ما مدى رضاك عن أداء أشغال منذ انشاؤها؟

[معماري قطري]

ثلاث إدارات تعاقبت على أشغال ولا أُنكر أَن الإدارة الحالية للآن هي أفضلها وتصلح ما أفسده السابقون بمشاريعهم المؤسسة على نظرة آنية وليست حل مستقبلي لسنوات طويلة

بدأ التعديل على بعض التقاطعات كاللاند مارك بالكامل ولم أمر هناك ولا أعلم بالحوسة اللي صايرة الحين والله يعينهم

سؤالي البريء هو المشروع السابق كم أخذ من الوقت والجهد حتى انجز .. وكم مرة طلعوا لنا من قاموا عليه بابتسامتهم وفخرهم بانجازهم اللي سيخدم لفترات قادمة الله أعلم بطولها .. حسب معرفتي هذي المشاريع يخطط لها لتخدم مئة سنة أو يزيد كعمر افتراضي مما يعني أنها مخطط لها لتخدم الزيادة والتوسع للمئة سنة القادمة حسب بيانات احصائية ونمو بشري متوقع .. فلا عذر لمن يقول بأن عدد السكان وقتها كان مليون وتضاعف لأنه متوقع في نهاية المئة سنة يتضاعف أكثر وأكثر

لو نظرنا للوقت نجد المشروع أخذ قريب من السنتين وعانى معه كثير من سكان المنطقة .. ثم بعد افتتاحه حصل تكدس وزحمة بسرعة وأبدى فشله من أول تجربة .. لم يخدم ثلاث أضعاف فترة انجازه والمفروض يخدم كما ذكرت 100 سنة وبعض الدول تضع معيار ال 150 سنة فهذه مشاريع قومية مؤثرة تأثير كبير

ولي تعليق على الكثير والله يعين الإدارة الحالية على اصلاح ما قام به السابقون

[Rider]

انا ماقدر اجاوب لاني واحد من الذين ينتمون الى أشغال لكن من وجهة نظر بسيطه مع الرئيس الجديد للهيئة تغيرت اشغال مائة وثمانين درجه وقاعدين يصلحون اخطأ الغير

[qatari911]

اعرف موظف هناك
لما سألته قلت ليه مافيه خطط للشوارع الي تسونها تكون مثلا 50 سنه قدام لان بيكون فيه تكاثر من عدد السيارات والناس الي جايه والناس الي بتطلع رخص سواقه
رده احمدو ربكم نسوي لكم هالشوارع واذا صار زحمه بنوسعها عقلية سكر شارع وافتح شارع
هههههههههههههههههههههااااي من رده عرفت ان تفكيره محدود وهمه الراتب فقط

[معماري قطري]

انا ماقدر اجاوب لاني واحد من الذين ينتمون الى أشغال لكن من وجهة نظر بسيطه مع الرئيس الجديد للهيئة تغيرت اشغال مائة وثمانين درجه وقاعدين يصلحون اخطأ الغير

شيء يبشر بالخير وهذا دكتور موجود في قطر من زمان وغيره كثير شباب فيهم الخيرة والخبرة

الحمد لله التدارك تم في وقت حرج بس كان لا بد من وضع استراتيجة عليا للمشاريع هذي وخطتها وطريقتها بدال ما تدفع حكومتنا التكلفة مرتين وثلاث وأربع

واجب هذي القيادات توضيح كل ما يحيط بالمشروع لأن هذا المشروع لازم متصل بغيره وله تأثير .. والنظرة لازم تكون أبعد للتأثير الإيجابي على كل جوانب المشروع ما نركز على التكلفة فقط .. مشروع بيكلف 10 مليارات وبيخدم 100 سنة أفضل من مشروع بيكلف مليار وبيخدم 10 سنين وبنضطر نعطل مصالح كثيرة وندخل في تكلفة ثانية الله أعلم بها

[معماري قطري]

اعرف موظف هناك
لما سألته قلت ليه مافيه خطط للشوارع الي تسونها تكون مثلا 50 سنه قدام لان بيكون فيه تكاثر من عدد السيارات والناس الي جايه والناس الي بتطلع رخص سواقه
رده احمدو ربكم نسوي لكم هالشوارع واذا صار زحمه بنوسعها عقلية سكر شارع وافتح شارع
هههههههههههههههههههههااااي من رده عرفت ان تفكيره محدود وهمه الراتب فقط

تفكير الموظف أكيد يختلف عن تفكير القيادات

قبل أحد القيادات صرح بأن مثل هذي المشاريع أول مرة نسويها في قطر ولا بد تظهر أخطاء .. لكن استوت مرات ومرات في العالم وقطر جزء من العالم والمفروض تستوي بدون أخطاء وهذا واجب القيادات

[معماري قطري]

من الملاحظات اللي لاحظتها حديثاً على طريق الشحانية إنه أُفتتح وما افتتح مع ان الباقي أشياء بسيطة جداً والمفروض ما تبقى بدون ترتيب كالخطوط الأرضية واللافتات الارشادية

الإنارة روعة بكل المقاييس وياليت يبدلون انارة طريق الوعب لمثلها .. الحواجز بعضها تحتاج ترتيب شوي وتحتاج عاكس عليها حتى تبين بوضوح وقد يكون بعضها خطر .. كذلك بعض النتوءات في الطريق والمطبات وكأنه طريق قديم وليس جديد

[البيروني]

اشغال الله يعطيهم العافية الشغل اصبح بالوقت المحدد و بجودة و عدد مشاريع كثيرة جدا

كل شيء في اشغال ممتاز وبشهادة الجميع بس عندي ملاحظة بموضوع الجسور . ليش الطرق الخارجية كلها جسور و انفاق و داخل المدن المكتضة بالسيارات لا يوجد على سبيل المثال مدينة الخور لايوجد بها جسر واحد وهي تحتاج الى 3 جسور عند المركز الصحي و دوار الكرنيش و دوار الصناعية و اما الطرق الخارجية المحيطة بالخوركلها جسور و انفاق و بأعداد كبيرة جدا

[بوخميس]

لاحظوا ان اشغال ما تسوي بس شوارع

عندهم المدارس والمراكز الصحية وغيرها

الشغل افضل من السابق بكثير، والانجاز اسرع.

[qatarman8008]

اشغال في اخر سنتين خلتنا ننسى كل ماهو سيئ باشغال..

[ابوعلي]

ما ننكر ان المرحلة الحالية لأشغال من أفضل المراحل


ولكن هل عندهم بعد نظر في أي مشروع ، اعتقد انهم يحتاجون للنظرة البعيد في المشاريع خاصة كمثال في عدد الحارات للشوارع ووضع الله يعزكم المنهولات في وسط الشارع


الشي الثاني والي استغرب منه كثرة عدد (( المنهولات )) في الشوارع ، ومن المتعارف ان المنهولات تسبب هبوط في الشوارع (( شوارع العزيزية خير دليل ))

[سعود.]

اشغال في اخر سنتين خلتنا ننسى كل ماهو سيئ باشغال..

بالضبط

[سعود.]

ما ننكر ان المرحلة الحالية لأشغال من أفضل المراحل


ولكن هل عندهم بعد نظر في أي مشروع ، اعتقد انهم يحتاجون للنظرة البعيد في المشاريع خاصة كمثال في عدد الحارات للشوارع ووضع الله يعزكم المنهولات في وسط الشارع


الشي الثاني والي استغرب منه كثرة عدد (( المنهولات )) في الشوارع ، ومن المتعارف ان المنهولات تسبب هبوط في الشوارع (( شوارع العزيزية خير دليل ))


المنهولات مش هي سبب الهبوط ...
الهبوط سببة نوعية الدفان وطريقة الدك الدفان اسفل الشارع ....

شرحه طويل .

[معماري قطري]

اشغال الله يعطيهم العافية الشغل اصبح بالوقت المحدد و بجودة و عدد مشاريع كثيرة جدا

كل شيء في اشغال ممتاز وبشهادة الجميع بس عندي ملاحظة بموضوع الجسور . ليش الطرق الخارجية كلها جسور و انفاق و داخل المدن المكتضة بالسيارات لا يوجد على سبيل المثال مدينة الخور لايوجد بها جسر واحد وهي تحتاج الى 3 جسور عند المركز الصحي و دوار الكرنيش و دوار الصناعية و اما الطرق الخارجية المحيطة بالخوركلها جسور و انفاق و بأعداد كبيرة جدا

هذي ملاحظة ونقطة مهمة

طبعاً صعوبة العمل في المناطق الداخلية عائق لكن كلما تأخرت الحلول الجذرية كلما تعقدت الأزمة مستقبلياً

نحتاج خطة تخطيطية استراتيجية واضحة وكنا نحتاجها من زمان من حول عشرين سنة ويتبعونها كل الادارات بدقة .. مثال شفت من فترة انزرعت جهات طريق الفروسية والزراعة انبتت وكبرت وفجأة انجرفت اقتلعت لتوسعة الطريق وعمل التقاطعات عليه والتقاطعات متوقع تكون اشارات ومسارات أكثر وكان المفروض تخطيط الطريق كطريق محوري سريع متجه للمناطق الشمالية محاذي لطريق الشمال .. بدون توقف وبمخارج ومداخل جسور بدون اشارات طريق ( توقفلس ) مثله مثل طريق الصناعية الشرقي والا طريق الصناعية أهم وهذا غير مهم؟

[معماري قطري]

لاحظوا ان اشغال ما تسوي بس شوارع

عندهم المدارس والمراكز الصحية وغيرها

الشغل افضل من السابق بكثير، والانجاز اسرع.

الحمد لله شيء واضح هذا الوقت الشغل مستمر ليل نهار والله يوفقهم

[معماري قطري]

اشغال في اخر سنتين خلتنا ننسى كل ماهو سيئ باشغال..

صحيح ونتمنى المزيد

[معماري قطري]

ما ننكر ان المرحلة الحالية لأشغال من أفضل المراحل


ولكن هل عندهم بعد نظر في أي مشروع ، اعتقد انهم يحتاجون للنظرة البعيد في المشاريع خاصة كمثال في عدد الحارات للشوارع ووضع الله يعزكم المنهولات في وسط الشارع


الشي الثاني والي استغرب منه كثرة عدد (( المنهولات )) في الشوارع ، ومن المتعارف ان المنهولات تسبب هبوط في الشوارع (( شوارع العزيزية خير دليل ))

حي الله ولد فريجنا

شوارع العزيزية غريبة مع إنها جديدة .. لين مريت بالميني عليها تحصلني الفلف عن المنهولات .. ولفتها صغيرة في الالتفاف للخلف الف بسهولة وفي المواقف الضيقة تحصلني موقف براحتي وبسعة .. لكن للكزس أحس بصعوبة في الالتفاف للخلف واحس ان المنهولات ولا شيء

المنهولات كل أربعة متر منهول ومرتفعة شوي وشكلها بيزيد ارتفاعها مع دوس السيارات وأي هبوطات لو بسيطة بسبب المطر

تنقصها كذلك الكاميرات الأمنية وهي مهمة لأمان الشارع ولتحديد المخطيء من المشاة ومن السائقين وأي تجاوزات أمنية أُخرى

[معماري قطري]

المنهولات مش هي سبب الهبوط ...
الهبوط سببة نوعية الدفان وطريقة الدك الدفان اسفل الشارع ....

شرحه طويل .

حي الله رفيجنا سعود

المنهول جسم خرساني صلب يعتبر مهما كبر حجمه صغير مقارنة بالمساحة المدفونة حوله مثله مثل الإبرة أو الشوكة .. تضغط اللحم حولها تطلع وتسحبها نفس المبدأ الأرض المدكوكة حول المنهول من يتسرب لها ماء تنتفخ شوي أو تهبط ويرتفع المنهول شوي .. الارتفاع حتى 5 سم يكون مؤثر ويهز السيارة هز لو كانت صغيرة أو رياضية

كثير دول يسوون عزل للطريق والماء ما يوصل للتربة المدكوكة وبعضهم يسوون الأسفلت على خرسانة وتكون المنهولات مشبوكة مع الخرسانة وبعضهم يسوون الدفان من نوع خاص معاه مواد اسمنتية تخليه يتصلب لا يهبط ولا يأثر فيه الماي

نفس الاسلوب يتبعونه في رصف الرصيف بالانترلوك تشوف حبات الانترلوك غالبيتها متفككة ومرتفعة شوي ونازلة .. وبعض الدول تسوي بلاطات اسمنتية مربعة وتحطها على دفان جيد وتحته خدمات شكثر وتكون ثابتة ما تتغير مع إن الدولة كثيرة الأمطار .. هذا للرصيف اللي فيه خدمات لسهولة فكها وتركيبها أما للرصيف اللي بدون خدمات ممررة تحته تحصل أنواع كثيرة من الأرضيات الصلبة واللي تجي كقطعة واحدة

[معماري قطري]

حد جرب التحويلة الجديدة من طريق 22 فبراير وهو متجه للشمال وتحوله جهة الريان؟

الجسر ضيق ويكفي لسيارة وبنشوف ربعنا الخوافين صك بريكات عليه يخافون يحتكون في الحاجز وسياراتهم صغيرة .. المشكلة طويل وفيه انحناءات وسرعة 80 عليه ممكنة لكن البعض بيمشي 50 ويمكن 40 وبيعرقل اللي وراه لو سووه مسارين بعد هالصبر الطويل والشغل اللي صار بيكون وايد أفضل

[عطر فرنسي]

الحمدلله اشغال ممتازه ومافي اي دوله لاتخطئ في الطرق
والحمدلله اشغال بدت احين في شغل ومعدات وادارة افضل من قبل

[SASAS]

عفوا أخوي معماري

ومع احترامي لجميع الادارات السابقة والحالية فالادارة الحالية خير خلف لخير سلف , وفقهم الله جميعا لخدمة الوطن , كلا حسب الامكانيات المتاحة.

أولا : انت تعلم المقارنة بالادارات القديمة والحالية صعبة لان المعطيات مختلفة الميزانية المتاحة والانتهاء من المخطط العمراني للدولة الذي تغير كثيرا

ثانيا : جميع المشاريع التي افتتحت خلال الفترة الماضية هو جهد وعمل مشترك للإدارة السابقة والحالية, لأن المشاريع لها دورة حياة من بداية الدراسة والتصميم الى التنفيذ فمن الصعب أن تجيير هذه المشاريع لإدارة معينة دون أخرى.

[BoFahed]

ثلاث إدارات تعاقبت على أشغال ولا أُنكر أَن الإدارة الحالية للآن هي أفضلها وتصلح ما أفسده السابقون بمشاريعهم المؤسسة على نظرة آنية وليست حل مستقبلي لسنوات طويلة

بدأ التعديل على بعض التقاطعات كاللاند مارك بالكامل ولم أمر هناك ولا أعلم بالحوسة اللي صايرة الحين والله يعينهم

سؤالي البريء هو المشروع السابق كم أخذ من الوقت والجهد حتى انجز .. وكم مرة طلعوا لنا من قاموا عليه بابتسامتهم وفخرهم بانجازهم اللي سيخدم لفترات قادمة الله أعلم بطولها .. حسب معرفتي هذي المشاريع يخطط لها لتخدم مئة سنة أو يزيد كعمر افتراضي مما يعني أنها مخطط لها لتخدم الزيادة والتوسع للمئة سنة القادمة حسب بيانات احصائية ونمو بشري متوقع .. فلا عذر لمن يقول بأن عدد السكان وقتها كان مليون وتضاعف لأنه متوقع في نهاية المئة سنة يتضاعف أكثر وأكثر

لو نظرنا للوقت نجد المشروع أخذ قريب من السنتين وعانى معه كثير من سكان المنطقة .. ثم بعد افتتاحه حصل تكدس وزحمة بسرعة وأبدى فشله من أول تجربة .. لم يخدم ثلاث أضعاف فترة انجازه والمفروض يخدم كما ذكرت 100 سنة وبعض الدول تضع معيار ال 150 سنة فهذه مشاريع قومية مؤثرة تأثير كبير

ولي تعليق على الكثير والله يعين الإدارة الحالية على اصلاح ما قام به السابقون
الله يعينهم واحنا نشاهد تغيير للافضل

والافضل من وجهة نظري المتواضعه دراسة و تقييم لمواضع الخلل والصعوبات والتحديات في التنفيذ او الاشراف ل المشاريع في السنوات السابقةعلشان ما تتكرر

الميزانيات الرهيبة لهذي المشاريع وسوء التنفيذ والفضايح الي صارت بعد اي رشة مطر او حوادث رهيبة بسبب سوء التخطيط والكروتة يحتم تقييم حقيقي و صادق لعلاجه

[بوخالد911]

الإدارة الحالية هي the best
ورئيسها م. المهندي ما شاء الله عليه شعلة نشاط.
زميل عزيز علي ذكر أن م. سعد المهندي بنفسه يمر على المشاريع ليلاً.

ولا تنسون باقي على كأس العالم 4 سنوات
فهم على سباق مع الزمن لإنجاز الطرق والشوارع.

الله يوفقهم.

[smart_os]

بشكل عام التحسن كبير عن السابق مع وجود بعض العيوب بالتأكيد

ملاحظة عن زراعة الشوارع:
اتمنى استبدال زراعة الورد بزراعة اشجار من البيئة القطرية وقليلة استهلاك الماء
مما يقلل التكلفة (كون الورد مكلف ويستبدل كل كم شهر) وغيره من فوائد الشجر كالظل وتخفيف الغبار وتثبيت التربة

[SouthK]

كل ادارة فيها الجيد و السيء و لها انجازات و هذا مفروغ منه ..

اشغال لها و عليها و اكيد في مجال للتطوير لكن الشيء الاهم ان اي مشروع يكون فيه تنسيق مستمر مع كافة الجهات اللي لها اعمال في المشروع لان عدم او شح التواصل و مشاركة المعلومات تسبب تأخير و تعطيل لاعمال أي مشروع و لا أزيد!!!

[معماري قطري]

الله يعينهم واحنا نشاهد تغيير للافضل

والافضل من وجهة نظري المتواضعه دراسة و تقييم لمواضع الخلل والصعوبات والتحديات في التنفيذ او الاشراف ل المشاريع في السنوات السابقةعلشان ما تتكرر

الميزانيات الرهيبة لهذي المشاريع وسوء التنفيذ والفضايح الي صارت بعد اي رشة مطر او حوادث رهيبة بسبب سوء التخطيط والكروتة يحتم تقييم حقيقي و صادق لعلاجه

كلامك صحيح التطور واضح وكبير والنشاط والجدية

مواضع الخلل كثيرة وتحتاج وقفة من قيادة الدولة خصوصاً مسئلة الشريك القطري والتعقيدات اللي تفرض على الشركات العالمية في أداء شغلها صح وبعمالة هي تجيبها وآليات هي تجيبها والتسهيلات تكون متوفرة لها لضمان اتمام المشروع

سوء التنفيذ يحتاج حل جذري باستقطاب استشاريين دوليين ( حقيقيين ) مب مزورين الإسم دولي والاستشاريين شباب حديثي التخرج وغالبيتهم بو عراب أو من دول مشكوك في شهاداتها

[SouthK]

كلامك صحيح التطور واضح وكبير والنشاط والجدية

مواضع الخلل كثيرة وتحتاج وقفة من قيادة الدولة خصوصاً مسئلة الشريك القطري والتعقيدات اللي تفرض على الشركات العالمية في أداء شغلها صح وبعمالة هي تجيبها وآليات هي تجيبها والتسهيلات تكون متوفرة لها لضمان اتمام المشروع

سوء التنفيذ يحتاج حل جذري باستقطاب استشاريين دوليين ( حقيقيين ) مب مزورين الإسم دولي والاستشاريين شباب حديثي التخرج وغالبيتهم بو عراب أو من دول مشكوك في شهاداتها

كلامك رااااائع يا الغالي لكن في ناس يهمها ان شركاتها و شركاءها يربحون!!!

[معماري قطري]

كل ادارة فيها الجيد و السيء و لها انجازات و هذا مفروغ منه ..

اشغال لها و عليها و اكيد في مجال للتطوير لكن الشيء الاهم ان اي مشروع يكون فيه تنسيق مستمر مع كافة الجهات اللي لها اعمال في المشروع لان عدم او شح التواصل و مشاركة المعلومات تسبب تأخير و تعطيل لاعمال أي مشروع و لا أزيد!!!

ملف المشروع يفترض يكون مفتوح للمشتغلين فيه والمفروض يكون شامل وأي مختص يشتغل فيه يسجل فيه كل ملاحظاته والبقية يقرونها

من واقع مريت فيه كثير من المعلومات لا تُحدث صح وتكون أوقات منفذة غير لكن تعتمد المخططات الأساسية وليست المغيرة وتحفظ في الملف أو الأرشيف للرجوع لها .. والتنسيق موضوعه سهل لو فيه فرق متجانسة ومتعارفة فيما بينها حتى لو من 20 وزارة وهذي الفرق لها اسماء معروفة للجميع ومقرات وتلفونات معروفة كل شيء يكون سهل .. لكن انا من هيئة أشغال أبغي شيء من كهرماء واحتمال معلومة تافهة .. ما لي الا طريق رسمي طويل .. الفرق الادارية للمشاريع في رأيي هي الحل ولازم تسمى وتكون ثابتة على الأقل طيلة فترة المشروع ولو يتغير عضو أو 10 البقية يكونون مكانه ويكونون متابعين وفاهمين

[معماري قطري]

كلامك رااااائع يا الغالي لكن في ناس يهمها ان شركاتها و شركاءها يربحون!!!

يشدون حيلهم ويكبرون شركاتهم ويكونون قادرين على المنافسة

حل ثاني يسوون اتحاد بين كم شركة

[معماري قطري]

بشكل عام التحسن كبير عن السابق مع وجود بعض العيوب بالتأكيد

ملاحظة عن زراعة الشوارع:
اتمنى استبدال زراعة الورد بزراعة اشجار من البيئة القطرية وقليلة استهلاك الماء
مما يقلل التكلفة (كون الورد مكلف ويستبدل كل كم شهر) وغيره من فوائد الشجر كالظل وتخفيف الغبار وتثبيت التربة

كلامك منطقي وبدوا في زراعة السدر وطلع وكبر وبعضه شالوه .. تبقى باقي الزراعات التجميلية ضرورية لإتمام اللوحة الجمالية ولبعض المناطق

[معماري قطري]

الإدارة الحالية هي the best
ورئيسها م. المهندي ما شاء الله عليه شعلة نشاط.
زميل عزيز علي ذكر أن م. سعد المهندي بنفسه يمر على المشاريع ليلاً.

ولا تنسون باقي على كأس العالم 4 سنوات
فهم على سباق مع الزمن لإنجاز الطرق والشوارع.

الله يوفقهم.

معاك ذا بست وانا مؤيد لهم ومشجع واتمنى لهم التوفيق

لو ذكرت انا أو غيري بعض القصور فهو تنبيه وتذكير لكن مؤكد فرق كبير بين قبل والحين

[SouthK]

ملف المشروع يفترض يكون مفتوح للمشتغلين فيه والمفروض يكون شامل وأي مختص يشتغل فيه يسجل فيه كل ملاحظاته والبقية يقرونها

من واقع مريت فيه كثير من المعلومات لا تُحدث صح وتكون أوقات منفذة غير لكن تعتمد المخططات الأساسية وليست المغيرة وتحفظ في الملف أو الأرشيف للرجوع لها .. والتنسيق موضوعه سهل لو فيه فرق متجانسة ومتعارفة فيما بينها حتى لو من 20 وزارة وهذي الفرق لها اسماء معروفة للجميع ومقرات وتلفونات معروفة كل شيء يكون سهل .. لكن انا من هيئة أشغال أبغي شيء من كهرماء واحتمال معلومة تافهة .. ما لي الا طريق رسمي طويل .. الفرق الادارية للمشاريع في رأيي هي الحل ولازم تسمى وتكون ثابتة على الأقل طيلة فترة المشروع ولو يتغير عضو أو 10 البقية يكونون مكانه ويكونون متابعين وفاهمين

كلامك صح 100% .. خرايط البنية التحتية تحديدا مسوية مشاكل للكثير من المشاريع بسبب الاهمال .. الله المستعان!

[SouthK]

يشدون حيلهم ويكبرون شركاتهم ويكونون قادرين على المنافسة

حل ثاني يسوون اتحاد بين كم شركة

لو السالفة جذي محد تكلم و لن ازيد!!

[معماري قطري]

الحمدلله اشغال ممتازه ومافي اي دوله لاتخطئ في الطرق
والحمدلله اشغال بدت احين في شغل ومعدات وادارة افضل من قبل


ما فيه أي دولة ما تخطيء في الطرق في العالم الثالث أما بعض الدول المتطورة فمشاريعهم تبقى موفية بالغرض لفترات طويلة جداً

[معماري قطري]

عفوا أخوي معماري

ومع احترامي لجميع الادارات السابقة والحالية فالادارة الحالية خير خلف لخير سلف , وفقهم الله جميعا لخدمة الوطن , كلا حسب الامكانيات المتاحة.

أولا : انت تعلم المقارنة بالادارات القديمة والحالية صعبة لان المعطيات مختلفة الميزانية المتاحة والانتهاء من المخطط العمراني للدولة الذي تغير كثيرا

ثانيا : جميع المشاريع التي افتتحت خلال الفترة الماضية هو جهد وعمل مشترك للإدارة السابقة والحالية, لأن المشاريع لها دورة حياة من بداية الدراسة والتصميم الى التنفيذ فمن الصعب أن تجيير هذه المشاريع لإدارة معينة دون أخرى.

كان الواجب على الإدارات السابقة عدم الموافقة على تخطيطات فاشلة .. تقاطع من نفق وجسر ودوار كانت فكرة فاشلة وأثبتت فشلها سريع .. وكتبت عنها من قديم وقبل لا اعرف المنتدى في 2007 يمكن في الجريدة وتوقعت شبيصير

إشارتنا لفشل عدة مشاريع تعني فشل الإدارة وهذي المشاريع مثل ما ذكرت دراستها الأساسية هي الأهم والموافقة عليها لتخدم سنوات تصل ل 100 سنة والا الخسارة بتكون مستمرة .. مشروع فوق مشروع فوق مشروع وكلها مشاريع مكلفة مال ووقت وتعطيل مصالح الناس واساءة للسياحة ولسمعة البلاد ككل

هذي الإدارة ألحين بترقع أو خل نقول بتغير تقاطع اللاندمارك تغيير جذري وهذا شيء يشكرون عليه .. السؤال وين النظرية المستقبلية عند الادارات السابقة في هذا التقاطع

تقاطعات كثيرة فاشلة واصلاحها بعد بيكون مكلف وقت ومال والوقت قصير ألحين

[معماري قطري]

لو السالفة جذي محد تكلم و لن ازيد!!

فعلا صار الله يسلمك وصارت اتحادات وصار تأجير عمال لمقاول معين وألحين مؤخراً تم اقرار دخول أي مستثمر أجنبي بدون شريك قطري .. الأسباب يحددونها المختصين ويرفعونها لصاحب القرار .. مشكلة طريق سلوى ومشكلة المطار كانت نتيجة أسباب مقاربة شرحتها قبل

[معماري قطري]

أتمنى أشغال تنتبه لبعض المواقف اللي لها فترة ما مرت عليها آلات الصيانة .. على سبيل المثال منطقة المطاعم قرب تقاطع جبر بن أحمد ( رمادا سابقاً ) حفر ومطبات والتنظيم يحتاج اعادة تنظيم .. والمنطقة يمرونها كثير من الناس وتعتبر سياحية وخدمية .. جدام المناعي كذلك

[R 7 A L]

في الوقت الحالي ميه بالميه شغلهم ممتاز
افضل من التجارب السابقة

[معماري قطري]

في الوقت الحالي ميه بالميه شغلهم ممتاز
افضل من التجارب السابقة

أكيد بكثير والله يوفقهم

انا تركيزي على بعض المناطق اللي شوي مغفول عنها وسهل صيانتها وترتيبها ترتيب جديد

مثال بعض الأرصفة أو خل نقول غالبيتها حتى الجديدة تتم بنفس الطريقة القديمة دفان رخيص مدكوك دك بسيط ومهما اندك ينتفخ مع وصول مياه المطر اليه وبعضه يهبط وتحصل الرصيف متعرج وغير متساوي .. بعض قطع الانترلوك مزالة بالكامل من مكانها .. بعض أطراف الكيربستون هابطة أو مكسورة أو مرتفعة أكثر من اللازم .. بعض الأرصفة كبيرة بدون فائدة والضرورة ملحة أكثر لمواقف

حتى بعض الساحات يفترض فيها مواقف متعددة أدوار بسبب الحاجة لها وعدم وجود مواقف في المنطقة

شارع صورته وذكرت الأخطاء المميتة فيه في السابق وأكيد فيه احصائيات مرورية للحوادث المميتة عليه وهو الشارع الرابط بين طريق السيلية وطريق سلوى والمار شرقي كتيبة طارق بن زياد للصناعية من الخلف أو من الغرب .. هذا انعمل مؤقت من قبل 2006 وما زال على وضعه

[معماري قطري]

في الوقت الحالي مشروع طريق الفروسية قائم والله يوفقهم فيه بوادره تبين تبشر بالخير .. كما سمعت عن أعمال توسعة لشوارع معيذر الداخلية ومعيذر من أشد المناطق زحمة

كنت متمني نظرتهم لطريق الفروسية بأن يكون طريق هاي وي ممتد بدون توقف وبجسور وتقاطعات بأقل عدد اشارات أو بدون اشارات كما هو الحال مع تقاطع خالد بن عبدالله العطية ( الله يرحمه ) .. خصوصاً تقاطع الفروسية تقاطع مهم وكذلك تقاطع معيذر وكذلك تقاطع المناصير .. هذه التقاطعات لا تقل أهمية عن تقاطعات الصناعية وعن تقاطع خالد بن عبدالله العطية والشارع يفترض ممتد ومتلاقي مع تقاطع اللاندمارك اللي جاري العمل عليه

ما ادري شبيكون حل هذه التقاطعات بس متوقع تكون اشارات وشوارع واسعة بمسارب أكثر .. في هذي الحالة بيكون حل الزحمة مؤقت وبتطلع الحاجة مجدداً حق تعديل جذري مثل تعديل تقاطع اللاندمارك اللي ما خدم فترة كافية وكلف مبالغ طائلة ووقت ثمين

[naklan]

موضوع جميل اخوي معماري
اشغال تطورت بشكل كبير ولكن نرغب في التميز
وبلادنا تستأهل اكثر من هذا من وجهة نظري المتواضعة
ان لأيوجد مشاكل في التنفيذ ولكن عندنا مشكلة عامة سابقا
وما زالت مستمرة وهي عمل تخطيط عبقري يخدم ل 50
سنة قادمة حتى في الجسور الحالية على خط الشمال
لا يوجد حارات احتياطية في حال ارادو توسعة الشارع
وإضافة مسار جديد لأيمكنهم ذالك

لذالك الخطاء عدم وجود إدارة ولجنة هندسية محترفة كاملة فوق اشغال توافق على
هذه المخطط وترفض الغير مناسب وتلغي وتستبدل المشروع الي نضرته قريبة

ملاحضة مجرد عمل مشروع او جسر بنظرة ثاقبة وبشكل صحيح يوفر في السنين
القادمة وقت الاستبدال والتجديد لوجود بنية قائمة

تحياتي مهندسنا لو في يدي انت اول واحد في اللجنة
لأنك واعي وراعي نظرة بعيدة واراء سديدة

[معماري قطري]

الله يحييك ويسلمك إخوي نكلان

والله صار لي فترة انادي بهذي اللجنة .. مهمة وضرورية حتى تقل أخطاء التخطيط .. خل نقول استراتيجية تخطيطية عامة .. التفاصيل لكل شارع هذي تحتاج شغل هندسي كبير لكن المتطلبات الأساسية وقبول التنفيذ هذا شغل لجنة فنية محترفة

غلط نسوي تقاطع وننسى اللي قبله أو اللي وراه .. الطرق الرئيسية لازم تكون مساربها للخروج والدخول سهلة وبدون توقف وملاحظتك عن قابلية التوسعة خصوصاً مع الاقتراب من العمران ضرورية .. عندنا يصير العكس الطريق السريع واسع لين وصل المدينة يضيق مثل ما يسمى عنق الزجاجة

[naklan]

السكاي وي حل من الحلول الجميلة
الدوحة تحتاج معابر من الجنوب للشمال طرق واسعة
وبلا توقف نحتاج شارع مثل خط الشمال يخفف الضغط
على هذا الخط عجبني جسر عمل بين الغرافة ومدينة
خليفة لو هو جسر صغير بس بيفك الضغط
عن خط الشمال وما يحتاجون للعبور
عن طريقه

عند مول الاندمارك وازدان والخليج ومول ماعرف اسمه منطقة
مكتظة بالمداخل واشوف بدائو بعمل جسور وتحويل مداخل المول من المناطق
الخلفية وهذا هو الصح اَي مول على الخط مداخله ومشاكله يجب ان تحل
تخطيطيا قبل بنائه

المفروض يفتحون موقع لطرح الحلول لبعض المشاكل وقد تحل كثير من المسائل
من أفكار المواطنين العاديين

أمس أتمشى ودشيت كتارا فيه جسر جديد استخدمته للدخول من منطقة الدفنة
ووقت الرجوع الف أدور طلعه من كتارا ما لقيت الا جنب الجسر يوديك قريب الأبراج
والحل بسيط فتح المدخل الي عند البحر وامام الفنادق يرجعك لفوق الجسر بكل
سلاسة وما تزاحم الي في الشارع ولا يزاحمونك

تحياتي مهندسنا وانا منفائل ان لامور من حسن
الى الاحسن الاهتمام كبير والاجتهاد اكبر
ونشد على أيديهم ونشكرهم على
الاجتهاد والعمل الدئوب

[بو خليفه 123]

بفضل من الله سبحانه و من بعد استلام سيدي سمو الأمير ملف اشغال والبنية التحتية و اتباع اوامره شخصياً و مع جهود الدكتور سعد المهندي و المهندسين القطريين القائمين على ادارة المشاريع تغيرت اشغال للأفضل بكثير .

ليس هناك هيئه متكامله و لكن البلا الكبير من المقاول (الشركه الاجنبيه) التي تنفذ الشروع و سوء ادارة أموالها (دفعات اشغال) و ذلك لتغطية ديونها هنا و هناك . و عندما يسوء الحال يتأثر المشروع القائم مما يؤدي الى اعلان افلاس المقاول و فسخ العقد و سحب الاصول و العقود من البنوك القطريه و توكيل المشروع الى مقاول آخر .. قد يستغرق تعديل ما افسده الدهر من 3 الى 6 شهور الى سنه ! .


و لكن اذا بنتكلم عن اشغال , عز الله انهم انجزوا و تقرياً المشاريع المداريه شبه منتهيه و جاهزه للتدشين والمتبقي مشروع دحيل .


اخوكم المقاول الصغير
تحياتي من البلكونه

[معماري قطري]

السكاي وي حل من الحلول الجميلة
الدوحة تحتاج معابر من الجنوب للشمال طرق واسعة
وبلا توقف نحتاج شارع مثل خط الشمال يخفف الضغط
على هذا الخط عجبني جسر عمل بين الغرافة ومدينة
خليفة لو هو جسر صغير بس بيفك الضغط
عن خط الشمال وما يحتاجون للعبور
عن طريقه

عند مول الاندمارك وازدان والخليج ومول ماعرف اسمه منطقة
مكتظة بالمداخل واشوف بدائو بعمل جسور وتحويل مداخل المول من المناطق
الخلفية وهذا هو الصح اَي مول على الخط مداخله ومشاكله يجب ان تحل
تخطيطيا قبل بنائه

المفروض يفتحون موقع لطرح الحلول لبعض المشاكل وقد تحل كثير من المسائل
من أفكار المواطنين العاديين

أمس أتمشى ودشيت كتارا فيه جسر جديد استخدمته للدخول من منطقة الدفنة
ووقت الرجوع الف أدور طلعه من كتارا ما لقيت الا جنب الجسر يوديك قريب الأبراج
والحل بسيط فتح المدخل الي عند البحر وامام الفنادق يرجعك لفوق الجسر بكل
سلاسة وما تزاحم الي في الشارع ولا يزاحمونك

تحياتي مهندسنا وانا منفائل ان لامور من حسن
الى الاحسن الاهتمام كبير والاجتهاد اكبر
ونشد على أيديهم ونشكرهم على
الاجتهاد والعمل الدئوب

وانا كذلك اخوي نكلان

بديت اشوف تعديلات كثيرة والادارة تستمع للمواطنين وواعية على الأخير

أي تنبيه أو ملاحظة مني هي لهذا الاتجاه وليس انتقاص في جهد هذه الادارة ولها كل الشكر

[معماري قطري]

بفضل من الله سبحانه و من بعد استلام سيدي سمو الأمير ملف اشغال والبنية التحتية و اتباع اوامره شخصياً و مع جهود الدكتور سعد المهندي و المهندسين القطريين القائمين على ادارة المشاريع تغيرت اشغال للأفضل بكثير .

ليس هناك هيئه متكامله و لكن البلا الكبير من المقاول (الشركه الاجنبيه) التي تنفذ الشروع و سوء ادارة أموالها (دفعات اشغال) و ذلك لتغطية ديونها هنا و هناك . و عندما يسوء الحال يتأثر المشروع القائم مما يؤدي الى اعلان افلاس المقاول و فسخ العقد و سحب الاصول و العقود من البنوك القطريه و توكيل المشروع الى مقاول آخر .. قد يستغرق تعديل ما افسده الدهر من 3 الى 6 شهور الى سنه ! .


و لكن اذا بنتكلم عن اشغال , عز الله انهم انجزوا و تقرياً المشاريع المداريه شبه منتهيه و جاهزه للتدشين والمتبقي مشروع دحيل .


اخوكم المقاول الصغير
تحياتي من البلكونه

حياك الله يا اخوي بو خليفة وانت مقاول كبير بإذن الله

بالنسبة للأعمال الهندسية الكمال درجات وممكن نوصل لدرجة مرضية ومسكتة لو اتبعنا ما اتبعه الغير قبلنا .. الشركات تربطها اتفاقيات سواء خارجية أو داخلية وأي واحد متمرس في العملية يقدر يعرف أسباب الفشل .. اللي نستغرب منه مشاريع طرق قطر هي الأغلى في العالم .. مشاريع التصميم كذلك .. لكن تطلع أوقات بعضها الأقل جودة والأطول وقت والأكثر مشاكل .. هذا ببساطة فشل هندسي

أعمال الطرق والبنية التحتية تنقسم لثلاث مراحل .. أولها التخطيط العام وطويل المدى .. ثانيها التصاميم الخاصة بكل مشروع بحيث تتناسق مع التخطيط العام وتكون جزء لا يتجزأ منه .. ثالثها التنفيذ ومراحله .. هذي عامة وكل جزئية تتطلب تفرع وادارات وخطط

أكيد لإهتمام سمو الأمير الله يحفظه أثر مباشر لكن المفروض ادارة أشغال تكون ملمة بكل هذي المراحل وتشتغل عليها .. خصوصاً التخطيط العام وهذا تدخل فيه ادارات كثيرة وبعضها تسوي ربكة لمخطط سابق

[NeverLand]

تقريبا جميع الانجازات الحالية والمشاريع اللي تم افتتاحها خلال السنه الماضية وهالسنة تحسب للادارة السابقة واللي تم عزلها بنهاية 2016 .. مثل مشروع اللوسيل وغيره .. لكن اللي ظهر بالصورة وقام بقص الشريط الاحمر هي الادارة الجديدة .. هذا عشان مانبخس بحق اي حد اجتهد وتعب .. فألف شكر للادارة السابقة واللي شالت هي بدورها عبء ثقيل ..

الانجاز الحقيقي للادارة الحالية لاشغال راح يبان بعد سنه او سنتين تقريباً .. الله يوفقهم ويعينهم .. يارب يكونون قد المسؤولية والثقه اللي اوكلها لهم سمو الامير ..

[معماري قطري]

تقاطع اللاندمارك اصلاح شامل لما أفسدته الادارات السابقة

الإضافات على التقاطعات الفاشلة إصلاح من الإدارة الحالية مثل تقاطع الشمال ولو اني ما عجبتني طريقة البناء وطول المدة والتعطيل اللي سواه .. كانوا يقدرون يسوون البريكاست والتركيب بسرعة بدال الصب التقليدي والسقالات والقصة اللي صارت

غير وغير وغير هذي أمثلة بسيطة والله يعينهم على الإصلاح واعادة الترتيب .. حتى طريق سلوى مع الرصيف القرانيت شفتهم يعدلون في بعض الفتحات ويوسعونها حتى تستوعب سيارات أكثر وكان هذا مؤخراً

انا لو متابع عن كثب أكيد بشوف أكثر وأكثر .. الإدارات السابقة من ربعي وكلنا متخرجين من نفس المطبخ بس كلمة الحق تقال .. وقلت إن المشكلة الأساسية ادارية وحلها سهل لو كان فيه همة وابلاغ لصاحب القرار بالمشاكل الاجرائية والرئيسية اللي تعرقل المشاريع .. ومن أهمها الكفيل القطري أو الشريك لشركة عالمية قادرة تجيب عمالتها ومعداتها وتشتغل بذمة .. لكن عرقلتها تبدأ من الشريك القطري اللي يطلب قيمة أعلى بكثير ويحاول يشغل معداته البالية وعمالته قليلة الخبرة

وضربت مثال وكررته كم مرة عن مشروع الشيراتون اللي انعمل بالكامل باتفاق حكومي مباشر بين قطر وكوريا أو الهند .. كذلك مشروع البريد

الطرق والجسور حتى تصميم ما تحتاج .. تحتاج شركات تصمم وتنفذ بس تحتاج خطة واضحة من البداية وادارة تسهل مهمتها

[معماري قطري]

ذكرت كذلك إن فشل أي مشروع خدمي كبير يقاس بشكثر قعدنا نشتغل فيه وعطلنا مصالح الناس وبعدم ايفاءه للنتيجة المرجوة منه .. أسوي تقاطع حده إن كثر يخدم 10 سنين انا خطتي فاشلة .. مب وجهة نظر هذي حقيقة هندسية هذي المشاريع تعمل وتخطط لمئة سنة قادمة

[NeverLand]

ماهو كل المشاريع اللي دخلت حيز التنفيذ الان مثل مشروع اللاند مارك وغيره من بقايا الادارة السابقة .. وحتى انبهار الناس بمشروع اللوسيل "وعلى فكرة المشروع فاز بافضل تصميم هندسي لعام 2018" كله كان بفضل الادارة السابقة اللي انجزت الجزء الاكبر منه .. لازم تكون منصف يا المعماري وماتهضم حق احد حتى لو كان للادارة السابقة بعض السلبيات حالها حال غيرها .. الكمال لله

[qatari911]

ذكرت كذلك إن فشل أي مشروع خدمي كبير يقاس بشكثر قعدنا نشتغل فيه وعطلنا مصالح الناس وبعدم ايفاءه للنتيجة المرجوة منه .. أسوي تقاطع حده إن كثر يخدم 10 سنين انا خطتي فاشلة .. مب وجهة نظر هذي حقيقة هندسية هذي المشاريع تعمل وتخطط لمئة سنة قادمة

ياليت يفكرون بالمستقبل البعيد علشان يتجنبون الاخطاء ولو شي بسيط

[معماري قطري]

ماهو كل المشاريع اللي دخلت حيز التنفيذ الان مثل مشروع اللاند مارك وغيره من بقايا الادارة السابقة .. وحتى انبهار الناس بمشروع اللوسيل "وعلى فكرة المشروع فاز بافضل تصميم هندسي لعام 2018" كله كان بفضل الادارة السابقة اللي انجزت الجزء الاكبر منه .. لازم تكون منصف يا المعماري وماتهضم حق احد حتى لو كان للادارة السابقة بعض السلبيات حالها حال غيرها .. الكمال لله

اللي اعرفه ان تخطيط اعادة وهدم هذا التقاطع هو من الادارة الحالية وتم بسرعة ومضطرين له لأن الوضع لا يطاق

ولا قصدت اهضم حق حد ارجع لموضوع سابق كتبته بتشوف بالصور شسوت الادارات السابقة .. بعض الشوارع للحين ما تعدلت مع إن تعديلها بسيط وتعديل أمني لأمان الطرق .. مثل الطريق اللي صورته في الموضوع السابق اللي انعمل قبل 2006 وحصد أرواح ناس كثيرين بسبب الحواجز الخرسانية المفككة وهو طريق شرقي كتيبة طارق بن زياد في السيلية والواصل بين طريق سلوى والسيلية

إذا قلنا سلبية فهي سلبية واضحة وإذا قلنا شغل الادارات السابقة كان يفترض يمتد ل 100 سنة فنحن لنا نظرتنا ونركز على هذي المشاريع اللي شغلتنا فترة طويلة ولا حصلنا منها مردود يسوى تكلفتها ووقت تنفيذها

اليوم جيت دوار الصناعية .. مسوينه مضمار سباق .. تموا يرقعون فيه شيء بشيء .. أولها سووه نفق وجسر ودوار كبير صعب الواحد يدخله بسبب سرعة السيارات .. بعدين سووا جسر تحويلة بس وحدة للصناعية والمفروض عدة تحويلات .. بعدين صححوا جزء من الخطأ بوضع اشارات .. ألحين هذي الادارة تشتغل على حل شامل لبعض التقاطعات الفاشلة وشغل الحل شغل مزعج وياخذ وقت واحنا في فترة حرجة وكذلك يتطلب تكلفة أكبر من التكلفة المبدئية اللي لو خططت عدل كان بيكون استثمارها أمثل لعقود عديدة قادمة من السنوات

[معماري قطري]

ياليت يفكرون بالمستقبل البعيد علشان يتجنبون الاخطاء ولو شي بسيط

جسر الجيدة على بساطته وقدمه خدم وطلع قيمته خلال السنوات الطويلة اللي موجود فيها .. كذلك راس بو عبود مع إن تم تغييره بالكامل بس خذ فترة طويلة وأي تقاطع خطط ونفذ نتوقع يخدمنا فترة طويلة بدون عرقلة فما بالك بازالة وتجديد بعد فترة 10 سنوات أو حولها

[م. عبدالعزيز]

كل الشكر لأشغال، يبذلون مجهود كبير خصوصا هذه الفترة. والنتائج طيبه الحمد الله
اعتقد ان الزحمة مشكلتها مب من اشغال ، وانما من البلدية والتخطيط العمراني . على سبيل المثال: حاليا كل الدوائر الحكومية موجودة بالدفنة ، شي طبيعي كل السيارات راح تكون متجهه لها في وقت الصباح ، وبتسبب زحمه بالطرق اللي توديك اياها، لكن لو توزعوا على مناطق متعددة في الدوحة ، راح تتوزع السيارات على كل الشوارع وماراح يكون في تكدس بالشوارع. او كحل ثاني يكون مثلا الدوام الصباحي للمدارس 6 ولموظفي الحكومة الساعة 7 وللخاص 8 ولجهات اخرى 9 وهكذا.

[معماري قطري]

رايك ممتاز اخوي عبدالعزيز الزحمة سهل يتسيطر عليها بس يبي لها جهود منسقة ومشتركة وتحتاج للجنة تنظيمية تكون لها قوة تامر وتنهي

السكان توه في بدايته 2.7 مليون وعلى سنتين متوقع يتضاعف وهناك النمو الاعتيادي لمدى طويل اللي المفروض الادارات السابقة بانية مشاريعها على أساسه ونفترض كل سنة 500000 نسمة لخمسين سنة تعطينا 25 مليون واحتمال أكثر .. فيه طريقة احصائية لهذي الحسابات وتكون شبه دقيقة لو ضفنا عدد السياح المتوقع وعدد المقيمين القادمين ناقص عدد المتوقع يروحون

[معماري قطري]

ما شاء الله بدت بوادر طريق الفروسية في الظهور وبدأ الافتتاح الجزئي .. بالخطوط الأرضية والإنارة

go asghaal go

[qatari911]

كلها كم يوم والله يغيثنا بالامطار
عسى بس اشغال ماتسكر شوارعها ويكتبون في الجريدة هذه مو غلطتنا غلطة الامطار جات بزياده هالسنة هههههه

[معماري قطري]

كلها كم يوم والله يغيثنا بالامطار
عسى بس اشغال ماتسكر شوارعها ويكتبون في الجريدة هذه مو غلطتنا غلطة الامطار جات بزياده هالسنة هههههه

شفتهم في طريق سلوى آخر الليل ينظفون الفتحات الصغيرة اللي سوتها إدارة أشغال السابقة

هذي الإدارة مفتحة وتشتغل على مستوى

[بومحمد911]

لاحظوا ان اشغال ما تسوي بس شوارع

عندهم المدارس والمراكز الصحية وغيرها

الشغل افضل من السابق بكثير، والانجاز اسرع.

اي والله حتى المساجد قاموا يسوون
الله يعطيهم العافية

[معماري قطري]

اي والله حتى المساجد قاموا يسوون
الله يعطيهم العافية

ما قصروا شغل متميز خصوصاً في المباني

الريل أكيد ادارة غير وكنت متأمل مباني المحطات الأرضية تكون أجمل من الوضع الحالي لكن صدمتني بعض المباني اللي انتهت مسحة الجمال المعماري محدودة

[كاشف الغطاء]

يمكن اللي فرق ان المشاريع اللي كانت تشتغل عليها الإدارة السابقة كلها تم افتتاحها الحين في وقت الإدارة الحالية

[معماري قطري]

كلها كم يوم والله يغيثنا بالامطار
عسى بس اشغال ماتسكر شوارعها ويكتبون في الجريدة هذه مو غلطتنا غلطة الامطار جات بزياده هالسنة هههههه

شفت مقاطع فيديو لشوارع العزيزية الجديدة غرقانة بالماي .. مع إنه ذكر لي شخص إن الطرق ما انعملت الا بعد ما تم عمل بنية تحتية للمياه الجوفية وكذلك مياه الأمطار

منا لأشغال والمطر اللي نزل أمس رشة بسيطة

[معماري قطري]

يمكن اللي فرق ان المشاريع اللي كانت تشتغل عليها الإدارة السابقة كلها تم افتتاحها الحين في وقت الإدارة الحالية

مش ممكن لأن غالبية المشاريع اللي تنبني حالياً حتى وإن خطط بعضها في السابق تم التعديل عليها .. للأسف الإدارات السابقة كانت تشتغل وبس أما الحالية تشتغل بخطة كاملة للمستقبل ولمدى طويل

[معماري قطري]

كما أن الحالية سوت خطط ومشاريع ترقيعية للمشاريع السابقة اللي ما خدمت الا فترة قصيرة وبانت عيوبها

[بوخالد911]

س
دوار سوق العلي
شاللي قاعدين يسون فيه ؟!

[مرتبش]

س
دوار سوق العلي
شاللي قاعدين يسون فيه ؟!

تحويله الى اشارة

[bus3od]

ما اعتبر أشغال سوو شي اذا ما حلوا ازمة الزحمة في 22 فبراير بالذات عند تقاطع مدماك و تقاطع سوق العلي و تقاطع جسر الشمال
خلكم واقعيين شوي هذا اهم طريق في الدولة و الاكثر حيوية لانه الوحيد اللي يربط الشمال بالجنوب بشكل مباشر

[معماري قطري]

س
دوار سوق العلي
شاللي قاعدين يسون فيه ؟!

دوار سوق العلي بيطورون التقاطع بتحويلات ثانية بلا توقف وبلا اشارات أُسوة بتقاطع اللاندمارك لأن التقاطعين مهمين

يبقى تقاطع العسيري المشهور بمدماك هذا مأساة ويحتاج لشغل جذري

الله المستعان وصلتني مقاطع رهيبة لغرق شوارع كثيرة بسبب المطر وأكيد هذي الشوارع تم تنفيذها سابقاً وبعضها حديثة ومثل ما قيل بأن تصريف الأمطار عمل حسابه بس النتيجة واضحة

[معماري قطري]

ما اعتبر أشغال سوو شي اذا ما حلوا ازمة الزحمة في 22 فبراير بالذات عند تقاطع مدماك و تقاطع سوق العلي و تقاطع جسر الشمال
خلكم واقعيين شوي هذا اهم طريق في الدولة و الاكثر حيوية لانه الوحيد اللي يربط الشمال بالجنوب بشكل مباشر

مب الوحيد والتركيز الحالي عليه حالياً وعلى الطرق المحاذية البديلة

[معماري قطري]

الوقت يمر سريع وشغل التحويلات هذي والطرق اللي بلا توقف يحتاج جسور حديثة وشغل سريع في كم مكان .. نركز على مكان ونخلي غيره ما يحل المشكلة والتركيز لازم يكون على كل مفاصل الطريق أو الطرق لأن الوقت قصير والعمل لا بد يكون متزامن وبوقت واحد حتى لو باستيراد شركات تصمم وتبني بنفس الوقت

ما ننسى تصريف المياه لأن وقت البطولة وغير البطولة احنا موجودين ونستحق تنعمل لنا طرق مايلس أو بدون مياه

[لطيف الروح]

تسأل عن مدى رضاهم عن أداء أشغال منذ إنشائها؟
مثل ما قال المقبور علي عبدالله صالح
تسألني !!!!!! اسأل كناة الجزيرة

[qatarman8008]

عندي ملاحظة على نظام تصريف مياه الامطار..

[ya3coub]

ما يحتاي الملاحظة اتمنى صج المسؤولين اللي موجودين انه عندهم خبره سايت.

انه ناس اشتغلو فعليا فالمشاريع و على ارض الواقع تمرمطو شوي لما العميل او الجهة المسؤولة تطرح مشروع و يكون صاحب القرار عنده خبره مشاريع و اشتغل بيتفادون الكثير من المشاكل و يقدر يتفاهم معاهم مو يقتنع بس و يوافق او يرفض عناد لأنه Client

[ya3coub]

ربي لك الحمد عند\نا انفاق و محطات و فتحات تهوية و المشروع ما خلص و سبحان الله من اللي شفته حزة الغدا فالشوارع كليت بسرعه و طيران محطة ممحطة كلشي عندي بالأنفاق جيكت عليه تسريبات بسيطة طبيعيى لأن السقف مفتوح و بس ربي لك الحد رجعت المكتب جوالي متروس فيديوهات و صور بشكل غير طبيعي اشدعوى وين احنا قاعدين على كل هاي.

و كأن قطر مافيها اي تصريف صحي كللللش

[معماري قطري]

تسأل عن مدى رضاهم عن أداء أشغال منذ إنشائها؟
مثل ما قال المقبور علي عبدالله صالح
تسألني !!!!!! اسأل كناة الجزيرة

والله فضايح المطر بانت في شوارع جديدة كثيرة

والمطر كان ما صارت له ساعتين وهو ينزل

إذا الهدف من غالبية المشاريع هو بياض الويه جدام دول العالم في 2022 فالمفروض يعملون المشاريع صح ويجربونها حتى برشها بمياه ويشوفون التصريف .. والمفروض يسوون حلول غير اعتيادية غير عن فتحات الصرف الصغيرة اللي كانوا ينظفونها من أيام

سمعت في السابق عن مشروع صرف كبير كان بينتهي سنة 2013 لمناطق عين خالد وانت رايح لين المطار لين مطار حمد الدولي .. والمفروض يكون انتهى واللي سمعته من قيادات أشغال كانوا ينسقون مع إدارتي الهندسية لمرور المشروع تحت أرض تابعة لنا .. المفروض تم ربط تصريف المياه الجوفية الضحلية وكذلك الأمطار تحصيل حاصل لكن ما سمعت عنه عن غرق مناطق عين خالد والعزيزية وكل مناطق قطر يؤكد فشل هذا المشروع

المشروع كان عبارة عن قناة تحت الأرض بقطر 6 متر تدخل فيها سيارتين يتسابقون مع بعض .. وهذي القناة بترتبط بها قنوات فرعية تصرف المياه يعني مشروع ميخرش الميه

[معماري قطري]

ما يحتاي الملاحظة اتمنى صج المسؤولين اللي موجودين انه عندهم خبره سايت.

انه ناس اشتغلو فعليا فالمشاريع و على ارض الواقع تمرمطو شوي لما العميل او الجهة المسؤولة تطرح مشروع و يكون صاحب القرار عنده خبره مشاريع و اشتغل بيتفادون الكثير من المشاكل و يقدر يتفاهم معاهم مو يقتنع بس و يوافق او يرفض عناد لأنه Client

كلام هندسي صحيح وأعتقد الادارة الحالية تعيه وفيها خبرات اشتغلت في المواقع وأتمنى ترتفع حلول سريعة للقيادة العليا ولسمو الأمير الله يحفظه

من ضمن الحلول السريعة واللي لن تكون سهلة لأن المفروض عملها من الأساس هو عمل تصريف شبه سطحي وقنوات لو صغيرة تصرف المياه لأراضي مفتوحة منخفضة مجهزة لموازنة كمية الأمطار المتجهة اليها .. كذلك أتوقع تم انجاز عدد من القنوات الكبيرة تحت الارض مثل ما ذكرت قناة عين خالد وغيرها وهذي فقط تحتاج لربط القنوات الفرعية بها

[معماري قطري]

ربي لك الحمد عند\نا انفاق و محطات و فتحات تهوية و المشروع ما خلص و سبحان الله من اللي شفته حزة الغدا فالشوارع كليت بسرعه و طيران محطة ممحطة كلشي عندي بالأنفاق جيكت عليه تسريبات بسيطة طبيعيى لأن السقف مفتوح و بس ربي لك الحد رجعت المكتب جوالي متروس فيديوهات و صور بشكل غير طبيعي اشدعوى وين احنا قاعدين على كل هاي.

و كأن قطر مافيها اي تصريف صحي كللللش

الفيديوهات مطلوبة نزلها والا طرشها وست أب تدليع للوتس أب وانا بانزلها ان شاء الله

وأتوقع محطات الريل وشغله يكون مطرلس باذن الله

[معماري قطري]

عندي ملاحظة على نظام تصريف مياه الامطار..

كلنا والله لاحظنا هالشيء وقبل من زمان حذرت منه مرات ومرات

التصميم فاشل .. بما أن الأرض عندنا شبه مسطحة ليش نسوي أنفاق ونسوي خطوط محفور لها بدال شوارع رئيسية شوي مرتفعة وجسور .. الأنفاق تحتها خزان مهما يصير بينملي بسرعة وكذلك بناءه صعب ومكلف .. وهذا يحسب على الادارات السابقة والله يعين الحالية على ترقيع ما يمكن ترقيعه

[ya3coub]

الفيديوهات مطلوبة نزلها والا طرشها وست أب تدليع للوتس أب وانا بانزلها ان شاء الله

وأتوقع محطات الريل وشغله يكون مطرلس باذن الله

ما اقددر اتكلم عن باقي مشاريع الريل بس عندنا ربي لك الحمد مافي شي و لله الحمد

[معماري قطري]

ما اقددر اتكلم عن باقي مشاريع الريل بس عندنا ربي لك الحمد مافي شي و لله الحمد

الحمد لله ومشاريع ما اكتملت أكيد بيكون فيها تسريب لكن توقعي مع اكتمال المشروع ما يكون فيه خلل والسبب ببساطة ثقتي في شغل الألمان

[naklan]

هذا المطر فرصة لهم للوقوف خلف كل خلل والأماكن الي
غرقت ونازلة يعملون لها أماكن تصريف ما نبي نشوف في المطرة
الجاية نفس المنظر اعملو الْيَوْمَ لتحصدو غدا افرضو جات امطار غزيرة في
كاس العالم الأماكن الي قريبة من البحر تصرف في البحر والبعيد في
البرك المخفية تحت الارض والساحات المكشوفة شوارع كلفت
ميزانية البلد الملايين ومن اول مطره تخترب من المسئول

[لطيف الروح]

GIGO
Garbage in Garbage out

[غير عنهم]

البنيه التحتيه الضعيفه مثل الفيلا الي تمديداتها تعبانه معرضه لتسريب في اي وقت يعني اختيار المهندس الجيد من البدايه ضروري

[بوخميس]

الفيديوهات اللي انتشرت اليوم ما تبشر بخير

كل هالمشاريع المليارية ولحين تجمعات مياه وسوء تصريف غير المشاريع اللي تخر

اذا استمرينا جذي وكأس العالم بيكون في شهر 11 يعني في موسم الامطار بيكون شيء سيء جداً

[fmmja]

قبل كم سنة اذا تذكرون الشارع التجاري في معيذر يوم غرق ودش الماي في المحلات
وتضرروا اصحاب المحلات و السيارت غرقت

وقاموا بأعمال صيانة لمدة سنة او اكثر و حاسو العالم بكثر التحويلات في معيذر

و النتيجة شفناها اليوم شوارع طافحة و خسائر على الفاضي

[وحيد-الشوق]

استغفر الله على كثر ما فرحت بالمطر الا أني جد ضاق صدري (حتى الكروزرات والسيارات الكبيره غرقت) من الي شفته اليوم ما اشبه اليوم بالبارحه ولأكانه تغير شيء نفس العقليات نفس الاخطاء نفس الفساد متى بنتعلم من اخطائنا شنو قاصرنا ياجماعه شوي تركيز وترتيب نبي شغل جيد مانبي شيء ممتاز نبي تصريف للمياه كأس العالم مابقى له شيء الله يستر من الفضايح ولا شهر 12 بعد الله يعين

[style]

صفر،،،،

[معماري قطري]

قبل كم سنة اذا تذكرون الشارع التجاري في معيذر يوم غرق ودش الماي في المحلات
وتضرروا اصحاب المحلات و السيارت غرقت

وقاموا بأعمال صيانة لمدة سنة او اكثر و حاسو العالم بكثر التحويلات في معيذر

و النتيجة شفناها اليوم شوارع طافحة و خسائر على الفاضي

عيب شغلهم إنهم يستعينون بمهندسين أو مكاتب هندسية تخصصها مباني وفلل عادية .. ولو استعانوا بمكتب هندسي عالمي في الغالب يكون مختبيء تحت اسم رنان ككفيل قطري وتحت اسم رنان كمكتب عالمي قوي لكن الواقع مهندسينه شباب كثير منهم قليل خبرة

بعدين تدخل عوامل كثيرة في التصميم ويحسبون التكلفة والوقت وحتى يدورون شغل ممكن يسويه المقاول بو كزمة اللي كفيله فلان .. قلتها مرات ومرات شركة عالمية تصمم وتنفذ وهذي الأعمال ما فيه أسهل منها بس ليتدخلون وايد بقيود تخلي الشغل مستحيل

يعني ألحين الطرق مستوية وجاهزة وغالبيتها منخفضة والتصريف السطحي مستحيل ولازم تصريف تحت الأرض يحتاج حفر قنوات فرعية تلتقي في قنوات رئيسية وتاخذ الماي بعيد يفترض لمحطة معالجة ولإعادة استخدامه .. شركات الحفر مستعدة وبتكنولوجيا حديثة وبحفر قُطري وسريع مثل الدريل الكبير لهذي القنوات وبدون تأثير على الطريق .. القناة الكبيرة تكون محفورة بحفار تحت الأرض مثل اللي للريل

أدري العملية معقدة تبين بس هم كانوا أصلاً بادين فيها شصار الله أعلم .. آخر سنوات شغلي الهندسي كانت 2009 وقايلين مشروع بينتهي في 2013 للقناة الرئيسية بقطر 6 متر تحت الأرض من عين خالد لين المطار الجديد .. كانت بتخدم طريق سلوى والصناعية والماي يروح للبحر مياه المطر والمياه الضحلة اللي تخرب المباني .. صوب ملعب نادي قطر سووا نفس القناة بس قصيرة وحلت مشكلة كبيرة

[معماري قطري]

الفيديوهات اللي انتشرت اليوم ما تبشر بخير

كل هالمشاريع المليارية ولحين تجمعات مياه وسوء تصريف غير المشاريع اللي تخر

اذا استمرينا جذي وكأس العالم بيكون في شهر 11 يعني في موسم الامطار بيكون شيء سيء جداً

وصلتني فيديوهات من دول حولنا المطر والسيول خيالية تجرف السيارات وتسقط الجدران

لازم نعترف إن المطر كارثي بس متوقع وقابل للحدوث مرة ثانية وثالثة ونصمم شوارعنا لتتحمل أمطار أكثر وتصرفها بسرعة

[معماري قطري]

صفر،،،،

شوف نص الكوب المليان اخوي ستايل شوف سرعة انجاز المشاريع وشوف نظافة الطرق في غير المطر .. صج المطر والنقع اللي صارت حسستنا إن الشغل رخيص بس هذي تراكمات شغل تعبان من البداية

عندي إحساس ويقين بأن الإدارة الحالية تعد حلول جذرية للمشكلة وبنشوفها بإذن الله في المستقبل .. نتمنى نشوفها لكل المناطق .. سمعت عن مواطن سيارته غرقت والماي في بيته للركبة طلع وسكن في فندق الله يعوضه خير

[معماري قطري]

البنيه التحتيه الضعيفه مثل الفيلا الي تمديداتها تعبانه معرضه لتسريب في اي وقت يعني اختيار المهندس الجيد من البدايه ضروري

للحين عقلية الحلول الجزئية موجودة عند ربعنا .. تذكرت من ايام امر في معيذر شفت الرادارات اللي ركبوها قرب الاشارات .. جديدة وللحين يحطون حولها أعمدة صلب حماية تكسر السيارات ومنظرها مقزز .. كان الأجدر بهم يحطون حولها طوق من الحديد القابل للانطعاج حتى يمتص الصدمة جزئياً ويحمي الاشارة ويحمي السيارات ومنظره شوي حضاري

أرجو مدير أشغال يلتفت لهذي النقطة ولو المرور يطلبونها المرور غلطانين والأمان في الطرق مسؤولية الجانب الهندسي وهنا أشغال مب مسؤولية المرور

[معماري قطري]

هذا المطر فرصة لهم للوقوف خلف كل خلل والأماكن الي
غرقت ونازلة يعملون لها أماكن تصريف ما نبي نشوف في المطرة
الجاية نفس المنظر اعملو الْيَوْمَ لتحصدو غدا افرضو جات امطار غزيرة في
كاس العالم الأماكن الي قريبة من البحر تصرف في البحر والبعيد في
البرك المخفية تحت الارض والساحات المكشوفة شوارع كلفت
ميزانية البلد الملايين ومن اول مطره تخترب من المسئول

إحنا إخوي نكلان أول ما نقرر نبني أو نسوي طريق نحدد مستويات الارض ونحدد شكثر بندفن وشكثر بنحفر حتى نساويها ما ننطر المطر ينزل ويعلمنا شصاير

بعض مباني ألمانيا كثيرة المطر تحصل السلوبات جهة المبنى وفيه بيسمنت ومحفور شوي حول البيسمنت وفيه حصى حوله .. هذي من يوصلها الماي ينزل تحت سرعة تصيده قنوات تصريف قبل ليوصل أساسات وجدران المبنى .. هذا اسمه تخطيط صح .. عندي صور وفيديوهات بس ما نزلتها

الشوارع وضعها غير والمفروض مرتفعة شوي وحولها تصريف للبيوت وللشوارع .. بعض الشوارع ببساطة ترفعها حتى 20 سم عن الأرض حولها وتسوي جنبها قناة تصريف تجمع الماي وتنقله بعيد وهذي سهل عملها للطرق البرية والطويلة وحتى طرق المدينة لو مخططها من البداية لهذا الشيء

[Dana’1]

الي شفته اليوم بعد الأمطار الجميله رغم إنها لنص يوم فقط ولكن النتيجه تشوفها من بعد ساعه الى ساعتين من استمرار المطر الله يجعلها أمطار خير وبركه
من كذا مازالت نظرتي لأشغال نفس ماهي ما تغيرت ،، تقصيرها واضح جدا بأغلب إذا مو كل المشاريع والله المستعان.

[معماري قطري]

GIGO
Garbage in Garbage out

الغاربيج اللي يجون عليمية أو شهاداتهم مضروبة أما ربعنا الموجودين أو اللي راحوا عليهم ظروف صعبة وهذي نتيجتها

[معماري قطري]

الي شفته اليوم بعد الأمطار الجميله رغم إنها لنص يوم فقط ولكن النتيجه تشوفها من بعد ساعه الى ساعتين من استمرار المطر الله يجعلها أمطار خير وبركه
من كذا مازالت نظرتي لأشغال نفس ماهي ما تغيرت ،، تقصيرها واضح جدا بأغلب إذا مو كل المشاريع والله المستعان.

شكلهم ما عملوا حساب للمطر نهائياً الا في الأنفاق .. بس شفنا أنفاق غرقت وإن شاء الله بانزل بعض الفيديوهات التوضيحية للذكرى واللي بينزل من عنده حياه مشكوراً

[شي ثاني]

شوارعنا لا مرتاحين فيها الأيام العاديه ولا في وقت المطر

مب حاله والله

على من المسؤوليه ؟

[معماري قطري]

شوارعنا لا مرتاحين فيها الأيام العاديه ولا في وقت المطر

مب حاله والله

على من المسؤوليه ؟

تتحملها أجيال متعاقبة من الإدارات

دوم أذكر شوارع مدينة ميامي لأن أول دخول لي فيها كان في 1989 وكنت منبهر من التحويلات والجسور العالية كم طابق .. ولا فيها نفق كلش ولا حتى بيسمنت الا واحد قديم غرق يوم جاء اعصار أندرو سنة 1993 .. تفادوا عمل أي بيسمنت وأي نفق من زمان لأن أرضهم مسطحة وعلى البحر وكثيرة المطر والبحيرات .. الوضع قريب من أرضنا لكن احنا ينقصنا المطر

زرت ميامي عدة مرات آخرها 2015 وكل مرة أشوف تطوير في الطرق لكن الطرق الداخلية وشبكتها مثبتة وجودها طول هالفترة .. صج تستوي زحمة بعض الأوقات لكن زحمة سلسة وماشية

سكانها يزيد على 5 مليون ومستغلين كل قطعة أرض فيها وبعض الشوارع يستحيل توسعتها لكن تخطيطها من البداية صح

عندنا فرصة كبيرة وخلال سنة أعتقد أبناء قطر قادرين على أن يجعلوا قطر أفضل من كل الجوانب

[معماري قطري]

شفت الأخبار وتبرير وزير البلدية للمطر القوي وهو صحيح لكن ما يعني إن الاستعدادات مناسبة .. يوم تبني نظامك على معلومات خاطئة وأثبتت خطأها من كم سنة وتثبت خطأها هذي السنة معناه الخطأ لازم يصلح واصلاحه بيكون بترقية هذي الأنظمة بحلول ثانية ومضخات قوية

بدال ما نبني نظامنا لكمية أمطار 20 ملم في السنتيمتر المربع أو 10 ليش ما ناخذ احتياطنا ونتوقع المطر بينزل ثلاث أيام زرا بعض بمعدل 20 ملم لكل يوم وتعطينا 60 ملم .. ونحط معامل أمان لأي خلل أو زيادة نوصلها حتى ل 100 ملم

الخير جاي اليوم بإذن الله وما ندري احتمال بكرة ولو الخزانات اللي تحت الأنفاق انملت يعني النظام فاشل

شفنا في مقاطع جيش الدناكر المصغر والله يستر اليوم شبيصير

[qatari911]

شفت الأخبار وتبرير وزير البلدية للمطر القوي وهو صحيح لكن ما يعني إن الاستعدادات مناسبة .. يوم تبني نظامك على معلومات خاطئة وأثبتت خطأها من كم سنة وتثبت خطأها هذي السنة معناه الخطأ لازم يصلح واصلاحه بيكون بترقية هذي الأنظمة بحلول ثانية ومضخات قوية

بدال ما نبني نظامنا لكمية أمطار 20 ملم في السنتيمتر المربع أو 10 ليش ما ناخذ احتياطنا ونتوقع المطر بينزل ثلاث أيام زرا بعض بمعدل 20 ملم لكل يوم وتعطينا 60 ملم .. ونحط معامل أمان لأي خلل أو زيادة نوصلها حتى ل 100 ملم

الخير جاي اليوم بإذن الله وما ندري احتمال بكرة ولو الخزانات اللي تحت الأنفاق انملت يعني النظام فاشل

شفنا في مقاطع جيش الدناكر المصغر والله يستر اليوم شبيصير

اللهم لا شماته
الحين بيقولون لك مو ذنبنا المطر كان كثير هالسنه
وبيجيك من هو شغال هناك يدافع ويبرر الاخطاء مادري ليش مافيه تعلم من الاخطاء الي صارت السنوات الاخيره

[دينالي]

صاروا احسن

[SASAS]

كل الادارات مثل بعض
أختكي ....مثلكي !

[معماري قطري]

اللهم لا شماته
الحين بيقولون لك مو ذنبنا المطر كان كثير هالسنه
وبيجيك من هو شغال هناك يدافع ويبرر الاخطاء مادري ليش مافيه تعلم من الاخطاء الي صارت السنوات الاخيره

الأمطار يوم غرقت الشوارع ما لها ساعتين وهذا شيء متوقع لكن تأثيرها بقى فترة طويلة وسوى خلل وإحراج

ما ادري أي تصريف يتحدث عنه المسؤولين هل يقصدون الدناكر اللي ستاندباي على طول

انا حاولت بمخرج وحاولت ادافع لكن دفاعي عن بلادي ومقدراتها أولى وأتمنى يتصلح الخلل

[معماري قطري]

صاروا احسن

التحسن ملاحظ مع الإدارة الحالية والله يوفقهم

[معماري قطري]

كل الادارات مثل بعض
أختكي ....مثلكي !

الله يعينهم وفيه جهات كثيرة غير أشغال بعد لها دخل وصراحة العملية صعبة وتحتاج حلول سريعة وعقول قبل الحلول

مثال بالفيديو هالمرة هذي المنطقة التعليمية أو المدينة التعليمية ونشوف نبع يطلع من فتحة الصرف .. هذا دليل سوء تخطيط أو تصميم خاطيء


https://youtu.be/G87sjvPaiSw

[معماري قطري]

وهذا فيديو ثاني ما كنه في قطر وهنا بنيان .. ما اذكر وين بس واصلني على الوتس أب لموقع معين والحل كان المفروض مؤسس له مع الأساس .. ما بغيت احطه وفكرت مرات ومرات بس لتوضيح المشكلة وحجمها مضطر احطه

هذا تتوقعون آثاره بتتصلح ببلاش وبدون ما تاخذ وقت ومجهود كبير؟ ليش ما انعمل حساب المطر من التصميم ؟ وليش نسوي بيسمنت لمواقف تحت الأرض وإحنا أرضنا ضعيفة ومياهها الجوفية مرتفعة .. ووين الجهات الهندسية عن اللي يصير أثناء التصميم؟


https://www.youtube.com/watch?v=f8h8e6fcty8&feature=youtu.be

[بوخميس]

وهذا فيديو ثاني ما كنه في قطر وهنا بنيان .. ما اذكر وين بس واصلني على الوتس أب لموقع معين والحل كان المفروض مؤسس له مع الأساس .. ما بغيت احطه وفكرت مرات ومرات بس لتوضيح المشكلة وحجمها مضطر احطه

هذا تتوقعون آثاره بتتصلح ببلاش وبدون ما تاخذ وقت ومجهود كبير؟ ليش ما انعمل حساب المطر من التصميم ؟ وليش نسوي بيسمنت لمواقف تحت الأرض وإحنا أرضنا ضعيفة ومياهها الجوفية مرتفعة .. ووين الجهات الهندسية عن اللي يصير أثناء التصميم؟


https://www.youtube.com/watch?v=f8h8e6fcty8&feature=youtu.be

مركز المؤتمرات

[معماري قطري]

مركز المؤتمرات

مشكور على المعلومة اخوي بو خميس

اليوم تجولت في بعض الشوارع وما شاء الله الوضع فوق الزين

بنفس الوقت شفت بعض المقاطع للمطر شسوى في دول مجاورة وحسيت إني قسيت ببعض الكلمات

وجهة نظر قد يختلف معها الكثيرون لازم نسوي أراضي محفورة بالتدريج حفر مقعر وتكون مكان لتجمع مياه المطر وتنعمل سلوبات على جهتها وقنوات خاصة تنقل المياه من قريب لها .. وهذي تم عملها حول بعض الطرق لكن ضروري نعملها حتى في الفرجان مب حلوة رشة مطر تغرق سيارات وبيوت

كدسنا المباني حول الطرق بدون خطة صحيحة لتصريف المياه وهذي مشكلة كبيرة .. كل منطقة لا بد لها دراستها

قمت من فترة بعمل دراسة لحوض مياه الصرف في بو نخلة .. دراستي تلخصت في مدى خطورة الحوض وهل لو انهار سوره المدفون بيتجه ناحية البيوت أو سجن هناك أو القاعدة الجوية .. شفت خرايط مساحية من ثلاث جهات وقارنتها حصلتها متطابقة وكلها تبين انخفاض الأرض جهة الجنوب .. وهناك الأرض مفتوحة بس فيها زرع ويسهل اخلاؤه .. لو صار انهيار للجزء الشمالي مؤكد الخطر بيكون جهة بعض المباني والبيوت هناك .. جهة الغرب مستحيل السيل يقطع الشارع المرتفع ويتجه للقاعدة المرتفعة أصلاً وبيروح جنوب حسب طبيعة ميلان الأرض

الدراسة ما خذت مني ساعات .. تجي جهة ثانية تخطط مشروع قريب وفي موقع خطر مثل جهة الجنوب في هذا الموقع فهذا جائز ويصير في كل المشاريع لكن لا بد من استراتيجية وخطط معروفة ومتفق عليها للأراضي المنخفضة اللي يتجه لها السيل الطبيعي أو المياه الموجهة والمنقولة من حول الطرق والمنازل وتكون هذي ماستر بلان يتبع ولا أي جهة تتجاوزه والكل يلتزم به

كانت عندنا روض ونقع طينية ينقع فيها المطر وتستوي غدران تبقى لفترات طويلة من الزمن وبعدين تخضر وتزدهر .. زحف عليها التطور الحضاري وانبنت مناطقها وكان الأجدر نعملها منخفضات تجمع مياه وممكن نزرعها وبأقل مياه ري بيتطلع واحة خضراء

[الدوحه1]

https://www.youtube.com/watch?v=S5mXT3QWAAs

[Dana’1]

وين يا معماري ،، الكلام الي تقول عنه بالمهنيه العاليه وغيرها بالمناطق الحاليه صعبه شوي .
والأمل هي بالمناطق و الأحياء السكنيه الجديده 100% يتفادون فيها كل الي يصير و يقدرون*
لكن ما أعرف فعلا ليش ما شدون حيلهم يتابعون و يحاسبون ويعيدون مراجعه كل العقود مع الشركات الي تسوي هالمشاريع أجنبيه أو محليه يورونهم نتايج شغلهم و يقبضونهم الباب.. يستبدلونها بشركات ممتازه تدرس المنطقه عدل وتبنيها على ما يتوافق معها من الأساس .

صور ومقتطفات

من باب التعزيز وإن الإيجابيه حلوه ببتدي يصورة لنفق سلم من الغرق من الواقع.

https://e.top4top.net/p_10257cmu30.jpeg (https://up.top4top.net/)

ومن ثم نجي للجانب الأخر من الواقع أحد الشوارع ماقدرت أعد الدناكر (مقطع فيديو)

https://i.top4top.net/m_1025pur3c0.mov

هنا نشوف إن مشروع دنكر دنكرين جدا مربح ماشاءالله بس شكله مواسم،، فالي يقدر يتوكل على الله بالتوفيق


https://b.top4top.net/p_1025y482k0.jpeg (https://up.top4top.net/)

على نهر التايمز نهر موسمي،،
الله يعين أصحاب البيت و الحي بكبره.

https://a.top4top.net/p_102525grl0.jpeg (https://up.top4top.net/)
هالنبته خذت كفايتها و ارتوت لسنه قدام.

نكتفي بهد القدر
والسلام ختام

[Dana’1]

غير انه وصلني مقطع غرق احد المستشفيات الحديثه جدا جدا بس مو متأكده بصراحه لان التصوير ضيق مجرد ممرات ومكاتب ،، بس شي غير مستبعد لأن سبق وصار ..طيب يعني القديم قلنا صعب ترقيعه
طيب هذا مركز يعتبر حديث ليش كذا أحسه حرام استنزاف أموال و ميزانيه الدوله للترميم وغيره وهي أولى بها تستخدم في أمور ثانيه
غير إن المستشفيات مجهزه بأجهزه طبيه حديثه مكلفه جدا ممكن هالشي يخربها شي مؤلم بصراحه.

و الله يزينها يارب

[السكين]

بصراحة المطر كان غير طبيعي بس والله الواحد يحزن على الطرق الحديثة وكذلك المنشآت اللي تضررت والسؤال اللي يخطر بالبال ليش ما تم بالحسبان عمل تصريف المياه أو الإستعداد لمثل تلك الظروف.

أنا علقت بالشارع اكثر من 8 ساعات بالمطر ووصلت البيت 9 بالليل وانا طالع الساعة 11 ص ,أمس للأسف شوارع جميلة وداخلية وموازية لطريق الشمال كانت تريحنا واحنا راحين إزغوى من أم صلال فاضية وخطوط دائرية بس أمس تبهدلت وكان بالليل فيها تجمع مياه كبير لدرجة الناس تصعّد رصيف وترجع الخط الثاني وتدخل بين البيوت لأنّه كان مستواها مرتفع حتى على الكروزرات.

السنة المطر شكله مختلف وفيه ناس قاعدة تتصيد أخطاء وتنشرها لأهداف خبيثة نسأل الله أن يحفظ قطر,

[معماري قطري]

https://www.youtube.com/watch?v=S5mXT3QWAAs

هذا المشروع شبيه باللي ذكرته واللي كان مثل ما وعدوا في السابق بينتهي سنة 2013 .. هل تم تأجيله والا شصار والله ما ادري .. وبالنسبة لقطر كانت النية عمل عدة خطوط تحت الارض لتصريف المياه الضحلة اللي سببت مشكلة كبيرة لكثير من المناطق ثم مياه الأمطار اللي كثير تأثيرها موسمي ووقتي سريع

[معماري قطري]

بصراحة المطر كان غير طبيعي بس والله الواحد يحزن على الطرق الحديثة وكذلك المنشآت اللي تضررت والسؤال اللي يخطر بالبال ليش ما تم بالحسبان عمل تصريف المياه أو الإستعداد لمثل تلك الظروف.

أنا علقت بالشارع اكثر من 8 ساعات بالمطر ووصلت البيت 9 بالليل وانا طالع الساعة 11 ص ,أمس للأسف شوارع جميلة وداخلية وموازية لطريق الشمال كانت تريحنا واحنا راحين إزغوى من أم صلال فاضية وخطوط دائرية بس أمس تبهدلت وكان بالليل فيها تجمع مياه كبير لدرجة الناس تصعّد رصيف وترجع الخط الثاني وتدخل بين البيوت لأنّه كان مستواها مرتفع حتى على الكروزرات.

السنة المطر شكله مختلف وفيه ناس قاعدة تتصيد أخطاء وتنشرها لأهداف خبيثة نسأل الله أن يحفظ قطر,

الله حفظك وعانك .. لو انا مكانك يمكن اكون من المنتهية صلاحيتهم بسبب نزول السكر

في أمريكا كلمت الشرطة عن زحمة في مواقف المول دقايق الا طالعين سكيورتية المول ينظمون السير وكان وقتها زحمة كرسمس وأعياد والكل يشتري هدايا وثلاث ساعات كنت واقف مكاني .. قالوا لي بنرسل لك اسعاف قلت ما احتاجه بس احتمال شوي يزيد النزول .. متأكد إنهم كلموا ادارة المول

[معماري قطري]

وين يا معماري ،، الكلام الي تقول عنه بالمهنيه العاليه وغيرها بالمناطق الحاليه صعبه شوي .
والأمل هي بالمناطق و الأحياء السكنيه الجديده 100% يتفادون فيها كل الي يصير و يقدرون*
لكن ما أعرف فعلا ليش ما شدون حيلهم يتابعون و يحاسبون ويعيدون مراجعه كل العقود مع الشركات الي تسوي هالمشاريع أجنبيه أو محليه يورونهم نتايج شغلهم و يقبضونهم الباب.. يستبدلونها بشركات ممتازه تدرس المنطقه عدل وتبنيها على ما يتوافق معها من الأساس .

صور ومقتطفات

من باب التعزيز وإن الإيجابيه حلوه ببتدي يصورة لنفق سلم من الغرق من الواقع.

https://e.top4top.net/p_10257cmu30.jpeg (https://up.top4top.net/)

ومن ثم نجي للجانب الأخر من الواقع أحد الشوارع ماقدرت أعد الدناكر (مقطع فيديو)

https://i.top4top.net/m_1025pur3c0.mov

هنا نشوف إن مشروع دنكر دنكرين جدا مربح ماشاءالله بس شكله مواسم،، فالي يقدر يتوكل على الله بالتوفيق


https://b.top4top.net/p_1025y482k0.jpeg (https://up.top4top.net/)

على نهر التايمز نهر موسمي،،
الله يعين أصحاب البيت و الحي بكبره.

https://a.top4top.net/p_102525grl0.jpeg (https://up.top4top.net/)
هالنبته خذت كفايتها و ارتوت لسنه قدام.

نكتفي بهد القدر
والسلام ختام

والله يا اختي صور معبرة عن المأساة والمشكلة

حسيت بذنب إني حطيت بعضها بس هذا الواقع ليش نخجل منه أو نتحسس

مطر نزل ساعتين سوى هالعمايل .. وجدول الأرصاد عن كميات الأمطار في منطقة بو هامور هي الأعلى لكن المناطق الباقية بسيطة حسب الجدول لكن تأثيرها واضح وقوي بسبب عدم اتخاذ اجراءات فعالة

الشوارع الجديدة اللي استغربت منها اللي في العزيزية خذت فترة طويلة لين خلصت وبعد غرقت وهي توها

أكبر ضرر على القار ماي المطر يذيبه بالتدريج سنة ورا سنة .. وتبدأ تتآكل الطبقات مع دوس السيارات ويتحفر .. بعدين الماي لين تسرب للطبقة المدكوكة تحت يبدأ يحرك جزئيات التربة المكسرة بسبب الدك لتحت ويسوي فجوات وتحصل هبوطات

أشغال أرجوكم إنتوا تسوون شوارع زينة أول ما تستوي بس بعد سنين يطلع ضعفها وعيوبها والماي سبب رئيسي .. حطوا عوازل وصبيات وسووا قنوات تصريف معزولة ما تخلي الماي يروح تحت طبقات الشارع ويخربها .. العملية سهلة والله

[معماري قطري]

بصراحة المطر كان غير طبيعي بس والله الواحد يحزن على الطرق الحديثة وكذلك المنشآت اللي تضررت والسؤال اللي يخطر بالبال ليش ما تم بالحسبان عمل تصريف المياه أو الإستعداد لمثل تلك الظروف.

أنا علقت بالشارع اكثر من 8 ساعات بالمطر ووصلت البيت 9 بالليل وانا طالع الساعة 11 ص ,أمس للأسف شوارع جميلة وداخلية وموازية لطريق الشمال كانت تريحنا واحنا راحين إزغوى من أم صلال فاضية وخطوط دائرية بس أمس تبهدلت وكان بالليل فيها تجمع مياه كبير لدرجة الناس تصعّد رصيف وترجع الخط الثاني وتدخل بين البيوت لأنّه كان مستواها مرتفع حتى على الكروزرات.

السنة المطر شكله مختلف وفيه ناس قاعدة تتصيد أخطاء وتنشرها لأهداف خبيثة نسأل الله أن يحفظ قطر,

الأهداف الخبيثة إن شاء الله تنقلب عليهم

صدقني بغيت اشيل الفيديوهات وحسيت صج إني أساهم في نشر صورة مأساوية والبارحة يوم طلعت ما شفت اللي تصور واللي انتشر لأنه تم ترتيبه .. بس دوم كلامي عن حلول ممكنة وسهلة لو عملناها من الأساس

اللي بيسوي بيسمنت لازم يسوي له عزل وتصريف ومضخة تسحب أي مياه تنزل جنب الجدران وهذا معمول في اوروبا بلاد الاقتصاد .. كذلك هذا الشيء مهم لشوارعنا ولمبانينا ولمناطقنا السكنية .. بعض المناطق فيها منخفض طبيعي تتجمع في المياه تحصل وزعوا الأرض في هذا المنخفض وبنوها أوقات حتى بدون دفنها .. ولو خلوها وحولوا عليها سلوبات تصريف مياه المطر بتكون مستنقع طبيعي وحتى ممكن ينزرع

[معماري قطري]

أمس حصل لي وضع خطير والحمد لله الله أنجاني منه

كنت بيني وبين البرق يمكن 10 سم .. سبحان الله أحس شيء سحبني جهة الحائط وفجأة اشوف الدنيا نورت نور قوي لفترة جزء من الثانية وآخر شيء شفته قرب السقف شرارة كهربية كبيرة وسمعت صوت خشخشة غطاء قصدير كان مغطي صحن جنبي

قبلها بثواني كنت مفكر افتح الصحن اشوف شفيه بس سألت بنتي اللي جالسة مقابلتني عنه .. اللي صار البرق دخل من المنور اللي يبعد حول 5 متر وضرب القصدير اللي مغطي الصحن .. كان مفترض اكون في طريق البرق بس الحركة الغريبة اللي صارت لي ما اقدر افسرها الا بقدرة رب العالمين ومشيئته

[معماري قطري]

مقطع لتأثير المطر القوي على الكويت أمس ويبين كيف لازم نتخذ احتياطات لتصريف المياه في كل دول الخليج

هذي المياه لو تم جمعها في خزانات مفتوحة أو أراضي منخفضة ممكن الاستفادة منها بعد تنقيتها تنقية بسيطة أو تستخدم للزراعة .. ممكن نسوي نفس تغطية المياه بالكور البلاستيكية حتى تبقى فترة طويلة ولا تتبخر


https://youtu.be/EQwoig8pyGE

[الحياة الخالدة]

أمس حصل لي وضع خطير والحمد لله الله أنجاني منه

كنت بيني وبين البرق يمكن 10 سم .. سبحان الله أحس شيء سحبني جهة الحائط وفجأة اشوف الدنيا نورت نور قوي لفترة جزء من الثانية وآخر شيء شفته قرب السقف شرارة كهربية كبيرة وسمعت صوت خشخشة غطاء قصدير كان مغطي صحن جنبي

قبلها بثواني كنت مفكر افتح الصحن اشوف شفيه بس سألت بنتي اللي جالسة مقابلتني عنه .. اللي صار البرق دخل من المنور اللي يبعد حول 5 متر وضرب القصدير اللي مغطي الصحن .. كان مفترض اكون في طريق البرق بس الحركة الغريبة اللي صارت لي ما اقدر افسرها الا بقدرة رب العالمين ومشيئته

الحمد لله على سلامتك يا بوعبدالله

[معماري قطري]

الحمد لله على سلامتك يا بوعبدالله

الله يسلمج اختي الكريمة

زار البلاد أعتقد أمس أو قبل أمس رئيس الفيفا الظاهر مستعجل وزيارة مفاجأة للوقوف على آثار الأمطار والحمد لله ركب الريل وراح باتجاه استاد الوكرة اللي مقارب على الانتهاء

مبين إنه راضي كل الرضى على سير الأعمال .. من جانب آخر أرسلت مقطع الزيارة لأحد زملاء الدراسة من الكويت وهو دكتور مهندس وعلقت على سوالف دول الحصار وتصويرهم بأن قطر تغرق .. قال عندنا بنية تحتية خاصة بالأمطار واستعدادات قوية لكن بعد هذا المطر كان قوي لدرجة أغرقت بعض الشوارع والبيوت والمناطق .. الواضح إن المطر كارثي وإن قطر تخطت توابعه بسرعة وبدون حوادث كبيرة

من جانب آخر اليوم طلعت شفت بوادر الجسور المقامة صوب منطقة السودان .. الشارع المحاذي ل 22 فبراير وأجزم بأنه سيكون شارع السنة ل 2019 ولفت انتباهي سرعة انجاز أعمدته والتحويلات المرتبة على الشارع القديم المار في الريان وقرب منطقة لخويا

بعد

Go Ashghaal Go

[naklan]

الحمد لله على السلامة اخوي بوعبدالله
مما لا شك فيه ان الأحوال تغيرت عن السابق وعلى قولتهم
وين كنّا وين صرنا الان اذا أقبلت على تقاطع ترى انه وسعت بشكل
كبير ولي بيطلع سيده له مسار والي بينعطف له مسار وبين الاندمارك
وطوار مول تقاطع حتى للرجوع في نفس الشارع لك مسار خاص
كل الشكر لمن يعمل بجدية وفِي قلبه قطر عندي اقتراح وهو
ان يعمل بإدارة خاصة للمياه والأمطار ويعمل مخطط
لكل منطقة وتحل حل جذري بخزانات ضخمة
او تمديد ومضخات خارج البد ترمي المياه
في الروض وفِي خزان المياه الجوفية

تحياتي

[معماري قطري]

الله يسلمك اخوي نكلان

شاكر لك مرورك وتعليقك الطيب اللي يوضح مدى اطلاعك

صج في تطور كبير

اليوم مريت منطقتنا الجديدة عند ولد عمي وقال أشغال على وشك عمل خدمات الصرف الصحي وباقي توسيع الطرق وعمل رئيسية وشبه رئيسية ونتمنى تتم بأسرع وقت .. يشتكون من كثرة الحوادث هناك وانا أشوف ضرورة تركيب كاميرات أمنية تراقب الطريق وتتم مخالفة المخالف أول بأول .. واحد يلصق صدامه في سيارة جدامه المفروض ينسجن .. واحد يمشي بطيء ويلفلف وهو يتابع التلفون المفروض يتخالف مخالفة قوية .. واحد يمشي 120 في شارع 80 المفروض يكون عقابه رادع .. نفس الشيء واحد سيارته تتفتف وحدها توصل 60 وحتى توصل 60 يبي لها كيلو من الصفر هذا يخالف أو تحال سيارته للتقاعد

[معماري قطري]

المفروض فيه تفاهم وتعاون كبير بين أشغال والمرور للخروج بقوانين رادعة وعمل حلول مناسبة للطرق .. المطبات مب حل واللي سيارته صغيرة بيمشي بطيء ممكن أكثر من اللازم وبيعرقل السير واللي سيارته متوحشة بتضرب المطب مسرعة عادي ولا بمخفف

الحل في الكاميرات الأمنية المخالفات

[معماري قطري]

نفس الشيء بعض المناطق السكنية ممنوع مرور الشاحنات فيها .. لكن الشاحنات تمر ولا يهتم سواقينها وبدون رخصة وبدون شغل في هذي المناطق .. الكاميرات بتكون حل واللي عندها تصريح المفروض تكون مسجلة في النظام ويبين إن عندها شغل هناك ومسموحة غيرها تخالف

الكاميرات الأمنية يفترض تعطيك حالة الطرق الحالية ويستوي تحديث للحالة عبر شاشات الكترونية على الشوارع كل شارع على حدة .. مثلاً حادث أمامك وعلى بعد كم متر يذكر أو زحمة والسيارات واقفة

[معماري قطري]

البعض ممكن يحسبه تذمر لكن هذي اللمسات البسيطة تخرب كل مشاريعنا الجديدة

ليش نحط عمدان صلبة وحادة تسبب اصطدام مباشر وتقطع السيارة قطع في حالة الانحراف لأي سبب؟

ليش ما ندخل هذي الأعمدة شوي داخل ونركب عليها طوق ماص للصدمة اللي معروف يجي مسطح على جوانب الطريق وقابل للانطعاج وممكن مقدمته تكون ممدودة ومنحنية مثل اللي تركب كمصد قبل حاجز الجسور .. أعتقد كلامي واضح لكل مهندسي الطرق ولا هذي الطريقة المقززة

للأسف لخبطت في اعدادات الصورة وطلع فيه اوبشن لايف فوتو كنت مختاره ويسجل التلفون الصورة على شكل فيديو من ثانيتين فمضطر احطه فيديو لكن يوضح الصورة .. والحل مثل ما ذكرت سهل وآمن للإشارة وللسائق وللراكبين في أغلب الحوادث


https://youtu.be/8aglsxFzrS4

أتمنى صوتي يوصل لمدير أشغال وهذي الإشارة حديثة البناء وفي تقاطع معيذر اللي مكلف 500 مليون وحولها على ما اذكر

[ya3coub]

........ لا تعليق الحواجز هاذي كانت سبب بوفاة شاب اماراتي من شهرين تقريبا في حلبة سباقات للدراج ريس.

يعني حلبة المفروض فيها أعلا معاير السلامة صارت عنده مشكلة و بسبب الفتحه الي موجودة و الصبيه البارزة انشقت سيارته نصين من مكانه و توفى .

الله يرحمة, بس عندنا اخطاء مثل ما تفظلت أخوي معماري قطر كثيرة و البعض منها يأثر عالمشروع بشكل عام . مرات احس انه محد يتابع الــsnags بعد تسليم اي مشروع او افتتاحه خلاص لين يعلنون عنه كلشي يتوقف.!!!

[معماري قطري]

........ لا تعليق الحواجز هاذي كانت سبب بوفاة شاب اماراتي من شهرين تقريبا في حلبة سباقات للدراج ريس.

يعني حلبة المفروض فيها أعلا معاير السلامة صارت عنده مشكلة و بسبب الفتحه الي موجودة و الصبيه البارزة انشقت سيارته نصين من مكانه و توفى .

الله يرحمة, بس عندنا اخطاء مثل ما تفظلت أخوي معماري قطر كثيرة و البعض منها يأثر عالمشروع بشكل عام . مرات احس انه محد يتابع الــsnags بعد تسليم اي مشروع او افتتاحه خلاص لين يعلنون عنه كلشي يتوقف.!!!

أساساسيات يا اخوي وعيوب تصميمية مب سناغز أو نواقص .. وصحيح مثل ما ذكرت يبي لهم ناس مفتحين يعرفون مواطن الخطأ والضعف خصوصاً من ناحية أمان الطرق

أمس مرتين بغيت ادخل في حاجز طريق عليه انارة ضعيفة وبطاريتها متهالكة وزين انتبهت في آخر لحظة .. المفروض مفتشينهم ما يكتفون بالانارة لأن ممكن تفشل في أي لحظة ويطلبون معاها اللاصق العاكس

الحادث اللي صار لإختنا رحمة الله عليها بصمة قطرية أُم جاسم سببه تدهور السيارة في مجرى صرف مياه أمطار ملاصق لطرف الشارع .. ومثل ما سمعت مب أول حادث وكان ممكن من أول ما صار حادث ينتبهون ويصححون الوضع أو تصحيحيه يكون من أساس التصميم

[معماري قطري]

بالصدفة أمس أشوف الطريق اللي يشتغلون عليه صوب الريان فيه حواجز مؤقتة وبداياتها حتى ما تتسبب في اصطدام مباشر بشيء صلب وثابت حاطين أكياس رملية ملونة بلون أصفر فاقع .. يعني شالفرق ياخذون احتياطات أمان في حاجز مؤقت ويسوون حاجز دائم أي كلام في مشروع كامل وغير مؤقت؟

كلش ما فيه منطق

[نعيمه علي]

أنا أرى أن أشغال في تقدم كبير
وما نراه حالياً من أخطاء هو نتيجة ماضي لم يتم إصلاحه
تواصلت معهم عدة مرات بخصوص شكاوي تخص (خفقة في شارع امامي بيتي) وكانت إستجابتهم سريعة
وفي السابق إشتكيت على كذا شيء وكانت إستجابتهم سريعة
بصراحة ما أراه حاليا من إنجازات في الشارع المداري الذي أنا شخصيا أستفيد منه
أرى ان أشغال بدأت تنجز الكثير وهي تحتاج الى إخلاص العاملين فيه وتكاتفهم لنرى النتيجة التي نتمناها لقطر

تحياتي
.

[نعيمه علي]

قرأت بعض الردود عن بعض الأخطاء او التجاوزات في إنجازهم
نحتاج الى العمل معهم في تصوير أي خطأ والاتصال بهم
فنحن معهم لانهم يعملون من أجلنا

[معماري قطري]

قرأت بعض الردود عن بعض الأخطاء او التجاوزات في إنجازهم
نحتاج الى العمل معهم في تصوير أي خطأ والاتصال بهم
فنحن معهم لانهم يعملون من أجلنا



إختي إحنا نتكلم عن شغل هندسي عالمي المفروض يتم صح مب استفتاء واحنا نصلح أخطاء مهندسين مختصين ( يفترض )

بعدين اللي صورته شارع جديد تخطيط وتنفيذ .. صحيح نفس الاسلوب متبع قبل بس ما يمنع إنه اسلوب غلط بكل معايير السلامة

https://i.imgur.com/UxIexiQ.jpg

هذي الصورة نزلتها صورة وإن شاء الله تكون واضحة وحطيت الحل اللي ممكن مناسب في رد سابق وأكيد فيه حلول أُخرى ممكن أنسب

اللي يدقق في الصورة هذا الانترلوك اللي وسط الرصيف بيبقى بانتظار تركيبه فترة طويلة وكذلك لو جاوا يركبون بياخذون وقت وتقصيص بالطريقة البدائية وبين السيارات مع إن الشغلة ما تاخذ ساعة كاملة وشايفها تنعمل جدام عيني .. يصبون خلطة خرسانية حتى باللون اللي يبون ويقطعونها حسب الرغبة ببوردات أو بقطع حديد رفيعة فتكون كأنها قطعة وحدة .. حتى ممكن يخلطون اللون معاها

[معماري قطري]

أنا أرى أن أشغال في تقدم كبير
وما نراه حالياً من أخطاء هو نتيجة ماضي لم يتم إصلاحه
تواصلت معهم عدة مرات بخصوص شكاوي تخص (خفقة في شارع امامي بيتي) وكانت إستجابتهم سريعة
وفي السابق إشتكيت على كذا شيء وكانت إستجابتهم سريعة
بصراحة ما أراه حاليا من إنجازات في الشارع المداري الذي أنا شخصيا أستفيد منه
أرى ان أشغال بدأت تنجز الكثير وهي تحتاج الى إخلاص العاملين فيه وتكاتفهم لنرى النتيجة التي نتمناها لقطر

تحياتي
.

عني انا كمهندس ومنتمي للطاقم الهندسي القطري ما ترضيني أخطاء تافهة ممكن تكون قاتلة غير عن منظرها المزعج والمخرب للمظهر العام ولازم بانتقد السلبيات وباوضحها للي يبي يطلع

بالنسبة لصيانة الطرق يفترض فيه فرق مخصصة لهذا الشيء تعاين وتخطط وتنفذ الاصلاحات أول بأول وبدون انتظار .. ما ينتظرون حد يتصل بهم ويعلمهم شغلهم وجاتهم معدات والات فحص الطرق ولا شفنا نتايجها

باحط إن شاء الله صور الحادث اللي قال عنه مهندس يعقوب وباحط صور حق شارع صارت عليه نفس الحوادث ومميتة في قطر انبنى من 2006 وللحين كما هو أخطاؤه ما تصححت وأخطاءه تافهة حلها سهل

[معماري قطري]

........ لا تعليق الحواجز هاذي كانت سبب بوفاة شاب اماراتي من شهرين تقريبا في حلبة سباقات للدراج ريس.

يعني حلبة المفروض فيها أعلا معاير السلامة صارت عنده مشكلة و بسبب الفتحه الي موجودة و الصبيه البارزة انشقت سيارته نصين من مكانه و توفى .

الله يرحمة, بس عندنا اخطاء مثل ما تفظلت أخوي معماري قطر كثيرة و البعض منها يأثر عالمشروع بشكل عام . مرات احس انه محد يتابع الــsnags بعد تسليم اي مشروع او افتتاحه خلاص لين يعلنون عنه كلشي يتوقف.!!!

هذا الحادث اللي تقصده والله يرحم المتوفي

نفس الوضع عندنا خرسانات مفرقة وبينها فتحات تسبب اصطدام مباشر هو الطريق بطول حول 3 كيلومتر بين شارع السيلية وطريق سلوى والمار شرقي كتيبة طارق بن زياد .. كنت يومياً امر عليه من 2006 لحد 2009 وأشوف آثار الحوادث والسيارات المدعومة كيف تصير .. ما ابالغ إن بعضها أكثر من النيسان ذيه

وانا صورت الحواجز وحطيتها في الموضوع القديم عن أشغال من 2012 أعتقد وللحين ما شيء تغير .. مع إن المطلوب بشكل سريع اصلاح الحواجز والانارة اللي بينها اللي انضربت بسبب هذي الحوادث


https://www.youtube.com/watch?v=EfcG_L69Ycw

[معماري قطري]

وهذا مقطع ثاني يوضح شلون القطعة المفتوحة ضربها طرف السيارة وعاقت السيارة خلتها تلتف حول نفسها

نفس الشيء يصير لو السيارة ضربت في حفرة .. طرف الحفرة صلب وثابت مهما يكون فيه شوية مرونة


https://youtu.be/gD1u8phD34g

[ya3coub]

أنا أرى أن أشغال في تقدم كبير
وما نراه حالياً من أخطاء هو نتيجة ماضي لم يتم إصلاحه
تواصلت معهم عدة مرات بخصوص شكاوي تخص (خفقة في شارع امامي بيتي) وكانت إستجابتهم سريعة
وفي السابق إشتكيت على كذا شيء وكانت إستجابتهم سريعة
بصراحة ما أراه حاليا من إنجازات في الشارع المداري الذي أنا شخصيا أستفيد منه
أرى ان أشغال بدأت تنجز الكثير وهي تحتاج الى إخلاص العاملين فيه وتكاتفهم لنرى النتيجة التي نتمناها لقطر

تحياتي
.

إختي نعيمة نعم صحيح اشغال في تقدم ملحوظ جدا جدا و هاي اللي نبيه و نعتب لأنه نبي الأحسن و الافضل لبلادنا مثل ما تكرم أخوي الكبير معماري قطر

و عن المداري انا شغال بنفس الشركة اللي سوته و للعلم كان فيه اخطاء وايد فبدايته و بعد المناقصه كلفت وايد ولكن تم تفاديها لأنه أهم من الشغل السلامة المرورية و الإنشائية بحد السواء.

و فقدنا عمال للأسف بحادث دهس مرورية اخرها قبل سنة نهاية شهر اكتوبر على المداري ايضا, في اشياء يمكن نتفاداها نتشاركها فالمنتدى ليس تقليلا ولا تشهيرا بأشغال او غير اشغال بالعكس رواد المنتدى كثار و ربي لك الحمد يمكن من اواخر المنتدى اللي تمت عايشة فالدوحة.

و انتمنى من اصحاب القرار او معارفهم من رواد المنتدى يقرون و يسون او يوصلون لأحد بيده ينه يطور إيجابيا.

و الحمد الله انج مستفيده منه و قريبا هانت كلها سنتين في مجموعه طرق جديده بتنفتح و ان شاء الله بلادنا في تقدم دائم يا رب العالمين.

[ya3coub]

هذا الحادث اللي تقصده والله يرحم المتوفي

نفس الوضع عندنا خرسانات مفرقة وبينها فتحات تسبب اصطدام مباشر هو الطريق بطول حول 3 كيلومتر بين شارع السيلية وطريق سلوى والمار شرقي كتيبة طارق بن زياد .. كنت يومياً امر عليه من 2006 لحد 2009 وأشوف آثار الحوادث والسيارات المدعومة كيف تصير .. ما ابالغ إن بعضها أكثر من النيسان ذيه

وانا صورت الحواجز وحطيتها في الموضوع القديم عن أشغال من 2012 أعتقد وللحين ما شيء تغير .. مع إن المطلوب بشكل سريع اصلاح الحواجز والانارة اللي بينها اللي انضربت بسبب هذي الحوادث


https://www.youtube.com/watch?v=EfcG_L69Ycw

صحيح أخوي معماري هذا اللي اتكلم عنه بالظبط, و في واحد توفى على ايام مشروع خط مسيعيد ايضا بنفس الطريقه من الصبيات اللي كانت فالنص وحدة منهم طالعه, و طريق الوجبة عند الرادار بإتجاه الدوحة انا بنفسي و غيري اشكثر كانو بيدعمون الرصيف اللي ماله داعي متعود عالشارع مرة وحددة في رصيف من جهة اليسار جان كملوه و وصلوه بالحواجز و غيره.

[معماري قطري]

وهذي صورة السيارة بعد الحادث والحوادث اللي صارت على الشارع المذكور ولنفس السبب ما تقل شناعة عن هذا الحادث

https://i.imgur.com/P2YQ4YU.jpg

[معماري قطري]

إختي نعيمة نعم صحيح اشغال في تقدم ملحوظ جدا جدا و هاي اللي نبيه و نعتب لأنه نبي الأحسن و الافضل لبلادنا مثل ما تكرم أخوي الكبير معماري قطر

و عن المداري انا شغال بنفس الشركة اللي سوته و للعلم كان فيه اخطاء وايد فبدايته و بعد المناقصه كلفت وايد ولكن تم تفاديها لأنه أهم من الشغل السلامة المرورية و الإنشائية بحد السواء.

و فقدنا عمال للأسف بحادث دهس مرورية اخرها قبل سنة نهاية شهر اكتوبر على المداري ايضا, في اشياء يمكن نتفاداها نتشاركها فالمنتدى ليس تقليلا ولا تشهيرا بأشغال او غير اشغال بالعكس رواد المنتدى كثار و ربي لك الحمد يمكن من اواخر المنتدى اللي تمت عايشة فالدوحة.

و انتمنى من اصحاب القرار او معارفهم من رواد المنتدى يقرون و يسون او يوصلون لأحد بيده ينه يطور إيجابيا.

و الحمد الله انج مستفيده منه و قريبا هانت كلها سنتين في مجموعه طرق جديده بتنفتح و ان شاء الله بلادنا في تقدم دائم يا رب العالمين.

عاد النواقص ذي تافهة ولا تكلف شيء والشغل الكبير تم وكلف كثير ونتمنى تفادي هذي النواقص

من إحدى النواقص هو الرصيف القرانيت الجديد زاويته حادة 90 درجة هذا يكسر رنق السيارة ويكسر راس اي واحد يطيح عليه والمفروض ينعمل لاف شوي حتى لو 2 سم وبيكون أنعم

[معماري قطري]

صحيح أخوي معماري هذا اللي اتكلم عنه بالظبط, و في واحد توفى على ايام مشروع خط مسيعيد ايضا بنفس الطريقه من الصبيات اللي كانت فالنص وحدة منهم طالعه, و طريق الوجبة عند الرادار بإتجاه الدوحة انا بنفسي و غيري اشكثر كانو بيدعمون الرصيف اللي ماله داعي متعود عالشارع مرة وحددة في رصيف من جهة اليسار جان كملوه و وصلوه بالحواجز و غيره.

الطالعة تتسبب في اصطدام وكذلك اللي بنفس الصف بس بينها وبين الثانية فجة حتى لو 20 سم .. شيصير الله يسلمك؟

اللي يصير وقت الاحتكاك الجانبي تسحب السيارة حتى ولو كم متر ملاصقة للخرسانة ولو حصل الصدام أو أي جزء منها فراغ دخل فيه وتواجه مع اللي بعده بصدمة مباشرة طرفية تمسك السيارة من طرف ويبقى الطرف الثاني يمشي .. السيارة النازلة بتلف حول نفسها ( بتخمس ) والمرتفعة بتلف حول نفسها وبترتفع بنفس الوقت من ورا والنتيجة حادث وقلبة وغير عنه كتلة السواق رايحة سيدة بيصير التوقف من جهة أسفل منه وجنبه بيخليه ينقذف فوق ولاف لفة قوية ما تخلي شيء فيه صاحي

[معماري قطري]

دقق في الفلم الثاني للحادث بتشوف السيارة دخلت الفتحة وضربت أول وحدة في الصف بعد الفتحة .. ما كانت بارزة كانت في صف اللي قبلها

[معماري قطري]

وكذلك شوف لحظة ضربة السيارة ارتفعت من ورا

[naklan]

اخوي معماري المفروض من اشغال والمرور متابعة الاّراء القيمة
وخاصة من الناصحين المخلصين منك ومن باقي الاخوان الاّراء مجانية
وللصالح العام وهي فرصة لتلافي الأخطاء وللحفاض على الأرواح
الخسائر المادية تتعوض ولكن الانسان لا يتعوض
الله يحفظ الجميع

[معماري قطري]

اخوي معماري المفروض من اشغال والمرور متابعة الاّراء القيمة
وخاصة من الناصحين المخلصين منك ومن باقي الاخوان الاّراء مجانية
وللصالح العام وهي فرصة لتلافي الأخطاء وللحفاض على الأرواح
الخسائر المادية تتعوض ولكن الانسان لا يتعوض
الله يحفظ الجميع

أذكر قبل لتستوي أشغال كان كل الشغل الهندسي تابع للبلدية وصدفة كنت في زيارة شغل واجتماع معاهم وكانت مضايقتني سالفة السناطوين الخرسانية قبل الحديد اللي تنحط قرب الإشارات .. وهذي قديمة جداً وعلى النظام القديم الاشارات اللي بعمود صغير كانت منتشرة بكثير .. ألحين العمود بعيد وكبير ماخذ مساحة كبيرة ومبتعد نوعاً ما عن طريق السيارت واحتمال الاصطدام به

ذاك الوقت تناقشت في الموضوع مع مدير قسم الطرق تدري شكان رده؟

قال من قال له يدعم وكأن اللي بتنحرف سيارته لأي سبب غصب عنه قاصد يدعم الاشارة

[qatarman8008]

يجب على اشغال في الوقت الحالي دراسة وتطوير نظام تصريف مياه الامطار..
فلا نعلم ماذا يخبئ لنا القدر قد تكون امطار غزيرة مثل الكويت..

[معماري قطري]

يجب على اشغال في الوقت الحالي دراسة وتطوير نظام تصريف مياه الامطار..
فلا نعلم ماذا يخبئ لنا القدر قد تكون امطار غزيرة مثل الكويت..

يبغي له خطة ووقت ومعاك المهم البداية .. الوضع يزيد صعوبة كل ما سويت مشروع كبير ومكلف وما حسبت حساب المطر والسلامة المرورية والبيئة والاقتصاد في التكلفة والطاقة الاستيعابية لسنوات طويلة قادمة .. مستحيل الوضع يبقى مثل ما هو والبلاد ما تتعمر

كثير طرق مسوينها محفور لها وشبه تحت الارض ولا ادري من عطاهم هالخطة المكلفة وصعبة التنفيذ وكذلك تسبب في تكدس غازات العوادم في منخفض صعب تهوئته ولو صار حريق أو حادث في ضباب صعب تزيل السيارات على جانب الطريق لأنه محصور وشوف الحوادث اللي ورا بعض .. حتى الاسعاف ما يقدر يوصل في الزحمة

[معماري قطري]

دوم أتمنى السلامة وأشوف أشياء أذكرها قبل بفترة وتصير مثل السيارة اللي طاحت ذكرت من زمان إن الريل الحديد اللي حاطينه في تقاطع سوق العلي وتقاطع العسيري قبله رصيف ولين ضربت السيارة الرصيف حتى على سرعة 30 تستوي كتلة طائرة .. تسمى مقذوف وبالانجليزي Airborne وهذا مصطلح يعني صعب تتحكم فيها وضربتها صعب يصدها حاجز .. ألحين غطوا حول الحاجز الطايح بخرسانة ثقيلة وكان يفترض من الأساس مسوينه صح أهم شيء يزيلون الرصيف أو الحاجز يكون مع حافة الرصيف ويمنع الايربورن أكشن

[مرتبش]

موضوع السلامة كبير جدا ومتشعب .. الدولة وايد تطورت عن قبل خصوصا في سلامة العمال والدفاع المدني .. الطرق تطورت في اعمال الانشاء بشكل كبير .. التحويلات اصبحت السلامة فيها على مستوى عالي واعتقد يتماشى مع القواعد العالمية .. سلامة المرور او تخطيط الشوارع مازال اقل من الطموح

[معماري قطري]

موضوع السلامة كبير جدا ومتشعب .. الدولة وايد تطورت عن قبل خصوصا في سلامة العمال والدفاع المدني .. الطرق تطورت في اعمال الانشاء بشكل كبير .. التحويلات اصبحت السلامة فيها على مستوى عالي واعتقد يتماشى مع القواعد العالمية .. سلامة المرور او تخطيط الشوارع مازال اقل من الطموح

صح كلامك من ناحية تطورت

بس ما ننسى إن السلامة والقوانين المرتبطة بها هذي مجربة من زمان في دول علمية وخبرات متراكمة .. قبل كانت السيارات بدون تكاية راس وكان أي حادث من ورا أو حتى أمامي ويرتد جسم الرجال على السيت اللي جالس عليه تنكسر رقبته على ورا لأن ما فيه شيء يسندها .. فولفو اخترعتها واتبعتها باقي السيارات .. الوسادة الهوائية مثال ثاني وكانت تنفتح على مرحلة وحدة .. تحسنت لمرحلتين

نفس الشيء حاصل في الطرق ومقاساتها واشاراتها لدرجة إنك وصلت لستاندرد عالمي فلا يجوز إن إحنا نجرب تجارب خارجة عن المألوف .. ومتأكد الرأي الهندسي المختص غير لكن التدخلات الادارية أو الهندسية الغير مختصة تخرب السالفة

عندي ملاحظة يمكن الكثيرين ما لاحظوها

قبل كنا بعد المطر نلاحظ شوارعنا تتحفر سرعة ويطير القار ينغسل غسال .. ألحين بعد ما قمنا نستورد قارنا من دول نظيفة وبجودة أعلى استوت الشوارع الجديدة أفضل وما تتأثر بسهولة

[معماري قطري]

اللي قصدته فوق هو إن ما نقدر نقول بنسوي مشروع بكذا مليار ولو ما نجح بنعدل عليه بمبلغ كبير وكذا مليار مرة ثانية ونقول احنا نتطور واحنا خذنا وقت وجهد وأذينا الناس فترات طويلة في انجاز المشروع والتعديلات عليه .. ولا نسوي مشروع فيه مخالفات واضحة أمنياً وتصير حوادث تحصد أرواح وبعدين نفكر نعدل عليه وبعد بمبالغ ومجهود ووقت .. في يدنا نخططه صح ونسويه صح وحتى بمبلغ مناسب وخالي من العيوب وبيخدم لفترة طويلة

أوقات التعديل يكون بسيط وضروري وياخذ وقت طويل باجراءات روتينية مزعجة وفي خلالها تتكرر مشاكل هالمشروع اللي المفروض ينحل أول بأول

من المناظر المزعجة اللي استوت بدون دراسة صحيحة ومبنية على قوانين دولية الليتات اللي ترمق على بعض السيارات الكبيرة بطريقة مزعجة .. ومتى تم القرار بها وكيف كان القرار؟

قبل كانوا يموتون ناس وايد بسبب اصطدام لهذي الشاحنات من الخلف ومحد درى بهم لين توفى ولد مسؤول رحمة الله عليه وتم التعديل بسرعة .. التعديل وايد زيادة ووايد مزعج للعين وشركات السيارات العريقة تسوي صدام مناسب يمتص الصدمة وبنفس الوقت ما يسمح للسيارة الأصغر بالدخول تحت الشاحنة وكذلك تحط عاكس أحمر في أطراف الصدام يولع لو نور عليه نور السيارة اللي ورا هذا لو كانت واقفة ولو كانت تشتغل وتمشي فيها سطابات هادية للعين ووقت البريك تستوي حمرا أكثر بطريقة مدروسة

حتى انارة الضباب خاصة ولا تستعمل الا وقت الرؤية الخفيفة .. ما يجيني شخص مهما علا قدره ومنصبه يقرر يحط ليتات رماقة مزعجة طول الوقت

اللي يسبب الوفيات كذلك في هذي السيارات الكبيرة هو صدام الصب حاد الزوايا .. الشركات العالمية تقدر تسوي نفس الشيء لكل سياراتها لكن حسب دراساتهم امتصاص الصدمة يجي على مراحل وما يحتاج حاجز صلب مثل اللي نشوفه في صدامات الشاحنات في سياراتنا وطرقنا .. لي اثنين من ربعي توفوا في حوادث اصطدام بدناكر من الخلف رحمة الله عليهم

دورت مقطع للصدامات الحديثة للشاحنات ما حصلت لكن بدوا يصنعون وشايف من قبل ونقدر نطلبها بصدامات خاصة أو نعتمد صدامات خاصة مصنعة ومستوردة لشاحناتنا وعليها وسائل الانارة المناسبة والعاكس المناسب بدال الليتات الرماقة المزعجة

هذا يوتيوب يوضح بعض الحوادث ونشوف في أوله كيف حائط الحماية ممتد متراصص ولا يتحرك ويحمي السيارة المصطدمة وغيرها


https://www.youtube.com/watch?v=Nc7xuOJa1_Q

[معماري قطري]

صدام شاحنة الفولفو كيف يجي مجزأ وماص للصدمة


https://www.youtube.com/watch?v=wNBrElPuthY

[معماري قطري]

وكان بعد صدام جانبي اللي راح وبليتات ضباب

هذا فلم عن السيفتي والبريك كيف مرتبط بسنسر لو وقفت سيارة فجأة توقف الشاحنة حتى بدون تدخل السائق

فيه واضح كيف الصدامات الجانبية والخلفية والأمامية


https://www.youtube.com/watch?v=wzHmk26PInM

السيارات عندنا شاحنات وتريلات تجي الراس الأمامي والباقي صناعة محلية وكلها حديد وشغل ارتجالي بعيد عن حسابات الأمان لا ويكتبون عليها تصنيع فلان الفلاني وهو شغل حدادة بدائية

[معماري قطري]

حتى المازدا الطويلة قنبلة بليدة بطيئة تمشي على الشارع

لا والشباب اللي يركبون صدامات صب ومسموح لهم كذلك شغل غير قانوني وغير آمن للطرفين ولا ندري المرور ليش ما يتدخل .. شفت مقطع لشاب متناحس مع ثاني والثاني كان في جي واقف جدامه عند الاشارة واللي ورا في جمس ومتوقع مركب له صدام يجي ويدعمه من ورا قاصد وهو يصور ويعلق يقول له صلح سيارتك

[معماري قطري]

أدري تشعبنا لموضوع واسع وفيه اجتهادات كثيرة حتى في أمريكا وهذا مثال للحوادث الخلفية على سرعات عادية من خلف شاحنة وكيف الصدام الارتجالي حتى هناك ما يصد الصدمة .. القوانين الأُوروبية أكثر صرامة وأفضل


https://www.youtube.com/watch?v=bT3G-kcKN70

[معماري قطري]

اليوم مريت على طريق الربط بين السيلية وطريق سلوى المشؤوم سابقاً .. المار شرق معسكر كتيبة طارق بن زياد وحبيت الحل العملي والسريع لمشكلة الأمان اللي ذكرتها عدة مرات من 2006 الى فترة بسيطة وحطيت لها صور سابقة

الحمد لله تم حل المشكلة بعمل حاجز أمني حديدي وأتوقع بيتم اصلاح الإنارة ونقل القطع الخرسانية الوسطى لاحقاً .. المهم الوضع الأمني للسائق الآن برفكتو مثل ما يقولون اخواننا الطليان

مشكورين أشغال

[معماري قطري]

إختي إحنا نتكلم عن شغل هندسي عالمي المفروض يتم صح مب استفتاء واحنا نصلح أخطاء مهندسين مختصين ( يفترض )

بعدين اللي صورته شارع جديد تخطيط وتنفيذ .. صحيح نفس الاسلوب متبع قبل بس ما يمنع إنه اسلوب غلط بكل معايير السلامة

https://i.imgur.com/UxIexiQ.jpg

هذي الصورة نزلتها صورة وإن شاء الله تكون واضحة وحطيت الحل اللي ممكن مناسب في رد سابق وأكيد فيه حلول أُخرى ممكن أنسب

اللي يدقق في الصورة هذا الانترلوك اللي وسط الرصيف بيبقى بانتظار تركيبه فترة طويلة وكذلك لو جاوا يركبون بياخذون وقت وتقصيص بالطريقة البدائية وبين السيارات مع إن الشغلة ما تاخذ ساعة كاملة وشايفها تنعمل جدام عيني .. يصبون خلطة خرسانية حتى باللون اللي يبون ويقطعونها حسب الرغبة ببوردات أو بقطع حديد رفيعة فتكون كأنها قطعة وحدة .. حتى ممكن يخلطون اللون معاها

ما اعتقد هذي المشكلة ما لها حل يضمن أمان السائق من الصدمات المباشرة بعائق ثابت وحاد نسبياً ويضمن بقاء الكاميرا بدون الاصطدام بها وأتمنى أشوف التعديل سريع مثل ما شفت الطريق اللي علقت عليه قبل هذا التعليق من أفضل ما يمكن

هذي المشكلة متكررة في كم مكان وهذا الشارع جديد وواجب مهندسين الطرق يستنبطون حل وانا اقترحت الحل المناسب

[معماري قطري]

حل ثاني أجمل بيكون وضع الطوق الحديدي الصاد للصدمة المباشرة للكاميرا وتغليفه بمادة بلاستيكية مثل الروتومولد .. حتى يقدرون يخلونه روتومولد من طبقتين وفي الوسط رمل حتى يمتص الصدمة فلا يؤثر على السيارة ويبقى الحديد المخفي بالروتومولد يحمي الحماية الفعلية بدون المنظر المقزز .. الروتومولد ممكن يكون أبيض وينجاب كقالب جاهز بفتحات يركب في دقايق حسب المقاس حول الأعمدة الحديدية .. ممكن يكون ممتد شوي جدام وبحواف دائرية .. التجويف بين الطبقتين أما فيه ماء لتخفيف وامتصاص الصدمة أو رمل أو خليط ماء ورمل

أو يتم استعمال نفس النظام اللي يركب أمام حواجز الجسور ويتكون من صدام ربر وداخله سبرنغ على ما اعتقد لإمتصاص الصدمة .. النظام موجود ومستخدم وآمن ومب من ابتكاري ولا ابتكار حد ثاني ولا هالحديد المركوز لإصابات مميتة ومنظر مقزز

قطر وسمعة قطر تهمني

[qatarman8008]

اشوف مشاريع الطرق الجديدة ليس عليها اي ملاحظات سواءا من قوة وصلابة الشارع والاشارات وترتيب المداخل والمخارج ..
ولكن لفت انتباهي شي واحد وهو نسبة ميلان الشارع بحيث انه مايجمع ماي المطر..
وهالشي اللي كان موجود حتى في بعض الشوارع الحديثة..
الان وفي هذه المرحلة لابد ان تقوم اشغال بعمل دراسة لنسبة ميلان كل شارع وعمل نظام تصريف مياه الامطار المناسب له..
موضوع ان الماي يتجمع في احد الشوارع ويعطل حركة سير المركبات صار يسبب ازعاجا شديدا وتعطيل لمصالح الكثيرين..

[معماري قطري]

اشوف مشاريع الطرق الجديدة ليس عليها اي ملاحظات سواءا من قوة وصلابة الشارع والاشارات وترتيب المداخل والمخارج ..
ولكن لفت انتباهي شي واحد وهو نسبة ميلان الشارع بحيث انه مايجمع ماي المطر..
وهالشي اللي كان موجود حتى في بعض الشوارع الحديثة..
الان وفي هذه المرحلة لابد ان تقوم اشغال بعمل دراسة لنسبة ميلان كل شارع وعمل نظام تصريف مياه الامطار المناسب له..
موضوع ان الماي يتجمع في احد الشوارع ويعطل حركة سير المركبات صار يسبب ازعاجا شديدا وتعطيل لمصالح الكثيرين..

هذا خطأ هندسي كبير ولازم ينعمل حسابه من بدايات التصميم وشيء بديهي .. بناء استاد خليفة كان 1976 من 40 سنة وفوقهم سنتين وتم عمل الطريق الواصل له شرق العزيزية بسرعة ومرتفع على دفان بجرف التربة من حوله وبدون دك أكثر من اللازم وبدون حفر .. وعاش الطريق طول هالفترة يصرف الماي ولا احتاج لصيانة طول هالسنوات عظمى اقصد تخطيط وسد لفات تم أكيد .. لكن لا تجمع مياه طول هالسنين ولا مشاكل كبيرة

في تقديري شارع مثبت نجاحه ومثال للنجاح والبساطة وقلة التكلفة وكذلك يثبت لنا إن كثير من الشوارع فاشلة هندسياً وكان يفترض تخطيطها صح وعملها صح من البداية

اللي قصدته تسوي شارع مرتفع وأرض مدفونة بدفان جانبي من قريب وبدون حفر ودك زايد وتجيب دفان من بعيد فإنت تضعف التربة وتسوي أرض نازلة لتجمع المياه وخراب الشارع مع الوقت بالاضافة للاعاقة وقت المطر .. المشكلة الطريقة الفاشلة اللي تبنتها ادارات أشغال السابقة كانت هي السبب في مشاكل الطرق حتى الطويلة والخارجية منها واللي سهل عملها بتمهيد الأطراف حولها وجرف التربة من الأطراف والدفان السريع حتى يكون الشارع بحدود المتر مرتفع عن الارض مع عمل التصريف السطحي للمياه

أشوف الفشل كبير في الطرق الرئيسية من هذي الناحية اللي ذكرتها ومن ناحية جماليات الطريق وعدم استغلال التصميم المبدئي الا قليل في عمل منخفضات تجمع مياه مزروعة أو ممكن تنزرع

[معماري قطري]

أمر الوجبة للساكنين هناك والاحظ العمران اللي صار والعشوائية في الطرق والمطبات اللي كنها طعس أو مشروع طعس والشوارع المتعرجة ومرتفعة ونازلة وقديمة بعضها بقدم المنطقة وفجأة استوت تخدم مئات البيوت

المطلوب هناك بصورة ملحة شوارع رئيسية تتبعها شوارع شبه رئيسية وخدمية .. الشارع الرئيسي إن كان ضيق وعليه زحمة والشوارع الخدمية بين البيوت مع توسعة العمران تنعمل جديدة بدون حفر وخالية من السيارات تغري السايق يختصر الطريق ويلف بين البيوت بسرعة ويتفادى الزحمة على الطريق الرئيسي اللي ما فيه مواصفات الرئيسي

وهالشيء ينطبق أكيد على كل مناطقنا الجديدة مثل روضة الحمامة ومنطقة الهواجر مع إنها قديمة وفيها شوارع رئيسية لكن المتفرعة من الرئيسية وشبه الرئيسية مأساة تخطيطية وتنظيمية .. عين خالد مثال ذكرته في السابق ومعيذر الآن قائم فيها تعديل وتوسعة لكن التوسعة ليست ممكنة دائماً خصوصاً في منطقة البيوت ملاصقة للشارع