لين فضت بطاريتي .. لحد يكلمني

[الحياة الخالدة]

السلام عليكم ورحمة الله وبركاته
صبحكم الله بالخير

قبل كل شي : الموضوع للجنسين

كون الشخص زوج أو زوجة .. فللشريك عليه حق
وكذلك للأبناء عليه حق .. إضافة إلى حق نفسه
وقبل كل ذلك طبعاً حق الله سبحانه وتعالى
هو يحاول قدر الإمكان أن يعطي كل ذي حق حقه بما يمليه عليه دينه أولاً ثم أخلاقه وتربيته وكل الأمور الأخرى التي قد تشكل سلوكه وتصرفاته

لكن لكل إنسان قدرة على التحمل تختلف من شخص لآخر
ومع تسارع وتيرة الحياة وزيادة الضغوط قد يصل إلى درجة يحتاج فيها لمساحة من الحرية ( إن صحت التسمية )
يخفف فيها من حالة التعب والإرهاق والتوتر
لكن : الاطراف الأخرى وأقصد بها : شريك الحياة والأبناء .. قد يجدون في هذا تقصيراً في حقوقهم ( لم يعهدوه من قبل ) وبمعنى آخر يستكثرون عليه ويحملونه الخطأ
وبالتالي يقع الكل في دوامة إلقاء اللوم والمشاكل اللي مالها نهاية

في هذه الحالة : هل يحق لأي من الطرفين التمرد ومحاولة الخلاص من هذا الوضع المتعب
سواء بالإهمال أو اللامبالاة أو الهروب بما يناسب وضعه ؟؟

تسرني مشاركاتكم .. وتحيتي للجميع

[لبيبة]

وعليكم السلام ورحمة الله وبركاته،

يحق له، لا، مب من حقه.

لكن، الطرفين لازم يتفهمون بعض،

يراعون بعض،

يعرفون ظروف بعض،

من الافضل ان تكون هناك حالة من التفهم والصبر،

ولابد من المساعدة في الحياة،

من غير استغلال واتكالية،

يعني يتفهمون بعض،

ويكونون ممتنين لبعض،

يحملون لبعض شعور الامتنان للتفهم والمساعدة،

الحياة شراكة ولا يدور الكون حول شخص واحد،

فلا يكون "التفهم والمراعاة والمساعدة" لطرف دون الآخر،

ولا يمن طرف على آخر ويذكره بأفضاله،

لكن الطرف المتلقي يستحسن منه اظهار امتنانه وسعادته بمبادرات الطرف الثاني،

والكلام لا يخص الازواج فقط،

بل يشمل كل علاقة انسانية،

اباء وابناء، اخوة واقارب، وحتى الاصدقاء وزملاء العمل.

[ضوى]

كأنج تقصديني بصراحه ، انا امر حاليا بأسوأ حالاتي ، تمرد وتنمر ورفض للمسؤليه ، اعترف لج للان لم يؤثر علي سلباً بس اتوقع اذا استمريت بهالتمرد راح يكون الموضوع تراجيدي ولا اتمناه بالطبع ، لكن بالفعل اختاج مساحه من الحريه بعيد عن كل شي كل شي اقصد كل شي حرفيا الا عن نفسي وراحتي ومتعتي ، عاد كيفه اللي بيزعل يزعل واللي بيرضى يرضى واللي يزعل مايشوف شر ، لكن لازم اتلاحق نفسي قبل لا اضطر اتابع في عيادات الامراض المزمنه ، طبعا محد راح يفهم كلامي الا اللي عايش وضعي بحذافيره ولا محتاجه احد يوجهني لاني وصلت مرحله اعرف تبعات اي تصرف مني ، مشاركتي من باب المشاركه فقط وليس من باب مناقشتها ووضع حلول لها

[sara jsm]

انا بنظري إن الام هي اللي لها الدور الاول والاكبر في حياتها الزوجية ..
تمسك المسؤوليات بشكل جدي سواء مع الابناء او الزوج او حتى المحيط ...
فليش مايخصص لها وقت تتنفس فيه ... يوم واحد بدون طلبات .. يوم واحد بدون اتصالات ..
يوم واحد بدون مسؤوليات ... انا مرات ودي اشرد من البيت بس مافي مكان اروح له محد يعرفني فيه ..
وبعد اخاف يضيعون بدوني ... بس خلاص لين متى نعيش كـ شمعه تحترق .. crazy

[مهرة]

..

ماراح اشارك لين نشوف مشاركات من الطرف النائم.!

الطرف الآخر..

[ضوى]

..

ماراح اشارك لين نشوف مشاركات من الطرف النائم.!

الطرف الآخر..

يمكن ماتحصلين تدرين ليش ؟ الطرف الاخر يتوقع إنتي ماكينة ماتتعبين ومالك حق الشكوى ولا التذمر ولا حتى الراحه . هذي واجباتج تأدينها وانتي ساكته ولازم تظهرين الود والامتنان دائما لوجودهم بحياتج

[معماري قطري]

ما ادري شدخلني بينكم معشر النساء

يمكن بالغلط بس خلوني أدلوا بدلوي .. لكل انسان حدود للعطاء ولتأدية الواجب .. بعضهم يقصر لسبب ما ومن قصر بحقه واجب يعذره .. الزوجة لازم لها مساحة حرية وراحة تلتقي بصديقاتها أو أهلها

كذلك للزوج وللأبناء

[الحياة الخالدة]

وعليكم السلام ورحمة الله وبركاته،
يحق له، لا، مب من حقه.
لكن، الطرفين لازم يتفهمون بعض،
يراعون بعض،
يعرفون ظروف بعض،
من الافضل ان تكون هناك حالة من التفهم والصبر،
ولابد من المساعدة في الحياة،
من غير استغلال واتكالية،
يعني يتفهمون بعض،
ويكونون ممتنين لبعض،
يحملون لبعض شعور الامتنان للتفهم والمساعدة،
الحياة شراكة ولا يدور الكون حول شخص واحد،
فلا يكون "التفهم والمراعاة والمساعدة" لطرف دون الآخر،
ولا يمن طرف على آخر ويذكره بأفضاله،
لكن الطرف المتلقي يستحسن منه اظهار امتنانه وسعادته بمبادرات الطرف الثاني،
والكلام لا يخص الازواج فقط،
بل يشمل كل علاقة انسانية،
اباء وابناء، اخوة واقارب، وحتى الاصدقاء وزملاء العمل.
شكراً على المشاركة أختي لبيبة

كلنا متفقين على إن الطرفين المفروض يتفهمون ويقدرون ويراعون ويصبرون ويساعدون بعض
كل كلامج أختي لبيبة حلو .. لكن لو كل هالامور ما صارت
وبمرور الوقت الطرف أو الأطراف الثانية يشوفون إن الطرف التعبان واجب عليه يعطي ويعطي ويتعب ويضحي كشيء مسلم به ..
يعني بالعربي تعودوا على هالشي ولا عندهم فيه أي مشكلة

هذا هو المقصد

[ya3coub]

عن نفس بدون شريك حاليا :) و ما عندي وقت لنفسي بس ممكن اتكلم عن علاقتي بربعي الي تأثرت كونهم اقرب شي مع البيت للمقارنة بالشريك.


لما الشخص يتعب و الضغوطات تزيد عليه المفروض يصارح اهله او شريكه حياته بأنه اهو مضغوط طبعا "حسب ما اسمع من ربعي و اشوف من معارفي" هالشي صعب على الحريم يتفهمونه عنده وقت يروح يستانس او يجامل ربعه بس ما عنده وقت لي ليش انا فشنو قصرت اهني الوساويس تبتدي و المشاكل.

الرجل فالأغلب اذا بين وجهة نظره و قال قبل ما يسوي بالنسبة له انه احترم شريكه حياته و قالها شنو عنده و شرح وضعه. او للي نفسي مدمنين عالشغل و "مقصرين" فحص بيوتهم فالنهاية هالشغل و الكرف علشانج علشان البيت يجهز الخ الخ الخ اترقى اسرع و من هالكلام.

معشر النساء ما اقدر ارد عنهم

بس رد السؤال الصعب اللي صيغته بالنسبة لي غلط صيغه امهات و بعصبية و ببين الأسباب عقب


هل يحق لأي من الطرفين التمرد ومحاولة الخلاص من هذا الوضع المتعب
سواء بالإهمال أو اللامبالاة أو الهروب بما يناسب وضعه ؟؟

ليش محاولته لتخفيف الضغط تعتبر تمرد ؟؟؟
الإهمال و اللامبالاه ؟؟ بس لأنه يبي مساحه شخصيه ينفس فيها عن ضغطه بدون ملامه بدون عتب بدون ما يسمع اشياء تزيد من اللي عليه ضيقه ؟؟
او الهروب بما يناسب وضعه ؟؟

^^^^^^ السؤال الي فق بالنسبة للرجل ما يقراه كسؤال و خصوصا لما ينقال له لأنه كله اتهامات انت مهمل اهلك, و متمرد, و ما يهمك إلا نفسك :).

و الإجابة على الثلاث اقسام بتكون الإجابة المثالية: لا... و لا و لا. لأنه صيغه السؤال.

بس بنجي هل من حقه كرجل او امرآة انهم ياخذون مساحتهم الخاصه نعم يق لهم بشرط اعلام الطرف الثاني انا بختفي انا بقبض خط انا متضايق ما اعرف شنو بسوي ما ابي اي حد معاي ابي اكون بروحي اريح نفسي و مخي لا تحاتوني و نفسيتي يمكن تكون مو زينه هالكم يوم اعذروني و اسمحولي.

الأحسن معاها اعطاء و مشاركة بعض المشاكل اللي صج يواجها الشخص سوائا على مستوى المادي الشخصي العمل العلاقات الخ....

و في شي يصيب الرجال انهم يسرحون بــــــــ"ولا شي" و هالشي يسبب مشاكل او يكون مو عارف شنو يبي بس ضيقه تجي من الله فتره و تروح تزيد و تقل من شخص لشخص بس تعامل الشريك يلعب دووووور كبير يعني اللي تتلزق و تاخذ على عاتقها تفرحه غصب تتضرر و اهو يتضايق اكثر و هالشي السبب الرئيسي فالمشاكل و خصوصا طلاق حديثي الزواج للأسف لأنه محد احترم حدود الثاني او مساحته الشخصية لين ما ظرفه يعدي او اللي غصب يبي يحل المشكلة اللي صاحبها مو عارفها او مافي شي معين ملموس ضيقه جات من تراكمات سابقة.


المهم لين حصلت شريكة برجع و احط ردي :)

[نفسي عزيزه]

الدنيا مافيها راحه

[معماري قطري]

الدنيا مافيها راحه

كلام شياب

[معماري قطري]

عن نفس بدون شريك حاليا :) و ما عندي وقت لنفسي بس ممكن اتكلم عن علاقتي بربعي الي تأثرت كونهم اقرب شي مع البيت للمقارنة بالشريك.


لما الشخص يتعب و الضغوطات تزيد عليه المفروض يصارح اهله او شريكه حياته بأنه اهو مضغوط طبعا "حسب ما اسمع من ربعي و اشوف من معارفي" هالشي صعب على الحريم يتفهمونه عنده وقت يروح يستانس او يجامل ربعه بس ما عنده وقت لي ليش انا فشنو قصرت اهني الوساويس تبتدي و المشاكل.

الرجل فالأغلب اذا بين وجهة نظره و قال قبل ما يسوي بالنسبة له انه احترم شريكه حياته و قالها شنو عنده و شرح وضعه. او للي نفسي مدمنين عالشغل و "مقصرين" فحص بيوتهم فالنهاية هالشغل و الكرف علشانج علشان البيت يجهز الخ الخ الخ اترقى اسرع و من هالكلام.

معشر النساء ما اقدر ارد عنهم

بس رد السؤال الصعب اللي صيغته بالنسبة لي غلط صيغه امهات و بعصبية و ببين الأسباب عقب



ليش محاولته لتخفيف الضغط تعتبر تمرد ؟؟؟
الإهمال و اللامبالاه ؟؟ بس لأنه يبي مساحه شخصيه ينفس فيها عن ضغطه بدون ملامه بدون عتب بدون ما يسمع اشياء تزيد من اللي عليه ضيقه ؟؟
او الهروب بما يناسب وضعه ؟؟

^^^^^^ السؤال الي فق بالنسبة للرجل ما يقراه كسؤال و خصوصا لما ينقال له لأنه كله اتهامات انت مهمل اهلك, و متمرد, و ما يهمك إلا نفسك :).

و الإجابة على الثلاث اقسام بتكون الإجابة المثالية: لا... و لا و لا. لأنه صيغه السؤال.

بس بنجي هل من حقه كرجل او امرآة انهم ياخذون مساحتهم الخاصه نعم يق لهم بشرط اعلام الطرف الثاني انا بختفي انا بقبض خط انا متضايق ما اعرف شنو بسوي ما ابي اي حد معاي ابي اكون بروحي اريح نفسي و مخي لا تحاتوني و نفسيتي يمكن تكون مو زينه هالكم يوم اعذروني و اسمحولي.

الأحسن معاها اعطاء و مشاركة بعض المشاكل اللي صج يواجها الشخص سوائا على مستوى المادي الشخصي العمل العلاقات الخ....

و في شي يصيب الرجال انهم يسرحون بــــــــ"ولا شي" و هالشي يسبب مشاكل او يكون مو عارف شنو يبي بس ضيقه تجي من الله فتره و تروح تزيد و تقل من شخص لشخص بس تعامل الشريك يلعب دووووور كبير يعني اللي تتلزق و تاخذ على عاتقها تفرحه غصب تتضرر و اهو يتضايق اكثر و هالشي السبب الرئيسي فالمشاكل و خصوصا طلاق حديثي الزواج للأسف لأنه محد احترم حدود الثاني او مساحته الشخصية لين ما ظرفه يعدي او اللي غصب يبي يحل المشكلة اللي صاحبها مو عارفها او مافي شي معين ملموس ضيقه جات من تراكمات سابقة.


المهم لين حصلت شريكة برجع و احط ردي :)

يعقوب الحق على نفسك .. أشوف لك خطابة؟

[Abdulraman]

الدنيا مافيها راحه

بالعكس اذا رتبت امورك ومشيت صح الدنيا كلها راحه وخل عنك سوالف الشيبان

اللهم اعطنا في الدنيا حسنه وفي الاخره حسنه

[fmmja]

تعدد الزوجات هو الحل

الزوج كل ماحس بضيقه وغلقه يغير من زوجه لأخرى. والشرع حلله اربع

والزوجه اذا ضاقت وبدت تناحس تقوله اذلف لزوجتك الثانيه
وهي تاخذ قسط من الراحه وتتفرغ لحياتها وعيالها

والحياة حلوه بس نفهمها 😆

[ya3coub]

يعقوب الحق على نفسك .. أشوف لك خطابة؟

بو عبد الله انا ليلحين فالمكتب جان تبي اقهويك ماي.

عندي فوق الــ140 ايميل اخلصهم عقب بطلع.

وين خطابة و وين اللي بترضى بواحد يومه كله فالشغل و يرد مهدود دعواتك افتك من هالمشروع و اشوف مشروع مريح ثاني او احول عالحكومة راحة و اليوم كله لك حدك 2 او 3 و بس

[sara jsm]

الزوج كل ماحس بضيقه وغلقه يغير من زوجه لأخرى. والشرع حلله اربع
والزوجه اذا ضاقت وبدت تناحس تقوله اذلف لزوجتك الثانيه
وهي تاخذ قسط من الراحه وتتفرغ لحياتها وعيالها


كمية انانيه في هالرد ههههههههههههه
دايما انتو الرجال في صف بعض ... يعني اذا افتكت منه بتروح تستانس مع عيالها !!!!؟
وين الراحة عيل .... الراحة انها تكون بروحها مع خواتها اخوانها مع اي شخص مب محتاجة تكون مسؤولة عنه في ذاك اليوم ...



بو عبد الله انا ليلحين فالمكتب جان تبي اقهويك ماي.
عندي فوق الــ140 ايميل اخلصهم عقب بطلع.
وين خطابة و وين اللي بترضى بواحد يومه كله فالشغل و يرد مهدود دعواتك افتك من هالمشروع و اشوف مشروع مريح ثاني او احول عالحكومة راحة و اليوم كله لك حدك 2 او 3 و بس

ردك القبلي هو رد كل عزوبي مب متخيل حياة المتزوجين اشلون ممكن تكون ..
حتى لو عندك ربع وقراب منك وهالكلام .... ودامك متزوج الشغل خلك مع الايميلات ههههههههه
والله يسهل امورك وتستقر وتستقل بحياتك :thumbup1:

[شموخ دائم]

,


,


مرحبا


شكرا على الموضوع الطيب جميع الناس وجميع الاسر وجميع الافراد
متزوج او غير متزوج بيمر بهذي المرحله وهي ( الحد الأخير ) اعتقد انسب شي ان الانسان يصارح الي حوله
انه محتاج ( راحه ) أسبوع أسبوعين او شهر
يتخلى عن كل هي المسئوليات والضغوط قدر المستطاع
اعتقد اذا الي حولك يفهمون وضعك يراعون هذا الشي
ويتركون الشخص ( يأخذ ) نفس ويرتاح شوي
مثل الي يجري يجري يجري ويتحامل على نفسه ويجري ويجري وفجئه يصير ( موقادر ) يكمل
هنا يحتاج راحه كبيره وضروريه

تختلف من شخص الى شخص
بس الراحه هذي ضروريه جدا بهذا التوقيت وضروري يرتاح ( بالطريقه الي تناسبه )


قبل الانفجار

:)

ويرجع الى موقعه وهو بنشاط اكبر ( متجدد )

للأسف ما عندنا ( ثقافه ) الراحه مثل الأجانب

عندنا ثقافه ( المكينه )

وممنوع حد يشتكي

ممنوع تتعب

ممنوع توقف



:)

,

,

[JN000N]

,


,


مرحبا


شكرا على الموضوع الطيب جميع الناس وجميع الاسر وجميع الافراد
متزوج او غير متزوج بيمر بهذي المرحله وهي ( الحد الأخير ) اعتقد انسب شي ان الانسان يصارح الي حوله
انه محتاج ( راحه ) أسبوع أسبوعين او شهر
يتخلى عن كل هي المسئوليات والضغوط قدر المستطاع
اعتقد اذا الي حولك يفهمون وضعك يراعون هذا الشي
ويتركون الشخص ( يأخذ ) نفس ويرتاح شوي
مثل الي يجري يجري يجري ويتحامل على نفسه ويجري ويجري وفجئه يصير ( موقادر ) يكمل
هنا يحتاج راحه كبيره وضروريه

تختلف من شخص الى شخص
بس الراحه هذي ضروريه جدا بهذا التوقيت وضروري يرتاح ( بالطريقه الي تناسبه )


قبل الانفجار

:)

ويرجع الى موقعه وهو بنشاط اكبر ( متجدد )

للأسف ما عندنا ( ثقافه ) الراحه مثل الأجانب

عندنا ثقافه ( المكينه )

وممنوع حد يشتكي

ممنوع تتعب

ممنوع توقف



:)

,

,

دايماً ردودك عالعوق

[بو خليفه 123]

تعدد الزوجات هو الحل

الزوج كل ماحس بضيقه وغلقه يغير من زوجه لأخرى. والشرع حلله اربع

والزوجه اذا ضاقت وبدت تناحس تقوله اذلف لزوجتك الثانيه
وهي تاخذ قسط من الراحه وتتفرغ لحياتها وعيالها

والحياة حلوه بس نفهمها ��

أنت تستاهل ترقية الى رتبة مراقب عام


تحياتي من البلكونه

[معماري قطري]

بو عبد الله انا ليلحين فالمكتب جان تبي اقهويك ماي.

عندي فوق الــ140 ايميل اخلصهم عقب بطلع.

وين خطابة و وين اللي بترضى بواحد يومه كله فالشغل و يرد مهدود دعواتك افتك من هالمشروع و اشوف مشروع مريح ثاني او احول عالحكومة راحة و اليوم كله لك حدك 2 او 3 و بس

الله يعينك يا اخوي ويرزقك شغل مناسب بأسرع وقت

شوقتني للشغل لو يصير امركم في الموقع بسهولة زين

[معماري قطري]

دايماً ردودك عالعوق

يسوي المقال مثل الكيكة كم لون يخلينا ما نقرا وبس نفكر نلحس الشاشة

[sara jsm]

يسوي المقال مثل الكيكة كم لون يخلينا ما نقرا وبس نفكر نلحس الشاشة

شموخ دايم ردوده تفتح النفس مب بس ملون حتى المضمون طيب ..
يمكن هو الوحيد اللي رده يبرد الخاطر ..
:


الحياة الخالدة/ اتمنى تحذفين الردود اللي ترفع الضغط والسكر وتعطين اصحابهم باند 3 ايام بلياليها :strong

[يمامـة]

طبيعي جدا ان يبحث الانسان عن حقه في التنفيس عن نفسه و الراحة بعد اداء واجباته تجاه من لهم حق عليه..
لكن غير الطبيعي ان يتم تهويل و تكبير مقدار هالحاجة للراحة لدرجة الوصول الى مرحلة التحدث عن الاهمال و التمرد في البيت..

اليوم الزوج او الزوجة لديهم متسع كبير من الوقت يمكنهم اداء مهامهم تجاه الاسرة
بالاضافة الى التمتع بمساحة من الحرية في الترويح عن النفس..

فالزوجة سواء كانت موظفة او ربة منزل يوجد لديها من يقوم بكل المسؤوليات المنزلية من خدم ..
و على نفس المنوال الرجل غالبا ما يوجد من يساعده على مهامه المنزلية سواء بوجود سائق او الزوجة ..

اليوم و مع الحالة الاقتصادية الممتازة للكثير من الاسر و لله الحمد اصبح السفر الشهري مرة
او السنوي بمعدل ٤ مرات امر طبيعي ..
و كذلك وجود أحدث الاجهزة الالكترونية الرقمية اللي لعبت دور كبير كمتنفس ترويحي لجميع الناس..
بالإضافة الى الخروج الى المطاعم و الكفيهات و المجمعات و الشاليهات و الفنادق .... و....
كلها امور تقلل من ضغط الحياة على الناس و تعطيهم دفعة معنوية جديدة لبدء يوم جديد بهمة اقوى..

فاذا الناس اللي يتمتعون بالنعم الموجودة في مثل هذه الحياة يعانون من الضغط..
عيل الناس اللي حياتهم مضغوطة ما بين عمل وظيفي و عمل في البيت و حياة مادية صعبة
و عجزهم عن توفير الحياة الكريمة لاطفالهم و ديون و ... و... و....

هؤلاء كيف لنا ان نتصور حياتهم وحاجتهم للفسح النفسية مقارنة مع حياتنا و المطالبات المعروضة في الموضوع؟


المقيم اللي ساكن في بيت عبارة عن صالة وغرفة نوم ومطبخ متر في مترين مع 5 أطفال اصغرهم له شهور..
في الصالة هذه يتريقون و يتغدون ويتعشون و يدرسون عيالهم و يستقبلون ضيوفهم..

او الاسرة المقيمة الثانية اللي فيها الزوج و الزوجة موظفين.. الزوجة تطبخ غداهم من الليل و تقعد الصبح
تجهز الريوق وتلبس عيالها و الاب يوصلهم المدرسة و هي تركب مع جارتهم و تروح مدرستها
ترجع تجهز الغدى المطبوخ من الليل ترتب البيت يتغدون كلهم تشوف عيالها و تطلع هي و زوجها
يعطون دروس خصوصية .. يرجعون و تدبر عشى حق هالاطفال اللي خلوهم في البيت من غير خادمة
او جدة او جارة.. يتابعون دروس عيالهم يعشونهم ينامون..

الروتين هذا يعيشونه طول الأسبوع واذا طلعوا خذوا سندويشات المرتديلا معاهم مع زمزمية شاي
و مطارة ماي معبينها من براد السبيل حق بيت جيرانهم القطريين و تفسحوا في حديقة اسباير او في الكورنيش
و ارجعوا وبطاريتهم فُل و اسهروا على اغنية ام كلثوم في الإذاعة..



هل هالناس عينات بشرية خاصة ؟ و لا ناس متكيفين مع مسؤوليات الحياة الملقاة على عاتقهم؟

حتى مشاكل عيالنا.. اذا احنا استسلمنا من كثرتها.. هل نكون بذلك ابدعنا بالقيام بمسؤوليتنا تجاهم؟

ترى مب غلط عيالنا يقعون في الأخطاء.. لكن المصيبة لما ما يجدوننا خلفهم في كل مرة يخطؤون فيها..
فإذا استسلمت لمشاكل عيالي واني مضغوطة وابي ارتاح انتظر من منه يتابعهم؟
كيف ممكن نتقبل فكرة تسليم راية المسؤولية لغيرنا بحجة ان بطاريتنا ضعفت
و راح نتمرد على واقعنا المدحوب مسؤوليات تجاه بيتنا و عيالنا او الزوج!!

لذلك أأكد ان المشكلة تكمن فيمن يشعر انه بحاجة الى التمرد و اهمال كل شيء
من حوله لشعوره انه لا يمكنه تقديم اكثر من ذلك..

و ليش أكدت على هالشي؟

لأنها حالة ناتجة من رحم الحياة الرغدة كل شي توفر لهم على اعلى المستويات و لله الحمد
فاصبحوا يحتاجون الى بطرة في الراحة ..

اسفة اذا كلامي قد يجرح البعض الا اني ما اخص احد بعينه في كلامي هذا
فهدفي من مشاركتي القاسية هذه
ان تكون لنا كلمة في منع زرع ثقافة سيئة في أذهان الجيل الحالي ..
بحيث انه يستسلم لأي شعور بالفتور او التعب من واجباته تجاه اسرته..


فاليوم اذا عيالي او بناتي قروا لي اني ابي مساحة من الحرية
واني ابي ارتاح من متابعتهم او افتك من مسؤوليات البيت ..

يا هل ترى كيف هي الصورة اللي باختزلها في عقول عيالي عن طبيعة واجباتهم تجاه اسرهم؟

[JN000N]

يسوي المقال مثل الكيكة كم لون يخلينا ما نقرا وبس نفكر نلحس الشاشة

هههههههه لا تقرا ردوده اخاف يرتفع السكر عندك ههههه

[سالم الزهران]

قال تعالى، بسم الله الرحمن الرحيم
(والعصر إنّ الانسان لفي خسر إلا الذين آمنوا وعملوا الصالحات وتواصوا بالحق وتواصوا بالصبر)

اخواني واخواتي المفروض في المسلم أنه يعين ويعاون خصوصاً ف الوقت اللي صار البيت كلهم يخرجون للأعمال ويردون بنفسيات مختلفة على حسب المواقف والضغوطات اللي تعرضوا لها.

فاللي متعب وبطاريته فاضية غالباً ما راح يستقبل اتصالات والمفروض بس نوفر له راحة تامة.

بيوتنا هي ملجأنا الأخير و اللي بنرد له عقب التقاعد ان شاء الله فشلون نبي نرد لها وحنا صرنا ننتظر الدوام عشان يفكنا منها؟

في العصرية؛ فيه مكان نمشي فيه ونقابل بعض مدراء الشركات المتقاعدين.. يقولون لنا عن تجربتهم وبندم شديد وينصحوووون أن لا نقدم عملنا على بيوتنا والا بنخسر بيوتنا وعيالنا وترد بعد التقاعد تلقى محد حولك (من بينفعك) ذيك الحزة!

أمر ثاني مهم جداً جداً... النباتات الخضراء اللي زرعناها بقلوبنا (ذات يوم) ليش نهملها؟ ليش ما نعلن أن الحب في البيت مشرووووع ومب حرام ونكون كلنا واحد أمام مسؤلياتنا ومب شرط يكونون عيالنا في درجة أقل منا.

سياسة تجميع الملاحظات ما تخدم أحد و لا ودي أتشعب وندش متاهات.. لكن رجعوا لأمثلتنا وقدواتنا الحسنة (آبانا وامهاتنا).. وسمحوا لي اعلمكم بسالفة عن جدي وجدتي رحمهما الله يوم سافروا يعالجون عند عمي (يقول عمي حطيت لهم غرفة نوم تفتح على الحوش وبتلشوا الشيبان ما هم متعودين على غرف نوم.. يقول العم ذيك المرة دخلت الا جدتكم سانده ظهرها على راس السرير يا دوب اشوف كتفها وراسها و جدكم كان يسولف وجته النودة وستند بظهره على جدتكم وتخبرون جدكم جثة ودفن امي معاد تنشاف)

يستطرد العم يقول: قلت يمه ليش ما تقومينه بدل منتي حاطه يدينك عليه!

قالت لي (مسيكين ماني مقومته)...

اغلب ابانا وامهاتنا كانوا كذا وهم لا قروا ولا كتبوا... لكن صبروا ونالوا... واعتذر ع الاطالة.