تصريح تركيب الطبيله خارج البيت ؟؟؟؟

[RVD]

السلام عليكم

شباب بغيت استفسر وين احصل تصريح اقدر اركب طبيله حق سيارتي خارج البيت ؟؟ في احد قدم من قريب شي؟؟ وهل تقديم الطلب والحصول على الموافقه ياخذ وقت طويل ؟؟ لانه اشوف وايد ناس اذا مب الكل تركب طبيلات برع البيت وبدون موافقات ومايتخالفون ؟؟

الله لايهينكم

[Rider]

والله ياخوي فعلا الكل مركب الظاهر صار الموضوع عادي لي عارفه تاخذ موافقه من البلدية لي انت تابع لها

[MAZEN37]

المهم لا تتعدى اول الشارع وتكون بدون عمدان

[QtrGate]

الكل حاط ، أتوقع عادي
والي يركب الطبيلة يقول اهم شي العمود يكون من داخل البيت والطبيله بعيده عن الشارع

[monatee]

كلنا مركبين ومحد كلمنا

المهم مايكون لها عاامود ع الشارع

[فريج النجادة]

الطبيلة ما تحتاج تصريح او موافقة من البلدية

وكل الشركات يعرفون الحددو الارصفة فقط

يعني ما يزيد العرض عن 4 متر والطول ما عندك مشكلة

[بوخالد911]

انا مركب من سنين
أهم شي لا تتجاوز حد الشارع
والعامود لاصق بالطوفة

كل الشركات تعرف هالأشياء.

[ya3coub]

مو ممنوع ولا مسموح,

انت تاخذ القرار بانك مستعد تدفع المخالفه في حال تمت مخالفتك و بس انت بتسوي شي مخالف و تدري بهالشي عيش على فكرة الموازنة اخوي بما اهو اهم المظلة ولا المخالفة ؟؟؟ فالحالتين خساير.

عن نفسي رحت قانونيا و تم الرفض, و بعدها تميت اتابع الفريج في ناس تخالفو بس مو الكل.

ففريجنا كان بيت واحد و كان في تردد بسبب انه المخالفات و الخ و خصوصا انه في بيوت تخالفو و شالوها.

كلمنا نفس الشركة و سعرهم كان غالي و كلمنا غيرهم بنفس الشكل و ليتات و الخ و ما شاء الله عقبنا باسبوعين الحين الفريج تقريبا 10 بيوت نفس الشركة و النوعية مركبين و كملنا سنة و نص و الأمور و لله الحمد طيبة.

مثل ما اذكرو الشباب ما يكون في شي على الشارع و اتوقع انها ما تكون شينكو او الأشكال اللي مو نظيفه انما اللي موجود بحاول اصوره لكم شكلها حلو و مقبول

[kuwari]

سواء بتصريح أو بدون تصريح كلهم نظام مؤقت مثل ما قالوا الجماعة ركب بدون عواميد

[ضوى]

ثلاث ارباع فريجنا مركبين برع وانا ناويه اركب ان شاء الله