يا وزير اعلنوها اجازة للطلاب غدا امطار وغرقه

[naklan]

اتعجب مافيكم عاقل الأمطار السنة ليست طبيعية
ارحمو الناس والأطفال واعلنو اجازة للطلاب ووالله حتى
الموظفين لا تروحون بكره المطر الحين خلال ساعة غرق
الدنيا وبكره مطر على حسب الأرصاد من 7 صباحا
وإلى المساء لكم تتخيلون شبيصير

لكم الاّراء

تحياتي للجميع

[نفسي عزيزه]

الله المستعان

[naklan]

والله ياخوي نفسي عزيزة ساعة مطر وهوا كسر الأشجار
وبعض طبيلات السيارات صارت في الشارع
الوضع غير طبيعي المطر الطبيعي
عادي بس هذا غير

[sara jsm]

اخوي نكلان حتى لو ماعطوهم اجازة ...
يااخي غيبوا عيالكم ... اهم شي سلامتهم والله ...

[عطر فرنسي]

لحد ينسى بكره دوام:taunt:

[QtrGate]

على حسب التوقعات
بكره الوضع جدي
أتمنى من وزارة التعليم وقف التعليم ليوم واحد تحسباً لأي طارئ
والله الحافظ

[ya3coub]

الله يستر,

لا اللي صاير غير مقبول تماما ما يصير نص ساعه إلى ساعه مطر هاي كله يصير للمرة الثالثه خلال اقل من عشر ايام !!!!!

و الوزارة لو ما يحطون شي ابرك ما يصير نراقب الوضع و اخر الليل يقولون بكرة دوام و بعض المدارس اللي مقطوعه عنها الكهربا غير انه الشوارع غرقانه ما يستقبلون الطلاب و عقب ما يردونهم يطرشون مسجات لأولياء الأمور

[راعي الكورفت]

اتذكر احنا عطونا اجازه لما كنا في المدارس سنه 1995 بعد الأمطار الغزيرة.

[Flowers]

نداوم بكره ولا لا

[Rider]

بأذن لله ربي بيزينها وتكون الامور طيبة مشكلة بكره تبدأ امتحانات الطلاب

[style]

بأذن لله ربي بيزينها وتكون الامور طيبة مشكلة بكره تبدأ امتحانات الطلاب
تتأجل ،،،إيش المشكلة .

[النهار]

الجامعه قسم الهندسه عطوهم اجازه يوم الاحد بسبب الاحوال الجويه

[معماري قطري]

انا بكرة عطيت نفسي اجازة

[أم هشام]

اتذكر احنا عطونا اجازه لما كنا في المدارس سنه 1995 بعد الأمطار الغزيرة.

كانت احلى اجازة بالتاريخ .. لانه كانت اول اجازة بسبب الامطار

[سعود.]

عاجل :


انباء ترجح بأن الوزير ( رقد )
خلاص يعني دوام غدآ

[sara jsm]

اتذكر احنا عطونا اجازه لما كنا في المدارس سنه 1995 بعد الأمطار الغزيرة.

اي والله صح .... اتذكر رجعونا البيت حزه الضحى لان الجو كان لونه احمر ومخييييف ..
يمكن كنت صف رابع او ثالث .. بس كانت اول مرة يعطونا اجازة واخر مرة ههههههه

[غير عنهم]

يعني الجامعه اجازه والأطفال دوام

[بوخالد911]

اللي أتوقعه هو :-

عقب انتهاء الامتحان
بيطرشون مسجات تعالوا استلموا اعيالكم.

[naklan]

المصيبة خسائر بالملايين وحوادث
ومن الي بيراجع موظف في هالجو الممطر
العالم الي داش في ليت الشارع والي مبنده
سيارته في الماي والي يتهاوش مع الي حذاه
لاف عليه والشارع ما يُبين من الماي ريحو
العالم من الحوادث والخساير وكلها
يوم واحد

[naklan]

المطر الأسبوع الماضي كنت بالغلط في الغرافة
وكانت مئساه في بعض الأماكن ارتفاع الماي اكثر من
متر العالم ركبو فوق الارصفة ووقفو وما عاد عرفو
يطلعون من المنطقة انا ركبت تاير على الرصيف
وتاير على الشارع ودفيت السيارة بالقوة
مئساه ضروف الجو ما تساعد

الأرصاد تقول لكم مطر من الحين لي الصبح
يعني تطلع الصبح وتستوي سواق طراد علشان
تطلع من النقع السنة خير بلا حدود بس
ربعنا نسو الأطفال والموظفين من
الإجازة

[ضوى]

من حنتكم عالاجازة المطر تعدانا

[غايه الطواش]

من حنتكم عالاجازة المطر تعدانا

ههههههههههههههههههههههههه

[حمد 2002]

للدوام معتدل سرر..

حاضر سيدي

[معماري قطري]

من حنتكم عالاجازة المطر تعدانا

ايه والله الأجواء أجواء مدارس بامتياز

[يمامـة]

من حنتكم عالاجازة المطر تعدانا

هيهيهي

[naklan]

انا حنّيت عليكم وطار المطر ههههههههه
معوضين خير وما زلنا في نفس الطقس وإمكانية
هطول الأمطار موجودة والله يعين الي باني بيته نازل
او شوارع الفريج حذاه مستنقعات حاسبو من
التماسيح الي بيدش الماي

[بنت شرق]

صاج أن الوزارة السنة تراقب وضع الامطار بالبلد وبخاصة بالشتاء فإذا كان الوضع طبعة والشوارع اغرقت فلابد من اجازة تقديرا لسوء الاحوال الجوية

[ya3coub]

صاج أن الوزارة السنة تراقب وضع الامطار بالبلد وبخاصة بالشتاء فإذا كان الوضع طبعة والشوارع اغرقت فلابد من اجازة تقديرا لسوء الاحوال الجوية

لا تعليق يجب اعطاء المدارس و الشوارع المؤدية لها الأولوية بالشفط و سحب المياه.

صار عندنا امس فالدوام نسحب و انحط فالمجاري الصحيحة و الأمور طيبه خلال ساعه و شوي خلص كلشي.


بس دناكل ماي بدون سبب الأولى تنظيف و فتح مجاري الصرف الصحي على بعضها البعض ما يصير كل منطقه بينها و بين الباقي حاجز بالعكس لازم يصير في اعتدال بالضغط و بعدين عندنا محطات صرف صحي فيها مضخات الوحدة منها بإمكانها تحريك مجاري الدوحة كاملة لأنها الأكبر فالشرق الأوسط شنو صار عليها و ليش مو مشبوكه بالشبكة كاملة .!!!!!

[naklan]

اخر هالأسبوع والأسبوع الجاي فيه امطار باْذن الله
المهم اعلنها لكم اجازة من عندي اذا سأت احوال الجو
واي احد يكلمكم قولو له كلمة السر سيوسيو
علطول بيفهم إنكم احم احم وبيوافق

مبروك عليكم المطر مقدما

[معماري قطري]

اخر هالأسبوع والأسبوع الجاي فيه امطار باْذن الله
المهم اعلنها لكم اجازة من عندي اذا سأت احوال الجو
واي احد يكلمكم قولو له كلمة السر سيوسيو
علطول بيفهم إنكم احم احم وبيوافق

مبروك عليكم المطر مقدما

يقولون أهل قطر يحبون الحنة ويبرزون الدواء قبل الفلعة

صج شوارعنا تخوف بعد اللي شفناه من غرقها بس ربعنا يبون يشوفون شيصير وبعدين يقولون تعالوا رجعوا عيالكم

[naklan]

يقولون أهل قطر يحبون الحنة ويبرزون الدواء قبل الفلعة

صج شوارعنا تخوف بعد اللي شفناه من غرقها بس ربعنا يبون يشوفون شيصير وبعدين يقولون تعالوا رجعوا عيالكم


اخوي معماري الخسائر للحكومة بالملايين وللناس بالملايين
على يوم واحد الشوارع تخترب ماي ودوس سيارات وحالات التصادم
حدث ولا حرج والي داش في ليت الشارع والي راكب على رصيف
لذالك يوفرون على الناس وعليهم وكلها يوم

[معماري قطري]

اخوي معماري الخسائر للحكومة بالملايين وللناس بالملايين
على يوم واحد الشوارع تخترب ماي ودوس سيارات وحالات التصادم
حدث ولا حرج والي داش في ليت الشارع والي راكب على رصيف
لذالك يوفرون على الناس وعليهم وكلها يوم

يفترض يحسنون وسائل استطلاعهم وتحليلهم للجو ولو توقعوا خطورة يعلنون حتى لو في صباح اليوم نفسه أو أي وقت بس قبل المطر القوي حتى الناس يقدرون يجيبون عيالهم ويخلصون أي شغلة قبل رشة المطر القوي .. وإلا يسوون نظام يصرف المطر وما يندهشون بأفعال المطر وهم مسوين تصميمهم من الأساس مثل الصحون المقعرة وتحتها خزان صغير ما يكفي ربع كمية المياه المتوقعة .. وهذا الخزان مب مضمون تتسرب له مياه جوفية وفتحاته مب مضمون ما تنسد بأي شيء وينملي الصحن بالماي .. وهذا الشيء ذكرته مرات ومرات من بدايات أشغال

[معماري قطري]

يذكر أحد الأشخاص في الكويت بأن كان نظام التصريف عندهم للمطر هم يسونه ببايبات بقطر كبير بالنسبة للبيوت وتنشبك مع تصريف الحكومة وكان الوضع من أفضل ما يكون .. تدخلت الحكومة ومهندسينها وعملوا بايبات صغيرة واستوت ما تلحق تصرف وتستوي حوادث غرق لبيوت ومساحات كاملة

[ya3coub]

يذكر أحد الأشخاص في الكويت بأن كان نظام التصريف عندهم للمطر هم يسونه ببايبات بقطر كبير بالنسبة للبيوت وتنشبك مع تصريف الحكومة وكان الوضع من أفضل ما يكون .. تدخلت الحكومة ومهندسينها وعملوا بايبات صغيرة واستوت ما تلحق تصرف وتستوي حوادث غرق لبيوت ومساحات كاملة

على الفيديوهاااااات اللي اشوفها

[naklan]

عمل تصريف للأمطار اصبح واجب وخاصة بعد المطرة
الاخيرة الدولة تدفع ملايين على الإعمار والشوارع ومش
خسارة عمل صرف لمياه الأمطار وضخها في
المياه الجوفية بدل المتاهة الي تصير

[naklan]

حيرتنا توقعات الطقس مره مطر ومره شرد المطر نشوف بكره
والأحد القادم شكله بيشرد المطر

[معماري قطري]

عمل تصريف للأمطار اصبح واجب وخاصة بعد المطرة
الاخيرة الدولة تدفع ملايين على الإعمار والشوارع ومش
خسارة عمل صرف لمياه الأمطار وضخها في
المياه الجوفية بدل المتاهة الي تصير

عمل التصريف ضروري ولكل الخليج

لازم تندرس احتياطات قوية وانا اتبرع للمساهمة لو يحبون وببلاش معاشي مثل ما هو ما ابي زيادة بس دراستنا تجيب نتيجة ما يجينا متفيهم يقرر شالصح وشالخطأ .. وعلى شرط حلول ما تكلف وايد بإذن الله

[معماري قطري]

خلونا من مياه المطر المياه الجوفية الضحلة كارثة في كل قطر

بيت جاري طلع فيه ماي واحنا ورانا بر ( أرض توسعة الحديقة ) بس فيه نقعة رطبة تبين على قوقل ايرث هذي بدت ترشح ماي في أرضية صالته وخفق تانكي الماي من ضعف الأرض تحته

عمل ترقية لنظام الصرف وتضمين صرف المطر معاه بيكون حل سريع ومعقول بس يحتاج عمل خزانات أكبر في محطات المعالجة .. معدل الصرف أكيد بيتضاعف وممكن أكثر بس بالمضخات ما نحتاج نبدل بايبات جديدة حركة المياه بتكون أسرع وبتمرر كميات أكبر بكم ضعف .. وفيه مضخات تشتغل حسب كمية المياه لو ما فيه ماي توقف بروحها

[naklan]

بعد امطار وسيول الاْردن والكويت والرياض
يجب ان نحتاط في قطر الأمطار هذي غير طبيعية
الأرصاد يقولون فيه مطر بكره وانا اقول الاحتياط
واجب رحم الله من استشهد في هذه السيول
وحفظ الله قطر من كل سوء ( اللهم سقيا
رحمة لا سقيا عذاب )

[معماري قطري]

بعد امطار وسيول الاْردن والكويت والرياض
يجب ان نحتاط في قطر الأمطار هذي غير طبيعية
الأرصاد يقولون فيه مطر بكره وانا اقول الاحتياط
واجب رحم الله من استشهد في هذه السيول
وحفظ الله قطر من كل سوء ( اللهم سقيا
رحمة لا سقيا عذاب )

كلام في محله المفروض لو شكوا مجرد شك بأن الأمطار بتجي قوية يمنعون الأطفال من الذهاب للمدارس وحتى الأعمال الغير مهمة تتأجل بما إن الشوارع غير مضمونة

[naklan]

المطر الْيَوْمَ نفس سيناريو الغرقة السابقة مطر
بطعم الإعصار لو استمر الى العصر بيعمل مستنقعات
اللهم اجعله خير على البلاد والعباد

[ya3coub]

المطر الْيَوْمَ نفس سيناريو الغرقة السابقة مطر
بطعم الإعصار لو استمر الى العصر بيعمل مستنقعات
اللهم اجعله خير على البلاد والعباد

بمثل توقيت هالرد و اليوم فقدنا اخت من المنتدى الله يغفرلها يا رب العالمين.

اهي مو موضوع اجازة و بس صحيح الكثير منا يتكلم عن الـــسبب الرئيسي.

الأمطار نعمة إلى حد ما عقبها تصير عذاب و غضب و الواحد يطلب الرحمة دائما.

الوقفة الكويتية حلوة و عندنا ايضا انتشرت بعض الفيديوهات و مع تواجد بعض الفرق و خريجين بدفعات من مخيم الكوارث اللي فالخور للهلال الأحمر القطري, لازم يتم تفعيلهم و طلب متطوعين يسجلون بقاعدة بيانات الكل يدري انها اول مرة توصل لهالمراحل بدليل انه مو بس الدوحة, البحرين و الأمرااات و السعودية و الكويت كللللهم اغرقو.

المنسوب ارتفع و حان الوقت للتأقلم مع الإرتفاع الجديد لمنسوب الأمطار و هاشي صعب اذا بنغير او نعدل البنية التحتية من جديد بس إحتواء اللي موجود و التجهيز للأضرار اللي ممكن تصير و توفير أماكن فالمدارس او غيره في حالة الطوارء نفس ملاجئ

[معماري قطري]

بمثل توقيت هالرد و اليوم فقدنا اخت من المنتدى الله يغفرلها يا رب العالمين.

اهي مو موضوع اجازة و بس صحيح الكثير منا يتكلم عن الـــسبب الرئيسي.

الأمطار نعمة إلى حد ما عقبها تصير عذاب و غضب و الواحد يطلب الرحمة دائما.

الوقفة الكويتية حلوة و عندنا ايضا انتشرت بعض الفيديوهات و مع تواجد بعض الفرق و خريجين بدفعات من مخيم الكوارث اللي فالخور للهلال الأحمر القطري, لازم يتم تفعيلهم و طلب متطوعين يسجلون بقاعدة بيانات الكل يدري انها اول مرة توصل لهالمراحل بدليل انه مو بس الدوحة, البحرين و الأمرااات و السعودية و الكويت كللللهم اغرقو.

المنسوب ارتفع و حان الوقت للتأقلم مع الإرتفاع الجديد لمنسوب الأمطار و هاشي صعب اذا بنغير او نعدل البنية التحتية من جديد بس إحتواء اللي موجود و التجهيز للأضرار اللي ممكن تصير و توفير أماكن فالمدارس او غيره في حالة الطوارء نفس ملاجئ

كل شيء سهل لو سويت دراسة واقعية وحلول مناسبة لها .. نقع بسيطة في بعض المناطق ما تسبب مشكلة كبيرة لكن مناطق كاملة تغرق بسبب ميلان الأرض باتجاهها هذي تتطلب حل سريع وتصريف حتى لو أزلنا بعض البيوت للمصلحة العامة وعملنا حفرة انسيابية كبيرة وزرعناها وخلها تكون حديقة طبيعية مفتوحة ووقت المطر يمنع الاتجاه لها لأنها تكون بحيرة مياه

الشوارع اللي انعملت منخفضة وأنفاق هذي يوقفون عملها ويتجهون للجسور أفضل بكثير ولازم يسوون حلول ومضخات قوية وتصريف بعد قريب على أرض منخفظة .. هذي الحلول تكلفتها معقولة لكن حفر تحت الارض عميق وبايبات وشغل مدني كبير أكيد بياخذ وقت ومال ومجهود

بالنسبة لموضوع الحادث مثل ما عرفت إن السيارة ضربت في شق جانبي لتصريف المياه .. والحفر هذا لو نحتاجه لازم كذلك نحمي جانب الطريق بحواجز خرسانية تتسبب في احتكاك جانبي ولا تتسبب في اصطدام مباشر وفي المواقع اللي يكون فيها امكانية الاصطدام المباشر ويعرفونها مخططي الطرق لازم يحطون مصدات قابلة لامتصاص الصدمة .. والحادث ما كان الأول من نوعه ولازم يحلون أي مشكلة أمنية للطرق أول بأول ما ينتظرون والحل منوط بالمرور وبأشغال

[معماري قطري]

خاطري اعرف شصار في المشاريع الكبيرة الحديثة مثل المطار ومشيرب ولوسيل

[معماري قطري]

كثير وانا اسوق الاحظ مواقع خطر في الطرق ولا تنحل .. انا مب مهندس طرق بس من أولويات مهندس الطرق ان يكون الطريق آمن وفيه وسائل حماية للراكب وللماشي وللجميع

ثقتي بمدير أشغال الحالي كبيرة ولا بد بيستجيب لهذي النداءات وباكتب تعليق بالصور عن قصدي في موضوع المقارنة بين الإدارات ومدى رضى الناس عن مشاريع أشغال

[naklan]

بمثل توقيت هالرد و اليوم فقدنا اخت من المنتدى الله يغفرلها يا رب العالمين.

اهي مو موضوع اجازة و بس صحيح الكثير منا يتكلم عن الـــسبب الرئيسي.

الأمطار نعمة إلى حد ما عقبها تصير عذاب و غضب و الواحد يطلب الرحمة دائما.

الوقفة الكويتية حلوة و عندنا ايضا انتشرت بعض الفيديوهات و مع تواجد بعض الفرق و خريجين بدفعات من مخيم الكوارث اللي فالخور للهلال الأحمر القطري, لازم يتم تفعيلهم و طلب متطوعين يسجلون بقاعدة بيانات الكل يدري انها اول مرة توصل لهالمراحل بدليل انه مو بس الدوحة, البحرين و الأمرااات و السعودية و الكويت كللللهم اغرقو.

المنسوب ارتفع و حان الوقت للتأقلم مع الإرتفاع الجديد لمنسوب الأمطار و هاشي صعب اذا بنغير او نعدل البنية التحتية من جديد بس إحتواء اللي موجود و التجهيز للأضرار اللي ممكن تصير و توفير أماكن فالمدارس او غيره في حالة الطوارء نفس ملاجئ

الله يرحم اختنا بصمة قطرية اخوي يعقوب للعلم اخف
امطار كانت على قطر الي غرقو صح الكويت والسعودية
احنا لو يجينا مطر بكمية الي نزل عليهم نغرق
وبتصير وفيات نقول للحكومة حان الاوان
للتصرف والتخطيط والتنفيذ مش
بعد مايطيح الفاس بالراس

[naklan]

خاطري اعرف شصار في المشاريع الكبيرة الحديثة مثل المطار ومشيرب ولوسيل

المشاريع الكبيرة مثل باقي المشاريع بلا تصريف امطار
الحل اخوي معماري بعمل لكل مكان نازل ويجمع الأمطار حفر
عملاقة تحت الارض منها يستفيدون منها في ري المزروعات
ومنها تجنب المناطق النازلة من الغرق وقت الأمطار الطقس
تغير اخوي معماري الأمطار الي تجي تجي بعنف
وبرياح شديدة الوضع غير مسبوق ولكن
سيتكرر لا محالة

[ya3coub]

الله يرحم اختنا بصمة قطرية اخوي يعقوب للعلم اخف
امطار كانت على قطر الي غرقو صح الكويت والسعودية
احنا لو يجينا مطر بكمية الي نزل عليهم نغرق
وبتصير وفيات نقول للحكومة حان الاوان
للتصرف والتخطيط والتنفيذ مش
بعد مايطيح الفاس بالراس

البلا انها موجودة و تم توسعتها مرتين في بعض المناطق بالمليارات تطوير الصرف الصحي فالدوحة و اخر مشروع كان جنوب الدوحة و مادري اذا كملوه او لا لأن في مناقصه انسحبت للمعالجة و شبك الشبكات للصرفي الصحي للبدليات و المناطق و عمل مركز معالجة فالوكرة و اشياء وايد و توقف من ثلاث سنين إلى اليوم ما قد سمعت اي تطورات.

الشبكات موجودة بس الفحص و او الصيانة او المتابعه مو بس وقت المطر المفروض على مدار العام و البروسسيس الحين تطور و الكيمرات و السناسر موجودة ما تحتاج حتى اشخاص يروحون و بحسب علمي لما كنا شغالين فمكاين حفر الأنفاق للمترو سابقا تم إبلاغنا انه شبكات الصرف الصحي في قطر معمولة ايضا بجاز الــTBM Tunnel Boring Machine بس على اصغر او متر و ربع.

انا اتممنى اذا في اخطاء يتم معالجتها بأرخص ما يمكن و اقل اضرار المهم انها تتحسن لو شي بسيط.

اما فكره احفر الدوحة كلها من جد و جديد علشان شبكات الصرف الصحي غير مدروجة ولا منطقية إطلاقا

[naklan]

اخوي يعقوب مش لازم يحفرون كل الدوحة التصرف فقط
في الأماكن الي تجمع كميات كبيرة من مياه الأمطار بعض الأماكن
يصير ارتفاع الماي فيها متر ومتر ونص هذي المفروض لها مضخات
تسحب الماي على برك تجميع مع مستوى الارض او تحت الارض

اليوم مريت على الغرافة من الدوار المائل وانت متجه شمال المطرة
السابقة غرقت سيارات كثيرة في هالمكان شلون تصرفو فيها أشوفهم
عملو تحويط على الارض المجاورة وصارت بركة كبيرة ورازين مكينة شفط
ضخمة ومن ها التناكر راح تشفط الماي طريقة موقتة تمشي الحال

يجب من الان دراسة وين الأماكن الي تغرق يطلعون في طيارة هليوكبتر
بعد الأمطار ويشوفون وين الخلل وبعدها من الارض ويحددون الأماكن النازلة
الي تحتاج حفر تصريف ويشتغلون عليها من الان اذا يبون يشتغلون
صح ويتلافون اخطاء الماضي والتقصير الغير مقصود

[ya3coub]

اخوي يعقوب مش لازم يحفرون كل الدوحة التصرف فقط
في الأماكن الي تجمع كميات كبيرة من مياه الأمطار بعض الأماكن
يصير ارتفاع الماي فيها متر ومتر ونص هذي المفروض لها مضخات
تسحب الماي على برك تجميع مع مستوى الارض او تحت الارض

اليوم مريت على الغرافة من الدوار المائل وانت متجه شمال المطرة
السابقة غرقت سيارات كثيرة في هالمكان شلون تصرفو فيها أشوفهم
عملو تحويط على الارض المجاورة وصارت بركة كبيرة ورازين مكينة شفط
ضخمة ومن ها التناكر راح تشفط الماي طريقة موقتة تمشي الحال

يجب من الان دراسة وين الأماكن الي تغرق يطلعون في طيارة هليوكبتر
بعد الأمطار ويشوفون وين الخلل وبعدها من الارض ويحددون الأماكن النازلة
الي تحتاج حفر تصريف ويشتغلون عليها من الان اذا يبون يشتغلون
صح ويتلافون اخطاء الماضي والتقصير الغير مقصود

مؤقتا و مبدئيا اتفق معاك

بس الله عطانا قوة الجاذبية اللي تشتغل بالنيبارة سلوب بكل المناطق للخزانات و ما تحتاج ولا مضخه وحدة ترتيب صحيح و هندسة و مقاييس على كل الصوارة و فتحات بجوانب الشوارع نفس ما ذكر اكثر من مرة و باكثر من شنة اخونا معماري قطر و حط فيديوهات من سنتين عن الشوارع بأمريكا و التصريف اللي يكون عالرصيف.

بتغسل شارع سيارات مطر اللي اهو ميلان خفيف نفس تكرم الحمامات اشلون يسوون البلاط و الكباين للعنن اللي تنغسل اشلون بس ترش ماي و علطول يروح لفتحه او فتحتين و ينزل منهم بسبب الجاذبية الأرضية, نظام الصرف الصخي اوكي في مضخات بس للأمطار و ينشبك معاهم بيكون ممتاز جدا و للأسف مكلف.

ربي لك الحمد المشروع اللي انا فيه ما صار عندنا إلا غرق في وحدة من محطات الضخ و تبين السبب انه في بيب ججاي من المنهول اللي المفروض من عندنا يفرغ فيه بسبب السلوب العكسي صارت الأمطار اللي تدخل المنهول للصرف تصب عندي فمحطة الضخ, سكرناه و بلياه و هاي احنا نتكلم عن مدينة لوسيل الجديدة بس باقي المشروع ربي لك الحمد ما تأثرنا بالمطر كلش الترام اختاراته ماشية و تعطل ساعتين بسبب فوق الأرض كان في شكل سيل و وصاخه عالسكة نظفوها و الأمور فوق الممتازة ربي لك الحمد.


أخر رشة يوم الأحد للأمانة كانت اول مرة اشوف قطريين و عالأغلب مسؤولين فالأنفاق على خط لوسيل يمكن قمان كروزرات و بسياراتهم لابسين ثوب و هلمت و استانست ولو انه الثوب مو اجباري ولا ضروري هذاني قطري و صارلي ست سنين اداوم بجينز و بدله اريح للشغل الميداني.

تواجد العنصر القطري مهم حدا بكل مستوياته مقاور رئيسي,فرعي, كلاينت, مدير كلهم لهم بحسب مستواهم نظرة و اشياء كثيرة بتكون جدية اكثر و ودتها اعلى

[معماري قطري]

اخوي يعقوب مش لازم يحفرون كل الدوحة التصرف فقط
في الأماكن الي تجمع كميات كبيرة من مياه الأمطار بعض الأماكن
يصير ارتفاع الماي فيها متر ومتر ونص هذي المفروض لها مضخات
تسحب الماي على برك تجميع مع مستوى الارض او تحت الارض

اليوم مريت على الغرافة من الدوار المائل وانت متجه شمال المطرة
السابقة غرقت سيارات كثيرة في هالمكان شلون تصرفو فيها أشوفهم
عملو تحويط على الارض المجاورة وصارت بركة كبيرة ورازين مكينة شفط
ضخمة ومن ها التناكر راح تشفط الماي طريقة موقتة تمشي الحال

يجب من الان دراسة وين الأماكن الي تغرق يطلعون في طيارة هليوكبتر
بعد الأمطار ويشوفون وين الخلل وبعدها من الارض ويحددون الأماكن النازلة
الي تحتاج حفر تصريف ويشتغلون عليها من الان اذا يبون يشتغلون
صح ويتلافون اخطاء الماضي والتقصير الغير مقصود

هذا حل جذري ويتطابق مع مراسلاتنا مع أشغال في السابق 2007 أو 2008 من عشر سنين أقل شيء وكان مشروعهم نفق كبير بقطر 6 متر أو 7 متر نسيت كم بالضبط حتى كنت مستغرب هذا القُطر الكبير وقلت ممكن سيارتين يتسابقون داخل .. كان متوقع ينتهي في 2013 وينشف المياه الجوفية الضحلة في عين خالد وبوهامور والمناطق الى منفذ التصريف في جنوبي مطار حمد الدولي

إستغربت ليش ما يتم استغلال هذي المياه بعد تنقيتها تنقية مبدئية وبسيطة خصوصاً إن غالبها شبه صالحة للزراعة

عني انا مخطط إن شاء الله لتنفيذ شبكة صرف لمياه الأمطار ومياه التكييف بحيث تجمع في خزان للزراعة في بيتي بإذن الله

[معماري قطري]

اللي صار إن عين خالد غرقت هذي السنة من الماي ولا بينت نتائج خط الصرف هذا

[معماري قطري]

اخوي يعقوب مش لازم يحفرون كل الدوحة التصرف فقط
في الأماكن الي تجمع كميات كبيرة من مياه الأمطار بعض الأماكن
يصير ارتفاع الماي فيها متر ومتر ونص هذي المفروض لها مضخات
تسحب الماي على برك تجميع مع مستوى الارض او تحت الارض

اليوم مريت على الغرافة من الدوار المائل وانت متجه شمال المطرة
السابقة غرقت سيارات كثيرة في هالمكان شلون تصرفو فيها أشوفهم
عملو تحويط على الارض المجاورة وصارت بركة كبيرة ورازين مكينة شفط
ضخمة ومن ها التناكر راح تشفط الماي طريقة موقتة تمشي الحال

يجب من الان دراسة وين الأماكن الي تغرق يطلعون في طيارة هليوكبتر
بعد الأمطار ويشوفون وين الخلل وبعدها من الارض ويحددون الأماكن النازلة
الي تحتاج حفر تصريف ويشتغلون عليها من الان اذا يبون يشتغلون
صح ويتلافون اخطاء الماضي والتقصير الغير مقصود

العملية سهلة اخوي نكلان

حتى قوقل ايرث يعطيك مستويات الارض وسلوباتها في أي اتجاه والماي ما يرتفع فوق الحزوم بل ينزل في الوديان .. يسوون ممرات للمياه ومنخفضات كبيرة تجمع مياه كفاية ويفتكون من كل هالشغلة .. التصريف ضروري للمناطق كثيفة البناء أما المناطق المفتوحة والفرجان فحلولها سهلة بس لازم التضحية بمساحات أرضية فاضية لعمل المنخفضات وممكن هذي المنخفضات تنزرع

[معماري قطري]

مؤقتا و مبدئيا اتفق معاك

بس الله عطانا قوة الجاذبية اللي تشتغل بالنيبارة سلوب بكل المناطق للخزانات و ما تحتاج ولا مضخه وحدة ترتيب صحيح و هندسة و مقاييس على كل الصوارة و فتحات بجوانب الشوارع نفس ما ذكر اكثر من مرة و باكثر من شنة اخونا معماري قطر و حط فيديوهات من سنتين عن الشوارع بأمريكا و التصريف اللي يكون عالرصيف.

بتغسل شارع سيارات مطر اللي اهو ميلان خفيف نفس تكرم الحمامات اشلون يسوون البلاط و الكباين للعنن اللي تنغسل اشلون بس ترش ماي و علطول يروح لفتحه او فتحتين و ينزل منهم بسبب الجاذبية الأرضية, نظام الصرف الصخي اوكي في مضخات بس للأمطار و ينشبك معاهم بيكون ممتاز جدا و للأسف مكلف.

ربي لك الحمد المشروع اللي انا فيه ما صار عندنا إلا غرق في وحدة من محطات الضخ و تبين السبب انه في بيب ججاي من المنهول اللي المفروض من عندنا يفرغ فيه بسبب السلوب العكسي صارت الأمطار اللي تدخل المنهول للصرف تصب عندي فمحطة الضخ, سكرناه و بلياه و هاي احنا نتكلم عن مدينة لوسيل الجديدة بس باقي المشروع ربي لك الحمد ما تأثرنا بالمطر كلش الترام اختاراته ماشية و تعطل ساعتين بسبب فوق الأرض كان في شكل سيل و وصاخه عالسكة نظفوها و الأمور فوق الممتازة ربي لك الحمد.


أخر رشة يوم الأحد للأمانة كانت اول مرة اشوف قطريين و عالأغلب مسؤولين فالأنفاق على خط لوسيل يمكن قمان كروزرات و بسياراتهم لابسين ثوب و هلمت و استانست ولو انه الثوب مو اجباري ولا ضروري هذاني قطري و صارلي ست سنين اداوم بجينز و بدله اريح للشغل الميداني.

تواجد العنصر القطري مهم حدا بكل مستوياته مقاور رئيسي,فرعي, كلاينت, مدير كلهم لهم بحسب مستواهم نظرة و اشياء كثيرة بتكون جدية اكثر و ودتها اعلى

كلام هندسي صحيح اتفق معاه

وزين طمنتنا على العطل البسيط اللي صار لأن البعض صوره ونشره بطريقة شماتية في الوتس اب

[حمد 2002]

شردتوا المطر من الحنه

[الاسطوره]

شردتوا المطر من الحنه

ههههههههههههههههههههههههههههههه ايييي والله

[معماري قطري]

شردتوا المطر من الحنه

نكلان عياله صغار في المدارس وما يخلونه يسافر ما يصدق يعطونهم اجازة يوم ينفخه بهم بلاد بعيدة

[naklan]

العملية سهلة اخوي نكلان

حتى قوقل ايرث يعطيك مستويات الارض وسلوباتها في أي اتجاه والماي ما يرتفع فوق الحزوم بل ينزل في الوديان .. يسوون ممرات للمياه ومنخفضات كبيرة تجمع مياه كفاية ويفتكون من كل هالشغلة .. التصريف ضروري للمناطق كثيفة البناء أما المناطق المفتوحة والفرجان فحلولها سهلة بس لازم التضحية بمساحات أرضية فاضية لعمل المنخفضات وممكن هذي المنخفضات تنزرع

العملية سهله اذا يبون يشتغلون اما اذا فكرهم مثل العادة
بيقولون المطر يوم وبيروح باقين مكانا الى يوم الدين
المعالجة تبدأ بكل مربع تخطيطي على حده نخلص
من منطقة ونبدأ باخرى


ولازم يكون هناك تخصيص صرف امطار للمناطق الجديدة
من ضمن البنية التحتية حتى لا نعود للعجن والخبز مرة اخرى
الموضوع سهل وبخطوات واذا ارادو عملو

[naklan]

مؤقتا و مبدئيا اتفق معاك

بس الله عطانا قوة الجاذبية اللي تشتغل بالنيبارة سلوب بكل المناطق للخزانات و ما تحتاج ولا مضخه وحدة ترتيب صحيح و هندسة و مقاييس على كل الصوارة و فتحات بجوانب الشوارع نفس ما ذكر اكثر من مرة و باكثر من شنة اخونا معماري قطر و حط فيديوهات من سنتين عن الشوارع بأمريكا و التصريف اللي يكون عالرصيف.

بتغسل شارع سيارات مطر اللي اهو ميلان خفيف نفس تكرم الحمامات اشلون يسوون البلاط و الكباين للعنن اللي تنغسل اشلون بس ترش ماي و علطول يروح لفتحه او فتحتين و ينزل منهم بسبب الجاذبية الأرضية, نظام الصرف الصخي اوكي في مضخات بس للأمطار و ينشبك معاهم بيكون ممتاز جدا و للأسف مكلف.

ربي لك الحمد المشروع اللي انا فيه ما صار عندنا إلا غرق في وحدة من محطات الضخ و تبين السبب انه في بيب ججاي من المنهول اللي المفروض من عندنا يفرغ فيه بسبب السلوب العكسي صارت الأمطار اللي تدخل المنهول للصرف تصب عندي فمحطة الضخ, سكرناه و بلياه و هاي احنا نتكلم عن مدينة لوسيل الجديدة بس باقي المشروع ربي لك الحمد ما تأثرنا بالمطر كلش الترام اختاراته ماشية و تعطل ساعتين بسبب فوق الأرض كان في شكل سيل و وصاخه عالسكة نظفوها و الأمور فوق الممتازة ربي لك الحمد.


أخر رشة يوم الأحد للأمانة كانت اول مرة اشوف قطريين و عالأغلب مسؤولين فالأنفاق على خط لوسيل يمكن قمان كروزرات و بسياراتهم لابسين ثوب و هلمت و استانست ولو انه الثوب مو اجباري ولا ضروري هذاني قطري و صارلي ست سنين اداوم بجينز و بدله اريح للشغل الميداني.

تواجد العنصر القطري مهم حدا بكل مستوياته مقاور رئيسي,فرعي, كلاينت, مدير كلهم لهم بحسب مستواهم نظرة و اشياء كثيرة بتكون جدية اكثر و ودتها اعلى


اتفق معاك اخوي يعقوب بطريقة الأسلوب. اذا كان التجميع
تحت الارض وبلا مكاين سحب ممكن تمشي بس اذا برك التجميع
عاليه على مستوى الارض ما ينفع الأسلوب

ما شاء الله اخوي يعقوب منطقة لوسيل بنيتها التحتية قوية والانفاق
محصنة والخدمات مخفية تحت الارض وهذا هو التخطيط الصحيح
لبناء المدن الحديثة الضاهر ان الريل عندهم تخطيط متطور
مادري إذا هم مشبوكين مع اشغال او لا

[naklan]

شردتوا المطر من الحنه

ابرك لنا اذا شرد لا بنية تحتية ولا شي
مطر هالأيام اعاصير صغيرة وما منه فايدة في المدينة
الا الخسائر والحوادث المطر سابقا كان يجي حلو
ومفرح الحين اذا جاء تلقى كل واحد مبطل بأنة
السيارة والماي للخصر وينضف لبليتين
ويصنّفر البلكات

على كل لا تزعل يا الصحفي الأرصاد
محددين الاثنين لهطول الأمطار نتمنى الخير
ونتمنى لا يأتي بدمار مثل ما حدث في
الكويت والرياض

[naklan]

نكلان عياله صغار في المدارس وما يخلونه يسافر ما يصدق يعطونهم اجازة يوم ينفخه بهم بلاد بعيدة

انا عندي رحلة الشتاء والصيف
بعد اسبوعين نشوفكم في شهر فبراير
هبي نيو يير اند هاف انايس
دي معماري اقول

جنه هالامطار يبيلها وزار ووتر بروف
وتيوب في نفس الوقت علشان اذا غزر البحر
تطفح وتتفلطح فوق المياة ههههه

[معماري قطري]

انا عندي رحلة الشتاء والصيف
بعد اسبوعين نشوفكم في شهر فبراير
هبي نيو يير اند هاف انايس
دي معماري اقول

جنه هالامطار يبيلها وزار ووتر بروف
وتيوب في نفس الوقت علشان اذا غزر البحر
تطفح وتتفلطح فوق المياة ههههه

الله يحفظك في حلك وترحالك وييسر أُمورك

[حمد 2002]

انا عندي رحلة الشتاء والصيف
بعد اسبوعين نشوفكم في شهر فبراير
هبي نيو يير اند هاف انايس
دي معماري اقول

جنه هالامطار يبيلها وزار ووتر بروف
وتيوب في نفس الوقت علشان اذا غزر البحر
تطفح وتتفلطح فوق المياة ههههه

فلوسسسس

[حمد 2002]

اخوي معماري ..

انتوا يالمهندسين شاطرين بس بالكتابه بتويتر ووسائل التواصل الاجتماعي ..

واخرتها الشوارع طبعانه !! ..

اووه نسيت انت مهندس معماري مب مهندس شوارع ..

المهم يستفيدون من خبرتك في صف طابوق يمين الشارع ويسار الشارع لعدم هروب السيارات اثناء المطر وركوبهم فوق الرصيف وبالتالي يغرقون ويقعون بشر أعمالهم كسيارات وليس افراد ! .

المهم عندك سلف !! ..

المهم امزح معاك اخوي معماري انت والمهندسين الاكفاء والمخضرمين بالعكس انتوا الي ساهمتم بنهضه المجتمع وتطوره وتقدمه في شتى المجالات الاقتصاديه والسياسيه والاجتماعيه والفسيولوجيه والبيولوجيه والديمقراطيه والانسانيه .

تحياتي ..

اخوك حمد 2002

[معماري قطري]

بل دخلتنا في شكثر مجالات

عن الطرق يا اخوي كنت امسك مسؤولية قسم الطرق من وقت لوقت في غياب مسؤولي وهو ماجستير طرق .. تعلمت منه كثير والحمد لله كل شيء واضح لي بالحس الهندسي وبالمقارنة بين شارع وشارع وبلاد وبلاد .. بعدين انا بكالوريوس مدني وثاني معماري بس ما خذت مادة طرق .. خذت ترانسبورتيشن أظن ربع قرن من الزمان أكيد نسيت بس بقت الأساسيات

[naklan]

الله يحفظك في حلك وترحالك وييسر أُمورك

ويحفظك شيخنا معماري

[naklan]

فلوسسسس

لا والله يا الصحفي
والله مفيش كلها
كم خيشة

[naklan]

صراحة صرت ما اثق بتحليلات الأرصاد اذا قالو شمس
يجي مطر واذا قالو هوى يطيح الهوى واذا قالو مطر تطلع
الشمس انشوف الأسبوع الجاي يقولون الأحد والاثنين

[معماري قطري]

صراحة صرت ما اثق بتحليلات الأرصاد اذا قالو شمس
يجي مطر واذا قالو هوى يطيح الهوى واذا قالو مطر تطلع
الشمس انشوف الأسبوع الجاي يقولون الأحد والاثنين

أهل قطر عيونهم حارة من يشوفون الارصاد يقولون بلللل

[sara jsm]

صراحة صرت ما اثق بتحليلات الأرصاد اذا قالو شمس
يجي مطر واذا قالو هوى يطيح الهوى واذا قالو مطر تطلع
الشمس انشوف الأسبوع الجاي يقولون الأحد والاثنين

اتوقع موضوعك قبس على الجو بكبره :court:
ماامدانا نستانس وانتو كل شوي ترفعون هالموضوع والطقس يزعل :this:

[naklan]

اتوقع موضوعك قبس على الجو بكبره :court:
ماامدانا نستانس وانتو كل شوي ترفعون هالموضوع والطقس يزعل :this:


افا يا ام جاسم صار عندج naklan فوبيا
نفس دول الحصار عندهم قطر فوبيا ولوبيا خلاص
أوعدج الأسبوع الجاي مطر وتنقشع الفوبيا وتطير القبابس
وذا مافيه انا مسافر لبلد مطير وما تنفع فيه القبابس
كل يوم حلبه تشفي وتسعد القلوب

[naklan]

يا شباب سؤال جوهري ليش الناس عندنا يفرحون
بالمطر مع ان كل الدول الي فيها مطر يزعلون ويكشرون
اذا جا المطر يعني لولين يفرحون بالمطر ويسمونه الحيا
ينبت العشب لمواشيهم ويشربون منه بس

انتو لا عندكم مواشي وتأكلون من شركة مواشي
والماي من التحلية بؤ فنطاس والمطر اذا جاء غرق سيارتكم
غيم ورشة خفيفة أوكي بس غرق وعلى المدينة ما منه
اَي فايده الا الحوادث والسيارات تتعطل في
النقعة والبيوت تخر وبس حتى القطو
دش في مكينة السيارة وطلع بعد
توقف الإعصار

[sara jsm]

نكلان شكلك رايح تايلند هههههههه
المهم ان المطر في بلادنا غير عن اي دولة ثانيه في هالدنيا
كفايه ريحة الارض تطلع وريحة الطين والدنيا تتلون من جديد ..
الصراحة المطر عندنا مايتقارن في اي مكان اخر ..

[معماري قطري]

نكلان شكلك رايح تايلند هههههههه
المهم ان المطر في بلادنا غير عن اي دولة ثانيه في هالدنيا
كفايه ريحة الارض تطلع وريحة الطين والدنيا تتلون من جديد ..
الصراحة المطر عندنا مايتقارن في اي مكان اخر ..

لو رايح تايلند ليفوت الزبيدي هناك زبيديهم يجي أبيض مقطع ومنظف ينباع في السوبرماركت بشوي غالي بس رخيص وايد مقارنة باللي عندنا

[معماري قطري]

افا يا ام جاسم صار عندج naklan فوبيا
نفس دول الحصار عندهم قطر فوبيا ولوبيا خلاص
أوعدج الأسبوع الجاي مطر وتنقشع الفوبيا وتطير القبابس
وذا مافيه انا مسافر لبلد مطير وما تنفع فيه القبابس
كل يوم حلبه تشفي وتسعد القلوب

أحلى أيام في قطر هالايام ما تنفوت .. شهر 3 فكر تسافر عندك لين شهر 9 و 10 بعد .. شهر 3 ربيع وجو مناسب في الدول الاوروبية وحتى بعض العربية مثل الأُردن والمغرب ولا فيه زحمة مب موسم اجازات

[naklan]

نكلان شكلك رايح تايلند هههههههه
المهم ان المطر في بلادنا غير عن اي دولة ثانيه في هالدنيا
كفايه ريحة الارض تطلع وريحة الطين والدنيا تتلون من جديد ..
الصراحة المطر عندنا مايتقارن في اي مكان اخر ..

جزر ومدن في اسيا ومنها الى جزر هاواي وعودة الى اسيا ومنها
الى الدوحة وتايلند مستبعدها من كثر ما امر عليها في السفرات من والى
انا مايفرق عندي كل شهر او شهرين اشوف المطر هني هناك سيم سيم

[naklan]

أحلى أيام في قطر هالايام ما تنفوت .. شهر 3 فكر تسافر عندك لين شهر 9 و 10 بعد .. شهر 3 ربيع وجو مناسب في الدول الاوروبية وحتى بعض العربية مثل الأُردن والمغرب ولا فيه زحمة مب موسم اجازات

كلامك صحيح اخوي معماري قطر في هذا الوقت جميلة
لأكن منتجعات وسويتات في بعض الجزر اونس و تبدل مكان
مغاوص وبحر وفواكه وبعدين وحشني الاومليت في برنس هوتيل
يسوي اموليت فيها سبانخ وربيان صغيروني مدخن تنسيك الوطن العربي
هاواي وشاطئ واكيكي ما يتفوت على زراق البحر هونولولو
غير من اروع الأماكن في العالم مشتاق لذاك المكان

اما الفقع
السوق لعماني متروس انا
كل يوم اكل فقع

[naklan]

وبعدين معا الطقس أمس الأحد والاثنين الياي مطر
الحين غير بس الأحد وقبلها بيوم بيغيرون شمس وذبان
هههههههههه والله بربسه خربان العداد عندهم

[naklan]

الأرصاد يقولون بان غدا امطار
ان شاء الله مطر خير الحذر واجب تجنبو الخروج
الى ان تعرفو طبيعة هذا المطر اذا خفيف وناعم لا
باس من الخروج واذا غرقة نفس السابق الأفضل
ان تلزم بيتك والخروج للحالات الضرورية
اللهم اجعله صبيا نافعا وآسق به
البلاد والعباد

[naklan]

المطر ممكن يبدأ من الساعة 9 الصبح بكره
زيده وارحم عبيده

الله كريم

[sara jsm]

المطر ممكن يبدأ من الساعة 9 الصبح بكره
زيده وارحم عبيده

الله كريم

يااخي قول ان شاءالله او باذن الله ..
تدري لو بكرة صار الجو مشمس :anger3: هالموضوع بيتصكر باذن الواحد الاحد :funny:

[عطر فرنسي]

على حسب الي مكتوب في تويتر من الارصاد بكره مطر قوي وتدني في الرؤيه

[naklan]

يااخي قول ان شاءالله او باذن الله ..
تدري لو بكرة صار الجو مشمس :anger3: هالموضوع بيتصكر باذن الواحد الاحد :funny:

زين ما حطوج مشرفة بتسكرين كل مواضيعي :eek2:
وبعدين انا قلت الله كريم المهم اتحداج تطلعين تتمشين
بكرة بتغرقين في نقعة الغرافة خذي تيوب وياج
احتياط بكرة بعض الناس بس يطلون مع
الدرايش ولعيون تلف يمين يسار
ياوووو :thumbup:

[naklan]

على حسب الي مكتوب في تويتر من الارصاد بكره مطر قوي وتدني في الرؤيه

صحيح وحتى وكالة الأنباء القطرية
يحذرون من الهوى والمطر

[sara jsm]

في انتظار الخير :waiting:

[naklan]

في انتظار الخير :waiting:

ام جاسم جنج إنتي الي قبستي على المطر
يبيله رقيا شرعية من عين ام جاسم حتى لغبار
وقف وما عاد يينا من عيون بعض الناس
ايش هاظ :funny:

[sara jsm]

هههههههههههه انا الحمدلله اذكر ربي على كل شي ...
ودايما ادعي الله يجيب الخير ...
بس المشكله في واحد اعرفه من يقولون مطر قام رفع موضوعه وحط تحذيرات وغيبوا عيالكم ....الخ :nop:
واخر شي ينقشع الغيم وتشرق الشمس من جديد هههههههههه

[naklan]

الحمد لله مطر جميل وغزير
ومافيه داعي نقرا على بعض الناس
طارت القبسة ورحلت خلاص

[معماري قطري]

صحيح وحتى وكالة الأنباء القطرية
يحذرون من الهوى والمطر

الهوى غلاب .. ههههه فرق كبير بين الهواء أو الهوا أو الهوى هذي .. هوى النفس وميول القلب لكل شيء جميل

[معماري قطري]

يقولون الليلة بيبدأ الأكشن واشوف الجو دفا شوي

[naklan]

الهوى غلاب .. ههههه فرق كبير بين الهواء أو الهوا أو الهوى هذي .. هوى النفس وميول القلب لكل شيء جميل

ههههههه غلطة مطبعية عمي وبعدين لا تقعد تتصيد
لي ترى ادعي عليك وانضل سيارتك وتوقف في النقعة
بعدين الثوب مربوط على الخصر في الماي وتنظف البلكات
وأمر مسرع حذاك علشان ينطش عليك الماي
أوعك هاه

:funny:

[naklan]

يقولون الليلة بيبدأ الأكشن واشوف الجو دفا شوي

الحين بعد المطر ومعبي الدنيا كل ما اشوف السحاب
اتذكر الأفلام المصرية اذا حد دق الباب من غير ما يعرفون
من الي برا يقولون مش عاوزين لبن escape

[معماري قطري]

ههههههه غلطة مطبعية عمي وبعدين لا تقعد تتصيد
لي ترى ادعي عليك وانضل سيارتك وتوقف في النقعة
بعدين الثوب مربوط على الخصر في الماي وتنظف البلكات
وأمر مسرع حذاك علشان ينطش عليك الماي
أوعك هاه

:funny:

نتعلم ونستفيد يا اخوي مثل العصا وعصى .. الأُولى للتلشط والثانية فعل العصيان

[naklan]

نتعلم ونستفيد يا اخوي مثل العصا وعصى .. الأُولى للتلشط والثانية فعل العصيان

طبعا ما كتبت من باب الدعابة بغيت أضحكك واضحك معاك
عيوني باردة وما منها شر ما عليك واذا دعيت بادعيلك بطولة العمر
وهذي حبة على رأسك تشرب شاي متشرب كباية شاي
تحياتي شيخنا معماري