مشاهدة النسخة كاملة : مشاهيرالسوشل ميديا ( سناب شات ) ( العنصر النسائي ) الى أين؟
الوسيط العقاري
12-10-2018, 12:16 PM
السلام عليكم ورحمة الله وبركاته
( الموضوع واضح من عنوانه )
مشاهيرالسوشل ميديا ( سناب شات ) ( العنصر النسائي ) الى أين ؟
بعضهم اللي يسوون نفسهم يمثلون ( بنات قطر ) ويخسون ان بنات قطر يمثلوهم
قلة أدب - قلة صنعة - قلة ذوق - قلة حيا
مع احترامي لبعض المشاهير اللي محترمين انفسهم
اين الجهات المسؤله عنهم ؟
اين الأمن الوقائي منهم ؟
لاتقولون لي حرية شخصية ؟
ننتظر آراءكم
Rider
12-10-2018, 12:49 PM
والله ياخوي اتفق معاك الى أين بعدين اي مشاهير كل واحد قام يصور ويتكلم صار مشهور هذا نقص فالكثير من هؤلاء البعض يستخف بعقول الناس اما البنات لي طبعا مايمثلون بنات قطر الشريفات العفيفات خلهم ياخوي اخر شي على لي قاعده تسوي بتجيها عين ولا مرض خبيث بعدين بتعرف ربها
ya3coub
12-10-2018, 02:12 PM
بصراحة أخوي الوسيط العتب عاللي سواهم مشاهير و يتداول مقاطعهم و يقضي ساعات او حتى دقايق من وقته و يومه يتابعهم و يشوف شنو عندهم للأسف
يسئلوني الربع او اذا اعبي استبيان اشوف انه الأغلب ما اعرفهم في وحدة و بصراحه اشوفها مايعه اكثر من اللازم و انفلو علطول.
عندي ربعي و الأهل و بس و اموري طيبه
سعود.
12-10-2018, 03:04 PM
ماعندي انستقرام ولا سناب !!!!
ولو كان عندي انا كرجل ليش اتابع نساء !!!
اغلب برامج التواصل مضيعة للوقت بصراحة استثني منها ( الوتساب )
دينالي
12-10-2018, 03:51 PM
ياكثر المشاهير اليوم
راجي الْعفو
12-10-2018, 04:05 PM
وَعَلَيْكُم السّلام وَرَحْمَة اللهِ وَبَرَكَاتُه
تطلع كاشفه وجهها و الحجاب بحسب الموضه لا الشرع
و تتفنن في وضع المكياج و ربما عمليات تجميل ومياعة في الكلام - بدرجات مختلفة -
وتقول انا قطريه
لا والله لا تمثيلنا ولا تمثلين أهل قطر وحريمهم
بل انت تمثلين نفسج المقصّرة المجاهرة بالمعصية
لان هالمنظر مب منظر قطرية !
والله ان القطرية تستحي الظهور امام الرجال وسماعهم لصوتها
هذول من أي بيئة ماخذين الجرأة وقلة الحيا ؟!
ومن شب على شي شاب عليه
التساهل في تربية الصغار يولد لنا هالاشكال!
الله يهدينا و يهديهم
نقطة.
سعود.
12-10-2018, 05:00 PM
اخوي راجي العفو
باقي شهرين وندخل 2019 لازم تواكب العصر هههههههههه
من حول شهر تقريبآ سمعت قصة صارت في ( قطر مول )
انة صارت مشادة كلامية بين رجل وبين ( ذكر ) اخر مع زوجتة بسبب ( ليش تطالع الاهل ) وصار بينهم مشادة كلامية قوية انهاها بقولة : لو انك صدق تغار على هلك كان خليتهم يلبسون عدل بدون مكياج ووووووالخ
استغرب من بعض النساء الي تروح للمول وماتعرف تفرق بينه وبين اطلعة الخاصة ( العائلية ) المول عام للكل زين ليش كل هذا التبرج !!!! حق من التبرج والفتن !!! لشباب !!!
راجي الْعفو
12-10-2018, 08:24 PM
اخوي راجي العفو
باقي شهرين وندخل 2019 لازم تواكب العصر هههههههههه
من حول شهر تقريبآ سمعت قصة صارت في ( قطر مول )
انة صارت مشادة كلامية بين رجل وبين ( ذكر ) اخر مع زوجتة بسبب ( ليش تطالع الاهل ) وصار بينهم مشادة كلامية قوية انهاها بقولة : لو انك صدق تغار على هلك كان خليتهم يلبسون عدل بدون مكياج ووووووالخ
استغرب من بعض النساء الي تروح للمول وماتعرف تفرق بينه وبين اطلعة الخاصة ( العائلية ) المول عام للكل زين ليش كل هذا التبرج !!!! حق من التبرج والفتن !!! لشباب !!!
امحق عصر عصرهم
جوابه مفحم وان كان غلطان
فعلا لو كان يغار ما ظهر شي من جسم مرته فضلا عن المكياج !
تقول انا اتكشخ لنفسي .. تحسسك انها عايشه في هالكوكب بروحها ولا حد بحولها
حلوه لنفسي ^_^
هيباتيا
13-10-2018, 03:49 AM
هاي حرية واذا مب عاحبينكم هالمشاهير لا تتابعونهم بس في غيركم يبون يتابعونهم... انا ماتابع أحد فيهم بس غيري يبون يتابعونهم
الوسيط العقاري
13-10-2018, 09:46 AM
طبعا الحرية للجميع
لكن ليس الحرية بقلة الأدب على اساس انهم يمثلون بنات قطر ؟
نعرف انهم يمثلون انفسهم .. لكن مب على حساب المجتمع القطري المحافظ
sara jsm
13-10-2018, 10:45 AM
مع اني مااتابع حد منهم .. بس اشوف وجودهم ماله معنى ..
او ممكن تنشر اشياء مفيدة بدون لاتظهر نفسها ...
الله يهديهم ويصلحهم يارب ..
دااانة قطر
13-10-2018, 10:50 PM
امحق عصر عصرهم
جوابه مفحم وان كان غلطان
فعلا لو كان يغار ما ظهر شي من جسم مرته فضلا عن المكياج !
تقول انا اتكشخ لنفسي .. تحسسك انها عايشه في هالكوكب بروحها ولا حد بحولها
حلوه لنفسي ^_^
:nice:
معماري قطري
14-10-2018, 12:59 AM
ماعندي انستقرام ولا سناب !!!!
ولو كان عندي انا كرجل ليش اتابع نساء !!!
اغلب برامج التواصل مضيعة للوقت بصراحة استثني منها ( الوتساب )
انا مثلك واتابع تويتر لو جاني رابط غير ما عندي
Qtr37
14-10-2018, 01:44 AM
كنت اتابعهم وايد علشان الدعايات وعلشان نواكب الموضة!! لكن تمللنا منهم ومن دعاياتهم.. في البداية يعرضون تجاربهم واشياء تهم البنات وعقب كله دعايات
فعلا تمللنا من كثير منهم ( الرحال والنساء) :)
BoFahed
14-10-2018, 07:44 AM
السلام عليكم ورحمة الله وبركاته
( الموضوع واضح من عنوانه )
مشاهيرالسوشل ميديا ( سناب شات ) ( العنصر النسائي ) الى أين ؟
بعضهم اللي يسوون نفسهم يمثلون ( بنات قطر ) ويخسون ان بنات قطر يمثلوهم
قلة أدب - قلة صنعة - قلة ذوق - قلة حيا
مع احترامي لبعض المشاهير اللي محترمين انفسهم
اين الجهات المسؤله عنهم ؟
اين الأمن الوقائي منهم ؟
لاتقولون لي حرية شخصية ؟
ننتظر آراءكم
لو دورت ورى النماذج السيئة في الميديا بتحصلهم هم نتيجة تفكك اسري او معتلين نفسيا او بسبب نقص في التربية وبتحصل وايد اهلهم مب راضينن باللي يسووونه حتى لو كذبوا وطلعو العكس بمقاطعهم وهذا ابتلاء كبير الله يكون في عون اهاليهم
الحكومة ما تقدر تسوي شي ما دام ما انحل الموضوع في البيت وما دام ما خالفو القانون والوضع تغير ما فيه شيه بالقوة لانه الجيل الحالي متمرد وما يخافون من حد مثل ايامنا وكلن يبي يلم عياله ومايبي يتدخل في عيال اقاربه الا ما رحم ربي
المشكلة اخوي معجبينهم من المراهقين والاطفال اللي ينغرون فيهم هذا غير من اللي يتوسطون لهم ويرزونهم ويبخونهم علشان دعايات سخيفة ويخليهم يتمادون اكثر
بوخالد911
14-10-2018, 08:23 AM
الله يستر على نون النسوة.
fmmja
14-10-2018, 09:50 AM
كنت فاتح خريطة السنابتشات
و كنت التابع السنابات جهة الكورنيش
لفت انتباهي محل او بووث يسوي اعلان للتيشيرتات اللي عنده
وكان مكتوب علي التشيرتات مايلي
ممكن سنابج
تعال أشبعك حب
من يرضي حد يلبس ولده او بنته لبس مكتوب عليه هالكلام ؟
ورد الدوحه
14-10-2018, 10:11 AM
كنت فاتح خريطة السنابتشات
و كنت التابع السنابات جهة الكورنيش
لفت انتباهي محل او بووث يسوي اعلان للتيشيرتات اللي عنده
وكان مكتوب علي التشيرتات مايلي
ممكن سنابج
تعال أشبعك حب
من يرضي حد يلبس ولده او بنته لبس مكتوب عليه هالكلام ؟
هاذي كلمات أغاني
ماشفت شي ترا انت لين الحين
في كلام أزيد......
يمامـة
14-10-2018, 12:35 PM
الحمد لله رب العالمين حمدا كثيرا كبيرا..
باقي عيالنا يقتنعون من تلقاء نفوسهم ان مثل هالمواقع مضرتها اكثر من منفعتها..
كاشف الغطاء
14-10-2018, 04:57 PM
لا تخلونا نكذب على نفسنا للاسف يمثلون فئة كبيرة من بنات قطر واللي مايصدقني وعايش في بيئة طيبة يروح المولات والكافيهات
صار منظر البنت الستيرة ما نقول المتنقبة نقول غير المتبرجة قليل في الاماكن العامة
eXpert*
15-10-2018, 08:06 AM
امنيتي بس يمنعون غير القطريات من تغمص هوية المواطنة وتصير مؤثرة في المجتمع القطري وهي مب قطرية .
حتى الأٍسم تلقاه أسم شهرة ويربطونه بأسم عوائل قطر . ؟
راجي الْعفو
15-10-2018, 08:58 AM
لو دورت ورى النماذج السيئة في الميديا بتحصلهم هم نتيجة تفكك اسري او معتلين نفسيا او بسبب نقص في التربية وبتحصل وايد اهلهم مب راضينن باللي يسووونه حتى لو كذبوا وطلعو العكس بمقاطعهم وهذا ابتلاء كبير الله يكون في عون اهاليهم
الحكومة ما تقدر تسوي شي ما دام ما انحل الموضوع في البيت وما دام ما خالفو القانون والوضع تغير ما فيه شيه بالقوة لانه الجيل الحالي متمرد وما يخافون من حد مثل ايامنا وكلن يبي يلم عياله ومايبي يتدخل في عيال اقاربه الا ما رحم ربي
المشكلة اخوي معجبينهم من المراهقين والاطفال اللي ينغرون فيهم هذا غير من اللي يتوسطون لهم ويرزونهم ويبخونهم علشان دعايات سخيفة ويخليهم يتمادون اكثر
الحكومة هي الوحيدة من تستطيع ضبط هالتجاوزات
ينزل قرار بمعاقبة هالاشكال ومحد بيتجرأ
ومخالفتهم هي نشر الرذيله في المجتمع
غايه الطواش
15-10-2018, 10:33 AM
امنيتي بس يمنعون غير القطريات من تغمص هوية المواطنة وتصير مؤثرة في المجتمع القطري وهي مب قطرية .
حتى الأٍسم تلقاه أسم شهرة ويربطونه بأسم عوائل قطر . ؟
من فتره كنا مودين اليهال حدى فنادق الدوحه حق برك السباحه ,شفت بنات من هل قطر واعرفهم عدل وشخصيا بلبس البحر وع البركه يسووون تان
ومب صغار او مراهقين , اصغر وحده فيهم موظفه
aloosh
15-10-2018, 06:17 PM
لاحد يسوي نفسه حامي الحما
الواحد عليه باهله
الفتن موجوده
عليك بنفسك واهلك وخل عنك اعراض الناس سوى تعرفهم او لا
ولا احد يتابع شي هو مو راضي عنه
Rider
15-10-2018, 11:33 PM
لاحد يسوي نفسه حامي الحما
الواحد عليه باهله
الفتن موجوده
عليك بنفسك واهلك وخل عنك اعراض الناس سوى تعرفهم او لا
ولا احد يتابع شي هو مو راضي عنه
ياخوي هذا منتدى ولكل له الحق يقول رايه اما حامي الحما وعليك باهلك ترى اذا شفنا الغلط بنتكلم تبغينا امعه نمشي بهواء الناس ومزاجهم بنات قطر فيهم خير ومانبغي حد يشوه سمعتهم نعم فيه الزين والشين لكن الانتقاد مطلوب علشان تصحح الاخطاء اما السكوت اكبر خطأ مع احترامي لشخصك الكريم
ملاحظة هؤلاء ماخلو فيها اعراض يوم تقول اعراض الناس العفيفه والشريفه ماحد يجرأ يقول عنها شي اما هؤلاء هم لي جابوا الكلام حق نفسهم
الحياة الخالدة
16-10-2018, 08:27 AM
أشكال مؤذية للعين والأذن ولا تمثل بناتنا المحترمات بأي حال من الاحوال
لكن لقت اللي يتابعها ويرفع من قدرها
للأسف كلام صحيح .. ابتلشنا بهالأصناف من البشر
الله يهديهم ويستر عليهم
بومحمد المطاوعه
16-10-2018, 08:39 AM
ماقول غير
الحمد لله والشكر
وبعيد الشر من هالاشكال
اللهم لاتبتلينا مثل ما ابتلاهم
قله عقل ونقص في الوازع الديني
خلاهم في اردى حال والعياذ بالله
شموخ دائم
16-10-2018, 08:43 AM
,
,
مرحبا
شكرا على الموضوع
اختلط علينا حاجتين
( السفور ) و ( التجاره )
هذه الفئه متحررات جدا وسافرات وبنفس الوقت كل ( همهم ) الفلوس
وعليهم جرائه ما صارت
البدايه كانت على أساس انهم يستخدمون هذه المنتجات او ماره محل وعجبها وتنصح فيه
( وفي الحقيقه هم ماخذين فلوس على التصوير قبلها بفتره )
وبعدها صار دعايات كامله ومافي ( تمثيل ) وما عندهم مواضيع تتكلم فيها نهائيا
المشكله الكبيره مو في الدعايه هذه ( شغلتها ) الان الله يوفقهم
المشكله في السفور واللبس المكشوف حتى ما يقلدها المراهقات وتتعلم منها ( السفور ) والجرائه في الكلام
الحمدالله انهم قله قليله وما تمثل اهل البلد المحافظين بنات وسيدات اهل قطر الكريمات الي نحترمهم وهم القدوه الطيبه
متعلمات وقايمين بواجبهم على اكمل وجه وزياده
انا كنت اتابع كثير بالسناب من قطر وخارج قطر سيدات ورجال السوشل ميديا
( وحذفت 90% ) منهم
لان ما عندهم ماده يقدمونها او مواضيع جاده
وانا متاكد ان كثيرين مثلي أيضا حذفوا الي ما منه فايده او بايخين ومايعين بزياده عن الحد المقبول
الله يهديهم ويصلحهم
اذا عن الاخبار والدعايات يكفي نتابع شخصين منهم ونعرف كل شي جديد بالسوق
وشكرا على الموضوع
الوسيط العقاري
16-10-2018, 05:01 PM
ياخوي هذا منتدى ولكل له الحق يقول رايه اما حامي الحما وعليك باهلك ترى اذا شفنا الغلط بنتكلم تبغينا امعه نمشي بهواء الناس ومزاجهم بنات قطر فيهم خير ومانبغي حد يشوه سمعتهم نعم فيه الزين والشين لكن الانتقاد مطلوب علشان تصحح الاخطاء اما السكوت اكبر خطأ مع احترامي لشخصك الكريم
ملاحظة هؤلاء ماخلو فيها اعراض يوم تقول اعراض الناس العفيفه والشريفه ماحد يجرأ يقول عنها شي اما هؤلاء هم لي جابوا الكلام حق نفسهم
كلام سليم
حمد 2002
18-10-2018, 08:15 AM
اخوي راجي العفو
باقي شهرين وندخل 2019 لازم تواكب العصر هههههههههه
من حول شهر تقريبآ سمعت قصة صارت في ( قطر مول )
انة صارت مشادة كلامية بين رجل وبين ( ذكر ) اخر مع زوجتة بسبب ( ليش تطالع الاهل ) وصار بينهم مشادة كلامية قوية انهاها بقولة : لو انك صدق تغار على هلك كان خليتهم يلبسون عدل بدون مكياج ووووووالخ
استغرب من بعض النساء الي تروح للمول وماتعرف تفرق بينه وبين اطلعة الخاصة ( العائلية ) المول عام للكل زين ليش كل هذا التبرج !!!! حق من التبرج والفتن !!! لشباب !!!
الحين بعض الحريم بالمولات يلبسون عبايه قصيره وجوتي كعب وتبرج !!
والي ايحر وايبط الجبد اذا تمشي مع زوجها !!
هالزوج وش نسميه ؟
الوسيط العقاري
18-10-2018, 08:17 AM
الحين بعض الحريم بالمولات يلبسون عبايه قصيره وجوتي كعب وتبرج !!
والي ايحر وايبط الجبد اذا تمشي مع زوجها !!
هالزوج وش نسميه ؟
خروف كبير
حمد 2002
18-10-2018, 08:19 AM
الشهره = فلوس = واسطاات = وناسه ،،،،
حمد 2002
18-10-2018, 08:21 AM
خروف كبير
لو هو ماخذها قبل الزواج كذا !! هل بامكانه تغيرها بعد الزواج ؟
حمد 2002
18-10-2018, 08:24 AM
سؤال اخوي وسيط ..
لو انت تاجر وعندك شركه ما
واحدا المشهورات ممم سمعتها مب زينه ومتبرجه بتسويلك دعايه لشركته ولبضاعتك بالشركه بمبلغ رخيص متفق معاها انت عليه ومن المعروف انه هالمشهوره متابعينها وااايد وبضاعتك بتحقق أرباح مضاعفه وبتمشي بسرعه !! هل بتسوي عندها دعايه ؟
الوسيط العقاري
18-10-2018, 08:31 AM
عن نفسي لا
ولو املك شركة كبيرة ويسوي دعاية فيه مشاهير رجال ..*أمثال
توب بي بي .. نو سقنل وغيرهم
والرزق مهب على المشاهير بشكل عام
راجي الْعفو
18-10-2018, 01:02 PM
الحين بعض الحريم بالمولات يلبسون عبايه قصيره وجوتي كعب وتبرج !!
والي ايحر وايبط الجبد اذا تمشي مع زوجها !!
هالزوج وش نسميه ؟
الآية انعكست
الواجب ان الرجل يقصر ثوبه لفوق الكعب
والواجب على المره انها تغطي ريولها
بس الظاهر فهموا الاحاديث بالعكس
والزوج هذا عديم غيره مع اني ما اخبر لحم الخنزير ينباع في الاسواق العامة !!
الله يعافينا و يهدينا و اياهم
منيرة ن
28-10-2018, 06:30 PM
حسبي الله ونعم الوكيل
لازم نربي عيالنا صح
وعلى الدين الصحيح القرآن والسنه الشريفه المحمدية
وعلي فكرة احس هالمشاهير عبارة عن بالونة وبتنبط في يوم من الايام وبتختفي
ولا انتوا ايش رايكم...؟؟؟
ya3coub
29-10-2018, 02:30 PM
حسبي الله ونعم الوكيل
لازم نربي عيالنا صح
وعلى الدين الصحيح القرآن والسنه الشريفه المحمدية
وعلي فكرة احس هالمشاهير عبارة عن بالونة وبتنبط في يوم من الايام وبتختفي
ولا انتوا ايش رايكم...؟؟؟
اتمنى هاليوم باسرع وقت لأن عندهم القدرة الغريبه على غسل مخوخ المراهقين و الأطفال ولو انه اغلب دعاياتهم للكبار بس الكبار مشغولية بشغل او اهل او اشياء فعلية مو وهمية
دااانة قطر
06-04-2019, 01:27 PM
السلام عليكم ورحمة الله وبركاته
( الموضوع واضح من عنوانه )
مشاهيرالسوشل ميديا ( سناب شات ) ( العنصر النسائي ) الى أين ؟
بعضهم اللي يسوون نفسهم يمثلون ( بنات قطر ) ويخسون ان بنات قطر يمثلوهم
قلة أدب - قلة صنعة - قلة ذوق - قلة حيا
مع احترامي لبعض المشاهير اللي محترمين انفسهم
اين الجهات المسؤله عنهم ؟
اين الأمن الوقائي منهم ؟
لاتقولون لي حرية شخصية ؟
ننتظر آراءكم
وعليكم السلام ورحمة الله وبركاته
موضوع يحتاج لوقفه ووضع قوانين لكل المشاهير بدون استثناء
واللي ماشي صح الله يوفقه
انا ما اتابع وايد من المشاهير واللي اعرفهم في مجال طبخ
لكن للأسف اغلب اللي يسوون دعايات وبالأخص من دول مجاوره للأسف صاروا يطلبونهم عندنا
تفاجأت من فتره دعاية لمعرض البدع جات وحده بلبس غير محتشم وصورت فيديوهات قبل ماتجي ويوم جات بطريقه استفزازيه ابي اعرف بدونهم طبعا الكلام موجهه واللي يعرف اصحاب المعارض يوصل لهم كلامي بدون هالاشكال معرضكم مابيمشي خافوا الله في رزقكم حرام تجيبون مايعات عاريات عشان ربحكم خافوا الله في اللبس اللي قاعدين تعرضونه خاصة الهبه الجديدة كوليكشنات رمضان والله حرام لبس عاري وخلاقين مدري شلون صايره تقولون كوليكشنات رمضان وعقب تقولون هذي مب ثقافاتنا ولا من عاداتنا وتقاليدنا اللباس صاير دمار والدعايات كلها اكل مطاعم مكياج عطور ولبس غير شكل خلاص لاعت جبودنا
ابي اشوف بنات لابس محتشم بعبايه اسمها عبايه بدون شعر طالع بدون ملابس تبين والعباه مفتوحه
تعبنا
حتى اللي جات يوم افتتاح المتحف وطلعت بفستان عاري
حتى في اعلان عن بازار رمضان وفي مشاهير بيجون حق الغثا ترى رمضان
صار حق جمعات وعرض لبس واكل بعد الفطور وسهره مو عباده وذكر
الله المستعان
شبح الصمت
08-04-2019, 10:10 AM
البعض او الاغلبية ترجم مفهوم الحرية ( حسب ما يراه )
يمامـة
14-04-2019, 09:49 AM
بنرجع و نردد
اللهم استر علينا و على بناتنا و على بنات المسلمين
التطبيقات هذي افلتت كثيرين من دائرة الحياء و الحشمة
مب شرط المشاهير فنظرة حولنا و بنشوف العجايب اللي تحدث
لتسجيلها كمقطع في السناب او الانستغرام.
ما لنا الا ان نسأل الله الهداية لنا و لهم. اللهم اميين.
R 7 A L
28-04-2019, 12:06 AM
ودك ان شركة سناب او غيرها تاخذ عليهم فلوس على كل مشاركة
Powered by vBulletin® Version 4.2.5 Copyright © 2024 vBulletin Solutions Inc. All rights reserved.