صبحكم لله بلخير ....صباح رياضه

[الامير]

سلام عليكم شباب بدخل ف الموووووضوع ع طول
انا الحمدلله رياضي ع قدحالي :)بس كنت ف الشيك وفي مصحه الحمدلله مافيني شي بس للتخسيس والاستجمااام وكانت في رياضه اسمها trxوعجبتني واجد اتمنى اذا احد منكم يدلني عليها ف قطر اذا ف نادي يعطي حصص ويكون متمكن منها ياليت ,,,,,
وتحياتي لكم

[@north_star@]

في أكثر من مكان عندهم هالرياضة منها power gym وعندك ox fitness في جيت مول

[معماري قطري]

عندي نصيحة رياضية خفيفة للكثيرين وخصوصاً الكسولين

بعض التمارين السريعة اللي تاخذ 5 دقايق على السريع تفيد الجسم كثيراً وتقوي القلب والرئة وباقي أجهزة الجسم خصوصاً الأوعية الدموية .. كذلك تحسن المزاج

من أهمها المشي .. لو جيت البيت تعودت آخذ لفة في الحوش وأوقات اطلع عند الباب أشوف الزراعة الخارجية وأوقات امشي شوي صوب الشارع العام وأرجع .. بحدود 10 دقائق وبثيابي العادية

ثاني شيء التمارين السريعة ويقدر يسويها الواحد وقت الوضوء بسرعة بحيث يسوي القرفصاء 10 مرات أو 20 مرة تحرق سعرات حرارية كثيرة وتخليه يتنفس بسرعة وقلبه يدق سريع .. جربوها لكن بالتدريج

تمرين حلو تعودت عليه لعضلات الفخذ والركبة والكتفين مع الظهر وهو الوقوف مستقيم ورفع الركبة لمستوى مفصل الفخذ مع اليد المخالفة للأعلى ثم انزالها ورفع الرجل الثانية مع اليد المخالفة الأُخرى

التمارين البسيطة ما تضر وسريعة لكن يبغي لها أن تعتبر عادة يومية ويعملها الانسان كل وقت

[معماري قطري]

نسيت تمرين التنفس .. بطرد الهواء كله عن طريق الفم والصبر ثواني ثم التنفس عن طريق الأنف وبأقصى كمية هواء ثم كتم النفس ثواني ثم تكرار العملية

[راعي الكورفت]

ماعدا اني رياضي مخضرم لكن هذي
اول مره اسمع عن رياضه اسمها trx :rolleyes2:

[بوNasser]

ماعدا اني رياضي مخضرم لكن هذي
اول مره اسمع عن رياضه اسمها trx :rolleyes2:


السلام عليكم ورحمة الله

وانا بعد اول مره اسمع بهالرياضة الظاهر فاتنا القطار وهرمنا.

تفضل هذي بعض تمارين ال تركس من النت

وكلمة تركس TRX اختصار ل Total Resistance exercises او بالترجمة الحرفية = " تمارين المقاومة التامة او الكاملة" = .

https://i.pinimg.com/originals/ac/a8/3d/aca83ddf37875c5dc43d07955fb01104.jpg

https://booksworkout.com/wp-content/uploads/2015/11/trx-workouts_514.jpg

https://amp.businessinsider.com/images/5a05c18c3dbef48d0e8b5195-750-563.png

وحسب ويكيبيديا مخترع هالنظام والتمارين واحد من البحرية الامريكية.

تحياتي للجميع

[بوخميس]

اشتر هالربلات وعلقها في البيت وتمرن

[معماري قطري]

اشتر هالربلات وعلقها في البيت وتمرن

انا شريتها ومعاها عدة ثانية وقطيتها اشوفها واصد عنها

منتشرة وايد في كل محل رياضة ونوعيات منها