موقف في صالون نسائي في السد

[brwnzya]

السلام عليكم ورحمه الله
اليوم الثلاثاء الساعه 5:20 دخلت صالون نسائي في السد الا الحريم موجودين بالصالون والموظفات و واقف في نص الصالون عامل اسيوي استغربت قلت لهم شنو هي ليش داخل والحريم موجودين ردت على موظفه الاستقبال جاي يصلح الله يعزكم الحمامات و صيانه حق بعض الشغلات في الصالون !!! استغربت قلت لها وليش ما يجي قبل لا يفتح الصالون او بعد مايسكر شلون واقف في النص والحريم موجودين قالت اللحين بيخلص اتصلت علي حمايه المستهلك على الرقم 8005000 رد علي موظف قلت لها اعند سؤال هو مسموح لعامل صيانه رجال يدخل صالون نسائي اوقات الدوام و الزباين موجودين قال لي عادي هي اداره الصالون تحدد متى يدخل العامل !!! نعم شلون مافي ضوابط و لا في لائحه تحدد متى يدخل العامل هي كلام في الذمه ا!!! شلون رحال يدخل صالون حريم والحريم موجودين

[Rider]

للاسف اختي أغلبية النساء يشوفون العمال والسائقين مب رجال لكن خل تشوف قطري نقلب حالها

[naklan]

أخنى ما سئلتي شالمشكلة يمكن مشكلة ما تتاجل
للامانة المفروض ما يدش رجل في أوقات دوام الصالون
واذا فيه إصلاح يكون بعد انتهاء الدوام

[sara jsm]

اختي يمكن كان في شي ضروري ومستعجل ...
فالافضل انج تتركين المكان لين يروح ..

[Dana’1]

اذا فيه شي ضروري ،،يغلق للصيانه وتكتب ملاحظه وتعلق على باب الصالون و يحددون وقت مباشرة العمل من جديد... ماهي صعبه.

[CH Engineer]

عادي الي دخلته فلبينية او مديرة المكان غالبا مب محجبه ولا تهمها هالسوالف

[عطر فرنسي]

للاسف اختي أغلبية النساء يشوفون العمال والسائقين مب رجال لكن خل تشوف قطري نقلب حالها


كلام صحيح 100%

[معماري قطري]

انا شفت عمال شلة داخلين مدرسة بنات ثانوية والسالفة من حول 24 سنة وكانت المدرسة لها أيام بادية الدراسة فيها والعمال يمرون الساحة وكل بنت تمشي حولهم .. يوم شفتهم داخلين تجرأت ودخلت وراهم انادي زوجتي اللي كانت مدرسة هناك وكان الوقت قبل عصر الجوال

[معماري قطري]

فيه صالون قرب بيتنا فتحوا باب من ورا وسووا غرف من الشينكو في الخلف ومن فترة لفترة أشوف عامل يدخل من الباب

[ورد الدوحه]

للاسف اختي أغلبية النساء يشوفون العمال والسائقين مب رجال لكن خل تشوف قطري نقلب حالها

هههههههههههههههه

[كاشف الغطاء]

للاسف اختي أغلبية النساء يشوفون العمال والسائقين مب رجال لكن خل تشوف قطري نقلب حالها

الحين حتى مع القطري يا كثرهم اللي مب مفتكرين

[Rider]

الحين حتى مع القطري يا كثرهم اللي مب مفتكرين

اتفق معاك لكن البعض اما الغير قطري كانه أله

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه


تذكرت عائشة رضي الله عنها

كانت ما تضع حجابها وهي في بيتها استحياء من عمر رضي الله عنه وهو مدفون في قبره !!!!


فيهم حياء عجيب سبحان الله !

[راجي الْعفو]

بخصوص الموضوع

قدمي شكوى للجهة المختصة