دراسة الطب

[الخيالة]

سلام عليكم

انا ماعرف من يقدر يساعدنا احنا مانبي نخلي ولد اخوي يبي يكمل في قطر هو مواليد قطر و يبي مجال الطب يبي يصير دكتور بس كله غالي مانعرف شنسوي هل عندكم فكره في مجال للأقساط في مجال حد يساعدنا عندكم معارف بجامعات قطر غير جامعة قطر؟ لان شروطهم تعجيزية و قالت وحده لازم هو يجيب كله a و الا ما بياخذونه :( هو شاطر ماشاءالله عليه مب عارفين شنسوي صعب وايد ندفع هالمصاريف عشان رواتبنا شوي و اجار البيت و المصاريف وايد و صعب بعد يسافر يكلف اكثر وأكثر شنو الحل وين نروح نكلم من ؟

[حمد 2002]

خله يشيل فكره دراسه الطب من مخه ..

انا كنت ابي العسكريه وماصار لي نصيب ..

هل تحطمه او انكسرت ممم بالعكس لا ..

درست جامعه وخلصت والحين انا موظف مدني مرموق ولي منصب بمجال عملي ..

واذا ماعنده مبلغ يكمل جامعته خله يشتغل نص يوم واليوم الثاني يدخل تخصص ثاني ..

[Miss]

ليش يشيل الفكره من راسه!!
يروح يسأل مؤسسه حمد اذا عندهم سبونسر ممكن يكون فيه
يروح الجامعات الثانيه يسأل بعد
الله يوفقه

[راعي الكورفت]

تخصصات الطب موجوده فقط في جامعة قطر وجامعة وايل كورنيل.

لو ما حصل قبول في قطر و طموحه يدرس الطب فلا يفقد الأمل.

لو حاب يكمل برع بيحصل قبول.
رفيجي تخرج دكتور اسنان ودرس الطب في جامعة جورجيا وتكلف بالسنه 4000 دولار.

[ya3coub]

في جامعات معترف فيها و رخيصه مثل ماليزيا و الحياة هناك رخيصه جدا جدا و فالطب الهند و يخلص بسرعه اتوقع الطبيب ياخذ اربع سنين بس دراسه ليل و نهار و معاها شغل يعني مكثفه و في العادية.

كسبونسر يحاول مع سدره, و طالما انه شاطر في عدة طرق يتميز و في مساعدات فالجتمعات الاملريكية و سبونسر يكفي يدرس سنه وحدة و اتكون درجاته عالية

[الخيالة]

ولد اخوي مواليد قطر و صعب حتي يحصل وظيفه
انا بغيت تعطوني رايكم وين الاماكن اللي يعطون بونس و يسوون مساعدات حق اللي يبي يدرس سواء جامعة قطر او جامعة الامريكيه في قطر
سمعت عن قطر فاونديشن بس ماعرف وين و شلون
هو يبي مجال الطب اذا الله كتب و نجح و خلص يقدر يفتح به عيادة خاصة في قطر و هو دارس علمي انا بس ماعرف وين في قطر فاونديشن ولي وزارة التعليم
احنا حتي مبلغ خمسين الف صعب ندبر رواتبنا علي قدنا ابوي مايشتغل رواتب اخواني علي قدهم و السفر مو بهالسهوله بعد يبيله ميزانيه و فلوس و اجار البيت و مصاريفه ووو