المساعد الشخصي الرقمي

مشاهدة النسخة كاملة : مكافحه الحشرات الفليت شنو تنصحوني


ya3coub
13-09-2018, 03:21 PM
السلام عليكم و رحمة الله و بركاته,



أشلونكم جميعا بما انه خبرتي فالألكترونيات و السيارات.

أكيد في مجموعة كبيرة من رواد المنتدى معلوماتهم احسن مني من ناحية الفليت "مكافححه الحشرات"

الأهل مسافرين هالويك اند و ادري الوقت ضيق و ودي اسوي فليت للبيت كامل المشكلة جيكت الوسيط في انواع بالهبل و احترت بينهم في من 450 ريال لين 8000 ريال.

اللي يقول فيران غير عن النمل غير عن الزهيوية سوائا صغار او كبار.!!!

المهم انه ابي اسوي كلشي بودر و دخان و مرش و الخ المهم انه مافي اشي يدخل البيت, و فرصه محد فالبيت استغل الويك اند بهالشي.

شوركم و معلوماتكم اكيد بتفيدني.

فيلا طابقين و بنت هاوس و الحوش
لبيبة
13-09-2018, 03:24 PM
وعليكم السلام ورحمة الله وبركاته،

كلم البلدية بيجون يرشون لك.
الحياة الخالدة
13-09-2018, 03:26 PM
ينقل للحوار العام مؤقتاً ليطلع عليه أكبر عدد من الأعضاء
sara jsm
13-09-2018, 03:28 PM
وعليكم السلام اخوي يعقوب ...


لوتجيب البلدية نفسها افضل لان دواهم قوي ..
اما الشركات اللي مليانه في الوسيط اغلبهم مصاروه وسوري على هالكلمة نصابين درجة اولى ...
اذا تعرف شركة فيها هنود او فلبن وحد مجربهم فممتاز ..
:
واماكن الرش يكون الله يعزك البواليع الرئيسيه والفرعيه وايضا الحمامات ..
والدخان ممكن للمجالس ...
اما غرف النوم والمطابخ ماانصحك ... لازم راعية البيت تكون موجودة ..
احنا نفرغ كل الكباته من المواعين وعقب نرش المطابخ ... فصعبه على حد مثلك هالامر..
ya3coub
13-09-2018, 04:13 PM
وعليكم السلام ورحمة الله وبركاته،

كلم البلدية بيجون يرشون لك.

ألابلكيشن فجوال الوالد و اهو مسافر مو فالدوحة للأسف تواصلت معاهم قالولي عن طريق الابلكيشن الحين صار كلشي الكتروني.
ya3coub
13-09-2018, 04:15 PM
ينقل للحوار العام مؤقتاً ليطلع عليه أكبر عدد من الأعضاء

أشكرج أختي الحياة


وعليكم السلام اخوي يعقوب ...


لوتجيب البلدية نفسها افضل لان دواهم قوي ..
اما الشركات اللي مليانه في الوسيط اغلبهم مصاروه وسوري على هالكلمة نصابين درجة اولى ...
اذا تعرف شركة فيها هنود او فلبن وحد مجربهم فممتاز ..
:
واماكن الرش يكون الله يعزك البواليع الرئيسيه والفرعيه وايضا الحمامات ..
والدخان ممكن للمجالس ...
اما غرف النوم والمطابخ ماانصحك ... لازم راعية البيت تكون موجودة ..
احنا نفرغ كل الكباته من المواعين وعقب نرش المطابخ ... فصعبه على حد مثلك هالامر..

أختي سارة الله يعطيج العافية عامل حساب هالشي الخدامات موجودين و خواتي بعد كلنا بنتساعد, بس حبيت اعرف من جرب اما مال الحكومة تقريبا مرة فالسنة او كل سنتين الوالد كان يجيبهم.

احنا قلنا علشان نريحهم و ايضا تكرمون حصلنا فالحمام زهيوي طالع يمكن من الحر ولا العادة خير شر ما انشوف شي فالبيت فقررنا انسوي هالشي احتياط و بنفس الوقت الوالد ما يشيل همه لما يرجع
سعود.
13-09-2018, 04:16 PM
هذا حل نهائي لكافة الحشرات والفأران والروائح المجاري
ويفضل تنفيذه وقت البناء
حاليا تحتاج تكسير .

https://youtu.be/xV3rSIQIp1Q
لبيبة
13-09-2018, 07:34 PM
ألابلكيشن فجوال الوالد و اهو مسافر مو فالدوحة للأسف تواصلت معاهم قالولي عن طريق الابلكيشن الحين صار كلشي الكتروني.

عادي حط الابلكيشن في جوالك وادخل ببطاقتك الشخصية واطلب منه.
بومحمد55
13-09-2018, 09:21 PM
أذا تبي نصيحة مجرب

أنا جربت مبيدات الشركات وجربت مبيد البلديه مامنهم فايده

روح المحلات البيطرية وقولة أبي الجره سعره تقريباً 70 أو 80 ريال أخذه وأذا عندك صبيان في البيت عطههم وخلهم يرشون في المناهيل وزوايا البيت

والأماكن اللي أنت تبيها وشوف النتيجه لما ترجع .

بتشوف المعازيم مسدحين في كل مكان .

هذا من واقع تجربة
بوخالد911
14-09-2018, 07:07 AM
ممكن تطلب الباس وورد حق الوالد وتدخل انت وتطلب

المحلات التجارية هدفها فلووووسك وبس
والغالبية حرامية وبياعين كلام وخاصة اللي يقولك : القضاء نهائيا !!!!!

لو اضطريت للشركات
ابعد عن المصريين الحرامية !!
Riku3
16-09-2018, 08:26 AM
احنا نفرغ كل الكباته من المواعين وعقب نرش المطابخ ... فصعبه على حد مثلك هالامر..
كباته @_@ .. كـــبــــاتـــــه @___@ .


أذا تبي نصيحة مجرب

أنا جربت مبيدات الشركات وجربت مبيد البلديه مامنهم فايده

روح المحلات البيطرية وقولة أبي الجره سعره تقريباً 70 أو 80 ريال أخذه وأذا عندك صبيان في البيت عطههم وخلهم يرشون في المناهيل وزوايا البيت

والأماكن اللي أنت تبيها وشوف النتيجه لما ترجع .

بتشوف المعازيم مسدحين في كل مكان .

هذا من واقع تجربة
الجرة ؟ .. ممكن تفصيل اكثر ؟ .

عن نفسي جربت البلدية شغلهم مرات جيد ومرات لك عليه .. بس ما يكمل شهر الا يرجع كل شي نفس ما كان ..

اما الشركات الخاصة .. فتعاملت مع وحدة من اكبر الشركات الموجودة عندنا .. شغل اي كلام وما كملت 6 شهور الا لغيت العقد .
ya3coub
16-09-2018, 08:39 AM
هذا حل نهائي لكافة الحشرات والفأران والروائح المجاري
ويفضل تنفيذه وقت البناء
حاليا تحتاج تكسير .

https://youtu.be/xV3rSIQIp1Q

المرة الجاية ان شاء الله




عادي حط الابلكيشن في جوالك وادخل ببطاقتك الشخصية واطلب منه.

يصير ؟!!! أول مرة اعرف ما كنت ادري. بحاول اجرب.


أذا تبي نصيحة مجرب

أنا جربت مبيدات الشركات وجربت مبيد البلديه مامنهم فايده

روح المحلات البيطرية وقولة أبي الجره سعره تقريباً 70 أو 80 ريال أخذه وأذا عندك صبيان في البيت عطههم وخلهم يرشون في المناهيل وزوايا البيت

والأماكن اللي أنت تبيها وشوف النتيجه لما ترجع .

بتشوف المعازيم مسدحين في كل مكان .

هذا من واقع تجربة

بإذن الله بجرب هالشي بعد مو غلط


ممكن تطلب الباس وورد حق الوالد وتدخل انت وتطلب

المحلات التجارية هدفها فلووووسك وبس
والغالبية حرامية وبياعين كلام وخاصة اللي يقولك : القضاء نهائيا !!!!!

لو اضطريت للشركات
ابعد عن المصريين الحرامية !!

للأسف اهم الي بأغلب الشركات و خذيت و جو سووه اريدي لأن ما كان عندي وقت الجمعه الوحيد اللي ما اشتغل فيه جو عقب الصلاة و ان شاء الله اشوف نتيجة.


كباته @_@ .. كـــبــــاتـــــه @___@ .


الجرة ؟ .. ممكن تفصيل اكثر ؟ .

عن نفسي جربت البلدية شغلهم مرات جيد ومرات لك عليه .. بس ما يكمل شهر الا يرجع كل شي نفس ما كان ..

اما الشركات الخاصة .. فتعاملت مع وحدة من اكبر الشركات الموجودة عندنا .. شغل اي كلام وما كملت 6 شهور الا لغيت العقد .

عن نفسي الوالدة سوت تعديلات وايد فالبيت و في منهوات صارت جزء من البيت الحين و تقريبا 4 سنين ما انفتحو و هاي البلا الوحيد اني اعرف المكان و السبب بس لأنه داخل البيت بيحتاج تكسير.

الحمد الله ما عندنا هالمشكلة بس مؤخرا صارو يطلعون من الحمامين الأقرب لهالمنهولات.

و الهعمد الله اريدي شفتهم امس مسدحين كم واحد.

و ان شاء الله ما انشوف غيرهم
السهم الشمالي
16-09-2018, 09:01 AM
السلام عليكم ورحمة الله وبركاته

أسمحوا لي بمداخلة ولا أزيد على كلام الاخوان جزاهم الله خير
بس أضافة بسيطة
فيه شركة أسمها العربية في سوق الخميس والجمعة في آخر بلوك من السوق من جهة الجنوب في الزاوية من شرق المحل اللي على الزاوية
عندهم رش في كثير من الاحيان أمر عليهم وأخذ من عندهم رش حق الزهيوية والحشرات
وفيه نوع آمن وبدون ريحة سعره مرتفع شوي لكن يصلح حق البيت
طريقتي أنا اللي أسويها دئما
الوقت أولا أذا انت مهب مسافر في الليل بعد مايهدا البيت والغرض منه بقاء الدواء أكثر وقت في الحمام والمنهولات لضمان أكبر فائدة وفعالية .
أصب مقدار بيالة شاهي بدون خلط مع ماء في الله يعزكم المقعد العربي او الافرنجي وأسحب عليه السيفون وأصب مقدار فنيال في المغسلة ومكان الشاور وأصب عليهم ماي شوي
هذا في كل حمام الله يعزكم .
بالنسبة لغرف الصرف الصحي
أخلط الدواء في بخاخ صغير بس مثلا ماتبقى من الدواء أصبه في البخاخ وأزيد عليه ماء وأرش اذا قدرت تفتح الله يعزكم البواليع أرشها من الداخل وإذا ماقدر رشها من الخارج بس تأكد أن الدواء يدخل البلوعة من جميع أطراف وحواف الغطا .
وبأذن الله بهذي الطريقة ماتحتاج للبلدية أنأ أكرر هذي الطريقة مثلا كل أربع أو ست شهور مرة أو أذا بينت الزهيوية والامور طيبة .

أيضا عندهم معاصير سم زهيوية خاصة للخزانات والمطابخ بعد ممتازة .
والله الموفق .
ya3coub
16-09-2018, 11:23 AM
السلام عليكم ورحمة الله وبركاته

أسمحوا لي بمداخلة ولا أزيد على كلام الاخوان جزاهم الله خير
بس أضافة بسيطة
فيه شركة أسمها العربية في سوق الخميس والجمعة في آخر بلوك من السوق من جهة الجنوب في الزاوية من شرق المحل اللي على الزاوية
عندهم رش في كثير من الاحيان أمر عليهم وأخذ من عندهم رش حق الزهيوية والحشرات
وفيه نوع آمن وبدون ريحة سعره مرتفع شوي لكن يصلح حق البيت
طريقتي أنا اللي أسويها دئما
الوقت أولا أذا انت مهب مسافر في الليل بعد مايهدا البيت والغرض منه بقاء الدواء أكثر وقت في الحمام والمنهولات لضمان أكبر فائدة وفعالية .
أصب مقدار بيالة شاهي بدون خلط مع ماء في الله يعزكم المقعد العربي او الافرنجي وأسحب عليه السيفون وأصب مقدار فنيال في المغسلة ومكان الشاور وأصب عليهم ماي شوي
هذا في كل حمام الله يعزكم .
بالنسبة لغرف الصرف الصحي
أخلط الدواء في بخاخ صغير بس مثلا ماتبقى من الدواء أصبه في البخاخ وأزيد عليه ماء وأرش اذا قدرت تفتح الله يعزكم البواليع أرشها من الداخل وإذا ماقدر رشها من الخارج بس تأكد أن الدواء يدخل البلوعة من جميع أطراف وحواف الغطا .
وبأذن الله بهذي الطريقة ماتحتاج للبلدية أنأ أكرر هذي الطريقة مثلا كل أربع أو ست شهور مرة أو أذا بينت الزهيوية والامور طيبة .

أيضا عندهم معاصير سم زهيوية خاصة للخزانات والمطابخ بعد ممتازة .
والله الموفق .

الله يجزاك خير بحاول امرهم ان شاء الله و اشوف شنو عندهم
CH Engineer
17-09-2018, 02:32 AM
الي قالك 8000نصاب درجه أولى
أنا قدمت عن طريق برنامج البلديه بس اسحبوا علي،،
على طول اتصلت فشركة من الوسيط
السعر 350 ريال والبعض يدفع 300 يرش لك البيت والمانهولات والحمامات ،، ويعطيك ضمان شهر يعني اذا طلع اَي شي يجيك ويرش مره ثانيه،، ماشوف فيها شي كلها الا 350 ريال وخل العالم تترزق

أفضل وقت ترش بيتك شهر 4 قبل لتتكاثر

دام ماعندك مشكله كلم البلديه أفضل يجيونك ابلاش أنا كنت ابي حل سريع لان الوضع كان صعب

بالتوفيق ولا تدفع لهم اكثر من 350 ريال
الســـهم
17-09-2018, 07:43 AM
السلام عليكم ورحمة الله وبركاته ..

بالنسبة لي مسوي عقد سنوي مع شركة لمكافحة الحشرات والقوارض، وزياراتهم لي شهريا للرش فالمنهولات الخارجية، واربع مرات فالسنة داخليا ..

مكتفي حاليا بالرش الخارجي مع إني دافع تكلفة الرش الداخلي، لأن القضاء عليهم فالخارج يعني عدم تواجدهم فالداخل، هذي السنة الثانية معاهم ولله الحمد المنهولات نظيفة ..

اذكر السنة اللي فاتت حطوا سم فيران بدون ما أطلب، وفعلا لقيت فار صغير الله يكرمكم ميت فالحوش، واكتشفت ان الناس كانت تعاني من انتشار الفيران ..

متوسط التكلفة للشهر الواحد بالعقد السنوي 150 ريال تقريبا ومريح راسي ..
فيصل99
17-09-2018, 08:05 AM
السلام عليكم
بالنسبة للجرة الي عند محلات البيطريين
كلام الأخ صحيح .. وأنا جربته ورشيته في البيت .. وكانت نتايجه طيبه .. لنه قوي على الحشرات بجميع أنواعها
الي يسأل وشو هو .. هو عبارة عن محلول مركز يخفف بالماء مع استخدام كمية بسيطة منه لغسل الحلال لقتل الحشرات على أجسامها وأيضاً لغسل احواش الأغنام لطرد الحشرات ، أنت راح تستخدمه بس بتركيز عالي يعني ضيف ماي بس مب وايد .