شوركم وهداية الله

[الغريب70]

السلام عليكم ورحمة الله
بغيت رايكم ومساعدتكم في موضوع وهو تبديل بانيو الحمام (وانتو بكرامه)
وين الاقي حد مختص او شركة في الامور هذي
وجزاكم الله خير

[معماري قطري]

كنت مركب جكوزي لغرفة العيال من شبيب وعلي العطية ما استعملوه الا أول الأيام وأهملوه وتعطل واستوى يجمع وصخ مثل ما يقولون .. أثناء سفري غيروه لنوع عادي وبتبليط من الجنب .. كشكل طلع مقبول لكن بدت تطلع روائح ولا ادري شسوى اللي يركب مع إن قبل كل شيء زين

نصيحتي اهتم تحصل حد يركب زين وحاول تشوف رداد اللي يغلق فتحة الصرف عن الروائح والا نوعية بي تراب مناسبة فيها الغطاء اللي يفتح للماي ويسكر للهواء الراجع

انا افكر في بايبات أكبر لو بابني مرة ثانية بس أتوقع مقاس الفتحات الأساسية كلها 2 انش أو 1.5 .. المشكلة الحلول صعبة لتجمع الشعر والروائح اللي تنتج من هذي الأوساخ اللي تسد المجاري الا بتسليكها من وقت لوقت

[الغريب70]

هلا اخوي معماري قطري وشاكر لك سرعة التجاوب .
بس ياخوك انا ما قلت اني بركب جاكوزي انا بس ابي ابدل البانيو الضيق بواحد اوسع واريح يتناسب مع وضعي الصحي لاني حركتي مب متزنه باستمرار.
فالمقصد هو اني ادور محل مختص او عامل عتده خبره في الاعمالل هذي .
وجزاك الله خير على الرد .

[معماري قطري]

هلا اخوي معماري قطري وشاكر لك سرعة التجاوب .
بس ياخوك انا ما قلت اني بركب جاكوزي انا بس ابي ابدل البانيو الضيق بواحد اوسع واريح يتناسب مع وضعي الصحي لاني حركتي مب متزنه باستمرار.
فالمقصد هو اني ادور محل مختص او عامل عتده خبره في الاعمالل هذي .
وجزاك الله خير على الرد .

وانا ما قلت ركبت جكوزي قلت تم تغييره وتركيب بانيو وذكرت المشاكل اللي ممكن تتعرض لها حتى تحتاط

الله يشفيني ويشفيك حتى انا احصل صعوبة في النزول في الحوض .. الحل الأفضل لك تطلب النوع اللي بباب تدخل وتقعد فيه وتصك الباب وتترسه ماي .. يكون غزير والماي يغطي لين الصدر وانت تكون قاعد مثل الكرسي .. لو تبيه يجيبونه طلبية من اسبانيا

[الغريب70]

ماعليك شر ياخوك والله يعضونا وياك بجنة عرضها السموات والارض .
معليه استحملني شوي شكلي ثقلت عليك .
هلل فيه محل تنصحني فيه يعدل حمامي واكون منون لك لاني ضايع ومب عارف اتصرف ..
وجزاك ربي كل خير

[معماري قطري]

ماعليك شر ياخوك والله يعضونا وياك بجنة عرضها السموات والارض .
معليه استحملني شوي شكلي ثقلت عليك .
هلل فيه محل تنصحني فيه يعدل حمامي واكون منون لك لاني ضايع ومب عارف اتصرف ..
وجزاك ربي كل خير

أفراد فيه كثيرين ومن شوي مكلمني فورمان زين بارسل لك رقمه خاص أكيد يعرف ناس وعنده حد يسوي .. والمقاولين هذي شغلتهم وأعرف واحد كذلك مختص بس مسافر الحين