أي الشركات أفضل لتقديم على وظيفة في قطاع الغاز؟!

[eng. N]

السلام عليكم ورحمة الله وبركاته..

أتمنى إنكم في أحسن حال،

أنا طالب توني متخرج من جامعة قطر: هندسة كيميائية وحاليا أدور على وظيفة في قطاع الغاز في راس لفان..
قدمت من أقل من أسبوع على وظيفة فكل من: دولفين، شل، وقطر غاز وللحين ناطر الرد علما بإني قطري ومعدلي الحمدلله عالي..

طبعا أنا قريت مواضيع قديمة من ٢٠٠٧ و٢٠١٤ بخصوص التوظيف فهالشركات وحاليا حاب إني استفسر خاصة إني الحمدلله مادور على مكان مريح كثر ما انا حاب اطور من نفسي..
ومن ناحية الردود التمست من إنه شل من أحسن الشركات من ناحية تطوير موظفينها وحتى من ناحية الرواتب..

سؤالي في ٢٠١٨ هل "شل" في نظركم هي الشركة الافضل من هالناحيتين وهل إدارتها للآن تدعم موظفينها؟
إضافة إلى إني قريت من أحد المشاركين إنه الأفضل الابتعاد عن دولفين لأنها شركة طاقة ممكن أحد يوضح لي السبب؟ وشرايكم في الشغل في قطر غاز؟
وهل في شركات ثانية ممكن تقترحونها لي اقدر اقدم عليها؟ وآخر شي شنو هو جدول التطوير المهني لكل شركة اللي لازم اسأل عنه واعرف إذا هو زين أو لا؟

اعتذر إذا طولت عليكم بالاسئلة بس لاني الوحيد من العيله فهالمجال وماعندي من يساعدني :eek3:

شكرا لكم وأتمنى الرد والإفادة منكم..

[راعي الكورفت]

هلا اخوي .
انا مهندس انظمة مصانع
automation Engineer
شغال في مسيعيد.

واشوف الرواتب متقاربه بين جميع المصانع.

لكن حط في بالك ان قطر غاز هي الافضل من ناحية التطوير والامتيازات على المدى البعيد ورواتبهم قويه أيضا وايضا bonus اخر السنه قوي جدا.

ونصيحة
لا تقدم على مكان واحد وتنتظر.
لان حاليا الوظايف صارت صعبه من دون واسطه للاسف.

لو مالقيت وظيفه في الشمال.
فقدم على مصانع مسيعيد.
قافكو. قابكو. كفاك. قطر للالمنيوم.

وايضا قدم في قطر للبترول.

والله يوفقك.

[eng. N]

شكرا لك اخوي بس سبب تفضيلي للعمل فراس لفان حكم مكان إقامتي اقرب لي من مسيعيد..
أما عن قطر للبترول ماعرف بس وايد سمعت انتقادات على الشغل هناك والله أعلم..

[ابو عبدالله.]

عندي معلومات وافيه عن القطاع

الشركات الاجنبيه قويه في كسب الخبره و المتعارف عليه انها تعطيك خبره اسرع و اكبر من قطر للبترول

الاختلاط مع هذه الشركات برفع من العقليه بشكل مختلف تماما عن الشركات الوطنيه

اثبات الوجود اسهل فيها لان القطريين اقل كعدد و هالشركات تعتمد عليك في اكثر من مجال بعكس قطر للبترول

قطر للبترول تحدد مهامك الوظيفيه بشغله واحده. مثلا الصيانه. او البيئه

الشركات الاجنبيه تدخلك في الصيانه و المشتريات و المشاريع و البيئه بمعنى. انت الي تسوي ميزانيه القسم و تقابل موظفين جدد و تتعامل مع الكونتركتر و تنظم للمشاريع و دراساتها. الخ

يقولون ان المهندس بهذه الشركات يعامل مثل الاسفنجه. وين ما يحطونه يخلونه يمتص خبره الشغله واذا احتاجوه لامور اخرى. دخلوه و يتعلم اسرع يعتمدون عليك فعليا

للامانه. هناك سقطات. بمعنى بعض القطريين شغلهم مش الي هو او يتكاسل الخ

هذا ينحط ع جنب ويعطونه شغل ع قده ولا اعتماد عليه

لكن حك و اثبت مجهودك وشوف كيف يمسكونك المسؤوليه

اشتغلت في شركه اجنبيه ومسكت السلامه. وبعدها احتاجوا تغطيه للصحه و تراخيصها وحطوني عليها
بعدها احتاجوا تغطيه للبيئه. و حطوني فيها و بعدها دخلوني في مسؤوليه برنامج المواد المشعه و مشيت فيها

الان و لله الحمد ماسك ثلاث اقسام وبرنامج الاشعاع وبعض امور المسؤوليه المجتمعيه

كنت بقطر للبترول سابقا و طلعت لان التطوير كان بمجال واحد و لا يجري كما رغبت

كل ثلاث سنوات خبره في الشركات الاجنبيه تعادل خمس سنوات بقطر للبترول و اكثر بحسب مجهودك

الي فعلا يعطيك خبره استثنائيه هو نظام العمل و التعرف ع امور قانونيه نادرا ما تلقاها باماكن اخرى مثل حقوقك كموظف و التدقيق بالقوانين. هذولا ما يمشون ع البركه كل شي محسوب عندهم

الحين بعطيك الفروقات

التقاعد بقطر للبترول يعتمد ع اخر راتب اما البقيه. فالتقاعد يعمل لك متوسط راتب اخر خمس سنوات وبعدها يعتمد لك السن و الخدمه هذا قانون الدوله القطاع الخاص كله يتم ا-تساب متوسط الراتب لاخر خمس سنوات

قطر للبترول تدفع بدل تعليم. البعض الاخر مثلها لكن بعض الشركات سجلها التجاري شركه خاصه. هذه تستحق اخذ كوبون تعليمي من الدوله اضافه الى بدل التعليم من الشركه. يعني 68 الف ريال فقط الشركات بسجل خاص

قطر للبترول فيها امتيازات و بدلات قد لا توجد في الشركات لكن الشركات تعوض هذه الامور بالراتب الاساسي

بمعنى. راتبك في الدوحه يعادل راتب مهندس يعمل خارج الدوحه

البونص يحدد لكل الموظفين. وليس بناء ع اداء الموظف. يعني مديرك ما يرفع و ينزل ع كيفه

ميزه في الشركات الاجنبيه وهي صغرها و عدد موظفيها. ما تتعطل الامور بسبب تنقل الاوراق بين ادارات كثيره لاعتمادها فالشغل يمشي اسرع

ميزه اخرى. التواصل مع الجهات الاخرى اكبر و اكثر بمعنى. لا توجد اداره مختصه للتواصل مع الدوله. ما في كوربورت ديبارتمنت انت في البيئه انت تروح وزاره البيئه وتخلص سغلك و تجتمع معاهم

انت في الصحه. تجتمع مع وزاره الصحه. الخ

قطر للبترول البعض يحرم من هذه الميزه و التواصل المجتمعي. بمعنى. ان هناك ادارات مختصه لهذه الامور اما المهندس بالمصنع فقليل ما يتواصل مع جهات الدوله

قد لا تراه شيئ مهم لكن التواصل خارج العمل مهم جدا. و صار ان عرض علي وظيفه بعقد خاص في الحكومه و اكتسبت خبره نادره بجهات اكثر من 30 جهه عامه وخاصه

اخيرا

لما يكون مسؤولك اجنبي يكون عندك ميزه. وهي خوفه من ان يعطل تطويرك او يمنع عنك خبره محترم نفسه جدام الاداره العليا يعني

اخوي كلهم خير واي وظيفه تلقاها مناسبه اخذها. لكن اسعى للافضل و انت تحكم بالنهايه

[ابو عبدالله.]

الشركات الاجنبيه

شركه نفط الشمال noc
توتال. الرئيسيه وليست المختلطه بنفط الشمال
شل
اكسون موبل

دولفين. وحاليا سمعت ان الدوله ستتملك اغلبيه حصصها
كيو بي دي. شركه صغيره تشغل محطه انتاج صغيره و مختلطه بشركه يابانيه

هذا الي اذكره حاليا

اما باقي الشركه سواء بمسيعيد او لفان فهم تحت مظله قطر للبترول و تتساوى الامتيازات ما عدا التقاعد

قطر للبترول اخر راتب
الشركات التابعه متوسط اخر خمس سنوات اذا جهه عملك مش قطر للبترول. فلك المتوسط. مثل كافكو و كفاك و الفينيل و البقيه

هذا الي اعرفه اخوي

[المخفي]

اولا عليك بالاستخارة

ثانيا بعد تقليص العمالة اصبح هناك فائض كبير من المهندسين القطريين و بالتالي اصبح التوظيف اصعب و لكن

انت تملك ميزة و هي انك ستكون متدرب

نصيحتي لك انضم الى شركة حديثة الانشاء حيث المناصب العليا فارغة و بعد سنوات ستصبح انت من كبار المسؤلين فيها

[عاشق العديد]

في شركه فلفان بعد تابعه ل qf اسمها قطر لتقنيات الطاقه الشمسيه موجودين في برج الفردان وعندهم مصنع في لفان ..

لكن من باب تجربه لو انت مب من اهل الخور او الشمال ماراح تطول في شركات لكن كا خبره في هالاماكن من احسن الاماكن للخبره والتعلم اذا انت شخص تبي خبره سنعه

[eng. N]

هلا اخوي .
انا مهندس انظمة مصانع
automation Engineer
شغال في مسيعيد.

واشوف الرواتب متقاربه بين جميع المصانع.

لكن حط في بالك ان قطر غاز هي الافضل من ناحية التطوير والامتيازات على المدى البعيد ورواتبهم قويه أيضا وايضا bonus اخر السنه قوي جدا.

ونصيحة
لا تقدم على مكان واحد وتنتظر.
لان حاليا الوظايف صارت صعبه من دون واسطه للاسف.

لو مالقيت وظيفه في الشمال.
فقدم على مصانع مسيعيد.
قافكو. قابكو. كفاك. قطر للالمنيوم.

وايضا قدم في قطر للبترول.

والله يوفقك.

قطر غاز موقفة التوظيف للخريجين للأسف حاولت كذا مره..
وحتى قطر للبترول بس شفت وظايف معينة فالموقع ماعرف اذا لازم اروح بنفسي البرج واسأل..
وبالنسبة حق مسيعيد انا ماعندي مشكلة بس انا من سكان هل الشمال وصعب علي جدا الخط
يعطيك العافية اخوي على المشاركة والسموحة على التأخير فالرد..

[eng. N]

عندي معلومات وافيه عن القطاع

الشركات الاجنبيه قويه في كسب الخبره و المتعارف عليه انها تعطيك خبره اسرع و اكبر من قطر للبترول

الاختلاط مع هذه الشركات برفع من العقليه بشكل مختلف تماما عن الشركات الوطنيه

اثبات الوجود اسهل فيها لان القطريين اقل كعدد و هالشركات تعتمد عليك في اكثر من مجال بعكس قطر للبترول

قطر للبترول تحدد مهامك الوظيفيه بشغله واحده. مثلا الصيانه. او البيئه

الشركات الاجنبيه تدخلك في الصيانه و المشتريات و المشاريع و البيئه بمعنى. انت الي تسوي ميزانيه القسم و تقابل موظفين جدد و تتعامل مع الكونتركتر و تنظم للمشاريع و دراساتها. الخ

يقولون ان المهندس بهذه الشركات يعامل مثل الاسفنجه. وين ما يحطونه يخلونه يمتص خبره الشغله واذا احتاجوه لامور اخرى. دخلوه و يتعلم اسرع يعتمدون عليك فعليا

للامانه. هناك سقطات. بمعنى بعض القطريين شغلهم مش الي هو او يتكاسل الخ

هذا ينحط ع جنب ويعطونه شغل ع قده ولا اعتماد عليه

لكن حك و اثبت مجهودك وشوف كيف يمسكونك المسؤوليه

اشتغلت في شركه اجنبيه ومسكت السلامه. وبعدها احتاجوا تغطيه للصحه و تراخيصها وحطوني عليها
بعدها احتاجوا تغطيه للبيئه. و حطوني فيها و بعدها دخلوني في مسؤوليه برنامج المواد المشعه و مشيت فيها

الان و لله الحمد ماسك ثلاث اقسام وبرنامج الاشعاع وبعض امور المسؤوليه المجتمعيه

كنت بقطر للبترول سابقا و طلعت لان التطوير كان بمجال واحد و لا يجري كما رغبت

كل ثلاث سنوات خبره في الشركات الاجنبيه تعادل خمس سنوات بقطر للبترول و اكثر بحسب مجهودك

الي فعلا يعطيك خبره استثنائيه هو نظام العمل و التعرف ع امور قانونيه نادرا ما تلقاها باماكن اخرى مثل حقوقك كموظف و التدقيق بالقوانين. هذولا ما يمشون ع البركه كل شي محسوب عندهم

الحين بعطيك الفروقات

التقاعد بقطر للبترول يعتمد ع اخر راتب اما البقيه. فالتقاعد يعمل لك متوسط راتب اخر خمس سنوات وبعدها يعتمد لك السن و الخدمه هذا قانون الدوله القطاع الخاص كله يتم ا-تساب متوسط الراتب لاخر خمس سنوات

قطر للبترول تدفع بدل تعليم. البعض الاخر مثلها لكن بعض الشركات سجلها التجاري شركه خاصه. هذه تستحق اخذ كوبون تعليمي من الدوله اضافه الى بدل التعليم من الشركه. يعني 68 الف ريال فقط الشركات بسجل خاص

قطر للبترول فيها امتيازات و بدلات قد لا توجد في الشركات لكن الشركات تعوض هذه الامور بالراتب الاساسي

بمعنى. راتبك في الدوحه يعادل راتب مهندس يعمل خارج الدوحه

البونص يحدد لكل الموظفين. وليس بناء ع اداء الموظف. يعني مديرك ما يرفع و ينزل ع كيفه

ميزه في الشركات الاجنبيه وهي صغرها و عدد موظفيها. ما تتعطل الامور بسبب تنقل الاوراق بين ادارات كثيره لاعتمادها فالشغل يمشي اسرع

ميزه اخرى. التواصل مع الجهات الاخرى اكبر و اكثر بمعنى. لا توجد اداره مختصه للتواصل مع الدوله. ما في كوربورت ديبارتمنت انت في البيئه انت تروح وزاره البيئه وتخلص سغلك و تجتمع معاهم

انت في الصحه. تجتمع مع وزاره الصحه. الخ

قطر للبترول البعض يحرم من هذه الميزه و التواصل المجتمعي. بمعنى. ان هناك ادارات مختصه لهذه الامور اما المهندس بالمصنع فقليل ما يتواصل مع جهات الدوله

قد لا تراه شيئ مهم لكن التواصل خارج العمل مهم جدا. و صار ان عرض علي وظيفه بعقد خاص في الحكومه و اكتسبت خبره نادره بجهات اكثر من 30 جهه عامه وخاصه

اخيرا

لما يكون مسؤولك اجنبي يكون عندك ميزه. وهي خوفه من ان يعطل تطويرك او يمنع عنك خبره محترم نفسه جدام الاداره العليا يعني

اخوي كلهم خير واي وظيفه تلقاها مناسبه اخذها. لكن اسعى للافضل و انت تحكم بالنهايه

هلا اخوي يعطيك عافية على المعلومات.. قدمت على كذا شركة اجنبية بما فيهم اكسون موبيل وشل وللاسف رفضو فماعندي فكرة حاليا الا عن توتال اذا ممكن تقترح شركات ثانية ممكن اقدم عليها

[eng. N]

شل ممتازه واقوى رواتب في قطر
لا تروح لغيرها

نطرت وايد لين ماردو علي قالو لي كانت يايتهم عروض شغل وايد.. المهم انه رفضو استغربت لانه لي حد من الزملاء كان مقدم عن طريق المعرض المهني وانا ماقدمت وقتها للاسف المهم قبلوه مع كذا واحد من دفعتنا كان بعضهم اقل من معدلي حتى.. ماعرف اذا صار عندهم فائض او لانه قدمت من الموقع فصعب القبول لانه الايميلات كانت ماتوصلني من قطر..

[eng. N]

الشركات الاجنبيه

شركه نفط الشمال noc
توتال. الرئيسيه وليست المختلطه بنفط الشمال
شل
اكسون موبل

دولفين. وحاليا سمعت ان الدوله ستتملك اغلبيه حصصها
كيو بي دي. شركه صغيره تشغل محطه انتاج صغيره و مختلطه بشركه يابانيه

هذا الي اذكره حاليا

اما باقي الشركه سواء بمسيعيد او لفان فهم تحت مظله قطر للبترول و تتساوى الامتيازات ما عدا التقاعد

قطر للبترول اخر راتب
الشركات التابعه متوسط اخر خمس سنوات اذا جهه عملك مش قطر للبترول. فلك المتوسط. مثل كافكو و كفاك و الفينيل و البقيه

هذا الي اعرفه اخوي

noc قدمت عليها وماردو علي من فتره اكثر من شهر واطرش ايميلات لهم حتى مايردون.. ودولفين لي 3 شهور ماردو علي فماتوقع في فرصه للشغل عندهم :)

[eng. N]

اولا عليك بالاستخارة

ثانيا بعد تقليص العمالة اصبح هناك فائض كبير من المهندسين القطريين و بالتالي اصبح التوظيف اصعب و لكن

انت تملك ميزة و هي انك ستكون متدرب

نصيحتي لك انضم الى شركة حديثة الانشاء حيث المناصب العليا فارغة و بعد سنوات ستصبح انت من كبار المسؤلين فيها

انا قبل ماكنت حاسب موضوع انه التوظيف صعب لانه محد من هلنا او معارفنا فهالمجال بس صج عقب تجربتي عرفت صعوبة التوظيف هاي وتقديري جيدا جدا ومن قطر وولا شركة راضيه تقبل عرض شغل لي.. ممكن تقترح علي اخوي وحده من هالشركات لانه بصراحه ماعندي فكرة واكون شاكر لك..

[eng. N]

في شركه فلفان بعد تابعه ل qf اسمها قطر لتقنيات الطاقه الشمسيه موجودين في برج الفردان وعندهم مصنع في لفان ..

لكن من باب تجربه لو انت مب من اهل الخور او الشمال ماراح تطول في شركات لكن كا خبره في هالاماكن من احسن الاماكن للخبره والتعلم اذا انت شخص تبي خبره سنعه

شكرا اخوي ان شاء الله باجرب اقدم فيها وان شاء الله خير..

[eng. N]

اتمنى لو اي يعرف شركات في راس لفان يذكرها لي غير اللي مكتوبه فوق لاني مقدم على معظمها بس ماصار لي نصيب فيهم ..

[شبعان]

ليش ماتقدم على الجيش؟؟
اعتقد عندهم قسم خاص بالمتفجرات والأسلحة الكيمائية..

وليش ماتكمل دراستك,,, الماجستير ؟؟؟
انصحك بامريكا..
الله يوفقك