اعفاء القطريين من الشنغن [الأرشيف] - منتديات شبكة الأسهم القطرية

البيروني

06-11-2018, 09:23 PM

هل توجد اخبار جديدة في موضوع اعفاء القطريين من تأشيرة دول الشنغن وهل يوجد تحرك لتوقيع اتفاقية مع الاتحاد الأوروبي

وين المشكلة بالحصول على الشنغن ؟ دول قطر متقدمة حضاريا و شعب متعلم و اقتصاد قوي فليش التأخير ؟

و صحافتنا لماذا لا ترتب حوارات مع المختصين للإيضاح و نقل الصورة كل فترة لمعرفة اين وصلنا بهذا الجانب

naklan

06-11-2018, 10:01 PM

حتى لو فيزا على الأقل تصير مدة طويلة نفس امريكا ل 10 سنوات
او اتفاقية بدون فيزا على الأقل ل 3 ايام تكون محطات للراحة حق الي
بيروح امريكا أوكندا او فيزا في المطار وما تتعطل تدفع وتفيز وتمشي
فيه بلدان مثل بروناي على كمبوديا تروح الكونتر وتدفع 20 دولار
وانتهت السالفة لبساطتها ان كانت بفيزا او بدون ما تفرق
أوربا مصيف سياحي ومعبر مهم لامريكا

ALJokar

07-11-2018, 12:00 AM

معماري قطري

07-11-2018, 12:48 AM

لو يعفونا من مذلة الحصول على الفيزا أهون

وعن المعلومات الأمنية ما اعتقد قطر تعارض وكل مقيم تمشي عليه قوانين دولته أما المواطنين فكانوا مسموح لهم بدون فيزا في السابق حتى أيام الحريم بدون صورة في الجواز .. كان جواز والدتي مختوم شكثر وسئلتها شهالسفرات من ورانا قالت جوازي سبيل ياخذونه كل ناس يبون يودون وحدة معاهم تحتاج لفيزة

qatari911

07-11-2018, 07:40 AM

اتوقع ان قطر ماتبي هالشي من الاساس لمصلحة امنية.
لوتعفى من شنغن يعني كل دول شنغن تتطلع ع بيانات امنية خاصة لكل المواطنين والمقيمين.
وهالشرط ما اعتقد كل دول ترضى فيه لان معلومات خاصة جدا.

خلاص المفروض بعد نعامل ماما امريكا بالمثل نقعد نتبهدل على الفيزا وبالاخير ياتطلع او يتم الرفض
مع ان الامريكي ياخذ فيزته من المطار ولمدة 10 سنوات
المفروض امريكا تسوي مثل قطر والا بعد فيها شي وامريكا ماترضى واحنا لازم نرضى يتعطفون علينا ويوفقون على الفيزا؟؟!!

ابو عبدالله.

07-11-2018, 07:48 AM

فيزا فرنسا يعطونك لمده طويله. طول فتره صلاحيه الجواز

SouthK

08-11-2018, 08:10 AM

خلاص المفروض بعد نعامل ماما امريكا بالمثل نقعد نتبهدل على الفيزا وبالاخير ياتطلع او يتم الرفض
مع ان الامريكي ياخذ فيزته من المطار ولمدة 10 سنوات
المفروض امريكا تسوي مثل قطر والا بعد فيها شي وامريكا ماترضى واحنا لازم نرضى يتعطفون علينا ويوفقون على الفيزا؟؟!!

هذي امريكا ..

qatari911

08-11-2018, 08:18 AM

هذي امريكا ..

وخير ياطير امريكا
ترى احنا السبب في الاجراءات الي تصير لو نعاملهم بالمثل كان فيه اعتبار
لكن الشكوى لله
اذا انت وغيرك وحتى الي حولي يقولون هذي امريكا معناتها مالنا قيمه
الله يهني سعيد بسعيده
للعلم مارحت للامريكا ولا بروح الله يخلي اليابان والدول الي فيزتها سهله

راعي الكورفت

11-11-2018, 05:21 PM

الشينغن بسرعه تطلع.
انا طلعتها في يوم واحد فقط.
وصلاحيتها مدة انتهاء جواز سفرك.

ALJokar

12-11-2018, 01:46 AM

حاليا نزل تعميم من الخارجية اعتقد موجهه للخطوط القطرية بخصوص فيزا شينغن
اذا المسافر مسوي فيزته جديدة مثلا ماسافر فيها قبل ويبي يسافر اي دولة غير الي مصدرة له فيزته ماتسمح له الخطوط القطرية.
يعني مثلا مسوي ف الفرنسية ويبي يروح لاسبانيا مايصير لازم ينزل ف الدولة الي مصدرة الفيزا بعدين يروح لوجههته.

بوخالد911

12-11-2018, 01:57 AM

يا زززززين تأشيرة بانكوك.

البيروني

12-11-2018, 08:27 AM

الشينغن بسرعه تطلع.
انا طلعتها في يوم واحد فقط.
وصلاحيتها مدة انتهاء جواز سفرك.

متى غيروا الاجرائات
الي اخبرة بالسفارة الألمانية يبون حجز فندق و تأمين و تذاكر و طلب تعبئة بيانات و تصوير و رسوم و يعطونك بعد كم يوم تستلم الفيزة
سالفة طويلة عريضة و خصوصا اذا معاك العائلة و بالصيف زحمة و انتظار و شيء متعب
و سمعت بعد قاموا يطلبون كتاب حساب من البنك ان عندك رصيد

وحيد-الشوق

13-11-2018, 09:26 PM

الشينغن بسرعه تطلع.
انا طلعتها في يوم واحد فقط.
وصلاحيتها مدة انتهاء جواز سفرك.

يوم واحد ماشاء الله من متى هالكلام ياخوي!!!!

مرتبش

14-11-2018, 10:13 AM

متى غيروا الاجرائات
الي اخبرة بالسفارة الألمانية يبون حجز فندق و تأمين و تذاكر و طلب تعبئة بيانات و تصوير و رسوم و يعطونك بعد كم يوم تستلم الفيزة
سالفة طويلة عريضة و خصوصا اذا معاك العائلة و بالصيف زحمة و انتظار و شيء متعب
و سمعت بعد قاموا يطلبون كتاب حساب من البنك ان عندك رصيد

اطلبوا مني شهادة راتب ( ما اذكر هل ممكن استبدالها بكشف الحساب ).. وفعليا جاتني موافقة الفيزا بعد يومين...
المشكلة في مواعيد المقابلات او تلقي طلبات الفيز.. خذت فيزتي في غير وقت الصيف وكان اقل موعد بعد اسبوعين.
المقابلة مالها داعي لانها فقط تسليم الطلب والجواز ودفع الرسوم ( هذا ممكن يصير اونلاين بكل سهولة وراحة وفلوسهم واصلتهم مضمونة بالبطاقة) وتبصيم وتصوير وهذا يصير في المطار بكل الاحوال.
يعني شغلهم كله مالي داعي .. مواعيد وكل افراد العائلة يحضرون والمكان صغير . يسوون مثل بريطانيا وخلاص

البيروني

14-11-2018, 11:19 AM

اطلبوا مني شهادة راتب ( ما اذكر هل ممكن استبدالها بكشف الحساب ).. وفعليا جاتني موافقة الفيزا بعد يومين...
المشكلة في مواعيد المقابلات او تلقي طلبات الفيز.. خذت فيزتي في غير وقت الصيف وكان اقل موعد بعد اسبوعين.
المقابلة مالها داعي لانها فقط تسليم الطلب والجواز ودفع الرسوم ( هذا ممكن يصير اونلاين بكل سهولة وراحة وفلوسهم واصلتهم مضمونة بالبطاقة) وتبصيم وتصوير وهذا يصير في المطار بكل الاحوال.
يعني شغلهم كله مالي داعي .. مواعيد وكل افراد العائلة يحضرون والمكان صغير . يسوون مثل بريطانيا وخلاص

فية بعد مشكلة انا عانيت منها غير كل هالاجرائات المعقدة
على ما اذكر جيت العمارة حقت الفيزا بالدائري تقريبا ثلاث او اربع مرات عشان اخلص هالاجرائات لان اجرائاتهم تحتاج ريحة و ردة
مستحيل تحصل موقف كنت انتظر اقل شيء ساعة لما يجيني حظ و واحد يطلع و اقعد بدالة و اذا فكرت تركن موترك بعيد يعني تمشي عشر دقايق او ربع ساعة فعندك الاهل حزات و الجو حر شديد فمستحيل الا تنتظر ماعندك أي خيار

الروقي

14-11-2018, 12:52 PM

للاسف دولة مجاوره من دول الحصار الامارات معفاه من الشنغن من زمان واعفوهم من كندا واليابان ودول عديده وجوازهم يعتبر من اقوى الجوازات في العالم وفي الطريق اعفاء من استراليا وامريكا بالرغم من انها معروفه بدولة الشر ودولة المؤامرات ولكن الغرب راضين عليهم ونحن احق اولا لعلاقاتنا المميزه ولاستثماراتنا بالمليارات في هذه الدول استثمارات كبيره جدا لها وزن وايضا السمعه الحسنه سواء للبلد او الشعب القطري المعروف باخلاقه العاليه وقوة الشراء لديه وشعب مسالم ولكن لاافه كل مره يزيدون الشروط للحصول على الفيز وخاصة المانيا قبل الحصار كانت اسهل والان يطلبون مطالب تعجيزيه مالها داعي وللاسف لااعلم لماذا لايتم المحاوله للحصول والضغط عليهم والفائده لهم اكثر منا لانهم هم المستفيدين

راعي الكورفت

14-11-2018, 06:18 PM

متى غيروا الاجرائات
الي اخبرة بالسفارة الألمانية يبون حجز فندق و تأمين و تذاكر و طلب تعبئة بيانات و تصوير و رسوم و يعطونك بعد كم يوم تستلم الفيزة
سالفة طويلة عريضة و خصوصا اذا معاك العائلة و بالصيف زحمة و انتظار و شيء متعب
و سمعت بعد قاموا يطلبون كتاب حساب من البنك ان عندك رصيد

والله يخوك انا رحت للفرنسيه.

كل الي تحتاجه تروح مكتب سفريات وتقول له احجز لي موعد مع السفاره الفرنسيه ومنها عطني الاوراق والمستندات المطلوبة عشان الشينغن فرنسا.

طبعا الي بيعطيك.
حجز تذكره وهمي.
مع التأمين وحجز فندق أيضا وهمي.

تاخذ الورق الله يسلمك وتوديه للجيده سكوير الطابق الثاني.

تدفع 400 ريال وبياخذون منك البصمات والصور.

واليوم الثاني تاخذ جوازك مختوم عليه شينغن حتى انتهاء صلاحية جواز سفرك.

راعي الكورفت

14-11-2018, 06:20 PM

يوم واحد ماشاء الله من متى هالكلام ياخوي!!!!

طلعته في يوم.
وابشرك من دون واسطه :ok:

الروقي

14-11-2018, 06:28 PM

طلعته في يوم.
وابشرك من دون واسطه :ok:

المشكله الالمانيه متشدده وشددوا بعد الحصار وزحمه وتطول ولايعطونك الاثلاث سنين الفرنسيه افضل منهم معامله وبسرعه ويعطونك على صلاحية الجواز بس المشكله اذا تبي تروح المانيا وتاخذ فرنسيه الالمان متشددين والخارجيه طلعوا بيان ان المسافر ياخذ فيزة البلد المتوجه لها المفروض الخارجيه يفهمون هذولا الالمان ويحاولون انهم يسهلون على القطريين وحنا مو من كثرنا وبعدين المصلحه لهم احنا رايحين نصرف ملايين في بلادهم والمشكله انهم يتمننون علينا وش معنى الامارات معفين على مافيها من الشر ووالضرر والمشكل وخاصة عليها ملاحظات في حقوق الانسان وسجن الناس وتعذيبهم لكن الاوروبيين والغرب وراء مصلحتهم بغض النظر عن اي شي

راعي الكورفت

16-11-2018, 03:44 PM

المشكله الالمانيه متشدده وشددوا بعد الحصار وزحمه وتطول ولايعطونك الاثلاث سنين الفرنسيه افضل منهم معامله وبسرعه ويعطونك على صلاحية الجواز بس المشكله اذا تبي تروح المانيا وتاخذ فرنسيه الالمان متشددين والخارجيه طلعوا بيان ان المسافر ياخذ فيزة البلد المتوجه لها المفروض الخارجيه يفهمون هذولا الالمان ويحاولون انهم يسهلون على القطريين وحنا مو من كثرنا وبعدين المصلحه لهم احنا رايحين نصرف ملايين في بلادهم والمشكله انهم يتمننون علينا وش معنى الامارات معفين على مافيها من الشر ووالضرر والمشكل وخاصة عليها ملاحظات في حقوق الانسان وسجن الناس وتعذيبهم لكن الاوروبيين والغرب وراء مصلحتهم بغض النظر عن اي شي
عادي يا اخوي.

اخذ الشنغن من الفرنسيه.
اجراءاتهم سهله جدا.

مدام معاك الشنغن.

ادخل فرنسا وطير إلى المانيا.
او اركب القطار وبتكون في برلين.

الامور طيبه.

البيروني

16-11-2018, 08:28 PM

عادي يا اخوي.

اخذ الشنغن من الفرنسيه.
اجراءاتهم سهله جدا.

مدام معاك الشنغن.

ادخل فرنسا وطير إلى المانيا.
او اركب القطار وبتكون في برلين.

الامور طيبه.

ياليت يا كورفت الأمور مثل ما تظن
يقولك فيه ناس ردوهم من المطارات عقب ما وصلوا المانيا لان فيزتهم دخول فرنسا
يعني ممكن تمشي و ممكن يتشددون و ترجع من مطارهم
و سمعنا ان القطرية قامت تشترط فيزه دخول على نفس البلد عشان مثل هالحالات
و بعد يقولك ان المطار الي يستقبل أي حالة فيزة دخول غير صحيحة يحق لها الغاء الفيزة و بعد منع حصول المسافر مستقبلا على أي فيزة من أي بلد من دول الشنغن لان المسافر خالف الشروط ويحطوها علية كشخص غير مرغوب فية

naklan

16-11-2018, 09:08 PM

معماري قطري

17-11-2018, 12:29 AM

الصراحة الدول الأوربية تتعامل بتعالي وكبرياء علىينا
كقطريين رحم الله ايّام فينا الفيزة في المطار انا الوم الخارجية
القطرية يضعون حد لهذه البلدان باتفاقيات خاصة وان
علاقاتنا قوية مع معضم الدول الأوربية والقطري
سائح يدفع بسخاء وليس عامل او طالب
إقامة متى بيفهمون

ما يمهم لأن فيزتهم مضمونة وغالبيتهم جوازاتهم دبلوماسية ما يحتاجون فيزة .. واستوت الفيزة على البقية بزنس

ya3coub

17-11-2018, 09:57 AM

ياليت يا كورفت الأمور مثل ما تظن
يقولك فيه ناس ردوهم من المطارات عقب ما وصلوا المانيا لان فيزتهم دخول فرنسا
يعني ممكن تمشي و ممكن يتشددون و ترجع من مطارهم
و سمعنا ان القطرية قامت تشترط فيزه دخول على نفس البلد عشان مثل هالحالات
و بعد يقولك ان المطار الي يستقبل أي حالة فيزة دخول غير صحيحة يحق لها الغاء الفيزة و بعد منع حصول المسافر مستقبلا على أي فيزة من أي بلد من دول الشنغن لان المسافر خالف الشروط ويحطوها علية كشخص غير مرغوب فية

صحيح جدا و هاي السبب الرئيسي للتشديد و بنائا عليه حتى صالر في عتب للفرنسية لسهولة الحصول على الشنغن.

أغلب اللي يروحون علااج يبتدون بألمانيا بس يستخسرون انه ينزلون بفرنسا و هاي اللي سبب الأزمة بس كله غلط, لين صارو يرجعون الناس اهني تغير الوضع.

صحيح و صارت اتوقع لأثنين قطريين.

الواحد ببساطة يسئل عن القوانين و يروح بإحترام مو يخربها, اذا من اول وصوله مخالف شنو بيسوي عندهم هاي التفكير انه الشخص ما كلف على نفسه يقرى الممنوع و المسموح او يسمع للسفارة او ممثلها انه لازم يدخل اول دخله من ذيج الدولة.

كلها دخله وحدة من السفارة اللي طلعت الفيزا منها و بعديك كيفك تلف اوروبا كاملة و ترجع قطر و ترد تروح من اي مطار عادي

البيروني

17-11-2018, 11:42 PM

الصراحة الدول الأوربية تتعامل بتعالي وكبرياء علىينا
كقطريين رحم الله ايّام فينا الفيزة في المطار انا الوم الخارجية
القطرية يضعون حد لهذه البلدان باتفاقيات خاصة وان
علاقاتنا قوية مع معضم الدول الأوربية والقطري
سائح يدفع بسخاء وليس عامل او طالب
إقامة متى بيفهمون

هل تم تقديم طلب للاتحاد الأوروبي ؟ وهل جاء منهم رد ؟
بالكويت الصحافة عندهم تتحرك افضل و تناقش المخولين بهذا الشأن ويقولوا بأن الملف الكويتي سيكون الأول المرشحة بالاعفاء عندما يفتح الملف في 2019

naklan

18-11-2018, 12:28 AM

هل تم تقديم طلب للاتحاد الأوروبي ؟ وهل جاء منهم رد ؟
بالكويت الصحافة عندهم تتحرك افضل و تناقش المخولين بهذا الشأن ويقولوا بأن الملف الكويتي سيكون الأول المرشحة بالاعفاء عندما يفتح الملف في 2019

بادر اخوي البيروني أرسل رسالة لوزير الخارجية على
ايميله او إيميل الخارجية وبتنفع نفسك وربعك اذا عليهم
جوازات دبلوماسية وطيارات خاصة وما حد من الشعب
كلمهم بادر نسق رسالة مؤثرة تحرك ضمير الوزير

البيروني

18-11-2018, 10:12 PM

بادر اخوي البيروني أرسل رسالة لوزير الخارجية على
ايميله او إيميل الخارجية وبتنفع نفسك وربعك اذا عليهم
جوازات دبلوماسية وطيارات خاصة وما حد من الشعب
كلمهم بادر نسق رسالة مؤثرة تحرك ضمير الوزير

الصحافة تأثرها اكبر وهي الجهه الصحيحة المفترض انها تناقش و تحاور و تحاول ان تنقل المعلومة
ما اظن ان فية عدم اهتمام من المسؤلين بهذا الجانب واعتقد ان فية متابعة لأن هذا الشيء يخدم الوطن سياسيا و خصوصا لمواجهه الحصار و كسب مزيد من النجاحات و تحقيق الشراكة بين قطر و مجموعة الدول الأوروبية
ولهذا نتمنى من الصحافة متابعة هذا الشأن لنكون على اطلاع و معرفة كل ما يستجد بهذا الشأن

naklan

21-11-2018, 11:02 AM

https://mobile.twitter.com/aromaihi/status/1065140532408696832

يالله مبرووووك عليكم وجهة جديدة بدون فيزا
الأرجنتين
وان شاء يتبعها وجهات اخرى

ضوى

24-11-2018, 09:53 PM

عادالارجنتين كلش مالها سالفه بفيزا والا بدون

naklan

24-11-2018, 10:09 PM

عادالارجنتين كلش مالها سالفه بفيزا والا بدون

كل البلدان مهمة حتى وان كانت جزر صغيرة
وحتى وان كانت الأرجنتين وجهة لسياحة بسيطة
يوجد رجال اعمال لهم مصالح فيها رايي حتى
سيرلانكا ونيبال مهمة ان تكون بدون فيزا
وسيضاعف لرصيد الجواز القطري
دول جديدة

معماري قطري

25-11-2018, 08:04 AM

عادالارجنتين كلش مالها سالفه بفيزا والا بدون

صادقة والله دولة شبعد حتى لو يعطون الجنسية محد بيروح

وزارة الخارجية تشيطروا على المفترين والقراب اللي لكم معاهم علاقات قوية اوروبا ودول الشنغن .. دولة جارة فضحونا مواطنينها واحد نازل الشارع بوزار وفانيلة ويدخلونهم فيزة - لس