد واجدين يفضلونه اكثر من العميد..
الحياة الخالدة
07-09-2018, 11:57 PM
جزاك الله خير يالغرفاوي
كفيت ووفيت
ولد العرب
08-09-2018, 12:03 PM
هلا مشرفتنا
انا اخذه من بن العميد
وطيب نكهه
بوخالد911
08-09-2018, 09:10 PM
هذا النوع
بنكهة المستكة

https://www.up4.cc/image133943.html (https://www.up4.cc/)
عطر فرنسي
09-09-2018, 01:08 PM
هلا مشرفتنا
انا اخذه من بن العميد
وطيب نكهه

انا اقول لو توزع علينا كل عضو يكون ممتاز منها تكسب اجر
Chanel
09-09-2018, 03:05 PM
اختي جربي تشربينها في هاجن داز روووووعه
بوخالد911
09-09-2018, 03:09 PM
انا اقول لو توزع علينا كل عضو يكون ممتاز منها تكسب اجر

أتفق معكم.
:)
الحياة الخالدة
09-09-2018, 04:13 PM
اختي جربي تشربينها في هاجن داز روووووعه

إن شاء الله .. تسلمين أختي
وإذا عجبتني بسألهم من وين يجيبونها :o
الحياة الخالدة
09-09-2018, 04:14 PM
انا اقول لو توزع علينا كل عضو يكون ممتاز منها تكسب اجر




أتفق معكم.
:)

ولد العرب كريم واحنا نستاهل
مهرة
09-09-2018, 06:38 PM
السلام عليكم ورحمة الله وبركاته

لو سمحتوا سؤالي نفس العنوان ،، ولحد يقول لي في تركيا هههههههه

وجزاكم الله خير مقدماً


افا ياذا العلم ,, والله لو ادري كان مافتحت كل القهوة الي عندي وصدق اغلب القهوة الي اشربها اجيبها من تركيا

ان شاءالله لا وصلني قريب ارفع لج على جنب,, اما هنيه جربت الي عندنا بالدوام يجيبونها من مركز القهوة.

لا تجربين المكس الي بالمكسرات والمستكه والحليب نفس القهوة العثمانية لأنه ترا التركية غير العثمانية تماما

اول جربي التركش الأصلية من غير اضافات بتحبينها وعقب شوفي الخيارات الثانية مثلا مع الهيل الي يسمونها ع الريحة

وصدق لذيذه واذا خاطرج تشربينها على اصولها جربي المطاعم التركيةعندنا بالدوحه مثل:

مادو ، سكر باشا ، شاذلي ، ألآ ، سوتش ، وفيه بعد بس مايحضرني
MAZEN37
09-09-2018, 07:01 PM
شربت قهوة لفتت انتباهي فعلا من محل طريق سلوى اسمه كلاج عمر مقابل معرض المستبيشي سعر الكوب ظ¨ ريال
قلب الحدث
16-09-2018, 02:16 PM
الأفضل بن العميد او مركز القهوة بشارع النصر وانت اختار الخلطة
اذا تحب هيل مر على أي محل من المحلات الي تجيب منتجات سورية وجرب (بن خلدون) حصرا ويكون جديد طعمه مميز سعر الكيلو 100 ريال
او القهوة التركية مافيها هيل ابدا ممكن تحصلها بطوار مول في محل كوفي شوب تركي أتوقع عنده قهوة تركية جنب مطعم ايتن سلطان بالمول الطابق الارضي
حمد 2002
18-09-2018, 12:55 PM
في اسطنبول
Red rose
19-09-2018, 11:24 PM
اهلين الحياه الخالده

الصراحه احلى قهوه تركيه بالمستكه هذي

https://d.top4top.net/p_9929cq7m0.jpeg (https://up.top4top.net/)

في منها في علب وفي منها في اكياس نفس الصوره
naklan
28-09-2018, 08:32 PM
وانا اقول ليش كله مزاج الحياة رايق ومخمخة
من القهوة التركية براقب الموضوع وبعدين باشتري
اذا فيه توزيع مجاني عنوان بيتي واضع 3
شارع عكاشة بالدوئي
Dana’1
06-11-2018, 06:11 AM
قهوة محمد أفندي هذي ممكن تلاقينها بمطعم إميرجان سوتش

لكن فيه محل استينيا بكتارا يم سكر باشا أغلب نكهات القهوه التركيه عنده بالمستكه والشوكليت و الزعفران و إنتي رايحه حتى السحلب بنكهات وحتى الشاي أنواع
بس للأمانه أنا ما جربت الا شي واحد فقط خطافي قهوه بالزعفران .
فشوفي إنتي بنفسك كيف طعمها بالمحل نفسه تسوي لك
وبالعافيه