شبابيك الupvc .. نصائح مجربين

[mr. abdulla]

السلام عليكم ... عندي شبابيك تقليدية من الالمنيوم و تركيبتهم سيئة جدا مع المطر بدأت الشبابيك تخر ماي و الطرف الداخلية تشرب ماي! قررت استبدلهم بشبابيك upvc... و لكن حاب اسأل مجربين .. اَي افضل شركة من ناحية جودة العمل و الخدمة و السعر.. رحت محل واحد و حسّيت انه جيد بس للأسف قالي لابد من أني أتصرف مع الشبابيك الحالية .. مسؤليتي اشيلهم .. !

[معماري قطري]

قطر يو بي في سي كانوا يسوون خدمة الاستبدال قبل ألحين ادارتهم تغيرت وشغلهم وايد زين مركبين لي 12 سنة ولا سربت الدرايش الا وحدة شوي وكنت المنيوم ومنور في قبة صلحتها بشوية سيليكون

بيت الوالد الله يغفر له مركبين من الاختيار الألماني بعضهم سربوا والسبب كان المقاول مسوي الفتحات مايلة جهة أسفل الفريم وركبوا حديد حماية ملاصق لحواف فتحة الدريشة .. استوى فراغ بين الدريشة وحديد الحماية ينقع فيه ماي المطر ويتسرب للداخل .. يعني الخلل مب من الدريشة ولا تركيبها من هذي النقاط البسيطة

لو عندك أو عند أي واحد هذي المشكلة سهل حلها أما بعمل سلوب بالبلاستر وصبغه مع سيليكون قرب الدريشة أو ترتيب كل شيء أثناء البنيان للي يبنون

[eXpert*]

السلام عليكم ... عندي شبابيك تقليدية من الالمنيوم و تركيبتهم سيئة جدا مع المطر بدأت الشبابيك تخر ماي و الطرف الداخلية تشرب ماي! قررت استبدلهم بشبابيك upvc... و لكن حاب اسأل مجربين .. اَي افضل شركة من ناحية جودة العمل و الخدمة و السعر.. رحت محل واحد و حسّيت انه جيد بس للأسف قالي لابد من أني أتصرف مع الشبابيك الحالية .. مسؤليتي اشيلهم .. !

عليكم السلام ،،
إذا انت ساكن في البيت المفترض كل شباك تشيله يركب محله شباك على طول .

انا ركبت عند احدى الشركات وقال بيفك كل شباك قديم وبياخذ عليه 200 ريال ..

خليته يولى وجبت واحد يشتري الومنيوم اخذ الشباك ب 100 ريال ..

ممكن لما يجيك العامل ياخذ المقاسات تتفق معاه من بره لين بره ان قبل التركيب يجي ويفك الشبابيك وتعطيه المقسوم .

وبالتوفيق .

[eXpert*]

قطر يو بي في سي كانوا يسوون خدمة الاستبدال قبل ألحين ادارتهم تغيرت وشغلهم وايد زين مركبين لي 12 سنة ولا سربت الدرايش الا وحدة شوي وكنت المنيوم ومنور في قبة صلحتها بشوية سيليكون

بيت الوالد الله يغفر له مركبين من الاختيار الألماني بعضهم سربوا والسبب كان المقاول مسوي الفتحات مايلة جهة أسفل الفريم وركبوا حديد حماية ملاصق لحواف فتحة الدريشة .. استوى فراغ بين الدريشة وحديد الحماية ينقع فيه ماي المطر ويتسرب للداخل .. يعني الخلل مب من الدريشة ولا تركيبها من هذي النقاط البسيطة

لو عندك أو عند أي واحد هذي المشكلة سهل حلها أما بعمل سلوب بالبلاستر وصبغه مع سيليكون قرب الدريشة أو ترتيب كل شيء أثناء البنيان للي يبنون

استفسار : هل الشبابيك اليو بي في سي تحتاجه صيانة دورية ؟ زميلي سنوياً يجيب الشركة تشيك على الشبابيك .

السوال الاهم شلون اتاكد ان فعلا مب ينصبون علي ؟ ممكن الشابيك تكون جيدة ويقولي تحتاج صيانة ويحسب علي بالحسابة .

[معماري قطري]

استفسار : هل الشبابيك اليو بي في سي تحتاجه صيانة دورية ؟ زميلي سنوياً يجيب الشركة تشيك على الشبابيك .

السوال الاهم شلون اتاكد ان فعلا مب ينصبون علي ؟ ممكن الشابيك تكون جيدة ويقولي تحتاج صيانة ويحسب علي بالحسابة .

بالنسبة لي مع قطر يو بي في سي طلبت صيانة لباب كبير في البنتهاوس فوق وكان ينفتح على الخارج .. للأمانة ما صلحوه عدل وشوي يسرب أما باقي البيت فكل درايشه ما احتاجت صيانة .. وكانوا وقتها يستخدمون غاز الأرغون بين طبقات الزجاج وهذا الغاز عازل ولا يضبب وقت البرد لعدم وجود بخار الماء فيه .. ألحين الله أعلم واحد يقول سالهم قالوا له أول مرة نسمع عنه .. غاز الأرغون مكون أساسي من النوافذ الحديثة ويساهم في عزل البيت حرارياً

كثير شركات لازم تطلبهم بسبب مصنعية اليو بي في سي وتركيبه السيء

يمكن احتاج صيانة لباب الصالة الخارجي وهو قزاز ويو بي في سي إستوى شوي يعلق مقبضه .. بس ككل الصيانة ما احتجتها لأسباب قوية طيلة ال 12 سنة

[mr. abdulla]

بالنسبة لي مع قطر يو بي في سي طلبت صيانة لباب كبير في البنتهاوس فوق وكان ينفتح على الخارج .. للأمانة ما صلحوه عدل وشوي يسرب أما باقي البيت فكل درايشه ما احتاجت صيانة .. وكانوا وقتها يستخدمون غاز الأرغون بين طبقات الزجاج وهذا الغاز عازل ولا يضبب وقت البرد لعدم وجود بخار الماء فيه .. ألحين الله أعلم واحد يقول سالهم قالوا له أول مرة نسمع عنه .. غاز الأرغون مكون أساسي من النوافذ الحديثة ويساهم في عزل البيت حرارياً

كثير شركات لازم تطلبهم بسبب مصنعية اليو بي في سي وتركيبه السيء

يمكن احتاج صيانة لباب الصالة الخارجي وهو قزاز ويو بي في سي إستوى شوي يعلق مقبضه .. بس ككل الصيانة ما احتجتها لأسباب قوية طيلة ال 12 سنة

الصراحة أخذت كوتيشين من اربع معارض و مستغرب من الأسعار ... تاكدت ان جميع المواصفات متشابهة و لكن في تفوات كبير بين الأسعار ... لدرجة الدبل .. بمر عليهم مرة ثانية يوم السبت

[معماري قطري]

الصراحة أخذت كوتيشين من اربع معارض و مستغرب من الأسعار ... تاكدت ان جميع المواصفات متشابهة و لكن في تفوات كبير بين الأسعار ... لدرجة الدبل .. بمر عليهم مرة ثانية يوم السبت

اللي بيشتري وهو شخص عادي أكيد يحتار لأن كل مسوق يقول بضاعته هي الأفضل

انا جربت شركات عديدة واستنتجت الأفضلية للي جربتهم فترات طويلة .. طبعاً هذا ما يعني ان السوق خالي وما تدخله شركات جديدة منها شركة بلجيكية مع شركة الدرويش كثير زينة وراقية .. شركة الاختصاصي لليو بي في سي شفت لهم صور وبروشورات زينة بس ما جربتهم .. شركة جيرسي زرتهم ومالكهم كثير محترم وجودة العينات شفتها عالية

اللي جربتهم أكثر شيء قطر يو بي في سي والاختيار الألماني .. وجربنا شركة فرنسية من قبل ليدخل اليو بي في سي قطر في مشروع حكومي خاص بتجهيزات تحتاج بيئة باردة خالية من الغبار .. مختبر معايرة الكترونية

هذا مقطع فيديو للي في بيتي من 12 سنة بدون صيانة والربلات كأنهم جداد والعزل عالي للماء وكذلك للصوت ولحرارة الجو بسبب وجود غاز الأرغون في التجويف


https://youtu.be/Z3OZb_KlE2M

[معماري قطري]

بعض الشركات يغرونك بقطاع عريض ولا يتكلمون عن تقوية القطاع بحديد ما يصدي ولا يعطونك عينة من الحديد .. للبيوت تاخذ قطاع ضعيف مناسب .. 6 سم وبس يكون جدار القطاع سميك وقاسي ما ينحني بالضغط باليد .. شأقصد بجدار القطاع؟

قصدي القطاع يتكون من فراغات تسمى حجرات وهذي لها جدران رفيعة سمكها مهم .. أعتقد 2 ملم تكون جيدة

داخل هذي الحجرات تجي حجرة كبيرة أو تجويف كبير لازم تكون داخله قطعة حديد تقويه وتخليه صلب خصوصاً في النوافذ العريضة .. بعضهم يستخدمون حديد رخيص يصدي وبعضهم يحطون ستانلس ستيل والعينات من كل هذي القطع تكون موقعة وعليها رقم العقد ويشرف عليها استشاري وانت تكون فوق الاستشاري شيء مهم .. لأنه كثرت اللعبة في اليو بي في سي والخشب والألمنيوم وكل شيء

[معماري قطري]

استفسار : هل الشبابيك اليو بي في سي تحتاجه صيانة دورية ؟ زميلي سنوياً يجيب الشركة تشيك على الشبابيك .

السوال الاهم شلون اتاكد ان فعلا مب ينصبون علي ؟ ممكن الشابيك تكون جيدة ويقولي تحتاج صيانة ويحسب علي بالحسابة .

فضيحة يا اخوي هالشركات والبعد عنها مكسب

شوف انا صورت في الفلم الفتح والاغلاق وهذي الدريشة بالذات افتحها كثير وصورت الربلات شلون ثابتة في قطاع محفور خاص بها مب لصق .. وحديد الفتح اللي في الوسط يلمع كأنه جديد وقبل صورت حديد له سنتين ومصدي صدأ قوي وبعضها ما تنفتح ولا تتسكر كامل

[QATAR-2006]

يعطيكم العافية انا مركبهم وللأسف اكثر الدارايش سرب ماي للغرف سوا من تحت الفريم الماسك في الطوفة وبعضهم فريم الزجاج

[معماري قطري]

يعطيكم العافية انا مركبهم وللأسف اكثر الدارايش سرب ماي للغرف سوا من تحت الفريم الماسك في الطوفة وبعضهم فريم الزجاج

من أي شركة علمنا حتى نستفيد

الشركات الفاشلة كثيرة والمشكلة الجهات المسؤولة ما تضبط العملية وتحاسب المقصرين

[سعود.]

بنينا 3 فلل 2 مع الاختيار الاماني والشغل 100‎%‎
1 مع معماري قطر الشغل تعبان الامطار الاخيرة كشفتهم
المضحك انه في نافذة مجرد منور ( اضاءة فقط ) يعني لاتفتح مغلقة 100‎%‎
لدرس روم بعد دخلها ماي من المطر

[معماري قطري]

بنينا 3 فلل 2 مع الاختيار الاماني والشغل 100‎%‎
1 مع معماري قطر الشغل تعبان الامطار الاخيرة كشفتهم
المضحك انه في نافذة مجرد منور ( اضاءة فقط ) يعني لاتفتح مغلقة 100‎%‎
لدرس روم بعد دخلها ماي من المطر

كثير زعلوا مني يوم صنفت قطر يو بي في سي والاختيار الألماني الأوائل والأكثر جودة

أقدر اضيف لهم اللي تابعين للدرويش نسيت اسم الماركة بالضبط بس صناعة بلجيكية ما جربتها بس شفت تفاصيلها وتعتبر فوق مستوى كل الشركات .. ألمنيوم مزخرف مب يو بي في سي بس هاي تك وأكيد سعرها غالي بس سعرها فيها

[mr. abdulla]

نعم من تعاملي لحد الان قطر يو بي في سي هو الأفضل و لكن الاغلى .. معماري قطر على كثر دعاباتهم ما اقتنعت فيهم الصراحة ... بالرغم من انه نسبيا رخيص ... بمر هالاسبوع على الاختصاصي القطر و القطرية الكويتية بشوف أسعارهم ..

اخ معماري تنصح سماكة الفريم يكون 6 سم او 7 سم ... ؟ و ايش فايدة ال7 على ال6 سم ؟

[QATAR-2006]

اخوي معماري دوحه يو بي في سي (doha upvc)

[معماري قطري]

نعم من تعاملي لحد الان قطر يو بي في سي هو الأفضل و لكن الاغلى .. معماري قطر على كثر دعاباتهم ما اقتنعت فيهم الصراحة ... بالرغم من انه نسبيا رخيص ... بمر هالاسبوع على الاختصاصي القطر و القطرية الكويتية بشوف أسعارهم ..

اخ معماري تنصح سماكة الفريم يكون 6 سم او 7 سم ... ؟ و ايش فايدة ال7 على ال6 سم ؟

ال 7 سم الفريم أعرض وأقوى ودرجة عزله أكبر لأن فيه فراغات كثيرة اللي يسمونها حجرات .. أكيد للفتحات الكبيرة والأبواب بيكون أفضل لكن الدرايش العادية وحتى الأبواب العادية مناسب ال 6 سم والاثنين مهم يكون فيهم حديد تقوية

[معماري قطري]

اخوي معماري دوحه يو بي في سي (doha upvc)

إن شاء الله تكون زينة أهم شيء تشوف مواصفاتهم وقطاعهم ما اقدر أحكم من بعيد وبدون تجربة

بعدين الشركات تتغير ممكن شركة زينة ينزل مستواها وممكن شركة ضعيفة يرتفع مستواها .. قطر يو بي في سي على سبيل المثال كانوا يشتغلون بمواصفات شركة فيكا الأُوروبية وملتزمين بها وعليهم متابعة من الشركة .. سمعت إنهم تغيروا ولا ادري هل هي دعايات مضادة

[معماري قطري]

الحل الأنسب للي محتار يسوي عقده عن طريق مكتب استشاري زين ويقدر يطلب مناقصة بين 3 شركات .. الاستشاري يحط شروط قوية وضمانات وبعدين ياخذ عينات للاشراف وقت التركيب محد يقدر يلف ويدور معاه

[mr. abdulla]

الحل الأنسب للي محتار يسوي عقده عن طريق مكتب استشاري زين ويقدر يطلب مناقصة بين 3 شركات .. الاستشاري يحط شروط قوية وضمانات وبعدين ياخذ عينات للاشراف وقت التركيب محد يقدر يلف ويدور معاه

و الله فكرة ممتازة ما قد فكرت فيها ... صج يمكن ادفع اكثر .. لكن ادفع زيادة و انا مريح بالي و لا ادفع و تالي اتلعوز

[معماري قطري]

و الله فكرة ممتازة ما قد فكرت فيها ... صج يمكن ادفع اكثر .. لكن ادفع زيادة و انا مريح بالي و لا ادفع و تالي اتلعوز

الاستشاريين في الغالب يطلبون مع المناقصة عينات موقعة وكنا كجهة حكومية ما نوافق على منتج الا يورد لنا المقاول الرئيسي عينة تتناسب مع المواصفات ونرفض عينات كثيرة .. للخاص الوضع أسهل يكون عن طريق الاستشاري وحتى ألحين كل شيء يتم بوسائل الاتصال من وتس أب وتصوير وايميل وغيرها قبل عن طريق الفاكس .. يعني الاستشاري ممكن يتصل ويرسل المخططات لعشر شركات في دقيقة ويعطيهم فرصة يسعرون ويسلمون السعر بطريقة رسمية

التسعير انصح أي حد يبني بعد ما يرسي على كل التعديلات يرسل المخططات المعدلة .. مب شرط تكون دقيقة للسنتيمتر هذي تكون أولية لغرض التسعير واستدراج العروض .. المقاس النهائي بالضبط ما يفرق كثير ولا تختلف فيه الشركات الا يكون تغير كبير كاضافة باب أو دريشة منسية وتكلفتها كبيرة

انا سويت نفس الطريقة وجيت وقت البنيان قررت اسوي الدرايش مقوسة من فوق وكنت متفق مع الشركة على سعر أولي .. كلمتهم وقلت باسوي كذا كم يفرق السعر وكان تعاملي معاهم طيب وكنت دافع عربون قال مديرهم بنسوي لك التقويس بدون زيادة سعر .. انا طبعاً خذت عينات لحديد التدعيم ولمقطع الفريم ولطبقات الزجاج مع الغازغيت وكان شرط الفراغ بين القزاز يكون فيه غاز الأرغون بدال الهواء اللي ينقل الحرارة واللي يضمن إن الرطوبة في الهواء ما تتكثف داخل تجويف الزجاج وتضبب

اللي يبي يعرف تأثير غاز الأرغون يروح السلام في ذا غيت ويدور كوب شاي قزاز معزول طبقتين قزاز وبينهم هذا الغاز .. هذا الكوب يحفظ حرارة الشاي أو القهوة وزجاجه رقيق وايد لكن اللي يمسكه سطحه الخارجي يكون بارد .. الكوب ب 100 ريال وشوي هاي تك نفس الشيء القزاز المحقون بالأرغون

في قطر للأسف استوت المنافسة عندنا في اتجاه واحد وهي تخفيض السعر ولتخفيض السعر تستعمل بعض الشركات ربلات رخيصة وهذي تكون يابسة ونوع يلصق لصق في الفريم ما لها فتحة خاصة للتثبيت .. كذلك ما يستعملون غاز الأرغون لأنه غالي ( سمعت إن الاختصاصي لليو بي في سي يستعملونه ) وباحط إن شاء الله مقطع لكوب الشاي يوضح طريقته وباسوي دعاية لشركة السلام يستاهلون

كذلك الشركات تنزل في السعر بتركيب فريم بدون حديد أو فريم بحديد عادي رخيص .. كذلك الفريم بنفسه يكون خفيف وجدرانه قليلة السمك .. كذلك المصنعية للفريم من دولة رخيصة وما فيها كنترول على الجودة

في النهاية اللي بيبعك بضاعة سعرها نازل وموادها رخيصة بيكون رابح منك كثير واللي بيبعك بضاعة بسعر معقول وجودة عالية بيربح منك قليل لكن سمعته بتكون زينة

إذا بنحكم حسب السمعة سمعة الثلاث شركات انا اضمنها حسب تجربتي واطلاعي .. الدرويش + الإختيار الألماني + قطر يو بي في سي .. والبقية يسمحون لي لأني ببساطة ما جربتهم .. الدرويش زيارة واطلاع بدون تجربة ومنتجهم ألمنيوم مصبوب شيء راقي وتحفة فنية للي يبون التميز وصراحة أشوف القطع عندهم حرام نخشها بستارة .. ولا ادري مستمرين والا طلعوا من السوق مديرهم لي فترة منقطع التواصل معاه

[معماري قطري]

عندنا كذلك للأسف استوى البعض من السماسرة يمرون على البنيان ويعرضون بضاعة زينة .. المالك بكسل منه ما يراجع الشركة ويعتمد كلامهم ( عقود كلامية ) وهذا السمسار يشتغل خاص لكن يمثل إنه تابع لعدة شركات .. في الزراعة تحصله زراع في الجبس تحصله مدير شركة جبس .. والبعض يصدقونهم وغالبيتهم عرب .. لو تتفق معاه يورد لك شيء غير المتفق عليه وكل عروضهم كتلوجات

هذيلا شغالين في كل شيء وسياراتهم كشرة ويدورون على المشاريع لذلك احذروا منهم وأتمنى من الدولة تشوف حل رادع لهم

[بوجاسم_قطر]

صباح الخير على الجميع

اعتقد اهم مافي الموضوع طريقة التركيب والمفصلات والاكسسوارات تكون اصلية وذات جودة عالية, الافضل تروح مع شركة حد مجربها قريب لانه جودة السوق تتغير بين فترة والثانية.

[معماري قطري]

صباح الخير على الجميع

اعتقد اهم مافي الموضوع طريقة التركيب والمفصلات والاكسسوارات تكون اصلية وذات جودة عالية, الافضل تروح مع شركة حد مجربها قريب لانه جودة السوق تتغير بين فترة والثانية.

صباح النور اخوي بو جاسم

ما ذكرته صحيح والسبب الرئيسي في ادارة الشركات وتنافسها في تنزيل السعر على حساب الجودة .. تشوف الشركات الرخيصة جودة ورخيصة سعر أرباحها عالية وسوقها ماشي والشركات الجيدة حدود ربحها بسيطة وكثير يشردون عنها .. اللي يصير في السوق نفس اللي كان يصير في سوق الألمنيوم .. منافسة في تنزيل السعر وما تصير الا بمواد رخيصة وعمال أي كلام .. وللأسف القوانين والمحددات تشجع هذا الشيء ولا فيه جودة معينة الكل لازم يلتزم بها

أنصح اللي يبني يمر يشوف المنتج اللي عند الدرويش وهو ألمنيوم خاص عالي الجودة .. وقزاز مزدوج وحتى المفصلات مخفية .. موقعهم قبل محطة بترول عزيز بمسافة معقولة .. بعد تقاطع السوق المركزي بشوي

كذلك ألمنيوم الاختصاصي جودة عالية خصوصاً التيوبلر

للأسف بلادنا مصدر أساسي للمادة الخام لليو بي في سي لكن تصنيعه فاشل عندنا ويفترض فيه جمعية خاصة للمصنعين والموردين .. كذلك قطر ألحين تصنع الألمنيوم لكن للحين ما نشوف قطاعات مناسبة تستخدم في السوق القطري عندنا بشكل مكثف والغالب للتصدير

[مهرة]

..

اضم صوتي لأخوي معماري فعلاً شركة اليو بي في سي من افضل الشركات
وعن تجربة وبالضبط صار لنا مثلكم بآخر مطر نزل علينا بس دريشة وحدة الي سربت ماي

وكصيانة دورية ماتحتاج كل سنة،، ممتازة عازلة للحرارة والصوت واهم شي عازلة للغبار
خاصة للي يعانون من الربو

[ashhal_q]

مجرد نصيحه : يجب تركيب كافة الدرايش على قطعة رخام ويفضل تكون على شكل اطار للشباك بس المهم الشباك يركب على قعة رخام للحماية من التسريب من الاسفل

[معماري قطري]

مجرد نصيحه : يجب تركيب كافة الدرايش على قطعة رخام ويفضل تكون على شكل اطار للشباك بس المهم الشباك يركب على قعة رخام للحماية من التسريب من الاسفل

نصيحة في محلها رخام أو حجر وفي أمريكا يركبون على قطعة خشب تضغط عليها البراغي وتنعزل من برا بسيليكون .. الرخام يسوي جسر حراري عيبة ولازم القطعة السفلية نسوي بها سلوب كم ملم حتى تنزل الماي بعيد عن الدريشة ولازم نسوي امتداد شوي أطول ونسوي شق من تحت حتى الماي يوصل له وما يتعلق يوصل للحائط من يوصل الشق يطيح ولا يلطخ الحائط .. تفصيل بسيط بس مهم

[سعود.]

عتبة النوافذ ثابته في الغالب ( 20 سم ) نحتاج فقط ( 2 سم ) ميلان للخارج وقت تنفيذ البلاستر لخروج الماي . شركات الحجر بعظهم يغطون فتحه صرف الماي الي بنافذه بالحجر وهذي المشكله .

[معماري قطري]

عتبة النوافذ ثابته في الغالب ( 20 سم ) نحتاج فقط ( 2 سم ) ميلان للخارج وقت تنفيذ البلاستر لخروج الماي . شركات الحجر بعظهم يغطون فتحه صرف الماي الي بنافذه بالحجر وهذي المشكله .

20 سم العرض ونحتاج السلوب يكون 2 الى 3 ملم .. هي سمكها 2 سم أو 3 سم في العادة .. حتى قطعة الحجر نفس الشيء .. ونحتاج يكون لها امتداد من خط الجدار طالع بحدود 3 سم أو 5 سم وتحته على بعد 1 سم من الحافة نسوي القطع البسيط اللي يمنع الماي من يتعلق على السطح السفلي وينزل على الحائط وممكن محمل بالغبار ويلطخه

اللي ما يحبون ازعاج الطيور وطقطقتهم على الدرايش يحطون الأسلاك المانعة لنزول الطيور قرب الدريشة

[محلل واقعي]

السلام عليكم ..حبيت استفسر بخصوص شركه الاختصاص الاوربي

هل في حد جرب خدمتهم !؟

الشركات كثيره بس الضمان مغري بالنسبه للمستهلك خصوصا اذا كان مع صيانه دوريه

ياريت حد يعطينا لسته ب افضل الشركات المحليه

[معماري قطري]

السلام عليكم ..حبيت استفسر بخصوص شركه الاختصاص الاوربي

هل في حد جرب خدمتهم !؟

الشركات كثيره بس الضمان مغري بالنسبه للمستهلك خصوصا اذا كان مع صيانه دوريه

ياريت حد يعطينا لسته ب افضل الشركات المحليه

عليكم السلام ورحمة الله وبركاته

الضمان في الغالب مشروط ويلفون ويدورون لو صار تسريب مطر وممكن يصلحون مكان التسريب بس تبتلش بتصليح الباقي .. بعدين ليش الصيانة؟ المنتج الجيد ما يحتاج صيانة والصيانة أذية والواحد ساكن

نصيحتي ذكرتها وأكررها اتفق عن طريق الاستشاري وشوف ثلاث شركات تكون هي التوب .. اتفاقك المبدئي ممكن يسوونه حتى مع التصميم والرسم والمقاسات المؤكدة ياخذونها في الموقع متى ما جهز

كنت قبل انصح بشركات معينة بس البعض زعلوا مني وبعض الشركات الجيدة تغيرت ادارتها وسايرت السوق من حيث تقليل السعر والجودة معاه

[بوخالد911]

ركبت من القطرية الكويتية من سنتين ونص
الحمدلله شغلهم زين

[sara jsm]

السلام عليكم ..حبيت استفسر بخصوص شركه الاختصاص الاوربي

هل في حد جرب خدمتهم !؟

الشركات كثيره بس الضمان مغري بالنسبه للمستهلك خصوصا اذا كان مع صيانه دوريه

ياريت حد يعطينا لسته ب افضل الشركات المحليه

وعليكم السلام ..
مافي ترتيب معين للشركات حسب تجاربنا نعطيك المفيد :nice:

تجربتي الاولى : الدوحة يوبي في سي ..
الجودة ممتازة من 5 سنين مركبه من عندهم وكل اموري تمام ..
وسريعين في التعامل اذا عندك مشكله .. على طول يطرشون لك سيرفس حتى لو على باب واحد ..
:
التجربه الثانيه : الاختيار الالماني .. تعامل ممتاز لكن التجاوب بطي جدا ..
بضاعتهم ذهب في السوق وباعلى مقايس .. لكن تعال حق خدمة الصيانه وايد يماطلون ..


وبالتوفيق اخوي ..