المساعد الشخصي الرقمي

مشاهدة النسخة كاملة : بغيت أصبغ السيارة


خوي الدرب
08-09-2018, 12:22 PM
السلام عليكم
شباب كيف حالكم
ماهو أفضل كراج لصبغ السيارة بالكامل ؟
صبغ تجديد السيارة ما فيها حادث ولا شيء بس السيارة قديمة شوي مديل 2007 ومعظم وقتها توقف في الجمس واصبح لونها باهت وحبيت أجدد صبغها
Rider
08-09-2018, 12:33 PM
كراج النورمندي يمدحونه بس مع اي شارع في الصناعيه
خوي الدرب
08-09-2018, 01:11 PM
كراج النورمندي يمدحونه بس مع اي شارع في الصناعيه

اشكرك أخوي
الناس اللي تعرف كراج نورمندي يقولون أن أسعاره نار
وانا ابغي كراج شغله نظيف وسعره معقول
الجوكر90
08-09-2018, 03:53 PM
النورمندي اخبر مايصبغ الموتر كامل
شركه الخليج
اتوقع future
SouthK
08-09-2018, 04:08 PM
حط للموتر جلاد ابرك .. الله يوفقك
.قطر.
08-09-2018, 08:44 PM
وعليكم السلام

ذاك اليوم شفت فالانستقرام واحد صابغ موتره في كراج الخط العنابي ويمدحه
هاي الرابط فيه الموتر المصبوغ وموجود حساب الكراج في التعليقات
https://www.instagram.com/p/BmbUCsQAKwy/?utm_source=ig_share_sheet&igshid=hrtygfseqsb4
الزجاجي
12-09-2018, 11:50 AM
للاسف اغلب الكراجات المعروفه بقطر اسعارها فوق وزحمه
انا جربت مره وحده بحياتي أصبغ كامل بكراج الفارس بشارع 10 والشغل نظيف ورخيص لكن شوي زحمه عنده

الكراجات المعروفة مثل البيداء ، ديترويت و فانتيج
عبد الله
12-09-2018, 02:18 PM
شوف طال عمرك كل الكراجات اللي قالوا عليهم الأخوان هي كراجات ممتازة لكن غالية شويتين
روح كراج الوليد بأول شارع 17 شوف شغله وسعره أول وبعدين قرر وايد ناس يمدحونهم
وإذا قررت راسلني على الخاص بخليهم ينزلون في السعر وباخذ عليك كميشن :ok: (أتغشمر )
والله يوفقك
Abo_marwan
19-09-2018, 10:41 AM
روح هلي السيليه نص سعر الصناعيه وتستلم ثانى يوم
راعي الكورفت
20-09-2018, 08:12 PM
انا عندي افالون 2008 لونه صار باهت مع السنين.
صبغته كامل تغيير لون من اسود إلى ابيض لؤلؤي عند كراج الاتكال شارع 24
شغله ممتاز جدا ورخيص جدا

وحاليا كملت سنه من يوم ما صبغت الموتر.
ولون الموتر ماشاءالله ولا اروع.
ya3coub
20-09-2018, 08:39 PM
اشكرك أخوي
الناس اللي تعرف كراج نورمندي يقولون أن أسعاره نار
وانا ابغي كراج شغله نظيف وسعره معقول

هذاك أول للأسف صار غالي و مستهتر استغنى من عقب السمعه الطيبة.


في وايد قراجات بس على حسب الميزانية و نوع السيارة.

تعاملي كله مع كستوم وركشوب العمادي, شغل ولا اروع بالنسبة لي بصراحة, اسعار معقوله قراج الخليج و وكالة مشيرب شارع 11 "الاودي سابقا" من احسن الصبغات.
ya3coub
20-09-2018, 08:41 PM
و اذا موترك كروزر او من هالقبيل قراج بو فهد المستحيل شغل ممتاز و حلو و اذا تبي شي رخيص و بعد اشوفه زين شارع قبل بو فهد القراج الوحيد اللي هناك ناسي اسمه بصراحة بس متاز يخلصني مال شغل سريع سريع و رخيص.